From Rangjung Yeshe Wiki - Dharma Dictionary
Jump to navigation
Jump to search
| རྒྱུད་ཀྱི་ཆེད་དུ་བྱ་བའི་གདུལ་བྱ་ལྔ
|
| Tibetan Definition
|
ཨུཏྤལ་ལྟ་བུ་གང་ཟག པད་དཀར་ལྟ་བུ་གང་ཟག པདྨ་ལྟ་བུའི་གང་ཟག ཙནྡན་ལྟ་བུ་གང་ཟག རིན་པོ་ཆེ་ལྟ་བུའི་གང་ཟག་དང་ལྔ་ཡོད། དེ་དག་ལས་རིན་པོ་ཆེ་ལྟ་བུའི་གང་ཟག་ནི་གདུལ་བྱ་མཆོག་ཡིན་ལ། གཞན་རྣམས་ནི་ཕལ་པ་ཡིན་པར་གསུངས་སོ། །གཞན་ཡང་། དང་པོ་བཞི་ནི། བསྐྱེད་རིམ་གྱི་སྣོད་རུང་དང་། ཕྱི་མ་རྫོགས་རིམ་གྱི་སྣོད་དུ་གསུངས་སོ། །གང་ཟག་གི་རིགས་ཀྱི་ཤེས་པའི་དབྱེ་བ་ཡིས། རྫོགས་རིམ་གྱི་སྣོད་དང་སྣོད་མིན་ཡོངས་སུ་བརྟགས་ནས། རྡོ་རྗེ་སློབ་དཔོན་མཁས་པས། ཚོགས་དང་སློབ་མ་ལ་བཤད་པ་རྣམ་པ་གཉིས་བྱའོ། །ཞེས་རྗེའི་འགྲེལ་པ་བཞི་སྦྲགས་ལས་གསུངས།
|