From Rangjung Yeshe Wiki - Dharma Dictionary
Jump to navigation
Jump to search
| རྒྱལ་བ་ལྔ་པ་ངག་དབང་བློ་བཟང་རྒྱ་མཚོའི་གསུང་འབུམ་དཀར་ཆག
|
| Tibetan Definition
|
༧རྒྱལ་མཆོག་ལྔ་པ་ཆེན་པོའི་གསུང་འབུམ་དཀར་ཆག་ནི། ཕར་ཕྱིན་བློ་བཟང་དགོངས་རྒྱན་ལ་སུམ་བརྒྱ་གྱ་བདུན། དབུ་མ་ཐེག་ཆེན་འཇུག་པའི་གྲུ་རྫིངས་ལ་བརྒྱ་དང་ཞེ་གཅིག འདུལ་བ་རྣམ་རྒྱལ་གསེར་མདོག་ལ་བརྒྱ་དང་རེ་བཞི། མཛོད་འགྲེལ་ཆོས་མངོན་རིན་ཆེན་འདྲེན་པའི་ཤིང་རྟ་ལ་བརྒྱ་དང་དོན་བདུན། ལམ་རིམ་འཇམ་དཔལ་ཞལ་ལུང་ལ་གོ་བརྒྱད། ལམ་གྱི་གཙོ་བོ་རྣམ་གསུམ་མཆན་འགྲེལ་ལ་བཞི། དམིགས་བརྩེ་མའི་ཊཱི་ཀ། སོ་ཐར་བསླབ་བྱ་རྣམ་གསལ་སྒྲོན་མེ། གནས་མཆོག་རྒྱལ་བསྟན་འཛད་མེད། སྨན་བླའི་མདོ་ཆོག་ཡིད་བཞིན་དབང་རྒྱལ་ལ་ང་བརྒྱད། བོད་ཀྱི་རྒྱལ་རབས་དེབ་ཐེར་རྫོགས་ལྡན་གཞོན་ནུ་ལ་བརྒྱ་དང་བཅུ་གསུམ། ལྷ་ལྡན་ཇོ་བོའི་དཀར་ཆག་ཤེལ་དཀར་མེ་ལོང་ལ་ཉེར་གསུམ། འཁྲུངས་རབས་ཞིང་བཀོད་འབྲི་ཚུལ་རྟོགས་བརྗོད་ཁ་བྱང་དང་བཅས་པ་གསལ་བའི་མེ་ལོང་ལ་བཅུ་གསུམ། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་རྣམ་ཐར་ལ་བརྒྱད། རྒྱལ་བ་བསོད་ནམས་རྒྱ་མཚོའི་རྣམ་ཐར་ལ་བརྒྱ་དང་བཅུ་གསུམ། ཡང་བརྒྱ་དང་དགུ་ཡོད་པའི་སྤར་གཉིས་ཡོད་འདུག རྒྱལ་བ་ཡོན་ཏན་རྒྱ་མཚོའི་རྣམ་ཐར་ལ་དྲུག་ཅུ་དང་ང་གཉིས་ཡོད་པ་གཉིས། ཁྲི་ཆེན་དཀོན་མཆོག་ཆོས་འཕེལ་གྱི་རྣམ་ཐར་ལ་བཅུ་དགུ། ཕ་ཝང་ཁ་པ་དཔལ་འབྱོར་ལྷུན་གྲུབ་ཀྱི་རྣམ་ཐར་ལ་ཞེ་བཞི། བྱང་བདག་རྣམ་ཐར་ལ་རེ་བཞི། ས་སྐྱ་པ་ཚར་ཆེན་རྣམ་ཐར་ལ་ང་ལྔ། ས་སྐྱ་པ་དབང་ཕྱུག་རབ་བརྟན་གྱི་རྣམ་ཐར་ལ་ལྔ། ས་སྐྱ་པ་མགོན་པོ་བསོད་ནམས་མཆོག་ལྡན་གྱི་རྣམ་ཐར་ལ་བརྒྱ་དང་གཉིས། ཞ་ལུ་པ་བསོད་ནམས་མཆོག་གྲུབ་ཀྱི་རྣམ་ཐར་ལ་ང་ལྔ། ཟུར་ཆེན་ཆོས་དབྱིངས་རང་གྲོལ་གྱི་རྣམ་ཐར་ལ་དྲུག་བཅུ་རེ་བཞི། ཁྲ་ཚང་པ་བློ་མཆོག་རྡོ་རྗེའི་རྣམ་ཐར་ལ་རེ་བཞི། རྒྱལ་བ་ལྔ་པ་རང་ཉིད་ཀྱི་རྣམ་ཐར་ལ་གླེགས་བམ་བཅུ་གཅིག་ཡོད་དེ། ཕྱི་ཡི་རྣམ་ཐར་དུ་ཀཱུ་ལའི་གོས་བཟང་ལ་གླེགས་བམ་དྲུག ནང་གི་རྣམ་ཐར་གསན་ཡིག་གངྒཱའི་ཆུ་རྒྱུན་ལ་གླེབས་བམ་བཞི། གསང་བའི་རྣམ་ཐར་རྒྱ་ཅན་གླེགས་བམ་གཅིག་དང་བཅུ་གཅིག་ཞེས་མི་དབང་སངས་རྒྱས་རྒྱ་མཚོས་གསུངས། དུ་ཀཱུ་ལའི་གོས་བཟང་གླེགས་བམ་དྲུག་གི་ཕྱི་མ་གསུམ་སངས་རྒྱས་རྒྱ་མཚོས་བརྩམས་པ་ཡིན་ཞིང་པོ་ཏ་ལའི་ཞོལ་སྤར་ཁང་དུ་བཞུགས། དཀར་ཆག་ཆེ་བརྗོད་དང་སྙན་དར་ཞལ་ཡིག་སྐོར་ལ་གླེགས་བམ་གསུམ། ཞལ་གདམས་ཆབ་ཤོག་སྨོན་གཤིས་སྐོར་ལ་གླེགས་བམ་གཉིས། བླ་མའི་བསྟོད་ཚོགས་སྐོར་ལ་བརྒྱ་དང་བརྒྱད་ཅུ། ཡི་དམ་སྒྲུབ་སྐོར་ལ་བརྒྱ་ཐམ་པ། ཆོས་སྐྱོང་སྒྲུབ་སྐོར་ལ་ཉིས་བརྒྱ་སོ་གཉིས། སངས་རྒྱས་བྱང་སེམས་ཀྱི་བསྟོད་ཚོགས་ལ་ཉིས་བརྒྱ་ང་དྲུག བཅའ་ཡིག་དང་རྒྱ་ནག་ཤུན་རྩིས་གདན་དྲངས་པའི་ལམ་ཡིག་ལ་བརྒྱ་དང་ང་དྲུག བླ་མ་མཆོད་པ་ཟུང་འཇུག་སྒྲུབ་པའི་ཤིང་རྟ་ལ་བཅུ་བཞི། མི་འཁྲུགས་པ་ལྷ་དགུའི་ཆོ་ག་ལ་བཅུ། བདེ་མཆོག་དྲིལ་བུ་པའི་མངོན་རྟོགས་ལ་བཅོ་བརྒྱད། དྲིལ་བུ་པའི་དཀྱིལ་ཆོག་ལ་ཞེ་གསུམ། གཤེད་དམར་ལྷ་ལྔའི་མངོན་རྟོགས་ལ་བཅུ་བདུན། གཤེད་དམར་དཀྱིལ་ཆོག་མཐོ་རིས་དབང་གི་ཆུ་རྒྱུན་ལ་ཞེ་གསུམ། ཡང་མི་འཁྲུགས་པའི་ཆོ་ག་ལ་བཅུ་དགུ། ཛེ་ཏཱ་རིའི་ལུགས་ཀྱི་ལྷ་མོ་རྣམ་རྒྱལ་མའི་ཆོ་ག་འཆི་མེད་དཔལ་སྟེར་ལ་བདུན། བཀའ་གདམས་ཐིག་ལེ་བཅུ་དྲུག་གི་ཆོ་ག་ཕུལ་བྱུང་དགོངས་རྒྱན་ལ་བཅུ་དྲུག གཟུངས་འབུལ་འཁྲུལ་སྤོང་ཉིན་བྱེད་ལ་ཉེར་ལྔ། ས་ཚྭ་འདེབས་ཆོག་རྒྱས་པ་ལ་གསུམ། བསྡུས་པ་ལ་གཉིས། གཏོར་མ་བརྒྱ་རྩ་ཆེ་བ་ལ་བཅུ། ཡང་གཏོར་མ་ཁྱེར་བདེ་ཀུན་ཕན་ལ་བཞི། ཀླུ་གཏོར་ལ་ལྔ། གཏོར་མ་སྣ་ཚོགས་ལ་ཉེར་དྲུག གསོ་སྦྱོང་གི་དཀར་ཆག་བཞི་དང་གཞི་བདག་གཏོར་མ་བཅས་ལ་གསུམ། འཇམ་དབྱངས་ལ་བསྟོད་པ་ལ་དྲུག འཇིགས་བྱེད་བསྟོད་པ་ལ་གསུམ། ལྷ་མོའི་བསྟོད་པ་ལ་ལྔ། བསྔོ་བཤད་ལ་བཅུ་གསུམ། བསངས་མཆོད་བཀྲ་ཤིས་འཁྱིལ་བ་ལ་དགུ། བསངས་མཆོད་དངོས་གྲུབ་ཆར་འབེབས་ལ་གསུམ། འགོ་བའི་ལྷ་ལྔའི་གསོལ་མཆོད་ལ་ལྔ། (གྲྭ་ཚང་རྙིང་པའི་ཞལ་འདོན་དུ་མཛད་རྒྱུ་སྐོར་ལ) འཇིགས་བྱེད་ཆོ་ག་རེག་ཟིག་བཀླག་ཆོག ཕྱག་དྲུག་མགོན་དཀར་བཅས་པའི་གཏོར་ཆོག་བསྐང་གསོ། ཆོས་རྒྱལ་ཕྱི་སྒྲུབ་ཀྱི་གཏོར་ཆོག་བསྐང་བསྟོད། ཕྱོགས་སྐྱོང་ལ་གཏོར་མ་འབུལ་ཚུལ། འཇིགས་བྱེད་ཀྱི་ཞི་བའི་སྦྱིན་སྲེག་རབ་དཀར་བདུད་རྩིའི་བུམ་བཟང་། རྒྱས་པ་དངོས་གྲུབ་ཉིན་མོ། དབང་གི་ཁམས་གསུམ་རྣམ་རྒྱལ། དྲུག་པོ་བསྐལ་པའི་མེ་དཔུང་། སྦྱིན་སྲེག་སྒོ་འབྱེད་འཕྲུལ་གྱི་ལྡེ་མིག དྲུག་ཅུ་ལྕགས་མཁར་སྲིད་གསུམ་རྣམ་རྒྱལ། ལྷ་ས་ཇོ་བོ་རིན་པོ་ཆེ་དང་ར་མོ་ཆེའི་ཇོ་བོ་གཉིས་ལ་བརྟན་བཞུགས་འབུལ་ཚུལ་མི་འགྱུར་གཡུང་དྲུང་། ནཱ་རོ་མཁའ་སྤྱོད་ཀྱི་རྣལ་འབྱོར་བཅུ་གཅིག་སྒྲོ་འདོགས་གཅོད་ཚུལ་སེམས་འཛིན་བཅས་ལ་དྲུག ལམ་ཟབ་རྣལ་འབྱོར་མཐོ་རིས་དབང་གི་ཆུ་བོ་ལ་ལྔ། ལམ་འབྲས་ཁྲིད་ཡིག་བྲིས་ཐང་གསལ་བྱེད། (རྒྱལ་བ་ལྔ་པ་ཆེན་པོའི་གསུང་འབུམ་ནང་མ་གསང་སྔགས་སྔ་འགྱུར་གྱི་ཆོས་སྐོར་ལ) བསམ་གཏན་གླིང་གི་ཨ་ཏི་ཡོ་གའི་ཆོས་དཀར་ཆག་རིན་ཆེན་དོ་ཤལ། འབྲུག་པ་པད་དཀར་བའི་ཚེ་བདག་གི་དྲིས་ལན་ནད་བརྒྱ་འཇོམས་པའི་སྨན་ཅིག རྒྱལ་བ་བསོད་ནམས་རྒྱ་མཚོར་པདྨ་འབྱུང་གནས་ཀྱི་ཞལ་གཟིགས་དག་པའི་སྣང་བར་བསྩལ་བའི་ཚེ་ཁྲིད་རྡོ་རྗེའི་སྲོག་ཤིང་ཆོག་སྒྲིག ལྷོ་བྲག་གཏེར་བྱོན་གྱི་ཚེ་དཔག་མེད་ནང་སྒྲུབ་ལྕགས་སྡོང་ལས་བྱང་། གཡུ་ཐོག་རྙིང་ཐིག་ལས་བྱང་དཔག་བསམ་ལྗོན་པ་ལ་བཅུ། ཐུགས་རྗེ་ཆེན་པོ་འཁོར་བ་དབྱིངས་གྲོལ་གི་ལས་བྱང་འཁྲུགས་བསྡེབས་སུ་བཀོད་པ་བཀླགས་པས་དོན་གྲུབ། འཁོར་བ་དབྱིངས་གྲོལ་གྱི་ལས་བྱང་འཁྲུགས་བསྡེབས་སུ་བཀོད་པ་བཀླགས་པས་དོན་གྲུབ། འཁོར་བ་དབྱིངས་གྲོལ་གྱི་ཁྲིད་ཡིག་རིག་འཛིན་ཞལ་ལུང་ལ་ལྔ་བཅུ་ང་གཅིག རྒྱལ་པོ་ལུགས་ཀྱི་སྤྱན་རས་གཟིགས་ཀྱི་ལས་བྱང་ཉི་མའི་སྙིང་པོ་དང་། དེ་དང་འབྲེལ་བའི་ཚོགས་མཆོད། འགྲོ་བ་ཀུན་སྒྲོལ་གྱི་ལས་བྱང་། ཡང་དག་ཟླ་གམ་དགུ་པའི་མངོན་རྟོགས་ལས་བྱང་ལ་སོ་དྲུག ཡང་དག་ཟླ་གམ་དགུ་ཡི་དཀྱིལ་ཆོག་ཧཱུྃ་མཛད་ཞལ་ལུང་ལ་རེ་ལྔ། ཟླ་གམ་དགུ་པའི་འཕྲིན་ལས་རྒྱུད་དོན་སྣང་བྱེད། རྟ་མགྲིན་ཡང་གསང་ལོ་རྒྱུས་རིག་འཛིན་ཞལ་ལུང་ལ་བདུན། རྟ་མགྲིན་ཡང་གསང་གི་ལས་བྱང་རྡོ་རྗེའི་སྒྲ་དབྱངས་ལ་ཉེར་དགུ། ཡང་གསང་ལས་བྱང་སྙིང་པོ་བཅུད་བསྡུས་ལ་དྲུག ཡང་གསང་བསྙེན་ཡིག་རིན་ཆེན་འདོད་འཇོ་ལ་བཅུ་བཞི། ཡང་གསང་ཟོར་འཛིན་རྡོ་རྗེའི་ཕ་ལམ་ལ་ཉེར་གསུམ། ཡང་གསང་གི་བཅུ་ཆའི་སྦྱིན་སྲེག་ཡེ་ཤེས་སྣང་བ་རབ་འབར་ལ་བརྒྱད། ཡང་གསང་བསྙེན་སྒྲུབ་ལ་ཉེ་བར་ཁོ་བ་དངོས་གྲུབ་ལེན་ཆོག་ལ་བཟི། ཐུགས་སྒྲུབ་ལས་བྱང་དངོས་གྲུབ་གཏེར་མཛོད་ལ་བཅུ་གཅིག ཐུགས་སྒྲུབ་ལས་བྱང་འབྲིང་པོ་རིན་ཆེན་ཕྲེང་བ་ལ་བཅུ། ཟོར་གྱི་ལས་རིམ་གནམ་ལྕགས་ཐོག་མདའ་ལ་བཅོ་ལྔ། རིག་འཛིན་གདུང་སྒྲུབ་ལ་བཅོ་བརྒྱད། ལྕགས་སྡོང་དབང་ཆེན་ལ་དྲུག བླ་མ་ཀརྨ་གུ་རུའི་གྱེར་སྒོམ་གཟི་འོད་སྟོང་འབར་ལ་བདུན། ཀརྨ་གུ་རུའི་སྲོག་གཏད་བྱིན་རླབས་སྤྲིན་ཕུང་སྨན་མཆོད་བཅས་པ་ལ་ལྔ། དེ་ཡི་བསྙེན་ཡིག་སྤར་བཅང་མ་ལ་གཉིས། དེ་ཡི་བརྒྱུད་འདེབས་རྒྱས་བསྡུས་གཉིས་ལ་གསུམ། གཏེར་སྲུང་མཆོད་སྤྲིན་ལ་གཉིས། ཡང་བཟློག་ལས་བྱང་རྡོ་རྗེ་ཐོག་མདའ་ལ་བཅུ་དྲུག ཡང་བཟློག་སྲེག་དུས་ཀྱི་བྱིན་ཟ་ལ་བཅུ་གཉིས། གཏེར་ཁ་འོག་མའི་གསང་འདུས་དང་། ལེའུ་བརྒྱད་པ་བསྡེབས་པའི་ལས་བྱང་རྩ་གསུམ་རྒྱས་པའི་རོལ་གར། ལྷོ་བྲག་གཏེར་བྱོན་གྱི་བུམ་པ་ལྕགས་ཁང་སྤུ་གྲིའི་ལས་བྱང་། ཕུར་པ་ཆོག་བསྒྲིགས་དངོས་གྲུབ་རྒྱ་མཚོའི་རོལ་གར་ལ་བརྒྱད། བྱང་གཏེར་ཕུར་པ་ལུགས་གསུམ་ཀའི་སྦྱིན་སྲེག་མུན་སེལ་འོད་དཀར་ལ་བཅུ་ཐམ་པ། འཇམ་དཔལ་ཞི་བའི་འཕྲིན་ལས་སངས་རྒྱས་ལག་བཅང་ལ་བརྒྱད། ཚེ་བདག་ལས་བྱང་སྲིད་གསུམ་རྣམ་རྒྱལ་ལ་ཉེར་གཅིག ཚེ་བདག་འཇམ་དཔལ་ཕྱག་རྒྱ་ཟིལ་གནོན་གྱི་ལས་བྱང་གནམ་ལྕགས་འཁོར་ལོ། ཚེ་བདག་བམ་སྐོང་། རྩ་གསུམ་བཀང་བ། འཆི་བདག་ཟློག་བྱེད་གྱེར་གཞུང་ལ་དགུ། བཟློག་དཀྱིལ་མཁོ་བ་ཉུང་ངུ་རྣམ་གསལ་ལ་དྲུག རྟེན་མདོས་དང་བསྐང་མདོས་དན་བཟློག་མདོས་ཀྱི་རིམ་པ་རྒྱ་འབག་མིག་འཕྲུལ་ལ་བཅུ་བདུན། ལྷ་མོ་ཡང་གྷ་བཟའི་མདོས་འཕྲིན་ཡིད་བཞིན་གཏེར་མཛོད་ལ་སོ་དགུ། སེང་ལྡེང་ནག་སྒྲོལ་ལ་བརྟེན་པའི་བཟློག་མདོས་མཐོང་བས་དོན་གྲུབ་ལ་བཅུ་བདུན། དམག་ཟོར་རེ་མ་ཏིའི་བསྐང་མདོས་རྡོ་རྗེ་སྒྲ་དབྱངས་ལ་བཅུ་གསུམ། བརྟན་མ་བཅུ་གཉིས་ཀྱི་མདོས་དཔྱིད་ཀྱི་རྒྱལ་མོའི་གླུ་དབྱངས་ལ་ཉེར་བརྒྱད། ཐང་ལྷའི་བསྐང་མདོས་ལག་ལེན་དྲན་པའི་གསལ་འདེབས་ལ་དྲུག ཐང་ལྷའི་འཕྲིན་ལས་བརྒྱ་ཕྲག་ཉི་འོད་ལ་ཉེར་ལྔ། དྲང་སྲོང་ལོ་ག་ཏྲིའི་རིགས་གཏད་ཆོག་བསྒྲིགས་ལ་དྲུག ཐུགས་ཆོག་དང་དབང་དྲག་རོལ་བའི་དགའ་སྟོན་ལ་བཞི། མ་དང་མཁའ་འགྲོ་མཉེས་བྱེད་མི་མཆོད་ཆོ་ག་ལ་བརྒྱ། ཙཱ་རི་ཞིང་སྐྱོང་སེང་གེའི་གདོང་པ་ཅན་གྱི་ལས་བྱང་གནམ་ལྕགས་སྤུ་གྲི་ལ་བཅུ་གཅིག འཁོར་ལོ་འབར་བ་ནད་བདག་སྟོབས་འཇོམས། སྨན་གྲུབ་ཟིན་བྲིས། ལྕགས་འདྲ་དང་ལྕགས་སྡིག་གི་འཁོར་ལོ། འཆི་བདག་ཞལ་དབྱེའི་འཕྲིན་ལས་ལེ་ཚན། ལྕགས་རལ་གྱི་ལས་བྱང་། གཏོར་ནག་གི་ལས་མཐའ། དམར་ཆེན་གཏོར་བཟློག མཁའ་འགྲོ་བསུ་འགྲོ། བཏགས་སྒྲོལ། རྒྱལ་མདོས། ཐུགས་ཆོག ཀུན་བཟང་འཆམས་ཀྱི་བརྗེད་བྱང་། རྒྱལ་བ་ལྔ་པ་ཆེན་པོའི་གསུང་འབུམ་ཕྱི་མ་པོད་ཉི་ཤུ། ནང་མ་དྲུག རྣམ་ཐར་རྒྱ་ཅན་ཉེར་བཞི་རྩ་བ་དང་དེ་ཡི་བུ་དཔེ་སྡོམ་པ་པོད་གསུམ། གྲྭ་ཚང་རྙིང་པའི་འདོན་ཆོག་ཟུར་དུ་ཕྱུང་པ་པོད་གཅིག བསྡོམས་པོད་སུམ་ཅུ་ཐམ་པ་བཞུགས་སོ། །
|