From Rangjung Yeshe Wiki - Dharma Dictionary
Jump to navigation
Jump to search
| བཀའ་བློ་མི་བདེ་བ
|
| Tibetan Definition
|
( འདུལ་བ) བསླབ་བྱའི་ཚིག་ལ་ཡིད་མི་ཆེས་ཤིང་དང་དུ་མི་ལེན་པ་ལ་ཟེར། ཡང་ན། ཚིག་མི་བཟོད་པ་ལ་ཟེར། ཕལ་སྐད་དུ་བཤད་ན། ང་ལ་ཉེས་པ་གླེང་མ་ཡོང་ཞེས་རང་ཉེས་ཁས་མི་ལེན་པ་ལྟ་བུའི་དོན་རེད། ལུང་ཞུ་བའི་འགྲེལ་པ་ལས། བཀའ་བློ་མི་བདེ་བ་ནི་ཚིག་མི་བཟོད་པ་ཉིད་དེ་བདག་ཉིད་ཀྱི་ཡུལ་ལ་ཕན་པ་དང་མི་ཕན་པའི་ཚིག་བཟློག་པའོ་ཞེས་བྱ་བའི་ཐ་ཚིག་གོ །ཞེས་གསུངས་སོ། །འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༠༧བ༤ལས་ཀྱང་། བཀའ་བློ་མི་བདེ་བ་ཞེས་བྱ་བ་ནི་ཚིག་སྐྱོན་ཆགས་ཤིང་འབྲས་བུ་མེད་པའོ། །ཞེས་ཀྱང་གསུངས་སོ། །སྒྲ་བཤད་ནི། བཀའ་ནི་འདིར་བསླབ་བྱའི་ཚིག་གི་མིང་ཡིན་ལ། མི་བདེ་བ་ནི་བློ་མི་བདེ་བའམ་ཡིད་མ་ཆེས་པའི་དོན་ནོ། །ཡང་ན། བཀའ་ནི་ཚིག་དང་མི་བདེ་བ་ནི་མི་བཟོད་པའོ། །ལུང་ཞུ་བའི་འགྲེལ་པ་ལས། དེ་ལྟ་བུ་ནི་བཀའ་བློ་མི་བདེ་བ་ཉིད་ཀྱི་རང་བཞིན་ཅན་ཏེ། ཚིག་མི་བཟོད་པ་ཞེས་བྱ་བའི་དོན་ཏོ། །ཞེས་གསུངས་པ་ལྟར་རོ། །
|