Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/10016  + (སྙན་པོ། སྒྲ་བཤད་ནི། འཇེབས་ཞེས་པ་ནི་འཐད་པའི་དོན་ཡིན་པས་རྣ་བར་འཐད་པས་ན་དེ་སྐད་ཅེས་བྱ།)

• Dictionaries/sgom sde tshig mdzod chenmo/10364  + ((བྱེད་འབྲེལ་ལས་ཚིག) རྩོམ་པ་ནི་ད་ལྟ་བ། བརྩམ … (བྱེད་འབྲེལ་ལས་ཚིག) རྩོམ་པ་ནི་ད་ལྟ་བ། བརྩམས་པ་ནི་འདས་པ། བརྩམ་ནི་མ་འོངས་པ། རྩོམས་ནི་སྐུལ་ཚིག 1 རང་གི་བློ་ངོར་ཡོད་པ་རྣམས་ཡིག་ཐོག་ཏུ་བཀོད་ནས་སྒྲིག་པའི་དོན། བསྟན་བཅོས་རྩོམ་ལྟ་བུ། 2 (མིང་ཚིག) རྩོམ་པའི་མིང་ཙམ། དཔེར་ན་རྩོམ་པ་ལེགས་པོ་འདུག་ལྟ་བུ་དང་། གཞན་ཡང་། མཁས་དབང་ཚེ་ཏན་ཞབས་དྲུང་གིས། འཆད་པ་སྐལ་བཟང་ཐོས་པའི་བང་མཛོད་འཛིན། །རྩོད་པ་ཕྲ་ཞིབ་རིགས་པའི་རྒྱ་མཚོ་ཡངས། ། “རྩོམ་པ” དབྱངས་ཅན་པི་ཝང་འཇེབས་ཤིང་སྙན། །མཁས་པའི་བྱ་བ་རྣམ་གསུམ་ཨ་ཧོ་རྨད། །ཅེས་གསུངས་པ་ལྟར་རོ། །3 ལས་ལ་འཇུག་པ། འཇུག་པ། འཛུགས་པའམ། འགོ་འཛུགས་པའི་དོན། ལས་ལ་འཇུག་པའི་དཔེར་བརྗོད་ནི། བྱ་བ་རྩོམ་ཞེས་པ་ལྟ་བུ། འཇུག་པའི་དཔེ་ནི། བརྩོན་འགྲུས་རྩོམ་ཞེས་པ་ལྟ་བུ། འཛུགས་པའི་དཔེ་ནི། འགོ་རྩོམ་ཞེས་པ་ལྟ་བུ། 4 གྲབས་བྱེད་པའམ། ཆས་པའི་དོན། འབྲོས་པར་རྩོམ་ཞེས་པ་ལྟ་བུ།འམ། ཆས་པའི་དོན། འབྲོས་པར་རྩོམ་ཞེས་པ་ལྟ་བུ།)
• Dictionaries/sgom sde tshig mdzod chenmo/12360  + (1 ཡིད་དུ་འཐད་པ། ཡིད་དུ་འོང་བ། འཇེབས་པ། སྒྲ་བཤད་ནི། སྙན་པ་ནི་མཉེན་པའི་དོན་ཏེ། ཡིད་དང་རྣ་བར་མཉེན་པ་སྟེ་འཇམ་པ་ཡིན་པས་ན་སྙན་པ་ཞེས་བྱའོ། །འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༧༣ན༡ལས། སྙན་པར་སྨྲ་བ་ཞེས་བྱ་བ་ནི་མཉེན་པར་སྨྲ་བའོ། །ཞེས་གསུངས་སོ། །)
• Dictionaries/sgom sde tshig mdzod chenmo/10850  + (2 ཁུ་བྱུག་གི་སྐད་ཀྱི་མིང་། རང་རེའི་སྐད་འདི་སྦོམ་ནས་ཕྲ་རུ་བཏང་བས་དབྱངས་སྐོར་གཅིག་གི་ནང་དུ་རྫོགས་པ་རིམ་པ་བདུན་འོངས། ཐང་ལྔ་པ་དེ་ཕྲ་ཞིང་འཇེབས་པའི་མོ་སྐད་བཟང་ཤོས་ཡིན་ཞིང་། འདིའི་སྐད་ཀྱང་དེ་ཡིན་པས་ལྔ་པའི་དབྱངས་ཞེས་བརྗོད་དོ། །ཞེས་གསུངས།)
• Dictionaries/sgom sde tshig mdzod chenmo/494  + (<ཀཱོ་ཀི་ལ> སྤྱིར་ཁུ་བྱུག་ལ་རིགས་མང་པ … <ཀཱོ་ཀི་ལ> སྤྱིར་ཁུ་བྱུག་ལ་རིགས་མང་པོ་ཡོད་ཀྱང་རྒྱ་གར་ཡོངས་གྲགས་ཀྱི་ཁུ་བྱུག་ནི། ལུས་ནག་ལ་སྐད་སྙན་ཅིང་། མིག་དམར་སེར་དང་། ཆུ་སྡེར་ནག་སྐྱ་དང་ལྡན་པའི་བྱ་ཞིག་ལ་ཟེར། འགྲེལ་བཤད་དེ་ནི་ཁུ་བྱུག་ཕོའི་ཡིན་ལ། མོ་ནི་ཕོ་ལས་ལུས་ཅུང་ཆུང་ལ་མདོག་ཁྲ་བོ་ཞིག་ཡོད། རྒྱ་གར་ལྷོ་ཕྱོགས་ཀྱི་ཁུ་བྱུག་ཕོ་ནི་གཞན་རྣམས་འདྲ་བ་ལ་མཆུ་དཀར་པོ་ཡིན། ཁུ་བྱུག་གིས་སྒོ་ང་གཏོང་དུས་བྱ་གཞན་གྱི་ཚང་དུ་འཛུལ་ནས་གཏོང་ལ། བྱ་གཞན་དེས་ཀྱང་རང་གི་སྒོ་ངར་འཁྲུལ་ཞིང་རུམ་ནས་གསོ་སྐྱོང་བྱེད་ཅིང་། བསྐྱེད་བསྲིངས་ཏེ་ཆེར་ལོངས་པ་ན་རང་ཉིད་གསོ་སྐྱོང་བྱེད་མཁན་གྱི་མ་དེར་འཚེ་བ་བྱེད་པས་ཁུ་བྱུག་འདི་གཡོ་སྒྱུ་དང་སེམས་གནག་ཅེས་བཤད་སྲོལ་འདུག འདིའི་མིང་གི་རྣམ་གྲངས་ལ་གཞན་གྱིས་གསོས་ཟེར་བའི་རྒྱུ་མཚན་ཡང་དེ་ཡིན། སྤྱིར་བཏང་ཁུ་བྱུག་ལ་ཁོར་ཡུག་མི་འདྲ་བའི་དབང་གིས་སྐད་དང་། ཁ་དོག དབྱིབས། ཆེ་ཆུང་སོགས་མི་འདྲ་བ་ཡོད། བོད་ཀྱི་ཁུ་བྱུག་ལའང་དི་དི་གུ་གུའི་མདོག་འདྲ་བ་དང་། ཁྲ་དང་མདོག་འདྲ་ཟེར་མཁན་ཡང་འདུག 1. Yellow-billed Cuckoo  2. Great-Lizard -Cuckoo  3. Asian Cuckoo  4. Brush Cuckoo  5. Bronze-Cuckoo 6. Hawk- Cuckoo 7. Channel-billed-Cuckoo 8. Squirrel-Cuckoo རྒྱ་གར་ལྷོ་ཕྱོགས་སེ་ར་དགོན་པའི་ཉེ་འཁྲིས་ཀྱི་ནགས་གསེབ་ཏུ་མང་པོ་ཡོད། འདིའི་སྐད་མཉན་ན་སེམས་ལྷོད་ལ་བདེ་སིང་ངེ་བར་འགྱུར། རྒྱ་གར་བས་ཁུ་བྱུག་ལ། ཟས་ཞིམ་པོ་དེ་རང་ཡུལ་ལ་ཟོས། སྐད་སྙན་པོ་དེ་མི་ཡུལ་རྒྱབ། ཅེས་གཤེ་བའི་ལོ་རྒྱུས་ཀྱང་ཡོད། ལེགས་སྦྱར་དུ་कोकिलःཀཱོ་ཀི་ལཿདང་། རྒྱ་གར་ཡུལ་སྐད་དུ་कोयलཀཱོ་ཡལ། ཕྱི་རྒྱལ་བས་ཀུ་ཀུ་Cuckcoo ཟེར། བོད་ཀྱི་ཁ་སྐད་དུའང་ཁུ་ཡུག་ཅེས་བརྗོད་ལ། ཡང་བོད་ཀྱི་ལུང་པ་འགའ་རེའི་ནང་འདི་ལ་ཁུ་བྱུག་མི་ཟེར་བར་“ཀི་ཀུ” ཟེར་གསུང་མཁན་ཡང་འདུག དེ་ནི་རྒྱ་གར་ཡུལ་སྐད་ཀྱི་ཀཱོ་ཡལ་དང་ཡང་ཤིན་ཏུ་ཉེ་བས། ཀཱོ་ཡལ་གྱི་སྒྲ་ཟུར་ཉམས་ནས་ཁུ་ཡུག་ཅེས་འབོད་པའང་ཡིན་སྲིད། དེ་ལྟ་ནའང་ང་ཚོས་ཁུ་ཡུག་ལ་ཁུ་བྱུག་ཅེས་ཨུ་ཚུགས་ཀྱིས་བརྗོད་དགོས་དོན་ཅི་ཡིན་ནམ། འགའ་ཞིག་གིས། ཁུ་བྱུག་ཉིད་སྒྲ་ཉམས་ནས་ཁུ་ཡུག་ཅེས་འབོད་པ་རེད་ཟེར། རྒྱལ་ཁམས་རིག་པས་བསྐོར་བའི་གཏམ་རྒྱུད་གསེར་གྱི་ཐང་མ་ལས། ཀཱོ་ཀི་ལ་ནི་ཁ་དོག་ནག་པོ་རང་རེའི་འཇོལ་མོ་ལས་ཆེ་ཙམ་པ། མིག་དམར་སེར། ཆུ་སྡེར་ནག་སྐྱ། སྐད་ནི་བུད་མེད་ལྐུགས་སྐད་ཀྱི་འཁུན་ངུ་སྔུར་བརྣངས་པ་བཞིན་དུ་ཕྲ་ལ་འཚེར། དང་པོ་ཅུང་ཟད་དམའ་བར་སྒྲོག རིམ་གྱིས་མཐོ་རུ་སོང་སྟེ། ཐང་བཅུ་སྐོར་རེ་ཙམ་མགྲིན་པ་བརྣངས་དྲགས་ཏེ་ཁ་རོག་པར་ཡུད་ཙམ་ངལ་གསོ་ཞིང་ཡང་སྒྲོག སྤྱོ་ན་ནག་མོའི་བྱེད་ལུགས་དེ་ག་རང་དུ་འདུག་པས། འདོད་པའི་རོ་ལ་ཆགས་སྐྱེས་འདོད་པའི་ཕོ་ཉ་སོགས་མངོན་བརྗོད་རྣམས་ཀྱི་རྩ་བ་གོ་དགོས། ཧོར་ཟླ་གཉིས་པ་ཙམ་ནས་དཔྱིད་ཧྲིལ་པོར་སྐད་འབྱིན། རིམ་གྱིས་སྐད་དམའ་ཞིང་འགག་པ་ལྟ་བུར་འགྲོ། དགུན་ནི་གཟེབ་ཏུ་བཅུག་པ་དག་ཀྱང་ཁ་མི་གྲགས་པར་ལྐུགས་ཏེ་སྡོད་པས། བསྔགས་བསྟོད་དུ་ཡང་། གཞན་ནི་མི་སྨྲའི་ཚུལ་གནས་པ། །དགུན་གྱི་ཁུ་བྱུག་ལྟ་བུ་ལགས། །ཞེས་གསུངས་ཏེ། འོན་ཀྱང་འདི་དགུན་གནས་གཞན་དུ་འཕོ་བ་ནི་མིན་པར་འདུག་སྙམ། རང་རེའི་སྐད་འདི་སྦོམ་ནས་ཕྲ་རུ་བཏང་བས་དབྱངས་སྐོར་གཅིག་གི་ནང་རྫོགས་པ་རིམ་པ་བདུན་འོངས། ཐང་ལྔ་པ་དེ་ཕྲ་ཞིང་འཇེབས་པའི་མོ་སྐད་བཟང་ཤོས་ཡིན་ཞིང་། འདིའི་སྐད་ཀྱང་དེ་ཡིན་པས་ལྔ་པའི་དབྱངས་ཞེས་བརྗོད་དོ། །རྒྱ་གར་བའི་གླུ་དབྱངས་ལྔ་པ་དྲུག་པ་ལ་སོགས་པའི་མིང་ཅན་གཞན་ཡང་དེ་ལྟར་གཟུང་བར་བྱའོ། །འདིའི་སྐད་ནི་གདངས་རིང་བ་མ་གཏོགས་སྦོམ་ཕྲ་རང་རེའི་སྐྱུང་ཀའི་སྐད་དང་ཤིན་ཏུ་འདྲ། ལྷ་སའི་དོག་སྡེ་སྦུག་ཏུ་སྐྱུང་ཀ་ཁྱུ་ཞིག་མཐོང་བས་པཎྜི་ཏ་ཨ་ཙརྱས་ཀཱོ་ཀི་ལ་ཞེས་སྨྲ་ཡིན་འདུག འོན་ཀྱང་མཆུ་སྡེར་སོགས་འདི་དང་མི་འདྲ། ཁུ་བྱུག་འདིའི་རིགས་ཀྱང་ཡིན་མིན་མ་ཤེས། ཀུ་ཧུ་བྱ་བའི་སྒྲ་འདི་ཕྲ་ལ་ཤུགས་དྲག་པར་ཕྱུང་ཚེ་འདིའི་སྐད་དངོས་འདྲ་བ་ཡོང་བས་འདི་ལ་ཀུ་ཧུའི་མགྲིན་དུ་བཤད་འདུག སྐད་ཕྲ་ལ་འཚེར་བས། སངས་རྒྱས་ཀྱི་སྤྱོད་པ་ལས་ཀྱང་། ཁུ་བྱུག་གཞན་ནི་མངོན་སུམ་དུ། །ཁུས་འདེབས་བྲག་ཆའི་སྒྲ་སྙན་འདྲ། །སོགས་བཤད། ཞེས་གསུངས། མིང་གི་རྣམ་གྲངས་ནི། མངོན་བརྗོད་ལས། དཔྱིད་ཀྱི་ཕོ་ཉ་ནགས་ན་གནས། །འདབ་མའི་ཐེག་པ་ན་ཚོད་གནས། །མིག་མཛེས་འདོད་པའི་ཏཱ་ལ་དང་། །གཞན་གྱིས་གསོས་དང་གཞན་གྱིས་རྒྱས། (བྱ་རོག་གིས་བཟུང་ནས་གསོ་བར་བྱེད་པས་སོ) །ངག་སྙན་དབྱངས་སྙན་གཞན་ལ་སེམས། །འདོན་པའི་ཕོ་ཉ་བྱ་རོག་གསོས། །ཞེས་གསུངས་པ་ལྟར་རོ། །དོན་པའི་ཕོ་ཉ་བྱ་རོག་གསོས། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/10776  + (ཆོས་བསྒྱུར་ཚུལ་གྱི་ལམ་སྟོན་བསླབ་བྱ་འདི་ཉིད … ཆོས་བསྒྱུར་ཚུལ་གྱི་ལམ་སྟོན་བསླབ་བྱ་འདི་ཉིད་གཙོ་བོ་སོག་ཡུལ་གྱི་ལོ་ཙཱ་བ་ཆེན་པོ་རྣམས་ལ་ལྕང་སྐྱ་རོལ་པའི་རྡོ་རྗེས་བསྩལ་བ་ཡིན་རུང༌། དེང་དུས་བོད་ཡིག་ཐོག་བཞུགས་པའི་བཀའ་བསྟན་རྣམས་དབྱིན་ཡིག་སོགས་སྐད་རིགས་གཞན་དང་གཞན་དུ་འགྱུར་བ་ཇེ་མང་དུ་འགྲོ་བཞིན་པའི་སྐབས། ཆོས་བསྒྱུར་བའི་ཚེ་ཐ་སྙད་འདོགས་ཚུལ་སོགས་སྔ་མོ་བོད་ཀྱི་ཆོས་རྒྱལ་ལོ་པཎ་རྣམས་ཀྱིས་བཀའ་ཁྲིམས་ཀྱིས་ཐག་གཅོད་མཛད་ནས་ཐམས་ཅད་ལ་གཅིག་གྱུར་གྱི་སྒྲིག་ལམ་ཞིག་བཟོས་ཡོད་པ་དེ་ལྟ་བུ་ཞིག་མེད་པའི་རྐྱེན་གྱིས། དེང་སང་གི་ལོ་ཙཱ་བ་ཚོས་སོ་སོའི་རང་འདོད་ཀྱིས་གཞི་གཅིག་ལ་ཐ་སྙད་མི་འདྲ་བ་སྣ་ཚོགས་ཤིག་སྦྱར་བའི་རྐྱེན་གྱིས་ཀློག་པ་པོ་རྣམས་མགོ་བོ་རྨོངས་ཤིང་གཞུང་དོན་ཚེགས་མེད་དུ་རྟོགས་མི་ཐུབ་པ་དང༌། ལྷག་པར་འདིས་འཁྲུལ་གཞི་བྱས་ཏེ་གཞུང་དོན་གྱི་གོ་བ་ལོག་སྒྲུབ་ཏུ་སོང་བ་སོགས་མཐོང་ཆོས་སུ་གྱུར་པས། སླན་ཆད་དེ་ལྟ་བུའི་ཉེས་སྐྱོན་མི་འབྱུང་བའི་སླད་དུ་ལྕང་སྐྱ་རིན་པོ་ཆེའི་ཆོས་བསྒྱུར་ཚུལ་གྱི་ལམ་སྟོན་བསླབ་བྱ་འདི་ཉིད་ལོ་ཙཱ་བ་དེ་དག་ལ་བལྟ་བའི་མིག་ལྟར་མཐོང་ནས་འདིར་འགོད་པའི་ངལ་བ་བྱས་སོ། །ཆོས་བསྒྱུར་བའི་སྔོན་འགྲོའི་ཚུལ་དུ་བོད་ཀྱི་ཐུན་མོང་མིན་པའི་སུམ་རྟགས་དག་གསུམ་དང་སྙན་ངག་བཅས་པར་ཐོས་བསམ་རྣལ་མ་ཞིག་དགོས་གལ་ཆེ་ཞིང༌། དེ་མེད་ན་བོད་ཀྱི་ཁ་དཔེར་བ་དེའི་ཉལ་སྟངས་ལ་བལྟས་ན་བེའུ་སྐེད་ཀྱོག་ཅིག་སྐྱེ་བར་འདུག་ཅེས་པའི་དཔེ་ལྟར་འགྱུར་ཉེན་ཡོད། རྒྱལ་བའི་གསུང་རབ་རིན་པོ་ཆེ་ནི་གྲོལ་བ་དོན་གཉེར་བ་རྣམས་ལ་ཐར་པ་དང་ཐམས་ཅད་མཁྱེན་པའི་ལམ་གསལ་བར་བྱེད་པའི་མིག་ཏུ་གྱུར་པ་ཤ་སྟག་ཡིན་པས། སྒྱུར་བྱེད་ལོ་ཙཱ་བ་རྣམས་ཀྱིས་ཀྱང་ཚུལ་འདི་ཉིད་འཇིག་རྟེན་དུ་ཡུན་རིང་དུ་གནས་ན་ཅི་རུང་སྙམ་པའི་བསམ་པས་ཐུབ་བསྟན་གཅེས་པར་འཛིན་པའི་བློ་ཡིད་ལ་བརྣགས་ཏེ། ཁེ་འདོད་དང་གྲགས་འདོད་དང་ཕྱོགས་སུ་ལྷུང་བའི་སེམས་སྤངས། གཟུ་བོའི་བློས་ཚིག་དང་དོན་གྱི་ཆ་ལ་ལེགས་པར་དཔྱད། རང་གིས་ཇི་ལྟ་བ་བཞིན་མ་ཤེས་པ་རྣམས་མཁས་པར་གྲགས་པ་མཆོག་དམན་སུ་ལ་ཡང་རུང་སྟེ་ལེགས་པར་དྲིས་ཤིང་ཐེ་ཚོམ་བཅད་ནས། ཚིག་གསལ་ཞིང་གོ་བདེ་བ་དོན་དང་མི་འགལ་བར་བྱས་ཏེ་ལེགས་པར་བསྒྱུར་ན། རང་གཞན་གྱི་རྒྱུད་ལ་ལེགས་ཚོགས་དུ་མ་སྤེལ་བར་ནུས་ཤིང༌། རྒྱལ་བའི་བསྟན་པ་ལ་བྱ་བ་བྱས་པར་འགྱུར་བས་བསོད་ནམས་ཀྱི་ཕུང་པོ་གཞལ་དུ་མེད་པ་འཐོབ་པར་འགྱུར་གྱི། གཞན་དུ་ན་རང་ཉིད་མཁས་པ་མིན་ཀྱང་མཁས་པར་རློམ་པས་དྲེགས། གཞན་མཁས་པར་གྱུར་ཀྱང་དེ་ལ་ཕྱོགས་སུ་ལྷུང་བའི་ཡིད་ཀྱིས་སྡང་བས་བློ་མིག་བསྒྲིབས། དམ་པའི་ཆོས་ལ་གལ་ཆུང་དུ་བཟུང་བས་ཉི་མ་འཕུལ་ཐབས་ཀྱི་སྦྱོར་བས་པོ་ཏི་ཇི་མང་མང་དུ་བསྒྱུར་བ་ལ་དགའ་བ་དག་གིས་ནི། སངས་རྒྱས་ཀྱི་བཀའ་དྲི་མ་མེད་པ་ལོག་བཤད་ཉེས་བཤད་ཀྱི་བཙོག་ཆུས་བསླད་པའི་འབྲས་བུ་རང་གཞན་ཀུན་ལ་འདི་ཕྱིར་བཟོད་པར་དཀའ་བའི་སྡུག་བསྔལ་འབྱུང་བ་ལ་ཅིར་ཡང་མི་སེམས་པར་ཟད་དོ། །དེ་ལྟར་ཕན་ཡོན་དང་ཉེས་དམིགས་ལེགས་པར་ངེས་པར་བྱས་ནས་བསྒྱུར་ཚུལ་དངོས་ལ༌། གཞུང་གི་ཚིག་རྣམས་བོད་སྐད་ཀྱི་གོ་རིམས་ཇི་ལྟ་བ་བཞིན་དུ་བསྒྱུར་ན་རང་སྐད་ལ་གོ་བདེ་ཞིང༌། དོན་འཁྲུགས་པར་མི་འགྱུར་བ་རྣམས་ནི་དེ་ཇི་ལྟ་བ་བཞིན་དུ་བསྒྱུར་བར་བྱ་ཞིང༌། དེ་ལྟ་མ་ཡིན་པར་ཚིག་གོང་འོག་བསྣོར་ཞིང་དཀྲུགས་ན་དོན་གོ་བ་གསལ་ཞིང་བརྗོད་བདེ་བ་རྣམས་ནི་ཚིགས་བཅད་ཡིན་ན་ཤོ་ལོ་ཀ་གཅིག་གི་ནང་དུ་གང་བདེ་བར་སྣོར་ཞིང་བསྒྱུར་བ་དང༌། ཚིག་ལྷུག་པ་རྣམས་ནི་ཚིག་གཅིག་གམ་གཉིས་སམ་གསུམ་སོགས་ཚིག་སྔ་ཕྱི་འཁྲུགས་པར་མི་འགྱུར་བ་གལ་ཆེ་ལ། དེ་ཡང་ཚིག་དེ་ཀའི་ནུས་པ་འདོན་ལུགས་ལ་ལེགས་པར་བརྟག་དགོས་སོ། །ཡང་འགའ་ཞིག་བོད་སྐད་ཇི་ལྟ་བ་བཞིན་བསྒྱུར་ན་རང་སྐད་ལ་ཚིག་ལྷག་ཧ་ཅང་མང་བས་དོན་གྱི་ཆ་བསྒྲིབས་པ་ལྟ་བུ་ཡང་མང་དུ་ཡོད་པས། དེ་ལ་ནི་དོན་ལ་མི་གནོད་པར་བྱས་ཏེ་ཚིག་ལྷག་རྣམས་དོར་བས་ཆོག་ལ། སྐབས་འགའ་ཞིག་ཏུ་ཚིག་ཟུར་ཅུང་ཟད་རེ་མ་བསྣན་ན་དོན་གྱི་ནུས་པ་མི་རྫོགས་པ་ལྟ་བུ་ཡང་ཡོད་པས། དེ་ལ་ནི་དོན་གསལ་བ་ལ་ཕན་ཞིང་ཚིག་རོར་མ་སོང་བའི་སྐད་ཟུར་བསྣན་ནས་བསྒྱུར་བར་བྱའོ། །མིང་གཅིག་དོན་དུ་མར་བསྙེག་ཏུ་རུང་བ་རྣམས་ནི་ལྟག་འོག་ལ་ལེགས་པར་བརྟགས་ཏེ། ཕྱོགས་གཅིག་ལ་ཐག་གཅོད་དུ་རུང་ན་གར་བསྙེགས་པ་དེར་བསྒྱུར་ལ། ཐག་གཅོད་དུ་མི་རུང་ཞིང་རང་སྐད་ལ་ཕྱོགས་གཉིས་ཀར་བསྙེག་པའི་སྐད་དོད་མ་རྙེད་ན་ནི་བོད་སྐད་སོར་གནས་སུ་གཞག་པར་བྱའོ། །ཡང་པཎ་གྲུབ་དང་རྒྱལ་བློན་ལ་སོགས་པའི་གང་ཟག་གི་མིང་དང་ཡུལ་དང་མེ་ཏོག་དང་རྩི་ཤིང་ལ་སོགས་པའི་མིང་བསྒྱུར་ན་གོ་དཀའ་ཞིང་ཚིག་མི་བདེ་བ་དང༌། འོལ་སྤྱིར་བསྒྱུར་དུ་རུང་ཡང་དོན་དེ་ལྟར་ཡིན་མིན་གཏོལ་མེད་པ་རྣམས་ལ་ནི་མིང་གི་མགོ་མཇུག་ཇི་ལྟར་རིགས་པར་པཎྜི་ཏ་དང་རྒྱལ་པོ་དང༌། མེ་ཏོག་ཞེས་སོགས་གང་ལ་བྱ་བའི་མིང་གཅིག་བླ་ཐབས་སུ་བསྣན་ནས་རྒྱ་གར་སྐད་དམ་བོད་སྐད་སོར་བཞག་ཏུ་གཞག་པར་བྱའོ། །གཞུང་ཆེན་མོའི་འགྲེལ་པ་རྣམས་ལ་རང་རང་གི་རྩ་བའི་དཔེ་སྔར་བསྒྱུར་ཟིན་པ་ཡོད་ན་འགྲེལ་པའི་ནང་གི་རྩ་བའི་ཚིག་ཀྱང་དེ་དང་མཐུན་པར་བྱ་ལ། མེད་ན་སྔོན་དུ་རྩ་བའི་དཔེ་བསྒྱུར་ཞིང་དེ་ཡང་འགྲེལ་པ་ལ་བསྟུན་ནས་བསྒྱུར་བར་བྱའོ། །རྒོལ་ཕྱིར་རྒོལ་གྱི་རྩོད་པའི་ཚིག་རྣམས་ནི་ཕན་ཚུན་གཉིས་ཀའི་བསམ་པའི་གདེངས་དང་རྩོད་པ་འགྲོ་ལུགས་ལེགས་པར་བརྟགས་ཏེ་སྒྲུབ་ངག་དང་སུན་འབྱིན་པའི་ངག་རྣོ་ཞིང་གོ་བདེ་བའི་ཚིག་གིས་བསྒྱུར་དགོས་སོ། །གཞན་ཡང་བསྟོད་པའི་ཚིག་དང༌། སྨད་པའི་ཚིག་དང༌། སྐྱོ་བར་འགྱུར་བའི་ཚིག་དང༌། འཇིགས་པའི་ཚིག་ལྟ་བུ་རྣམས་ལ་ནི། རང་སྐད་དུ་ཀུན་ལ་གྲགས་པ་ནུས་པ་ཆེ་ཞིང་ཡིད་འཁུལ་ཐུབ་པ་སྐབས་སུ་བབས་པའི་ཚིག་གིས་བསྒྱུར་བར་བྱའོ། །གཞུང་གིས་དོན་ལེགས་པར་མ་ཤོད་པའམ་ལོག་པར་བཤད་པར་མངོན་པ་འགའ་ཞིག་འདུག་ནའང་གཞུང་རྩོམ་པ་པོས་ཇི་ལྟར་བརྩམས་པ་ལྟར་བསྒྱུར་བར་བྱ་ཡི། གཞུང་གཞན་གྱི་ལེགས་པར་བཤད་པ་ལས་བླངས་ཏེ་འཆོས་པར་མི་བྱ་སྟེ། གལ་ཏེ་དེ་ལྟར་བྱས་ན་སློབ་དཔོན་རྣམས་ཀྱི་ལུགས་སོ་སོ་བ་རྣམས་འཁྲུག་པར་འགྱུར་བའི་ཕྱིར་རོ། །གདམས་ངག་གི་གཞུང་རྣམས་སུ་ལྷ་དང་རྫས་དང་གྲངས་སོགས་ཀྱི་མིང་གབ་ཚིག་གཞན་གྱིས་བསྟན་པ་རྣམས་ནི་དེ་ཇི་ལྟ་བ་བཞིན་བསྒྱུར་བར་བྱ་ཡི། རང་མིང་རྗེན་པར་མི་བསྒྱུར་ཏེ། དེ་ལྟར་ན་གབ་པའི་དགོས་པ་མེད་པར་འགྱུར་བའི་ཕྱིར་རོ། །ཡང་སྙན་ངག་ཀྱི་སྐབས་སུ་མངོན་བརྗོད་ཀྱི་མིང་གིས་བསྟན་པ་བོང་བུ་ལ་མགྲིན་བཟང་ཞེས་པ་ལྟ་བུ་ཡང་མིང་དེ་ཉིད་ཀྱིས་བསྒྱུར་བར་བྱ་ཡི་རང་མིང་གིས་མི་བསྒྱུར་ཏེ། གཞན་དུ་ན་མི་མཛེས་པར་འགྱུར་བའི་ཕྱིར་རོ། །གཞན་ཡང་རྩ་བའི་རྣམ་ཤེས་དང་ཀུན་གཞི་ཞེས་པ་གཉིས་དོན་བསྙེག་པའི་གཞི་ཕལ་ཆེར་གཅིག་ཡིན་ཀྱང་ཕལ་ཆེན་སྡེ་པ་དང་སེམས་ཙམ་པ་གཉིས་ཀྱིས་མིང་འདོགས་ལུགས་དང་བཤད་ཚུལ་ཅུང་ཟད་མི་འདྲ་བ་ལྟ་བུ་རྣམས་ཀྱང་རང་རང་གི་གཞུང་ལས་ཇི་ལྟར་འབྱུང་བ་ལྟར་བསྒྱུར་བར་བྱ་ཡི། དོན་གཅིག་པ་ལ་བསམས་ནས་ཐ་སྙད་ཕན་ཚུན་བསྲེ་བར་མི་བྱའོ།། ཡང་བདེན་པར་གྲུབ་པ་དང༌། རང་གི་མཚན་ཉིད་ཀྱིས་གྲུབ་པ་གཉིས་དབུ་མ་ཐལ་འགྱུར་བ་ལྟར་ན་དོན་གཅིག་པས་གཅིག་ཡོང་སར་གཅིག་ཤོས་སུ་བསྒྱུར་ཆོག་པའི་སྐབས་ཡོད་མོད་ཀྱང༌། དབུ་མ་རང་རྒྱུད་པ་ལྟར་ན་དེ་གཉིས་ཤིན་ཏུ་མི་འདྲ་བས་དོན་གཅིག་པར་བྱེད་མི་རུང་བ་ལྟ་བུ་ཡང་མང་བས། ལེགས་པར་དཔྱད་ནས་རང་རང་གི་ལུགས་ལྟར་བསྒྱུར་ཤེས་དགོས་སོ། །གཞན་ཡང་བདག་མེད་དང་བདེན་མེད་གཉིས་ཀྱང་དབུ་མ་པ་ལྟར་ན་འགངས་འདྲ་ན་ཡང༌། གྲུབ་མཐའ་འོག་མའི་སྐབས་སུ་ཆོས་ཐམས་ཅད་བདག་མེད་པར་ཁས་ལེན་ཀྱང་བདེན་མེད་དུ་ཁས་མི་ལེན་པ་སོགས་ཀྱི་ཁྱད་པར་འགངས་ཆེ་བ་རྣམས་ཀྱང་ཕྱེད་དགོས་ཏེ། གཞན་དུ་ན་ཕྱོགས་གཅིག་ལ་དོན་གཅིག་ཏུ་བཤད་པ་མཐོང་བས་སྐབས་ཐམས་ཅད་དུ་དོན་གཅིག་པར་བཟུང་ནས་མ་བརྟག་པར་ཐ་སྙད་ཕན་ཚུན་བསྲེས་ནས་གྲུབ་མཐའ་རྣམས་ཀྱི་མི་འདྲ་བའི་ཁྱད་པར་མཐའ་དག་འཆོལ་བར་འགྱུར་བའི་ཕྱིར་རོ། །གཞན་ཡང༌། གྲུབ་པ། བསྒྲུབས། འགྲུབ་པ། ཞེས་དང༌། བཅོམ། གཞོམ། འཇོམས་ཞེས་པ་ལྟ་བུ་འདས་པ་དང་ད་ལྟ་བ་དང་མ་འོངས་པའི་ཚིག་གི་ཁྱད་པར་རྣམས་དང༌། འདིས་རྙེད་པ་དང༌། འདི་རྙེད་པ་ལྟ་བུ་བྱེད་པ་དང༌། ལས་ཀྱི་སྒྲས་བསྟན་པའི་ཁྱད་པར་དང༌། སངས་རྒྱས་ཁོ་ན་ཡོན་ཏན་དང་ལྡན་ཞེས་དང༌། སངས་རྒྱས་ཡོན་ཏན་དང་ལྡན་པ་ཁོ་ན་ཞེས་པ་ལྟ་བུ་ཁོ་ན་ཞེས་པའི་སྒྲ་ཚིག་གི་གོང་འོག་ཏུ་འཇུག་པའི་ཁྱད་པར་གྱིས་གཞན་ལྡན་རྣམ་གཅོད་དང༌། མི་ལྡན་རྣམ་གཅོད་ཀྱི་ཚིག་ཏུ་འགྱུར་ཚུལ་དང༌། འཕྲལ་བ་ཞེས་པ་བརྡ་གསར་ལ་སོ་སོར་ཕྱེ་བའི་དོན་ལ་འཇུག་ནའང་བརྡ་རྙིང་ལ་དཔྲལ་བའི་སྐད་དོད་ཡིན་པ་ལྟ་བུ་སོགས་མང་དུ་ཡོད་པ་རྣམས་ལེགས་པར་ལྟག་འོག་ལ་བརྟགས་ནས་བསྒྱུར་དགོས་སོ། །གཞན་ཡང་རང་སྐད་ལ་ཚིག་བཅད་དང་ལྷུག་པ་ཁྱད་པར་དང༌། ཚིགས་བཅད་ཀྱང་རྐང་པ་རིང་ཐུང་སྙོམས་པ་སོགས་བོད་སྐད་ཇི་ལྟ་བ་བཞིན་མི་འབྱུང་ནའང་ཚིགས་སུ་བཅད་པ་རྣམས་ནི་སྙན་འཇེབས་དོན་རྫོགས་པ་གོ་སླ་བ་རྐང་པ་རིང་ཐུང་ཀྱང་ཕལ་ཆེར་སྙོམས་པ་བྱ་ཞིང་བསྟོད་པ་དང་གསོལ་འདེབས་ལྟ་བུ་འགའ་ཞིག་ལ་རང་སྐད་ལ་གྲགས་པའི་མགོ་མཚུངས་ཀྱི་རྒྱན་ལྟ་བུ་བྱས་ཀྱང་འགལ་བ་མེད་ལ། གཞུང་ཆེན་མོ་རྣམས་ལ་ནི་དེ་ལྟར་མི་བྱ་སྟེ། གཞན་དུ་ན་ཚིག་ལྷག་མང་དུ་འཇུག་པས་དོན་བསྒྲིབས་པར་འགྱུར་བས་སོ། །གཞན་ཡང་བརྡ་སྦྱོར་གྱི་གཞུང་འདི་དང་གཞན་དག་ཏུ་མི་འབྱུང་བའི་བརྡ་གསར་དུ་སྦྱོར་དགོས་པ་བྱུང་ན་རང་རང་གི་སར་འདོད་པས་རང་དགར་མི་འདོགས་པར་བསྒྱུར་བའི་གྲྭར་གཏུགས་ཏེ་གཞུང་དང་གཏན་ཚིགས་དང་མི་འགལ་བར་བསྒྱུར་བར་བྱའོ། །ཞེས་ལྕང་སྐྱ་རོལ་པའི་རྡོ་རྗེའི་གསུང་ལ་འཕྲི་སྣོན་ཅུང་ཟད་ཀྱིས་བཀོད་དོ། །འི་གསུང་ལ་འཕྲི་སྣོན་ཅུང་ཟད་ཀྱིས་བཀོད་དོ། །)
• Dictionaries/sgom sde tshig mdzod chenmo/1482  + (མཉེན་པོ། (སེམས་ཅན་གྱི་ཁམས་ལ་དགེ་རྩ་སྟོན་པའ … མཉེན་པོ། (སེམས་ཅན་གྱི་ཁམས་ལ་དགེ་རྩ་སྟོན་པའི་ཕྱིར་མཉེན་པོ) འཇམ་པ། (ཐོས་པའི་མོད་ལ་ཡིད་བདེ་བར་བྱེད་པས་གསུང་འཇམ་པ) ཡིད་དུ་འོང་བ། (བརྗོད་བྱའི་དོན་བཟང་བས་ཡིད་འོང) ཡིད་དུ་འཐད་པ། (རྗོད་བྱེད་ཀྱི་ཚིག་བཟང་བས་ཡིད་དུ་འཐད་པ) དག་པ། (འཇིག་རྟེན་ལས་འདས་པ་བླ་ན་མེད་པའི་རྗེས་ལ་ཐོབ་པས་དག་པ) དྲི་མ་མེད་པ། (ཉོན་མོངས་བའི་བག་ཆགས་ཐམས་ཅད་དང་བྲལ་བས་དྲི་མ་མེད་པ་ཞེས་བྱ) གསལ་བ། (ཚིག་དང་ཡི་གེ་སོ་སོར་གྲགས་པ་ཉིད་ཀྱི་ཕྱིར་གསལ་བ) སྙན་ཅིང་འཇེབས་པ། (མུ་སྟེགས་ཅན་བློ་གྲོས་ངན་པ་ཐམས་ཅད་ཀྱི་ལྟ་བ་འཇོམས་པའི་སྟོབས་ཀྱི་ཡོན་ཏན་དང་ལྡན་པའི་ཕྱིར་སྙན་ཅིང་འཇེབས་པ) མཉན་པར་འོས་པ། (སྒྲུབ་པས་ངེས་པར་འབྱུང་བའི་ཕྱིར་མཉན་པར་འོས་པ) མི་ཚུགས་པ། (ཕ་རོལ་གྱི་སྨྲ་བ་པོ་ཐམས་ཅད་ཀྱིས་གཅད་པར་བྱ་བ་མ་ཡིན་པའི་ཕྱིར་མི་ཚུགས་པ) སྙན་པ། (ཡིད་དགའ་བར་བྱེད་པའི་ཕྱིར་སྙན་པ) དུལ་བ། (འདོད་ཆགས་ཀྱི་གཉེན་པོ་བྱེད་པའི་ཕྱིར་དུལ་བ) མི་རྩུབ་པ། (བསླབ་པ་བཅའ་བའི་བདེ་བའི་ཐབས་ཉིད་ཀྱི་ཕྱིར་མི་རྩུབ་པ) མི་རླངས་པ། (དེ་ལས་འདས་པ་ན་ཡང་དག་པར་ངེས་པར་འབྱུང་བ་ཉེ་བར་སྟོན་པ་ཉིད་ཀྱི་ཕྱིར་མི་རླངས་པ) རབ་ཏུ་དུལ་བ། (ཐེག་པ་གསུམ་གྱི་འདུལ་བ་ཉེ་བར་སྟོན་པ་ཉིད་ཀྱི་ཕྱིར་རབ་དུ་དུལ་བ) རྣ་བར་སྙན་པ། (རྣམ་པར་གཡེང་བའི་གཉེན་པོ་ཉིད་ཀྱི་ཕྱིར་རྣ་བར་སྙན་པ) ལུས་ཚིམ་པར་བྱེད་པ། (ཏིང་ངེ་འཛིན་སྐྱེད་པར་བྱེད་པ་ཉིད་ཀྱི་ཕྱིར་ལུས་ཚིམ་བྱེད) སེམས་ཚིམ་པར་བྱེད་པ། (ལྷག་མཐོང་གི་རབ་ཏུ་དགའ་བ་སྐྱེད་པར་བྱེད་པ་ཉིད་ཀྱི་ཕྱིར་སེམས་ཚིམ་བྱེད) སྙིང་དགའ་བར་བྱེད་པ། (ཐེ་ཚོམ་གཅོད་པར་བྱེད་པ་ཉིད་ཀྱི་ཕྱིར་སྙིང་དགའ་བར་བྱེད་པ) དགའ་བདེ་སྐྱེད་པ། (ལོག་པར་ངེས་པ་སེལ་བའི་ཕྱིར་དགའ་བདེ་སྐྱེད་པ) ཡོངས་སུ་གདུང་བ་མེད་པ། (སྒྲུབ་པ་པོ་འགྱོད་པ་མེད་པའི་ཕྱིར་ཡོངས་སུ་གདུང་བ་མེད་པ) ཀུན་ཏུ་ཤེས་པར་བྱ་བ། (ཐོས་པ་ལས་བྱུང་བའི་ཤེས་པ་ཕུན་སུམ་ཚོགས་པའི་རྟེན་ཉིད་ཀྱི་ཕྱིར་ཀུན་ཤེས་བྱ) རྣམ་པར་རིག་པར་བྱ་བ། (བསམས་པ་ལས་བྱུང་བའི་ཤེས་པ་ཕུན་སུམ་ཚོགས་པའི་རྟེན་ཉིད་ཀྱི་ཕྱིར་རྣམ་པར་རིག་བྱ) རྣམ་པར་གསལ་བ། (སློབ་དཔོན་གྱིས་དཔེ་མཁྱུད་མེད་པར་ཆོས་སྟོན་པའི་ཕྱིར་རྣམ་གསལ་བ) དགའ་བར་བྱ་བ། (རང་གི་དོན་རྗེས་སུ་ཐོབ་པ་རྣམས་དགའ་བར་བྱེད་པ་ཉིད་ཀྱི་ཕྱིར་དགའ་བར་བྱ་བ) མངོན་པར་དགའ་བར་འོས་པ། (རང་གི་དོན་རྗེས་སུ་ཐོབ་པ་རྣམས་ཀྱིས་སྤྲོ་བར་བྱ་བ་ཉིད་ཀྱི་ཕྱིར་མངོན་པར་དགའ་བར་འོས་པ) ཀུན་ཏུ་ཤེས་པར་བྱ་བ་གཞུག་ཏུ་འོས་པ། (བསམ་གྱིས་མི་ཁྱབ་པའི་ཆོས་ཡང་དག་པར་སྟོན་པ་ཉིད་ཀྱི་ཕྱིར་ཀུན་ཤེས་པར་བྱ་བ་གཞུག་ཏུ་འོས་པ) རྣམ་པར་རིག་པར་བྱ་བར་གཞུག་ཏུ་འོས་པ། (བསམ་པར་བྱ་བའི་ཆོས་ཡང་དག་པར་སྟོན་པ་ཉིད་ཀྱི་ཕྱིར་རྣམ་པར་རིག་བྱར་གཞུག་ཏུ་འོས་པ) རིགས་པ། (ཚད་མ་དང་མི་འགལ་བའི་ཕྱིར་རིགས་པ) འབྲེལ་བ། (ཇི་ལྟར་འོས་པར་གདུལ་བྱ་ལ་སྟོན་པའི་ཕྱིར་འབྲེལ་བ) ཟློས་པའི་སྐྱོན་མེད་པ། (འབྲས་བུ་མེད་པ་མ་ཡིན་པའི་ཕྱིར་ཟློས་སྐྱོན་མེད་པ སེང་གེའི་སྒྲ་ཡི་ཤུགས་ཅན། མུ་སྟེགས་ཀྱི་ཚོགས་ཐམས་ཅད་སྐྲག་པར་བྱེད་པའི་ཕྱིར་དེ་སྐད་ཅེས་བྱ) གླང་པོ་ཆེའི་སྒྲ་སྐད། (རྒྱ་ཆེ་བ་ཉིད་ཀྱི་ཕྱིར་གླང་པོ་ཆེའི་སྒྲ་སྐད) འབྲུག་གི་སྒྲ་སྐད། (ཟབ་པ་ཉིད་ཀྱི་ཕྱིར་འབྲུག་གི་སྒྲ་སྐད) ཀླུའི་དབང་པོའི་སྒྲ་དབྱངས། (གཟུང་བར་འོས་པ་ཉིད་ཀྱི་ཕྱིར་ཀླུའི་དབང་པོའི་སྒྲ་དབྱངས) དྲི་ཟའི་གླུ་དབྱངས། (སྙན་པ་ཉིད་ཀྱི་ཕྱིར་དྲི་ཟའི་གླུ་དབྱངས) ཀ་ལ་པིངྐའི་སྒྲ་དབྱངས། (རྣོ་བ་དང་འཇེབས་པའི་ཕྱིར་ཀ་ལ་པིངྐའི་སྒྲ་དབྱངས) ཚངས་པའི་སྒྲ་དབྱངས་བསྒྲགས་པ། (ཐག་རིང་པོར་གྲགས་པ་ཉིད་ཀྱི་ཕྱིར་ཚངས་པའི་སྒྲ་དབྱངས་བསྒྲགས་པ) ཤང་ཤང་ཏེའུའི་སྒྲ་དབྱངས་གྲགས་པ། (གྲུབ་པ་ཐམས་ཅད་ལ་བཀྲ་ཤིས་པ་ཉིད་ཀྱིས་སྔོན་དུ་འགྲོ་བ་ཉིད་ཀྱི་ཕྱིར་ཤང་ཤང་ཏེའུའི་སྒྲ་དབྱངས་གྲགས་པ) ལྷ་ཡི་དབང་པོའི་དབྱངས་ལྟར་སྙན་པ། (འདའ་བར་བྱ་བ་མ་ཡིན་པའི་ཕྱིར་ལྷའི་དབང་པོའི་དབྱངས་ལྟར་སྙན་པ) རྔའི་སྒྲ། (རྔའི་སྒྲ་ནི་བདུད་དང་གླགས་འཚོལ་བ་ཐམས་ཅད་ལས་རྒྱལ་བའི་སྔོན་དུ་འགྲཽ་བ་ཉིད་ཀྱི་ཕྱིར་དེ་སྐད་ཅེས་བྱ) མ་ཁེངས་པ། (བསྟོད་པས་ཀུན་ནས་ཉོན་མོངས་པ་མེད་པའི་ཕྱིར་མ་ཁེངས་པ) མི་དམའ་བ། (སྨད་པས་ཀུན་ནས་ཉོན་མོངས་པ་མེད་པའི་ཕྱིར་མི་དམའ་བ) སྒྲ་ཐམས་ཅད་ཀྱི་རྗེས་སུ་ཞུགས་པ། (ལུང་སྟོན་པ་ཐམས་ཅད་ལ་མཚན་ཉིད་རྣམ་པ་ཐམས་ཅད་ལ་རྗེས་སུ་ཞུགས་པ་ཉིད་ཀྱི་ཕྱིར་སྒྲ་ཐམས་ཅད་ཀྱི་རྗེས་སུ་ཞུགས་པ) སྒྲ་ཟུར་མ་ཆག་པ། (དྲན་པ་ཉམས་པས་མི་གསུང་བའི་ཕྱིར་སྒྲ་ཟུར་མ་ཆག་པ) མ་ཚང་བ་མེད་པ། (གདུལ་བྱའི་བྱ་བ་རྣམས་ལ་དུས་ཐམས་ཅད་དུ་ཉེ་བར་གནས་པའི་ཕྱིར་མ་ཚང་བ་མེད་པ) མ་ཞུམ་པ། (རྙེད་པ་དང་བཀུར་སྟི་ལ་མི་བརྟེན་པའི་ཕྱིར་མ་ཞུམ་པ) མི་ཞན་པ། (འཇིགས་པ་བྲལ་བའི་ཕྱིར་མི་ཞན་པ) རབ་ཏུ་དགའ་བ། (མི་སྐྱོ་བའི་ཕྱིར་རབ་ཏུ་དགའ་བ) ཁྱབ་པ། (རིག་པའི་གནས་ཐམས་ཅད་ལ་མཁས་པ་དང་ལྡན་པའི་ཕྱིར་ཁྱབ་པ ཆུབ་པ། སེམས་ཅན་རྣམས་ཀྱི་དོན་ཐམས་ཅད་ཕུན་ཚོགས་པར་བྱེད་པའི་ཕྱིར་ཆུབ་པ) རྒྱུན་ཆགས་པ། (རྒྱུན་མི་འཆད་པ་ཉིད་ཀྱི་ཕྱིར་རྒྱུན་ཆགས) འབྲེལ་བ། (རྣམ་པ་སྣ་ཚོགས་སུ་ཉེ་བར་གནས་པ་ཉིད་ཀྱི་ཕྱིར་འབྲེལ་བ) སྒྲ་ཐམས་ཅད་རྫོགས་པར་བྱེད་པ། (སྒྲ་གཅིག་ལས་སྒྲའི་རྣམ་པར་རིག་པ་དུ་མ་ཉེ་བར་གནས་པའི་ཕྱིར་སྒྲ་ཐམས་ཅད་རྫོགས་པར་བྱེད་པ) དབང་པོ་ཐམས་ཅད་ཚིམ་པར་བྱེད་པ། (གཅིག་ལས་དོན་དུ་མའི་རྣམ་པར་རིག་པ་ཉེ་བར་གནས་པའི་ཕྱིར་དབང་པོ་ཐམས་ཅད་ཚིམ་པར་བྱེད་པ) མ་སྨད་པ། (དམ་བཅའ་བ་ཇི་ལྟ་བ་བཞིན་གནས་པའི་ཕྱིར་མ་སྨད་པ) མི་འགྱུར་བ། (དུས་ལ་བབས་པར་རབ་ཏུ་སྦྱོར་བའི་ཕྱིར་མི་འགྱུར་བ) མ་བརྟབས་པ། (རྟབ་རྟབ་པོ་སྟེ་བྲེལ་ཟིང་ཚབ་ཚུབ་ཏུ་མི་གསུང་བའི་ཕྱིར་མ་བརྟབས་པ) ཁོར་ཡུག་ཀུན་ཏུ་གྲགས་པ། (རིང་བ་དང་ཉེ་འཁོར་དུ་མཚུངས་པར་ཐོས་པ་ཉིད་ཀྱི་ཕྱིར་འཁོར་ཀུན་ཏུ་གྲགས་པ) རྣམ་པ་ཐམས་ཅད་ཀྱི་མཆོག་དང་ལྡན་པ། (འཇིག་རྟེན་པའི་དོན་ཐམས་ཅད་མཆོག་དང་ལྡན་པ) ཐུབ་པ་དགོངས་རྒྱན་ལ་འཕྲི་སྣོན་ཅུང་ཟད་བགྱིས་ཏེ་བཀོད། རྒྱ་གར་གྱི་སློབ་དཔོན་ལེགས་ལྡན་འབྱེད་ཀྱི་རྟོག་གེ་འབར་བར་ཡང་ཚིག་ཟུར་རེ་གཉིས་མ་གཏོགས་དེ་དང་འདྲ་བར་གསུངས་སོ། །བུ་ཆོས་འབྱུང་དང༌། ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་འགྲེལ་དུའང་དེ་ལྟར་གསལ་ལོ། །འི་ཤེས་བྱ་མཛོད་འགྲེལ་དུའང་དེ་ལྟར་གསལ་ལོ། །)
• Dictionaries/sgom sde tshig mdzod chenmo/1483  + (མདོ་དཀོན་མཆོག་བརྩེགས་སུ་གསུངས་པའི་གསུང་དབྱ … མདོ་དཀོན་མཆོག་བརྩེགས་སུ་གསུངས་པའི་གསུང་དབྱངས་ཡན་ལག་དྲུག་ཅུ་རྩ་བཞི་ནི། མཉེན་འཇམ་ཡིད་འོང་ཡིད་དུ་འཐད། །དག་ཞིང་དྲི་མེད་འོད་གསལ་འཇེབས། །མཉན་འོས་མི་ཚུགས་སྙན་ཞིང་དུལ། །མི་རྩུབ་མི་བརླང་རབ་ཏུ་དུལ། །རྣར་སྙན་ལུས་དང་སེམས་ཚིམ་བྱེད།། སྙིང་དགའ་བྱེད་དང་དགའ་བདེ་སྐྱེད། །ཡོངས་སུ་མི་གདུང་ཀུན་ཤེས་བྱ། །རྣམ་པར་རིག་བྱ་རྣམ་པར་གསལ། །དགའ་དང་མངོན་པར་དགའ་བར་བྱེད། །ཀུན་ཏུ་ཤེས་བྱེད་རྣམ་རིག་བྱེད། །རིགས་པ་དང་འབྲེལ་ཟློས་སྐྱོན་མེད། །སེང་གེའི་ང་རོའི་ཤུགས་དང་ལྡན། །གླང་ཆེན་སྒྲ་དང་འབྲུག་གི་དབྱངས། །ཀླུ་དང་དྲི་ཟ་ཀ་པིང་དབྱངས། །ཚངས་དབྱངས་ཤང་ཤང་ཏེའུའི་དབྱངས། །ལྷ་དབང་དབྱངས་དང་རྔ་ཡི་སྒྲ། །མ་ཁེངས་པ་དང་མི་དམའ་དང༌། །སྒྲ་རྣམས་ཀུན་གྱི་རྗེས་སུ་ཞུགས། །ཚིག་ཟུར་མ་ཆད་ལྡབ་ལྡིབ་མེད། །མ་ཚང་མེད་ཅིང་མ་ཞུམ་དང༌། །མི་ཞན་རབ་དགའ་ཁྱབ་པ་དང༌། །ཆུབ་དང་རྒྱུན་ཆགས་འབྲེལ་བ་དང༌། །སྒྲ་རྣམས་ཐམས་ཅད་རྫོགས་པར་བྱེད། །དབང་པོ་ཐམས་ཅད་ཚིམ་པར་བྱེད། །མ་སྨད་མི་འགྱུར་མ་བརྟབས་དང༌། །འཁོར་གྱི་དཀྱིལ་འཁོར་ཀུན་ཏུ་གྲགས། །འདོད་ཆགས་ཞི་བྱེད་ཞེ་སྡང་འདུལ། །གཏི་མུག་སེལ་བྱེད་བདུད་ཚར་གཅོད། །རྣམ་པ་ཀུན་མཆོག་ལྡན་པ་སྟེ།། གསུང་དབྱངས་དྲུག་ཅུ་རྩ་བཞི་འོ། །ཞེས་གསུངས། རྗེའི་འཇམ་དབྱངས་བསྟོད་སྤྲིན་རྒྱ་མཚོ་ལས་ཀྱང༌། གསུང་མཉེན་འཇམ་ཞིང་ཡིད་འོད་ཡིད་དུ་འཐད། །དག་ཅིང་དི་མེད་འོད་གསལ་སྙན་ལ་འཇེབས། །མཉན་པར་འོས་ཤིང་མི་ཚུགས་སྙན་ཞིང་དུལ། །མི་རྩུབ་མི་བརླང་རང་དུལ་རྣ་བར་སྙན། །ལུས་སེམས་སྙིང་ནི་ཚིམ་བྱེད་དགའ་བདེ་སྐྱེད། །གདུང་མེད་ཀུན་ཏུ་ཤེས་བྱ་རྣམ་རིག་བྱ། །རྣམ་གསལ་དགའ་བྱེད་མངོན་པར་དགའ་བྱེད་ཅིང༌། །ཀུན་ཤེས་བྱེད་ཅིང་རྣམ་པར་རིག་པར་བྱེད། །རིགས་ཤིང་འབྲེལ་ལ་ཟློས་པའི་སྐྱོན་དང་བྲལ། །སེང་གེ་གླང་ཆེན་འབྲུག་དང་ལག་འགྲོའི་དབང༌། །དྲི་ཟ་ཀ་ལ་པིང་ཀ་ཚངས་པ་དང༌། །ཤང་ཤང་ཏེའུ་དབང་པོའི་དབྱངས་ལྟར་སྙན། །རྔ་སྒྲ་མ་ཁེངས་མི་དམའ་ཀུན་རྗེས་ཞུགས། །ཚིག་ཟུར་ཕྱིན་ཅིང་མ་ཚང་མེད་པ་དང༌། །མ་ཞུམ་མི་ཞན་རབ་དགའ་ཁྱབ་ཅིང་ཆུབ། །རྒྱུན་ཆགས་འབྲེལ་ཞིང་སྒྲ་ཀུན་རྫོགས་པར་བྱེད། །དབང་པོ་ཀུན་ཚིམ་མ་སྨད་མི་འགྱུར་ལ། །མ་བརྟགས་འཁོར་གྱི་དཀྱིལ་འཁོར་ཡོངས་སུ་གྲགས། །དུག་གསུམ་སེལ་བྱེད་བདུད་དཔུང་ཚར་གཅོད་ཅིང༌། །རྣམ་པ་ཀུན་གྱི་མཆོག་དང་ལྡན་པར་འབྱུང༌། །དེ་ལྟར་བཞི་ཡིས་ལྷག་པའི་དྲུག་ཅུའི་དབྱངས། །ཞེས་གསུངས་སོ། །སྒྲ་བཤད་ནི། ཡན་ལག་ཅེས་པའི་ཡོན་ཏན་ལའང་འཇུག་པས། གསུང་གི་ཡོན་ཏན་དྲུག་ཅུ་རྩ་བཞི་ཞེས་པའི་དོན་ནོ། །འདིའི་སྒྲུབ་བྱེད་ཡན་ལག་ཅེས་པའི་དོན་དུ་གཟིགས།ིའི་སྒྲུབ་བྱེད་ཡན་ལག་ཅེས་པའི་དོན་དུ་གཟིགས།)
• Dictionaries/sgom sde tshig mdzod chenmo/6301  + (འཆད་རྩོད་རྩོམ་གསུམ། མཁས་དབང་ཚེ་ཏན་ཞབས་དྲུང་གིས། འཆད་པ་སྐལ་བཟང་ཐོས་པའི་བང་མཛོད་འཛིན། །རྩོད་པ་ཕྲ་ཞིབ་རིགས་པའི་རྒྱ་མཚོ་ཡངས། །རྩོམ་པ་དབྱངས་ཅན་པི་ཝང་འཇེབས་ཤིང་སྙན། །མཁས་པའི་བྱ་བ་རྣམ་གསུམ་ཨ་ཧོ་རྨད། །ཅེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/9076  + (རལ་གྲིའི་འཐབ་མོ་བྱེད་པའི་ཕྱིར་གཡུལ་དུ་སླེབ … རལ་གྲིའི་འཐབ་མོ་བྱེད་པའི་ཕྱིར་གཡུལ་དུ་སླེབས་པ་ཞེས་པའི་དོན། དེ་ལ་རལ་ག་འགྱེད་པའི་ཕྱིར་གཡུལ་དུ་སླེབས་པ་ཞེས་ཀྱང་བྱའོ། །དེ་ཡང་རལ་ག་ནི་རལ་གྲིའི་འཐབ་མོའི་མིང་ཡིན་ལ། རལ་གར་ཞེས་པའི་ར་སྒྲ་ནི་དགོས་ཆེད་ཀྱི་སྒྲ་དང་། ལྷགས་པ་ནི་སླེབས་པའི་དོན་ནོ། །རྗེའི་ལམ་རིམ་ཆེན་མོ་ལས། དེ་ལ་སྤང་བྱ་སྤོང་བའི་བརྩོན་འགྲུས་རྩོམ་པའི་ཚེ་ཇི་ལྟར་བྱ་བ་ནི། འཐབ་རྙིང་དགྲ་དང་ལྷན་ཅིག་ཏུ། །གཡུལ་ངོར་རལ་གར་ལྷགས་པ་བཞིན། །ཉོན་མོངས་མཚོན་ལས་བཟུར་བྱ་ཞིང༌། །ཉོན་མོངས་དགྲ་རྣམས་འཇེབས་པར་བཏང༌། །ཅེས་གསུངས་པ་ལྟར། དཔེར་ན། འཐབ་མོ་བ་རྙིང་པ། ལས་དེ་ལ་གོམས་པའི་མཁས་པ་ནི་དགྲ་དང་རལ་ག་སོགས་འགྱེད་པའི་ཚེ་ཕ་རོལ་འཇོམས་པ་གཅིག་པུའི་རྩིས་མི་བྱེད་ཀྱི། རང་ལ་ཚུར་མཚོན་གྱི་གནོད་པ་འབབ་པ་ལས་བཟུར་བ་ལ་མཁས་པ་དང༌། ཕར་ལ་འཇོམས་པ་གཉིས་ཀའི་ལས་བསྒྲུབ་པ་བཞིན་དུ། ཞེས་གསུངས་པ་ལྟར་རོ། །ལས་བསྒྲུབ་པ་བཞིན་དུ། ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/8115  + (ལེགས་པར་བཏབ། སྤྱོད་འཇུག་ལས། འཐབ་རྙིང་དགྲ་དང་ལྷན་ཅིག་ཏུ། །གཡུལ་ངོར་རལ་གར་ལྷགས་པ་བཞིན། །ཉོན་མོངས་མཚོན་ལས་གཟུར་བྱ་ཞིང༌། །ཉོན་མོངས་དགྲ་རྣམས་འཇེབས་པར་བཏབ། །སྤར་གསར་ཕལ་ཆེར་དུ། ཉོན་མོངས་དགྲ་རྣམས་འཇེབས་པར་བརྟག །ཅེས་ཀྱང་འབྱུང་ངོ་། །)
• Dictionaries/sgom sde tshig mdzod chenmo/8116  + (ལེགས་པར་བརྟག འཇེབས་པར་བཏབ་ལ་གཟིགས།)
• Dictionaries/sgom sde tshig mdzod chenmo/10016  +