5341

Tibetan	རྣམ་པར་གྲོལ་བའི་སྐྱེ་མཆེད་ལྔ།
Tibetan Alternate
Tibetan Definition	དེ་ཡང་། ཆོས་མངོན་པ་མཛོད་ཀྱི་འགྲེལ་བཤད་ཉེ་བར་མཁོ་བའི་མཛོད་གནས་དང་པོ་ལས་བྱུང་བ་སྟེ། 1.འདི་ལ་སྟོན་པའམ་ཚངས་པར་སྤྱོད་པ་མཁས་པ་བླ་མའི་གནས་ལྟ་བུ་གཞན་གང་ཡང་རུང་བ་ཆོས་སྟོན་པར་བྱེད་དེ། ། ཇི་ལྟ་ཇི་ལྟར་སྟོན་པའམ་ཚངས་པར་སྤྱོད་པ་བླ་མའི་གནས་ལྟ་བུ་གཞན་གང་ཡང་རུང་བ་ཆོས་སྟོན་པར་བྱེད་པ་དེ་ལྟ་དེ་ལྟར་ཆོས་རྣམས་དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པར་འགྱུར་རོ། ། དོན་སོ་སོ་ཡང་དག་པར་རིག་པ་དེ་ལ་ཆོས་སོ་སོ་ཡང་དག་པར་རིག་པའི་དགའ་བ་སྐྱེ་བར་འགྱུར་རོ། ། དགའ་བ་དེ་ལ་རབ་ཏུ་དགའ་བ་སྐྱེ་བར་འགྱུར་རོ། ། ཡིད་དགའ་ན་ལུས་ཤིན་ཏུ་སྦྱངས་པར་འགྱུར་རོ། ། ལུས་ཤིན་ཏུ་སྦྱངས་ན་བདེ་བ་མྱོང་བར་འགྱུར་རོ། ། བདེ་བ་མྱོང་ན་ཏིང་ངེ་འཛིན་ལ་མཉམ་པར་འཇོག་པར་འགྱུར་རོ། ། མཉམ་པར་གཞག་པ་ན་ཇི་ལྟ་བ་བཞིན་ཤེས་པ་དང་། ཡང་དག་པ་ཇི་ལྟ་བ་བཞིན་མཐོང་བར་འགྱུར་རོ། ། ཡང་དག་པ་ཇི་ལྟ་བ་བཞིན་ཤེས་ཤིང་ཡང་དག་པ་ཇི་ལྟ་བ་བཞིན་མཐོང་ན་སྐྱོ་བར་འགྱུར་རོ། ། སྐྱོ་ན་འདོད་ཆགས་དང་བྲལ་བར་འགྱུར་རོ། ། འདོད་ཆགས་དང་བྲལ་ན་གྲོལ་བར་འགྱུར་རོའོ། ། 2.གང་ལས་དགེ་སློང་ངམ་དགེ་སློང་མ་དེའི་དྲན་པ་ཉེ་བར་མི་གནས་པ་དྲན་པ་ཉེ་བར་གནས་པར་འགྱུར་རོ། ། སེམས་མཉམ་པར་མ་བཞག་པ་མཉམ་པར་འཇོག་པར་འགྱུར། ཟག་པ་ཡོངས་སུ་མ་ཟད་པ་ཡོངས་སུ་ཟད་པར་འགྱུར་ཏེ། རྗེས་སུ་མ་ཐོབ་པའི་མྱ་ངན་ལས་འདས་པ་གྲུབ་པ་དང་བདེ་བ་བླ་ན་མེད་པ་ཐོབ་པར་འགྱུར་ཏེ། གཞན་ཡང་དགེ་སློང་སྟོན་པའམ་ཚངས་པར་སྤྱོད་པ་མཁས་པ་བླ་མའི་གནས་ལྟ་བུ་གཞན་གང་ཡང་རུང་བ་ཆོས་སྟོན་པར་མི་བྱེད་མོད་ཀྱི། ཇི་ལྟར་ཐོས་པ་དང་། ཇི་ལྟར་མཐོང་བ་དང་ཐོབ་པའི་ཆོས་རྣམས་རྒྱས་པར་ཁ་ཏོན་བྱེད་དེ། ཇི་ལྟ་ཇི་ལྟར་ཐོས་པ་དང་། ཇི་ལྟར་མཐོང་བ་དང་། རྟོགས་པའི་ཆོས་རྣམས་རྒྱུས་པར་ཁ་ཏོན་དུ་བྱེད་པ་དེ་ལྟ་དེ་ལྟར་ཆོས་རྣམས་ལ་དོན་སོ་སོ་ཡང་དག་པར་རིག་པར་འགྱུར་རོ། ། ཆོས་སོ་སོ་ཡང་དག་པར་རིག་པར་འགྱུར་རོ། ། ཆོས་སོ་སོ་ཡང་དག་པར་རིག་པ་དང་། དོན་སོ་སོ་ཡང་དག་པར་རིག་པ་དེ་ལ་ཆོས་སོ་སོ་ཡང་དག་པར་རིག་པ་དང་དོན་སོ་སོ་ཡང་དག་པར་རིག་པ་དང་དོན་སོ་སོ་ཡང་དག་པར་རིག་པའི་དགའ་བ་སྐྱེ་བར་འགྱུར་རོ། ། དགའ་བ་དེ་ལ་རབ་ཏུ་དགའ་བ་སྐྱེ་བར་འགྱུར་བ་ནས་འདོད་ཆགས་དང་བྲལ་བ་དང་གྲོལ་བའི་བར་དུ་སྟེ། 3.གང་ལ་དགེ་སློང་ངམ་དགེ་སློང་མ་དེའི་དྲན་པ་ཉེ་བར་མ་གནས་པ་དྲན་པ་ཉེ་བར་གཞག་པར་འགྱུར། སེམས་མཉམ་པར་མ་བཞག་པ་མཉམ་པར་གཞག་པར་འགྱུར། ཟག་པ་ཡོངས་སུ་མ་ཟད་པ་ཡོངས་སུ་ཟད་པར་འགྱུར་ཏེ། རྗེས་སུ་མ་ཐོབ་པའི་མྱ་ངན་ལས་འདས་པ་གྲུབ་པ་དང་བདེ་བ་བླ་ན་མེད་པ་ཐོབ་པར་འགྱུར་རོ། ། གཞན་ཡང་དགེ་སློང་སྟོན་པའམ་ཚངས་པར་སྤྱོད་པ་མཁས་པ་བླ་མའི་གནས་ལྟ་བུ་གཞན་གང་ཡང་རུང་བ་ཆོས་སྟོན་པ་ཡང་མི་བྱེད་ལ་ཇི་ལྟར་ཐོས་པ་དང་། ཇི་ལྟར་རྟོགས་པ་དང་། ཁོང་དུ་ཆུད་པའི་ཆོས་རྣམས་རྒྱས་པར་ཁ་ཏོན་དུ་ཡང་མི་བྱེད་མོད་ཀྱི། ཇི་ལྟར་ཐོས་པ་དང་། ཇི་ལྟར་རྟོགས་པ་དང་། ཁོང་དུ་ཆུད་པའི་ཆོས་རྣམས་གཞན་དག་རྣམས་ལ་རྒྱུས་པར་ཡང་དག་པར་གསལ་བར་བྱེད་དེ། ཇི་ལྟ་ཇི་ལྟར་ཐོས་པ་དང་། རྟོགས་པ་དང་། ཁོང་དུ་ཆུད་པའི་ཆོས་རྣམས་གཞན་དག་ལ་རྒྱུས་པར་རབ་ཏུ་བྱེད་པ་དེ་ལྟ་དེ་ལྟར་དེ་དག་ལ་ཆོས་རྣམས་ལ་དོན་སོ་སོར་རིག་པ་དང་། ཆོས་སོ་སོར་རིག་པར་འགྱུར་ཏེ། དོན་སོ་སོར་རིག་པ་དང་། ཆོས་སོ་སོར་ཡང་དག་པར་རིག་པ་དེ་ལ་རབ་ཏུ་དགའ་བ་སྐྱེ་བ་ནས་འདོད་ཆགས་དང་བྲལ་བ་དང་གྲོལ་བའི་བར་དུ་འགྱུར་རོ། ། 4.གང་ལ་དགེ་སློང་ངམ་དགེ་སློང་མ་གནས་པ་དེའི་དྲན་པ་ཉེ་བར་མི་གནས་པ་དྲན་པ་ཉེ་བར་གནས་པར་འགྱུར། སེམས་མཉམ་པར་མ་བཞག་པ་མཉམ་པར་འཇོག་པར་འགྱུར། ཟག་པ་ཡོངས་སུ་མ་ཟད་པ་ཡོངས་སུ་ཟད་པར་འགྱུར་ཏེ། རྗེས་སུ་མ་ཐོབ་པ་མྱ་ངན་ལས་འདས་པ་གྲུབ་པ་དང་དབེན་པ་བླ་ན་མེད་པ་ཐོབ་པར་འགྱུར་རོ། ། གཞན་ཡང་དགེ་སློང་སྟོན་པའམ་ཚངས་པར་སྤྱོད་པ་མཁས་པ་གཞན་གང་ཡང་རུང་བ་ཆོས་སྟོན་པར་ཡང་མི་བྱེད། ཇི་ལྟར་ཐོས་པ་དང་། ཇི་ལྟར་རྟོགས་པ་དང་། ཇི་ལྟར་ཁོང་དུ་ཆུད་པ་རྒྱས་པར་ཁ་ཏོན་དུ་ཡང་མི་བྱེད། ཇི་ལྟར་ཐོས་པ་དང་། ཇི་ལྟར་རྟོགས་པ་དང་། ཇི་ལྟར་ཁོང་དུ་ཆུད་པའི་ཆོས་རྣམས་གཞན་དག་ལ་རབ་ཏུ་གསལ་བར་ཡང་མི་བྱེད་མོད་ཀྱི། ཇི་ལྟར་ཐོས་པ་དང་། ཇི་ལྟར་རྟོགས་པ་དང་། ཇི་ལྟར་ཁོང་དུ་ཆུད་པའི་ཆོས་རྣམས་གཅིག་ཏུ་དབེན་པར་སོང་སྟེ། དོན་སེམས་ཤིང་འཇལ་བ་དང་། ཉེ་བར་དཔྱོད་པར་བྱེད་དོ། ། ཇི་ལྟ་ཇི་ལྟར་ཐོས་པ་དང་། ཇི་ལྟར་རྟོགས་པ་དང་། ཇི་ལྟར་ཁོང་དུ་ཆུད་པའི་ཆོས་རྣམས་གཅིག་ཏུ་དབེན་པར་སོང་སྟེ། དོན་སེམས་ཤིང་འཇལ་བ་དང་ཉེ་བར་དཔྱོད་པར་བྱེད་པ་དེ་ལྟ་དེ་ལྟར་ཆོས་རྣམས་སོ་སོར་རིག་པ་དང་། དོན་སོ་སོར་རིག་པར་འགྱུར་ཏེ། ཆོས་སོ་སོར་རིག་པ་དང་། དོན་སོ་སོར་རིག་པ་དེ་ལ་རབ་ཏུ་དགའ་བ་སྐྱེ་བ་ན་འདོད་ཆགས་དང་བྲལ་བ་དང་གྲོལ་བའི་བར་དུ་འགྱུར་རོ། ། 5.གང་ལས་དགེ་སློང་ངམ་དགེ་སློང་མ་གནས་པ་དེའི་དྲན་པ་ཉེ་བར་མི་གནས་པ་ཉེ་བར་གནས་པར་འགྱུར་བ་ནས་རྗེས་སུ་མ་ཐོབ་པ་མྱ་ངན་ལས་འདས་པ་གྲུབ་པ་དང་། བདེ་བ་བླ་ན་མེད་པ་རྗེས་སུ་ཐོབ་པར་འགྱུར་བའི་བར་དུའོ། ། གཞན་ཡང་དགེ་སློང་སྟོན་པའམ་ཚངས་པར་སྤྱོད་པ་མཁས་པ་བླ་མའི་གནས་ལྟ་བུ་གཞན་གང་ཡང་རུང་བ་ཆོས་སྟོན་པར་ཡང་མི་བྱེད་ལ། ཇི་ལྟར་ཐོས་པ་དང་། ཇི་ལྟར་རྟོགས་པ་དང་། ཇི་ལྟར་ཁོང་དུ་ཆུད་པའི་ཆོས་རྣམས་རྒྱས་པར་ཁ་ཏོན་དུ་ཡང་མི་བྱེད་ལ། ཇི་ལྟར་ཐོས་པ་དང་། ཇི་ལྟར་རྟོགས་པ་དང་། ཇི་ལྟར་ཁོང་དུ་ཆུད་པའི་ཆོས་རྣམས་གཅིག་ཏུ་དབེན་པོར་སོང་སྟེ། དོན་སེམས་ཤིང་འཇལ་བ་དང་ཉེ་བར་དཔྱོད་པར་ཡང་མི་བྱེད་མོད་ཀྱི། ཏིང་ངེ་འཛིན་གྱི་རྒྱུ་མཚན་བཟང་པོ་གཞན་དང་གཞན་ལེགས་པར་རབ་ཏུ་འཛིན་པར་གྱུར་ཅིང་ཤིན་ཏུ་སྟེན་པར་བྱེད། ཤིན་ཏུ་རབ་ཏུ་འབྱེད་པར་བྱེད་དེ། ཇི་ལྟ་ཇི་ལྟར་ཏིང་ངེ་འཛིན་གྱི་རྒྱུ་མཚན་བཟང་པོ་གཞན་དང་གཞན་ལེགས་པར་རབ་ཏུ་འཛིན་ཅིང་ཤིན་ཏུ་ཡིད་ལ་བྱེད། ཤིན་ཏུ་སྟེན་པར་བྱེད། ཤིན་ཏུ་རབ་ཏུ་འབྱེད་པར་བྱེད་པ་དེ་ལྟ་དེ་ལྟར་ཆོས་རྣམས་ལ་དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་རིག་པར་འགྱུར་ཏེ། ཆོས་སོ་སོ་ཡང་དག་པར་རིག་པ་དང་། དོན་སོ་སོ་ཡང་དག་པར་རིག་པ་དེ་ལ་རབ་ཏུ་དགའ་བ་སྐྱེ་བར་འགྱུར་བ་དང་། འདོད་ཆགས་དང་བྲལ་བ་ནས་གྲོལ་བའི་བར་དུ་འགྱུར་རོ། །
Tibetan Source	《བསྟན་འགྱུར་འདུལ་བ་ཇུ་པ་》ཤ་26ན་4ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number