From Rangjung Yeshe Wiki - Dharma Dictionary
Jump to navigation
Jump to search
| ལེའུ
|
| Tibetan Definition
|
དུམ་བུའི་མིང་། སྐབས། སྒོ། ཆོ་ག ཆོ་ག་ཞིབ་མོ། རྟོག་པ། བརྟག་པ། བརྟགས་པ། འདུས་པ། སྡེ་ཚན། ཚོམས། རབ་ཏུ་བརྟགས་པ། རབ་ཕྱེད། རབ་བྱེད། རབ་འབྱམས། རིམ་པར་ཕྱེ་བ། སརྒ། སེམས་བསྐྱེད། (རབ་བྱེད) རྩ་བ་ཤེས་རབ་ལས་ལེའུ་ལ་རབ་བྱེད་ཀྱི་ཐ་སྙད་བྱེད། (ཚོམས) མདོ་ལས་རྟ་ཡི་ཚོམས་དང་གླང་པོའི་ཚོམས་ཞེས་སོགས་ཚོམས་ཀྱི་ཐ་སྙད་མཛད། (སྐབས) མངོན་རྟོགས་རྒྱན་དུ་སྐབས་དང་། (བརྟག་པ) ཀྱེ་རྡོར་གྱི་རྒྱུད་དུ་བརྟག་པ་དང་། (སེམས་བསྐྱེད) དབུ་མ་འཇུག་པར་སེམས་བསྐྱེད་ཀྱི་ཐ་སྙད་བྱེད། (སྒོ) ལུང་ཕྲན་ཚེགས་ཀྱི་འགྲེལ་པར་སྒོའི་ཐ་སྙད་བྱེད། ཕྲན་ཚེགས་ཀྱི་ཚིག་རྣམ་པར་བཤད་པ་སྟེ་སྒོ་གཉིས་པའོ། །ཞེས་པ་ལྟ་བུ། (དུམ་བུ) དེབ་ཐེར་སྔོན་པོར་དུམ་བུའི་ཐ་སྙད་མཛད། (རིམ་པར་ཕྱེ་བ) རྗེའི་རྣམ་ཐར་དད་པའི་འཇུག་ངོགས་སུ་རིམ་པར་ཕྱེ་བའི་ཐ་སྙད་བྱེད་དེ། དེ་ཉིད་ལས། གཙོ་བོར་སྔགས་ཀྱི་ཐེག་པ་ལས་བརྩམས་པའི་མང་དུ་ཐོས་པ་ཡོངས་སུ་བཙལ་བའི་རིམ་པར་ཕྱེ་བ་སྟེ་བཞི་པའོ། །ཞེས་གསུངས་པ་ལྟར་རོ། ། (འདུས་པ) དཀོན་མཆོག་བརྩེགས་པའི་མདོར་ལེའུར་འདུས་པའི་ཐ་སྙད་བྱས་ཡོད། དཔེར་ན་དེ་ཉིད་ལས། དགའ་བོ་མངལ་དུ་འཇུག་པ་བམ་པོ་གཅིག་འདུས་པ་བཅུ་གཉིས་པ། ཞེས་གསུངས་པ་ལྟ་བུ། ལེའུའི་སྐད་དོད། པ་ཊ་གོས་སམ་སྣམ་བུ་ལ་འཇུག་པས། གོས་ཀྱིས་སྦྲང་བུ་མཆུ་རིང་ལ་སོགས་པའི་ཉེར་འཚེ་ལས་བཟློག་པ་དེ་བཞིན་དུ། རྒྱུད་ཀྱི་དོན་རིམ་པ་གཉིས་པོ་འདིས་ཆགས་སོགས་ཉོན་མོངས་པ་དང་། ལས་དང་། སྐྱེ་བའི་ཀུན་ནས་ཉོན་མོངས་པ་རྣམས་ལས་བཟློག་པས་ན་གོས་དང་འདྲ་བའི་ཕྱིར་ལེའུའོ། །ལ་ཏི་ནི་ལེན་པར་བྱེད་པ་སྟེ། དེ་ལྟ་བུའི་ཉེར་འཚེ་ལས་བཟློག་བྱེད་དེ་གཞུང་འདིས་བརྗོད་བྱར་ལེན་པར་བྱེད་པས་ན་གཞུང་གི་ཚོགས་ལའང་ལེའུ་ཞེས་བྱའོ། །རྗེའི་འགྲེལ་པ་བཞི་སྦྲགས་ལ་གཞི་བྱས་ཏེ་བཀོད། སྤྱིར་ལེའུའི་སྐད་དོད་མི་འདྲ་བ་མང་དུ་ཡོད་དེ། པ་ཊ་གོས་སམ་སྣམ་བུ་ལ་འཇུག་པ་ནི་ཝ་ཏྲ་ཞེས་པ་ཡོངས་སུ་བསྒྱུར་བའམ་ཡོངས་སུ་བརྗེ་བས་ན་ལེའུ། པ་རི་ཚེ་ད་ཅེས་པ་ཡོངས་སུ་གཅོད་པ་སྟེ། བརྗོད་བྱའི་དོན་ཚན་སོ་སོར་ཡོངས་སུ་གཅོད་པས་ན་ལེའུ། ཀྲ་མ་བྷེད་ཞེས་པ་རིམ་པར་ཕྱེ་བ་སྟེ། བརྗོད་བྱའི་དོན་རིམ་པ་སོ་སོར་ཕྱེ་སྟེ་སྟོན་པས་ན་ལེའུ་ཞེས་བྱའོ། །དེ་ལྟར་ལེའུར་སྐད་དོད་མང་དུ་ཡོད་པར། མཁས་གྲུབ་ཆོས་རྗེའི་འགྲེལ་ཆེན་དྲི་མེད་འོད་ཀྱི་རྒྱ་ཆེར་བཤད་པ་ལས་གསུངས་སོ། །
|