Search by property
Jump to navigation
Jump to search
This page provides a simple browsing interface for finding entities described by a property and a named value. Other available search interfaces include the page property search, and the ask query builder.
List of results
- Dictionaries/sngas rgyas chos gzhung tshig mdzod/46 + (རབ་བྱུང་གསུམ་པའི་ཤིང་བྱི་ལོར་ཁམས་འབྲི་ལུང་ … རབ་བྱུང་གསུམ་པའི་ཤིང་བྱི་ལོར་ཁམས་འབྲི་ལུང་དུ་སྐུ་འཁྲུངས་པ་འདི་ཉིད་ཀརྨ་དུས་གསུམ་མཁྱེན་པའི་ཡང་སྲིད་དུ་ངོས་བཟུང་བས་བོད་ལ་བླ་མའི་སྤྲུལ་སྐུ་ངོས་འཛིན་བྱེད་སྲོལ་ཐོག་མ་དེ་ནས་འགོ་ཚུགས། དུས་གསུམ་མཁྱེན་པའི་ཡང་སློབ་སྤོམ་བྲག་པ་བླ་མར་བསྟེན། མེ་ལུག་ལོ་ནས་མཚུར་ཕུར་ཕེབས་ཏེ་ལོ་དྲུག་བཞུགས། སེ་ཆེན་རྒྱལ་པོས་གདན་དྲངས་པ་བཞིན་རོང་ཡུལ་གསེར་སྟོད་དུ་རྒྱལ་པོ་དང་མཇལ། ནང་སོག་ཏུ་འཕྲུལ་སྣང་སྤྲུལ་པའི་ལྷ་ཁང་བཞེངས། རབ་བྱུང་བཞི་པའི་མེ་འབྲུག་ལོར་མོང་གོར་རྒྱལ་པོས་གདན་དྲངས་ཏེ་གུ་ཤྲི་གསེར་ཐམ་དང་ཞྭ་ནག་གསེར་མདོངས་ཅན་གནང་བས་ཀརྨ་པཀྴི་ཞེས་གྲགས། པཀྴི་ཞེས་པ་སོག་སྐད་དུ་སློབ་དཔོན་ཟེར། ལྕགས་སྤྲེལ་ལོར་མོང་གོར་རྒྱལ་པོ་འདས། གོ་བེ་ལ་གཅེན་གཅུང་ནང་མ་འཆམས་པ་དང་འབྲེལ་ཚུལ་གྱི་དབང་གིས་བཙོན་དུ་བཟུང་ཞིང་རྒྱང་འབུད་བཏང་། ཤིང་བྱི་ལོར་གུ་ཡངས་བྱུང་སྟེ་དབུས་སུ་ཕེབས་པའི་ལམ་བར་མདོ་ཁམས་སུ་བསྟན་པ་ལོ་བརྒྱད་སྤེལ། དེ་ནས་མཚུར་ཕུར་བྱོན། དགོན་པ་རྒྱ་ཆེར་བསྐྲུན། རབ་བྱུང་ལྔ་བའི་ཆུ་ལུག་ལོར་འདས།ཆེར་བསྐྲུན། རབ་བྱུང་ལྔ་བའི་ཆུ་ལུག་ལོར་འདས།)
- Dictionaries/bod rgya nang don rig pai tshig mdzod/2 + (ལྷོ་བྲག་མར་པའི་སློབ་མ་མཆོག་གྱུར་བཞི་སྟེ། རྔོག་ཆོས་སྐུ་རྡོ་རྗེ། མཚུར་སྟོན་དབང་གི་རྡོ་རྗེ། མེས་སྟོན་ཚོན་པོ། མི་ལ་རས་པ་སྟེ་བཞིའོ།།)
- Dictionaries/Bod rgya shen sjar gyi shes jai rnam drangs kun btus tshig mdzod/656 + (ལྷོ་བྲག་མར་པའི་སློབ་མ་མཆོག་གྱུར་བཞི་སྟེ། རྔོག་ཆོས་སྐུ་རྡོ་རྗེ། མཚུར་སྟོན་དབང་ངེ། མེས་སྟོན་ཚོན་པོ། མི་ལ་རས་པ་སྟེ་བཞི།)
- Dictionaries/Bod rgya shen sjar gyi shes jai rnam drangs kun btus tshig mdzod/1195 + (མཚུར་ལ་དཀར་དམར་སྔོ་ནག་སེར་ཏེ་ཁ་དོག་སྣ་ལྔ་ཡོད།)
- Dictionaries/chos rnam kun btus/10005 + (1. གསེར་གྱི་བྱེ་མ། 2. སིན་དྷུ་ར། 3. ཟེ་ཚྭ། 4. ཡ་བཀྐི་ར། 5. བུལ་ཏོག 6. མུ་ཟི་སེར་པོ། 7. ནག་མཚུར། 8. སེར་མཚུར། 9. ཐིག་པན། 10. རྡོ་རྗེ་དྲེག 11. བྲག་ཤུན་བཅས་སོ། །)
- Dictionaries/Bod rgya shen sjar gyi shes jai rnam drangs kun btus tshig mdzod/2166 + (1. མཚལ། 2. ལི་ཁྲི། 3. བཙག 4. སྡོང་རོས། 5. … 1. མཚལ། 2. ལི་ཁྲི། 3. བཙག 4. སྡོང་རོས། 5. རྡོ་དྲེག་སྟེ་སའི་རཀྟ་ལྔ། 6. ཙན་དན་དམར་པོ། 7. སེང་ལྡེང༌། 8.མཛོ་མོ་ཤིང་། 9. གོཤིརྵ། 10. བཤེར་ཤིང་དམར་པོ་སྟེ་ཤིང་གི་རཀྟ་ལྔ། རྗེས་ཀྱི་གཉིས་པོ་མ་བརྙེད་ན། སྟར་བུ། ཀནྚ་ཀ་རི་དམར་པོས་རུང་བར་བཤད། 11. པདྨ་རཱ་ག 12. བྱུ་རུ། 13. མཚུར་དམར། 14. མེ་ཤེལ། 15. རྡོ་རྒྱུས་དམར་པོའམ་སྦལ་རྒྱབ་གང་རུང་སྟེ་རྡོའི་རཀྟ་ལྔ། 16. ཧ་ལོ། 17. ཁུག་ཆུང་། 18. གླང་སྣ། 19.སེ་རྒོད། 20. ལུག་རུ་དམར་པོ་སྟེ་མེ་ཏོག་གི་རཀྟ་ལྔ། 21. ར་མོ་ཤག 22. ཉེ་ཤིང་། 23. སྙ་ལོ། 24. གྲོ་མ། 25. སྙུག་མ་དམར་པོ་སྟེ་རྩྭའི་རཀྟ་ལྔ། ཕྱི་མ་དེ་དངོས་ནི་མདོ་ཁམས་ཀློང་ཐང་སོགས་སུ་སྐྱེས་པའི་ཁྲག་སྙུག་ཞེས་པ་དེའོ། 26. རྒུན་འབྲུམ། 27. རམ་བུ། 28. (ཁ་སུར) བྲེའོ། 29. བ་མཁལ་སྨུག་པོ། 30. སྐྱུ་རུ་ར་སྟེ་འབྲུའི་རཀྟ་ལྔ། 31. རྒྱ་སྐྱེགས། 32. སིན་དྷཱུུ་ར།33. འབྲི་མོག 34. བུ་རམ། 35. བྲག་ཞུན་སྟེ་རྩིའི་རཀྟ་ལྔ་རྣམས་ཐམས་ཅད་དྲིལ་བས་རཀྟ་སུམ་ཅུ་རྩ་ལྔ་པོ་ནི་རྩ་བ་ལྟ་བུ་ཡིན་ལ། དེའི་ཡན་ལག་ཏུ་རྫས་སོགས་གང་དམར་གྱི་རིགས་སུ་གྱུར་ཚད་ཐམས་ཅད་དང༌། རིན་པོ་ཆེ་ཟངས་སོགས་རྡོ་རིགས་དམར་པོ་ཐམས་ཅད། ཨུཏྤལ་དམར་པོ་དང་ཤང་དྲིལ་དམར་པོ་སོགས་མེ་ཏོག་དམར་པོ་ཐམས་ཅད། གཙང་དམར་དང་ས་འདྲེས་དམར་པོའི་རིགས་ཐམས་ཅད། སྣ་མའི་འབྲས་བུ་དང་འོལ་མོ་སེ་སོགས་འབྲས་བུ་དམར་པོ་ཐམས་ཅད། འབྲས་དམར་དང་ཁྲེ་དམར་སོགས་འབྲུའི་རིགས་དམར་པོ་ཐམས་ཅད། གཞན་ཡང་སྲོག་ཆགས་ལས་བྱུང་བའི་རཀྟའི་རིགས་མཐའ་དག་པའོ།ྲོག་ཆགས་ལས་བྱུང་བའི་རཀྟའི་རིགས་མཐའ་དག་པའོ།)
- Dictionaries/chos rnam kun btus/1353 + (1.གསར་མ་ལ་གསུམ་སྟེ། (1)བྱ་སྤྱོད་ནི། བྱ་སྤ … 1.གསར་མ་ལ་གསུམ་སྟེ། </br>(1)བྱ་སྤྱོད་ནི། བྱ་སྤྱོད་བྱང་ཆུབ་མཆོག་དང་སངས་རྒྱས་གསང་། ། ཕྱི་མའི་བཤད་རྒྱུན་མཉྫུ་ཤྲཱིས་སྤེལ། ། ཞེས་གསང་སྔགས་ཕྱི་འགྱུར་གསར་མའི་ལུགས་སུ་རྒྱུད་སྡེ་ཆེན་པོ་བཞིར་གྲགས་པའི་ཐོག་མ་བྱ་བ་དང་སྤྱོད་པའི་རྒྱུད་ནི། འཕགས་ཡུལ་དུ་སློབ་དཔོན་བྱང་ཆུབ་མཆོག་གི་སྐལ་པ་ཅན་དང་སངས་རྒྱས་གསང་བ་རྣམས་ནི་མཁས་པའི་ཕུལ་དུ་གྱུར་པས་སྔ་མས་བྱ་རྒྱུད་དང་། ཕྱི་མས་སྤྱོད་རྒྱུད་གཙོ་བོར་བཤད་སྒྲུབ་གཉིས་ཀ་རྩལ་འདོན་གྱིས་སྤེལ་བར་མཛད་ལ། གཞན་ཡང་ཛེ་ཏཱ་རི་ལ་སོགས་པ་རྣམས་ཀྱིས་ཀྱང་ཅི་རིགས་པར་མཛད་དོ། ། བོད་དུ་བསྟན་པ་སྔ་དར་གྱི་སྐབས་ཆོས་རྒྱལ་ཁྲི་སྲོང་ལྡེའུ་བཙན་གྱིས་སློབ་དཔོན་སངས་རྒྱས་གསང་བ་སྤྱན་འདྲེན་དུ་དབས་མཉྫུ་ཤྲཱི་སོགས་བཏང་ཡང་མ་བྱོན་པར་ཀྲི་ཡོག་སྡེ་གསུམ་བཤད་པ་ཉན། ཉིད་ཀྱི་འགྲེལ་པ་རྣམས་གནང་བ་ཁྱེར་ཏེ་སླར་འོངས་ནས་བཙན་པོ་ལ་ཕུལ། སློབ་མ་རྣམས་ལའང་བཤད་པས་དར་བར་གྱུར། དེའང་དཔུང་བཟང་དང་། གསང་བ་སྤྱིའི་རྒྱུད་དང་། བསམ་གཏན་ཕྱི་མ་ལ་སོགས་པ་དང་། སྤྱོད་པའི་རྒྱུད་ཀྱི་ཡང་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལ་སློབ་དཔོན་སངས་རྒྱས་གསང་བའི་བསྡུས་དོན་གྱི་འགྲེལ་པ་དང་། སངས་རྒྱས་གསང་བའི་གསུང་ལོ་ཙཱ་བས་ལེགས་པར་བཟུང་སྟེ་ཡི་གེར་བྱས་པ་དང་། ཕྱག་ན་རྡོ་རྗེ་དབང་བསྐུར་བའི་རྒྱུད་ལ་འགྲེལ་པ་ཞིག་ཀྱང་འགྱུར་ཞིང་། དེ་ལ་སོགས་པ་ལ་བཤད་པ་དང་ཉན་པའི་རྒྱུན་ཡང་ཡོད་པར་སྣང་མོད། བསྟན་པ་ཕྱི་དར་གྱི་སྐབས་བ་རི་ལོ་ཙཱ་རིན་ཆེན་གྲགས་ཀྱིས་དབང་བཀའ་དུ་མའི་རྒྱུན་སྤེལ་བ་སོགས་སྐྱེས་མཆོག་དུ་མས་ལུགས་སྲོལ་ཅི་རིགས་པ་སྤེལ་ཡང་རྐང་ཚུགས་པའི་བཤད་རྒྱུན་ཆེར་མ་བྱུང་ཞིང་། ངོར་ཆེན་རྡོ་རྗེ་འཆང་ཀུན་དགའ་བཟང་པོས་ས་སྐྱའི་སྒོ་རུམ་དཔེ་ཁང་དུ་ལོ་གསུམ་སྐུ་མཚམས་བཅད་དེ་རྒྱུད་དང་རྒྱ་འགྲེལ་རྣམས་ལ་གཟིགས་རྟོག་དཔྱིས་ཕྱིན་པར་མཛད། བྱ་སྤྱོད་ཀྱི་སྤྱི་རྣམ་བརྩམས་ཤིང་བསྟན་པ་སྤེལ་བའི་ཐུགས་བརྩོན་ཆེན་པོ་གནང་ཡང་། དེང་སང་ནི་རྒྱུད་རྣམས་ཀྱི་ལུང་དང་། བྱ་རྒྱུད་རིགས་གསུམ་སྤྱི། དྲི་མེད་རྣམ་གཉིས། དམ་ཚིག་གསུམ་བཀོད། སྨན་བླ་ཞེ་བདུན་མ། དོན་ཞགས་ལྷ་མང་། མི་འཁྲུགས་པ་ལྷ་དགུ། བཅུ་གཅིག་ཞལ་ཀླུ་སྒྲུབ་ལུགས། ཕྱག་རྡོར་འགྲོ་བཟང་ལུགས་སོགས་ཀྱི་དབང་དང་། རྗེས་གནང་། རིག་གཏད། ལུང་སྦྱིན་པའི་རིགས་དུ་མ་དང་སྤྱོད་རྒྱུད་རྣམ་སྣང་མངོན་བྱང་ལྷ་བརྒྱ་དང་ཉེར་གཉིས་མཚན་མ་གཉིས་དང་བཅས་པ། འཇམ་དབྱངས་ཨ་ར་པ་ཙ་ལྷ་ལྔའི་དབང་གི་རྒྱུན་ཙམ་ལས་བཤད་རྒྱུན་ནི་མི་བཞུགས་སོ། །</br>(2)རྣལ་འབྱོར་ནི༔ རྣལ་འབྱོར་རྒྱུད་ལ་མཁས་པ་རྣམ་གསུམ་སྲོལ། ། ཐོག་མར་ལོ་ཆེན་སྲས་བཞི་ཇོ་བོས་སྤེལ། ། བར་དུ་རྩ་སྣུར་འཛིམ་སོགས་ཆུ་ཕྲན་བརྒྱུ། ། ཐ་མ་བུ་སྟོན་མཁས་པའི་རྒྱ་མཚོར་འཁྱིལ། ། ཡོ་གའི་བསྟན་པ་རྨང་ནས་གསོ་བར་མཛད། ། ཅེས་རྣལ་འབྱོར་རྒྱུད་ནི། ཚིག་ལ་མཁས་པ་ཤཱཀྱ་བཤེས་གཉེན། དོན་ལ་མཁས་པ་སངས་རྒྱས་གསང་བ། གཉིས་ཀ་ལ་མཁས་པ་ཀུན་དགའ་སྙིང་པོ་གསུམ་གྱི་བཀའ་སྲོལ་འཕགས་ཡུལ་དུ་གྲགས་ཆེ་ཞིང་བོད་དུ་སངས་རྒྱས་གསང་བའི་བཀའ་སྲོལ་སྔ་དར་དུས་བྱུང་ཡང་ཕྱིས་སུ་རྒྱུན་མེད་ལ། ཕྱི་དར་ལ་ཀུན་སྙིང་ལུགས་ཁོ་ན་དར་བའི་ཐོག་མར་ལོ་ཆེན་རིན་ཆེན་བཟང་པོ་ཁ་ཆེར་བྱོན་ཏེ་བླ་མ་མང་པོ་བསྟེན། རྒྱུད་དང་གདམས་ངག་མང་པོ་ཉན་ནས་གསང་སྔགས་སྤྱི་དང་ཁྱད་པར་ཡོ་ག་ལ་ཤིན་ཏུ་མཁས། བོད་དུ་རྣལ་འབྱོར་གྱི་རྒྱུད་རྣམས་ཕལ་ཆེར་སྔར་ནས་ཡོད་མོད་ཀྱི་འགྲེལ་པ་དང་བསྟུན་ནས་གསར་དུ་བསྒྱུར། འགྲེལ་པའོང་དེ་ཉིད་བསྡུས་པའི་འགྲེལ་པ་དེ་ཉིད་སྣང་བ་སོགས་བསྒྱུར་ནས་འཆད་ཉན་གྱིས་ལེགས་པར་གཏན་ལ་ཕབ། ཕྱག་ལེན་ངེས་ཏིག་མཛད་དེ། ལོ་ཆུང་ལེགས་པའི་ཤེས་རབ། གུང་ཤིང་བརྩོན་འགྲུས་རྒྱལ་མཚན། གྲ་པ་གཞོན་ནུ་ཤེས་རབ། སྐྱི་ནོར་ཛྙཱ་ན་སྟེ་ཐུགས་སྲས་བཞི་གཙོ་བོར་གྱུར་པའི་སློབ་མ་མང་པོ་ལ་གནང་སྟེ་འཆད་ཉན་གྱིས་བརྒྱུད་པ་ཟིན་པ་ཤིན་ཏུ་མང་བར་བྱུང་། དེ་ནས་ཕོ་བྲང་ཞི་བ་འོད་ཀྱིས་པཎྜི་ཏ་ཀ་ལ་ཤ་སོགས་སྤྱན་དྲངས་ཏེ་འགྱུར་མང་དུ་མཛད་ཅིང་ཁྱད་པར་དཔལ་མཆོག་གི་ཧོར་ཀོང་བསབས། བཤད་རྒྱུད་རྡོ་རྗེ་རྩེ་མོ་སོགས་སློབ་མ་མང་པོ་ལ་བཤད། ཇོ་བོ་རྗེ་ཆེན་པོས་སྤྱོད་རྒྱུད་ཀྱི་དབང་དང་མན་ངག་གོ་མི་སྒོམ་ཆེན་སོགས་ལ་གནང་། དེ་ལས་སྐྱི་ནོར་ཛྷཱ་ན་དང་གཉལ་པ་ཉི་ཤེ་སོགས་རིམ་པར་བརྒྱུད་ཅིང་རྒྱ་ཆེར་སྤེལ། ཟངས་དཀར་ལོ་ཙཱས་ཀྱང་ཡོ་གའི་སྐོར་ལ་གསན་པ་རྒྱ་ཆེན་པོ་མཛད་ནས་སྨད་འགྲེལ་དུམ་བུ་གསུམ་ཡང་རྫོགས་པར་བསྒྱུར། གཉོལ་པ་ཉི་མ་ཤེས་རབ། མར་པ་རྡོར་ཡེས། གཉན་སྟོན་ཚུལ་འབར། སྤྱང་ཚང་པ་སེང་གེ་རྒྱལ་མཚན་ཏེ་ཟངས་དཀར་བུ་བཞིར་གྲགས་པ་སོགས་ལ་སྤེལ་ཞིང་བཤད་པས་ཆེས་དར་རོ། ། བར་དུ་རྩ་སྐྱ་བ་སྟོན་ཤཱཀ་གཉལ་པའི་སློབ་མ་སྣུར་ཉི་མ་འོད་ཟེར། འཛིམ་པ་བློ་ཆེན་གསུམ་གྱིས་འཆད་ཉན་གྱི་རྐང་གཙོ་བོར་བཟུང་། གཞན་ཡང་བལ་པོ་རེ་བེནྡྲ་ནས་མལ་ལོ་ཙཱ་བ་ལ་བརྒྱུད་པ་དང་། བི་བྷུ་ཏི་ཙནྡ་ནས་གཡག་སྡེ་ཟེ་དམར་བ་ལ་བརྒྱུད་པ་སོགས་སྲོལ་དུ་མ་བྱུང་། ཡང་ཕྱིས་སུ་རྒྱུན་མ་ནུབ་ཙམ་ལས་ཉག་ཤིན་ཏུ་ཕྲ་བར་གྱུར་པ་ལ། བརྒྱུད་སྲོལ་དེ་དག་གི་ཆུ་ཕྲན་བརྒྱ་རྩ་ཕྱི་མའི་ཐ་མར་རྣལ་འབྱོར་གྱི་རྒྱུད་ལ་བག་ཆགས་ལྷག་པར་སད་པ་བུ་སྟོན་མཁས་པའི་རྒྱ་མཚོ་ཆེན་པོར་འཁྱིལ་ཏེ། དེ་ཉིད་ཀྱིས་རྣལ་འབྱོར་རྒྱུད་ཀྱི་བསྡུས་པའི་དོན་འབྱུང་བའི་བཤད་པ་ཆེན་མོ། གཞན་རྣམས་ཀྱི་དཀྱིལ་ཆོག་སོགས་ཡིག་ཆ་མང་དུ་མཛད་ཅིང་རྣལ་འབྱོར་རྒྱུད་ཀྱི་བསྟན་པ་རྨང་ནས་གསོས་སོ། ། དེང་སང་བཤད་རྒྱུན་ནི་མི་བཞུགས་ལ། དཔལ་མཆོག་རིགས་བསྡུས། རྩེ་མོ་རིགས་བསྡུས། རྡོ་རྗེ་དབྱིངས་སོགས་དབང་བཀའ་ཆེ་ཆུང་བཅུ་གསུམ། རྒྱུད་ཀྱི་ལུང་། ཆ་མཐུན་ནམ་འཕྲོས་པའི་རྒྱུད་སྦྱོར་དཀྱིལ་བཅུ་གཉིས་ཀྱི་དབང་བཀའ་ཙམ་ཞིག་བཞུགས་སོ། ། འདི་ལ་ཡོ་ག་སྟོད་ལུགས་དང་སྨད་ལུགས་ཞེས་གྲགས་པ་ནི། ལོ་ཆེན་གྱི་སྐུ་ཚེའི་སྟོད་དུ་བཤད་པ་ཤཱཀྱ་བཤེས་གཉེན་དང་ལག་ལེན་ཀུན་སྙིང་ལུགས་ལྟར་མཛད་པ་ནི་སྐུ་ཚེའི་སྟོད་ལ་བྱུང་ཡང་ས་ཆ་སྨད་དུ་དར་བ་ལ་ཡོ་ག་སྨད་ལུགས་ཞེས་བྱ་སྟེ། ཉང་སྟོད་ཀྱི་རྒྱལ་པོ་ཆོས་བློ། རིན་སྤུངས་ཀྱི་སུམ་སྟོན། བོ་དོང་གི་སྦྱང་ག་འདང་ཆུང་རྣམས་ཀྱིས་སྲོལ་བཏོད་པ་རྣམས་ཡིན་ནོ། ། ཡོ་ག་སྟོད་ལུགས་ནི་ཕྱིས་ལོ་ཆེན་གྱིས་བཤད་པ་ལག་ལེན་གཉིས་ཀ་ཀུན་སྙིང་ལུགས་ལྟར་མཛད་པ་ནི་སྐུ་ཚེའི་སྨད་ལ་བྱུང་ཡང་། ས་ཆ་སྟོད་དུ་དར་བས་དེ་སྐད་ཅེས་བྱ་སྟེ། མལ་ལོ་ཙཱ་བ་ནས་བླ་མ་ས་སྐྱ་པ་ཆེན་པོ་སོགས་ལ་བརྒྱུད་དེ་སྙན་བརྒྱུད་དུ་བཞུགས་པ་རྗེ་བཙུན་ཆེན་པོ་གྲགས་པ་རྒྱལ་མཚན་གྱིས་ཕྱི་རབས་ཀྱི་གདུལ་བྱ་བློ་ཞན་ཅིང་བརྗེད་ངས་པས་སྙན་བརྒྱུད་འཛིན་མི་ནུས་པར་ནུབ་ཀྱིས་དོགས་ནས་གཞན་ཕན་སྐོར་གསུམ་སོགས་མཛད་པ་ལས་རིམ་གྱིས་མཆེད་ནས་སྦྱོང་རྒྱུད་ཀུན་རིག་གི་ཕྱག་བཞེས་གྲུབ་མཐའ་ཀུན་ལ་ད་ལྟའི་བར་དུ་དར་ཞིང་རྒྱས་སོ། ། </br>(3)བླ་མེད་ལ་ཕ་རྒྱུད་དང་མ་རྒྱུད་གཉིས་ཏེ།</br>[1]ཕ་རྒྱུད་ལ་གསུམ་སྟེ།</br><1>འདོད་ཆགས་ཀྱི་རིགས་ནི། འདུས་པ་ལུགས་སྲོལ་ཉི་ཤུ་རྩ་བཞིར་གྲགས། ། ཞེས་བླ་མེད་ཕ་རྒྱུད་གསང་བ་འདུས་པ་ལ་རྒྱ་གར་དུ་པདྨ་བཛྲ་ཆེན་པོ། ཡན་ལག་མེད་པའི་རྡོ་རྗེ། ཀླུ་སྒྲུབ། སྒེག་པའི་རྡོ་རྗེ། རྡོ་རྗེ་བཞད་པ། མགྲིན་གསུམ་དབང་པོ། དབྱངས་སྙན་སྐྱོང་བ། སངས་རྒྱས་ཡེ་ཤེས། ཤཱནྟི་པ། ཀུན་དགའ་སྙིང་པོ་སོགས་ལུགས་སྲོལ་ཉི་ཤུ་རྩ་བཞི་ཙམ་བྱུང་བར་གྲགས་པ་ལས། ཕྱི་མ་ནི་འཕགས་ཡུལ་གྱི་མཁས་པས་བཀྲལ་བ་ཡིན་ཀྱང་བླ་མེད་ཀྱི་རྒྱུད་ཡིན་ངེས་པ་ཞིག་རྣལ་འབྱོར་གྱི་རྒྱུད་དུ་བཀྲལ་བས་མི་འཐད་པར་བཞེད་དོ། ། བོད་དུ་བཀའ་སྲོལ་དྲུག་ཙམ་བྱུང་བ་ལས། ། གཙོ་བོ་འཕགས་དང་ཡེ་ཤེས་ཞབས་ལུགས་གཉིས། ། ཞེས་ལུགས་སྲོལ་དེ་དག་ལས་བོད་ཀྱི་ཡུལ་འདིར་འཕགས་ལུགས། ཡེ་ཤེས་ཞབས་ལུགས། ཤཱནྟི་པའི་ལུགས། རྡོ་རྗེ་བཞད་པའི་ལུགས། པདྨ་བཛྲ་གྱི་ལུགས། ཀུན་སྙིང་གི་ལུགས་བཅས་དྲུག་བྱུང་སྟེ། སྔ་དར་གྱི་སྐབས་སུ་ལྕེ་བཀྲ་ཤིས་ཞེས་བྱ་བས་བསྒྱུར་ཞིང་ཏནྟྲ་ཆེན་པོ་སྡེ་བཅོ་བརྒྱད་ལས་ཐུགས་རྒྱུད་གསང་བ་འདུས་པ་ཞེས་གྲགས། འགྲེལ་མཛད་བཤད་པའང་བྱུང་བ་ནི་རྡོ་རྗེ་བཞད་པའི་ལུགས་ཡིན་པས་མཚོན། འོན་ཀྱང་ཕྱི་མ་རྣམས་ཀྱི་དབང་བཤད་མན་ངག་རིང་དུ་མ་དར་ཞིང་། གཙོ་བོར་འཕགས་སྐོར་ཏེ་ཀླུ་སྒྲུབ་ལུགས་དང་། སངས་རྒྱས་ཡེ་ཤེས་ཞབས་ཀྱི་ལུགས་གཉིས་དབང་བཤད་མན་ངག་ཚང་བར་བྱོན་ཅིང་ད་ལྟའི་བར་དུ་གནས་པ་ཡིན་ནོ། ། སྔ་མ་མར་འགོས་ཇོ་བོ་ཆག་པཎ་ཆེན། ། ཕྱི་མ་རིན་བཟང་གཉན་རྭ་གཉོས་ཀྱི་ལུགས། ། ཞེས་དེ་ལ་སྔ་མ་འཕགས་ལུགས་ནི་ཕྱི་དར་གྱི་ཐོག་མར་ལོ་ཆེན་རིན་ཆེན་བཟང་པོས་འདུས་པའི་རྒྱུད་ཉིད་དང་། དེའི་འགྲེལ་པ་སྒྲོན་གསལ་སོགས་གཞུང་ཆེ་ཕྲ་མང་པོ་བསྒྱུར། དེ་དག་གི་དབང་དང་བཤད་པ་སོགས་ཀྱང་དཔྱིས་ཕྱིན་པར་གསན། གཞན་ཡང་ཕྱི་ནས་ལོ་ཙཱ་བ་མང་པོས་འཕགས་ཡུལ་ནས་ཉན་ཏེ་བསྒྱུར་བཤད་ཅི་རིགས་པར་མཛད་མོད་ཀྱི་གཙོ་བོར་མར་འགོས་ཀྱི་ལུགས་གཉིས་སུ་གྲགས་ཆེ། དེའང་མར་པ་ལོ་ཙཱ་ཆོས་ཀྱི་བློ་གྲོས་ཀྱིས་སློབ་དཔོན་ནཱ་རོ་པ་དང་ཡེ་ཤེས་སྙིང་པོ་ལ་སོགས་པ་བསྟེན་ནས་གསང་བ་འདུས་པའི་སྐོར་རྣམས་ཞུས། བོད་དུ་སློབ་མ་རྣམས་ལ་བསྟན་པ་ལས་སློབ་མའི་མཆོག་ཏུ་གྱུར་པ་ཀ་ཆེན་བཞི་ལས་ཁྱད་པར་དུ་མཚུར་སྟོན་དབང་ངེ་ལ་འདུས་པའི་སྐོར་ཡོངས་སུ་རྫོགས་པར་གནང་། དེས་ཁམས་པ་རོ་མཉམ་རྡོ་རྗེ་ལ་གནང་སྟེ། རོ་མཉམ་རྡོ་རྗེས་རྒྱ་གར་དུ་འདུས་པ་ཉན་པ་ལ་བྱོན་པའི་ཚེ་ལམ་དུ་རྒྱ་གར་པ་གཉིས་མར་པ་ལ་འདུས་པ་ཉན་དུ་འོངས་པ་དང་ཕྲད་ནས་ཚུར་བྱོན། མར་པ་གཤེགས་ཟིན་པས་མཚུར་སྟོན་ལ་འདུས་པ་གསན་པ་སོགས་ནས་ཉེ་བར་བརྒྱུད་དེ་མར་ལུགས་སུ་གྲགས་སོ། ། འགོས་ལུགས་ནི་ལོ་ཙཱ་བ་ཆེན་པོ་འགོས་ཁུག་པ་ལྷས་བཙས་ཀྱིས་སློབ་དཔོན་ཆེན་པོ་དཱི་པཾ་ཀ་ར་དང་། དེ་ཝཱ་ཀ་ར་ཙནྡྲ༌དང་། བིརྻ་བྷ་དྲ་སོགས་པཎྜི་ཏ་བདུན་ཅུ། མཁའ་འགྲོ་མ་གཉིས་རྣམས་ལས་གསང་བ་འདུས་པའི་དབང་རྒྱུད་འགྲེལ་མན་ངག་དང་བཅས་པ་གསན། བོད་དུ་སྔར་འགྱུར་བའི་རྒྱུད་འགྲེལ་ཕྲན་དང་བཅས་པ་རྣམས་ལ་འགྱུར་བཅོས་དང་ཞུས་དག་སོགས་ཤིན་ཏུ་ལེགས་པར་མཛད། སློབ་མ་རྣམས་ལ་རྒྱུ་ཆེན་བསྟན་པ་ལས་སློབ་མ་རྒྱུད་ཀྱི་ཀ་བ་ཚུགས་པ་བཞི། མན་ངག་གི་གདུང་མ་ཐེག་པ་བརྒྱད། ལས་ཚོགས་དང་ཕྲིན་ལས་ལ་མཁས་པ་དྲལ་ཕྱམ་གཤིབས་པ་ལྟ་བུ་གྲངས་མེད་ཀྱི་ནང་ནས་མར་རབ་སེང་གེ་རྒྱལ་མཚན་སོགས་སློབ་མའི་མཆོག་དྲུག་བྱུང་། དེ་དག་ལས་ཉེ་བར་བརྒྱུད་དེ་འདུས་པའི་སྐོར་ཤིན་ཏུ་དར་བ་བྱུང་བ་ཡིན་ཏེ་འགོས་ལུགས་སུ་གྲགས་སོ། ། ཡང་ཇོ་བོ་རྗེ་ཨ་ཏི་ཤས་ནག་ཚོ་ལ་གསུངས། དེས་རོང་པ་ཕྱག་སོར་པ་ལ་བཤད་པ་སོགས་ནས་ཇོ་བོ་ལུགས་སུ་གྲགས། ཡང་ཆག་ཆོས་རྗེ་དཔལ་གྱིས་པཎྜི་ཏ་རེ་བེནྡྲ་པ་སོགས་བསྟེན་ནས་འདུས་པ་གསན་པ། འུ་ཡུག་ཀུང་རབ་བླ་མ་དཔལ་སོགས་ལ་བཤད་པ་ནས་ཉེ་བར་བརྒྱུད་དེ་ཆག་ལུགས་སུ་གྲགས། ཡང་ཁ་ཆེ་པཎ་ཆེན་གྱིས་ས་སྐྱ་པཎྜི་ཏ་དང་། དཔྱལ་ཆོས་ཀྱི་བཟང་པོ་སོགས་ལ་གནང་བ་ནས་པཎ་ཆེན་ལུགས་སུ་གྲགས། དེའང་ས་པཎ་ནས་བརྒྱུད་པ་ལ་ས་ལུགས་དང་། ཆག་ལུགས་ཞེས་གཉིས་སུ་ཕྱེ་བས་འདུས་པ་ལུགས་སྲོལ་དྲུག་ཏུ་བགྲང་བར་མཛད། གཞན་ཡང་བཤད་སྲོལ་ཅུང་ཟད་འདྲ་མིན་ཡོད་པའི་རྒྱུན་སྣ་ཚོགས་པ་ཞིག་བྱུང་འདུག་གོ ། ཕྱི་མ་ཡེ་ཤེས་ཞབས་ལུགས་ནི་དང་པོར་ལོ་ཆེན་རིན་བཟང་ལས་རྐྱང་པོ་ཆོས་བློ་སོགས་ལ་དར་ཞིང་སྨྲི་ཏི་ཛྙཱ་ནས་ཀྱང་ཁམས་སུ་བཤད་པས་ཁམས་ལུགས་སུ་གྲགས་པ་བྱུང་། པཎྜི་ཏ་སུ་ན་ཡེ་ཤྲཱི་དང་གཉན་ལོ་ནས་བརྒྱུད་པས་ས་སྐྱ་པ་རྣམས་ལ་གྲགས་ཆེ་བས་ས་ལུགས་སུ་གྲགས་པ་དང་། པཎྜི་ཏ་པུཎྱེ་ཤཱི་སོགས་ལས་རྭ་ཆོས་རབ་ཀྱིས་གསན་ནས་དར་བ་རྭ་ལུགས་དང་། ཡང་གཉོས་འབྱུང་པོས་བ་ལིང་ཨཱ་ཙརྱ་བསྟེན་ཏེ་འདུས་པ་ཉན་པ་ནས་གཉོས་ལུགས་སུ་གྲགས་པ་སོགས་བྱུང་ངོ་། ། དེ་ལྟར་ལུགས་སྔ་ཕྱི་གཉིས་གའི་ཕྱོགས་ལ་བོད་ཡུལ་འདིར་ཊཱི་ཀ་དང་། སྒྲུབ་ཐབས་དཀྱིལ་ཆོག་དང་མན་ངག་གི་ཡི་གེ་སོགས་རྩོམ་མཁན་ནི་ཤིན་ཏུ་མང་པོ་ཞིག་བྱུང་བར་སྣང་ངོ་། །</br><2>ཞེ་སྡང་གི་རིགས་ནི། གཤིན་རྗེའི་གཤེད་ལ་དུས་ཀྱི་རིམ་པ་ལྔ། ། འདོད་པའི་དངོས་གྲུབ་སྤྱོད་པ་སྣ་ཚོགས་དང་། ། གནོད་ལྡན་དེས་སྤྱོད་ཆ་ཤས་ཅན་རྣམས་བྱུང་། ། ཞེས་དེ་ལྟར་དུས་ཀྱི་རིམ་པ་ལྔར་དར་ཡང་ཐུན་མོང་གི་གདུལ་བྱའི་སྣང་ངོར་རྒྱུད་ཀྱི་དབང་བཤད་དངོས་སུ་དར་བར་མཛད་པ་ནི་དང་པོར་སློབ་དཔོན་ལ་ལི་ཏ་བཛྲ་དང་། བར་དུ་སངས་རྒྱས་ཡེ་ཤེས་ཞབས་དང་། མཐར་བྲམ་ཟེའི་སློབ་དཔོན་དཔལ་འཛིན་གསུམ་ལ་རིམ་བཞིན་དང་པོ། བར་པ། ཐ་མའི་ཚུལ་དུ་གཤིན་རྗེ་གཤེད་པོའི་བཀའ་བབས་ཤིང་། དེ་གསུམ་ནི་དཀྱིལ་འཁོར་ཆེན་པོའི་རྡོ་རྗེ་སློབ་དཔོན་ཞེས་མཚན་གསོལ་ཏོ། ། ཁྱད་པར་གཤེད་སྐོར་ཀུན་འདུས་དཔལ་འཛིན་སོགས། ། རིམ་བརྒྱུད་ལྗོངས་འདིར་སྔགས་རྒྱུད་ཐོག་མར་བྱུང་། ། གཤེན་རྗེ་གཤེད་པོའི་ཆོས་སྐོར་ལ་འཕགས་ཡུལ་དུ་དུས་ཀྱི་རིམ་པ་ལྔར་བྱུང་སྟེ། བཀའ་བསྡུ་གསུམ་པའི་རྗེས་མི་རིང་བ་ནས་གཤིན་རྗེ་གཤེད་པོའི་སྔགས་རྒྱུད་དར་ཏེ་ལོ་ཉིས་བརྒྱ་ཙམ་ནི་དུས་དང་པོ་འདོད་པའི་དངོས་གྲུབ་གྱི་དུས་ཏེ་ཚོམ་བུ་སྟོང་ཕྲག་དུ་མ་ཕྱག་རྒྱ་ཆེན་པོའི་མཆོག་འབའ་ཞིག་གྲུབ།</br>དུས་གཉིས་པ་སྤྱོད་པ་སྣ་ཚོགས་པ་གྲུབ་པ་ལོ་སུམ་བརྒྱ་ཙམ་བྱུང་སྟེ་དཀྱིལ་འཁོར་འདིར་ཞུགས་པ་ཐམས་ཅད་དོན་མ་གྲུབ་པ་ནི་གཅིག་ཀྱང་མེད་དེ་མཆོག་གྲུབ་པའང་ཤིན་ཏུ་མང་། </br>དུས་གསུམ་པ་གནོད་པ་ཅན་ནི་ལོ་ལྔ་བརྒྱ་ལྷག་ཙམ་བྱུང་སྟེ་དངོས་གྲུབ་ཐོབ་པའང་མང་མོད་ནུས་པའི་སྒོ་ནས་མངོན་སྤྱོད་དྲག་ཤུལ་གྱི་སྦྱོར་བ་གཙོ་བོར་བྱེད་པ་བྲམ་ཟེ་ཙན་ཀ་སོགས་འདི་དུས་བྱུང་། །</br>བཞི་པ་ངེས་པ་ལ་སྤྱོད་པ་ནི་སློབ་དཔོན་ལ་ལི་ཏ་བཛྲ་ནས་ཀ་མ་ལ་རཀྵིཏའི་བར་ཡིན་ཏེ་བསྐྱེད་རིམ་ཕྲིན་ལས་དང་བཅས་པ་ལ་ངེས་པར་སྤྱོད་ཅིང་གྲུབ་པའོ། །</br>དུས་ལྔ་པ་ཆ་ཤས་ལ་སྤྱོད་པ་ནི། དེ་ནས་བརྩམས་ཏེ་ད་ལྟའི་བར་ཡིན་ལ་འཕགས་ཡུལ་དུ་མཁས་པ་སྒོ་དྲུག་ནས་ཨ་བྷ་ཡའི་དུས་ཀྱི་བར་ལོ་བརྒྱ་ཙམ་ལ་དར་ཞིང་ལས་གྲུབ་པ་མྱུར། དེ་ནས་གཤིན་རྗེ་གཤེད་དམར་དར་ཞིང་འཇིགས་མཛད་ཀྱི་ཆོས་སྐོར་ནུབ་པ་ནས་ཡུལ་དབུས་སུ་ཀླ་ཀློ་ཞུགས་པ་འདྲ་ཞིག་བྱུང་བས་ཀླ་ཀློའི་གཉེན་པོ་མཆོག་ཀྱང་སྤྱི་ཁྲོ་རྒྱས་ཡ་མནྟ་དང་སྒོས་རྡོ་རྗེ་འཇིགས་མཛད་ཆེན་པོ་ཉིད་ཡིན་ནོ། ། ལ་ལི་ཏ་དང་ཡེ་ཤེས་དཔལ་འཛིན་གསུམ། ། དང་པོ་བར་དང་ཐ་མའི་བཀའ་བབས་ཤིང་། ། དཀྱིལ་འཁོར་ཆེན་པོའི་རྡོ་རྗེ་སློབ་དཔོན་ནོ། ། ཁྱད་པར་གཤེད་སྐོར་དམར་ནག་འཇིགས་གསུམ་གྱི་རྒྱུད་དང་མན་ངག་གི་ཆུ་བོ་ཀུན་འདུས་པ་སློབ་དཔོན་ཆེན་པོ་དཔལ་འཛིན་སོགས་རིམ་པར་བརྒྱུད་དེ་བོད་ཡུལ་དུའང་ཅི་རིགས་པར་བྱུང་ཞིང་། ལྗོངས་འདིར་སྤྲུལ་པའི་རྒྱལ་པོ་སྲོང་བཙན་སྒམ་པོས་སྒྲུབ་ཐབས་མཛད་པར་གྲགས་པས་སྔགས་བྱུང་བའི་སྔ་ཤོས་ཡིན། རབ་ཏུ་བྱུང་བའི་སྡེ་དར་ཙམ་ན་གཤིན་རྗེ་གཤེད་རྣམ་པར་རྒྱལ་བའི་རྒྱུད་འབྱུང་། དབང་བཤད་མན་ངག་ལག་ལེན་བཅས་བྱུང་། གནུབས་ཆེན་སངས་རྒྱས་ཡེ་ཤེས་ཀྱིས་གཤིན་རྗེ་གཤེད་ཀྱི་ཆོས་སྐོར་མཐའ་ཡས་པ་སྤེལ་བས་རིག་སྔགས་གྲུབ་པ་དུ་མ་བྱོན་པས་མཚོན་སྔགས་རྒྱུད་རྣམས་ཀྱི་ཐོག་མ་ལྟ་བུར་བྱུང་ངོ་། ། ཕྱི་དར་ཅོག་གྲུ་ནག་ཚོ་རོང་ཟོམ་དཔྱལ། ། རྭ་སྐྱོ་ཞང་གཉོས་རྣམས་ལས་འཇམ་དཔལ་དངོས། ། རྭ་བའི་ལུགས་ཉིད་བཤད་སྒྲུབ་བླ་ན་འཕགས། ། བསྟན་པ་ཕྱི་དར་ལ་དང་པོ་ཅོག་གྲུ་ལོ་ཙཱ་བ་ཤེས་རབ་བླ་མས་གཤིན་རྗེ་གཤེད་ནག་གི་རྒྱུད་དང་། འཇིགས་བྱེད་རྟོགས་བདུན་གཉིས་དང་། འཇིགས་བྱེད་ཞེ་དགུ་མའི་སྒྲུབ་ཐབས་སོགས་བསྒྱུར། དགྲ་གདོང་འཇིགས་གསུམ་གྱི་དབང་དང་བཤད་པའང་དར་བར་མཛད། ནག་ཚོ་ལོ་ཙཱས་ཀྱང་ཇོ་བོ་དང་དམ་ཚིག་རྡོ་རྗེ་སོགས་ལ་གསན་ཏེ་རྒྱུད་འགྲེལ་བསྒྱུར། དབང་བསྐུར་བ་དང་རྒྱུད་བཤད་པ་སོགས་ལས་ཀྱང་མང་དུ་མཆེད། རོང་ཟོམ་ཆོས་བཟང་གིས་ཨུ་པ་ཡ་ཤྲཱི་མི་ཏྲ་ལ་བསྟེན་ཏེ་ནག་འཇིགས་གཉིས་ཀྱི་རྒྱུད་སོགས་བསྒྱུར་ནས་བཤད་པའང་མཛད་དོ། ། གཞན་ཡང་གཉོས་དང་རྭ་ལོ་དང་ཤུད་ཀེ་ལོ་ཙཱ་སོགས་མང་པོས་དམར་ནག་འཇིགས་གསུམ་སོགས་ཀྱི་རྒྱུད་གཞུང་མན་ངག་དུ་མ་གསར་དུ་བསྒྱུར་བ་དང་། འགྱུར་བཅོས་མཛད་པ་སོགས་ཤིན་ཏུ་མང་ཞིང་། ཁྱད་པར་སྲོལ་ཆེན་གཏོད་པ་པོ་ནི་དཔྱལ་ལོ་སོགས་བཞི་དང་། རྭ་སྐྱོ་ཞང་གསུམ་དང་། གཉོས་ཏེ་བརྒྱད་ཡིན་པ་ལས། སྔ་མ་ནི་གཤེད་དམར་ནག་གི་སྐོར་དེ་དཔྱལ་ལོ་ཆོས་དཔལ་བཟང་པོས་ནི་ཥྐ་ལངྐ་ལ་ཞུས་ནས་བོད་དུ་དར་བ་དང་། དཱ་ན་ཤཱི་ལས་ས་སྐྱ་པཎ་ཆེན་ལ་གནང་བ་དང་། ཆག་ལོས་ཀྱང་བི་རཱུ་པའི་གཞུང་སོགས་བསྒྱུར་ཅིང་བསྟན་པ་དང་། གློ་བོ་ལོ་ཙཱས་དརྤ་ཎ་ཨཱ་ཙ་རྱ་སོགས་ལས་གསན་ཅིང་སྤེལ་བ་རྣམས་ཏེ། དེ་དག་གི་རྒྱུན་ལས་གཤེད་དམར་གྱི་སྐོར་རྣམས་ཀྱི་དབང་ཁྲིད་མན་ངག་དང་བཅས་པ་བྱུང་བ་ཡིན་ནོ། །</br>རྭ་ལུགས་ནི། རྭ་ལོ་རྡོ་རྗེ་གྲགས་ཀྱིས་བལ་པོ་འབའ་རོ་ཕྱག་རྡུམ་དང་། མེ་ཙ་ལིང་བ་གཉིས་བསྟེན་ནས་རྡོ་རྗེ་འཇིགས་བྱེད་ཀྱི་དབང་རྒྱུད་མན་ངག་དང་བཅས་པ་གསན། ཁྱད་པར་བལ་པོ་ཐུགས་རྗེ་ཆེན་པོ་ལ་དགྲ་གདོང་འཇིགས་གསུམ་སོགས་ཀྱི་སྐོར་རྫོགས་པར་གསན། བོད་དུ་ཆོས་འཁོར་ཆེན་པོ་མཛད་ཅིང་། གཤེད་སྐོར་གནང་བའི་སློབ་མ་ཁོ་ནའང་ཉིས་སྟོང་བྱུང་བར་གྲགས། གཙོ་བོར་རྭ་ཆོས་རབ་སོགས་ཏེ། དེ་དག་ལས་མཆེད་པའི་ཚུལ་ནི་སྨོས་ཀྱིས་མི་ལང་ངོ་། །</br>སྐྱོ་ལུགས་སུ་གྲགས་པ་ནི། བླ་མ་སྐྱོས་ཨ་མོ་གྷ་བཛྲ་སོགས་ལས། རྡོ་རྗེ་འཇིགས་བྱེད་ཀྱི་སྐོར་རྣམས་གསན་ནས་དར་བར་མཛད་པ་ཡིན་ཞིང་།</br>ཞང་ལུགས་ནི། གོང་གི་ཅོག་གྲུ་ལོ་ཙཱ་བ་དེས་དེ་བཱ་ཀ་ར་ཙནྡྲ་ལ་ནག་འཇིགས་གཉིས་གསན་པ་ནས་ཉེ་བར་བརྒྱུད་པ་རྣམས་ཀྱི་སྲོལ་ཡིན་ནོ། ། </br>གཉོས་ལུགས་ནི། གཉོས་ལོ་ཙཱས་བ་ལིང་ཨཱ་ཙརྱ་སོགས་ལས་ནག་པོ་སྐོར་གསུམ་གསན་པ་ནས་མཆེད་པ་སྟེ། དེ་དག་རྣམས་ལས་འཇམ་དཔལ་རྡོ་རྗེ་འཇིགས་མཛད་བཤེས་གཉེན་གྱི་རྣམ་པར་དངོས་སུ་བྱོན་པ་རྭ་ལོ་ཆེན་པོའི་ལུགས་སྲོལ་ཉིད་བཤད་སྒྲུབ་ནུས་པའི་རྒྱུན་མ་ཆད་པས་ཕྲིན་ལས་གྲུབ་མཐའ་ཡོངས་སུ་ཁྱབ་ཅིང་བླ་ན་འཕགས་སོ། ། དེང་སང་ནི་རྒྱུད་བཤད་མི་བཞུགས་ལ། རྒྱུད་དང་རྭ་པོད་ཀྱི་ལུང་ལུགས་སྲོལ་མི་འདྲ་བ་བདུན་གྱི་དབང་བསྐུར་བའི་རྒྱུན་ངག་གི་ཁྲིད་རིམ་བཅས་བཞུགས། རྗེ་བརྒྱད་པས་ནི་འཇིགས་བྱེད་གཉོས་ལུགས་ལ་བསྔགས་པ་ཆེ་ཞིང་སྒྲུབ་དཀྱིལ་གྱི་ཡིག་ཆའང་མཛད། དེའི་དབང་ལུང་རྒྱུན་ཡང་མཆིས་སོ། །</br><3>གཏི་མུག་གི་རིགས་ནི། གཏི་མུག་རིགས་རྒྱུད་མཚན་བརྗོད་ལོ་ཆེན་འགྱུར། ། བཤད་བཀའ་མན་ངག་སྔ་ཕྱིའི་ལུགས་སྲོལ་གནས། ། ཞེས་ཕ་རྒྱུད་གཏི་མུག་རིགས་ཀྱི་རྒྱུད་འཇམ་དཔལ་སྒྱུ་འཕྲུལ་དྲྭ་བ་ཁྲི་དྲུག་སྟོང་པ་ཏིང་ངེ་འཛིན་དྲྭ་བའི་ལེའུ་ལས་ཕྱུང་བ་རྒྱུད་ཐམས་ཅད་ཀྱི་བདག་པོ་མཚན་ཡང་དག་པར་བརྗོད་པ་འདི་ཉིད་བྱང་ཆུབ་སེམས་དཔའ་རྣམས་ཀྱིས་དུས་འཁོར་ལུགས་སུ་བཀྲལ། སྒེག་པ་རྡོ་རྗེས་བླ་མེད་བརྒྱུད། འཇམ་དཔལ་གྲགས་པ་དང་འཇམ་དཔལ་བཤེས་གཉེན་གྱིས་ཡོ་གར། བོད་དུ་རྫོགས་ཆེན་དང་རྒྱ་གར་དུ་དབུ་མར་བཀྲལ་པའང་ཡོད་པར་བཤད་ཅིང་། ཐོག་མར་ལོ་ཆེན་རིན་བཟང་གིས་བསྒྱུར། ཕྱིས་ནས་ལོ་ཙཱ་བ་དུ་མས་འགྱུར་བཅོས། པཎ་ཆེན་སྨྲ་ཏི་ཛྙཱ་ན་ལས་བརྒྱུད་དེ་བཤད་པའི་བཀའ་དང་། དབང་རྒྱུན་མན་ངག་དང་བཅས་པ་རྔོག་སྟོན་ཆོས་སྐུ་རྡོ་རྗེས་སྐྱི་བྱེ་མ་ལུང་པ་ལས་གསན་པ་ཡོ་གའི་ལུགས་དང་། མར་སྟོན་ཆོས་ཀྱི་བློ་གྲོས་ཀྱི་ཞལ་སྔ་ནས་མེ་ཏྲི་པའི་བཀའ་སྲོལ་བླ་མེད་ལུགས་ཀྱང་ཞུས་པ་དེ་དག་གི་དབང་ལུང་རྒྱུན་ད་ལྟ་མ་ནུབ་པར་གནས་པ། བརྒྱུད་པ་སྔ་མའི་བཤད་རྒྱུན་ཀྱང་མཆིས་པ་རྒྱུད་ཀྱི་རྒྱལ་པོ་འདི་ལ་ངེས་པ་རྙེད་ན་བླ་མེད་ཀྱི་རྒྱུད་མཐའ་དག་ལ་ངེས་པ་རྙེད་པར་འགྱུར་ལ། རྒྱུད་འདིའི་དོན་མ་ཤེས་ན་བླ་མེད་ཀྱི་ལམ་གྱི་གནད་མི་ཤེས་པ་ནི། དྲི་མེད་འོད་ལས། སེམས་ཅན་རྣམས་ཐེ་ཚོམ་མེད་པར་བྱ་བའི་ཕྱིར་སྔགས་ཀྱི་ཐེག་པ་ཐམས་ཅད་ལས་བསྡུས་ནས། མཚན་ཡང་དག་པར་བརྗོད་པ་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་ཡང་དག་པར་བསྟན་ཏོ། ། མཚན་ཡང་དག་པར་བརྗོད་པ་མི་ཤེས་པ་དེས་རྡོ་རྗེ་འཆང་གི་ཡེ་ཤེས་ཀྱི་སྐུ་མི་ཤེས་སོ། ། གང་རྡོ་རྗེ་འཆང་གི་ཡེ་ཤེས་ཀྱི་སྐུ་མི་ཤེས་པ་དེས་ནི་སྔགས་ཀྱི་ཐེག་པ་མི་ཤེས་སོ། ། གང་སྔགས་ཀྱི་ཐེག་པ་མི་ཤེས་པ་དེ་འཁོར་བ་སྟེ་ཐམས་ཅད་དུ་བཅོམ་ལྡན་འདས་རྡོ་རྗེ་འཆང་གི་ལམ་དང་བྲལ་བས་སོ། ། ཞེས་གསུངས་ཤིང་། མཚན་ཡང་དག་པར་བརྗོད་པའི་རྒྱུད་འདི་ནི་དཔག་བསམ་གྱི་ཤིང་དང་ཡིད་བཞིན་གྱི་ནོར་བུ་ལྟར་རང་གཞན་སེམས་ཅན་ཐམས་ཅད་ཀྱི་གནས་སྐབས་དང་མཐར་ཐུག་གི་འདོད་དོན་མཐའ་དག་སྟེར་བའི་བྱེད་པོར་གསུངས་ཤིང་། ཐ་ན་རྒྱུད་འདིའི་ཚིག་ཙམ་བཀླགས་པས་ཀྱང་སྡིག་སྒྲིབ་ཚབས་ཆེན་པོ་འདག་པ་དང་། རྗེ་བཙུན་འཇམ་དཔལ་དབྱངས་ཀྱི་བྱིན་རླབས་མྱུར་དུ་འཇུག་པ་སོགས་ཕན་ཡོན་མཐའ་ཡས་པ་འབྱུང་བ་འདིའི་ཕན་ཡོན་གྱི་ལེའུར་གསུངས་པ་ལྟར་རོ། ། འདིའི་ལུས་རྣམ་པར་གཞག་པའང་རིགས་ལྡན་པདྨ་དཀར་པོས་ལེའུའི་གཅོད་མཚམས་བཅུ་བཞིར་མཛད་པ་སྟེ། ཞུས་དང་ལན་བཏབ་རིགས་ལ་གཟིགས། ། སྒྱུ་འཕྲུལ་དྲྭ་བས་མངོན་བྱང་ཆུབ། ། རྡོ་རྗེ་དབྱིངས་དང་ཆོས་ཀྱི་དབྱིངས། ། མེ་ལོང་སོར་རྟོག་མཉམ་པ་ཉིད། ། བྱ་གྲུབ་གཤེགས་ལྔའི་ཡོན་ཏན་བསྟོད། ། ཕན་ཡོན་བསྔགས་དང་ཡི་རང་ངོ་། ། ཞེས་པ་སྟེ། དེའང་སྒྱུ་འཕྲུལ་དྲྭ་བའི་ལེའུ་རྒྱུད་འདིའི་རྩ་བ། ལེའུ་ཕྱི་མ་རྣམས་བཤད་རྒྱུད་དམ་ཡན་ལག་གི་ཚུལ་དུ་བསྡེབས་ཏེ་དྲང་དོན་དཀྱིལ་འཁོར་དྲུག་སྤྲོ་བ་དང་ངེས་དོན་ཐིག་ལེ་དྲུག་བཤད་པ་ལྟོ་སྦྱར། དེ་ལས་སོར་རྟོག་ལེའུ་ཁོ་ནས་སྨིན་གྲོལ་གྱི་འབྲས་བུ་རྫོགས་པར་སྟོན་ཅིང་། དེ་ལས་ཀྱང་འཇིག་རྟེན་གསུམ་ན་གཞོན་ལུས་སོགས་ཤློ་ཀ་གཅིག་གིས་རྒྱུད་དོན་ཚང་བར་སྟོན་པས་རྒྱུད་སྤྱིའི་མངོན་རྟོགས་ཀྱི་ཚུལ་དུ་བསྡེབས་ཏེ་འཆད་པར་མཛད་དོ། ། མཚན་བརྗོད་འགྱུར་འགོ་མང་ཡང་དོན་འདྲ་ཞིང་། ཡཀྵ་ཏན་དང་མི་མཚུངས་པ་ནི། ཐིག་ལེ་སྟོང་པ་ཡི་གེ་བརྒྱ། ། ཞེས་པ་རྣལ་འབྱོར་རྒྱུད་དང་། ཡི་གེ་དྲུག་ཅེས་པ་བླ་མེད་དུ་བྱེད་ནས་འགྲེལ་པའི་སྲོལ་གཉིས་ཡོད་དོ། ། </br>[2]མ་རྒྱུད་རིགས་དྲུག་ལས་སྐབས་འདིར་གསུམ་སྟེ།</br><1>ཧེ་རུའི་ཀའི་རིགས་ནི། བདེ་མཆོག་ལུགས་སྲོལ་ཉི་ཤུ་རྩ་བདུན་ཙམ། ། འཕགས་པའི་ཡུལ་དང་འདིར་ཡང་ཕལ་ཆེར་བྱུང་། ། ཞེས་མ་རྒྱུད་ཡང་སྙིང་འཁོར་ལོ་བདེ་མཆོག་ནི་ལུགས་སྲོལ་རྐང་ཚུགས་པ་ཉེར་དྲུག་གམ་ཉི་ཤུ་རྩ་བདུན་ཙམ་འཕགས་པའི་ཡུལ་དུ་བྱུང་བར་གྲགས་ཤིང་། བོད་འདིར་ཡང་རྩ་བཤད་ཀྱི་དབང་ལུང་བཤད་བཀའ་ཕལ་མོ་ཆེ་བྱུང་བ་སྟེ། དེའང་རྒྱ་གར་གྱི་གྲུབ་ཐོབ་ཤས་ཆེ་བ་ཞིག་རྒྱུད་འདིའི་གྲུབ་ཐོབ་ཡིན་པས་སྤྱིར་ལུགས་སྲོལ་ཤིན་ཏུ་མང་མོད། གཙོ་བོར་ཉི་ཟླ་ལྟར་གྲགས་པ་ལཱུ་དྲིལ་ནག་གསུམ་གྱི་ལུགས་གསུམ། དཱ་རི་ཀ་པ་དང་། ཌྃ་བི་པ་དང་། ཨིནྡྲ་བྷཱུ་ཏི་ཆུང་བ་དང་། ལངྐ་རྒྱལ་བ་བཟང་པོ་དང་། མི་ཐུབ་ཟླ་བ་དང་། ཤར་ཕྱོགས་ལྭ་བ་པ་སྟོང་ཉིད་ཏིང་འཛིན་དང་། ཕྱག་རྡོར་སྟོད་འགྲེལ་ལུགས་དང་། བྷ་ལྭ་བྷ་དྲ་དང་། བྲམ་ཟེ་རིན་ཆེན་རྡོ་རྗེ་རྣམས་ཀྱིས་རྩ་བའི་རྒྱུད་དེ་ལ་ལུགས་སྲོལ་རྐང་ཚུགས་པ་རེ་རེ་ཕྱེས་ཤིང་། བོད་ཡུལ་འདིར་ཡང་འགྱུར་བ་ཡིན་ནོ། ། འཕགས་པའི་ཡུལ་དུ་གྲུབ་ཐོབ་གླུ་དབྱངས་མཁན་གྱི་ལུགས་དང་། ཞབས་གཡོན་བརྐྱང་དུ་མཛད་པ་ནག་པོ་རྡོ་རྗེའི་ལུགས་དང་། གཞན་ཡང་ཀ་ལ་ཧཾ་ས་ཀུ་མཱ་རའི་ལུགས་དང་། ལྷ་ཚོགས་ཐམས་ཅད་སྐུ་མདོག་ནག་པོར་ཡོད་པ་དྷརྨ་པ་ཡི་ལུགས་དང་། ལྷ་ཚོགས་ཐམས་ཅད་གདོང་བརྙན་ཅན་དུ་འདོད་པ་ཀུ་ཀུ་ཊི་པའི་ལུགས་དང་། ཡབ་ཡུམ་སྐུ་མདོག་མཚུངས་ཤིང་ལྷ་གཞན་ཐམས་ཅད་སྐུ་མདོག་མ་ངེས་པར་འདོད་པ་གྷུཎྚ་རི་བའི་ལུགས་དང་། གཞན་ཡང་ཙ་ཊི་པ་དང་། ནཱ་ཌི་པ་དང་། གྷནྡྷོ་ཏ་པ་རྣམས་ཀྱི་ལུགས་དང་། ལྷ་ཚོགས་ཐམས་ཅད་ཕྱག་གཉིས་པར་ཡང་འདོད་པ་བཱི་ཤ་པའི་ལུགས་དང་། གཞན་ཡང་ཏནྚ་པ་དང་། བྷ་དེ་པ་ཡི་ལུགས་དང་། ཏ་ཌ་ཀ་པ་དང་། ཀཾ་ཀ་ལ་པའི་ལུགས་དང་། ལྷ་ཚོགས་ཐམས་ཅད་སྐུ་མདོག་སེར་པོར་འདོད་པ་ཛ་ཡ་ནནྡི་པའི་ལུགས་རྣམས་ཏེ་དེ་ལྟར་གྲུབ་ཐོབ་ཆེན་པོ་བཅོ་ལྔ་པོ་དེ་ཡི་ལུགས་སྲོལ་རྐང་ཚུགས་པ་རེ་བྱེད་པའང་ཡོད་དོ། ། གཞན་ཡང་དུས་ཀྱི་འཁོར་ལོའི་རྒྱུད་ཕྱི་མ་ནས་ལུང་བསྟན་པའི་སློབ་དཔོན་བྱང་ཆུབ་རྡོ་རྗེའི་ལུགས་ནི་རྒྱ་གར་དུ་རིང་དུ་མ་དར་མོད་འགྲོ་ལྡིང་གི་ཡུལ་དུ་ད་ལྟའི་བར་དུ་ཡོད་ཅིང་། བཤད་པའི་རྒྱུད་རྣམས་ལས་དཀྱིལ་འཁོར་དུ་མ་ཞིག་བསྟན་ཅིང་དེ་དག་གི་སྨིན་བྱེད་བཤད་བཀའ་དང་ཡིག་ཆ་སོགས་ཀྱང་འཕགས་ཡུལ་དུ་རྒྱ་ཆེར་བྱུང་བ་ལས། བོད་དུ་ནི་བཤད་རྒྱུད་ཀྱི་དཀྱིལ་འཁོར་དྲུག་ཙམ་བྱོན་ནོ། ། གློག་སྐྱ་མལ་ལོ་དོ་པ་པུ་ཧྲང་པ། ། རོང་གཡག་རྣམ་གཉིས་སྦལ་སྣའི་ལུགས་སོགས་ལས། ། མར་དོ་ཁྱད་འཕགས་གཟེ་པ་སོགས་ཀྱིས་བསྐྱངས། ། ཞེས་བོད་དུ་ཕྱི་དར་གྱི་ཐོག་མར་ལོ་ཆེན་རིན་བཟང་དང་འགོས་ལོ་སོགས་ཀྱིས་རྒྱུད་དང་སྒྲུབ་ཐབས་འགྲེལ་པ་སོགས་བདེ་མཆོག་སྐོར་གྱི་གཞུང་མང་དུ་བསྒྱུར། གློག་སྐྱ་ཤེས་རབ་བརྩེགས་ཀྱིས། བལ་པོ་ཕམ་ཐིང་པ་སྐུ་མཆེད་ལ་བདེ་མཆོག་གི་ཆོས་སྐོར་རྣམས་གསན་ནས། མལ་ལོ་བློ་གྲོས་གྲགས་སོགས་ལ་གནང་བ་དང་། མལ་ལོ་ཉིད་ཀྱིས་ཕམ་ཐིང་པ་སྐུ་མཆེད་སོགས་མང་པོ་བསྟེན་ནས་ཞུས་པས། བདེ་མཆོག་སྐོར་ལ་མཁས་པར་གྱུར་པ་དེ་ལ་ས་ཆེན་གྱིས་གསན་པ་སོགས་ནས་ས་སྐྱ་པ་ཡབ་སྲས་བརྒྱུད་པ་དང་བཅས་པ་རྣམས་ལ་ཆེས་དར། མར་པ་ལོ་ཙཱས་ནཱ་རོ་པ་ལ་བདེ་མཆོག་གི་སྐོར་རྣམས་ཀྱི་ངེས་གསང་བླ་ན་མེད་པ་གསན་ནས་ཕྱིས་བོད་དུ་སློབ་མ་རྣམས་ལ་གདམས་པ་ལས། དབང་དང་ཁྲིད་ཀྱི་སྲོལ་ཁྱད་པར་བ་མང་པོ་མར་མིའི་བཀའ་བརྒྱུད་རྣམས་ལ་དར་བར་སྣང་ཞིང་། ཁྱད་པར་མར་པ་དོ་པ་ཆོས་ཀྱི་དབང་ཕྱུག་གིས། ནཱ་རོ་པའི་སློབ་མ་མེ་ན་ཀ་ཤྲཱི་སོགས་བླ་མ་མང་པོ་བསྟེན་ནས་ནཱ་རོའི་ལུགས་ཀྱི་བདེ་མཆོག་གི་དབང་། རྒྱུད་བཤད་པ་མན་ངག་དང་བཅས་པ་གསན་ཏེ་བདེ་མཆོག་གི་ཆོས་སྐོར་ལ་འགྱུར་ཡང་མང་པོ་མཛད། བོད་དུ་སློབ་མའང་མང་དུ་ཚར། ཡང་ཕམ་ཐིང་པ་སྐུ་མཆེད་གསུམ་སོགས་ལས་པུ་རོང་ལོ་ཆུང་དང་གཉོས་ལོ་སོགས་ཀྱིས་གསན་ནས་རྒྱུན་བྱུང་བའང་ཅི་རིགས་པར་ཡོད་ཅིང་། དེ་ལས་ཁྱད་པར་པུ་རོང་ལོ་ཆུང་ནས་བརྒྱུད་པ་རྣམས་ཀྱི་བཤད་སྲོལ་བཟང་ལ་ཡུན་རིང་བར་བྱུང་། ཇོ་བོ་རྗེས་ལོ་ཆེན་རིན་བཟང་དང་རོང་པ་མགར་དགེ་སོགས་ལ་གནང་ཞིང་། ཕྱི་མས་གཡག་སྡེ་ཟེ་དམར་བ་ལ་བརྒྱུད་དེ་བཤད་སྲོལ་སོགས་བྱུང་བ་དང་། ཡང་ཇོ་བོ་རྗེས་ནག་ཚོ་ལོ་ཙཱ་བ་ལ་གནང་། དེའི་རྒྱུན་ལས་སྦལ་སྤང་སྣ་བའི་རྒྱུན་ཞེས་གྲགས་པའང་བྱུང་ཞིང་། སོགས་ཁོངས་ནས་དེར་མ་ཟད་སུམ་པ་ལོ་ཙཱ་དྷརྨ་ཡོན་ཏན་གྱིས་པཎྜི་ཏ་ཛ་ཡ་སེ་ན་བསྟེན་ཏེ་བདེ་མཆོག་མཁའ་འགྲོ་རྒྱ་མཚོའི་རྒྱུད་འགྲེལ་ཡན་ལག་དང་བཅས་པ་གསན་ནས་འགྱུར་ཡང་མཛད་དེ། བོད་ཡུལ་དུ་དེ་དག་གི་དབང་བཀའ་དང་བཤད་སྲོལ་སོགས་ཆེས་དར། བཤད་རྒྱུད་གཞན་རྣམས་ནི་དབང་བཀའ་བཤད་བཀའ་ཡང་ཅི་རིགས་བྱུང་བ་ལས། མར་པ་དོ་པའི་ལུགས་སྲོལ་ཉིད་ཁྱད་དུ་འཕགས་ཤིང་། དེའི་སློབ་མ་གཙང་གི་མཁས་པ་རྒྱ་ནམ་དོ་གཟེ་པ་བློ་ལྡན་སོགས་ཀྱིས་ཆོས་རྒྱུད་ལེགས་པར་བསྐྱངས་ཏེ་བཤད་སྒྲུབ་ཀྱི་རྒྱུན་གྲུབ་མཐའ་ཀུན་ལ་འཕེལ། རྒྱུད་པ་དེ་དག་ལས་བུ་སྟོན་རིན་པོ་ཆེས་རྩ་རྒྱུད་དང་ཀུན་སྤྱོད་ལ་ཊཱི་ཀ་མཛད་པའི་བཤད་རྒྱུན་དགེ་ཕྱོགས་ལ་ད་ལྟའི་བར་དུ་བཞུགས་ཤིང་། དབང་བསྐུར་ཟུར་བཀའ་ཉི་ཤུ་ལྷག་ཙམ་དང་། ལཱུ་དྲིལ་ནག་གསུམ་གྱི་ཁྲིད། ཡུམ་བཀའི་བསྐྱེད་རྫོགས་ཀྱི་རིགས་མང་པོ་མ་ཆད་པར་བཞུགས་སོ། །</br><2>རྟག་པའི་རིགས་ནི། མཱ་ཧཱ་མཱ་ཡཱ་གདན་བཞི་སངས་རྒྱས་ཐོད་པ་ཡང་། ། མར་ལོ་གྱི་ཇོའི་དྲིན་ལས་རིང་དུ་དར། ། ཞེས་མ་ཧཱ་མཱ་ཡཱ་ནི། རྒྱ་གར་དུ་སློབ་དཔོན་འདུལ་བས་བྱིན་དང་རིན་འབྱུང་ཞི་བ་ལ་སོགས་པའི་བཀའ་སྲོལ་རྣམ་གྲངས་འགའ་ཞིག་བཞུགས་པའི་རྒྱུན་འགོས་ལོ་དང་ཇོ་བོ་རྗེ་གཉིས་ཀྱིས་འགྱུར་བཤད་དར་བར་མཛད་ཀྱང་ད་ལྟ་རྒྱུན་མི་སྣང་ལ། རྗེ་མར་པས་ཞི་བ་བཟང་པོ་ལ་གསན། དབང་བཤད་མན་ངག་བཅས་བྱུང་བའི་དབང་ཁྲིད་དང་རྒྱུད་འགྲེལ་ཇོ་ནང་རྗེ་བཙུན་ཆེན་པོས་མཛད་པ་ལས་ཁྲིད་ལུང་ཙམ་བཞུགས། རྟག་པའི་རིགས་རྡོ་རྗེ་གདན་བཞི་ནི་རྒྱ་གར་དུ་རྩ་རྒྱུད་ལ་བརྟེན་པ་ཨཱརྱ་དེ་བའི་ལུགས་དང་བསྡུས་རྒྱུད་ལ་བརྟེན་པ་སློབ་དཔོན་བྷ་བ་བྷ་དྲའི་ལུགས་གཉིས་བྱུང་། བོད་དུ་པཎྜི་ཏ་སྨྲི་ཏིའི་རང་འགྱུར་གྱི་སྐོར་འགོས་ཁུག་པའི་ལུགས། ག་ཡ་དྷ་ར་དང་འབྲོག་མི་དཔོན་སློབ་ཀྱིས་ཀྱང་འགྱུར་བཤད་མཛད་པ་ལས། གཙོ་བོར་རྗེ་མར་པས་ཌཱ་ཀི་མ་མི་རུས་ཀྱི་རྒྱན་ཅན་སོགས་ལས་གསན་ཏེ་དབང་བཤད་མན་ངག་ཆ་ཚང་བར་བྱུང་བ་ལས་ད་ལྟའང་དབང་དང་ཁྲིད་རྒྱུན་མ་ཆད་པར་བཞུགས། སངས་རྒྱས་ཐོད་པ་གྲུབ་ཆེན་ས་ར་ཧའི་མན་ངག་ལུགས་དང་། སློབ་དཔོན་ཨ་བྷ་ཡའི་ལུགས་གཉིས་ཀ་བོད་དུ་གྱི་ཇོ་ལོ་ཙཱ་བ་རང་སྤོང་ཞོ་གསལ་བ་གྲགས་རྣམས་ཀྱིས་བསྒྱུར་བཤད་མཛད་ཀྱང་ད་ལྟ་མར་པ་ལས་བརྒྱུད་པའི་དབང་རྒྱུན་ཙམ་བཞུགས། དེ་དག་གི་རྒྱུད་གསར་མ་རྒྱུད་འབུམ་གྱི་ཁྲོད་ན་གང་བཞུགས་རྣམས་ཀྱང་ལུང་རྒྱུན་ཡོད་དེ་མདོར་ན་ལོ་ཙཱ་བ་དེ་དག་གི་བཀའ་དྲིན་ལས་རྒྱུད་སྡེ་མང་པོའི་དབང་བཤད་གདམས་ངག་བཅས་ཡུན་རིང་པོའི་བར་དུ་དར་ཞིང་དེ་ལས་གྲུབ་པ་ཐོབ་པའང་མཐའ་ཡས་པ་བྱོན་མོད། ད་ལྟ་ནི་བཤད་སྒྲུབ་ཀྱི་ཉག་ཤིན་ཏུ་ཕྲ་བས་བསྟན་པ་ལ་དགོངས་པ་རྣམས་ཀྱིས་འབད་པ་ཆེན་པོས་ཆོས་ཟབ་མོ་འདི་དག་གི་རྒྱུན་འཛིན་པ་ལ་བརྩོན་པ་ཅི་ནས་ཞུའོ། ། གཞན་ཡང་རྟའི་རྒྱལ་པོའི་རིགས་སྒྲོལ་མའི་བྱུང་བ་དོན་དམ་པའི་རྒྱུད་ལ་ལཱི་ལ་བཛྲ་དང་ལོ་ཀ་པྲ་དའི་ལུགས་གཉིས་བྱུང་། དབང་རྒྱུད་བཤད་མན་ངག་བཅས་གྲུབ་ཆེན་ཞི་སྦས་ཞབས་ལས་བརྒྱུད་དེ་རྗེ་བཙུན་ཏཱ་ར་ནཱ་ཐས་བསྒྱུར་བཤད་མཛད་པས་དེང་སང་དབང་དང་མན་ངག་བཤད་ལུང་གི་རྒྱུན་ཙམ་བཞུགས་སོ། ། འདིར་རྟག་པའི་རིགས་གདན་བཞི་ཁོ་ན་ཡིན་ཀྱང་ཚིགས་བཅད་ཀྱི་དབང་གིས་ཞུས་པས་སྟོན་པའོ། །</br><3>རྡོ་རྗེ་སེམས་དཔའི་རིགས་ནི། དུས་འཁོར་གྱི་ཇོ་ཛ་མི་རྭ་འབྲོ་གཉིས། ། པཎ་ཆེན་ཆག་དཔྱལ་རོང་ལུགས་མང་བྱོན་པའི། ། སྒྲུབ་དང་བཤད་བཀའ་ཇོ་ཞལ་གཉིས་ལ་བབས། ། རྒྱུད་བཤད་སྲོག་རྩ་བུ་སྟོན་ཆེན་པོས་མཐུད། ། ཅེས་དུས་འཁོར་རྒྱ་གར་ཡུལ་དུ་ཤིན་ཏུ་དར་ཡང་རྒྱུད་དང་འགྲེལ་པ་གཉིས་ཀ་ཞལ་ཤིན་ཏུ་གསལ་བས་ལུགས་སྲོལ་མི་འདྲ་བ་མེད། སློབ་དཔོན་དུས་ཞབས་པ་ཆེན་པོ་འཇམ་པའི་རྡོ་རྗེ་དང་། སློབ་དཔོན་ཙི་ལུ་པ་དང་། པི་ཊོ་ཨཱ་ཙརྱ་གསུམ་སོ་སོས་རེ་རེ་ཞིང་ཤམྦྷ་ལ་ནས་སྤྱན་དྲངས་པ་ལ་ཤོ་ལོ་ཀ་རེ་རེ་གཉིས་གཉིས་མང་ཉུང་ཡོད་ཟེར། བོད་དུ་ཐོག་མར་པཎྜི་ཏ་ཤྲཱི་བྷ་དྲ་བོ་དྷི་དང་། གྱི་ཇོ་ལོ་ཙཱས་རྒྱུད་འགྲེལ་བསྒྱུར་ནས་དབང་བཤད་མན་ངག་གི་སྲོལ་བཏོད་པ་ཕྲོམ་ལོ་ཙཱ་བ་སོགས་ལས་བརྒྱུད་པ་གྱི་ཇོ་ལུགས། ཙ་མི་སངས་རྒྱས་གྲགས་ཀྱིས་དུས་ཞབས་པ་ལས་གསན་ཏེ་འགྲེལ་ཆེན་བསྒྱུར་ནས། རྒྱ་ལོ་སོགས་སློབ་མ་རྣམས་ལ་བཤད་པ་ཙ་མི་ལུགས་དང་། རྭ་ཆོས་རབ་ཀྱིས་བལ་པོ་པཎྜི་ཏ་ས་མནྟ་ཤྲཱི་ལས་རྒྱུད་འགྲེལ་གསན་ནས་བསྒྱུར་བ་ལས། རྭ་ཡེ་ཤེས་སེང་གེ་སོགས་ལ་མཆེད་པ་རྭ་ལུགས་དང་། འབྲོ་ལོ་ཙཱ་བས་ཁ་ཆེ་ཟླ་བ་མགོན་པོ་བསྟེན་ནས་མཆོག་མི་འགྱུར་གྱི་ལེའུ་མ་གཏོགས་རྒྱུད་འགྲེལ་རྫོགས་པར་བསྒྱུར། དབང་བཤད་མན་ངག་དང་བཅས་པ་མནོས། ཕྱིས་པཎྜི་ཏས་མཆོག་མི་འགྱུར་ལ་རང་འགྱུར་མཛད། པཎ་ཆེན་ལ་འཕན་ཡུལ་གྲབ་སྒོམ་གྱིས་ཐུག་སྟེ་དུས་འཁོར་ལ་མཁས་གྲུབ་གཉིས་ལྡན་དུ་གྱུར། དེས་སྒྲོ་སྟོན་ལ་བཤད་པ་སོགས་ནས་དར་བ་འབྲོ་འགྱུར་གྱི་སྟེང་ནས་བཤད་པ་བྱེད་པའི་སྲོལ་ཡོད་པས་འབྲོ་ལུགས་དང་། གཞན་ཡང་ཁ་ཆེ་པཎ་ཆེན་ཤཱཀྱ་ཤྲཱིས་ཆག་དགྲ་བཅོམ་དང་དཔྱལ་ཆོས་ཀྱི་བཟང་པོ་ས་སྐྱ་པཎ་ཆེན་གསུམ་ལ་གནང་བའི་ལུགས་སྲོལ་གསུམ་དང་། རོང་གླིང་ལོ་ཙཱ་བ་རྡོ་རྗེ་དབང་ཕྱུག སྟེང་ལོ་ཚུལ་ཁྲིམས་འབྱུང་གནས། ཤེའུ་ལོ་ཙཱ་དང་། སེ་ལོ་གཞོན་ནུ་ཚུལ་ཁྲིམས་སོ་སོས་ཀྱང་ཙ་མི་དང་ཨ་བྷ་ཡ་སོགས་ལ་ཞུས་ཏེ་སྤེལ་ཞིང་སྔ་མས་རོང་གླིང་སོག་ཀ་ཞེས་པའི་དགོན་བཏབ། ཆག་ལོ་ཆོས་རྗེ་དཔལ་གྱིས་རཱ་ཧུ་ལ་ཤྲཱི་བྷ་དྲ་དང་ཛི་ན་རཀྵི་ཏ་སོགས་ལས་དབང་བཤད་མན་ངག་ཆ་ཚང་བ་ཞུས་པ་ལས་ཆག་ལུགས་དང་། པཎ་ཆེན་བི་བྷཱུ་ཏི་ཙནྡས་བོད་ཀྱི་དགེ་བའི་བཤེས་གཉེན་དུ་མ་ལ་དབང་རྒྱུད་བཤད་ཁྲིད་བཅས་གནང་། ཁྱད་པར་ཀོ་བྲག་པ་སོགས་སློབ་མ་དམ་པ་དགུ་ལ་ཤ་བ་རིའི་ཉེ་བརྒྱུད་ཀྱི་སྦྱོར་དྲུག་གནང་བ་སོགས་ལུགས་སྲོལ་མང་དུ་བྱིན་ཅིང་རྒྱུད་ཀྱི་འགྱུར་འགོ་མི་གཅིག་པ་རང་ཡང་ཉེར་བཞི་ཙམ་ཡོད་པར་གྲགས་པ་ལས། རྭ་འབྲོ་ཆག་གསུམ་ཙམ་དང་པཎ་ཆེན་བི་བྷཱུ་ཏི་ཙནྡྲའི་ལུགས་བཅས་ལ་དབང་བཤད་མན་ངག་གི་བཀའ་ཚང་བར་བཞུགས། ལུགས་དེ་དག་ཕལ་ཆེར་ཀུན་མཁྱེན་རང་བྱུང་ཞབས་ཀྱིས་སྟེ་མདོ་ཀུན་དགའ་དོན་གྲུབ་ལས་གསན་ཏེ་སྤེལ་བ་སོགས་དར་རྒྱས་སུ་བྱུང་། ཁམས་ལེའི་དོན་རྩིས་ཀུན་བསྡུས་པ། ནང་ལེའི་དོན་ཟབ་མོ་ནང་དོན། དབང་ལེ་དང་སྒྲུབ་ལེའི་དོན་དབང་དང་སྒྲུབ་ཐབས། ཡེ་ལེའི་དོན་རྣལ་འབྱོར་གསུམ་གྱི་སྙིང་པོ་གསལ་བ་བཅས་མཛུབ་ཁྲིད་ལུང་རྒྱུན། རྫོགས་རིམ་ཡན་ལག་དྲུག་པའི་ཁྲིད་རྒྱུན་བར་མ་ཆོད་པས་དོན་གྱི་བཤད་རྒྱུན་ཀྱང་ད་ལྟའི་བར་དུ་བཞུགས་པ་ཡིན་ཀྱང་། གཙོ་བོར་འབྲོ་ལུགས་སྒྲུབ་པ་ཉམས་ལེན་དང་། རྭ་ལུགས་རྒྱུད་ཀྱི་བཤད་པའི་བཀའ་བབ་ཡིན་པས་དེ་དག་སོ་སོའི་རྒྱུན་ཇོ་ཞལ་གཉིས་ལ་སོ་སོར་བབས་པ་ལྟར་སྣང་ཞིང་། དེ་ལས་ཀྱང་རྒྱུད་བཤད་ནི་ཇོ་ནང་ཆོས་རྗེ་ཀུན་མཁྱེན་ཆེན་པོས་ཀྱང་བརྩོན་པས་འཆད་སྤེལ་མཛད་ཅིང་རང་འདྲའི་སློབ་མ་བཅུ་བཞི་ཕལ་མོ་ཆེས་རྒྱུན་བཟུང་ཡང་དེང་སང་མི་བཞུགས་ལ། བུ་སྟོན་རིན་པོ་ཆེས་རྭ་པའི་བཤད་རྒྱུན་ལས་གསན་ཅིང་རྒྱུད་བཤད་ལན་གྲངས་སུམ་ཅུ་རྩ་གཉིས་ཙམ་མཛད། རྒྱུད་ལ་ཕྱག་མཆན་བཏབ་པ་ལ་སྐྱོར་བ་དོན་ཡོད་དཔལ་བས་མཆན་པ་སྐྱོར་མཛད་པ་དང་། བཤད་ཐབས་རིན་ཆེན་གཅེས་པའི་ལྡེའུ་མིག་དང་། ངེས་དོན་སྙེ་མ། བཤད་སྦྱར་ཟབ་དོན་སྙིང་པོ་སྣང་བའི་འོད་ཟེར། ས་བཅད་དྲི་མེད་འོད་རྒྱན། རྩིས་ཀྱི་བསྟན་བཅོས་མཁས་པ་དགའ་བྱེད་ཡན་ལག་བཅས། ཐུགས་སྲས་ལོ་ཙཱའི་ཟིན་བྲིས་སོགས་ལ་བརྟེན་ཏེ་བཤད་རྒྱུན་ཞྭ་ལུ་རང་ལུགས་ད་ལྟའི་བར་མ་ཆད་པར་བཞུགས། བུ་སྟོན་སློབ་མ་གང་གསུམ་པ་བདེ་ཆེན་ཆོས་ཀྱི་དཔལ་བ་ལ་རྗེ་རིན་པོ་ཆེས་གསན། བཤད་རྒྱུན་ལན་ཅིག་ཁོ་ནར་སྤེལ་བའི་སྐབས་སྡེ་སྣོད་འཛིན་པ་མཐའ་ཡས་པ་འདུས་ཤིང་འགྲེལ་ཆེན་བྱེད་པའང་གསུམ་ཙམ་བྱུང་བ་ལས། མཁས་གྲུབ་དགེ་ལེགས་དཔལ་བའི་ཊཱི་ཀའི་གཤམ་ཞང་ཞུང་པ་ཆོས་དབང་གྲགས་པས་མཐུད་པ་ལས་འཆད་ཉན་གྱི་རྒྱུན་ད་ལྟའང་བཞུགས་ལ། ཇོ་ཞལ་གྱི་དབང་བཀའ་མན་ངག་ཟབ་ཅིང་རྒྱས་པའི་སྐོར་རྣམས་ཀྱང་རྒྱུན་མ་ཆད་པར་མཆིས་སོ། །</br>2.རྙིང་མའི་བཤད་རྒྱུན་ནི། སྔ་འགྱུར་བཤད་སྲོལ་ད་ལྟའི་བར་གནས་པ། ། རྡོར་སེམས་སྒྱུ་དྭ་ཏནྟྲ་རྩ་བའི་རྒྱུད། ། རྒྱུད་ཀུན་སྤྱི་བོར་རྒྱལ་མཚན་ལྟ་བུར་འཕགས། ། ཞེས་སྔ་འགྱུར་གསང་སྔགས་རྙིང་མ་ལ་བསྟན་པ་སྔ་དར་གྱི་ལོ་པཎ་སྤྲུལ་པའི་སྐྱེས་མཆོག་རྣམས་ཀྱི་བཀའ་དྲིན་ལས། ཇོ་བོ་རྗེས་བསམ་ཡས་ཀྱི་རྒྱ་དཔེ་རྣམས་གཟིགས་པ་ན་སྔར་མ་གསན་པའི་རྒྱུད་དུ་མ་གཟིགས་པས་བོད་དུ་གསང་སྔགས་ཀྱི་བསྟན་པ་དར་བ་འདྲ་བ་རྒྱ་གར་དུའང་མ་བྱུང་བ་འདྲ་ཞེས་བསྔགས་པས་མཚོན་མདོ་སྔགས་ཀྱི་དབང་བཤད་མན་ངག་མཐའ་ཡས་པ་བྱུང་ཡང་། གསང་སྔགས་ནི་དེ་སྐབས་གསང་བ་ལྷུར་ལེན་པས་བཤད་གྲྭ་ལ་མཚན་ཉིད་ཐེག་པ་དང་སྒོམ་གྲྭ་ལ་སྔགས་ཉིད་རྩལ་དུ་འདོན་པས་གསང་སྔགས་ཕྱི་རྒྱུད་འགའ་ཞིག་མ་གཏོགས་ནང་རྒྱུད་སྡེ་གསུམ་གྱི་བཤད་གྲྭ་མ་བྱུང་བར་མངོན་ལ། དུས་དེ་ནས་བརྩམས་ད་ལྟའི་བར་དབང་བཤད་ཀྱི་བཀའ་མ་ཆད་པར་གནས་པ་ནི། རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་ཀྱི་རྒྱལ་པོ་ཉིད་དེ་ཏནྡྲ་ཆེན་པོ་སྡེ་བཅོ་བརྒྱུད་ཀྱི་སྤྱིའམ་རྩ་བ་ལྟ་བུར་གྱུར་ཅིང་། རྒྱུད་ཀུན་གྱི་སྤྱི་བོར་རྒྱལ་མཚན་ལྟ་བུར་ཁྱད་པར་དུ་མས་འཕགས་པ་ཡིན་ནོ། ། སྒེག་རྡོར་ཉི་སེང་སངས་རྒྱས་གསང་བས་བཀྲལ། ། བི་མ་རྨ་གཉགས་རྣམས་ཀྱིས་བསྒྱུར་ཅིང་བཤད། ། རོང་ཟོམ་ཀློང་ཆེན་རིག་རལ་སོགས་ཀྱིས་སྤེལ། ། ཁྱད་འཕགས་ཟུར་པའི་བཀའ་སྲོལ་ཉག་ཕྲ་བ། ། སྨིན་གླིང་མཆེད་ཀྱིས་བསྟན་པའི་མེ་རོ་གསོས། ། ཞེས་རྒྱུད་རྒྱལ་དེ་རྣམས་རྒྱལ་པོ་ཛཿལས་བརྒྱུད་དེ་སྲས་མོ་ཀུ་ཀུ་རཱ་ཛ་ལས་སྒེག་པ་རྡོ་རྗེ་དང་སངས་རྒྱས་གསང་བས་ཞུས། སྔ་མས་འགྲེལ་པ་རིན་པོ་ཆེའི་སྤར་ཁབ་དང་། ཕྱི་མས་རྣམ་དབྱེ་འགྲེལ་མཛད། དེ་གཉིས་ཀྱིས་བི་མ་མི་ཏྲ་ལ་གནང་། དེས་འགྲེལ་པ་ཁོག་གཞུང་མཛད། གཞན་ཡང་ཙནྡྲ་གོ་མིའི་མདུད་འགྲེལ། ཉི་འོག་སེང་གེའི་རྒྱ་ཆེར་འགྲེལ། པདྨའི་རྣམ་བཤད་ཆེན་མོ་རྣམས་རྒྱ་གར་དུ་བྱུང་། བོད་དུ་པཎ་ཆེན་བི་མ་ལ་མི་ཏྲས་རྨ་རིན་ཆེན་མཆོག་དང་གཉགས་ཛྙཱ་ན་ཀུ་མཱ་ར་ལ་གནང་། རྨས་རྒྱུད་བོད་སྐད་དུ་བསྒྱུར། ཡང་སློབ་དཔོན་ཆེན་པོས་ཀྱང་གཉགས་ལ་གནང་། དེས་སོག་པོ་དཔལ་ཡེ། དེས་གནུབས་ཆེན་ལ་བཤད། རྨས་མདོ་ཁམས་སུ་གཙུག་རུ་རིན་ཆེན་གཞོན་ནུ་དང་གྱེ་རེ་མཆོག་སྐྱོང་ལ་བཤད། དེ་གཉིས་ཀས་དར་རྗེ་དཔལ་གྲགས་དང་ཞང་རྒྱལ་བའི་ཡོན་ཏན་ལ་བཤད། ཞུང་གིས་གནུབས་ཆེན་པོ་ལ་བཤད། ཡང་སློབ་དཔོན་བཻ་རོ་ཙ་ནས་ཁམས་འོར་རུ་བྱམས་ཆེན་གྱི་གཙུག་ལག་ཁང་དུ་ཉི་འོད་སེང་གེའི་འགྲེལ་པ་བསྒྱུར་བཤད་མཛད། གནུབས་ཆེན་ནས་རིམ་པར་བརྒྱུད་དེ་ཟུར་པ་མེས་དབེན་ལ་བཀའ་བབས་ཏེ་ཟུར་ལུགས་སུ་གྲགས་པ་དར། ལྷ་རྗེ་སྒྲོ་ཕུག་པའི་སློབ་མ་འཛོམ་འགྲོ་བའི་མགོན་པོ་ལ་རྒྱལ་བ་ཀཿཐོག་པ་དམ་པ་བདེ་གཤེགས་ཀྱིས་གསན། དེའི་བརྒྱུད་པ་ལས་བྱོན་པའི་བུ་འབོར་བ་ཡེ་ཤེས་རྒྱལ་མཚན་གྱིས་འགྲེལ་ཊཱིཀ་མཛད་པ་སོགས་བཤད་སྒྲུབ་ཀྱི་རྒྱུན་དབུས་སུ་ཡར་འཕེལ་བ་ལ་ཕྱིས་སྒྱུ་འཕྲུལ་ཁམས་ལུགས་སུ་གྲགས་པ་དང་། རོང་ཟོམ་ཆོས་ཀྱི་བཟང་པོ་ལ་པདྨ་བི་རོ་བི་མ་ལ་སོགས་ཀྱི་བརྒྱུད་པའི་བཀའ་ཐམས་ཅད་བབས། གསང་སྙིང་ལ་དཀོན་མཆོག་འགྲེལ་དུ་གྲགས་པ་མཛད་པ་རོང་ལུགས་དང་། ཀུན་མཁྱེན་ཀློང་ཆེན་རབ་འབྱམས་བཟང་པོས་འགྲེལ་པ་ཕྱོགས་བཅུ་མུན་སེལ་ཨ་ཏི་ཡོ་གའི་ལུགས་སུ་བཀྲལ་བ་དང་། རོག་ཤེས་རབ་འོད་ལ་སོ་ཟུར་སྐྱོ་ལུགས་སོགས་མང་དུ་འདུས་ཤིང་དེ་ལས་རོག་ལུགས་སུ་གྲགས་པ་བྱུང་། ཕྱིས་གསར་མའི་མཁས་པ་རྣམས་ཀྱིས་དགག་པ་བྱས་པ་ལ་བཅོམ་ལྡན་རིག་པའི་རལ་གྲིས་སློབ་དཔོན་པདྨའི་ཕྱག་དཔེ་རྒྱ་དཔེ་ངོ་མ་ཕྱག་ཏུ་རྙེད་པས་ཐར་ལོ་ལ་བསྒྱུར་བར་བསྐུལ་ཞིང་གསང་སྙིང་སྒྲུབ་པ་རྒྱན་གྱི་མེ་ཏོག་མཛད་པ་སོགས་ཀྱིས་སྤེལ་བས། ཕྱིས་ཀྱི་རྟོག་གེ་པ་རྣམས་ལའང་རྩོད་མེད་དུ་གྱུར་ཅིང་། ལུགས་སྲོལ་ཀུན་གྱི་ནང་ནས་ཁྱད་པར་དུ་འཕགས་པ་ཟུར་པའི་བཀའ་སློབ་ཕྱིས་སུ་ཉག་ཕྲ་བར་གྱུར་པ་ན། ལོ་ཆེན་བཻ་རོ་ཙ་ན་དང་རྒྱལ་མོ་གཡུ་སྒྲ་སྙིང་པོ་སྔ་འགྱུར་བསྟན་པའི་མེ་རོ་སློང་བ་ལ་བསམ་བཞིན་དུ་སྐྱེ་བ་བཞེས་པ་སྨིན་གླིང་སྐུ་མཆེད་གཉིས་ལས། གཏེར་ཆེན་རིན་པོ་ཆེས་རྒྱུད་རྒྱལ་འདི་ཉིད་ཀྱི་གཙོས་སྔ་འགྱུར་བཀའ་མའི་སྐོར་རྣམས་འབད་རྩོལ་དུ་མས་གསན་ཅིང་སོ་སོའི་སྒྲུབས་ཐབས་དཀྱིལ་ཆོག་གི་ཡིག་ཆ་ཁྱད་པར་ཅན་དུ་མ་མཛད་ཅིང་། སྒྱུ་འཕྲུལ་ཞི་ཁྲོ་ལའང་སྒྲུབ་དཀྱིལ་ཉུང་ལ་གསལ་བར་མཛད་ནས་དེ་དག་གི་སྒྲུབ་མཆོད་ལག་ལེན་གྱི་རྒྱུན་བཙུགས་པ་དང་། ལོ་ཆེན་དྷརྨ་ཤྲཱིས་རྒྱུད་རྒྱལ་གསང་བ་སྙིང་པོའི་སྤྱི་དོན་གསང་བདག་ཞལ་ལུང་། འབྲུ་འགྲེལ་གསང་བདག་དགོངས་རྒྱན། དེ་དག་གི་ཞལ་སློབ་རབ་འབྱམས་པ་ཉེར་གཅིག་བྱུང་བར་གྲགས་པའི་ནང་ཚན་རབ་འབྱམས་པ་ཨོ་རྒྱན་ཆོས་གྲགས་ཀྱི་ཟིན་བྲིས་རིན་ཆེན་ཕྲེང་བ་སོགས་ལ་བརྟེན་ཏེ་བཤད་པའི་རྒྱུན་ཁྱད་པར་དུ་འཕགས་པ་ད་ལྟའི་བར་དུ་བྱུང་བས་བསྟན་པའི་མེ་རོ་རྨངས་ནས་གསོས་པ་ཡིན་ནོ། ། </br>3.ཞར་ལས་འཕྲོས་པ་ནི། ཕྱག་རྒྱ་ཆེན་པོའི་བཤད་སྲོལ་རྣམ་བརྒྱད་དང་། ། ཀུན་བྱེད་རྒྱལ་སོགས་རྒྱུད་དང་གཞུང་གདམས་ཀྱི། ། བཤད་སྲོལ་གསར་རྙིང་ཕྲན་ཚེགས་སྨོས་མི་ལངས། ། ཞེས་གོང་དུ་བཤད་པ་དེ་དག་ད་ལྟའི་བར་དུ་རྒྱུན་བཞུགས་པ་ལས་ཡོངས་གྲགས་གཙོ་བོ་ཆེ་བ་རྣམས་སྨོས་པ་ཡིན་གྱི་གསར་མའི་ཕྱོགས་སུ་མཚན་ཉིད་ཀྱི་སྐོར་ལ། འདུལ་བ་མེ་ཏོག་ཕྲེང་རྒྱུད། དབུ་མ་རྩ་ཤེ། བྱམས་ཆོས་ལྷག་མ་གསུམ། བཤེས་སྤྲིང་དང་སྤྱོད་འཇུག་སོགས་གཞུང་ཆེ་ཕྲ་དུ་མའི་བཤད་སྲོལ་སྔར་བྱུང་ཞིང་ད་ལྟ་དེ་དག་གི་རྩ་བ་དང་འགྲེལ་པ་འགའ་རེའི་ལུང་རྒྱུན་ཙམ་ལས་མི་བཞུགས་ཀྱང་སོ་སོའི་རྩལ་བཤད་ཀྱིས་འཆད་པར་སྣང་བ་དང་། སྔགས་ཀྱི་ཕྱོགས་ལ་སྔོན་དུ་རྒྱུད་ཕལ་མོ་ཆེའི་བཤད་པ་བྱུང་ཞིང་། གདམས་ངག་ཕག་མོ་གཞུང་དྲུག་གིས་མཚོན་རྒྱ་གཞུང་མངོན་རྟོགས་ཀྱི་རིགས་མང་པོར་བཤད་སྲོལ་བྱུང་བ་དང་། ཕྱག་རྒྱུ་ཆེན་པོའི་བཤད་སྲོལ་རྣམ་པ་བརྒྱད་དུ་གྲགས་པ་སོགས་དང་། རྙིང་མའི་ཕྱོགས་སུ་སེམས་སྨད་བཅོ་བརྒྱད་ཀྱི་རྩ་བ་ཀུན་བྱེད་རྒྱལ་པོ། ཨ་ནུ་ལུང་གི་མདོ་བཞིའི་རྩ་བ་ཀུན་འདུས་རིག་པའི་མདོ། ། བཤད་རྒྱུད་དགོངས་པ་འདུས་པ་ལ་གནུབས་ཆེན་པོའི་འགྲེལ་པ་མུན་པའི་གོ་ཆ་སོགས་ཀྱིས་འཆད་པ་དང་། སངས་རྒྱས་གསང་བའི་ལམ་རྣམ་བཀོད། སྒེག་རྡོར་གྱི་དམ་ཚིག་གསལ་བཀྲ་སོགས་ལ་དུས་ཕྱི་མོའི་བར་དུ་བཤད་པའི་རྒྱུན་བྱུང་ཞིང་འགོས་ལོ་གཞོན་ནུ་དཔལ་བས་རྒྱུད་གཞུང་བཞི་བཅུ་ལྷག་གཅིག་གི་བཤད་ལུང་དེ་སྐབས་སུ་བཞུགས་པར་གསུངས་པས་མཚོན། རྒྱུད་གཞུང་ལུགས་གདམས་ངག་གི་བཤད་སྲོལ་གསང་སྔགས་གསར་རྙིང་ལ་བྱུང་བ་ཕྲན་ཚེགས་ནི་སྨོས་ཀྱིས་མི་ལངས་སོ། ། དེ་ལས་ཕྱག་རྒྱ་ཆེན་པོའི་བཤད་སྲོལ་ནི། ཐོག་མར་ཇོ་བོ་རྗེས་རྒྱུད་བླ་མ་བསྒྱུར་བཤད་དང་མཆིམས་ཕུར་དོ་ཧ་དང་སྒྱུ་འཕྲུལ་གྱི་སྐོར་གསུངས། དེ་ནས་རྗེ་མར་པས་གདམས་ངག་གི་བཤད་རྒྱུན་གནང་བ་ད་ལྟའི་བར་དུའང་མ་ཆད་པར་བཞུགས། དེ་ནས་ཀོ་ས་ལའི་པཎྜི་ཏ་ཆེན་པོ་བཻ་རོ་ཙ་ན་རཀྵི་ཏ་བོད་དུ་བྱོན་ནས་དོ་ཧ་སྐོར་གསུམ་བསྒྱུར་ཅིང་བཤད། དེ་ནས་སྐོར་ནི་རཱུ་པས་སྙིང་པོའི་དོན་རྒྱ་ཆེར་བཤད། དེ་ནས་རྒྱ་གར་ཕྱག་ན་སྟེ་སློབ་དཔོན་བཛྲ་པཱ་ཎིས་གྲུབ་པ་སྡེ་བདུན་དང་། སྙིང་པོ་དོན་གསུམ་ཞེས་དོ་ཧ་རྣམ་གསུམ་སྟེ་གྲུབ་སྙིང་ཕྲ་མོ་དང་བཅས་པའི་གཞུང་དང་། གདམས་ངག་མཚན་ཉིད་ཀྱི་རྗེས་སུ་འབྲང་བའི་བྲུལ་ཚོ་དགུ ཕ་རྒྱུད་ཀྱི་རྗེས་སུ་འབྲངས་པའི་བྲུལ་ཚོ་དགུ མ་རྒྱུད་ཀྱི་རྗེས་སུ་འབྲངས་པའི་བྲུལ་ཚོ་དགུ་སྟེ་ཉི་ཤུ་རྩ་བདུན་པོ་རྣམས་ལས་ཀྱི་ཕྱག་རྒྱ། ཆོས་ཀྱི་ཕྱག་རྒྱ། ཕྱག་རྒྱ་ཆེན་པོ། དམ་ཚིག་གི་ཕྱག་རྒྱ་སྟེ་ཕྱག་རྒྱ་བཞིས་བཅིངས་ཤིང་། ལྟ་བ་ལུང་རིགས་དང་འབྲེལ་བ། སྒོམ་པ་ཉམས་མྱོང་དང་འབྲེལ་བ། སྤྱོད་པ་དུས་ཚོད་དང་འབྲེལ་བ། འབྲས་བུ་གཞན་དོན་དང་འབྲེལ་བ། ལམ་དྲོད་རྟགས་དང་འབྲེལ་བ། དབང་གདམས་ངག་དང་འབྲེལ་བ་སྟེ་འབྲེལ་བ་དྲུག་ལྡན་དུ་གསུངས་པ་ལ་སྟོད་ལུགས་སུ་གྲགས། དེ་ནས་བལ་པོ་ཨ་སུས་དོ་ཧ་སོགས་བཤད་པས་རྒྱུན་འཛིན་པ་ཁྲི་ཕྲག་མང་པོ་བྱུང་བ་ལ་སྨད་ལུགས་སུ་གྲགས། དེ་ནས་རྗེ་རས་ཆུང་པས་ལུས་མེད་མཁའ་འགྲོའི་ཆོས་སྐོར་དང་ཨ་སུའི་གདམས་པ་སོགས་སྤེལ། དེ་ནས་མངའ་རིས་པ་ནག་པོ་ཤེར་དད་ཀྱིས་རྒྱ་གར་ཕྱག་ནའི་ཞལ་སྔ་ནས་སྐུ་གསུང་ཐུགས་ཀྱི་མཛོད་སོགས་ཡིད་ལ་མི་བྱེད་པའི་ཆོས་བཅུ་གསན་ཅིང་བསྒྱུར་བཤད་མཛད་པ་སྟེ་ད་ལྟ་ནི་དེ་དག་གི་ལུང་རྒྱུན་ཙམ་བཞུགས་པ་ཡིན་ལ། བཀའ་དེ་དག་ཐམས་ཅད་ཀྱང་བྲམ་ཟེ་ཡབ་སྲས་དང་མངའ་བདག་རྒྱལ་བ་མེ་ཏྲི་པ་ཁོ་ན་ལས་བརྒྱུད་པའོ། །ེ་དག་ཐམས་ཅད་ཀྱང་བྲམ་ཟེ་ཡབ་སྲས་དང་མངའ་བདག་རྒྱལ་བ་མེ་ཏྲི་པ་ཁོ་ན་ལས་བརྒྱུད་པའོ། །)
- Dictionaries/chos rnam kun btus/4687 + (1.གོ་ལ་གློག་བརྩེགས་མའི་ལུགས་ནི། འཕགས་པའི་ཡ … 1.གོ་ལ་གློག་བརྩེགས་མའི་ལུགས་ནི། འཕགས་པའི་ཡུལ་ལ་སོགས་པར་མུ་སྟེགས་པ་ཁ་ཅིག་གི་གོ་ལའི་འདོད་པ་ཡིན་པར་འགྲེལ་ཆེན་དྲི་མེད་འོད་ལས་གསུངས་ཤིང་། འདིའི་ལུགས་ཀྱི་གོ་ལའི་འཁོར་ཚུལ་ནི། ཁྱིམ་སྐར་རྣམས་ལྷོ་བགྲོད་དང་བྱང་བགྲོད་གཉིས་ཀ་མི་བྱེད་པ་མངོན་སུམ་གྱིས་གྲུབ་པ་ལྟར་དུ་ཉི་ཟླ་གཟའ་ལྔ་སྒྲ་གཅན་སོགས་ཁྱིམ་ཅན་རྣམས་ཀྱང་ལྷོ་བགྲོད་དང་བྱང་བགྲོད་གཉིས་ཀ་མི་བྱེད་པར། ཁྱིམ་རྣམས་རྨོག་བརྩེགས་པ་ལྟར་གནས་པ་ལ་གཟའ་རྣམས་མདུན་རྒྱབ་ཏུ་རྒྱུ་བ་མ་ཡིན་པར་སྟེང་འོག་ཏུ་རྒྱུ་བ་དང་། ཞི་གཟའ་འགའ་ཞིག་རི་རབ་ལ་ཉེ་བར་རྒྱུ་བ་དང་། དྲག་གཟའ་འགའ་ཞིག་རི་རབ་ལ་རིང་བར་རྒྱུ་བས་གཟའ་བརྒྱད་པོ་དག་འགྲོས་མྱུར་དལ་ཡོད་ཀྱང་། ཁྱིམ་བཅུ་གཉིས་ལ་ལོངས་སྤྱད་ནས་རི་རབ་འཁོར་བར་མཉམ་སྟེ། དཔེར་ན་སོ་བའི་སྤུན་པ་འཆག་པའི་ཕྱིར་སོ་བའི་སྟེང་དུ་བ་ལང་ཀ་བ་ལ་འཁོར་དུ་བཅུག་པ་རྣམས་ལས་ཀ་བའི་ཉེ་ཕྱོགས་སུ་གནས་པ་རྣམས་དལ་བར་འགྲོ་ཞིང་གོམ་པ་ཉུང་ངུས་ཀ་བར་འཁོར་ལ། ཀ་བའི་རིང་ཕྱོགས་སུ་གནས་པ་རྣམས་མགྱོགས་པར་འགྲོ་བའི་གོམ་པ་མང་པོས་ཀ་བ་འཁོར་བ་ལྟར། གཟའ་རྣམས་ཀྱང་འབྲུ་སྙིལ་བ་དེ་ལྟར་རི་རབ་ལ་ཉེ་རིང་དུ་གནས་པའི་དབང་གིས་འགྲོས་མྱུར་བུལ་དུ་སྣང་བ་ཡིན་ཏེ་རྒྱུ་སྐར་འཁོར་ལོ་ཡོངས་རྫོགས་སྤྱད་ནས་རི་རབ་འཁོར་བ་ལ་ཁྱད་མེད་པར་འདོད་ཅིང་། ཁྱིམ་རྣམས་ཀྱང་རྒྱ་མཉམ་པར་སྟེང་འོག་ཏུ་བརྩེགས་པར་འཁོར་བ་ལས། ས་དུམ་བུ་བཅུ་གཉིས་སུ་ནག་པ་སོགས་ཟླ་བ་བཅུ་གཉིས་དུས་མཉམ་དུ་འབྱུང་བར་འདོད་པ་དང་། དྲག་གཟའ་རྣམས་གནས་མཐོ་བས་འདི་ནས་བལྟས་པའི་ཚེ་སྐར་མ་གཟུགས་ཆུང་བ་དང་། ཞི་གཟའ་རྣམས་གནས་དམའ་བས་སྐར་མའི་གཟུགས་ཆེ་བ་དང་། སྟེང་འོག་བརྩེགས་ཀྱང་འོག་མས་སྟེང་མ་མི་སྒྲིབ་པར་འདོད་པ་དང་། ཁྱིམ་རེ་རེའི་ནང་རི་རབ་ལ་རེག་པ་དང་། ཕྱི་མཐའ་མེ་ལ་རེག་པར་འདོད་ཅིང་། ཉི་ཟླ་སོགས་གཟའ་རྣམས་ཀྱང་ཁྱིམ་སྟེང་ཤོད་ལ་ཁང་པའི་སྟེང་ཏུ་བགྲོད་པ་ན་འབབ་འཛེག་བྱས་ནས་རྒྱུ་བ་ལྟ་བུར་འདོད་དོ། ། </br>2.གོ་ལ་སྟེང་བསྐྱེད་མའི་ལུགས་ནི། ཉི་མའི་རྒྱུ་ལམ་ཁྱིམ་བཅུ་གཉིས་ནི་ལྷོ་བྱང་དུ་ཕྱི་ནང་དུ་གནས་པ་མ་ཡིན་པར་རྒྱུ་ལམ་མཐོ་དམན་གྱི་ཁྱད་པར་གྱིས་དབྱར་དགུན་སྟོན་དཔྱིད་དུས་བཞི་འབྱུང་བ་ཡིན་ལ། གཞུ་དང་ཆུ་སྲིན་གཉིས་དམའ་བ་དང་། འཁྲིག་པ་དང་ཀརྚ་གཉིས་མཐོ་བ་དང་། ཁྱིམ་དེ་ལས་གཞན་པ་རྣམས་མཐོ་དམན་བར་མར་གནས་ཀྱང། ལྷོ་བྱང་དུ་མེད་པས་རི་རབ་དང་མེ་རིའི་དབུས་དྲང་པོའི་རི་རབ་ཀྱི་ཁ་ཁྱེར་ནས་དཔག་ཚད་སྟོང་ཕྲག་ཕྱེད་བཅས་སོ་བདུན་གྱི་མཚམས་དུས་ཐམས་ཅད་དུ་ཉི་མའི་རྒྱུ་ལམ་ཡིན་པ་ལ་ཁྱད་པར་མེད་ཀྱང་། གཞུ་ཆུ་སྲིན་གྱི་ཁྱིམ་གཉིས་སུ་རྒྱུ་བ་ན་དམའ་བས་ལྷོར་བགྲོད་པ་ལྟར་སྣང་བ་དང་། དེ་ནས་སྡིག་བུམ་གཉིས་དེ་ལས་མཐོ་ཞིང་། དེ་ལས་ཀྱང་སྲང་དང་ཉ་མཐོ་ཞིང་། དེ་ལས་ཀྱང་བུ་མོ་དང་ལུག་མཐོ་ཞིང་། དེ་བས་ཀྱང་གླང་དང་སེང་གེ་མཐོ། དེ་བས་ཀྱང་འཁྲིག་པ་དང་ཀརྔུ་མཐོ་བ་ལ་རྒྱུ་བ་ན་བྱང་དུ་བགྲོད་པ་ལྟར་སྣང་བ་དང་། གཞུ་དང་ཆུ་སྲིན་གྱི་མཚམས་སུ་གླིང་ཀུན་གྱི་དགུན་ཉི་ལྡོག་ནས་ཞག་རེ་བཞིན་མཐོ་རུ་འགྲོ་བ་དང་། དཀྱིལ་མཚམས་སུ་ཀུན་གྱི་དཔྱིད་མཉམ། འཁྲིག་ཀར་གྱི་མཚམས་སུ་གླིང་ཀུན་གྱི་དབྱར་ཉི་ལྡོག་ནས་ཞག་རེ་བཞིན་དམའ་རུ་འགྲོ་བ་དང་། དཀྱིལ་མཚམས་སུ་ཀུན་གྱི་སྟོན་མཉམ་འབྱུང་ངོ་། ཁྱིམ་དེ་དག་རེ་རེའང་ལྷོ་བྱང་དུ་རི་རབ་དང་མེ་རིའི་བར་ཁྱབ་པར་ཡོད་ཀྱང་། ཉི་མ་ལྷོ་བྱང་གི་དབུས་ཁོ་ནར་རྒྱུ་བར་བཞེད། དེ་ལྟར་གླིང་བཞི་ཀུན་ཏུ་དབྱར་དགུན་གྱི་བགྲོད་པ་གཉིས་དང་། སྟོན་དཔྱིད་ཀྱི་མཉམ་གཉིས་ཏེ་དུས་བཞི་པོ་མཉམ་པོར་འཁོར་བར་འདོད་དོ། ། ལུགས་འདི་ནི་གཡུང་སྟོན་ཆེན་པོ་རྡོ་རྗེ་དཔལ་གྱི་བཞེད་པ་ཡིན་ནོ། །</br>3.གོ་ལ་ཕྱིར་བསྐྱེད་མའི་ལུགས་ནི། ཁྱིམ་བཅུ་གཉིས་ཀྱི་ཁྱིམ་གཉིས་གཉིས་རེ་རྒྱུ་ལམ་གཅིག་པས། རི་རབ་ཀྱི་ཁ་ཁྱེར་ནས་མེ་རིའི་བར་གྱི་དཔག་ཚད་སྟོང་ཕྲག་དོན་ལྔ་ལ་དྲུག་ཏུ་བགོས་པས་སྟོང་ཕྲག་ཕྱེད་དང་བཅས་པའི་བཅུ་གཉིས་རེ་འབྱུང་བ་ནི་ཁྱིམ་རྣམས་ཀྱི་ཞེང་གི་ཚད་ཡིན་ཞིང་། རྒྱུ་ལམ་དྲུག་པོ་དེ་ཟླུམ་འཁོར་གྱི་ཚད་ལ་བཅུ་གཉིས་སུ་བགོས་པའི་ཆ་རེ་རེ་ནི་ཁྱིམ་རེ་ཡིན་ལ། བཅུ་གཉིས་ཀྱི་ཆ་དེ་ནི་ཁྱིམ་དེ་དག་གི་ཤར་ནུབ་ཀྱི་ཚད་ཡིན་ལ། འཁྲིག་ཁྱིམ་དུ་ཉི་མ་གནས་པའི་ཚེ་གླིང་ཐམས་ཅད་དུ་དབྱར་ར་བ་འབྱུང་། ཁྱིམ་དེ་རྫོགས་མཚམས་སུ་དབྱར་ཉི་ལྡོག དེ་ནས་ཀར་ཁྱིམ་དུ་ཉི་མ་བགྲོད་པ་ནི་གླིང་ཐམས་ཅད་དབྱར་འབྲིང་འབྱུང་། ཁྱིམ་དེ་གཉིས་རི་རབ་ལ་ཉེ་བ་མཐར་ཐུག་པར་རྒྱུ་ལམ་གཅིག ཁྱིམ་དེ་གཉིས་ཀྱི་ཕྱི་རོལ་དུ་གླང་དང་སེང་གེའི་ཁྱིམ་གཉིས་སུ་ཉི་མ་བགྲོད་པ་ན་གླིང་ཐམས་ཅད་དུ་དཔྱིད་ཐ་དང་དབྱར་ཐ་འབྱུང་ཞིང་ཁྱིམ་དེ་གཉིས་ཀྱི་རྒྱུ་ལམ་ཡང་གཅིག ཁྱིམ་དེ་གཉིས་ཀྱི་ཕྱི་རོལ་དུ་ལུག་དང་བུ་མོ་གཉིས་སུ་ཉི་མ་བགྲོད་པ་ན་གླིང་ཐམས་ཅད་དུ་དཔྱིད་འབྲིང་སྟོན་ར་འབྱུང་ཞིང་། ཁྱིམ་དེ་གཉིས་ཀྱི་རྒྱུ་ལམ་ཡང་གཅིག ཁྱིམ་དེ་གཉིས་ཀྱི་ཕྱི་རོལ་དུ་བུམ་པ་དང་སྡིག་པ་ལ་ཉི་མ་བགྲོད་པ་ན་དགུན་ཐ་དང་སྟོན་ཐ་འབྱུང་ཞིང་། ཁྱིམ་དེ་གཉིས་ཀྱི་རྒྱུ་ལམ་ཡང་གཅིག ཁྱིམ་དེ་གཉིས་ཀྱི་ཕྱི་རོལ་དུ་མེ་རི་ལ་ཉེ་བ་མཐར་ཐུག་པར་གཞུ་དང་ཆུ་སྲིན་ལ་ཉི་མ་བགྲོད་པ་ན་དགུན་འབྲིང་འབྱུང་ལ། ཁྱིམ་དེ་གཉིས་ཀྱི་རྒྱུ་ལམ་ཡང་གཅིག་གོ ། གཞུ་ཁྱིམ་ནས་ཆུ་སྲིན་ཁྱིམ་དུ་འཕོ་བའི་མཚམས་སུ་གླིང་ཐམས་ཅད་དུ་དགུན་ཉི་ལྡོག་པར་བྱེད་ལ། དེས་ན་རི་རབ་ལ་ཉེ་བའི་ཁྱིམ་རྒྱ་ཆུང་བའི་སར་ཉི་མ་བགྲོད་པ་ན་ཉི་མ་རིང་བ་དང་། མེ་རི་ལ་ཉེ་བའི་ཁྱིམ་རྒྱུ་ཆེ་བའི་སར་ཉི་མ་བགྲོད་པ་ན་ཉི་མ་ཐུང་བར་འགྱུར་བ་ཡིན་ཏེ། མེ་རི་ལ་ཉི་མ་ཉེ་བ་ན་མེ་རླུང་གིས་ཉི་མ་ལ་རེག་པས་ན་ཉི་མ་འགྲོས་མགྱོགས་པ་དང་། རི་རབ་ལ་ཉེ་བ་ན་ཉི་མ་ལ་མེ་རླུང་གིས་རེག་པའི་འཕུལ་བྱེད་མེད་པས་འགྲོས་དལ། དབྱར་ཉི་མ་འཆར་བའི་ཁྱིམ་མཐོ་བས་གླིང་གང་ནས་ཀྱང་མཐོང་སྔ་ཞིང་ནུབ་ཕྱི་བ་དང་། མེ་ལ་ཉེ་བར་རྒྱུ་བའི་ཁྱིམ་དེ་དམའ་བས། གླིང་གང་ནས་ཀྱང་མཐོང་ཕྱི་ཞིང་ནུབ་སྔ་བར་སྣང་བ་ཡིན་ཞེས་འདོད་དོ། ། ལུགཙའདི་གཙོ་བོ་འཇམ་དབྱངས་མཚུར་ཕུ་དོན་གྲུབ་འོད་ཟེར་གྱི་བཞེད་པ་ཡིན་ཞིང་། དེའི་རྗེས་སུ་ཟི་ལུང་པ་པཎ་ཆེན་ཤཱཀྱ་མཆོག་ལྡན་གྱིས་ཀྱང་སྐབས་རེ་འགར་འབྲངས་པ་ཡིན་ཞེས་ཀརྨ་མི་བསྐྱོད་རྡོ་རྗེས་གསུངས་སོ། ། ལོ་ཆེན་དྷརྨ་ཤྲཱིས་འདི་ནི་འཕན་ཡུལ་གྲོ་སའི་འདུལ་འཛིན་ཆེན་པོ་དམར་སྟོན་སོགས་ཀྱི་བཞེད་པ་ཡིན་པར་ཡང་གསུངས་སོ། ། </br>4.གོ་ལ་ལྕགས་སྒྲོགས་མའི་ལུགས་ནི། རྨ་བྱ་ཆེན་མོ་ལས། མཚོན་ཆའི་འཁོར་ལོ་བཞིན་དུ་རྒྱུ། ། ཞེས་པའི་ལུང་གིས་ལྷོ་བྱང་གི་གླིང་རྣམས་སུ་དབྱར་ནམ་ཡོད་པའི་དུས་ལ་ཤར་ནུབ་ཀྱི་གླིང་རྣམས་སུ་དགུན་ཡོད་པ་དང་། ཤར་ནུབ་ཏུ་སྟོན་ཡོད་པ་ན། ལྷོ་བྱང་དུ་དཔྱིད་ཡོད་པ་དང་། ཤར་ནུབ་ཏུ་དཔྱིད་ཡོད་པ་ན། ལྷོ་བྱང་དུ་སྟོན་ཡོད་པ་དང་། ཤར་ནུབ་ཏུ་དབྱེར་ཡོད་པ་ན། ལྷོ་བྱང་དུ་དགུན་ཡོད་པར་བཞེད། དེ་ཡང་ཀརྚ་ཁྱིམ་དུ་ཉི་མ་ཡོད་པའི་ཚེ། ལྷོ་བྱང་གི་གླིང་དུ་དབྱར་ཉི་ལྡོག་ལ། ཤར་ནུབ་ཀྱི་གླིང་དུ་དགུན་ཉི་ལྡོག་ཅིང་ཁྱིམ་དེ་ལྷོ་བྱང་དུ་རི་རབ་ལ་ཉེ་བ་དང་། ཤར་ནུབ་ཏུ་མེ་རི་ལ་ཉེ་བ་མཐར་ཐུག་གོ ། འཁྲིག་པ་དང་སེང་གེ་གཉིས་ལ་ཉི་མ་གནས་པའི་ཚེ། ལྷོ་བྱང་གི་གླིང་དུ་དབྱར་ར་ཐ། ཤར་ནུབ་ཏུ་དགུན་ར་ཐའི་དུས་ཀྱི་ཉི་མ་གནས་པའི་ཁྱིམ་ཡིན་པས། ལྷོ་བྱང་དུ་ཀར་ཁྱིམ་རི་རབ་ལ་ཉེ་བའི་ཕྱི་རོལ་དང་། ཤར་ནུབ་ཏུ་ཀར་ཁྱིམ་མེ་རི་ལ་ཉེ་བའི་ནང་ཕྱོགས་ཀྱི་ཆར་བགྲོད་དོ། ། ཆུ་སྲིན་གྱི་ཁྱིམ་དུ་ཉི་མ་གནས་པའི་ཚེ་ཤར་ནུབ་ཀྱི་གླིང་དུ་དབྱར་ཉི་ལྡོག་ཅིང་། ལྷོ་བྱང་གི་གླིང་དུ་དགུན་ཉི་ལྡོག་ལ། ཁྱིམ་དེ་ཤར་ནུབ་ཏུ་རི་རབ་ལ་ཉེ་བ་དང་། ལྷོ་བྱང་དུ་མེ་རི་ལ་ཉེ་བ་མཐར་ཐུག་གོ ། གཞུ་དང་བུམ་པའི་ཁྱིམ་གཉིས་ལ་ཉི་མ་གནས་པའི་ཚེ། ཤར་ནུབ་ཀྱི་གླིང་དུ་དབྱར་ཐ་ར། ལྷོ་བྱང་གི་གླིང་དུ་དགུན་ཐ་རའི་དུས་ཀྱི་ཉི་མ་གནས་པའི་ཁྱིམ་ཡིན་པས། ཤར་ནུབ་ཏུ་ཆུ་སྲིན་གྱི་ཁྱིམ་རི་རབ་ལ་ཉེ་བའི་ཕྱི་རོལ་དང་། ལྷོ་བྱང་དུ་ཆུ་སྲིན་གྱི་ཁྱིམ་དེ་མེ་རི་ལ་ཉེ་བའི་ནང་ཕྱོགས་ཀྱི་ཚོར་བགྲོད་དོ། ། ལུག་ཁྱིམ་ལ་ཉི་མ་གནས་པའི་ཚེ། ལྷོ་བྱང་གི་གླིང་དུ་དཔྱིད་འབྲིང་། ཤར་ནུབ་ཀྱི་གླིང་དུ་སྟོན་འབྲིང་གི་དུས་ཡིན་པ་དང་། སྲང་གི་ཁྱིམ་ལ་ཉི་མ་གནས་པའི་ཚེ། ཤར་ནུབ་ཀྱི་གླིང་དུ་དཔྱིད་འབྲིང་། ལྷོ་བྱང་གི་གླིང་དུ་སྟོན་འབྲིང་གི་དུས་ཡིན་ནོ། ། ཁྱིམ་འདི་གཉིས་ཀྱི་རྒྱུ་ལམ་ནི་གཅིག་ཡིན་ཞིང་གླིང་ཐམས་ཅད་དུ་རི་རབ་དང་མེ་རིའི་དབུས་དྲང་པོའི་ཟླུམ་སྐོར་དུ་བགྲོད་པ་ཡིན་ནོ། ། བུ་མོ་དང་གླང་གི་ཁྱིམ་ལ་ཉི་མ་གནས་པའི་ཚེ། ལྷོ་བྱང་གི་གླིང་དུ་དཔྱིད་ཐ་དང་སྟོན་ར། ཤར་ནུབ་ཀྱི་གླིང་དུ་སྟོན་ཐ་དང་དཔྱིད་རའི་དུས་ཡིན་པས་ལྷོ་བྱང་དུ་ལུག་སྤང་གི་རྒྱུ་ལམ་གྱི་ནང་ཕྱོགས་སུ་རྒྱུ་ཞིང་། ཤར་ནུབ་ཏུ་ལུག་སྲང་གི་ཕྱི་རོལ་དུ་རྒྱུའོ། ། ཉ་དང་སྡིག་པའི་ཁྱིམ་གཉིས་ལ་ཉི་མ་གནས་པའི་ཚེ། ལྷོ་བྱང་དུ་དཔྱིད་ར་དང་སྟོན་ཐ། ཤར་ནུབ་ཏུ་སྟོན་ར་དང་དཔྱིད་ཐའི་དུས་ཡིན་པས། ལྷོ་བྱང་དུ་ལུག་སྤང་གི་རྒྱུ་ལམ་གྱི་ཕྱི་རོལ་དང་། ཤར་ནུབ་ཏུ་ལུག་སྲང་གི་ནང་ཕྱོགས་སུ་རྒྱུའོ། ། ཁྱིམ་བཅུ་གཉིས་དུས་གཅིག་ཏུ་དུམ་བུ་བཅུ་གཉིས་ནམ་མཁར་བཀོད་པ་ན། བྱང་གླིང་དབུས་མའི་ནམ་མཁར་རི་རབ་ལ་ཉེ་བར་ཀར་ཁྱིམ། དེའི་ཕྱི་རོལ་དུ་བྱང་གླིང་ཤར་མའི་ནམ་མཁར་སེང་གེ དེའི་ཕྱི་ཕྱེད་ཕན་དུ་ནུབ་གླིང་ནུབ་མའི་ནམ་མཁར་བུ་མོ། དེའི་ནང་རི་རབ་དང་མེ་རིའི་དབུས་དྲང་པོའི་ནུབ་གླིང་དབུས་མའི་ནམ་མཁར་སྲང་། དེའི་ནང་ནུབ་གླིང་ཤར་མའི་ནམ་མཁོར་སྡིག་པ། དེའི་ཕྱི་ནང་མའི་ནང་ཚུན་དུ་ལྷོ་གླིང་ནུབ་མའི་ནམ་མཁར་གཞུ། དེའི་ཕྱི་མཐར་ལྷོ་གླིང་དབུས་མའི་ནམ་མཁར་ཆུ་སྲིན། དེའི་ནང་མཐར་ལྷོ་གླིང་ཤར་མའི་ནམ་མཁར་བུམ་པ། དེའི་ཕྱེད་ཕྱི་ཕན་དུ་ཤར་གླིང་ནུབ་མའི་ནམ་མཁར་ཉ། དེའི་ཕྱི་མཐར་གླིང་དབུས་མའི་ནམ་མཁར་ལུག དེའི་ཕྱི་མཐར་ཤར་གླིང་ཤར་མའི་ནམ་མཁར་གླིང་། དེའི་ནང་ཚུན་དུ་བྱང་གླིང་ནུབ་མའི་ནམ་མཁར་འཁྲིགུ་ཁྱིམ་གནས་སོ། ། དེ་ཡང་སོ་སོར་རྒྱུ་བ་ན་སྔར་བཤད་པ་ལྟར། ཆུ་སྲིན་དང་ཀརྚའི་ཁྱིམ་གཉིས་རྒྱུ་ལམ་གཞན་དང་ཐུན་མོང་མིན་པར་སོ་སོར་རྒྱུ་ཞིང་། གཞན་ལ་འཁྲིག་སེང་གཉིས། གླང་དང་བུ་མོ་གཉིས། ལུག་དང་སྲང་གཉིས། ཉ་དང་སྡིག་པ་གཉིས། གཞུ་དང་བུམ་པ་རྣམ་པ་གཉིས་གཉིས་རེ་རྒྱུ་ལམ་ཐུན་མོང་བ་རེ་ལ་རྒྱུ་བས་ཁྱིམ་བཅུ་ལ་རྒྱུ་ལམ་ལྔ་དང་། ཆུ་སྲིན་དང་ཀཊའི་རྒྱུ་ལམ་གཉིས་བཅས་རྒྱུ་ལམ་བདུན་ཡོད་པར་འདོད་དོ། ། ལུགས་འདི་ནི་འཕན་ཡུལ་དུ་གྲུབ་མཆོག་བརྙེས་པའི་སྒོམ་པ་དཀོན་མཆོག་སྲུང་གི་ཐུགས་ལ་འཁྲུངས་ཤིང་། དེ་དང་མཐུན་པར་མཆིམས་ནམ་མཁའ་གྲགས་ཀྱིས་ཀྱང་བཞེད། ཕྱི་མའི་དུས་ཟི་ལུང་ཤཱཀ་མཆོག་ཆེན་པོས་ཀྱང་དེ་དང་ཕྱོགས་མཐུན་དུ་སྨྲ་བར་སྣང་ཞེས་ཀརྨ་མི་བསྐྱོད་རྡོ་རྗེས་གསུངས་སོ། ། ལོ་ཆེན་དྷརྨ་ཤྲཱིའི་རྣམ་འགྲེལ་གསེར་ཤིང་དུ་སྣར་ཐང་པ་སོགས་ཀྱིས་ལུགས་འདི་བཞེད་ཅེས་འབྱུང་ངོ་། །</br>5.ཡོངས་སུ་གྲགས་པའི་གོ་ལ་དྲུ་འཛིངས་མའི་ལུགས་ནི། དུས་ཕྱིས་བོད་ཀྱི་རྩིས་རིག་སྨྲ་བའི་དབང་པོ་ཕལ་ཆེ་བའི་བཞེད་པ་སྟེ། འདིའི་ལུགས་ལ་གླིང་བཞི་ཀུན་ཏུ་དུས་བཞི་འཁོར་བར་འདོད་དོ། ། འདི་ལའང་ནང་གསེས་བཞེད་པ་མི་འདྲ་བ་གསུམ་བྱུང་བ་ནི། མཁའ་ལ་སྐར་ཁྱིམ་གྱི་གོ་ལ་དང་ས་ལ་དུས་བཞི་གཉིས་ཀ་གཡོན་བསྐོར་ཁོ་ནར་འདོད་པ་དང་། དུས་བཞི་གཡོན་བསྐོར་དང་ཁྱིམ་ནི་གཡས་སུ་འཁོར་བར་འདོད་པ། གནམ་སའི་གོ་ལ་གཉིས་ཀ་གཡས་སུ་འཁོར་བར་འདོད་པ་བཅས་གསུམ་ཡིན་ཞིང་། རྗེས་སོར་ལུགས་འདིའི་རྗེས་འབྲང་མཁས་པ་ཕལ་ཆེར་གྱིས་གནམ་སའི་གོ་ལ་གཉིས་ཀ་གཡས་བསྐོར་དུ་འདོད་པའི་ལུགས་འདི་ཁོ་ན་བཞེད་པར་སྣང་ངོ་། ། འདིའི་ལུགས་ལ། གོ་ལ་ལེབ་ཆགས་གཅིག་གི་སྟེང་ན་ཁྱིམ་བཅུ་གཉིས་ཕྲེང་བ་བཞིན་དུ་བསྒྲིག་པ་མ་ཡིན་ལ། གོ་ལ་བཅུ་གཉིས་པོ་ནང་ནས་ཕྱིར་མུ་ཁྱུད་བཞིན་དུ་རིམ་པར་ཡོད་པའམ་སྟེང་ནས་སྟེང་དུ་རྨོག་བརྩེགས་པ་ལྟ་བུ་མ་ཡིན་པར། དྲུ་གུ་འཛིངས་པ་བཞིན་དུ་ཁྱིམ་བཅུ་གཉིས་པོ་སོ་སོ་ནས་ལྷས་མ་ལྟ་བུར་ཕན་ཚུན་སྟེང་འོག་ཏུ་འཛིང་བར་ཡོད་པར་འདོད་པས་ན་དྲུ་འཛིངས་མའི་ལུགས་ཞེས་བརྗོད་དོ། ། ལ་ལར། གྲུ་འཛིངས་མའི་ལུགས་སམ། གྲུ་ཆགས་མའི་ལུགས་ཞེས་ཀྱང་འབྱུང་མོད་ཚིག་དོན་འབྲེལ་དཀའ་བས་ཡི་གེ་མ་དག་པར་མངོན། འདིའི་ལུགས་ཀྱི་ཁྱིམ་བཅུ་གཉིས་ཀྱི་ཐིག་ནི། རྩིས་ཀྱི་མན་ངག་ཉིན་བྱེད་སྣང་བ་ལས། གླིང་རྣམས་ཀུན་གྱི་ནང་མཐའ་ཡི། ། ཟླུམ་ཐིག་སོ་སོའི་དབུས་དྲང་སྟེང་། ། བཟུང་སྟེ་དུམ་བུ་བདུན་པ་ཡི། ། ཕྱེད་མཚམས་ནས་བསྐོར་རང་རང་གི ། ལྷོ་བགྲོད་གཞན་ཕྱོགས་བྱང་བགྲོད་དང་། ། ཕན་ཚུན་དཔྱིད་སྟོན་མཉམ་པ་སྟེ། ། དེ་བཞིན་བསྐོར་ཐེངས་བཅུ་གཉིས་ཀྱིས། ། ཁྱིམ་ཟླ་བཅུ་གཉིས་འཁོར་ཚུལ་སྟོན། ། ཞེས་འབྱུང་བ་ལྟར། དེ་འདྲའི་ཟླུམ་ལེབ་ཀྱི་ཐིག་བཅུ་གཉིས་གདུ་བུ་བཞིན་དུ་རི་རབ་ཀྱི་མགུལ་བར་བསྐོན་ནས་ལྷོ་རུ་མེ་རིའི་ཕྱོགས་སུ་དཔྱངས་པ་བཅུ་གཉིས་པོ་རྟག་པར་རྒྱུན་དུ་འགྲོས་མཉམ་པར་གཡས་སུ་འཁོར་བ་ཡིན་ལ། ཟླུམ་ལེབ་བཅུ་གཉིས་པོའི་རེ་རེ་ཡང་ཁྱུད་སྐོར་དུ་དུམ་བུ་བཅུ་ཉིས་སུ་བགོས་པའི་ཆ་གཅིག་ལ་གཟའ་དགུ་པོའི་རྒྱུ་ལམ་རྒྱུ་སྐར་ཉེར་བདུན་གྱིས་ཚད་ཀྱི་རྐང་པ་ཡོད་ཅིང་། ཆ་གཞན་བཅུ་གཅིག་པོ་སྐར་མ་ཕལ་བ་མང་པོས་གང་བའི་གནས་ཡིན་ནོ། ། དེ་ལྟར་ཁྱིམ་ཟླུམ་སྐོར་བཅུ་གཉིས་པོ་སོ་སོ་ནས་དྲུ་གུ་འཛིངས་པ་ལྟར་གནས་ཤིང་རྟག་པར་གཡས་སུ་འཁོར་ཡང་། དེ་ཐམས་ཅད་ཀྱི་རླུང་འགྲོས་ལ་མགྱོགས་བུལ་གྱི་ཁྱུད་ཅུང་ཟད་མེད་པར་རྟག་ཏུ་མཉམ་པས། རྒྱུ་སྐར་རྐང་པ་ཡོད་པ་གཟའ་ཡི་རྒྱུ་ལམ་གྱི་ཆ་དེ་རྣམས་རྟག་ཏུ་གཅིག་རྗེས་གཅིག་མཐུད་ལུ་གུ་རྒྱུད་དུ་མི་འབྲལ་བར་འཁོར་བ་དེ་ཁོ་ནར་གཟའ་བཅུ་པོ་དལ་མྱུར་གྱི་རྐང་པའི་རང་འགྲོས་ཀྱིས་རྒྱུ་སྐར་ནས་རྒྱུ་སྐར་དང་ཁྱིམ་ནས་ཁྱིམ་དུ་འཕོ་ཞིང་རྒྱུའོ། ། དེ་ཡང་འདི་ལྟར་ལྷུན་པོའི་ཕྱོགས་ཀྱི་ཆ་ཐམས་ཅད་དུ་ཁྱིམ་གྱི་འཁོར་ལོ་འཁོར་བའི་དབང་གིས་དུམ་བུ་སོ་སོའི་མེ་ལ་རེག་པ་ཡིན་ན་དེ་ནི་མདུན་ཐད་ཀྱི་སའི་དུམ་བུ་བདུན་པའི་ཕྱོགས་སུ་བགྲོད་པ་ཐོབ་པ་ན་ལྷུན་པོའི་རྭ་ལ་རེག་ཅིང་གངས་ཀྱི་རིའི་སྟེང་དུ་འགྲོའོ་ཞེས་པའི་རིགས་པས་ཉི་མ་ཁྱིམ་སོ་སོའི་གནས་པའི་དབང་གིས་དཔྱིད་ལ་སོགས་པའི་དུས་ཀྱི་ཚོགས་མཐའ་དག་འབྱུང་བར་རིག་པར་བྱ་སྟེ། ལྷོ་གླིང་དབུས་མ་ལ་མཚོན་ན་ལུག་ཁྱིམ་ལ་ཉི་མ་གནས་པས་གླིང་འདིར་དཔྱིད་ཀྱི་དུས་ས་གའི་ཟླ་བ་བྱེད་དོ། ། ས་གའི་ཟླ་བ་དེ་ནི་རང་རེའི་དཔྱིད་ཐ་ཆུང་ཡིན་ཡང་མདུན་གྱི་གླིང་བདུན་པ་བྱང་གླིང་དབུས་མར་སྨིན་དྲུག་གི་ཟླ་བ་སྟོན་ཐ་ཆུང་དུས་འཆར་རོ། ། དེ་བཞིན་དུ་ཉི་མ་ལུག་ཁྱིམ་ལ་གནས་ཚེ་གླིང་འདི་ཉིད་ནས་གཡོན་སྐོར་གྱིས་བརྩིས་པའི་དུམ་བུ་གཉིས་པ་གླིང་འདིའི་ཕྱོགས་བཞིའི་དབང་དུ་བྱས་པའི་རི་རབ་ཀྱི་ཤར་ལྷོའི་ཟུར་ན་གནས་པ་ལྷོ་གླིང་ཤུར་མ་ལ་དབྱར་ར་བ་སྣྲོན་གྱི་ཟླ་བ་འཆར། དུམ་བུ་གསུམ་པ་ཤར་གླིང་ནུབ་མ་མེའི་ཟུར་གྱི་ཕྱེད་གཞན་པ་ལ་དབྱར་འབྲིང་པོ་ཚུ་སྟོད་ཀྱི་ཟླ་པ་བྱེད་དོ། ། དུམ་བུ་བཞི་པ་ཤར་གླིང་དབུས་མ་ལུས་འཕགས་པོའི་གླིང་དུ་ནི་དབྱར་ཐ་ཆུང་གྲོ་བཞིན་གྱི་ཟླ་བ་བྱེད་དོ། ། དུམ་བུ་ལྔ་པ་རི་རབ་ཀྱི་བྱང་ཤར་གྱི་ཕྱེད་ཀྱི་དུམ་བུ་ལ་གནས་པ་ཤར་གླིང་ཤར་མ་དེར་སྟོན་ར་བ་ཁྲུམས་སྟོད་ཀྱི་ཟླ་བ་བྱེད་དོ། ། དུམ་བུ་དྲུག་པ་དབང་ལྡན་གྱི་ཟུར་ཕྱེད་ལ་གནས་པ་བྱང་གླིང་ནུབ་མར་སྟོན་འབྲིང་ཐ་སྐར་གྱི་ཟླ་བ་བྱེད་དོ། ། དུམ་བུ་བདུན་པ་བྱང་གླིང་དབུས་མ་སྒྲ་མི་སྙན་ལ་སྟོན་ཐ་ཆུང་སྨིན་དྲུག་གི་ཟླ་བ་བྱེད་དོ། ། དུམ་བུ་བརྒྱུད་པ་རླུང་གི་ཟུར་ཕྱེད་བྱང་གླིང་ཤར་མར་དགུན་ར་བ་མགོའི་ཟླ་བ་བྱེད་དོ། དུམ་བུ་བརྒྱུད་པ་རླུང་གི་ཟུར་ཕྱེད་བྱང་གླིང་ཤར་མར་དགུན་ར་བ་མགོའི་ཟླ་བ་བྱེད་དོ། ། དུམ་བུ་དགུ་པ་རླུང་གི་ཕྱེད་གཞན་ལ་གནས་པ་ནུབ་གླིང་ནུབ་མར་དགུན་འབྲིང་རྒྱལ་གྱི་ཟླ་བ་བྱེད་དོ། ། དུམ་བུ་བཅུ་པ་ནུབ་གླིང་དབུས་མ་བ་ལང་སྤྱོད་དུ་དགུན་ཐ་ཆུང་མཆུའི་ཟླ་བ་བྱེད་དོ། ། དུམ་བུ་བཅུ་གཅིག་པ་བདེན་བྲལ་གྱི་ཟུར་ཕྱེད་ནུབ་གླིང་ཤར་མར་དཔྱིད་ར་བ་དབོའི་ཟླ་བ་བྱེད་དོ། ། དུམ་བུ་བཅུ་ཉིས་པ་ལྷོ་གླིང་ནུབ་མ་སྲིན་པོའི་ཟུར་ཕྱེད་གཞན་ལ་གནས་པ་དེར་དཔྱིད་འབྲིང་པོ་ནག་པའི་ཟླ་བ་བྱེད་དོ། ། དེ་ལྟར་དུམ་བུ་སོ་སོར་ཟླ་བ་གསུམ་གསུམ་དུས་གཅིག་དུ་བརྩིས་པའི་དུས་བཞི་དང་། ཟླ་བ་གཉིས་གཉིས་དུས་གཅིག་ཏུ་བརྩིས་པའི་དུས་དྲུག ། ཟླ་བ་བཅུ་གཉིས། ཕྱོགས་ཉི་ཤུ་རྩ་བཞི་རྣམས་ས་དུམ་བུ་བཅུ་གཉིས་ལ་འཁོར་ལོའི་རྣམ་པས་འཁོར་བར་བཞེད་དོ། ། གླིང་འདིར་ལུག་གི་ཁྱིམ་ལ་ཉི་མ་གནས་པས་དཔྱིད་ཐ་ཆུང་གང་ཡིན་པའི་དུས་དེ་ནི་ཉི་ཁྱིམ་འཕོ་བའི་ཚེ་གཡས་སྐོར་གྱིས་ལྷོ་གླིང་ནུབ་མ་རྔ་ཡབ་ཏུ་འགྲོ་ཞིང་། ལྷོ་གླིང་ཤར་མའི་དབྱར་ར་བ་དེ་གླིང་འདིར་འཕོ་བ་དེ་ལྟར་ཟླ་བ་བཅུ་གཉིས་དང་དུས་བཞི་སོགས་ཐམས་ཅད་གཡས་བསྐོར་གྱིས་ས་དུམ་བུ་བཅུ་གཉིས་སུ་རིམ་བཞིན་འཁོར་བར་འདོད་དོ། །བུ་བཅུ་གཉིས་སུ་རིམ་བཞིན་འཁོར་བར་འདོད་དོ། །)
- Dictionaries/chos rnam kun btus/174 + (1.ལུགས་སྲོལ་ངོས་བཟུང་བ་ནི། བཀའ་བཞི་བརྒྱུད་ … 1.ལུགས་སྲོལ་ངོས་བཟུང་བ་ནི། བཀའ་བཞི་བརྒྱུད་འདུས་ནཱ་རོ་མེ་ཏྲི་ཡི། ། རྒྱལ་ཚབ་མངའ་བདག་ལོ་ཙཱའི་བཤད་སྒྲུབ་བཀའ། ། ཞེས་དེའང་གྲུབ་པའི་དབང་ཕྱུག་ཏེ་ལོ་པས་ནུབ་ཕྱོགས་སོ་མ་པུ་རིའི་གཙུག་ལག་ཁང་དུ་ཞབས་ལ་ལྕགས་སྒྲོག་གསོལ་ནས་ལོ་བཅུ་གཉིས་སུ་སྒྲུབ་པ་མཛད་པའི་མཐར་བླ་མ་ལྷའི་ལུང་བསྟན་ལྟར་སྨད་འཚོང་མའི་གཡོག་མཛད་ནས་ལམ་གྱི་རྟོགས་པ་སྦྱངས་པས་གྲུབ་པ་ཆེན་པོའི་ས་བརྙེས་ནས་དོ་ཧ་རྡོ་རྗེའི་གླུ་དབྱངས་གསུངས་པ་ཙམ་གྱིས་གྲོང་ཁྱེར་འབུམ་ཕྲག་བཅུ་གཉིས་ཀྱི་སྐྱེ་བོ་གྲོལ། སློབ་མ་གྲུབ་པ་ཐོབ་པ་བརྒྱད་ཀྱིས་ཀྱང་འགྲོ་བའི་དོན་དེ་བཞིན་མཛད་པར་གྲགས་ཤིང་། ཏེ་ལོ་པ་ལ་རིང་བརྒྱུད་དང་ཉེ་བརྒྱུད་ཀྱི་བཀའ་གཉིས་སུ་བབས་པ་ལས། སྔ་མ་ནི། དེ་ཉིད་ཀྱི་ཞལ་ནས། ཀླུ་སྒྲུབ་ཙཱརྱ་ལཱ་བ་པ། ། སྐལ་བ་བཟང་མོ་ང་ཡི་ནི། ། བཀའ་བབས་བཞི་ཡི་བླ་མ་ཡིན། ། ཞེས་གསུངས་པ་ལྟར། ཙཱརྱ་པ་ལས་གཏུམ་མོ། ཀླུ་སྒྲུབ་ལས་སྒྱུ་ལུས་དང་འོད་གསལ། ལྭ་བ་པ་ལས་རྨི་ལམ། སུ་ཁ་སིདྡྷི་ལས་བར་ད་དང་འཕོ་བའི་བཀའ་བབས་པ་དང་། གཞན་ཡང་ཨིནྜ་བྷཱུ་ཏི་བར་པ་ལས་གཞན་ལུས་ཤེས་རབ་དང་། མཱཏངྒི་ལས་གྲོང་འཇུག་གི་གདམས་པ་གསན་ཅིང་། དེ་ལྟ་བུའི་རིང་བརྒྱུད་ལ་བཞེད་ལུགས་མང་ཡང་། དཔལ་རང་བྱུང་རྡོ་རྗེས། ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་ཆེན་པོས་གསང་བའི་བདག་པོ་ལ་སོགས་པའི་བྱང་ཆུབ་སེམས་དཔའ་རྣམས་ལ་གསུངས། དེ་རྣམས་བཀའ་བཞི་བརྒྱུད་པའི་བླ་མ་རྣམས་ལ་བརྒྱུད་དེ། ཀླུ་སྒྲུབ། ཨཱ་རྱ་དེ་བ། ཟླ་བ་གྲགས་པ། མཱ་ཏངྒི་རྣམས་ལྷོའི་བརྒྱུད་པའོ། ། ཌོམྦི་པ། བཱི་ན་པ། ལྭ་བ་པ། ཨིནྡྲ་བྷུ་ཏི་རྣམས་ནུབ་ཀྱི་བརྒྱུད་པའོ། ། ལཱུ་ཡི་པ། ཌེངྒི་པ། དཱ་རི་ཀ་པ། སུ་ཁ་དྷ་རི་རྣམས་བྱུང་གི་བརྒྱུད་པའོ། ། སུ་ཁ་མ་ཧཱ་སིདྡྷི། ཐང་ལོ་པ། ཤིང་ལོ་པ། ཀཎྚ་རི་པ་རྣམས་ཤར་གྱི་བརྒྱུད་པ་སྟེ། ཞེས་གསུངས་པ་ལྟར་ལ། ཕྱོགས་བཞི་ནི་འཕགས་ཡུལ་གྱིས་ཕྱོགས་དེ་དག་ཏུ་བྱོན་པ་ཤས་ཆེ་བ་ལ་དགོངས་སོ། ། ཉེ་བརྒྱུད་ལྟར་ན། ཏེ་ལོ་པ་ལ་མི་ཡི་བླ་མ་མེད། ། ང་ཡི་བླ་མ་ཐམས་ཅད་མཁྱེན་པ་ཡིན། ། ཅེས་གསུངས་པ་ལྟར་སངས་རྒྱས་རྡོ་རྗེ་འཆང་དངོས་ལས་གསང་སྔགས་རྒྱུད་སྡེ་བཞིའི་གདམས་པ་གསན། རྡོ་རྗེ་རྣལ་འབྱོར་མས་སྙན་བརྒྱུད་ནོར་བུ་སྐོར་གསུམ་གྱི་མཛོད་གཏད་པས་གདམས་པའི་བཅུད་ཐམས་ཅད་འདུས་པ་ཡིན། རྗེ་བཙུན་དེ་ཡི་སྤྱན་སྔར་པཎ་ཆེན་ནཱ་རོ་པས་དཀའ་ཆེན་བཅུ་གཉིས་སྤྱད་པ་ལ་མཐར་ཚིག་དང་བརྡ་ལ་བརྟེན་ནས་གསང་སྔགས་ཀྱི་དོན་ཐམས་ཅད་ཁོང་དུ་ཆུད་ཅིང་གྲུབ་པ་བརྙེས། ཌོམྦི་ཧེ་རུ་ཀའི་རྣམ་འཕྲུལ་ལྷོ་བྲག་མར་པ་ཆོས་ཀྱི་བློ་གྲོས་འཕགས་ཡུལ་དུ་ལན་གསུམ་བྱོན། ནཱ་རོ་པ་ཉིད་སྔ་རྗེས་བསྡོམས་པ་ལོ་བཅུ་དྲུག་དང་ཟླ་བ་བདུན་དུ་བསྟེན་ནས་དགྱེས་གསང་གཙོས་རྒྱུད་སྡེ་དུ་མའི་དབང་བཤད་གདམས་ངག་གསན་ཚུལ་ཡང་རྡོ་རྗེའི་མགུར་ལས། རྒྱ་གར་གྱི་ནཱ་རོ་པཎ་ཆེན་དང་། ། བོད་ཡུལ་གྱི་མར་པ་ལོ་ཙཱ་གཉིས། ། སྔོན་སྦྱངས་སྨོན་ལམ་གཅིག་པས་མཇལ། ། ལོ་བཅུ་དྲུག་ཟླ་བ་བདུན་དུ་བསྟེན། ། ཞེས་དང་། རྗེ་ནཱ་རོ་ཏཱ་པས་གཙོར་མཛད་པའི། ། གྲུབ་ཐོབ་ཀྱི་བླ་མ་རྣམས་དང་མཇལ། ། སྤྱིར་རྒྱུད་སྡེ་བཞི་ཡི་མན་ངག་ཞུས། ། ཞེས་འབྱུང་ཞིང་ཁྱད་པར་འབྱོན་ཐེབས་རྗེས་མའི་སྐབས་ནཱ་ར་པ་མཁའ་སྤྱོད་དུ་གཤེགས་ཟིན་ཀྱང་གསོལ་བ་བཏབ་པས་བྱང་དུ་ཟླ་ཧ་རིའི་དགོན་པར་མངོན་སུམ་དུ་བྱོན། ཟླ་བ་དྲུག་ཏུ་བཞུགས་ནས་བདེ་མཆོག་ཡབ་ཡུམ་གྱི་སྙན་བརྒྱུད་རྫོགས་པར་གནང་། གཞན་ཡང་དཔལ་ལྡན་ཤ་བ་རིས་རྗེས་སུ་བཟུང་བ་རྒྱལ་བ་མེ་ཏྲི་པ་དང་། ནུབ་ཏུ་ལཀྵི་ཏྲའི་མཁས་པ་ཡེ་ཤེས་སྙིང་པོ། ལྷོ་དུག་མཚོའི་གླིང་ན་གྲུབ་ཐོབ་ཞི་བ་བཟང་པོ། ཌཱ་ཀི་མ་མི་རུས་རྒྱན་ཅན་སོགས་མཁས་གྲུབ་དུ་མ་བསྟེན་ནས་མདོ་རྒྱུད་མཐའ་ཡས་པ་གསན་ཅིང་། ཁྱད་པར་ནཱ་རོ་དང་མེ་ཏྲ་པ་གཉིས་ཀྱིས་བྱང་ཕྱོགས་ཁ་བ་ཅན་འདུལ་བའི་རྒྱལ་ཚབ་ཏུ་དབང་བསྐུར་བ་མངའ་བདག་ལོ་ཙཱ་ཆེན་པོ་དེ་ལ་བཤད་རྒྱུད་དང་སྒྲུབ་བརྒྱུད་ཀྱི་བཀའ་སྲོལ་ཆེན་པོ་གཉིས་སུ་མཆིས་སོ། །</br>2.བརྒྱུད་པའི་རྣམ་གྲངས་སོ་སོར་བཤད་པ། དེ་ལ་བཞི་སྟེ། </br>(1)ཀ་ཆེན་བཞི་ནི། ཀ་ཆེན་བཞིར་བབས་ཁྱད་པར་མི་ལ་རྗེའི། ། སྙན་བརྒྱུད་འཛིན་པ་ཉི་ཟླ་ལྟ་བུ་གཉིས། ། ཞེས་རྗེ་ལྷོ་བྲག་པས་གསང་བ་བསམ་གྱིས་མི་ཁྱབ་པའི་བཀོད་པ་ལ་བརྟེན་ནས་གངས་ཅན་གྱི་གདུལ་བྱ་མཐའ་ཡས་པ་འདུལ་བ་ལས་ཐུགས་ཀྱི་སྲས་བཞི། དབུ་ཆེའི་བཤེས་གཉེན་བཅུ་སོགས་གདམས་ངག་འཛིན་པ་མང་དུ་བྱོན་པའི་གཙོ་བོ་ཀ་བཞིར་གྲགས་པ་ལ་བཤད་སྒྲུབ་ཀྱི་བཀའ་བབས་ཏེ། དེའང་གཞུང་གི་རྔོག་སྟོན་ཆོས་རྡོར། དོལ་གྱི་མཚུར་སྟོན་དབང་ངེ། གཙང་རོང་གི་མེས་སྟོན་ཚོན་པོ་གསུམ་ལ་གཙོ་བོར་བཤད་པའི་བཀའ་བབས། རྗེ་བཙུན་མི་ལ་བཞད་པ་རྡོ་རྗེ་ལ་སྒྲུབ་བརྒྱད་ཀྱི་བཀའ་བབས། རྔོག་སྟོན་སྐུ་ལུས་མ་སྤངས་པར་མཁའ་སྤྱོད་དུ་གཤེགས་ཤིང་རྔོག་བདུན་བརྒྱུད་རྡོར་དྲིལ་འཛིན་ཤེས་པས་ཆོག་པའི་མཁྱེན་བརྩེ་ནུས་མཐུ་ཅན་བྱོན་ཅིང་དེ་དག་གི་བུ་སློབ་ཏུའང་གངས་ཅན་ན་གྲགས་པ་ཆེ་བ་ཕལ་ཆེར་འདུས་པས་མཚོན་ཕྲིན་ལས་ཤིན་ཏུ་རྒྱ་ཆེ་བར་གྱུར་ཀྱང་། ཁྱད་པར་གངས་ཅན་གྱི་རྣ་བའི་རྒྱན་གཅིག་རྗེ་བཙུན་མི་ལ་རས་པ་ནི་འཕགས་ཡུལ་གྱི་གྲུབ་པའི་དབང་ཕྱུག་རྣམས་དང་དབྱེ་བ་མེད་པར་སྐུ་ཚེ་གཅིག་ལ་ཟུང་འཇུག་གི་གོ་འཕང་མཐར་ཐུག་པ་མངོན་ཏུ་མཛད་ནས་མི་དང་མི་མ་ཡིན་གྱི་འགྲོ་བ་ཚད་མེད་པ་བཏུལ་བ་ལས་མཚན་ཡོངས་སུ་གྲགས་པའི་སློབ་མ་འགྲོ་བ་འདུལ་བའི་མཆོག་གསུམ། མཁའ་སྤྱོད་དུ་གཤེགས་པ་ཕོ་གསུམ་མོ་བཞི། རས་པ་ཆེན་པོ་བརྒྱད་སོགས་བྱོན་པའི་གཙོ་བོ་སྙན་བརྒྱུད་འཛིན་པ་ཉི་ཟླ་ལྟ་བུ་གཉིས་ཁྱད་པར་དུ་འཕགས་པའོ། །</br>(2)རས་ཆུང་བཀའ་བརྒྱུད་ནི། གྲུབ་རྒྱལ་ཏེ་པུའི་ཐུགས་སྲས་རས་ཆུང་པའི། ། གདམས་ཟབ་གངས་ཅན་གྲུབ་མཐའ་ཡོངས་ཀྱི་གསོས། ། ཞེས་དེ་ལ་ཐུགས་སྲས་ཟླ་བ་ལྟ་བུ་མ་ཅིག་གྲུབ་པའི་རྒྱལ་མོ་དང་། ཏེ་པུ་པ་དྲི་མེད་བཤེས་གཉེན་ཟུང་གིས་རྗེས་སུ་བཟུང་ནས་ཐུགས་མཛོད་གདམས་པའི་བཅུད་བསྩལ་བའི་སྲས་མཆོག་ལུས་མེད་མཁའ་འགྲོའི་ཆོས་སྐོར་ཕྱི་མ་རྣམས་སྤྱན་འདྲེན་པར་མཛད་པ་པོ་རས་ཆུང་རྡོ་རྗེ་གྲགས་པ་ནི་སྐུ་ལུས་མ་སྤངས་པར་ལྕང་ལོ་ཅན་དུ་བཞུད། ཕྱིས་སུའང་དཔལ་ལྡན་འབྲུག་པ་སོགས་སྐལ་ལྡན་མང་པོ་རྗེས་སུ་བཟུང་། དངོས་སུ་གདམས་པ་བསྩལ་བའི་ཐུགས་སྲས་བཅུ་གཉིས་སོགས་བྱུང་བ་ལས་གཙོ་བོར་རྒྱལ་བ་ཁྱུང་ཚང་པ་ལ་སྙན་བརྒྱུད་ཀྱི་མཛོད་གཏད། དེས་མ་ཅིག་ཨང་ཇོ་ལ་གནང་བ་སོགས་རིམ་པར་བརྒྱུད་དེ་འགྲོ་མགོན་གཙང་པ་རྒྱ་རས་ཀྱིས་བཀའ་སྲོལ་རྒྱ་ཆེར་བཏོད། བླ་མ་ཟངས་རི་རས་པ་ལ་འཇིག་རྟེན་དབང་ཕྱུག་རྒྱལ་བ་རྒྱ་མཚོའི་ཟབ་ཆོས་སོགས་གནང་། དེས་འགྲོ་མགོན་རས་ཆེན་ལ་གནང་ཞིང་ཀཾ་ཚང་བཀའ་བརྒྱུད་ལ་བཀའ་བབས་པས་གྲུབ་པའི་དབང་ཕྱུག་ཀརྨ་པཀྴིའང་གཙོ་བོར་ཆོས་དེ་ཉིད་ལས་གྲུབ་པ་བརྙེས་པ་དང་། གདམས་ངག་ཤམ་བུ་ཅན་བཅོ་བརྒྱད་ཀྱི་ནང་ཚན་ཚེ་དཔག་མེད་འགྲོ་དོན་གྱི་ཤམ་བུ་ཅན་ནི་ས་ཀར་དགེ་གསུམ་གཙོས་ཐམས་ཅད་ལ་ཁྱབ་པས་མཚོན་སྐྱེས་མཆོག་འདིའི་གདམས་ངག་ཟབ་ཆོས་རྣམས་ནི་གངས་ཅན་གྲུབ་མཐའ་ཡོངས་ཀྱི་གསོས་སུ་གྱུར་པ་ཡིན་ནོ། །</br>(3)དྭགས་པོ་བཀའ་བརྒྱུད་ནི། རྒྱལ་བས་ལུང་བསྟན་དགེ་སློང་འཚོ་བྱེད་སྲས། ། འབའ་རོམ་ཕག་གྲུ་ཀཾ་ཚང་ཚལ་པ་སྟེ། ། ཆེ་བའི་རྩ་བའི་བརྒྱུད་འཛིན་བཅས་ཏེ་ལྔ། ། ཞེས་མི་ལའི་ཐུགས་སྲས་ཉི་མ་ལྟ་བུ་རྒྱལ་བ་ཐུབ་པའི་དབང་པོས་ཏིང་འཛིན་རྒྱལ་པོ་དང་། སྙིང་རྗེ་པད་དཀར་སོགས་ནས་ཤིན་ཏུ་གསལ་བར་ལུང་བསྟན་པའི་དགེ་སློང་འཚོ་བྱེད་དམ་མཉམ་མེད་དྭགས་པོ་ལྷ་རྗེས་སློབ་མ་ཐུན་མོང་བ་རྣམས་ལ་བཀའ་གདམས་ལམ་རིམ་དང་མདོ་ལུགས་ཏིང་ངེ་འཛིན་ལ་ཕྱག་ཆེན་གྱི་མིང་གིས་བརྒྱན་པ། ཐུན་མིན་རྣམས་ལ་བླ་མ་མི་ལས་ཐབས་ལམ་དང་འབྲེལ་བའི་སྔགས་ཀྱི་ཕྱག་ཆེན་ཐུན་མོང་མ་ཡིན་པ་བསྟན་ནས་ཆོ་འཕྲུལ་ཆེན་པོས་ཆོས་ཀྱི་འཁོར་ལོ་བསྐོར་བས་ལས་ཅན་དགྲ་བཅོམ་པ་ལྟ་བུ་ལྔ་བརྒྱ་སོགས་གདུལ་བྱ་མཐའ་ཡས་པ་སྨིན་གྲོལ་དུ་མཛད། མདོར་ན་བདག་ཉིད་ཆེན་པོ་འདི་ནི་སངས་རྒྱས་འཇིག་རྟེན་དུ་བྱོན་པ་དང་ཆོས་མཚུངས་པར་མཐོང་ཐོས་དྲན་རེག་ཐམས་ཅད་ད་ལྟའི་བར་དུའང་རྒྱུད་སྨིན་གྲོལ་དུ་མཛད་པར་ནུས་པས་རྣམ་པར་ཐར་པ་བསམ་གྱིས་མི་ཁྱབ་སྟེ།</br>[1]སློབ་མའི་གཙོ་བོ་འབའ་རོམ་པ་དར་མ་དབང་ཕྱུག་ལས་འབའ་རོམ་བཀའ་བརྒྱུད།</br>[2]ཕག་གྲུ་རྡོ་རྗེ་རྒྱལ་པོ་ལས་ཕག་གྲུ་བཀའ་བརྒྱུད། </br>[3]ཁམས་པ་དབུ་སེའམ་རྗེ་དུས་གསུམ་མཁྱེན་པ་ལས་ཀཾ་ཚང་བཀའ་བརྒྱུད།</br>[4]དབོན་སྒོམ་ཚུལ་ཁྲིམས་སྙིང་པོའི་སློབ་མ་ཞང་ཚལ་པ་བརྩོན་འགྲུས་གྲགས་པ་ལས་ཚལ་པ་བཀའ་བརྒྱུད་དེ་ཆེ་བཞིར་གྲགས་པ་དང་། སྐམ་པོ་རྩ་བའི་གདན་སར་དྭགས་པོ་ཁུ་དབོན་གསུམ། དྭགས་པོ་འདུལ་འཛིན། ཕྱིས་མཁས་གྲུབ་ཆེན་པོ་བཀྲ་ཤིས་རྣམ་རྒྱལ་སོགས་ཟམ་མ་ཆད་པར་བྱོན་པས་དྭགས་པོ་བཀའ་བརྒྱུད་བཅས་ཏེ་ལྔའོ། ། ཕག་གྲུའི་སློབ་མ་འབྲི་སྟག་ཁྲོ་གླིང་གཉིས། ། སྨར་ཡེལ་གཡའ་ཤུག་ཟུང་བཞི་ཡ་བརྒྱད་ལས། ། གླིང་སྲས་འབྲུག་པར་སྟོད་སྨད་བར་དང་གསུམ། ། ཞེས་དཔལ་ལྡན་ཕག་མོ་གྲུ་པ་ནི་སངས་རྒྱས་འཁོར་བ་འཇིག་གམ་ཤཱཀྱའི་རྒྱལ་པོ་རང་ཉིད་དགེ་བའི་བཤེས་གཉེན་གྱི་སྐུར་སྟོན་པ་ཡིན་པས་རྣམ་ཐར་དང་ཕྲིན་ལས་ཚད་བཟུང་དུ་མ་མཆིས་ཀྱང་ཡོངས་གྲགས་སློབ་མ་གདུགས་ཐོགས་ལྔ་བརྒྱར་གྲགས་པའི་གཙོ་བོ་རྣམས་ལས་བཀའ་བརྒྱུད་ཆུང་བརྒྱད་དུ་གྲགས་པ་རྣམས་བྱུང་སྟེ། </br><1>སྐྱོབ་པ་འཇིག་རྟེན་གསུམ་གྱི་མགོན་པོ་ལས་འབྲི་གུང་བཀའ་བརྒྱུད།</br><2>ཐང་པ་བཀྲ་ཤིས་དཔལ་བ་ལས་སྟག་ལུང་བཀའ་བརྒྱུད།</br><3>འགྲོ་མགོན་རྒྱལ་ཚ་ཁུ་དབོན་ལས་ཁྲོ་ཕུ་བཀའ་བརྒྱུད།</br><4>གླིང་རས་པདྨ་རྡོ་རྗེ་ལས་གླིང་ནས་བཀའ་བརྒྱུད།</br><5>ཆོས་རྗེ་སྨར་པ་གྲུབ་ཐོབ་ལས་སྨར་ཚང་བཀའ་བརྒྱུད།</br><6>ཡེལ་པ་ཡེ་ཤེས་བརྩེགས་པ་ལས་ཡེལ་པ་བཀའ་བརྒྱུད།</br><7>ཟ་ར་བ་ཡེ་ཤེས་སེང་གེ་ལས་གཡའ་བཟང་བཀའ་བརྒྱུད།</br><8>སྙེ་ཕུ་གྱེར་སྒོམ་ཆེན་པོ་ལས་ཤུག་གསེབ་བཀའ་བརྒྱུད་དེ་ཟུང་བཞི་ཡ་བརྒྱད་དུ་གྲགས་པ་རྣམས་བྱུང་ཞིང་། རེ་རེ་ལའང་ཆོས་བརྒྱུད་གདན་ས་ཕྲིན་ལས་མཐའ་ཡས་པའི་མཁས་གྲུབ་ཀྱི་ཚང་ཆེན་པོ་བརྡོལ་ཞིང་། ཁྱད་པར་གླིང་རས་ཀྱི་ཐུགས་སྲས་འགྲོ་མགོན་གཙང་པ་རྒྱ་རས་ཀྱི་བུ་སློབ་ཀྱིས་བྱ་རྒོད་པོའི་ཉིན་ལམ་བཅོ་བརྒྱད་ཚུན་ཆད་ཁྱབ་པ་ལས། གཙོ་བོ་རྒོད་ཚང་པ་མགོན་པོ་རྡོ་རྗེ་ལས་སྟོད་འབྲུག་གནམ་གྱི་སྐར་མར་གགས་པ་སྟེ། འདིའི་སློབ་བརྒྱུད་ལ་རྒྱལ་བ་ཡང་དགོན་པ་དང་། དེའི་སློབ་བརྒྱུད་ལ་ལ་སྟོད་ཤེས་རབ་མགོན་པོ་དང་འབའ་ར་བ་རྒྱལ་མཚན་བཟང་པོ་སོགས་བྱོན། ལོ་རས་པ་དར་མ་དབང་ཕྱུག་ལས་སྨད་འབྲུག་སའི་དྲེགས་པ། གདན་ས་འཛིན་པའི་སེང་གེ་དགུ་ཚར་ལས་བར་འབྲུག་ཏུ་གྲགས་པ་སོགས་སྨོས་ཀྱིས་མི་ལངས་ཤིང་། གཞན་ཡང་དཔལ་ལྡན་ཕག་མོ་གྲུ་པའི་ཞལ་སློབ་ཤེས་རབ་མཐར་ཐུག་སྤར་ཕུ་བ། མེ་ཉག་སྒོམ་རིང་། གྲུབ་ཐོབ་ཉག་རེ་སེའོ། ། འབྱོར་ཆོས་སྐུ་བ་སོགས་ཕྲིན་ལས་རྒྱ་ཆེར་སྐྱོང་བ་པོ་ནི་མཐའ་ཡས་པར་བྱོན་ནོ། །</br>(4)དེ་ལས་ཁྱད་པར་ཀརྨ་ཀཾ་ཚང་བཀའ་བརྒྱུད་ནི། དྲུག་པ་སེང་གེ་དུས་མཁྱེན་རྩ་བའི་བརྒྱུད། ། ཟུར་མང་གནས་མདོ་གསུམ་སྟེ་ཕྱི་མ་ལས། ། ཀར་རྙིང་བརྒྱུད་འཛིན་མདོ་སྨད་ཕལ་ཆེར་ཁྱབ། ། ཞེས་མ་བྱོན་སངས་རྒྱས་དྲུག་པ་སེང་གེའི་ང་རོ་བྱང་ཆུབ་སེམས་དཔའི་ཚུལ་བསྟན་པ་དཔལ་ལྡན་དུས་གསུམ་མཁྱེན་པ། གྲུབ་ཆེན་ཀརྨ་པཀྴི། ཀུན་མཁྱེན་རང་བྱུང་རྡོ་རྗེ་སོགས་ཛམྦུའི་གླིང་དུ་གྲགས་པའི་མི་ཡི་སེང་གེ་སངས་རྒྱས་གཉིས་པའི་སྐྱེས་རབས་ཕྲེང་བ་ད་ལྟ་ཡན་བཅུ་བཞིར་བྱོན་པ་སྐུ་ཕྲེང་རེ་རེའི་རྣམ་ཐར་ཕྲིན་ལས་བུ་སློབ་ཀྱི་གྲངས་ཀྱང་ཚད་བཟུང་བར་མི་ནུས་ཤིང་། གཙོ་བོར་རྟོགས་ལྡན་གྲགས་པ་སེང་གེའི་སྐྱེས་པ་རབས་ཀྱི་ཕྲེང་བ་འོད་དཔག་མེད་དངོས་རྒྱལ་བ་གར་གྱི་དབང་ཕྱུག་ཞྭ་དམར་ཅོད་པན་འཛིན་པ་བཅུ། གོ་ཤྲི་དཔལ་འབྱོར་དོན་གྲུབ་ཀྱི་སྐྱེ་འཕྲེང་གསང་བའི་བདག་པོ་རྒྱལ་ཚབ་ན་རིམ་ལྔ། འགྲོ་མགོན་རས་པ་ཆེན་པོའི་རྣམ་འཕྲུལ་རྒྱལ་ཚབ་བྱམས་མགོན་དངོས་སྣང་སི་ཏུ་ན་རིམ་བཅུ་གསུམ། གཏེར་སྟོན་རིན་ཆེན་གླིང་པའི་སྐྱེ་སྤྲུལ་དཔའ་བོ་ན་རིམ་དགུ། ཏྲེ་ཆེན་ཆོས་ཀྱི་རྒྱ་མཚོའི་སྤྲུལ་སྐུ་ཏྲེ་ཧོ་ན་རིམ་རྣམས་ཀྱིས་འཛིན་སྐྱོང་སྤེལ་གསུམ་མཛད་པ་ཀཾ་ཚང་བཀའ་བརྒྱུད་རྩ་བ་དང་། གྲུབ་ཆེན་ཏེ་ལོ་པས་བརྒྱུད་པ་བཅུ་གསུམ་དུ་ཆིག་བརྒྱུད་རྡོ་རྗེའི་རྒྱས་བཏབ་ནས། བཅུ་གསུམ་ཚང་ནས་རང་ཉིད་ནོར་བདག་པོའི་ཚུལ་གྱིས་ལོངས་སྤྱད་པར་ལུང་བསྟན་པ་བཞིན། རྗེ་ལྔ་པ་དེ་བཞིན་གཤེགས་པའི་ཐུགས་སྲས་རྨ་སེ་རྟོགས་ལྡན་བློ་གྲོས་རིན་ཆེན་ལ་བདེ་མཆོག་མཁའ་འགྲོ་སྙན་བརྒྱུད་ཀྱི་བཀའ་བབས། སློབ་མ་རྟོགས་ལྡན་ཡ་བརྒྱད། འཇའ་མོ་མི་གསུམ་སོགས་བྱོན་ཅིང་། དེ་དག་གི་སྤྲུལ་བརྒྱུད་རྣམས་ཀྱིས་ཆོས་བརྒྱུད་གདན་ས་རིམ་པར་འཛིན་པ་ཟུར་མང་བཀའ་བརྒྱུད། རྗེ་བཅུ་པ་ཆོས་དབྱིངས་རྡོ་རྗེ་དང་གར་དབང་དྲུག་པ་ཆོས་ཀྱི་དབང་ཕྱུག་གི་ཞལ་སློབ་ཐུགས་རྗེ་ཆེན་པོའི་རྣམ་འཕྲུལ་གྲུབ་བརྙེས་ཀརྨ་ཆགས་མེད་ཞབས་ཀྱི་བཀའ་སྲོལ་འཛིན་པ་གནས་མདོ་བཀའ་བརྒྱུད་དེ་གསུམ་དུ་བྱུང་ཞིང་། ཕྱི་མ་གནས་མདོ་ཆགས་མེད་ཞབས་ཐུགས་བསྐྱེད་དེ་རྟེན་འབྲེལ་གྱི་ཁྱད་པར་ལས་ཀར་ལུགས་གཙོར་བྱེད་པ་གནས་མདོ་རྩ་བའི་ཆོས་བརྒྱུད་དང་། རྙིང་ལུགས་གཙོར་བྱེད་པ་དཔལ་ཡུལ་རིག་འཛིན་ཀུན་བཟང་ཤེས་རབ། བི་མའི་རྣམ་འཕྲུལ་ཁམས་པ་རྫོགས་ཆེན་པ་པདྨ་རིག་འཛིན་སོགས་ཀྱི་ཆོས་བརྒྱུད་འཛིན་པས་མདོ་ཁམས་སྨད་ཀྱི་ལྗོངས་ཕལ་ཆེར་ཁྱབ་པར་གྱུར་ཏོ། །་པ་པདྨ་རིག་འཛིན་སོགས་ཀྱི་ཆོས་བརྒྱུད་འཛིན་པས་མདོ་ཁམས་སྨད་ཀྱི་ལྗོངས་ཕལ་ཆེར་ཁྱབ་པར་གྱུར་ཏོ། །)
- Dictionaries/chos rnam kun btus/11202 + (1.སའི་རཀྟ་ལྔ་ནི། (1)མཚལ། (2)ལི་ཁྲི། (3) … 1.སའི་རཀྟ་ལྔ་ནི། </br>(1)མཚལ། </br>(2)ལི་ཁྲི། </br>(3)བཙག</br>(4)ལྡོང་རོས། </br>(5)རྡོ་དྲེག་གོ ། </br>2.ཤིང་གི་རཀྟ་ལྔ་ནི། </br>(1)ཙན་དན་དམར་པོ། </br>(2)སེང་ལྡེང་། </br>(3)མཛོ་མོ་ཤིང་།</br>(4)གོ་ཤིནྟུ།</br>(5)བཤེར་ཤིང་དམར་པོའོ། རྗེས་ཀྱི་གཉིས་པོ་མ་རྙེད་ན། སྟར་བུ། ཀཎྜ་ཀ་རི་དམར་པོས་རུང་བར་བཤད།</br>3.རྡོའི་རཀྟ་ལྔ་ནི། </br>(1)པདྨ་རཱ་ག </br>(2)བྱུ་རུ། </br>(3)མཚུར་དམར། </br>(4)མེ་ཤེལ། </br>(5)རྡོ་རྒྱུས་དམར་པོའམ་སྦལ་རྒྱབ་གང་རུང་ངོ་། </br>4.མེ་ཏོག་གི་རཀྟ་ལྔ་ནི། </br>(1)ཧ་ལོ།</br>(2)ཁུག་ཆུང་། </br>(3)གླང་སྣ། </br>(4)སེ་རྒོད། </br>(5)ལུག་རུ་དམར་པོའོ། </br>5.རྩྭའི་རཀྟ་ལྔ་ནི། </br>(1)ར་མོ་ཤག </br>(2)ཉེ་ཤིང་། </br>(3)སྙ་མོ། </br>(4)གྲོ་མ། </br>(5) སྙུག་མ་དམར་པོའོ། ཕྱི་མ་དེ་དངོས་ནི་མདོ་ཁམས་ཀློང་ཐང་སོགས་སུ་སྐྱེས་པའི་ཁྲག་སྐྱུག་ཅེས་པ་དེའོ། །</br>6.འབྲུའི་རཀྟ་ལྔ་ནི། </br>(1)རྒུན་འབྲུམ། </br>(2)རམ་བུ། </br>(3)(ཁ་སུར་)བྲེའོ། </br>(4)བ་མཁལ་སྨུག་པོ། </br>(5)སྐྱུ་རུ་རའོ།</br>7.རྩིའི་རཀྟ་ལྔ་ནི། </br>(1)རྒྱ་སྐྱེགས། </br>(2)སིན་དྷུ་ར། </br>(3)འབྲི་མོག </br>(4)བུ་རམ། </br>(5)བྲག་ཤུན་བཅས་སོ། །)འབྲི་མོག (4)བུ་རམ། (5)བྲག་ཤུན་བཅས་སོ། །)
- Dictionaries/chos rnam kun btus/10763 + (1.སྨད་ཤེར་བཟང་ངམ་བྱང་སེམས་ཆོས་རྗེ། 2.མངའ་ … 1.སྨད་ཤེར་བཟང་ངམ་བྱང་སེམས་ཆོས་རྗེ། </br>2.མངའ་རིས་པ་ཞང་ཞུང་ཆོས་དབང་གྲགས་པ། </br>3.སྟོད་ལུང་པ་མཚུར་སྟོན་ནམ་མཁའ་དཔལ།</br>4.བྱང་སེམས་རང་གི་དབོན་པོ་ཤེས་རབ་དཔལ་བརྩེགས།</br>5.གཞོན་ནུ་དཔའ་ཤོད་པ་ཆོས་རྗེ་ཀུན་དགའ་དཔལ་ལྡན།</br>6.གཙང་ཉང་སྟོད་པ་བྱང་སེམས་ཀུན་དཔལ། </br>7.བར་ཁམས་ཁྱུང་པོ་བ་ཀུན་དགའ་དཔལ་ལྡན། </br>8.ཉང་སྟོད་འབྲོང་རྩེ་བ་རྗེ་དྲུང་དགེ་འདུན་བཀྲ་ཤིས།</br>9.ཚ་པ་བ་མི་གཡོ་སྙིང་པོ། </br>10.བར་ཁམས་རྒྱང་ཤོད་པ་རྗེ་དྲུང་ཤེས་རབ་དབང་པོ། </br>11.སྒོམ་སྡེ་བ་རྗེ་དྲུང་འཇམ་དབྱངས་པ། </br>12.སླར་ཡང་ཤེས་རབ་དབང་པོ། </br>13.གུང་རུ་ཆོས་ཀྱི་རྒྱལ་མཚན། </br>14.འཕགས་པ་ལྷའི་སྐྱེ་ཕྲེང་གསུམ་པ་མཐོང་བ་དོན་ལྡན།</br>15.དབོན་དྲུང་སངས་རྒྱས་འབྱུང་གནས། </br>16.འཕགས་པ་ལྷ་བཞི་པ་རྒྱལ་བ་རྒྱ་མཚོ། </br>17.ངག་དབང་འཕྲིན་ལས། </br>18.དབོན་དྲུང་ཞི་བ་བཟང་པོ། </br>19.ད་ལྟ་འཕགས་པ་ལྷ་ལྔ་པ་བསོད་ནམས་ལྷུན་གྲུབ་དགེ་ལེགས་དཔལ་བཟང་ངམ་རྒྱལ་རྒྱམ་པ་བཅས་སོ། །་དགེ་ལེགས་དཔལ་བཟང་ངམ་རྒྱལ་རྒྱམ་པ་བཅས་སོ། །)
- Dictionaries/sngas rgyas chos gzhung tshig mdzod/9616 + (༡༽ གྲུབ་མཐའ་འདིའི་མ་དགོན་ནི་མཚུར་ཕུ་མགོན་པ་ཡིན། ཚིག་འདི་གསར་དུ་བཅོས་པ་ཡིན།)
- Dictionaries/sngas rgyas chos gzhung tshig mdzod/42 + (ཀརྨ་བཀའ་བརྒྱུད་ཞྭ་ནག་པའི་སྐུ་ཕྲེང་ལྔ་པ། མཚ … ཀརྨ་བཀའ་བརྒྱུད་ཞྭ་ནག་པའི་སྐུ་ཕྲེང་ལྔ་པ། མཚན་དངོས་ཆོས་དཔལ་བཟང་པོ་ཡིན། མཚུར་ཕུ་གདན་ས་བསྐྱངས། རབ་བྱུང་བདུན་པའི་མེ་ཁྱི་ལོར་ཏཱ་མིང་རྒྱལ་པོས་གདན་དྲངས་པ་ལྟར་ནན་ཅིན་དུ་བྱོན་ཏེ་རྒྱལ་པོའི་ཡབ་ཡུམ་གྱི་འདས་མཆོད་ལ་རིས་མེད་ཀུན་སྒྲོལ་གྱི་རིམ་གྲོ་རྒྱ་ཆེར་བསྒྲུབས་པའི་ཡོན་དུ་རྒྱལ་པོས་དེ་བཞིན་གཤེགས་པ་རིན་ཆེན་ཆོས་རྒྱལ་ཞེས་པའི་འཇའ་ས་ཤེལ་ཐམ་བཅས་ཕུལ།ཆེན་ཆོས་རྒྱལ་ཞེས་པའི་འཇའ་ས་ཤེལ་ཐམ་བཅས་ཕུལ།)
- Dictionaries/sngas rgyas chos gzhung tshig mdzod/8426 + (ཀློག་སྐྱ་འབྱུང་གནས་རྒྱལ་མཚན་དང་། བྱང་ཙམ་ལུང་གི་མར་པ་མགོ་ཡགས། རྔོག་གཞུང་པ། མཚུར་སྟོན་དབང་ངེ། མེས་ཚོན་པོ། ལྷ་རྗེ་སེ་རིངས། རྒྱ་སྟོན་ཞིག་པོ། མར་པ་བྱ་ཟེ་བ། མྱང་སྒོམ་སྦྲང་ལྟག རྗེ་བཙུན་མི་ལ་རས་པ་བཅས་བཅུའོ། ཚིག་འདི་གསར་དུ་བཅོས་པ་ཡིན།)
- Dictionaries/chos rnam kun btus/3825 + (ཁག་གཉིས་པ། 1.རྔོག་ཆོས་སྐུ་རྡོ་རྗེ་ནི་རྒྱུད་སྡེའི་བཤད་སྲོལ་གྱི་བཀའ་བབས། 2.དོལ་གྱི་མཚུར་སྟོན་དབང་གི་རྡོ་རྗེ་ནི་འཕོ་བའི་བཀའ་བབས། 3.གཙང་རོང་གི་མེས་སྟོན་ཚོན་པོ་ནི་འོད་གསལ་མན་ངག་གི་བཀའ་བབས། 4.རྗེ་བཙུན་མི་ལ་རས་པ་ནི་སྒྲུབ་རྒྱུད་ཀྱི་བསྟན་པའི་བཀའ་བབས་ཡིན་པའོ། །)
- Dictionaries/Brda dkrol gser gyi me long/256 + (དཔྱ་ཁྲལ་གྱི་དོན་ལ་འཇུག་སྟེ། 《དག་ཡིག་ལེགས་བཤད་ཚིག་གཏེར》ལས། ཁྭ་བ་ནི་དཔྱ་བ། ཞེས་གསུངས། དཔེར་ན། སྟོད་ལུང་མཚུར་ཕུ་དགོན་པའི་རྡོ་རིང་གི་ཡི་གེ་ལས། ལྷ་རིས་ཀྱི་འབངས་དང་། དཀོར་ལ། ཁྲལ་མི་དབབ་པ་དང་། ཁྭ་དང་ཆད་ཀ་མྱི་བཞེས་པ་ལས་སྩོགས་པ། ཞེས་པ་ལྟ་བུའོ། །)
- Dictionaries/chos rnam kun btus/8300 + (དེ་ཡང་། ལུས་ལ་ཉེར་མཁོ་སྐབས་བརྒྱད་པ་ལས་བྱུང … དེ་ཡང་། ལུས་ལ་ཉེར་མཁོ་སྐབས་བརྒྱད་པ་ལས་བྱུང་བ་སྟེ། </br>1. ལུས་བརྟན་པ་ནི། རྡོ་རྗེ་ཆུའི་གདམས་ངག་ནི། ཕོ་ཅོང་བཟང་པོ་མགར་བའི་སོལ་མལ་དུ་བསྲེགས་ལ་ཅུ་གང་བཟང་པོའི་ཆུ་ལ་བསྐྱུར། ཆུ་དེས་ལུས་ལ་བསྐུ་བྱུག་བྱས་པས་སོ་དམ་པ་དང་། ལུས་རྡོ་རྗེ་བཞིན་དུ་འགྱུར། ཚེ་ཉི་ཟླ་དང་མཉམ། མདངས་རྨ་བྱ་དང་འདྲ། སྟོབས་ཆེ་མིག་གིས་ཚངས་གནས་མཐོང་། སྐྲ་དཀར་གཉེར་མ་མེད།</br>གཞན་ཡང་རོ་ཙ་བ་སོགས་ཡོན་ཏན་བསམ་གྱིས་མི་ཁྱབ་ཅེས་དུས་འཁོར་མན་ངག་གོ ། ཡང་ན།</br>2. པགས་མདངས་བཟང་བ་ནི། དེ་ལ་གཉིས་ཏེ། </br>(1)སྐྱོན་སེལ་བ་ནི། པགས་ཁྲ་སེལ་བ་ལ། མུ་ཟི་ནག་པོ། བཙན་དུག རྡོ་ཞོ་བཏུལ་མ། སྒ། དངུལ་རྡོ་རྣམས་ཆ་མཉམ་ཞིབ་བཏགས་བྱས་ལ། རབ་བུ་མོ་སྟག་ལོ་མ་ལོ་བརྒྱད་པའམ། དེ་མ་བྱུང་ན་བུ་མོ་ལོ་བརྒྱད་མ་གང་རུང་གི་ཆུ་དང་སྦྱར། དང་པོ་པགས་ཁྲ་གྲི་རྩེས་སྐྱི་ལོང་ཙམ་བྲད་དེ། སྨན་བསྐུས་ནས་ཉི་མ་ལ་བསྲེགས་པས་ཐོན་ངེས་སོ། ། ཡང་ན།</br>(2)པགས་མདངས་བཟང་བར་བྱེད་པ་ལ། རུ་རྟ་སྤྲ་ཚིལ་ཁ་རུ་ཚ་སྤོས་དཀར་ཏིལ་མར་རྣམས་བ་ཆུ་སྦྱར་བ་བྱུགས་ན་གདོང་གི་སྐྱོན་དག་ནས་པདྨ་གཞོན་ནུའི་མདངས་དང་ལྡན་པར་འགྱུར་རོ། ། ཡང་ན།</br>3. རྔུལ་ནག་སྲུང་བ་ནི། བཅའ་སྒ་པི་ལིང་ཕོ་རིས་གསུམ་མར་དང་སྦྱར་བ་ལུས་ལ་བྱུག རྫ་གསར་གྱི་ཕྱེ་མ་སྲན་ཕྱེ་ཞོ་སྦྱར་བས་ལུས་ལ་དྲིལ་ཕྱིས་བྱས་ན་ལུས་སྐམ་སང་གིས་འགྲོ་རྔུལ་མེད་ངེས་ཨ། ། ཞེས་གཏེར་མ་ལས་སོ། ། ཡང་ན།</br>4. དྲི་ང་བསལ་བའི་སྐོར་ལས། བསེ་དྲི་འདོན་པའི་ཐབས་ནི། ཞ་ཉེ་བརྡར་བ། བྱང་བུལ། གཡེར་མ། སྒོག་པ། དུད་པ་རལ་པ། ཙན་དན་ལྔ་ལྗིད་མཉམ་འབྲི་མར་ལ་སྦྱར་ནས་མཚན་འོག་བསྐུ་མཉེ་བྱས་པས་ཕན་ངེས་སོ། ། ཡང་ན།</br>5. སྤུ་བཅོས་པ་ནི། རྟ་རྨིག་བསྲེགས་པའི་གཞོབ་དང་། དབྱི་མོང་བཙོས་པའི་ཁུ་བ། གླུམ་གྱི་ཁུ་བ། མར་ནག་རྣམས་སྦྱར་ནས་བྱུགས་པས་ལུས་ཀྱི་སྤུ་རྣམས་སྐྱེ་ཞིང་། སྐྲ་དཀར་ལ་བསྐུས་ན་ནག་པོར་འགྱུར། སྐྲ་མེད་པ་དང་མེས་ཚིག་པའི་ཤུལ་དུ་བསྐུས་ན་སྔར་བས་ལྷག་པར་སྐྱེ་བར་འགྱུར་རོ། ། མ་ཧེའི་རྭ་སྐྱུ་རུ་ར་ཆ་མཉམ་གྱིས་ཆུ་ལ་འཚོས་པར་བཙོས་ནས་བཏོན་ལ་མེར་ནུས་བསྲེག་ཐལ་བ་དེ་གོང་གི་ཆུ་ལ་བཏབ་སྟེ་མགོ་ལ་བྱུགས་ན་སྐྲ་ཤིན་ཏུ་བཟང་བར་སྐྱེའོ། ། ཡང་ན།</br>6. ནད་ཕྲན་ཚེགས་ཞི་བ་ནི། རྒྱས་པར་གསོ་དཔྱད་ཀྱི་གཞུང་སོགས་ལས་ཤེས་པར་བྱ་ལ། འདིར་ལུས་ལ་འཚེ་བ་ཕྲན་ཚེགས་རྣམས་ཞི་བ་དང་། ཕན་པ་སྒྲུབ་པར་བཤད་པ་ལ། རྒྱུན་དུ་ཚ་བའི་ནད་གཞི་ཡོད་ན་ཕྱོགས་བཅུའི་ཁམས་ཀྱི་བདུད་རྩི་བསིལ་བ་ཟླ་ཞུན་ལྟ་བུ་ཁ་ནས་བརྔུབ་སྟེ་ལུས་གང་བར་བསམ་ལ། ཁ་ནས་སིབ་ཀྱིས་རྔུབ་པ་བཅས་བུམ་ཅན་ཅི་རིགས་རེ་རྒྱུན་དུ་བཟུང་། གུར་གུམ་དང་སྤང་སྤོས་ཀྱི་ཁུ་བ་ཅུང་ཟད་རེ་བཏུང་བར་བྱ། ཟས་སྤྱོད་ཐམས་ཅད་བསིལ་བ་དང་བསྟུན་པར་བྱའོ། ། ཡང་ན།</br>7. སྐད་བཅོས་པ་ནི། གུ་རུ་པདྨས་རྗེས་འཇུག་རྣམས་ཀྱི་དོན་དུ་མཛད་པ་ཚངས་དབྱངས་གསུང་གི་གདམ་ངག་ནི། དང་པོ་གཡེར་མ་འབྲུ་བཅུ་བཞི་ཆུ་གཙང་ཕུལ་ཕྱེད་དུ་སྦྱང་བ་ལྟོ་སྟོང་ལན་གསུམ་བཞིར་བཏུང་བས་རྩ་གོ་འབྱེད། དེ་ནས་ནས་ཀྱི་སོག་མ་མ་རུལ་བ་དམར་པོའི་ཚིགས་པ་ཕུལ་གང་། སྤང་རྒྱན་དཀར་པོ་རྩ་བར་བཅས་པ་སྤར་གང་རྫ་སྣོད་དུ་གཡའ་ཆུ་ཕུལ་གསུམ་ནང་ཞག་གསུམ་བགྲུངས་ལ། དེ་ཞག་ལྔ་བར་ལྟོར་བཏང་། དེ་རྗེས་ཞག་གཉིས་ལ་ཨ་རུ་རའི་ཆུ་བཏུང་། ཞག་བདུན་པོ་དེས་རྩ་ནང་སྦྱང་བར་བྱས་ལ། དེ་ནས་དངོས་གཞི་ཨ་རུ་ར་གསེར་མདོག་རྡོག་པོ་བདུན། བ་རུ་ར་གཉིས། སྐྱུ་རུ་ར་བཅུ། དེ་དང་སྤྱི་བཞུར་མཉམ་པ་དང་སྲོ་ལོ་དཀར་པོ་སྤང་རྒྱན་རྣམས་ཆུར་གདུས་པའི་ཁུ་བར་ཁ་ཚར་གྱི་ཕྱེ་མ་འདི་རྣམས་གདབ་པར་བྱ་སྟེ། ཅུ་གང་སུག་སྨེལ་ཤིང་མངར་མོན་ལུག་གླ་སྒང་། སྤང་རྩི་དོ་བོ། པི་པི་ལིང་ཀ་ར་རྣམས་ཆ་མཉམ་ཞིབ་བཏག་ཆུ་གྲང་མོར་སྦྱར་ལ། ཟླ་བ་གཅིག་གིས་བར་དུ་ནང་མོ་ལྟོ་སྟོང་ལ་བཏུང་ན་ཚངས་པའི་དབྱངས་འགྲུབ། དེ་ཡང་སྐད་ངར་འདོད་ན་ཨ་རུ་ར་མང་དགོས། སྦོམ་འདོད་ན་སུག་སྨེལ། ཕྲ་འདོད་ན་སྲོ་ལོ། རིང་བར་ཅུ་གང་། སྙན་པར་སྤང་རྒྱན། འཁིང་འདོད་ཤིང་མངར་བསྐྱེད་པར་བྱའོ་ཞེས་རཏྣ་གླིང་པའི་གཏེར་མ་ཟབ་བོ། ། ཡང་ན།</br>8. སོ་དང་མིག་སོགས་ཀྱི་སྟོབས་གསོ་བ་ནི། དང་པོ་སོ་སྲ་ཞིང་མི་ཉམས་པའི་ཐབས་སུ་སྨན་རྒྱས་བསྡུས་སྣ་ཚོགས་གསུངས་མོད། འདིར་ཀུན་འདུས་ཟབ་མོའི་སྦྱོར་སྡེ་ནི། ཅོང་ཞི་རྒོད་པོ་སོལ་མེར་དམར་ལམ་པར་བསྲེགས་པ་ཅུ་གང་བཟང་པོའི་ཆུ་ལ་བསྐྱུར་བ་རྡོ་རྗེའི་ཆུ་ཞེས་སྟེ་སོ་སོགས་སྲ་བའི་སྨན་མཆོག་གོ ། དེ་ལ་སོ་ཚགས་དམ་བྱེད་དོམ་མཁྲིས། སྙིལ་མི་འཆད་ཅིང་བརྟན་བྱེད་རྒྱ་སྐྱེགས། སོ་སྲིན་འཇོམས་པ་གླ་རྩི། ལྷ་བ་དང་རྩི་འཛིན་པ་རྒྱལ་མོ་ཀ་ར། རླུང་སེལ་བ་ཤིང་ཀུན། བད་ཀན་སེལ་བ་ཁ་རུ་ཚ། ཁྲག་མཁྲིས་སེལ་བ་ཨ་རུ་གསེར་མདོག སྲིན་སེལ་བ་བྱ་ཏང་ཀ། སོ་དཀར་བྱེད་ལུག་གི་མིག་འབྲས། དཀར་པོ་སྙིལ་དམ་བྱེད་གོ་ཡུ། རུལ་བ་གཅོད་པ་ཡུ་གུ་ཤིང་། རུལ་དྲི་འཁྲུད་པ་མཚུར་ནག་ཚགས་དམ་བྱེད་གླང་ཆེན་ཤ། ཁ་དྲི་བསྲུང་བ་ཕུག་རོན་བྲུན། དེ་སྟེང་ཁ་ཚར་དུ་པི་ལིང་ཧ་ཤིག་སྨན་སྒ་ཚྭ་ལ་ཆུ་བཅད་བཅས་དེ་རྣམས་ཆ་མཉམ་སྦྲང་སྦྱར་རིལ་བུ་ར་ཕག་གམ། ཁྱད་པར་ལུག་ཚིལ་དང་སྦྱར་ཏེ་སོ་སྙིལ་དང་སོ་ལ་ཐོ་རེངས་ལྟོ་སྟོང་སོགས་སུ་བྱུག་པ་བྱས་ན། སོ་ཡི་བཅུད་ལེན་ཐོད་པ་སོ་ཁྱེར་ཞེས་བྱ་བ། རིལ་བུ་རེས་ལོ་རེ་ཕྱིར་བརྟན་པར་བྱེད་དེ། ལན་བདུན་བསྐྱར་བས་ཀྱང་སོ་བརྟན་པ་འགྲུབ་ན། ཡུན་དུ་བརྟེན་པས་ལྟ་ཅི་སྨོས། སྐབས་སུ་སོ་ལ་ཏིལ་ཆུ་ནང་དུ་གདུས་པ་སྐུ་མོ་བྱུགས་པར་བྱ་སྟེ་ལག་ཏུ་བླང་བས་ཡིད་ཆེས་པར་འགྱུར་རོ། ། འདི་ནི་རང་གིས་བཏུས་ཏེ་སྦྱར་བའོ། ། ཡང་ན།</br>(སྐབས་འདིར་ཉེར་མཁོའི་གདམས་པ་མྱོང་གྲུབ་མ་ཧ་ཅང་མང་པོ་གསུང་འདུག་པ་ཆ་ཚང་འགོད་རྒྱུ་ཡིག་ཚོགས་ཀྱི་རྒྱུར་བསམ་རེ་ཞིག་བཏང་སྙོམས་བྱས་ཏེ་དཔེ་མཚོན་ཙམ་དུ་བཀོད་པ་འདི་ལྟར་ལགས)་བྱས་ཏེ་དཔེ་མཚོན་ཙམ་དུ་བཀོད་པ་འདི་ལྟར་ལགས))
- Dictionaries/Bod rgya shen sjar gyi shes jai rnam drangs kun btus tshig mdzod/223 + (ནག་མཚུར (བསྲེགས་པ) རྒྱ་མ་གང༌། ཞུ་མཁན་ལོ་མ་རྒྱ་མ་གང་། ཨ་རུ་ར་རྒྱ་མ་གང༌།)
- Dictionaries/Brda dkrol gser gyi me long/4074 + (བོད་ཀྱི་རུས་རྒྱུད་ཅིག་གི་མིང་སྟེ། 《ངག་སྒྲོན་གྱི་འགྲེལ་པ》ལས། མཚུར་རུས་ཀྱི་ཁྱད་པར་ཏེ་མར་པའི་སློབ་མ་མཚུར་སྟོན་དབང་རྡོར་ལྟ་བུ། ཞེས་གསུངས་པ་ལྟར་རོ། །)
- Dictionaries/bod rgya nang don rig pai tshig mdzod/6802 + (མཚུར་ཕུ་དགོན་པའི་བསྡུས་མིང་།)
- Dictionaries/bod rgya nang don rig pai tshig mdzod/6804 + (མཚུར་ཕུ་དོན་གྲུབ་འོད་ཟེར་གྱིས་ཀརྨ་རང་བྱུང་རྡོ་རྗེའི་རྗེས་སུ་འབྲང་བའི་རྩིས་ཀྱི་ལུགས།)
- Dictionaries/Bod rgya shen sjar gyi shes jai rnam drangs kun btus tshig mdzod/1838 + (མཚུར་ཕུའི་ལྷ་ཁང་ཆེན་མོའི་ནང་དུ་བཞུཊ་པའི་ཐུ … མཚུར་ཕུའི་ལྷ་ཁང་ཆེན་མོའི་ནང་དུ་བཞུཊ་པའི་ཐུབ་པ་ཆེན་པོ་གཅོ་འཁོར་དགུ་སྟེ། དབུས་སུ་ཐུབ་པ་ཆེན་པོ། གཡས་གཡོན་དུ་བྱམས་པ། འཇམ་དབྱངས། སྤྱན་རས་གཟིགས། རྒྱལ་བ་རིགས་ལྔ་བཅས་ཡོད་པ་སྟེ། 1. རྣམ་པར་སྣང་མཛད། 2. རིན་ཆེན་འབྱུང་གནས། 3. འོད་དཔག་མེད། 4. དོན་ཡོད་གྲུབ་པ། 5. མི་སྐྱོད་པ།དཔག་མེད། 4. དོན་ཡོད་གྲུབ་པ། 5. མི་སྐྱོད་པ།)
- Dictionaries/Bod rgya shen sjar gyi shes jai rnam drangs kun btus tshig mdzod/1195 +
- Dictionaries/sngas rgyas chos gzhung tshig mdzod/3 + (མར་པ་ལོ་ཙྰའི་སློབ་མ་མཆོག་ཏུ་གྱུར་པ་བཞི་སྟེ། རྔོག་ཆོས་སྐུ་རྡོ་རྗེ། མཚུར་སྟོན་དབང་ངེ་། མེས་སྟོན་ཚོན་པོ། མི་ལ་རས་པ་བཅས་བཞིའོ། ཚིག་འདི་གསར་དུ་བཅོས་པ་ཡིན།)
- Dictionaries/bod rgya nang don rig pai tshig mdzod/332 + (མར་པའི་སློབ་མ་ཆེན་པོ་བཞི་སྟེ་རྔོག་ཆོས་སྐུ་རྡོ་རྗེ། མཚུར་སྟོན་དབང་གི་རྡོ་རྗེ། མེས་སྟོན་ཚོན་པོ། མི་ལ་རས་པ་སྟེ་བཞི།)
- Dictionaries/Bod rgya shen sjar gyi shes jai rnam drangs kun btus tshig mdzod/660 + (མར་པའི་སློབ་མ་རྔོག་ཆོས་སྐུ་རྡོ་རྗེ། མཚུར་སྟོན་དབང་གི་རྡོ་རྗེ། མེས་སྟོན་ཚོན་པོ། མི་ལ་རས་པ་སྟེ་བཞི།)
- Dictionaries/sngas rgyas chos gzhung tshig mdzod/8424 + (མེས་སྟོན་ཚོན་པོ་བསོད་ནམས་རྒྱལ་མཚན་དང་། མཚུར་སྟོན་དབང་ངེ། རྔོག་སྟོན་ཆོས་སྐུ་རྡོ་རྗེ། མི་ལ་རས་པ་བཅས་བཞིའོ། ཚིག་འདི་གསར་དུ་བཅོས་པ་ཡིན།)
- Dictionaries/sngas rgyas chos gzhung tshig mdzod/258 + (ཚིག་དོན་འཛིན་པའི་དཀའ་བཞི་པ་བཅུ་སྟེ། མཐིལ་ཆ … ཚིག་དོན་འཛིན་པའི་དཀའ་བཞི་པ་བཅུ་སྟེ། མཐིལ་ཆུང་དཀའ་བཞི་པ་དོན་ཡོད་དང་། བྲག་དགོན་དཀའ་བཞི་པ་རིན་ཆེན་དཔལ། རྒྱལ་བ་དཀའ་བཞི་པ་རིན་ཆེན་ཆོས་རྒྱལ། གྱེ་རེ་དཀའ་བཞི་པ་སངས་རྒྱས་དབང་ཕྱུག ། སྟག་ཕུ་དཀའ་བཞི་པ་སངས་རྒྱས་བཟང་པོ། གཡག་སྡེ་དཀའ་བཞི་པ་བསོད་ནམས་བཟང་པོ། གྲོ་བ་དཀའ་བཞི་པ། མཚུར་ཕུ་པ་དཀའ་བཞི་པ། དཀའ་བཞི་པ་ཆོས་སེང་། དཀའ་བཞི་པ་གྲགས་པ་རྒྱལ་མཚན་བཅས་བཅུའོ། ཚིག་འདི་གསར་དུ་བཅོས་པ་ཡིན།་མཚན་བཅས་བཅུའོ། ཚིག་འདི་གསར་དུ་བཅོས་པ་ཡིན།)
- Dictionaries/chos rnam kun btus/3824 + (འདི་ལ་ཁག་གཉིས་ཡོད་པ་སྟེ། ཁག་དང་པོ། 1.གཞུང་གི་རྡོག་སྟོན་ཆོས་རྡོར། 2.དོལ་གྱི་མཚུར་སྟོན་དབང་ངེ་། 3.གཙང་རོང་གི་མེས་སྟོན་ཚོན་པོ་གསུམ་ལ་གཙོ་བོར་བཤད་པའི་བཀའ་བབས། 4.རྗེ་བཙུན་མི་ལ་བཞད་པ་རྡོ་རྗེ་ལ་སྒྲུབ་བརྒྱུད་ཀྱི་བཀའ་བབས་སོ། །)