Sheja Dzo Chapter 1.2 Wylie

From Rangjung Yeshe Wiki - Dharma Dictionnary
Jump to navigation Jump to search

Sheja Dzo, The Treasury of Knowledge

This file was typed by Phinjo Sherpa at Rangjung Yeshe Translations & Publications office in Boudhanath, Nepal. Thanks for the sponsorship to Peter ___ and Christoph ___, two student of Khenpo Tsultrim Gyamtso Rinpoche.

There is still need for more spellcheck and hyperlinks. Erik Pema Kunsang

Sheja Dzo Chapter 1.2 Volume 1 (page 183)


bab mtsho chen rlung gis bsrubs pa'i khams/ /rab 'bring hta mar rnam par 'phel ba las/ /ri rab ri bdun gling bzhi khor yug grub/ /de ltar chu'i phung po chen por rlung gis bsrubs pa'i rkyen gyis de'i steng du gser gyi dkyil 'khor byung ngo/
/de'i steng du sngar bzhin char gyi rgyun babs pas phyi'i rgya mtsho chen por gyur pa de la rim bzhin mtshams mtshams su rlung langs pas nye bar bsrubs pa'i rkyen gyis khams kyi bye brag rab 'bring tha ma gsum du rnam par 'phel ba las/ khams rab la dbus su rin po che bzhi'i rang bzhin can gyi ri rab lhun po byung zhing/ khams 'bring las gser ri bdun/ /khams tha ma las gling phran brgyad dang gzhan mang pos bskor ba'i gling bzhi dang lcatt ri'i khor yug rnams grub bo/
/de ltar yang/ slob bpon dbyig gnyen gyis/ sa bon rnam pa sna tshogs kho na yod pa'i chu de dag mthu rnam pa du ma'i bye brag dang ldan pa'i rlung dag gis bzhig pa na rigs de dang de dag tu 'gyur ba yin pa sogs rgya cher gsungs so/
/ri gling thams cad chu mthor brgyad khrir nub/ /lhun po mtsho las brgyad khrir 'phags pa ste/ /ri rab ri bdun gling bzhi khor yug dang bcas pa'i rtsa ba chu mtshor dpag tshad brgyad khrir nub nas dbang chen la thug par gnas shing/ lhun po mtsho steng las kyen tu dpag tshad brgyad khrir 'phags nas gnas so/
/ste zhes pa lhag bcas kyi (om 12 ba) sgra'o/
/gru bzhi chu shel bi ddur pad rag dang/ /gser las grub cing nam mkha'ng de mdog snang/ /chu mtshams nas bzung phyed man bang rim bzhi/ /de la lhun po ni bang rim bzhi dang ldan pa gru bzhir 'dug pa ste/ shar shel/ lho bee ddurya/ nub padmaa raa ga /byang gser gyi rang bzhin phyogs so so'i mdog ltar nam mkha'ng de'i kha dog gsal bar snang ba/ lhun po nyid chu la nub pa'i mtshams nas bzung ba'i phyed man chad bang rim bzhi


Sheja Dzo Chapter 1.2 Volume 1 (page 184)


brcegs kyi rnam pas bskor ba'o/
/de mthar gnya' shing 'dzin sogs gser ri bdun/ /bar rnams yan lag brgyad ldan rol mtshos gtams/ /ri rab de'i mthar dbyibs de dang mtshungs par yol thabs kyis kun nas bskor ba'i ri bdun ni/ dang po gnya' shing 'dzin/gnyis pa gshil mda' 'dzin/ gsum pa seng ldeng can/ bzhi pa lta na sdug /lnga pa rta rna/ drug pa rnam 'dud/ bdun pa mu khyud 'dzin te gser gyi ri bdun/ de dag gi bar rnams su yan lag brgyad dang ldan pa'i chus gang ba la rol pa'i mtsho bdun du grags shing de dag gis gtams pa ste/ yan lag brgyad ni bsil ba dang/ zhim pa dang/ yang ba dang/ 'jam pa dang/ dwangs ba dang/ dri nga ba med pa dang/ 'thung na mgrin pa la mi gnod pa dang/ lto ba la mi mnod pa rnams so/
/gling bzhi gling phran brgyad dang bcas pa'i dbyibs/ /zla gam sog kha zlum po gru bzhi'o/
shar lus 'phags po/
lho dza mru'i gling/ /nub ba lang spyod/ byang sgra mi snyan te gling chen bzhi/ shar du lus dang lus 'phags/ lhor rnga yab dang rnga yab gzhan/ nub tu gyo ldan dang lam mchog 'gro/
byang du smra mi snyan dang smra mi snyan gyi zlar grags pa gling phran brgyad dang bcas pa de dag gi dbyibs ni rim pa bzhin/ zla gam/ (om 13 na) sog kha/ zlum po/
gru bzhi'i rnam par gling chen bzhi dngos su yod cing/ gling phran brgyad kyang phyogs mtshungs su yod do/
ma nges gling phran dag ni shin tu mang/ /mdo sde rnams las bcu gnyis po kho na gtso che ba'i dbang gis bstan par mdzad kyi gzhan yang sidga la/ gser gling/ zangs gling/ tho dkar gling/ kang po dzi la sogs pa dza mru;i gling kho na'i 'khor du yul chen bcu drug yod pa gnas 'jog gi mdo las gsungs shing/ gsang ba bsam gyis mi khyab pa'i mdo las yul phran stong yod par bshad pa sogs gling bzhi so sor ming dang tshad


Sheja Dzo Chapter 1.2 Volume 1 (page 185)


dbyibs ma nges pa'i gling phran dag ni shin tu mang bas tshad bzung gis mi lang ngo/
/khor yug ri bo lcags las grub pa ste/ /de dag bar du ba tshwa'i rgya mtshos gang/ /gling de rnams kyi mtha' bskor khor yug tu bskor ba'i ri bo phyi'i lcags ri zhes bya ba ni lcags las grub pa rdo sol gyi rang bzhin can te gser ri rnams kyi phyi nas khor yug la thug pa de dag gi bar/ gling rnams ma gtogs pa ba tshwa can gyi chus gang ba ni ba tshwa can gyi rgya mtshor grags la/ de dang rta gdong gi ri po phrad pas rdo sol las 'bar ba'i mes chu rnams mtshams las mi 'da' bar skem par byed pa'ng bshad do/
/gsum pa ni/ 'phags yul dbus nas byang du ri nag dgu /'das pa'i gangs ri'i byang na spos ngad ldangs/ /bar du ma dros mtsho yi phyogs bzhi nas/ /kha 'bab chu bzhi phyogs bzhi'i rgya mtshor 'gro/
/mtsho 'gram dzambu brikssha'i sdong pos brgyan/ /de phyir dzamrus mtshan pa'i gling du grags/ /de la dzamru'i gling zhes pa'i rgyu mtshan gang zhe na/ 'phags pa'i yul gyi dbus nas byang du ri nag po dgu 'das pa'i mtshams su dangs ri ste ri bo gangs can zhes bya ba yod cing/ de'i byang na ri bo spos ngad ldan pa yod la/ de gnyis kyi bar du sngon bram ze dus dpog ces bya bas lta dang (om 13 ba) 'khor los sgyur ba thob byed kyi mchod sbyin byas pa'i 'bras khu dron mo pho ba ma dros pa ltar gyur pa la ma dros pa zhes grags pa klu'i rgyal po ma dros pa gnas pa'i mtsho/
sman dang rin po che dang nags tshal dang chu klung thams cad kyi 'byung gnas su gyur pa chu zheng du dpag tshad lnga bcur mnyam pa yod do/
/de'i phyogs bzhi nas kha 'bab kyi chu bzhir grags pa shar phyogs na brag glang po che'i gdong 'dra ba nas chu klung gdgaa dngul gyi bye ma 'dren cing 'bab pa/ lto phyogs na brag khyu mtshog gi gdong 'dra ba nas chu klung sindhu pe dduurya'i bye ma 'dren cing


Sheja Dzo Chapter 1.2 Volume 1 (page 186)


'bab pa/ nub phyogs na brag rta'i gdong 'dra ba nas chu klung pkshu shel gyi bye ma 'dren cing 'bab pa/ byang phyogs na brag seng ge'i gdong 'dra ba nas chu klung si taa gser gyi bye ma 'dren cing 'bab pa/ de'ang chu phran lnga brgya lnga brgya dang bcas te mtsho ma dros pa la lan bdun bdun gyas su bskor nas phyogs bzhi'i rgya mtsho chen por 'gro'o/
/mtsho 'gram du dzmbu briiksha zhes bya ba'i shing sdong 'bras bu mngar rdza tsam yod pa de smin nas chur lhung ba'i sgra las dzambu zhes bya ba 'byung zhing/ shing des nye bar mtshan pa'i gling yin pas na dzambu'i gling zhes grags la/ 'bras bu de klu'i rgyal po rnams kyis nyar sprul nas za bar byed cing/ ma zos pa rnams dza mbu chu bo'i gser du 'gyur bar bshad do/
/lus 'phags po sogs ming gis khyad par ston/ /gling gzhan gsum ni lus 'phags po sogs rang rang gi ming gis khyad par ston pa ste/ lus ches khyad par du 'phags pa dang/ 'dod 'jo'i ba las longs spyod kyi khyad par 'byung ba dang/ gling der klu ma rungs pa rnams kyis gts sa pa'i skyon gyis bar bar du nyi ma sprin gyis gyogs pa 'byung zhing/ der pi thang dang rdza rnga la sogs pa skad mi snyan pa 'gyur ba tsam zhig gis 'dod pa'i yon tan las skyon du bgrang ba yod pa'i phyir de skad du grags so/
/rnga yab (om 14 na) srin po gzhan rnams mi yi gnas/ /gling bcu gnyis po de dag gi nang nas 'dzam gling gi gling phran tu gtogs pa rnga yab gling du srin po kho na gnas shing/ gzhan pa rnams la mi'i 'gro ba gnas pa dang/ gling phran rnams na'ng gtso bo'i gling na yod pa rnams dang phyogs mtshungs tsam yod par bzhed do/
/de la mi zhes bya ba ni yid dam shed can la 'jug pa'i ma nussya'i sgra las shed bu'm yid rtog dpyod kyi 'jug pa shas chen bas mi zhes grags par bshad do/
/bzhi pa ni/ dmyal ba yi dwags gnas ni sa yi 'og /dud 'gro byings


Sheja Dzo Chapter 1.2 Volume 1 (page 187)


gnas rgya mtsho chen por te/ /lha min ri rab khong gseng chu mtshams man/ /de ltar 'gro ba drug las mi bshad zin nas ngan song gi 'gro ba gsum gyi nang gses dmyal ba dang yi dwags rtsa ba'i gnas ni sa yi 'og ste/ de la dmyal ba'i 'gro ba ni 'dzam gling 'di'i 'og dpag tshad stong phrag nyi shu na mnar med pa'i dmyal ba chen po/
'di'i steng rim bzhin rab tu tsha ba/ tsha ba/ ngu 'bod chen po/
ngu 'bod/ bsdus 'joms/ thig nag yang sos te tsha ba'i dmyal ba brgyad dang/ de dag so sor ngos bzhi re yod pa'i ngos re re na nye 'khor ba'i dmyal ba/ me ma mur/ ro myag 'dam/ spu gri'i lam dang/ ral gri'i lo ma dang/ shlmaa li'i nags/ chu bo rab med de bzhi bzhi yod pa de rnams kyi mtha' logs su chu bur can/ chu bur rdol ba can/ so thams thams pa/ a chu zer ba/ kyi hud zer ba/ udpal ltar gas pa/ padma ltar gas pa/ padma ltar cher gas pa rnams te grang dmyal brgyad yod cing/ de'ng gling rnams 'bru'i thung po bzhin du gsham rgya che bar yod pa'i phyir te chud pa mi 'gal zhing/ theg chen ltar na dmyal ba rang snang du 'dod dgos pas chags tshad la nges bzung mtha' gcig tu mi dgos so/
/nyi tshe'i dmyal ba dag ni re re'm du ma dag kyang rung ste so so'i (om 14 ba) las las grub pa'i rnam pa'i bye brag mang po can gnas nges pa med par bshad de/ /'dir dmyal ba zhes pa legs sbyar skad du na ra ka ste/ de'ng yi ge phyis bstan gyi nges pas na dgag tshig dang ra ka dga' bar 'gyur bas yid du 'ong ba cung zad kyang med pas sam/ ra ka len pa la sbyar na bsod nams min par khrid pas dmyal ba'o/
/yi dwags ni 'dzam gling 'di'i 'og dpag tshad lnga brgya na yi dwags kyi rgyal po gshin rje gnas shing/ de'i 'khor du dran nye las/ yi dwags lto gug dang/ kha khab mig ltar phra ba la sogs sum cu rtsa drug gsungs te/ de ni rtsa


Sheja Dzo Chapter 1.2 Volume 1 (page 188)


ba'i gnas yin zhing/ de las 'phros pa ni ma nges pa gzhan dang gzhan du yod do/

/de las lha min yi dwags kyi ris su gtogs pa la sogs yi dwags rdzu 'phrul can kha cig lha'i dpal lta bu nyams su myong ba'ng yod par bshad do/

/yi dwags zhes pa'ng pre ta'i sgra las rab song ste shin tu phyir mi ldog par song bas sam bkres skom gyis shin tu non pas yi dwags so/
/dud 'gro ni thang dang chu dang nam mkha'i spyod yul ba yin zhing/ rtsa ba'i gnas ni rgya mtsho chen po ste/ der klu la sogs pa dud 'gro byings na gnas pa rnams chang gi sbang ma bzhin du gnas par bshad cing/ lha ma yin ni mdzod du mi gsal yang/ dran nye las/ ri rab kyi ra ba'i khong seng chu mtshams man gyi chad rgya mtsho'i steng du lha min dud 'gror gtogs pa'i rigs kyi gnas kyi khyad par dang sgra gcan dang mgul phreng la sogs pa'i gtso bo chen po rnams gnas par gsungs so/
/dud 'gro zhes pa dud de 'gro bar byed pas dud 'gror bshad kyang tir sra'i sgra thur gseg gam thad ka'm/ 'khyog po la 'jug pas 'gro tshul de ltar shas chen ba las btags par snang/ lha min ni a su raa'i sgra las bcud mi ldan (om 15 na) pa ste bdud rtsi'i bcud dang mi ldan par grags pa'm/ yang na su ra lha ste/ dman pa'i don gyi dgag sgra sbyar ba'o/
/lnga pa ni/ rgyal chen ris bzhi lhun po'i bang rim gtso/
/yan lag kha 'thor gnas la nges pa med/ /lha rnams las 'dod lha rigs drug gi thog ma rgyal chen ris bzhi pa'i lha rnams ni lhun po'i bang rim la btso bor gnas te/ de'ng ri rab kyi bang rim dang po la gzhong thogs/ gnyis par phreng thogs/ gsum par rtag myos/ bzhi par phyogs bzhir de dag gi rgyal po rgyal chen bzhi dang/ de dag gi 'khor gyi lha rnams dag phal cher gnas te/ nge rnams gnya' shing 'dzin sogs ri bdun dang bar snang la'ng ci rigs par gnas shing/


Sheja Dzo Chapter 1.2 Volume 1 (page 189)


mdor na dmyal ba nas 'di'i bar gyi 'gro ba rnams kyi yan lag kha 'thor ba'i gnas la nges pa med de/ mi yul gyi ri brag ljon shing gtsug lag khang khyim la sogs pa la'ng brten pa ci rigs yod pas na de dag kyang de rnams kyi gnas sam rten du 'gyur ro/
/lhun po'i steng na rtsa gsum lha yi gnas/ /rnam rgyal khang bzang grong khyer lta na sdug /skyed tshal sa gzhi yongs 'dus rdo leb mtshog /chos bzang 'dun sa gnod sbyin gnas dang bcas/ /ri rab lhun po'i steng na sum cu rtsa gsum du grags pa lha rnams kyi gnas yod de/ de'ang sum cu rtsa gsum du grags pa ni/ nor lha brgyad/ tha skar gyi bu gnyis/ drag po bcu gcig nyi ma bcu gnyis su bgrang ba ltar las/ nyi ma bcu gnyis kyi grangs dbang po ni/ 'di dag gi btso bo brgya byin nyid dang/ gzhan so gnyis la ni nye dbang zhes grags so/
sum cu rtsa gsum gyi lha'i grangs 'dren tshul dran nye las 'byung ba ltar na/ /chos bzang mtho ba ri tsa legs mthong gnas/ /phyogs gcig shing gseb shing rta sna tshogs gnas/ /dga' byed rnam mtzes yogs 'dur gnas pa dang/ 'dres pa'i 'gram dang tshang tshing 'gram na gnas/ /(om 15 ba) nor bu'i snying por gnas dang kun gsal spyod/ /gser phug khang dang phreng ba'i grib ma dang/ /mtho dmar rgyu dang bkra ba sna tshogs kyis/ /sbyor bar 'jug dang zhib tu spyod pa dang/ /glu sgrar chags dang gzi bdzid 'bar ba dang/ zla ba'i gnas ltar nya dang shing


Sheja Dzo Chapter 1.2 Volume 1 (page 190)


saa la/ /zung dang mig phyer 'gro dang btsums 'gros dang/ /lus mdog bzang che nor bu 'phyang ba dang/ /ris mthun 'khor gnas mtho bar spyod pa dang/ /gzi mchog gzi breng ma dros pa dag ste/ /sum cu rtsa gsum lha yi rnam grangs so/
/de'ang dbus na brgya byin gyi pho brang rnam par rgyal ba'i khang bzang gru bzhi pa'i ngos re la dpag tshad lnga bcu dang 'phangs su dpag tshad byed dang lnga pa rin po che'i ba gam brgya rtsa gcig gis bskor ba/ de'i phyi rol du gser gyi lcags ri ngos re la dpag tshad nyis stong lnga brgya dang 'phangs su phyed dang gnyis 'phags pa/ sa gzhi gser gyi rang bzhin la rin po che sna tshogs pa'i mdangs mi 'dra ba brgya rtsa gcig gis bkra zhing shing bal ltar 'jam pa/ de'i ngos gzhi ni rin po che'i ka ba khri drug stong gis btegs pa'i gdung phyam du bres pa'i rtsig skyob can/ phyogs bzhi'i sgo chen po bzhi na lha'i bu go cha gyon pa lnga brgya res bsrung zhing/ srang chen po bzhi dang srang phran du ma dang bcas pa'i grong khyer lta na sdug /de'i shar phyogs na khor yug dpag tshad stong yod pa'i shing rta sna tshogs pa'i tshal dang/ tshad de dang 'dra bar lho phyogs na rtsub 'gyur gyi tshal dang/ nub phyogs na 'dres pa'i tshal dang/ byang phyogs na dga' ba'i tshal te skyed tshal gyi sa gzhi rnams dang/ yang de dag gi phyi rol lta na sdug gi byang shar mtshams na dpag bsam gyi shing yongs 'du sa brtol zhes bya ba thur du dpag tshad lnga bcu zug cing gyen du dpag tshad brgya 'phags pa/ (om 16 na) yal 'dab kyis dpag tshad lnga


Sheja Dzo Chapter 1.2 Volume 1 (page 191)


bcur khyab cing 'dod dgu thams cad 'byung ba dang/ de'i 'og na lwa ba dkar po lta bu'i rdo leb a mo ni ka zhes bya ba chu zheng du dpag tshad lnga bcu dang mtha' skor du dpag tshad nyis brgyas 'khor ba'i gru bzhi pa dang/ lta na sdug gi lho nub mtshams na chos bzang lha'i 'dun sa zhes bya ba dpag tshad dgu brgyas 'khor ba'i zlum po/
de'i dbus na brgya byin gyis chos ston pa'i gser gyi khri dang/ nye dbang sum cu rtsa gnyis kyi gdan bshams pa rnams dang/ bzhan yang bag med pa las bskul ba'i chos kyi sdom bzhi rang grags pa'i rnga sgra dang/ na ba dang rga ba dang dus min 'chi ba las skyob pa'i bdud rtsi'i bum pa dang/ glang po che rab brtan dang sa srungs kyi bu dang/ rta sprin gyi shugs can 'khor gyog brgya stong dang bcas pa sogs bsam gyis mi khyab pa rnams dang/ lcogs bzhir gnod sbyin gsang ba pa lag na rdo rje zhes bya ba rnams kyi gnas dang bcas pa yod do/
/de steng nam mkhar sprin chags lta bu la/ /brten pa'i 'thab bral dka' ldan 'phrul dka' gzhan/ /rtsa gsum gyi gnas de'i steng phyogs na rim pa bzhin gong nas gong du brtsegs par lha so so'i ris mthun gyi las las byung ba'i gzhal yas khang sogs lha rnams kyi 'byor pa phul du byung ba nam mkhar sprin chags pa lta bu la brten pa'i lha rnams yod pa las/ dang por 'dod par gtogs kyang lha min gyi 'thab rtsod dang bral ba'i 'thab bral/ 'di la lha gnyis gnyis lhan cig tu rdzus te skye bas mtse ma zhes kyang zer/ rgyal ba ma pham pa'i chos kyi dga' ba dang ldan pa'i dga' ldan/ rang gis 'phrul pa'i 'dod yon la ci dkar spyod pa'i 'phrul dga'/ gzhan gyis 'phrul pa'i longs spyod la dbang byed pa'i gzhan 'phrul dbang byed de 'dod lha ris drug go /tshangs ris la sogs gzugs khams gnas bcu drug /kun gyi gong du 'og min chung ngu ste/ /(om 16 ba) de steng sa sder dbang phyug che


Sheja Dzo Chapter 1.2 Volume 1 (page 192)


gnas bshad/ /de dag gi gong du tshangs ris la sogs gzugs khams kyi gnas bcu drug gong nas gong du brtsegs mar chags shing/ de dag kun gyi gong du 'og min chung ngu'i gnas dang bcas gzugs khams gnas ris bcu bdun tu grags pa ste/ de'ng yas rim bzhin bsam gtan dang po la/ sdig pa mi dge ba'i chos bsal bas tshangs pa ste/ de'i ris su gtogs pa'i tshangs ris/ tshangs pa'i mdun na 'dug ste tshig 'don pas tshangs pa'i mdun na 'don/ dge rtsa chen po las skyes shing tshe tshad lus tshad sogs bzhan las che ba stong gsum mi mjed kyi bdag po byed pa'i tshangs chen te gsum/ bsam gtan gsum pa la/ rang gyis gong ma la ltos te 'od kyi khyon dang gsal ba gnyis ka chung ba'i 'od chung/ 'od kyi khyon 'og mas tshad bzung mi nus pa'i tshad med 'od/ 'od kyi khyon dang gsal ba gnyis ka che zhing gnas gzhan mtha' dag snang bar byed pa'i 'od gsal te gsum/ bsam gtan gsum pa la/ yid kyi sa pa'i bde ba ni rab tu zhi ba'i phyir dge ba zhes btags shing de gong sa las chung ba'i dge chung/ bde ba de 'og sas tshad bzung du med pa'i tshad med dge /bde ba de cher rgyas ching 'phel ba'm lha de dag gi dge ba las lhag pa lha ris na med pa'i dge rgyas te gsum/ bsam gtan bzhi pa la/ sa gzhi sprin 'khrigs pa ltar 'dab ma chags pa med pa'i sprin med/ mi gyo ba'i bsod nams las skyes pa'i bsod nams skyes/ gnas gzhan dang 'brel ba'i so skye thams cad las 'bras bu mchog tu gyur pa'i 'bras bu chen ste so skye'i gnas gsum dang/ gnas gtsang ma gong ma rnams las yon tan gyi khyad par mi che ba'i mi che ba/ ting nge 'dzin khyad par can thob pas 'khyod pa'm nyon mongs pa'i gdung ba med pa'i mig gdung ba/ rab tu zhi zhing mchog tu mdzes (om 17 na) par snang ba'i gya nom snang ba/ mthong ba'm lta ba rnam par dag


Sheja Dzo Chapter 1.2 Volume 1 (page 193)


cing bzang ba'i shin tu mthong/ gnas gzhan dang 'brel ba la 'di las yon tan lhag pa gong na med pa'i 'og min/ 'di la rdul phra rab bsags pa'i gzugs kyi mthar thug pa yin pas bsags mtha' pa zhes kyang zer ro/
/'bras bu che ba'i phyogs gcig na 'du shes med pa'i sems can rnams yod par bshad cing/ bsam gtan bzhi ba 'di dag ni gnas gcig tu las mthun pa med pas/ lha so sor gzhal med khang dang bcas te skye 'jig byed pa'i khyad par yod do/
/de las mi che ba nas 'og min gyi bar ni 'phags pa rnams kho na der skye bas gnas btsang mar grags shing/ 'og min de longs sku'i gnas yin par lang kar gshegs pa sogs mdo dang/ sngags rgyud 'da' zhig las gsungs pas dgongs pa phyogs gcig tu mngon zhing/ sa lde las de'i gong du dbang phyug chen po'i gnas zhes pa sa bcu'i dbang phyug rnams skye ba'i gnas shig yod par yang bshad do/
/gong nas gong du nyis 'byung chen zhing 'phatt/ /de dag gi tshad dbyibs zhib par mngon pa sogs las 'byung zhing rags par lha gnas de dag gong nas gong du nyis 'gyur gyis rgya che zhing longs spyod dang dbang phyug gis 'phags par 'dod do/
/lha zhes pa'ng legs sbyar skad du di bo ksra te 'di rnams kyi khyim mtho ris su yod pas mtho ris gnas byed dam mkha' khyim pa zhes bya'o/
/yang na de ba ste rtse zhing rol par byed pas lha'o/
/gnyis pa zhar byung ni/ stong gsum gcig ni nyan rang gzings par gzug/ de dag cha med rdul las grub par 'dod/ /de ltar bshad pa'i stong gnyis sam stong gsum gyi stong chen po'i 'jig rten gyi khams gcig tsam gyi bkod pa ji lta ba ni nyan rang 'phags pa rnams kyi ye shes dag pa'i gzigs par yang rtogs zhing 'jug la/ de las gzhan pa'i zhing (om 17 ba) khams rab 'byams rgya mtsho'i bkod pa'i tshul ni sangs rgyas dang byang sems dag pa'i sa la bzhutt


Sheja Dzo Chapter 1.2 Volume 1 (page 194)


pa kho na'i spyod yul yin te/ dgra bcom bse ru sngon rnams kyis/ /stong gnyis gsum dang grangs med mthong/ /zhes 'byung bas so/
/nyan rang de dag rnams kyis snod kyi 'jig rten rags pa rtsom byed ni phyogs kyi rdul phra rab sa chu med rlung bzhi dang dri ro reg gzugs te rdul rdzas brgyad 'dus kyi gong bu 'dus pa las grub par 'dod cing/ de'ng mu stegs byed ltar bskal ba lnga ma 'jig pa'i shul du rdul phran cha med sil bur gnas pa ni bzhed pa ma yin gyi/ gnas 'dir skye 'gyur sems can spyi mthun las kyi byed pas 'bras bu rags pa sna tshogs skyed nus kyi rlung nyid thog ma'i sa bon yin par bzhed pa sogs zhib par 'og tu 'byung ngo/
/gnyis pa bcud kyi sems can bshad pa la bzhi/ ngo bo/
mched tshul/ bde sdug /sdud tshul lo/
/dang po ni/ 'gro ba'i ngo bo ma bsgribs lung ma bstan/ /de ltar rten snod kyi 'jig rten bshad zin nas/ de la brten pa bcud kyi sems can 'gro ba rnams kyi ngo bo ni las dang nyon mongs pas ma bsgribs shing/ dge sdig gang du'ang lung du ma bstan pa zhig ste/ theg chen pa rnams kyis kun bzhi dang 'do gsal sogs thun mong min pa'i bshad tshul rnams 'og tu 'byung ngo/
/gnyis pa la bstan bshad gnyis las/ dang po mdor bstan pa ni/ skye mched bzhi sogs rim gyis grub par bshed/ /yas rim mched nas dmyal ba'i bar du chags/ /'gro ba rnams thog mar 'khrul pa na rang gi ngo bo de la lhan cig skyes pa'i ma rig pas mthungs ldan gyi rgyu byas/ gzung 'dzin bag la nyal langs te khams gsum du zag pa'i thog mar yod min med min sogs gzugs med skye mched mu bzhi dang/ de nas gzugs khams dang 'dod khams sogs rim (om 18 na) gyis grub par bshed cing/ mdor na 'gor ba rnams ni


Sheja Dzo Chapter 1.2 Volume 1 (page 195)


gong nas 'og tu yas rim gyis mched nas mthar dbyal ba'i 'jig rten gyi bar du chags so/
/gnyis pa rgyas par bshad pa ni/ de yang gzugs med skye mched mu bzhi ste/ /ting 'dzin bye brag tsam yin gnas lus med/ /de'ang gzugs med pa'i khams la skye mched mu bzhir grags te/ 'khor bar skye tshul dang bstun nas dam pa 'ga' zhig mas rim gyis 'chad pa ltar legs kyang/ 'dir go bde ba'i slad du yas rim gyis bshad na/ thog mar ting nge 'dzin snyoms 'jig gi sbyor ba'i dus su nam mkha' ltar mtha' yas so snyam pa'i rnam par byed cing lam de nyid skye zhing mched pa las byung bas 'bras bu skye ba la'ng de yi ming gis btags pa'i nam mkha' mtha' yas skye mched/ de bzhin du sbyar te rnam shes mtha' yas so snyam pa'i rnam par byed pa'i rnam shes mtha' yas skye mched/ ci yang med do snyam pa'i rnam par byed pa'i ci yang med pa'i skye mched/ 'du shes ni nad dang 'bras dang zug rngu dang 'dra zhing 'du shes med pa ni kun tu rmongs pa'o snyam pa'i rnam par byed cing 'du shes kyi rgya ba gzhan pa 'byung ba'i 'du shes med 'du shes med min gyi skye mched de bzhi'o/
/de dag kyang thog mar 'khrul dus gong nas 'og tu mched la/ phan tshun 'khor dus sngar gyi rten la skye mchen pa'i sems bzhi gang grub pa der skyes nas/ kha cig gong ma thob pa las 'og nas 'og tu rim gyis ltung ba'ng yod la/ kha cig gang thob pa de nas srid pa bzhan tu'ng 'pho bas ma nges so/
/'on kyang phal cher gzugs med 'di bzhi po thob nas 'og ma 'og mar rim par ltung ba shas che ste 'chi khar yod min med min gyi ting gne 'dzin gyi srid rtse zhig nas ci yang med pa'i 'du shes tsam du shar bas cung zad sngar las rags par song la/ de nyid tshor ba bde bas de'i ngang la chags (om 18 ba) pas der ltung la/ de


Sheja Dzo Chapter 1.2 Volume 1 (page 196)


bzhin du rnam shes kyi 'chi khar nam mkha' mtha' yas kyi sems shar nas der ro myong bas mthungs ldan gyis skye ba yin te/ sngar nas ting gne 'dzin gyi ngang la gnas shing rgyun ring por goms pas/ der yang de'i sems 'grub par shin tu sla ba'i phyir ro/
/de ltar gzugs med pa'i khams bzhi ni ting nge 'dzin gyi bye brag la btags pa tsam las gnas kyi nges pa dang lus kyi tshad med pas steng 'og tu gdags pa'ng med de/ yul gang du snyoms 'jug de thob nas shi 'phos pa rnams de nyid du der grub pa'i phyir ro/
/'dir mngon pa ba kha cig gis gzugs med khams 'og min gyi steng nas steng du brtegs pa'i gnas dang gzugs kyang yod la/ gzugs med ces brjod pa ni dman pa la dgag sgra byas par 'dod pa dang/ sangs rgyas phal po che las kyang/ gzugs med pa'i khams kyi yul dang bcas/ gzhi dang bcas/ rten dang bcas/ dbyibs dang bcas/ zhes pas mtshon gzugs med khams la snod kyi 'jig rten yod pa'i tshig yang dang yang du 'byung ba dang/ de bzhin tu snga 'gyur bkod pa chen po yid bzhin mchog gi rgyud kyi dgongs don dang/ bi ma la dang padma sang bha ba'i zhabs kyis kyang gzugs las gong du dpag pa'i mkha' la/ padma rnam par brtsegs pa'i nam mkha' sogs bzhi la ting nge 'dzin gyi lus kyis brten par bzhed do/
/gzugs khams bsam gtan bzhi par gnas btsang lnga/ /so skye'i gnas gsum bsam gtan 'og gsum gsum/ /'dod pa la 'dod chags dang bral/ gzugs la ma bral bas gzugs kyi khams zhes grags pa la nang gses su gnas ris bcu bdun yod pa de dag sde tsan tu bsdu na bsam gtan bzhir grags pa las/ bsam gtan bzhi par 'og min sogs gtsang ma ris kyi gnas lnga (om 19 na) 'bras bu che ba sogs so skye'i gnas gsum/ bsam gtan gsum par dge rgyas sogs/ gnyis par 'od gsal ba sogs/ dang por


Sheja Dzo Chapter 1.2 Volume 1 (page 197)


tshangs chen pa sogs te 'og ma de dag la'ng gsum gsum yod pa gong du smos pa ltar la 'jig rten chags pa'i tshe sngon du mes zhig pa zhig na/ bsam gtan gnyis pa'i lha zhig tshe 'phos nas tshangs pa'i gzhal med khang stong par skye zhing/ de nas rim bzhin mched nas tshangs pa mdun na 'don dang/ tshangs ris sogs nas dmyal ba'i bar du yas rim gyis chags shing/ snga ma chus zhig pa'i tshe thog mar bsam gtan gsum pa nas 'og tu skye ba sogs shes dgos so/
/'dod khams lha ris drug dang gling chen bzhi/ /gling phran brgyad dang dud 'gro yi dwags gnyis/ /tsha grang dmyal ba brgyad brgyad bcas pa yi/ /'dod pa sum cu rtsa drug nyid du byung/ /'dod pa'i yon tan 'khrig pa gtso bor byed cing khams kyi zas la 'dod chags dang ldan pas 'dod khams zhes grags pa 'di la gzhan 'phrul dbang byed sogs 'dod lha ris drug / sgra mi snyan/ ba lang sbyod/ lus 'phags po/
dzmbu'i gling ste gling chen bzhi/ de dag gi gling phran brgyad/ ngan song gi 'gro ba dud 'gro dang yi dwags gnyis/ tsha dmyal brgyad/ grang dmyal brgyad bcas bsdoms pas 'dod pa sum cu rtsa drug ces bya zhing/ thog mar 'jig rten chags pa'i skabs su'ng ji skad bshad pa'i go rim bzhin gong nas ltung zhing mched pas 'gro ba de dag nyis du byung ngo/
/bde 'gro ngan 'gro bcu bcu nyi shu dang/ nyi shu rtsa brgyad du yang rnam par bgzhag /dbye bsdu gzhan yang 'dod lha drug dang gling bzhis bde 'gro bcu/ dmyal ba brgyad dud 'gro dang yi dwags te ngan 'gro bcur byas pas 'dod pa nyi shu zhes grags pa dang/ (om 19 ba) gling phran brgyad so sor dbye bas 'dod pa nyi shu rtsa brgyad du'ng rnam par bzhag go /lha ma yin dud 'gror bsdu ba'ng yod kyang gnas lus longs spyod sogs lha dang chos mtshungs pas der bsdu'o/
/a su ra zhes pa'i dgag smra dman pa la sbyar ba yin gyi dngos


Sheja Dzo Chapter 1.2 Volume 1 (page 198)


po bzlog pa la sbyar ba min pas te/ sa sde dang 'dod 'jo sogs las kyang 'di ltar du bshad do/
/gsum pa ni/ gzugs khams la sogs bde 'gro thams cad kyang/ /tshe dang longs spyod 'og nas 'og tu dman/ /ngan 'gro'i sdug bsngal phyi ma phyi mas che/ /gzugs khams gnas ris bcu bdun/ 'dod lha rigs drug gling bzhi'i 'gro ba rnams sngar mched pa'i skabs su smos pai go rim ltar tshe dang longs spyod 'og nas 'og tu rim par dman zhing snga ma snga ma rnams tshe ring zhing longs spyod shin tu rgya che ba yin no/
/ngan 'gro rnams ni sdug bsngal phyi ma phyi mas rim gyis che ba yin te/ dud 'gro las yi dwags/ de las dmyal ba/ de'ang dmyal gnas gong ma rnams las 'og ma sdug bsngal rim par che zhing tshe tshad kyang rim gyis ring ba yin no/
/bzhi pa ni/ skye mched bsam gtan bzhi bzhi 'dod khams gcig /sa dgus shing rigs las 'gro ba drug /mi dang lha gnas ngan song rnam gsum po/
/rgyud dang lam gyi sgo nas lnga ru bzhag /de ltar khams gsum po de'ng sems mi 'dra bas phye na dgur bzhag ste/ gzugs med khams skye mched bzhis phye bas sa bzhi/ 'dod khams pa la khyad par med pas sa gcig ste dgus bsdus shing/ rigs kyis phye na 'gro ba drug ste/ yab sras mjal ba las/ sems can tshott kyi 'gro drug gang bstan pa/ /sems can dmyal ba dud 'gro yi dwags dang/ /lha min ris dang mi dang lha rnams su/ /mi yi seng (om 20 na) ges kun rdzob btags pa mdzad/ /ces pa ltar ro/
/yang rgya cher rol pa las/ sred srid ma rig dbang gis skye bo rnams/ /mi dang lha gnas ngan song rnam gsum po/
/'gro ba lnga po dag tu mi mkhas 'khor/ /dper na rdza mkhan 'khor lo 'khor


Sheja Dzo Chapter 1.2 Volume 1 (page 199)


ba bzhin/ /zhes pa ltar skye ba'i rgyud dang 'gro ba'i lam gyi sgo nas lnga ru'ng bzhag go /yang na/ rmi lam gyi lam/ bag chags kyi lam/ las kyi mtha'i lam/ 'khrul 'khor ma nges pa'i lam/ rgyu dang 'bras bu so sor ma nges pa'i lam ste lnga la'ng bshad pa yod do/
/de kun skye gnas rnam pa bzhi dang ni/ /yang dag log pa ma nges tshogs su 'du/ 'gro ba de thams cad kun kyang skye gnas su bsdu na/ mngal skyes/ sgong skyes/ drod gsher skyes/ rdzus skyes bzhir 'du zhing/ de'ang lha dang dmyal ba dang srid pa bar ma rnams rdzus skyes/ mi dang dud 'gro rnams skye gnas bzhi ka /yi dwags la mngal skyes dang rdzus skyes gnyis yod par bshad do/
/yang sems can gyi 'jig rten de lta bur skye gnas 'chi ba thams cad yang dag par nges pa'i tshogs dang/ log par nges pa'i tshogs dang/ ma nges pa'i tshogs gsum du 'du ste/ dang po ni 'phags pa/ gnyis pa mtshams med byed pa/ gsum pa ni de las gzhan pa thams cad do/
/gnyis pa bar du gnas pa'i tshul bshad pa la gnyis/ 'gro ba spyir bshad pa/ 'dzam gling khyad par du bshad pa/ 'khor los bsgyur ba 'gyung tshul/ kha zas sogs khyad par gzhan bstan pa'o/
/dang po ni/ gnas dus dud 'gro ma gtogs 'gro ba gzhan/ /phal cher 'bras bu la spyod nges pa can/ 'jig rten gyi khams legs par chags nas gnas pa'i dus su dud 'gro ma gtogs pa'i ngan song gi 'gro ba gshan dang mtho ris pa phal mo che thams cad sngar bsags pa'i las dge sdig gi 'bras bu kho na la spyod pa yin (om 20 ba) pas tshe dang longs spyod bde sdug sogs nges pa yin te/ dud 'gro rnams ni sdig pa'i las kyi 'bras bu la spyod pa yin kyang tshe sogs ma nges te klu chen sogs ring mtha' bar bskal gcig tu gnas shing thung mtha' srin bu sogs skad cig


Sheja Dzo Chapter 1.2 Volume 1 (page 200)


mar gnas pa dang/ lus kyi dbyibs dang rnam pa ma nges pa dpag tu med cing/ mi yis bdag tu bzung ba'i gyung dwags sogs cung zad bde la/ gling bar gyi mun par skyes pa sogs sdug bsngal gyis go mtshams med par mnar ba dang/ dmyal ba yang sos sogs drug mas rim bzhin dang/ 'dod lha drug yas rim gyis sbyar ba'i lha'i tshe tshad rnams dmyal ba pa'i zhag tu brtsis pa'i 'dod lha rnams kyi lo grangs de snyed thub ste/ dper na yang sos pa rgyal chen ris bzhi pa'i tshe tshad zhag tu byas pa'i lo lnga brgya 'tsho ba lta bu dang/ rab tsha bar bskal phyed/ mnar med pa bskal pa gcig gi tsher bshad cing/ grang dmyal rnams las chu bur can gyi che ma ga dhaa'i til sbyang nas lo brgya rer til re 'dor ba'i til zad pa dang mnyam zhing/ gzhan rnams so sor snag ma snga ma las nyi shu 'gyur ro/
/yi dwags rnams kyis mi'i zla ba re la zhag tu brtsis pa'i lo lnga brgya thub pa dang/ sa'i dngos gzhir lha min rnams kyi lus dang tshe'i tshad sum cu rtsa gsum dang mtshungs par bshad ming/ ngan 'gro gsum la lus tshad nges pa med pa dang/ lus 'phags po'i mi rnams dzmbu'i gling pa'i khru brgyad par yod pa nas/ rim bzhin ba lang spyod sgra mi snyan pa rnams nyis 'gyur du rtogs par bya zhing/ 'dod lha drug po las rim gyis rgyang grags kyi bzhi cha gcig nas drug gi bar dang/ tshe tshad kyang lus 'phags po lo nyis brgya lna bcu/ ba lang spyod lo lnga brgya/ sgra mi snyan pa stong phrag tu 'tsho zhing/ rgyal chen ris bzhi pa mi lo lnga bcu la nyin zhag gcig tu (om 21 na) brtsis pa'i lo lnga brgya/ sum cu rtsa gsum pa mi lo brgya la zhag tu brtsis pa'i lo stong sogs rim bzhin gong ma nyis 'gyur gyis gzhan 'phrul dbang byed pa'i bar du shes par bya zhing/ gzugs khams pa rnams ni so so'i lus la dpag tshad gzhal ba'i grangs dang mnyam pa'i bskal pa rnams su 'tsho ste/


Sheja Dzo Chapter 1.2 Volume 1 (page 201)


tshangs ris pa tshe bskal pa phyed nas 'og min pa khri drug stong 'tsho ba'i bar du shes dgos so/
/gzugs med bzhi nam mkha' mtha' yas sogs rim bzhin bskal pa nyi khri/ bzhi khri/ drug khri/ brgyad khri rnams su 'tsho ste/ de ltar bgrang ba'i bskal pa'ng 'od chung yan bskal chen dang/ 'og ma rnams bskal chen gyi phyed la bskal par bzhag pa'o/
/gnyis pa ni/ 'di na ma nges tshe dang longs spyod lus/ /dpag med nas ni bcu bar 'grib pa dang/ /de nas brgyad khri'i bar du 'phel la sogs/ /ya thog ma thog bar khug bco brgyad la/ /'phel 'grib byed cing gling gsum longs spyod sa/ /'dzam gling las kyi sa yin khyad par 'phags/ /bye brag dzambu'i gling 'di na gtso bor rgyu la longs spyod pa yin pa'i phyir tshe ring thung longs spyod dar rgyud lus bong chen chung sogs mtha' gcig tu nges pa med de/ thog mar tshe lo dpag med thb pa nas rim par grangs can gyi gnas su gyur te/ mthar tshe lo bcu pa'i bar du 'grib pa'i bskal pa ring po de'i mthar mug nad mtshon gsum gyi bskal pas tshar phyin par byed de/ de'ang tshe lo sum cu pa'i dus su mu ge'i bskal pa lo bdun zla ba bdun zhag bdun/ nyi shu pa'i dus su nad kyi bskal pa zla ba bdun zhag bdun/ bcu pa'i dus su mtshon gyi bskal pa zhag bdun 'byung ngo/
/de yan la ya thog ring mo zer ro/
/de nas tshe lo bcu pa nas brgyad khri'i bar du 'phel zhing brgyad khri nas bcu pa'i bar 'grib pa'i 'phel 'grib dag khug pa gcig ste/ de 'dra (om 21 ba) ba bco brgyad bar gyi khug pa bco brgyad de/ de re re'i mthar yang mu ge nad mtshon gsum khyis tshar phyin par byed la/ mthar bcu pa nas brgyad khri'i bar 'phel ba'i ma thog ring mo ste de dag la ni bar bskal nyi shu zhes bya zhing mtha'i rkyang pa gnyis 'phel 'grib bul bas bar gyi khug pa re dang dus mnyam par 'grel


Sheja Dzo Chapter 1.2 Volume 1 (page 202)


ba gang spel sogs las bshad la/ sa'i dngos gzhir mtha' gnyis kyang khug par bshad do/
/kun mkhyen klong chen pas ma thog ring mo tshe lo dpag med du 'phel ba'i gcig 'grib nas grangs can gyi thog mar sleb dus sangs rgyas mos pa 'bor par gsungs pa 'di nyid theg chen gyi rang lugs 'thad pa'i phyogs su bzung ngo/
/de ltar na ma thog ya thog ring mo gnyis/ bar gyi khug pa bco brgyad dang bcas pa la 'gro ba rnams kyi tshe dang lus longs spyod 'phel 'grib sna tshogs su 'gyur ro/
/'o na gling 'di gzhan las dman pa yin nam snyam na ma yin te/ gling gzhan gsum po ni sngon gyi 'bras bu la longs spyod pa'i sa yin pas las gsar pa bsags mi nus pa'i phyir dman la/ 'dzam gling ni las kyi sa yin pas gling 'dir skyes pa rnams las gang bgyid kyang stobs che zhing mi rtag pa la sogs pa'i gtam gyis kyang skyo ba bskyed cing gdul bar sla ba'i phyir/ bdag cag gi ston pa la sogs pa 'dren pa rnams kyi mtshog gi sprul pa'i sku 'dir 'tshang rgya ba'i tshul bstan cing ston par 'gyur ba'i rgyu mtshan gyis dzmbu'i gling ni gling gzhan las khyad par du 'phags te/ dran nye las/ gling gsum gyi nang nas 'di ni las kyi sa yin no/
/'di ni dge ba bcu'i las kyi lam dag sems pa yin zhing/ 'dir ni sangs rgyas 'byung ba yin la/ 'dir ni mi'i gnas bzhi dag gi rags las pa yin te/ 'dir ni dge ba bcu'i las kyi lam dag nges par sems shing rnam par dpyod pa yin/ (om 22 na) 'dir ni tshangs par spyod pa'i gnas yin/ 'dir ni 'chi ba dang skye ba'i sems pa yin/ 'dir ni rdo rje las byas pa'i rdo rje'i gdan yod de zhes dang/ mi'i gnas bzhi las kun gyi gtso bo ni dzmbu'i gling 'di yin zhes 'byung ngo/
/'di yi 'gro ba 'od gsal lha las mched/ /dred pas bsam gtan zas sogs rim nyams te/ /nyi zla snang zhing mang bkur rgyal po byung/ /


Sheja Dzo Chapter 1.2 Volume 1 (page 203)


dus bzhi'i rim dang rigs bzhi tha dad gyur/ /gling 'di'i mi'i 'gro ba ni thog mar 'od gsal nas lha zhig shi 'phos te/ 'dir rdzus skyes su byung zhing/ de nas rem gyis mched de gnyis pa dang gsum pa la sogs pa nas shin tu mang ba'i bar rdzus skyes sha stag snga ma bzhin byung ba rnams nam mkha' la 'gro zhing lus 'od gsal ba/ bsam gtan gyi zas kyi 'tsho ba gzugs khams pa lta bu la/ phyi nas sa bcud dkar po sbrang rtsi lta bu'i ro yod pa byung bas de mang du zos shing de la sred pa'i rkyen gyis/ bsam gtan gyi zas dang sogs gongs nas rdzu 'phrul rnams nub cing sa bcud de'ang nub pa las/ slar sa zhag kha dog dmar ser byung ba zos shing sred pas/ de dang lus kyi 'od kyang rim par nyams pa dang/ de'i tshe spyi mthun gyi las dang srid pa'i chos nyid kyis nyi zla'ng 'jig rten na snang bar gyur cing/de bzhin du sa bcud gzhan dang myu gu'i tshal byung ba'ng nub nas/ 'bras saa lu'i tshal sbun pa med pa/ nang brngas na nub skye ba dag kyang byung ste/ 'di zos pas snyigs ma bshang gci sogs kyang byung ngo/
/khams kyi zas rags pa de dag gi rkyen gyis pho mo'i dbang po so sor snang ba dang/ rim gyis gcig la gcig chags par gyur cing log par spyad pas gzhan dag gis de la bang ba sogs gtor zhing spyos pas de dag ngo tsha zhing mi rung bar mthong nas/ zhag bdun la (om 22 ba) sogs kyi bar du log spyod spong bar byed pa dang/ sdug pa shas che ba 'ga' zhig ngo tsha ba bskyab pa'i phyir khang pa brtsigs pa'ng byung ngo/
/de nas gsog 'jog byas pa'i rgyus ma rmos pa'i saa lu'ng nub nas 'bras sbun ma dang bcas pa byung zhing brngas par yang mgnon pas mu thug bres te zhing rmod pa las/ phyi nas de la rku ba'ng byung zhing des rtsod par gyur pas mi de rnams kyi nang na gzugs bzang zhing bsod nams che bar grags pa zhig zhing dpon du bskos nas/ thams cad kyis


Sheja Dzo Chapter 1.2 Volume 1 (page 204)


bkur zhing thog shas dbul bar byed pas mang bkur rgyal po ste/ rgyal po'i thog ma byung bas de nas brtsams te rigs de la zhing gi bdag po yin pas sam/ nyams pa las skyob pa'i phyir kssha tri ya zhes bya zhing/ de nas rim gyis mi rnams sdig pa shas che bar gyur pas rgyal po'i bsgo ba las nyams pa na/ nan tur gyi las byas kyang ma nyan pas srog gcod pa byung ba dang/ de la skrag pas rdzun smra ba gyung ba sogs rim gyis snyigs ma lnga bdo ba'i mthar nad mtshon mu ge'i bskal pa byung zhing dus bzhi'i rim par dbye ba byung ngo/
/de la thog ma'i dus ni rdzogs ldan gyi bskal pa zhes bya zhing/ pho mo 'khrig pa spyod cing ma byin pa blangs pa nas snod bcud kyi dpal 'byor cha bzhir bgos pa'i gcig bri bas gsum ldan/ rdzun smras pas dpal 'byor cha gnyis bri ba'i skabs gnyis ldan/ srog gcod bcas mi dge ba'i las lam yongs su rdzogs pas cha gcig tsam yang rim par bri ste rtsod ldan tu gyur pa yin no/
/mi'i 'gro ba rnams kyang rim par rigs bzhir gyes te/ de'ang thog mar mang bkur gyi rgyud las rgyal ritt rnams byung zhing/ de nas khyim gyi nyes pas yid byung ba dag las bram (zhang (om 23 na) zhung gi brda ste bod skad nges tshig bshad par dka' ba 'di rigs phal cher rgya dkar nag gi skad zur chag pa dang/ yul gzhan gyi brda 'dres pa mang du yod do/
mchan/) ze'i rigs dang/ rku ba sogs mi byed pa la rje'u rigs dang/ de ltar byed pa la dmangs rigs zhes bya ba rigs tha dad du byur pa byung gno/
/gsum pa ni/ gser dngul zangs lcags 'khor los sgyur ba yang/ /brgyad khri yan la 'dir 'byung stong gsum ni/ /ril por dbang byed pa yang yod par gsungs/ /gling bzhi la dbang byed pa'i gser dngul zangs lcags kyi 'khor los sgyur ba'ng/ tshe lo brgyad khri'i skabs yan chad du gling 'dir 'byung bar bshad de/ de'ang thog mar mang pos bkur ba'i pho brang btab pa ni


Sheja Dzo Chapter 1.2 Volume 1 (page 205)


rgyal po'i khab nyid yin par brgyad stong 'grel pa snying po mchog las gsungs shing/ des btsun mo chu stod ma zhes bya ba blangs pa las bu 'od mtshes so/
/de'i btsun mo ri las skyes las dge ba/ /de'i btsun mo sprin mgrin las dge mchog de'i btsun mo taa la'i rje ngar las gso sbyong 'phags te de rnams la bskal pa bzang po'i rgyal po lnga zhes zer ro/
/gso sbyong 'phags kyi spyi bor sha rmin byung ba las nga las nu byung ste/ de nyid khang steng na yod pa la gser gyi 'khor lo nam mkha' las byung ba shar phyogs las rgyal bar gyur cig ces 'phangs pas 'khor dang bcas pa der phyin te/ rim gyis gling bzhi sum cu rtsa gsum dang bcas pas mdun bsum nas mnga' dbang du mdzad pas 'khor los sgyur ba chen po'o/
/de'i gzugs dang spyod pa phal cher brgya byin dang 'dra shing/ tshe ni brgya byin gyi tshe tshad brgya dang bzhi bcur thub bo/
/de'i bu mdzes pa ni dngul gyi 'khor lo can rang gis phyin pa tsam (om 23 ba) gyis shar lho nub gsum ste gling gsum la dbang ba/ de'i bu nye mdzes ni zangs kyi 'khor lo can gyul bshams pa tsam gyis shar lho gnyis la dbang ba/ de'i bu mdzes ldan ni lcags kyi 'khor lo can mtshon cha gdengs pas lho gling la dbang ba/ de'i bu nye mdzes ldan yang lcags kyi 'khor lo can mtshon cha gdengs pa tsam gyis lho gling la dbang byed pa ste/ de phyin chad 'khor los sgyur pa thams cad kyang gling gcig kho na la dbang sgyur ba sha stag yin zhing/ dus gcig la gnyis mi 'byung ba ni sangs rgyas dang brgya byin dang 'khor los sbyur ba rnams kyis 'gran zla med pa'i las 'du bgyis pa'i dbang gis so/
/de dag la mtshan dpe sangs rgyas ltar gsal rdzogs min pa'i rjes mthun yod cing phal cher 'phags pa yin la/ dus kyang tshe lo stongs phrag brgyad cu yan/ dge ba bcu ka rdzogs par spyod pa rdzogs ldan gyi dus su 'byung ba yin te/ de phyin chad na


Sheja Dzo Chapter 1.2 Volume 1 (page 206)


phun tshogs dang dbang thang rnams mi rdzogs par bshad la/ rin chen bdun sogs med kyang 'dzam gling phal cher la dbang ba stobs kyis 'khor los sgyur ba zhes bshad pa dag ni tshe lo brgya pa yan la ci rigs par 'byung ba yod do/
/de dag yo byad kyang thun mong ma yin pa'i bdun phrag gsum yod de/ mtshog gi rin chen bdun no/
dran pa nyer gzhag las/ 'khor lo rin po che ni gser las byas shing dpag tshad lnga brgya pa rtsibs stong dang ldan pa/ nyi ma gcig la'ng dpag tshad stong du 'gro zhing/ de'i mthus sum cu rtsa gsum man chad du glang chen sogs 'khor thams cad nam mkha' la 'gro nus pa/ rgyal pos mi thos pa'ng thos pa dang/ do zla su yang med par byed pa zhig nam mkha' las 'byung ba dang/ nor bu rin po che ni mi chen po'i brla sha tsam zur brgyad pa/ mtshan mo dpag tshad brgyar 'od 'byung zhing/ nyi ma tsha ba na bsil ba'i chu yan lag brgyad ldan 'byung ba/ dpag tshad brgya'i khor yug tu nad med par byed cing ji ltar 'dod pa'i las thams cad grub par byed pa (om 24 na) zhig brgya byn gyis ster ro/
/btsun mo rin po che ni lus la tsa ndan dang kha nas utpa la'i dri 'byung zhing/ reg na nyon mongs pa med pas mi thams cad kyis ma dang sring mo ltar mthong ba/ gling de'i bkres skom thams cad sel bar byed cing bsam pa dang mthun pa/ bu mang po btsa' zhing gyis thabs med kyang 'dod yon lnga'i dbang du mi 'gyur ba zhig blon pos ster ro/
/blon po rin po che ni nyon mongs pa med pas mi dge ba spangs shing bya ba kun ma bslabs kyang shes bzhin byed pa/ sems can rnams la pha ma ltar byams pa zhig 'byung ngo/
/glang po rin po che ni cang shes bka' nyan la/ nyin gcig la'ng 'dzam gling lan gsum 'khor zhing/ rgyal pos zhon pa'i tshe gang du 'jug spro ba der bskul mi dgos par 'gro ba/ pha rol las rgyal bar byed pa dang/


Sheja Dzo Chapter 1.2 Volume 1 (page 207)


rta mchog rin po che ri rma bya'i mgrin pa ltar sngo zhing yon tan glang po dang mtshungs pa ste de gnyis brgya byin gyis ster ro/
/dmag dpon rin po che ni dgra bo ma lus pa 'joms par nus kyang gzhan la mi 'tshe ba dang bdun nam/ yang na khyim bdag rin po che ni rgyal po'i bka' nyan cing bang mdzod nor gyis 'gengs pa zhig 'byung ba ste bdun no/
/'dir mkhas pa dag /gser 'khor la dmag dpon med de gyul bsham mi dgos pa'i phyir mdzod gnyer ba khyim bdag dang bdun yin cing/ gzhan gsum la gyul bsham dgos pas dmag dpon bgrangs pa'i bdun yin no/
/zhes bshad do/
/nye ba'i rin po che bdun no/
rgyal po dang 'gal bar spyod pa der song ba tsam gyis thams cad 'drud par byed pa'i ral gyi dang/ chur dpag tshad bcu dang zheng du lnga pa char gyis mi brlan zhing rlung gis mi bskyod pa/ grang na bsro zhing tsha na bsil bar byed la/ gang du 'gro sar 'khor dang bcas pa'i khyim gyi bya ba byed pa'i pags pa zhig tshong pas phul bas rgya mtsho (om 24 ba) nas byung ba'i klu'i pags pa yin par bshad pa dang/ chur dpag tshad bcu gnyis dang zheng du bdun pa/ grang na dro la tsha na bsil zhing lha mo rnams 'ongs nas rol mo byed pa/ zla ba dang rgyu skar dang rin po che sogs lta bar 'dod kyang 'grub pa'i khyim dang/ 'jam zhing dri ma mi gos pas grang dro bkres skom ngal dub kyis mi mnod pa me dang mtshon sogs kyis mi tshugs pa'i gos dang/ rgyal po phyin pa'i tshe lha'i bu dang bu mo dang bya sogs 'ongs nas 'ngod yon la spyod pa'i skyed tshal dang/ bsam gtan byed na rnam par grol zhing blo gsal ba/ kunb nas nyon mongs pa


Sheja Dzo Chapter 1.2 Volume 1 (page 208)


dang bral bar byed pa'i mal cha dang/ gyon na chur mi bying zhing yud tsam gyis dpag tshad brgyad 'gro ba la ngal ba med pa'i lham dang/ mi dge ba bcu spangs pa'i bu stong dang/ dgra zil gyis gnon pa'i mda' gzhu yang 'byung ngo/
rin po che sna bdun ni brgyad stong 'grel par/ mu sa grbha bee dduurya/ /dngul dang gser dang shel dang ni/ /mu tig dmar bcas rdo snying rnams/ /kun la 'tsho phyir rin chen bdun/ /zhes pa ltar ro/
/gzhan yang nam mkha' mdzod kyis zhus pa'i mdo las/ stong gsum ril po 'di la dbang sgyur ba'i 'khor los sgyur rgyal yang yod par bshad cing/ chos dang don rnam par 'byed pa'i mdo las kyang/ 'jig rten gyi khams me tog 'byung gnas de na mi'i dbang po 'khor los sgyur ba'i rgyal po stong gsum gyi stong chen po'i 'jig rten la dbang byed pa rgyal ba thob pa zhes bya ba zhig byung ngo/
/zhes gsungs so/
/bzhi pa ni/ kha zas bkres skom gos mdog nyin mtshan sogs/ /tha dad 'og mas gong ma mthong ba min/ /gro ba de dag gnas pa'i tshe mi'i gling gsum na kha zas kyi rnam grangs mang la byang gling du ma rmos pa'i 'bru 'ba' zhig la longs spyod pa dang/ 'dod lha (om 25 na) rnams bdud rtsi/ gzugs khams pa bsam gtan gyi zas kyis 'tsho ba sogs kha zas kyi khyad par dang/ 'dod pa'i khams na bkres skom yod la khams gong ma gnyis na med pa dang/ gling gsum na gos kha dog sna tshogs pa/ byang na dkar po gcig pu/ 'dod lha drug na dkar ser sngo dmar/ gzugs khams na dkar po/
gling gsum gyi gos dar ras snal ma sogs sjid che la/ byang gling dang 'dod lha dpag bsam


Sheja Dzo Chapter 1.2 Volume 1 (page 209)


gyi shing shun srab 'jam yang ba ste byang gling gi gos srang gcig gi ljid/ 'og min la gzhal du med pa'i bar gyi gos rnams kyi khyad par dang/ gling bzhir nyi zla'i 'od la brten pas nyin mtshan gyi dbye ba 'byed pa/ gnya' shing 'dzin yan chad rang 'od la brten pa'i phyir snang mun med pas me tog 'byed 'dzum sogs las nyin mtshan rtogs dgos pa dang/ skye gnas gsum la 'chi dus ro yod la rdzus skyes la med pa dang/ gling gsum na char che chung lo legs nyes mngon zhen sogs yod la/ byang gling dang lha la med pa sogs rnam pa mang po'i khyad chos tha dad du gnas pa yin no/
/rdzu 'phrul thob pa dang khams gong ma'i lhas khrid pa ma gtogs 'og ma rnams kyis gong ma'i gnas rnams su phyin pa dang mthong bar nus pa ma yin la/ gong ma rnams ni de las ldog pa ste tshangs ris la sogs pa gzugs kyi lha rnams dzmbu'i gling du 'ong dus/ lus de gnas de las ma gyos par/ sprul pa sngon gyis thob pa'i sems kyi sa mtshungs yod pa'i rnam pa la brten nas 'ong ngo/
/gzhan 'phrul man chad 'dod pa'i sa mtshungs pas de'i lus kyis 'ong ba'o/
/gsum pa 'jig stong bshad pa la gnyis/ dngos dang/ zhar byung ngo/
/dang po la gnyis/ bcud bshad pa dang/ snod pa'o/
/dang po ni/ 'jig dus dmyal nas 'go brtsams ngan 'gro stongs/ /lha mi (om 25 ba) bsam gtan thob nas gzugs khams skye/ /'og ma gong mar 'phos nas bcud stongs tshe/ /gnas pa'i bskal pa rdzogs nas 'jig pa'i 'go brtsam pa'i dus su dmyal ba nas las zad pa rnams mtho ris su 'gro/
las ma zad pa rnams 'jig rten 'di zhig pa'i tshe der sdug bsngal myong zhing de nas 'phos te 'jig rten gzhan gyi dmyal bar skye bas/ 'jig rten 'di'i dmyal gnas su sems can gsar du mi skye bar dmyal ba'i gnas nas stongs pa'i 'go brtsam/ de


Sheja Dzo Chapter 1.2 Volume 1 (page 210)


nas yi dwags dang dud 'gro'i rtsa ba'i gnas stongs/ de'i tshe dzmbu'i gling gi mi gcig gis rang gi chos nyid kyis bsam gtan gnyis pa'i bar du thob par byas te gnas pa las/ de nas langs te 'di skad du dbyen ap las skyes pa'i dga' ba dang bde ba ni 'di yin no/
/zhes smras pa'i sgra des skad cig yud tsam la dzmbu'i gling du tshegs med par khyab bo/
/sgra de thos ma thag tu gzhan dag gis khyang de'i rjes su bslabs pas bsam gtan gnyis pa'i bar du rdzogs par byas nas 'od gsal gyi lha'i ris su skye bar 'gyur te/ gang gi tshe dzmbu'i gling na sems can gcig kyang ma lus pa de'i tshe/ shar gyi lus 'phags gling dang nub kyi ba lang spyod kyi mi rnams kyang de bzhin du 'gyur ro/
/sgra mi snyan pa ni sum cu rtsa gsum gyi gnas su skye zhing gling phran rnams kyang btso bo dang 'dra bas mi'i 'jig rten stong ngo/
/de'i 'og tu lha zhig gis bsam gtan gnyis pa thob pa'i tshul bsgrags pas rim bzhin thams cad kyi bsam gtan thob cing gzugs khams su skye/ de dag kyang 'og mas gong ma'i bsam gtan thob nas der 'phos te tshangs pa'i 'jig rten man cad du sems can gcig kyang med pa'i tshe bcud zhig pa zhes bya'o/
/gnyis pa ni/ bsam gtan dang po'i gnas man me yis 'jig /stong pa cang med (om 26 na) nam mkha' gcig tu lus/ /yang chags de yang gnas mthar me yis 'jig /bcud stong pa'i rjes su char mi 'bab cing nyi ma bdun 'char bar 'gyur te/ des rim pa bzhin du rtsi shing nas nags tshal rgya mtsho chen po'i bar skyem par gyur nas mthar me lce gcig tu gyur pas mnar med pa nas bsam gtan dang po'i gnas man chad me yis bsregs shing 'jig ste de man chad stong pa ci'ang med pa nam mkha' gcig gi ngang du lus par 'gyur ro/
/yang snga ma bzhin 'jig rten gyi khams gcig gsar du chags pa de'ang gnas


Sheja Dzo Chapter 1.2 Volume 1 (page 211)


pa'i bskal pa rdzogs pa'i mthar snag ma bzhin du me yis 'jig go /de 'dra bdun song brgyad pa char pa'i chus/ /bsam gtan gnyis pa man chad 'jig par byed/ chatt 'jig de 'dra ba lan bdun song nas brgyad pa ni 'od gsal gyi gnas su sprin chen po 'dus pa las char babs nas snod 'di lan tshwa chur zhu ba ltar byas nas de nyidkyang bskams te bsam gtan gnyis pa man chad 'jig par 'gyur ro/
/me bdun chu gcig spel ba lan bdun mthar/ /slar yang me bdun kun gyi tha mar ni/ /rlung gyos bsam gtan gsum pa man chad 'jig /de ltar med 'jig pa bdun dang chus 'jig pa gcig spel ba lan bdun song ba'i mthar slar mes lan bdun 'jig go /de dag kun rdzogs pa'i tha mar ri'i rgyal po ri rab kyang phye mar 'thag par byed pa'i rlung langs nas bsam gtan gsum pa man chad 'jig par 'gyur ro/
/de gsum ting 'dzin /skyon dang bcas pas te/ /bzhi par de med 'byung bas 'jig mi 'gyur/ /bsam gtan gsum po de me chu rlung gis 'jig pa'i rgyu ni ting nge 'dzin skyon dang bcas pas te/ de'ang bsam gtan dang po na rtog dpyod me lta bu dang/ gnyis pa na dka' bde chu lta bu dang/ gsum pa na ting nge 'dzin gyi skyon (om 26 ba) dbugs dbyung rngub rlung lta bu yod pa'i dbang gis de dang des 'jig pa yin la/ bzhi pa na skyon de dag med pas phyi rol 'byung ba'i rkyen gyis 'jig par byed pa med kyang/ sems can rang gi yid las grub pa'i gzhal yas khang dang bcas pa mnyam du skye 'jig byed par 'dod do/
/sas 'jig pa'i rkyen mi byed pa ni snod kyi 'jig rten nyid sa khams gtso bor yin pa'i don gyis so/
/gnyis pa la gsum/ bskal pa'i grangs/ 'jig tshul gzhan/ mi 'jig pa'i gnas bshad pa'o/
/dang po ni/ bsdoms pas bskal chen drug cu


Sheja Dzo Chapter 1.2 Volume 1 (page 212)


rtsa bzhi 'byung/ /de dag dril zhing bsdoms pas 'jig chags kyi bskal pa chen po drug cu rtsa bzhi brgyud mar 'byung ste/ dge rgyas pa rnams kyi tshe tshad dang mnyam pa'o/
/chags mnas 'jig stong re rer bar bskal ni/ /nyi shu re yod bsdoms pas bskal chen gcig /thog mar rlung dkyil 'go brtsams pa nas dmyal ba'i khams chags pa'i bar dang/ dzambu'i gling du tshe lo dpag med nas brgyad khri'i bar du 'grib pa dus mtshungs pas de yan chad chags pa'i bskal pa ste snod chags pa la bar bskal gcig /bcud la bcu dgu ste nyi shu thogs/ brgyad khri'i nas tshe lo bcu pa'i bar la bar bskal dang po/
de nas brgyad khri'i bar 'phel zhing slar bcu par 'grib pa gnyis bsdoms pas bar gyi khug pa gcig ste de 'dra lan bco brgyad 'byung ba la bar khug bco brgyad zer/ slar bcu pa nas brgyad khri'm dpag med bar 'phel ba bar bskal tha ma ste bsdoms pas gnas pa'i yun la bar bskal nyi shu/ bcud 'jig pa la bar bskal bcu dgu /snod 'jig pa la gcig ste 'jig pa la bar bskal nyi shu/ 'jig rten snga ma zhig phyi ma chags pa mun par 'dug pa'i bar stong la bar bskal nyi shu'i yun du gnas te mdor na chags gnas 'jig stongs bzhi po re (om 27 na) re la'ng bar bskal nyi shu re yod pa bsdoms pas bar gyi bskal pa brgyad cu ni bskal pa chen po gcig yin no/
/de dag mi mjed 'di'i dbang du byas kyi spyir zhag dang bskal pa'i tshad kyang mtha' gcig tu ma nges te bsam gyis mi khyab pa rgyal po'i mdo las/ shaakya thub pa/ tshe dpag med/ rdo rje rab 'joms/ 'od zer shin tu stug po padma rab tu rgyas pa'i sku/ chos kyi rgyal mtshan/ seng ge rnam par snang mdzad/ chos kyi 'od zer me tog rab tu rgyas pa'i sku/ ye shes 'od zer rgyal po/
zla ba'i blo gros/ bzang po'i dpal/ de rnams snga ma snga ma'i bskal pa re la phyi ma phyi ma'i nyin zhag rer


Sheja Dzo Chapter 1.2 Volume 1 (page 213)


bshad pa ltar ro/
/gnyis pa ni/ bskal pa gcig la'ng bsam gtan gsum pa man/ /'jig pa'i me bdun chu gcig rlung 'byung ba/ /bzhed pa theg pa so so'i dgongs pa yin/ /bskal pa chen po gcig kho na la'ng 'jig pa'i tshe bsam gtan gsum pa man chad 'jig par byed pa'i me bdun dang/ chu gcig mthar rlung rnams kyis 'jig tshul gong smos kyi rim pa ltar 'jig par kun mkhyen dri med 'od zer sogs kyis bshad cing bzhed pa ni theg pa tha dad so so'i dgongs pa yin pas mgnon pa 'og ma dang ma mthun kyang skyon du bzung bar mi bya'o/
/spyir stong gsum 'di chags 'jig dus mnyam pa bzhin du phyogs gzhan na yang de lta bu tshad med pa gnas te/ da lta nyid la'ng phyogs bcu'i 'jig rten gyi khams 'jig pa dang stongs pa dang chags pa dang gnas pa rnams bar mtshams med par tshad bzung dang bral ba mtha' yas pa dang chags 'jig gi tshul yang mi 'dra ba mang ngo/
/gsum pa ni/ dag pa'i zhing dang rdo rje gdan la sogs/ /mi 'jig kun 'byung 'bras bu min phyur ro/
/chags 'jig mi byed pa'i 'jig rten gyi khams yod dam snyam na/ 'phags pa rnams kyi ye shes kyi rang snang las grub pa'i longs (om 27 ba) sku'i zhing dang/ byang chub sems dpa/ rnams kyi zhing yongs su sbyong ba'i smon lam dang bsam gyis mi khyab pa'i dge ba'i rtsa ba'i stobs las byung ba mngon par dka' dang/ bde ba can sogs dag pa'i zhing khams rnams ni sangs rgyas kya phrin las ma rdzogs kyi bar du chags 'jig byed pa ma yin cing/ rdo rje gdan dang bya rgod phung po'i ri la sogs pa'ng 'jig rten 'di dang mnyam du mi 'jig ste snod bcud yin kyang kun 'byung gi 'bras bu ma yin pa'i phyir ro/
'jig rten bye brag tu bstan pa theg pa dman pa dang


Sheja Dzo Chapter 1.2 Volume 1 (page 214)


thun mong du mrjod pa skabs gnyis pa'i 'grel ba'o/