From Rangjung Yeshe Wiki - Dharma Dictionary
Jump to navigation
Jump to search
| བྱིས་པའི་གདོན་ཆེན་བཅོ་ལྡ
|
| Tibetan Definition
|
(གསང་སྔགས) ༡ འཇམ་པ་ནི་གླང་པོའི་གཟུགས་ཅན། དེས་ཟིན་ན་མིག་རབ་ཏུ་འགྱུར ༢ རི་དྭགས་རྒྱལ་པོ་རི་དྭགས་འདྲ་བ། དེས་ཟིན་ན་སྐྱུག་པ་མི་ཟད་པ་སྐྱུག ༣ སྐེམ་བྱེད་ནི་གཞོན་ནུའི་གཟུགས་ཅན། དེས་ཟིན་ན་བྱིས་པ་མང་དུ་འགུལ་བར་བྱེད ༤ བརྗེད་བྱེད་ནི་ཝ་དང་འདྲ་བ། དེས་ཟིན་ན་འགྲེ་ཞིང་སྒྲ་ཡང་འབྱིན ༥ ཁུ་ཚུར་ཅན་ནི་བྱ་རོག་ཀྱི་གཟུགས་ཅན། དེས་ཟིན་ན་ཁུ་ཚུར་བཅངས་ཤིང་དགའ ༦ མ་མོ་ནི་མི་ཡི་གཟུགས་ཅན། དེས་ཟིན་ན་རྒོད་ཅིང་སྒྲ་ཡང་འབྱིན ༧ ཛྭ་མི་ཀ་ནི་རྟ་ཡི་གཟུགས་ཅན། དེས་ཟིན་ན་ནུ་ཞོ་ལ་མི་དགའ ༨ འདོད་པ་ཅན་རྡོ་རྗེའི་གཟུགས་ཅན། དེས་ཟིན་ན་གཉིད་ལོག་དུས་ངུ་བར་བྱེད ༩ ནམ་གྲུ་ནི་ཁྱི་ཡི་གཟུགས་ཅན། དེས་ཟིན་ན་ལྕེ་ལ་སོ་འདེབས ༡༠ སྲུལ་པོ་ཕག་གི་གཟུགས་ཅན། དེས་ཟིན་ན་ཀུ་ཅོའི་སྒྲ་འབྱིན ༡༡ མ་དགའ་བྱེད་པ་བྱི་ལའི་གཟུགས་ཅན། དེས་ཟིན་ན་སྣ་ཚོགས་གཟུགས་སུ་འགྱུར ༡༢ བྱ་ནི་འདབ་ཆགས་ཀྱི་གཟུགས་ཅན། དེས་ཟིན་ན་དྲི་ངན་འབྱུང་ ༡༣ གཉའ་ལག་ཅན་ནི་བྱ་གག་གི་གཟུགས་ཅན། དེས་ཟིན་ན་སྐེ་འགག ༡༤ བཞིན་རྒྱས་ནི་འུག་པའི་གཟུགས་ཅན། དེས་ཟིན་ན་རིམས་བཏབ་འཁྲུ་བར་བྱེད ༡༥ མིག་འཕྱངས་པ་ནི་ཕ་ཝང་གི་གཟུགས་ཅན་དེས་ཟིན་ན་སྤྱི་བུང་ལྡན་པར་འགྱུརདང་བཅོ་ལྡའོ། །ཀློང་རྡོལ་བླ་མའི་གསུང་འབུམ་སྨད་ཆ་༤༨༧ལས་གསུངས་པ་ལ་འགྱུར་བཅོས་ཕྲན་ཚེགས་ཀྱིས་བཀོད།
|