From Rangjung Yeshe Wiki - Dharma Dictionary
Jump to navigation
Jump to search
| རྣམ་སྨིན་གྱི་ཡོན་ཏན་བརྒྱད
|
| Tibetan Definition
|
༡ ཚེ་ཕུན་སུམ་ཚོགས་པ། ༢ ཁ་དོག་ཕུན་སུམ་ཚོགས་པ། ༣ རིགས་ཕུན་སུམ་ཚོགས་པ། ༤ དབང་ཕྱུག་ཕུན་སུམ་ཚོགས་པ། ༥ ཚིག་བཙུན་པ། ༦ དབང་ཆེ་བར་གྲགས་པ། ༧ སྐྱེས་པ་ཉིད། ༨ སྟོབས་དང་ལྡན་པ་སྟེ་བརྒྱད་དོ། །ཞེས་རྗེའི་ལམ་རིམ་ཆེན་མོར་གསུངས། ཚེ་ཕུན་སུམ་ཚོགས་པ་ནི་ཚེ་རིང་བ་ལ་ཟེར། ཁ་དོག་ཕུན་སུམ་ཚོགས་པ་ནི་གཟུགས་བཟང་ཞིང་མཛེས་པ། རིགས་ཕུན་སུམ་ཚོགས་པ་ནི་རིགས་མཐོན་པོར་སྐྱེས་པ། དབང་ཕྱུག་ཕུན་སུམ་ཚོགས་པ་ནི། ལོངས་སྤྱོད་ཆེ་བ་དང་། རྩ་འཇིང་ཆེ་བ། འཁོར་ཕལ་ཆེ་བ། ཚིག་བཙུན་པ་ནི་ཡིད་ཆེས་པའི་ཚིག སྐྱེ་བོ་ཚོགས་ཆེན་པོའི་བླ་མར་གྱུར་ཞིང་། བཀུར་སྟིར་བྱ་བ། བརྩུན་པར་བྱ་བ་དང་། མཆོད་པར་བྱ་བའི་གནས་སུ་གྱུར་པ་དེ་ནི་དབང་ཆེ་བར་གྲགས་པ་ཞེས་བྱའོ། །སྐྱེས་པ་ཉིད་ནི་ཕོའི་དབང་པོ་དང་ལྡན་པ། སྟོབས་ཕུན་སུམ་ཚོགས་པ་ནི། གནོད་པ་ཆུང་བ་དང་། ནད་མེད་པ་དང་། སྤྲོ་བ་ཆེ་བ་ལ་ཟེར། བྱང་ས་སྡེ་དགེ་བསྟན་འགྱུར་༼ ཝི་པ ༽༡༥བ༧ན་དེའི་སྐོར་རྒྱས་པར་གསལ།
|