9063

Tibetan	བདག་པོ་དབང་གི་ཆོས་བཅུ།
Tibetan Alternate
Tibetan Definition	དེ་ཡང་། འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས་བྱུང་བ་སངས་རྒྱས་བཅོམ་ལྡན་འདས་རྣམས་ཀྱི་བདག་པོ་དབང་གི་ཆོས་བཅུ་སྟེ། 1. སངས་རྒྱས་བཅོམ་ལྡན་འདས་ཆོས་ཐམས་ཅད་ཀྱི་བདག་པོ་དབང་གིས་ཆོས་ཐམས་ཅད་དང་སྣང་བར་མཛད་པ་དང་། མཐའ་མེད་པའི་ཚིག་དང་། འབྲུ་ལ་སྤོབས་པ་ཆགས་པ་མེད་པས་ཆོས་ཐམས་ཅད་ཡོངས་སུ་སྟོན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་དང་པོའོ། ། 2. སངས་རྒྱས་བཅོམ་ལྡན་འདས་ཀྱི་བདག་པོས་ཇི་ལྟར་སེམས་ཅན་གནས་པའི་འདུལ་ཞིང་ཡོངས་སུ་སྨིན་པ་དེ་ལྟར་སྨོན་ལམ་དང་། ཆོས་སྟོན་ཏེ། འདི་ནི་སངས་རྒྱས་ཀྱི་བདག་པོའི་ཆོས་གཉིས་སོ། ། 3. སངས་རྒྱས་བཅོམ་ལྡན་འདས་ཀྱི་བདག་པོས་འཇིག་རྟེན་གྱི་ཁམས་མ་ལུས་པ་ཐམས་ཅད་རྣམ་པ་དྲུག་ཏུ་གཡོས་ཀྱང་སེམས་ཅན་གཅིག་ལའང་གནོད་པ་མེད་པ། ཚད་མེད་པ་གྲངས་མེད་པའི་རྒྱན་གྱིས་བརྒྱན་པ། ནམ་མཁའི་ཁམས་ཀྱི་མཐའི་འཇིག་རྟེན་གྱི་ཁམས་མ་ལུས་པ་ཐམས་ཅད་གཅིག་ནས་གཅིག་ཏུ་འདེག་པ་དང་། འཇོག་པ་དང་། སད་པ་དང་། འཕེན་པ་དང་། འཇིག་རྟེན་གྱི་ཁམས་གཅིག་ནས་གཅིག་དང་། ཕྱོགས་གཅིག་ནས་གཅིག་ཏུ་འཇོག་ཀྱང་སེམས་ཅན་གྱི་ཁམས་ཀུན་ནས་གཏི་མི་མུག་ཅིང་ཐེ་ཚོམ་མེད་དེ། འདི་ནི་སངས་རྒྱས་ཀྱི་བདག་པོའི་དབང་གི་ཆོས་གསུམ་མོ། ། 4. སངས་རྒྱས་བཅོམ་ལྡན་འདས་ཀྱི་བདག་པོས་སེམས་ཀྱི་སྐད་ཅིག་མ་གཅིག་ལ་འཇིག་རྟེན་གྱི་ཁམས་མ་ལུས་པ་ཐམས་ཅད་ཡེ་ཤེས་ཀྱི་བྱིན་གྱིས་བརླབས་ཏེ། རྒྱན་སྣ་ཚོགས་འཇིག་རྟེན་གྱི་ཁམས་གཅིག་ནས་གཅིག་ཏུ་བྱིན་གྱིས་རློབ་པ་དང་། འཇིག་རྟེན་གྱི་ཁམས་ཐམས་ཅད་དུ་ལྷབ་ལྷུབ་དང་། རྒྱན་སྟོན་པ་དང་། གྲངས་མེད་པའི་བསྐལ་པར་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་ཉོན་མོངས་པ་མེད་པའི་ལུས་སུ་སྟོན་ཅིང་ལྷབ་ལྷུབ་དང་། རྒྱན་ཐམས་ཅད་ཀྱི་ཁ་དོག་མི་ཟད་པར་སྟོན་པ་དང་། སངས་རྒྱས་ཀྱི་ཞིང་རྣམ་པར་དག་པ་ཐམས་ཅད་སངས་རྒྱས་ཀྱི་ཞིང་གཅིག་ཏུ་ཀུན་འབྲང་བར་བྱིན་གྱིས་རློབ་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་བཞིའོ། ། 5. སངས་རྒྱས་བཅོམ་ལྡན་འདས་ཀྱི་བདག་པོས་སངས་རྒྱས་ཀྱིས་འདུལ་བའི་སེམས་ཅན་གཟིགས་ནས་སེམས་ཅན་གཅིག་གི་ཕྱིར་བརྗོད་དུ་མེད་པའི་ཡང་བརྗོད་དུ་མེད་པའི་བསྐལ་པར་སྐྱིལ་མོ་ཀྲུང་མི་འཇིག་པ་གང་ཟག་དེ་ལ་དགོངས་ཀྱང་། དེ་བཞིན་གཤེགས་པའི་སྐུ་དང་། ཐུགས་ལ་སྐྱོ་བ་མི་མངའ་ཞིང་འདུལ་བའི་དུས་སུ་དེ་ལས་མི་འདའ་སྟེ། ཇི་ལྟར་གང་ཟག་རེ་རེ་ལའང་དེ་བཞིན་དུ་རིམ་པས་འཇིག་རྟེན་ཁམས་མ་ལུས་པ་ཐམས་ཅད་ཀྱི་ཕྱི་མའི་མཐར་ཚེ་ལ་དབང་བ་བྱིན་གྱིས་བརླབས་ཏེ་བཞུགས་ཀྱང་སངས་རྒྱས་བཅོམ་ལྡན་འདས་ལ་བསྙེངས་པ་མི་མངའ། སྐྱོ་བ་མི་མངའ་སྟེ། དེ་བཞིན་དུ་སེམས་ཅན་གྱི་ཁམས་མ་ལུས་པ་ཐམས་ཅད་དུ་སངས་རྒྱས་ཀྱིས་འདུལ་བའི་གང་ཟག་གི་ཕྱིར་རིམ་པས་རབ་ཏུ་སྐྱོང་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་བདག་པོའི་དབང་གི་ཆོས་ལྔའོ། ། 6. སངས་རྒྱས་བཅོམ་ལྡན་འདས་ཀྱི་བདག་པོས་སེམས་ཀྱི་སྐད་ཅིག་མ་དེ་བཞིན་གཤེགས་པ་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་འབྲང་ཞིང་གཤེགས་ནས། ཕྱོགས་བཅུའི་འཇིག་རྟེན་གྱི་ཁམས་འགྱུར་བ་རྒྱ་མཚོ་མེད་པ་བཅུ་རྡུལ་ཡབ་མ་ལུས་པ་ཐམས་ཅད་ཀྱི་ཆོས་ཀྱི་དབྱིངས་གཅིག་ནས་གཅིག་ཏུ་ཐམས་ཅད་བྱིན་གྱིས་བརླབས་པ་དང་། ཕྱོགས་ཀྱི་འཇིག་རྟེན་གྱི་ཁམས་ཐམས་ཅད་ཀྱི་དྲ་བ་བཟློག་ཅིང་ཚད་མེད་པར་གཤེགས་ཏེ། ཆོས་ཀྱི་དབྱིངས་སྟོན་པ་དང་། མི་འཕྲོགས་པའི་ཆོས་ཀྱི་འཁོར་ལོ་བསྐོར་ཏོ། ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་དྲུག ། 7. སངས་རྒྱས་བཅོམ་ལྡན་འདས་ཀྱིས་བདག་པོས་སེམས་ཀྱི་སྐད་ཅིག་མ་ལ་སེམས་ཅན་ཐམས་ཉད་འདུལ་བའི་ཕྱིར་སེམས་ཀྱི་སྐད་ཅིག་མ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱང་འདི་ལྟར་མངོན་དུ་རྫོགས་པར་སངས་རྒྱས་པའང་མེད། སངས་རྒྱས་ཀྱི་ཆོས་ཐམས་ཅད་ལས་མངོན་པར་སངས་རྒྱས་པའང་མེད། མངོན་དུ་རྫོགས་པར་འཚང་རྒྱ་བར་འགྱུར་བའང་མེད། སློབ་པའི་ས་ལ་གནས་པ་དང་། མངོན་པར་རྫོགས་པར་བྱང་ཆུབ་ཏུ་ཕྱེ་བ་དང་། སངས་རྒྱས་ཀྱི་ཆོས་ཐམས་ཅད་བསྒྲིབས་པར་མེད་པར་རྟོགས་ཤིང་རིགས་པའང་མེད་དེ། སེམས་ཅན་འདུལ་པའི་ཕྱིར་སངས་རྒྱས་རྣམ་པར་སྤྲུལ་པ་ཆེན་པོའི་ཡུལ་རྒྱུན་མི་གཅོད་ཅིང་དཔག་ཏུ་མེད་པའི་ཡེ་ཤེས་བརྙེས་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་བདུན་ནོ། ། 8. སངས་རྒྱས་བཅོམ་ལྡན་འདས་ཀྱི་བདག་པོས་གང་སྤྱན་གྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་སྙན་གྱི་སྐྱེ་མཆེད་ཀྱིས་ཀུན་ཏུ་སྒྲུབ། གང་སྙན་གྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་ཤངས་ཀྱི་སྐྱེ་མཆེད་ཀྱིས་ཀུན་ཏུ་སྒྲུབ། གང་ཤངས་ཀྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་ལྗགས་ཀྱི་སྐྱེ་མཆེད་ཀྱིས་ཀུན་ཏུ་སྒྲུབ། གང་ལྗགས་ཀྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་སྐུའི་སྐྱེ་མཆེད་ཀྱིས་ཀུན་ཏུ་སྒྲུབ། གང་སྐུའི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་ཐུགས་ཀྱི་སྐྱེ་མཆེད་ཀྱིས་ཀུན་ཏུ་སྒྲུབ། གང་ཐུགས་ཀྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེའི་བར་གྱིས་འཇིག་རྟེན་ཁམས་མ་ལུས་པ་ཐམས་ཅད་དུ་སྣ་ཚོགས་སུ་རྩོམ་ཞིང་འཇིག་རྟེན་དང་། འཇིག་རྟེན་ལས་འདས་པའི་རྣམ་པར་ཕྱེ་བ་བརྙེས་ཏེ། དེ་བཞིན་དུ་རྩོམ་པ་རེ་རེས་སྒྲུབ་ཅིང་སྤྲུལ་པས་སངས་རྒྱས་ཀྱི་མཛད་པ་རྩོམ་པ་གཅིག་ཇི་ལྟ་བ་བཞིན་དུ་རྩོམ་པ་མ་ལུས་པ་ཐམས་ཅད་ཀྱང་དེ་བཞིན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་བརྒྱད་དོ། ། 9. སངས་རྒྱས་བཅོམ་ལྡན་འདས་ཀྱིས་དབང་པོས་རང་གི་སྐུའི་བ་སྤུ་གཅིག་གི་བུ་གར་སེམས་ཅན་རེ་རེའི་ལུས་ཀྱང་བརྗོད་དུ་མེད་པའི་ཡང་བརྗོད་དུ་མེད་པའི་སངས་རྒྱས་ཀྱི་ཇི་ལྟར་ཆེ་བའི་སེམས་ཅན་གྱི་ཁམས་མ་ལུས་པ་ཐམས་ཅད་བཅུག་ཅིང་ནང་དུ་འདུས་པར་མཛད་དེ། དེ་ལ་སེམས་ཅན་རེ་རེས་ཀྱང་བསྐལ་པ་གྲངས་མེད་པར་གནས་ཀྱང་སེམས་ཅན་དེ་དག་ལ་གནོད་པའང་མེད། ཀུན་ཏུ་གནོད་པའང་མེད་དོ། ། འཇིག་རྟེན་གྱི་ཁམས་བརྗོད་དུ་མེད་པའི་འཇིག་རྟེན་གྱི་ཁམས་གཅིག་ནས་གཅིག་ཏུ་གོམ་པ་གཅིག་གིས་གཤེགས་ཏེ་འཇིག་རྟེན་གྱི་ཁམས་དེ་དག་གིས་སངས་རྒྱས་བྱུང་ཞིང་སངས་རྒྱས་བྱུང་བ་དང་། དེ་དག་གིས་བརྗོད་དུ་མེད་པའི་འཇིག་རྟེན་གྱི་ཁམས་འདས་ཏེ། དེའི་དབང་གིས་སེམས་ཅན་གྱི་སྙིང་པོས་བརྗོད་དུ་མེད་པའི་ཡང་བརྗོད་དུ་མེད་པའི་ཆོས་ཀྱི་འཁོར་ལོ་བསྐོར་བར་ཤེས་སོ། ། དེ་ལ་བ་སྤུའི་བུ་གའི་སེམས་ཅན་བརྗོད་དུ་མེད་པ་དག་གཅིག་ནས་གཅིག་ཏུ་སངས་རྒྱས་སུ་གྱུར་ཏེ། གཅིག་ནས་གཅིག་ཏུ་བརྗོད་དུ་མེད་པའི་ཆོས་ཀྱི་འཁོར་ལོ་བསྐོར་ཞིང་། གཅིག་ནས་གཅིག་ཏུ་བརྗོད་དུ་མེད་པའི་ཆོས་ཀྱི་དབྱིངས་སྟོན། གཅིག་ནས་གཅིག་ཏུ་འདས་པ་བརྗོད་དུ་མེད་པ་དང་། གཅིག་ནས་གཅིག་ཏུ་མ་འོངས་པ་བརྗོད་དུ་མེད་པ་དང་། གཅིག་ནས་གཅིག་ཏུ་ད་ལྟར་བྱུང་བ་བརྗོད་དུ་མེད་པ་སྣང་བར་བྱེད། མཐའ་དང་། དབུས་མེད་པའི་ནམ་མཁའི་སྐབས་འབྱེད་པ་སྟོན། སེམས་ཅན་ཐམས་ཅད་འོང་བ་དང་། འགྲོ་བ་དང་། ཐམས་ཅད་སྐྱེ་བའི་སྐྱེ་མཆེད་དང་། བསྒྲིབས་པ་མེད་པ་དང་། འདོད་ཆགས་ལ་ཡོངས་སུ་སྤྱོད་པར་འཇུག་པ་མཁྱེན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་དགུའོ། ། 10 .སངས་རྒྱས་བཅོམ་ལྡན་འདས་རྣམས་ཀྱི་བདག་པོས་ཆོས་ཀྱི་དབྱིངས་མ་ལུས་པ་ཐམས་ཅད་པདྨོའི་རྒྱན་ཆེན་པོས་བརྒྱན་ཏེ་པདྨོའི་སྙིང་པོའི་སེང་གེའི་གདན་ལ་དེ་བཞིན་གཤེགས་པ་རེ་རེ་བཞུགས་པ་དང་། ཆོས་ཐམས་ཅད་ཀྱི་དབྱིངས་དང་། སྐུ་དཔག་ཏུ་མེད་པ་དང་། བྱང་ཆུབ་ཏུ་མངོན་པར་སངས་རྒྱས་པ་དང་། སངས་རྒྱས་ཐམས་ཅད་རྣམ་པར་རོལ་པ་སྟོན་ཏེ། ཇི་ལྟར་དེ་བཞིན་གཤེགས་པ་གཅིག་པ་དེ་ལྟར་འཇིག་རྟེན་གྱི་ཁམས་ཐམས་ཅད་ཀྱི་རབ་ཏུ་ཕྲ་བའི་རྡུལ་དང་མཉམ་པར་སེམས་ཅན་གྱི་སྙིང་པོ་རེ་རེ་སེམས་ཀྱི་སྐད་ཅིག་མ་ལ་བྱིན་གྱིས་རློབ་བོ། ། སེམས་ཀྱི་སྐད་ཅིག་མ་གཅིག་ཇི་ལྟ་བ་བཞིན་དུ་སེམས་ཀྱི་སྐད་ཅིག་མ་ཐམས་ཅད་ཀྱང་དེ་བཞིན་ནོ། ། ཇི་ལྟར་པདྨའི་ལེའུ་དང་། རྣམ་པར་དག་ཅིང་མངོན་དུ་རྫོགས་པར་སངས་རྒྱས་པ་དེ་ལྟར་ཆོས་ཀྱི་དབྱིངས་མ་ལུས་པ་ཐམས་ཅད་དང་། མེད་བཅུ་རྡུལ་ཡབ་བརྗོད་དུ་མེད་པའི་ཡང་བརྗོད་དུ་མེད་པའི་སངས་རྒྱས་ཀྱི་ཞིང་རྣམ་པར་དག་པ་དང་། བསམ་གྱིས་མི་ཁྱབ་པའི་རྒྱན་སྣ་ཚོགས་དང་། འཇིག་རྟེན་གྱི་ཁམས་སུ་རྩོམ་པ་སྣ་ཚོགས་ཀྱི་རིམ་པ་དང་། མེད་བཅུ་རྡུལ་ཡབ་བརྗོད་དུ་མེད་པའི་ཞིང་རྣམ་པར་དག་པ་དང་། སྣ་ཚོགས་ཀྱི་མཚན་ཉིད་དང་། མཚན་ཉིད་སྣ་ཚོགས་མེད་པ་དང་། རིགས་མེད་བཅུ་རྡུལ་ཡབ་ཚད་མེད་པ་དང་། གྲངས་མེད་པའི་དུས་འགྱུར་བ་དང་། མི་ཆགས་པར་སྟོན་པ་དང་། ཚད་མེད་པའི་བློ་རྒྱས་པའི་དད་པ་དང་། སྐད་ཅིག་མ་སྣ་ཚོགས་དང་། གནས་མེད་པ་དང་། སྐད་ཅིག་མ་བསམ་གྱིས་མི་ཁྱབ་པ་དང་། ཚད་མེད་པར་གཤེགས་པ་དང་། སེམས་ཀྱི་སྐད་ཅིག་མ་དང་། སེམས་ཀྱི་སྐད་ཅིག་མ་གཅིག་ལ་སྟོན་ཏེ། སངས་རྒྱས་བཅོམ་ལྡན་འདས་མཆོད་དུ་མཛད་པ་ནི་མི་མངའོ། ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་བདག་པོའི་དབང་གི་ཆོས་བཅུའོ། །
Tibetan Source	《མདོ་བ་པ་》ཤ་265ན་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number