Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/7850  + (རྩེ་འགག་ཏུ་རྩེ་མགྲོན་གྱིས་༸གོང་ས་༸སྐྱབས་མག … རྩེ་འགག་ཏུ་རྩེ་མགྲོན་གྱིས་༸གོང་ས་༸སྐྱབས་མགོན་ཆེན་པོའི་ཉིན་རེའི་མཛད་པ་ཡིག་ཐོག་བཀོད་པའི་མཛད་དེབ་ཆེན་མོ་ཞེས་པའི་དེབ་ཆེན་མང་པོ་ཡོད་པ་དེ་དག་གི་བསྡུས་མིང་ཡིན། ཞེས་སྣར་སྐྱིད་ངག་དབང་དོན་གྲུབ་ལགས་ཀྱིས་བརྩམས་པའི་༸རྒྱལ་མཆོག་སྐུ་འཕྲེང་བཅུ་གསུམ་པ་ཆེན་པོའི་མཛད་རྣམ་ལས་གསུངས་པ་ལྟར་བཀོད།ུམ་པ་ཆེན་པོའི་མཛད་རྣམ་ལས་གསུངས་པ་ལྟར་བཀོད།)
• Dictionaries/sgom sde tshig mdzod chenmo/12958  + (ལམ་རིམ་བསྒོམ་པའི་སྔོན་འགྲོའི་སྦྱོར་བའི་ཆོས … ལམ་རིམ་བསྒོམ་པའི་སྔོན་འགྲོའི་སྦྱོར་བའི་ཆོས་དྲུག་ནི། དང་པོ་གནས་ཁང་བྱི་དོར་བྱས་ལ་སྐུ་གསུང་ཐུགས་ཀྱི་རྟེན་དགྲམ་པ། (འདུལ་བ་ལུང་གཞི་གླེགས་བམ་༼ག་པ༽ལས། ཕྱག་དར་བྱེད་པ་ལ་ནི་ཕན་ཡོན་ལྔ་ཡོད་དེ། འདི་ལྟ་སྟེ། བདག་ཉིད་སེམས་དང་བར་འགྱུར་བ་དང༌། གཞན་སེམས་དང་བར་འགྱུར་བ་དང༌། ལྷ་རྣམས་ཡིད་དགའ་བར་འགྱུར་བ་དང༌། མཛེས་པར་འགྱུར་བའི་དགེ་བའི་རྩ་བ་སོགས་པ་དང༌། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་སུ་སྐྱེ་བར་འགྱུར་རོ། །ཞེས་གསུངས་སོ) གཉིས་པ་མཆོད་པ་གཡོ་མེད་པར་བཙལ་ལ་བཀོད་པ་མཛེས་པར་བཤམ་པ། གསུམ་པ་སྟན་བདེ་བ་ལ་ལུས་རྣམ་སྣང་གི་ཆོས་བདུན་ལྡན་དུ་འཁོད་དེ་དགེ་སེམས་ཁྱད་པར་ཅན་གྱི་ངང་ནས་སྐྱབས་སེམས་སོགས་བྱ་བ། བཞི་པ་ཚོགས་ཞིང་གསལ་འདེབས་པ། ལྔ་པ་བསག་སྦྱང་གི་གནད་འདུས་པ་ཡན་ལག་བདུན་པ་མཎྜལ་དང་བཅས་པ་འབུལ་བ། དྲུག་པ་གསོལ་བ་འདེབས་པ་མན་ངག་བཞིན་རྒྱུད་དང་འདྲེས་ངེས་སུ་བྱ་བ་དང་དྲུག་གོ།ཞིན་རྒྱུད་དང་འདྲེས་ངེས་སུ་བྱ་བ་དང་དྲུག་གོ།)
• Dictionaries/sgom sde tshig mdzod chenmo/4570  + (ལུས་ངག་གི་གུས་པའི་རྣམ་འགྱུར། འཇིག་རྟེན་གྱི … ལུས་ངག་གི་གུས་པའི་རྣམ་འགྱུར། འཇིག་རྟེན་གྱི་ཁ་དངགས་སུ། ཡ་རབས་ཕྱག་དང་ཞེ་ས་ཆེ། །མ་རབས་གཉིད་དང་གྲོད་པ་ཆེ། །ཞེས་པ་ལྟར་རོ། །དེ་ཡང་ཕྱག་ནི་ཕྱག་འཚལ་བ་སྟེ་ལུས་ཀྱི་གུད་འདུད། ཞེ་ས་ནི་ངག་གི་རྣམ་འགྱུར་བཟང་པོའོ། །གཞོན་ནུ་ཟླ་མེད་ཀྱི་གཏམ་རྒྱུད་ལས། གཞན་དག་ཕྱག་དང་ཞེ་སར་བཅས་པ་ཡིས། །ལེགས་བཏུད་སྐྱབས་སུ་འཆའ་བའི་རྣམ་འགྱུར་སྟོན། །ཞེས་གསུངས་པ་ལྟར་རོ། །བའི་རྣམ་འགྱུར་སྟོན། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/3696  + (ལུས་པོར་ཆུ་བསགས་པའི་ནད་ཅིག ཆུ་ནད་ཅེས་བྱ། ད … ལུས་པོར་ཆུ་བསགས་པའི་ནད་ཅིག ཆུ་ནད་ཅེས་བྱ། དབྱིན་སྐད་དུ་dropsy/edema ཟེར། རྒྱ་ཆེར་རོལ་པའི་མདོ་ལས། (རྒྱལ་བུ་གཞོན་ནུ་དོན་གྲུབ) དེས་ལམ་ཀ་ན་མི་ནད་ཀྱིས་ཉེན་པ། དམུ་རྫིང་ཅན། ལུས་ཉམ་ཆུང་བ། རང་གི་གཅིན་སྐྱག་ཏུ་བྱིང་བ། མགོན་མེད་པ། སྐྱབས་མེད་པ། ཤིན་ཏུ་ཤ་ཐང་བར་དབུགས་དབྱུང་ཞིང་རྔུབ་དགོས་པ་ཞིག་མཐོང་ངོ༌། །ཞེས་གསུངས་པ་ལྟར་རོ། །གོས་པ་ཞིག་མཐོང་ངོ༌། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/9712  + (ལོ་ཙཱ་བ་བློ་ལྡན་ཤེས་རབ་ནི། རྔོག་གི་རུས་ཀྱི … ལོ་ཙཱ་བ་བློ་ལྡན་ཤེས་རབ་ནི། རྔོག་གི་རུས་ཀྱི་མིང་ཡིན། བོད་རབ་བྱུང་དང་པོའི་ས་ཕག་སྤྱི་ལོ་༡༠༥༩ལོར་སྐུ་འཁྲུངས། རྒྱལ་བས་ལུང་བསྟན་པར་ཡང་གྲགས་ཤིང་། ཇོ་བོ་རྗེའི་སློབ་མ་རྔོག་ལེགས་པའི་ཤེས་རབ་ཀྱི་དབོན་ནམ་ཚ་བོ་ཡིན་ཞིང་། དེ་ཡང་ལོ་ཙཱ་བ་ལེགས་པའི་ཤེས་རབ་ལ་གཅུང་པོ་ཆེ་ཆུང་བཞི་ཡོད་པའི་ནང་ནས་གསུམ་པ་ཆོས་སྐྱབས་ཀྱི་སྲས་ཡིན། ཤེས་རབ་ཀྱི་རྩ་ཕུལ་དུ་བྱུང་། ཁ་ཆེར་ལོ་བཅུ་བདུན་ཙམ་བཞུགས་ནས་མདོ་སྔགས་ལ་གསན་པ་རྒྱ་ཆེར་མཛད། འགྱུར་མཛད་པ་ཡང་ཤིན་ཏུ་མང་ཞིང་དག་ཅིང་དོན་བཟང་བས་ཀུན་གྱིས་ཚད་མར་བྱེད། བཤད་གྲྭ་མང་དུ་མཛད་པས་སྲས་ཀྱི་ཐུ་བོ་བཞི་སོགས་སློབ་མ་ཉིས་ཁྲི་སུམ་སྟོང་བྱུང་བར་གྲགས། གསང་ཕུའི་གདན་སར་སེང་ཆེན་བརྒྱད་སོགས་རིམ་པར་བྱོན་ཅིང་། ཕྱིས་གླིང་སྟོད་ཀྱི་གདན་རབས་ཀྱང་བྱོན་ཏེ་བཤད་གྲྭའི་ཆུ་འགོ་ཡོངས་གྲགས་སུ་གྱུར། འདིའི་རྣམ་ཐར་ཅུང་ཟད་རྒྱས་པ་ཉི་ཐང་སྤྲུལ་སྐུ་ངག་དབང་གཞོན་ནུས་མཛད་པའི་གསང་ཕུའི་དཀར་ཆག་ཏུ་ཡོད་པར་བཤད། རྔོག་ལོ་ཆེན་པོ། རྔོག་ལོ་བསྟན་པའི་ཉི་མ། རྔོག་ལོ་ཙཱ་བ་བློ་ལྡན་ཤེས་རབ། ལོ་ཙཱ་བ་བློ་ལྡན་ཤེས་རབ་རྣམས་མཚན་གྱི་རྣམ་གྲངས་ཡིན།་བློ་ལྡན་ཤེས་རབ་རྣམས་མཚན་གྱི་རྣམ་གྲངས་ཡིན།)
• Dictionaries/sgom sde tshig mdzod chenmo/10884  + (ལྕང་སྐྱ་རིན་པོ་ཆེ་སྐུ་གོང་མ་ངག་དབང་བློ་བཟང … ལྕང་སྐྱ་རིན་པོ་ཆེ་སྐུ་གོང་མ་ངག་དབང་བློ་བཟང་ཆོས་ལྡན་དཔལ་བཟང་པོའི་གསུང་འབུམ་གྱི་དཀར་ཆག་ནི། ༼ ཀ་པར ༽སྐྱབས་འགྲོའི་ཁྲིད་ཡན་ལག་བདུན་པ། ལམ་རིམ་ས་བཅད། དེ་ཡི་དམིགས་རིམ་བསྡུས་པ། ལམ་རིམ་ཞལ་ཤེས། ལམ་རིམ་གྱི་ཁྲིད་ཡིག་བློ་སྦྱོང་བསྙན་བརྒྱུད་ཆེན་མོའི་ཁྲིད་ཡིག གླང་ཐང་པའི་ཚིགས་རྐང་བརྒྱད་མའི་ཁྲིད། ཞི་གནས་སྒོམ་ཚུལ། ཕྱག་ཆེན་ཁྲིད། གཅོད་ཀྱི་མན་ངག་བདེ་སྨོན་དམིགས་རིམ། ཡང་བདེ་ཅན་མྱུར་ལམ། བྱང་ཆུབ་ལམ་རིམ་ཆེན་མོ་ཚིགས་བཅད་དུ་བསྡེབས་པ། ༼ ཁ་པར ༽ སྐྱབས་འགྲོའི་ཁྲིད། རྡོར་སེམས་སྒོམ་བཟླས། སྔགས་ཀྱི་རྩ་ལྟུང་དང་སྡོམ་པོའི་ངོས་བཟུང་བཤགས་པ་བྱ་ཚུལ། གསང་འདུས་བསྐྱེད་རིམ་གསང་ཆེན་མྱུར་ལམ། ཡང་འདུས་པའི་བསྐྱེད་རིམ་ཉི་མའི་འོད་ཟེར། འདུས་པའི་རྫོགས་རིམ་རྒྱུད་དོན་སྙིང་པོ། ཡང་འདུས་པའི་རྫོགས་རིམ་བློ་བཟང་དགོངས་རྒྱན། འདུས་པའི་རྫོགས་རིམ་གྱི་གེགས་སེལ་བོགས་འདོན་མན་ངག་བདེ་མཆོག་དྲིལ་བུ་ལུས་དཀྱིལ། བསྐྱེད་རིམ་སྒོམ་ཚུལ་མདོར་བསྡུས། དྲིལ་བུ་ལུས་དཀྱིལ་རྫོགས་རིམ་བདེ་ཆེན་མྱུར་ལམ། དུས་དགྲའི་དབང་པོའི་སྒྲུབ་ཐབས་ཞལ་ཤེས། འཇིགས་བྱེད་ཀྱི་རྫོགས་རིམ། ནཱ་རོ་ཆོས་དྲུག་གི་གཏུམ་མོའི་དམིགས་རིམ། སྙིང་པོ་དོན་གསུམ་ཁྲིད་ཡིག་ག་བུར་ཆུ་རྒྱུན། ཡང་དེ་ཡི་ཁྲིད་ཡིག་བདུད་རྩིའི་ཆུ་རྒྱུན། འཕོ་ཁྲིད་མཁའ་སྤྱོད་མྱུར་ལམ། ཚེ་ཁྲིད་འཆི་མེད་དགའ་སྟོན། ཚེ་སྒྲུབ་བདུད་རྩིའི་ཟིལ་མངར། འཇིགས་བྱེད་བསྙེན་ཡིག་དངོས་གྲུབ་རྒྱ་མཚོ། རྡོ་རྗེ་འཕྲེང་བའི་དབང་བསྐུར་ཚུལ་བློ་གསལ་མགུལ་རྒྱན་ནོར་བུའི་འཕྲེང་བ། འཕྲེང་བ་གཉིས་ཀྱི་མཐའ་དཔྱོད་འཕྲུལ་གྱི་ལྡེ་མིག་སྔགས་ཀྱི་དམ་ཚིག་རྣམ་གཞག་རྩ་རླུང་གི་ཐིག་ལེའི་རྣམ་དག་འདུས་པའི་ཟབ་གནད་གཅེས་བསྡུས། ༼ ག་པར ༽གསང་འདུས་ཆོ་ག་དང་གསང་འདུས་ཀྱི་རས་བྲིས་དང་བསམ་གཏན་གྱི་སྒྲུབ་མཆོད་བྱ་ཚུལ་དངོས་གྲུབ་ཆར་འབེབས། བདེ་མཆོག་ལཱུ་ཧི་པའི་བདག་བསྐྱེད་མདུན་བསྐྱེད་སྒྲུབ་མཆོད་ཕྱི་རོལ་མཆོད་པ་ལག་མཆོད་དང་བཅས་པ་བདེ་ཆེན་ཆར་འབེབས། བདེ་མཆོག་ལུས་དཀྱིལ་མངོན་རྟོགས་བདེ་ཆེན་རབ་འཕེལ། འཇིགས་བྱེད་ཆོ་ག་འཇམ་དཔལ་དགོངས་རྒྱན། འཇིགས་བྱེད་དཔའ་བོ་གཅིག་པའི་ཆོ་ག་བདུད་ལས་རྒྱལ་བའི་རྒྱལ་མཚན། བླ་མའི་རྣལ་འབྱོར་གསོལ་འདེབས་སོགས་ལེ་ཚན་སོ་དྲུག་གཏོང་ལེན་གྱིས་དམིགས་པ་བྱ་ཚུལ། མི་ཏྲ་བརྒྱ་རྩའི་ནང་ཚན་ཁ་འབར་མའི་གཟུངས་ཀྱི་རྗེས་འབྲང་ཐུབ་པ་གཙོ་འཁོར་ལྔའི་སྒྲུབ་ཐབས། ཚེ་དཔག་དཀར་པོ། སྒྲོལ་དཀར། ལྷ་མོ་ཀུ་རུ་ཀུ་ལེ་བཅས་ཀྱི་སྒྲུབ་ཐབས། ཐོར་སྲུང་ལྷ་མོ་སྣ་ཚོགས་ཡུམ་གྱི་རྗེས་གནང་བྱ་ཚུལ། མ་ཎི་རིལ་སྒྲུབ་ཁྱེར་བདེ། འཇམ་དཔལ་མཚན་བརྗོད་ཁྱད་ཆོས་དང་ཕན་ཡོན། རྟ་མགྲིན་གསང་སྒྲུབ་གཏོར་འབུལ་ལེ་ཚན་གཉིས། རྟ་མགྲིན་ཡང་གསང་ཁྲོས་པ་ལྷ་དགུའི་གསང་མཆོད། མཚོ་བདུན་གྱི་གཞི་བདག་ལ་བསངས་མཆོད། བསྙེན་གནས་སྡོམ་པ་འབོག་ཆོག་འཇིག་རྟེན་པའི་ལྷ་རྟེན་ནང་དུ་འཇུག་རྒྱུའི་ཚིགས་བཅད། སྐབས་གསུམ་པའི་ཊཱི་ཀ་ངོ་མཚར་དང་བ་རྒྱས་བྱེད། ཐོག་མཐའ་བར་དགེའི་སྨོན་ལམ་ཊཱི་ཀ་ལེགས་བཤད་སྒྲོན་མེ། ལྟ་བའི་དོགས་གཅོད་ཐོར་བུ། བདེ་མཆོག་དྲིལ་བུ་ལུས་དཀྱིལ་གྱི་སྨོན་ཤིས། དབང་གི་སྔོན་འགྲོའི་བཤད་པ་ལུང་སྦྱོར། ༼ ང་པར ༽འཇིགས་བྱེད་ཀྱི་སྒྲུབ་ཐབས་འཁྲུལ་སྤོང༌། དྲིལ་བུ་ལུས་དཀྱིལ་གྱི་དབང་ཆོག་དང་དེའི་དབང་བཤད། འཇིགས་བྱེད་ཞི་བའི་སྦྱིན་སྲེག་ཤེལ་དཀར་མེ་ལོང༌། བདེ་མཆོག་གི་རྒྱས་པ་དང་དབང་གི་སྦྱིན་སྲེག་གསང་བདེ་འཇིགས་གསུམ་གྱི་སྦྱིན་སྲེག་དངོས་གྲུབ་རྣམ་གཉིས་འགུགས་པའི་ལྕགས་ཀྱུ། ཟ་བྱེད་མཁའ་འགྲོའི་སྦྱིན་སྲེག་སྡིག་ལྟུང་མུན་སེལ། དུས་ཆེན་གྱི་བཤད་པ་ངོ་མཚར་དགའ་བསྐྱེད། སྐུ་གསུང་ཐུགས་རྟེན་བཞེངས་པའི་ཕན་ཡོན་དགེ་ལེགས་ཆར་འབེབས། གཟུངས་གཞུག་འབུལ་ཚུལ་ཤེལ་དཀར་མེ་ལོང༌། གཟུངས་འབུལ་ལག་ལེན་ཁྱེར་བདེ། གཟུངས་གཞུག་དང་གནོད་སྦྱིན་འཁོར་ལོ་སོགས་རབ་གནས་བྱ་ཚུལ་ཕུན་ཚོགས་ཆར་འབེབས། རབ་གནས་བཀྲ་ཤིས་སྙེ་མའི་ལྷན་ཐབས། རབ་གནས་དགེ་ལེགས་ཆར་འབེབས་ཀྱི་ཟུར་འདེབས། སྲུང་བ་རབ་གནས་བྱ་ཚུལ། གཤིན་པོ་རྗེས་འཛིན་ལྷོ་སྒོའི་ཆོ་ག་བྱང་ཆེན་ཐར་ལམ། ཕུང་པོ་སྲེག་ཆོག་ཐར་པའི་སྒོ་འབྱེད། མི་འཁྲུགས་པའི་སྒོ་ནས་སྐྲ་ཆོག་སྡིག་སྒྲིབ་རྣམ་སྦྱོང༌། འཇིགས་བྱེད་དཔའ་བོ་གཅིག་པའི་མངོན་རྟོགས་བདུད་དཔུང་རྣམ་འཇོམས། འཇིགས་བྱེད་དཔའ་བོ་གཅིག་པའི་བསྐྱེད་རྫོགས་གསང་ཆེན་བདེ་ལམ། འཇིགས་བྱེད་བཀའ་བསྒོ། དྲིལ་བུ་ལུས་དཀྱིལ་གྱི་བརྒྱུད་འདེབས། བདེ་མཆོག་ལྷ་ལྔའི་མངོན་རྟོགས་མདོར་བསྡུས། བདེ་མཆོག་ལ་བརྟེན་པའི་བསགས་སྦྱངས་གློ་བུར་ལས་བཅོལ་གྱི་གཏོར་མ་བསྔོ་ཚུལ། ལྷ་མོའི་འཕྲིན་བཅོལ། ལྷ་ཀླུ་གཏོར་འབུལ་ལེགས་ཚོགས་ལྷུན་གྲུབ། རབ་གནས་མདོར་བསྡུས་ལག་ཏུ་བླང་བདེ་བ། ཇ་ཕུད་འབུལ་ཚུལ་དང་གཉེར་གཏད། སངས་རྒྱས་བྱང་སེམས་ཅི་རིགས་ལ་སྦྱོར་ཆོག་པའི་རྗེས་གནང་སྤྱི་འགྲོ་བྱེད་ཚུལ་བློ་གསལ་མགུལ་རྒྱན། ཆོས་རྒྱལ་གྱི་སྒོ་ནས་བཀའ་བསྒོ་བྱེད་ཚུལ། དམག་ཟོར་མ། མགོན་པོ་ཞལ་བཞི་པ། ཕྱག་བཞི་པ། དུར་ཁྲོད་མགོན་པོ་གཞི་བདག་རྣམས་ཀྱི་གཏོར་འབུལ་བྱེད་ཚུལ། མཚམས་ཐོ་བསྐྱེད་མཆོག་སུམ་བྷ་ཞབས་དྲུང་ལ་གནང་བའི་བསླབ་བྱ། ༼ ཅ་པར ༽དགེ་བསྙེན་རབ་བྱུང་དགེ་ཚུལ་བསྙེན་རྫོགས་སྒྲུབ་ཚུལ་ཆོ་ག་ཁྱེར་བདེ་ཀུན་ཕན། བླ་མའི་རྣལ་འབྱོར་ལེ་ཚན། འཇིགས་བྱེད་དཔའ་གཅིག་ཐུབ་པ་རྡོ་རྗེ་གདན་པ། སྨན་བླ། ཀླུ་དབང་རྒྱལ་པོ། ཚེ་དཔག་མེད། འཇམ་དབྱངས་དཀར་པོ་བཅས་ཀྱི་མངོན་རྟོགས། སྒྲོལ་མ་ཉེར་གཅིག་གི་སྒྲུབ་ཐབས་ལས་ཚོགས་དང༌། ཕྱག་རྡོར་ལོ་མ་གྱོན་མ་གཉིས་ཀྱི་མངོན་རྟོགས། སེང་གེའི་གདོང་ཅན་གྱི་སྒྲུབ་ཐབས་བཟློག་པ་དང་བཅས་ལེ་ཚན་གཉིས། རྟ་མགྲིན་གསང་སྒྲུབ་མངོན་རྟོགས་དང༌། དེ་ཡི་ཚོགས་འཁོར་བྱ་ཚུལ། ཡུམ་ཆེན་མོ་ཛམ་བྷ་ལ། རྒྱལ་ཆེན་རྣམ་སྲས་བཅས་ཀྱི་མངོན་རྟོགས། ཛམ་དཀར་ཆུ་སྦྱིན། དམིགས་བརྩེ་མའི་ཆར་འབེབས་ཟུར་རྒྱན། བསངས་མཆོད། བྲུལ་གཏོར་དཀོར་སྒྲིབ་སྦྱོང་བྱེད། ལན་ཆགས་གཏོར་མ་གཏོང་ཚུལ། བསླབ་བྱ་རབ་གསལ་སྒྲོན་མེ། བསླབ་བྱ་གཅེས་པ་བཅོ་བརྒྱད། ལུགས་གཉིས་བསླབ་བྱ། རྒྱལ་སྲས་ཞི་བའི་བརྟན་བཞུགས། འབྱུང་བཞི་གཏོར་མ་གཏོང་ཚུལ། གཟུངས་གྲྭ་ལྔའི་བར་བྱང་སོགས་དྲུག་གསང་བདེ་འཇིགས་གསུམ་གྱི་བསྙེན་ཡིག་ཤིན་ཏུ་བསྡུས་པ། ལྷ་མོ་རྣམ་སྲས། ལྷ་མོ་ཕྱག་བཞི་མ། ཡང་རྣམ་སྲས། དཔལ་ལྷ། ཚེ་རིང་མཆེད་ལྔ། བརྟན་མ་བཅུ་གཉིས། རྣམ་སྲས། ཞལ། ལྕམ་སྲིང༌། ལ་མོ། སྐུ་ལྔ། མཁའ་འགྲོ་སྤྱི་གཏོར། རྨ་ཆེན་གཞི་བདག་རྣམས་ཀྱི་གཏོར་འབུལ། སངས་རྒྱས་བྱང་སེམས་སྤྱིར་སྦྱར་ཆོག་པའི་བུམ་པ་སྒྲུབ་ཚུལ། ཡེ་དྷརྨའི་བཤད་པ་བདེ་གཤེགས་དགོངས་རྒྱན། བློ་སྦྱོང༌། ལྷ་མོ་འོད་ཟེར་ཅན་གྱི་མངོན་རྟོགས་གཉིས། གདུགས་དཀར་མངོན་རྟོགས་གཉིས། ཕྱག་དྲུག་པའི་བསྙེན་སྒྲུབ་ཡིག་ཆུང༌། དེ་ཡི་བསྒོམ་བཟླས་བྱ་ཚུལ། ཆོས་རྒྱལ་གསང་སྒྲུབ་གཏོར་འབུལ། ལྕགས་མཁར་ཟུར་དགུ་པའི་གཏོར་ཆེན་ངག་འདོན་དམིགས་རིམ་དང་བཅས་པ། གཏོར་ཟོར་འཕེན་པའི་དམིགས་རིམ། འཇམ་དབྱངས་འཕྲིན་ལས་དང༌། ཛ་ཡ་པཎྜི་ཏ་ལ་གནང་བའི་གསོལ་འདེབས་ལེ་ཚན་བཅུ་བཅས། འབྲས་སྤུངས་པར་མ་ལྟར་དུ་པོ་ཏི་ལྔ་རྫོགས་སོ། །རྒྱལ་བའི་ཡོངས་འཛིན་པ་ཁྲི་ཆེན་ངག་དབང་མཆོག་ལྡན་གྱི་གསུང་འབུམ། ས་བཅུད་ལྷ་བུམ། ཀླུ་བུམ་བཅའ་ཐབས། སྦ་ཐབས། མགོན་པོ་ཕྱག་དྲུག་པའི་བསྙེན་ཡིག་འཕྲིན་ལས་བཞི་ཡི་བང་མཛོད། གཏོར་སྒྲུབ་དགོས་འདོད་ཀུན་འབྱུང་དངོས་གྲུབ་ལག་བཅང༌། དྲག་པོའི་སྦྱིན་སྲེག་དམིགས་བརྩེ་མའི་ལས་ཚོགས་ཆར་འབེབས། ཤར་རྨ་ཆེན་སྤོམ་རའི་གསོལ་མཆོད། ཁྲི་ཆེན་ངག་དབང་མཆོག་ལྡན། གནས་བརྟན་ལམ་ཕྲན་བསྟན། གྲུབ་ཆེན་ཧཱུྂ་ཀ་ར། རྒྱ་བཟའ་ཀོང་ཇོ། བོ་དོང་འཇིགས་མེད་གྲགས་པ་སོགས་སུ་སྐྱེ་བ་བཞེས་ཚུལ་དྲན་པའི་སྐུ་ཕྲེང་གསོལ་འདེབས། བཀའ་འགྱུར་བཞེངས་པ་སོགས་ཀྱི་སྨོན་ལམ་འདོད་གསོལ། འཕྲིན་བཅོལ་བཅས་པ་རྣམས་སོ། །་ལམ་འདོད་གསོལ། འཕྲིན་བཅོལ་བཅས་པ་རྣམས་སོ། །)
• Dictionaries/sgom sde tshig mdzod chenmo/11499  + (ས་སྐྱ་པཎྜི་ཏ་ཀུན་དགའ་རྒྱལ་མཚན་ནི། ཕྱི་ལོ་༡ … ས་སྐྱ་པཎྜི་ཏ་ཀུན་དགའ་རྒྱལ་མཚན་ནི། ཕྱི་ལོ་༡༡༨༢ལོར་གཙང་དུ་སྐུ་འཁྲུངས། སྐུ་བལྟམས་མ་ཐག་ཏུ་སཾ་སྐྲྀ་ཏའི་སྐད་གསུངས། རྗེ་བཙུན་གྲགས་པ་རྒྱལ་མཚན་ལས་ས་སྐྱ་གོང་མའི་གསུང་བཅུད་མདོ་སྔགས་ཀྱི་ཟབ་གནད་མ་ལུས་པ་གསན། མནལ་ལམ་དུ་མཁས་མཆོག་དབྱིག་གཉེན་ལས་ཆོས་མངོན་པ་མཛོད་དང༌། ཁ་ཆེ་པཎ་ཆེན་ལས་རྡོ་རྗེ་གླུ་སོགས་གསན། ཞུ་སྟོན་རྡོ་རྗེ་སྐྱབས་ལས་བྱམས་ཆོས་སོགས་ལུང་གི་སྐོར། རྨ་བྱ་བྱང་བརྩོན་དང༌། ཚུར་སྟོན་གཞོན་སེང་ལས་ཚད་མ། རྩེགས་པ་དབང་ཕྱུག་སེང་གེ་ལས་གྲུབ་མཐའ། སྤྱོ་བོ་ལྷས་པ་བྱང་ཆུབ་འོད་ལས་གདམས་པ་སྣ་ཚོགས་གསན། དགུང་ལོ་ཉེར་གསུམ་དུས་ཁ་ཆེ་པཎ་ཆེན་དང་མཇལ། ཁ་ཆེ་པཎ་ཆེན་དང་དེའི་སློབ་མ་སངྒྷ་ཤྲཱི། སུ་ག་ཏ་ཤྲཱི། དཱ་ན་ཤཱི་ལ་རྣམས་ལས་སྒྲ་ཚད་སོགས་རིག་གནས་ཆེ་བ་ལྔ། སྙན་ངག་མངོན་བརྗོད་སོགས་རིག་གནས་ཆུང་བ་ལྔ་སྟེ། རིག་པའི་གནས་བཅུ་ལ་སྦྱངས་པ་མཐར་ཕྱིན་པར་མཛད་པས། བོད་ཀྱི་ལྗོངས་སུ་པཎྜི་ཏའི་མཚན་སྙན་ཐོབ་པའི་ཐོག་མ་ཡིན་པར་གསུངས། དགུང་ལོ་ཉེར་བདུན་པ་ལ་ཁ་ཆེ་པཎ་ཆེན་ལས་བསྙེན་པར་རྫོགས། རིག་གཏེར་དང༌། སྡོམ་གསུམ་རབ་དབྱེ་སོགས་བརྩམས་ནས་སྨྲ་བ་ངན་པ་དང༌། ལྟ་བ་ངན་པ་མཐའ་དག་སུན་ཕྱུང༌། སྐྱིད་གྲོང་དུ་རྒྱ་གར་ལྷོ་ཕྱོགས་ཀྱི་མུ་སྟེགས་འཕྲོག་བྱེད་གཙོས་པའི་རྒོལ་ངན་དྲུག་རིགས་པས་ཚར་བཅད་ནས། བསྟན་པ་ལ་བཅུག་པས་སྙན་པའི་གྲགས་པས་ས་སྟེང་ཁྱབ། སོག་ཡུལ་གྱི་རྒྱལ་པོ་གོ་དན་གྱིས་གདན་དྲངས་ནས་ཡུལ་དེར་བཤད་སྒྲུབ་ཀྱི་བསྟན་པ་སྤེལ། དགུང་གྲངས་བདུན་བཅུའི་སྟེང་གཟུགས་སྐུའི་བཀོད་པ་བསྡུས། འཁྲུངས་འདས་ལོ་ཚིགས་1182-1251བཀོད་པ་བསྡུས། འཁྲུངས་འདས་ལོ་ཚིགས་1182-1251)
• Dictionaries/sgom sde tshig mdzod chenmo/11527  + (སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང … སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་པའི་སྐྱབས་སེམས་ཀྱི་ཚིགས་བཅད་གཅིག་པོ་འདི། ཇོ་བོ་རྗེ་དཔལ་ལྡན་ཨ་ཏི་ཤས་མཛད། ཚིག་རྐང་གསུམ་པ་འདི་ལ་འདོན་ཚུལ་མི་འདྲ་བ་འགའ་ཞིག་ཡོད་པ་འདི་ལྟར། གོང་ལྟར། བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །ཞེས་པ་དང༌། ཡང་ན། བདག་གིས་སྦྱིན་སོགས་བགྱིས་པའི་ཚོགས་ནམས་ཀྱིས། །ཞེས་བཏོན་ན་བསོད་ནམས་ཡེ་ཤེས་ཀྱི་ཚོགས་གཉིས་ཀ་ལ་གོ་བས་ཁྱབ་ཆེ། ཆོས་འཆད་ཉན་བྱེད་པའི་སྐབས་ལྟ་བུར། བླ་མས། བདག་གིས་ཆོས་བཤད་བགྱིས་པའི་བསོད་ནམས་ཀྱིས། །ཞེས་དང༌། སློབ་མས། བདག་གིས་ཆོས་ཉན་བགྱིས་པའི་བསོད་ནམས་ཀྱིས། །ཞེས་སོ་སོར་ཁ་སྒྱུར་བྱེད་དགོས།ད་ནམས་ཀྱིས། །ཞེས་སོ་སོར་ཁ་སྒྱུར་བྱེད་དགོས།)
• Dictionaries/sgom sde tshig mdzod chenmo/4174  + (སེ་ར་སྨད་ཐོས་བསམ་ནོར་བུའི་གླིང༌། ཤར་རྒྱལ་མ … སེ་ར་སྨད་ཐོས་བསམ་ནོར་བུའི་གླིང༌། ཤར་རྒྱལ་མོ་རོང་རབ་བརྟན་རྒྱལ་པོའི་ཡུལ་དུ་འཁྲུངས་པ་ལུང་རིགས་སྨྲ་བའི་དབང་ཕྱུག་ནམ་མཁའ་ལྷུན་གྲུབ་ཀྱི་གསུང་འབུམ་ནི། མཛད་བཅུ་རིན་ཆེན་གཏེར་མཛོད་ལ་བཅོ་ལྔ། སྐབས་དང་པོ་རིགས་ལམ་ཉི་མ། སྐབས་བཞི་པ་མཁས་པའི་ཡིད་འཕྲོག་དགེ་འདུན་ཉི་ཤུའི་རྣམ་གཞག་ས་ལམ་རྣམ་གཞག་བློ་གསལ་ཐེམ་སྐས། ཐེག་གསུམ་རྣམ་གཞག་ཆོས་འཁོར་བཤད་པ། སེམས་བསྐྱེད་ཀྱི་བཤད་པ། བཀའ་བསྟན་བཅོས་ཀྱི་བཤད་པ། ཡང་དག་མཐའི་བཤད་པ། སྐྱབས་གསུམ་རྣམ་གཞག་ཆེན་མོ། བྱམས་གཞུང་གི་བཤད་པ། ཡང་བྱམས་གཞུང་གི་བཤད་པ་འབྲིང་པོ། འདུལ་བའི་དུས་ཚིགས་ཤོག་ཕྲ་བཅས་ཡོན་པོ་་བའི་ཐིག་ཤིང༌། འཐོར་རླུང་ཆེན་མོ། ཆོས་གྲགས་ཀྱི་རྩོད་པ་ཞི་བྱེད་ལན་ལ་བཅུ་གཅིག སེར་སྨད་རྒྱལ་རོང་སྨྲ་བའི་དབང་ཕྱུག་ནམ་མཁའ་ལྷུན་གྲུབ་ཀྱིས་སྟག་ཚང་ལོ་ཙཱ་བ་ལ་བརྒལ་ལན་སོང་མ་སོང་དཔྱད་པར་བྱ་བའི་གཞི་ར་བ་སྟོད་པ་ཆོས་གྲགས་ཀྱིས་མཛད་པའི་ལོག་རྟོག་གི་འབུར་མགོ་འཇོམས་པའི་ཐོ་བ་ལ་བརྒྱད་ཅུ་ཐམ་པ་བཅས་སོ། །ོ་འཇོམས་པའི་ཐོ་བ་ལ་བརྒྱད་ཅུ་ཐམ་པ་བཅས་སོ། །)
• Dictionaries/sgom sde tshig mdzod chenmo/8793  + (སེམས་ལ་འགྱུར་བ་ཐེབས་ངེས། རྗེའི་ལམ་རིམ་ཆེན་མོ་ལས། སྐྱབས་འགྲོའི་རྒྱུདེ་གཉིས་ཤུགས་དྲག་ལ་བརྟན་པ་ཞིག་ཡོད་ན་སྐྱབས་འགྲོ་ཡང་ཡིད་འཁུལ་བ་ཞིག་འོང་བས་རྒྱུ་གཉིས་ལ་འབད་པར་བྱའོ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/11984  + (སྐྱབས་འགྲོ་ཙམ་ལ་གནས་པའི་དགེ་བསྙེན་བཏགས་པ་བ་ཞིག་སྟེ། མཚོ་ཊཱིཀ་ལས། དེ་ལ་སྐྱབས་གསུམ་འཛིན་པའི་དགེ་བསྙེན་ནི། སྡོམ་པ་མ་བླངས་ཀྱང་གསུམ་ལ་སྐྱབས་སུ་འགྲོ་བ་ལ་གནས་པའོ། །)
• Dictionaries/sgom sde tshig mdzod chenmo/12356  + (སྐྱབས་འགྲོ་སེམས་བསྐྱེད་ཀྱི་ཁྲིད། རྡོར་སེམས … སྐྱབས་འགྲོ་སེམས་བསྐྱེད་ཀྱི་ཁྲིད། རྡོར་སེམས་སྒོམ་བཟླས་ཀྱི་ཁྲིད། མཎྜལ་གྱི་ཁྲིད། བླ་མའི་རྣལ་འབྱོར་གྱི་ཁྲིད་དང་བཞི་ལ་ཟེར་ཏེ། རྗེ་གུང་ཐང་པའི་མཎྜལ་གྱི་ཁྲིད་ཡིག་དཔག་བསམ་སྙེ་མ་ལས། བསྟན་པ་སྤྱིའི་འཇུག་སྒོ་སྐྱབས་འགྲོ་དང་། ཐེག་ཆེན་ལམ་གྱི་འཇུག་སྒོ་སེམས་ཀྱི་ཁྲིད། སྡིག་པ་སྦྱོང་བ་རྡོར་སེམས་སྒོམ་བཟླས་ཀྱི་ཁྲིད། ཚོགས་གསོག་པ་མཎྜལ་གྱི་ཁྲིད། བྱིན་རླབས་འཇུག་པ་བླ་མའི་རྣལ་འབྱོར་གྱི་ཁྲིད་བཞི་ལ་སྔོན་འགྲོ་ཁྲིད་ཆེན་བཞིའམ། སྔོན་འགྲོ་འབྲེལ་བ་ཅན་བཞིར་གྲགས། ཞེས་གསུངས་སོ། །འགྲོ་འབྲེལ་བ་ཅན་བཞིར་གྲགས། ཞེས་གསུངས་སོ། །)
• Dictionaries/sgom sde tshig mdzod chenmo/2929  + (སྐྱབས་འགྲོའི་བསླབ་བྱ་ལ་སྐྱབས་གསུམ་སོ་སོའི་ … སྐྱབས་འགྲོའི་བསླབ་བྱ་ལ་སྐྱབས་གསུམ་སོ་སོའི་བསླབ་བྱ་དང༌། ཐུན་མོང་བའི་བསླབ་བྱ་གཉིས་ཡོད་པ་ལས། ཐུན་མོང་བའི་བསླབ་བྱ་ལ་དྲུག་ནི། དཀོན་མཆོག་གསུམ་གྱི་ཁྱད་པར་དང་ཡོན་ཏན་དྲན་པའི་སྒོ་ནས་ཡང་དང་ཡང་དུ་སྐྱབས་སུ་འགྲོ་བ། བཀའ་དྲིན་དྲན་པའི་སྒོ་ནས་ཅི་བཟའ་ཅི་འཐུང་གི་ཕུད་ཀྱིས་མཆོད་པ། གཞན་སྐྱབས་འགྲོ་ལ་འགོད་པ། བྱ་བ་གང་བྱེད་ཀྱང་དཀོན་མཆོག་ལ་བློ་བཀལ་ནས་བྱེད་པ། ཕན་ཡོན་དྲན་པའི་སྒོ་ནས་ཉིན་ལན་གསུམ་མཚན་ལན་གསུམ་དུ་སྐྱབས་སུ་འགྲོ་བ། དཀོན་མཆོག་གསུམ་སྲོག་གམ་ཐ་ན་བཞད་གད་ཀྱི་ཕྱིར་ཡང་མི་གཏོང་ཞིང་སྲུང་བའོ། །བཞད་གད་ཀྱི་ཕྱིར་ཡང་མི་གཏོང་ཞིང་སྲུང་བའོ། །)
• Dictionaries/sgom sde tshig mdzod chenmo/11064  + (སྐྱབས་འགྲོས་ཟིན་པའི་བསླབ་པ་གསུམ་ལ་ལྷག་པའི་ … སྐྱབས་འགྲོས་ཟིན་པའི་བསླབ་པ་གསུམ་ལ་ལྷག་པའི་བསླབ་པ་གསུམ་ཟེར། དེ་གསུམ་ནི། ལྷག་པ་ཚུལ་ཁྲིམས་ཀྱི་བསླབ་པ། ལྷག་པ་ཏིང་ངེ་འཛིན་གྱི་བསླབ་པ། ལྷག་པ་ཤེས་རབ་ཀྱི་བསླབ་པ་དང་གསུམ་མོ། །སྒྲ་བཤད་ནི། ནང་པའི་བསླབ་པ་གསུམ་ནི་སྐྱབས་འགྲོས་ཟིན་པ་ཡིན་པས་ཕྱི་རོལ་པའི་བསླབ་པ་གསུམ་ལས་ལྷག་པའི་ཆ་ནས་དེ་ལྟར་བརྗོད། ཡང་༸གོང་ས་༸སྐྱབས་མགོན་ཆེན་པོ་མཆོག་གིས། བདག་མེད་པའི་ཁྱད་པར་དང་འབྲེལ་བའི་ཆ་ནས་ལྷག་པའི་བསླབ་པ་ཞེས་བརྗོད། ཅེས་ཕྱི་ལོ་༢༠༠༧།༦།༡ཉིན་རྡ་སྟེང་བོད་ཁྱིམ་སློབ་གྲྭར་གཞོན་སྐྱེས་ཚོར་ནང་ཆོས་ངོ་སྤྲོད་ཀྱི་གསུང་ཆོས་བཀའ་དྲིན་ཆེ་སྐབས་གསུངས། མདོར་ན་སྐྱབས་འགྲོ་ལ་སྦྱར་ནའི་ལྷག་པ་ཡིན་ཚུལ་ཞིག་དང༌། ལྟ་བ་ལ་སྦྱར་ནས་ལྷག་པ་ཡིན་ཚུལ་གཉིས་ཡོད་དོ། །ྟ་བ་ལ་སྦྱར་ནས་ལྷག་པ་ཡིན་ཚུལ་གཉིས་ཡོད་དོ། །)
• Dictionaries/sgom sde tshig mdzod chenmo/1562  + (སྐྱབས་ཡུལ་གཅིག་ཉིད་ལ་གསོལ་བ་འདེབས་པ་ལ་ཟེར། སྒྲ་བཤད་ནི། ཕུར་པ་ས་ལ་འདེབས་ཚེ་གནས་གཅིག་རང་དུ་འདེབས་པ་ལྟར་འདིའི་གསོལ་འདེབས་ཀྱང་ཡུལ་གཅིག་རང་ལ་བྱེད་པས་ན་དེ་ལྟར་དུ་བརྗོད།)
• Dictionaries/sgom sde tshig mdzod chenmo/5451  + (སྐྱབས་ཡུལ་དམ་པ། སྒྲ་བཤད་ནི། ཡུལ་གང་ལ་བསོད་ནམས་ཀྱི་བྱ་བ་ཆུང་ངུ་ཞིག་བྱས་ཀྱང་འབྲས་བུ་མཐའ་ཡས་པ་འབྱིན་པས་བསོད་ནམས་ཀྱི་ཞིང་ཞེས་བྱའོ། །རྗེའི་ལམ་རིམ་འབྲིང་པོར་གསུངས།)
• Dictionaries/sgom sde tshig mdzod chenmo/609  + (སྐྱབས་ཡུལ་ལ་བློ་ལིངས་འགེལ་གྱི་བསམ་པ།)
• Dictionaries/sgom sde tshig mdzod chenmo/11977  + (སྐྱབས་ཡུལ་ལ་སེམས་ཀྱི་གཏིང་ནས་རེ་ལྟོས་འཆའ་བ … སྐྱབས་ཡུལ་ལ་སེམས་ཀྱི་གཏིང་ནས་རེ་ལྟོས་འཆའ་བའི་བསམ་པ་ལ། སྐྱབས་འགྲོ་ཟེར། ཞིབ་ཏུ་བཤད་ན། རང་ཉིད་འཁོར་བ་དང་ངན་སོང་གི་སྡུག་བསྔལ་ལ་འཇིགས་ཤིང༌སྐྲག་ནས། དེ་ལས་སྐྱོབ་པའི་ནུས་པ་དཀོན་མཆོག་རིན་པོ་ཆེ་རྣམ་པ་གསུམ་ལ་ཡོད་པར་ཡིད་ཆེས་པའི་སྒོ་ནས་དཀོན་མཆོག་གསུམ་ལ་བསམ་པ་ཐག་པ་ནས་སྡུག་བསྔལ་མཐའ་དག་ལས་སྐྱོབས་པར་བློ་ལིངས་ཀྱིས་སྒྱུར་བའི་བསམ་པ་ལ། སྐྱབས་འགྲོ་ཟེར།ངས་ཀྱིས་སྒྱུར་བའི་བསམ་པ་ལ། སྐྱབས་འགྲོ་ཟེར།)
• Dictionaries/sgom sde tshig mdzod chenmo/7409  + (སྐྱབས་ཡུལ། སྐྱབས་ཡུལ་གྱི་འདུས་ཚོགས། སྒྲ་བཤ … སྐྱབས་ཡུལ། སྐྱབས་ཡུལ་གྱི་འདུས་ཚོགས། སྒྲ་བཤད་ནི། ཚོགས་གསོག་པའི་ཞིང་སྟེ་ཡུལ་ཡིན་པས་ན་ཚོགས་ཞིང་ཟེར་ཏེ། རྗེའི་ལམ་རིམ་ཆེན་མོ་ལས། མདུན་གྱི་ནམ་མཁའ་ལ་རྒྱ་ཆེན་སྤྱོད་པ་དང་ཟབ་མོ་ལྟ་བའི་བརྒྱུད་པའི་བླ་མ་རྣམས་དང་གཞན་ཡང་སངས་རྒྱས་དང་བྱང་ཆུབ་སེམས་དཔའ་འཕགས་པ་ཉན་ཐོས་དང་རང་སངས་རྒྱས་བཀའ་སྡོད་དང་བཅས་པ་དཔག་ཏུ་མེད་པ་བཞུགས་པར་བསམས་ཏེ་ཚོགས་གསོག་པའི་ཞིང་གསལ་གདབ། ཅེས་གསུངས་སོ། །དེ་ཡང་འཇིག་རྟེན་ན་ཞིང་ས་ལ་བརྟེན་ནས་ལོ་ཏོག་ཕུན་སུམ་ཚོགས་པ་འབྱུང་བའི་དཔེ་ལྟར། འདིར་ཡང་ཚོགས་ཞིང་གི་སྐྱབས་ཡུལ་དེ་དག་ལས་བདེ་ལེགས་ཀྱི་ལོ་ཏོག་ཕུན་སུམ་ཚོགས་པ་འབྱུང་བའི་རྒྱུ་མཚན་གྱིས་དེ་ལ་ཞིང་གི་ཐ་སྙད་བྱེད་པ་ཡིན། ཡང་ན་སྐྱབས་ཡུལ་མང་པོ་འདུས་པས་ན་ཚོགས་དང་། ཕྱག་མཆོད་དང་བསོད་ནམས་གསོག་པའི་ཡུལ་ཡིན་པས་ཞིང་ཞེས་བརྗོད་དོ། །པཎ་ཆེ་དཔལ་ལྡན་ཡེ་ཤེས་ཀྱི་ལམ་རིམ་ཟིན་བྲིས་༣བ༦ལས། སྤྱིར་ཚོགས་ཞིང་གི་དོན། ཚོགས་ཡང་ཡིན། ཞིང་ཡང་ཡིན་པ་ལ་ཚོགས་ཞིང་གི་དོན་བྱེད་པ་ཅིག་དང་། བསོད་ནམས་དང་ཡེ་ཤེས་ཀྱི་ཚོགས་གཉིས་འབྱུང་བའི་ཞིང་ས་ལྟ་བུ་ཡིན་པས་ན་ཚོགས་ཞིང་ཞེས་བརྗོད་པའི་ལུགས་གཉིས་གསུངས། ཞེས་འབྱུང་བ་ལྟར་རོ། །པའི་ལུགས་གཉིས་གསུངས། ཞེས་འབྱུང་བ་ལྟར་རོ། །)
• Dictionaries/sgom sde tshig mdzod chenmo/12067  + (སྐྱེས་བུ་ཆེན་པོའི་སྲུང་མ་མྱུར་མཛད་ཡེ་ཤེས་ཀ … སྐྱེས་བུ་ཆེན་པོའི་སྲུང་མ་མྱུར་མཛད་ཡེ་ཤེས་ཀྱི་མགོན་པོ། སྐྱེས་བུ་འབྲིང་གི་སྲུང་མ་རྣམ་སྲས། སྐྱེས་བུ་ཆུང་ངུའི་སྲུང་མ་ལས་གཤིན་དང་གསུམ་མོ། །དེ་གསུམ་སྐྱེས་བུ་གསུམ་གྱི་སྲུང་མར་འཇོག་པའི་རྒྱུ་མཚན་ནི། མྱུར་མཛད་ཡེ་ཤེས་ཀྱི་མགོན་པོ་རྒྱལ་ཀུན་སྙིང་རྗེའི་རང་གཟུགས་འཕགས་མཆོག་སྤྱན་རས་གཟིགས་དངོས་ཡིན་པས་དེ་ཉིད་ཆོས་སྐྱོང་དུ་བསྟེན་ན་སྐྱེས་བུ་ཆེན་པོའི་སྐབས་བྱམས་སྙིང་རྗེ་མྱུར་དུ་སྐྱེ་བ་ལ་གནད་ཆེ་བ་དང་། འབྲིང་གི་སྐབས་བསླབ་པ་གསུམ་དང་། ལྷག་པར་ཚུལ་ཁྲིམས་ཀྱི་བསླབ་པ་གཙོ་བོར་ཉམས་སུ་ལེན་དགོས་ཤིང་། རྒྱལ་ཆེན་རྣམ་ཐོས་སྲས་ཀྱིས་སྔོན་སྟོན་པའི་སྤྱན་སྔར་འདུལ་བ་དང་དེའི་བརྗོད་བྱ་ཚུལ་ཁྲིམས་ཀྱི་བསླབ་པ་སྲུང་བར་ཞལ་གྱིས་བཞེས་པས་དེ་ཉིད་བསྟེན་ན་དེ་ལྟ་བུའི་ལམ་རྒྱུད་ལ་སྐྱེ་བའི་གནད་ཆེ། ཆོས་རྒྱལ་གཤིན་རྗེ་ནི་སྐྱེས་འགྲོ་ཀུན་ལ་མི་རྟག་པ་སྟོན་ཅིང་དགེ་སྡིག་གི་སྟངས་འཛིན་ལས་འབྲས་ཀྱི་རྣམ་དབྱེ་སྟོན་པ་པོ་ཡིན་པས་དེ་ཉིད་ཆོས་སྐྱོང་དུ་བསྟེན་ན་འཆི་བ་མི་རྟག་པ་དང་ལས་འབྲས་སོགས་སྐྱེས་བུ་ཆུང་ངུའི་རྟོགས་པ་རང་རྒྱུད་ལ་སྐྱེ་སླ་བའི་དགོས་པ་ཡོད་པས། སྐྱེས་བུ་གསུམ་གྱི་སྲུང་མ་ཞེས་བརྗོད་དོ། །རྗེ་ཙོང་ཁ་པ་ཆེན་པོའི་གསུང་ཐོར་བུ་༢༠༧ན༡ལས། སྒྲུབ་པི་ཆོས་སྐྱོང་ལ་མདོ་རྒྱུད་གཞན་ནས་གསུངས་པའི་བཀའ་སྡོད་ཁྱད་པར་ཅན་ཤིན་ཏུ་མང་ཞིང་འགངས་ཆེ་མོད། དེ་ལྟ་ནའང་གོང་དུ་བཤད་པ་མྱུར་བའི་དབང་དུ་བྱས་པའི་སྐྱེས་བུ་གསུམ་གྱི་ལམ་གྱི་རིམ་པ་དང་མཐུན་པ་ཞིག་ངེས་པར་དགོས་པ་ཡིན་ལ། དེ་ལ་སྐྱེས་བུ་སྐྱེས་བུ་ཆུང་ངུའི་བསམ་པ་ནི་འཇིག་རྟེན་འདིར་ཡུན་རིང་དུ་མི་གནས་པ་དང་། འཆི་བ་མི་རྟག་པ། ལས་འབྲས། འཁོར་བའི་ཉེས་དམིགས་བསམ་ཞིང་། དེ་ལས་བསྐྱབ་པའི་སྐྱབས་འགྲོ་བསླབ་བྱ་དང་བཅས་པ་བསམ་ཞིང་རྒྱུད་ལ་སྐྱེ་དགོས་པས། འདི་རྒྱུད་ལ་བསྐྱེད་པ་ལ་གཤིན་རྗེ་ཆོས་ཀྱི་རྒྱལ་པོ་བསྟེན་དགོས་ཏེ། འདི་ནི་འཆི་བདག་གམ། དགེ་སྡིག་གི་དཔང་པོའམ། སྡིག་པ་ཅན་གྱི་ཆད་ལས་མཁན་ནམ། དགེ་བ་ཅན་གྱི་སྟངས་འཛིན་པའམ། ལས་རྒྱུ་འབྲས་གསལ་བྱེད་ཀྱི་མེ་ལོང་། ལེགས་ཉེས་ཚུལ་བཞིན་དུ་སྤྱོད་པའམ་ཆོས་བཞིན་དུ་སྤྱོད་པས་ཆོས་རྒྱལ་ཞེས་བྱ་ཞིང་། ལས་དཀར་ནག་གི་རྗེས་སུ་འཇུག་པས་ན། ལས་ཀྱི་གཤིན་རྗེ་ཞེས་བྱའོ། །དེས་ན་སྐྱེས་བུ་ཆུང་ངུའི་ཆོས་སྐོར་འདི་རྣམས་ལམ་གསུམ་གའི་རྩ་ཡིན་པས། འདི་རྒྱུད་ལ་བསྐྱེད་པའི་ཕྱིར་དུ་ལས་གཤིན་བསྟེན་པར་བྱའོ། །སྐྱེས་བུ་འབྲིང་གི་བསམ་པ་ནི། འཇིག་རྟེན་ཕྱི་མ་བདེ་བའི་ཐབས་སུ་མ་ཟད། འཁོར་བ་མཐའ་དག་མེ་འོབས་ལྟ་བུར་མཐོང་ནས། དེ་འབྲལ་འོདད་ཀྱི་ཐར་པ་དོན་གཉེར་གྱི་བློ་ངེས་འབྱུང་གི་བསམ་པ་ཅན་ཡིན་ལ། འཁོར་བ་མཐའ་དག་ལ་སྙིང་པོ་མེད་པར་མཐོང་ནས། དེ་ལ་ཡིད་སྐྱོ་ཞིང་ངེས་པར་འབྱུང་བའི་བསམ་པ་ནི་ཚུལ་ཁྲིམས་བསླབ་པའི་གཙོ་བོ་ཡིན་ཞིང་། འདི་གཉིས་དོན་གཅིག་པས་སོ། །དེས་ན་རྒྱལ་པོ་ཆེན་པོ་རྣམ་ཐོས་སྲས་བསྟེན་དགོས་ཏེ། འདི་སྡེ་སྣོད་གསུམ་གྱི་ནང་ནས་འདུལ་བའི་སྡེ་སྣོད་ཀྱི་སྲུང་མའམ། བསླབ་པ་གསུམ་གྱི་ནང་ནས་ཚུལ་ཁྲིམས་ཀྱི་བསླབ་པ་བསྲུང་བའོ། །སྐྱེས་བུ་ཆེན་པོའི་བསམ་པ་ནི། རང་ཉིད་འཁོར་བ་ལས་ཐར་པ་ཙམ་གྱིས་མི་ཆོག་པར། མར་གྱུར་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་ཐར་པའི་བྱང་ཆུབ་ཀྱི་སེམས་སྐྱེས་པ་ཡིན་ལ། དེ་རྒྱུད་ལ་སྐྱེ་བའི་ཕྱིར་དུ་འཕགས་པ་སྤྱན་རས་གཟིགས་ཀྱི་རྣམ་པར་སྤྲུལ་པ་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་བསྟེན་པར་བྱའོ། །ཞེས་གསུངས་སོ། །ལོ་རྒྱུས་ཀྱི་བཤད་སྲོལ་ལ། རྒྱུད་སྟོད་པས་ཆོས་སྐྱོང་མགོན་པོ་བསྟེན་པས་དགེ་འདུན་པ་རྣམས་ཐུགས་རྒྱུད་འཇམ་པོ་འོང་ཞེས་བགྲེས་པ་དག་གི་ཞལ་ལས་ཐོས་ཤིང་། ངེད་རང་ཕྱི་ལོ་༡༩༩༣ལོར་རྒྱུད་སྟོད་དུ་ཆོས་གྲྭ་འགྲིམ་སྐབས་ཡང་དངོས་སུ་ཉམས་མྱོང་བྱུང་ཞིང་། རྒྱུད་སྟོད་པའི་བསྐྱེད་རིམ་པ་དང་དགེ་བཤེས་རྣམས་ཧ་ཅང་ཐུགས་ནང་ཧ་ཅང་མཐུན་པོ་ཡོད་པའང་དེ་འདྲ་ཞིག་གི་འཕྲུལ་ཡིན་པར་སྣང་ངོ་། །་པའང་དེ་འདྲ་ཞིག་གི་འཕྲུལ་ཡིན་པར་སྣང་ངོ་། །)
• Dictionaries/sgom sde tshig mdzod chenmo/12369  + (སྙན་སེང་ཞུ་བའམ། རྣ་བར་སྒྲོག་པའི་དོན། སྐྱབས་ཐོ་སྙན་སྒྲོན་ཞུས་ལྟ་བུ། དག་ཡིག་གསར་བསྒྲིགས་སུ་སྙན་སྦྲོནཞེས་བྲིས་ཡོད།)
• Dictionaries/sgom sde tshig mdzod chenmo/12388  + (སྙིང་གི་མཐིལ། སྙིང་གི་གཏིང་། ཞེ་ཐག་པ། བསམ་པ་ཐག་པ། དཔེར་ན་སངས་རྒྱས་ལ་སྙིང་ཐག་པ་ནས་སྐྱབས་སུ་འགྲོ་ཞེས་པ་ལྟ་བུ། སྒྲ་བཤད་ནི། འདིའི་ཐག་པ་ཞེས་པ་རྩ་བ་དང་། རྩད། དྲུང་བཅས་ཀྱི་དོན་ནོ། །དཔེར་ན་ངེས་པ་གཏིང་ཐག་པ་ནས་འདྲོངས་ལྟ་བུ།)
• Dictionaries/sgom sde tshig mdzod chenmo/13347  + (སྙིང་པོ། རྣལ་མ། ཡང་དག་པ་བཅས་ཀྱི་དོན། པཎ་ཆེ … སྙིང་པོ། རྣལ་མ། ཡང་དག་པ་བཅས་ཀྱི་དོན། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་དྲིས་ལན་བློ་བཟང་བཞད་པའི་སྒྲ་དབྱངས་ལས། སྐྱབས་འགྲོའི་ངོ་བོ་ཨི་ཐི་བ། །བདག་ཉིད་ལྷག་པར་འཇིགས་པ་དང༌། །དཀོན་མཆོག་སྐྱོབ་པའི་ནུས་ལྡན་དུ། །ཤེས་ལས་བྱུང་བའི་སྐྱབས་འགྲོ་ལ། །ཐམས་ཅད་མཁྱེན་པ་ཁྱོད་ཉིད་བཞེད། །ཅེས་གསུངས་པ་ལྟར་རོ། །ེན་པ་ཁྱོད་ཉིད་བཞེད། །ཅེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/8925  + (སྦྱོར་བའི་ཆོས་དྲུག་གི་གཉིས་པ་མཆོད་པ་གཡོ་མེ … སྦྱོར་བའི་ཆོས་དྲུག་གི་གཉིས་པ་མཆོད་པ་གཡོ་མེད་ཅིང་བཀོད་པ་མཛེས་པར་བཤམ་པ་ལ། དང་པོ་ (ཡོན་ཆབ་ཀྱི་ངོ་བོ) ནི། ཡོན་ཆབ་ནི་ཆུའི་མཆོད་པ་ལ་ཟེར། གཉིས་པ་ (སྒྲ་བཤད) ནི། ཡོན་ནི་འདིར་འབུལ་བའམ་མཆོད་པའི་དོན་དང་། ཆབ་ནི་ཆུའི་ཞེ་ས་སྟེ། སྐྱབས་ཡུལ་ལ་དྭངས་ཤིང་གཙང་བའི་ཆུའི་མཆོད་པ་འབུལ་བ་ལ་ཟེར་རོ། །དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཆེ་ཞིང་བསྒྲུབ་སླ་ལ་སེར་སྣ་སོགས་ཀྱི་ཉེས་པ་མི་འཇུག་པས་བླ་མ་གོང་མ་རྣམས་ཀྱིས་གཙོ་བོར་མཛད། ཅེས་རྗེ་གུང་ཐང་པ་གསུང་། གསུམ་པ་ (ཡོན་ཆབ་འབུལ་བའི་སྲོལ་དར་ཚུལ) ནི། ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་ཕེབས་དུས། ཇོ་བོ་ཆེན་པོས། བོད་ཀྱི་ཆུ་འདི་ཐམས་ཅད་ཡན་ལག་བརྒྱད་ལྡན་ཡིན་པས་བོད་ན་མཆོད་པ་ཡོན་ཆབ་གཅིག་པུས་ཆོག་པར་འདུག་ཅེས་གསུངས་པ་ལ་བརྟེན་ནས་བོད་དུ་ཡོན་ཆབ་འབུལ་བའི་སྲོལ་དར་བར་བཤད། སྤྱིར་བཏང་མཆོད་ཏིང་མང་པོ་སྟར་བསྒྲིགས་ནས་ཆུའི་མཆོད་པ་འབུལ་བའི་སྲོལ་འདི་སྔོན་རྒྱ་གར་དུ་ཐེག་པ་ཆེན་པོའི་བསྟན་པ་དར་བའི་སྐབས་དར་བ་ཡིན་མོད། ཕྱིས་སུ་ཉམས་སོ། །བྷར་མའི་གཙུག་ལག་ཁང་རྣམས་སུ་ཡང་རང་རེ་བོད་ཀྱི་ཡུལ་ལྟར་ཉིན་ལྟར་ཏིང་བརྒྱ་ཕྲག་ཁ་ཤས་ནང་དུ་ཡོན་ཆབ་འབུལ་བའི་སྲོལ་ཡོད་པར་དགེ་འདུན་ཆོས་འཕེལ་གྱིས་གཏམ་རྒྱུད་གསེར་གྱི་ཐང་མ་ལས་བཤད་དེ། བྷར་མའི་གཙུག་ལག་ཁང་རྣམས་སུ་ཉིན་རེ་བཞིན་ཏིང་བརྒྱ་ཕྲག་རེ་གཉིས་ཀྱི་ནང་དུ་ཆུའི་མཆོད་པ་བོད་བཞིན་དུ་འབུལ་བའི་སྲོལ་མཆིས། འདི་སིདྒ་ལ་སོགས་ཉེ་བའི་ཡུལ་གང་ན་ཡང་མེད་པས་སྔོན་ཐེག་ཆེན་པའི་དུས་སུ་དར་བ་ཞིག་ཡིན་ཟེར། རང་རེ་རྣམས་ཀྱིས་ཡོན་ཆབ་ཀྱི་སྲོལ་ཇོ་བོ་བྱོན་ནས་བོད་ཀྱི་ཆུ་གཟིགས་ཏེ་གསར་དུ་མཛད་པ་འདྲ་བ་ཞིག་བཤད་མོད། དོན་ལ་རྒྱ་གར་ལ་སྔ་མོ་ནས་དར་བར་མངོན། ཞེས་དགེ་འདུན་ཆོས་འཕེལ་གསུང་ངོ་། །བཞི་པ་ (ཡོན་ཆབ་འབུལ་ཚུལ) ནི། ཡོན་ཆབ་འབུལ་བའི་ཚེ་ཐོག་མར་གནས་ཁང་བྱི་དོར་བྱ་བ་སོགས་སྤྱི་འགྲེ་ལྟར་སྔོན་དུ་བཏང་། དེ་ནས་ལག་པ་ལེགས་པར་བཀྲུས་ལ་གཙང་སྦྲ་དང་ལྡན་པའི་སྒོ་ནས་ཏིང་རྣམས་ལེགས་པར་ཕྱིས། ཏིང་ཆེ་ཆུང་ལ་གཞིགས་ཏེ་བར་ཐག་ཀྱང་ཆེ་ཆུང་འཚམ་པ་ཞིག་བཞག ཏིང་ཆུང་ཆུང་ཡིན་ན་ནས་འབྲུ་ཞིག་འཕྲད་སྟབས་སུ་བཞག་པའི་བར་ཐག་འཇོག བར་ཐག་རིང་ན་བླ་མ་དང་འབྲལ་བ་དང༌། ཅིག་གིས་ཅིག་ལ་ཐུག་ན་དབང་པོ་རྟུལ་བ་དང༌། སྒྲ་འབྱིན་ན་སྨྱོ་བ་སོགས་འབྱུང་བར་ཡང་བཤད། དེ་ཡང་སྣོད་སྟོང་པ་བསྒྲིགས་ན་རྟེན་འབྲེལ་འཕྱུག་པས་ཏིང་རྣམས་བརྩེགས་པའི་སྟེང་མར་ཆུ་ཅུང་ཟད་བླུགས། ཆུ་དེ་འོག་མ་འོག་མར་བགོ་བཞིན་དུ་སྟོང་པ་མིན་པར་རིམ་བཞིན་མཆོད་ཁྲིའི་སྟེང་འགྲེམས། དེ་ནས་འབུལ་བའི་ཚེ་ལག་པ་ཡ་གཅིག་གིས་འབུལ་བར་བྱེད་པ་སོགས་མ་གུས་པ་མི་བྱ་བར་རྒྱལ་པོ་ཆེན་པོ་ཞིག་ལ་གསོལ་ཇ་ཞུ་བ་ལྟར་བྱེད་དགོས། དེ་ཡང་ནས་འདྲ་མ་ཞེས་ནས་འབྲུའི་དབྱིབས་ལྟར་ཐོག་མཐའ་གཉིས་ཕྲ་ཞིང་དཀྱིལ་སྦོམ་པ་བྱས་ནས་འབུལ། ཕྱིར་བོ་ཞིང་ལུད་ན་ཚུལ་ཁྲིམས་འཆལ་ཞིང༌། མ་ཁེངས་ན་ལོངས་སྤྱོད་དབུལ་བ། ཡ་ཡོར་སོང་ན་ལམ་ལོག་པར་གོལ་བ་སོགས་ཀྱི་ཉེས་པ་འབྱུང་བར་བཤད། རྩྭ་ཀུ་ཤ་ལྟ་བུའི་རྩེར་ཡོན་ཆབ་ཀྱི་ཆུ་ལས་ཆུའི་གཟེགས་མ་བླངས་ཤིང་། ངག་ནས་ༀ་ཨཱཿཧཱུྃ་ལན་གསུམ་བརྗོད་པ་དང་མཉམ་དུ། ཡོན་ཆབ་ལ་སིལ་གཏོར་བྱས་ཏེ་བྱིན་གྱིས་བརླབ་དགོས། ལྔ་པ་ (ཡོན་ཆབ་བྱིན་གྱིས་རློབ་ཚུལ) རྡོ་རྗེ་གསུམ་སྟེ་སངས་རྒྱས་ཀྱི་སྐུ་གསུང་ཐུགས་ཀྱི་ངོ་བོ་མཚོན་པའི་ༀ་ཨཱ་ཧཱུྂ་གསུམ་གྱི་ཡིག་འབྲུའི་ཚོགས་དཔག་ཏུ་མེད་པ་གནམ་མཁའ་ལས་ཁ་བ་འབབ་པ་ལྟར་བབས་ཏེ་དངོས་སུ་བཤམས་པ་དང་ཡིད་ཀྱིས་སྤྲུལ་པའི་ཡོན་ཆབ་སོགས་ཡིད་དུ་འོང་བའི་མཆོད་པའི་དངོས་པོ་ནམ་མཁའི་མཐའ་ཀླས་པ་དེ་དག་ལ་སིམས་ཏེ་བྱིན་གྱིས་བརླབས་པར་མོས། དེ་ཡང་ཧཱུྂ་ཡིག་ཐུགས་རྡོ་རྗེའི་ས་བོན་ཡིན་པས་ཁ་དོག་དང་དྲི་དང་ནུས་པ་སོགས་ཀྱི་སྐྱོན་ཐམས་ཅད་སྦྱངས་པར་བསམ། ཨཱ་ཡིག་གསུང་རྡོ་རྗེའི་ས་བོན་ཡིན་པས་ཐ་མལ་གྱི་ཆུ་དེ་ཉིད་བདུད་རྩིར་བསྒྱུར་བར་བསམ། ༀ་ཡིག་སྐུ་རྡོ་རྗེའི་ས་བོན་ཡིན་པས་ཡེ་ཤེས་ཀྱི་བདུད་རྩི་དེ་ཉིད་མང་པོར་སྦར་ཞིང་སྤེལ་བའི་མོས་པ་བྱའོ། །དེ་ནས་ༀ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨརྷ་ཏྱེ་ས་མྱཀ་སཾ་བུདྡྷ་ཡ། ཏདྱ་ཐཱ། ༀ་བཛྲེ་བཛྲེ་མཧཱ་བཛྲེ། མཧཱ་ཏེ་ཛ་བཛྲེ། མཧཱ་བིདྱཱ་བཛྲེ། མཧཱ་བོ་དྷི་ཙིཏྟ་བཛྲེ། མཧཱ་བོདྷི་མཎྜོ་པ་སཾ་ཀྲ་མཎ་བཛྲེ། སརྦ་ཀརྨྨ་ཨ་ཝ་ར་ཎཱ་བི་ཤོ་དྷ་ན་བཛྲེ་སྭཱཧཱ། ཞེས་དེ་བཞིན་གཤེགས་པ་རྡོ་རྗེ་རབ་འཇོམས་ཀྱི་གཟུངས་སམ་མཆོད་པའི་སྤྲིན་གྱི་གཟུངས་བརྗོད་བཞིན་པར་ཕུལ་ན་ཕྱོགས་བཅུའི་སངས་རྒྱས་ཐམས་ཅད་ཀྱི་སྤྱན་སྔར་མཆོད་པའི་སྤྲིན་གྱི་ཕུང་པོ་ནམ་མཁའ་གང་བ་འབྱུང་བར་གསུངས་པས་ཤིན་ཏུ་ཕན་ཡོན་ཆེའོ། །དྲུག་པ་ (མཆོད་ཏིང་གི་རྒྱུའི་ཁྱད་པར) མཆོད་ཏིང་ལ་རྫ་ཁོག་སོགས་རུང་ངམ་ཞེ་ན། བྱ་བྲལ་བ་ལྟ་བུའི་དབུལ་ཕོངས་ལ་ནི་རུང་ངོ་། །དབུལ་པོ་བྱ་བྲལ་བ་ལྟ་བུ་སྦྱོར་བ་མེད་ན་རང་གི་ཕོར་པ་ཡང་རུང་བར་གསུངས་ཏེ། རྗེ་སྒྲུབ་ཁང་པ་དགེ་ལེགས་རྒྱ་མཚོ་དེ་ཉིད་ཐོག་མར་སེ་ར་རྩེར་རྗེའི་སྒྲུབ་ཁང་དུ་ཕེབས་འཕྲལ་སྐབས་སྐུ་ཆས་དང་ཡོ་བྱད་བཀྲེན་པས། ཡོན་ཆབ་འབུལ་བའི་ཏིང་ཙམ་ཡང་མེད་པར། ཡོན་ཆབ་འབུལ་སྐབས་ཁོང་རང་གི་བཞེས་སྤྱད་ཆུས་ཡག་པོ་བཀྲུས་ནས་དེ་ལ་ཡོན་ཆབ་འབུལ་བར་གསུངས་པའི་ལོ་རྒྱུས་ཡོད་དོ། །འོ་ན་གསེར་དངུལ་ཟངས་སོགས་བྱེད་པ་རྒྱུ་མཚན་ཅི་ཡིན་ཞེ་ན། རང་གི་སྦྱོར་བས་ལྕོགས་ན་སྣོད་ཇི་ཙམ་རིན་ཆེ་བ་དེ་ཙམ་གྱིས་ཕན་ཡོན་ཡང་ཆེ་བ་ཡིན་ནོ། །བདུན་པ་ (ཡོན་ཆབ་ཕུལ་བའི་ཕན་ཡོན) ཕན་ཡོན་བཤད་པ་བཤད་པ་ལ། ཐོག་མར་ཡན་ལག་བརྒྱད་ལྡན་གྱི་ཆུ་ངོས་གཟུང་བ་ནི། མཆིམས་མཛོད་ལས། བསིལ་དང་ཞིམ་དང་ཡང་བ་དང༌། །འཇམ་དང་དྭངས་དང་དྲི་ང་མེད། །འཐུངས་ན་མགྲིན་དང་ལྟོ་བ་ལ། མི་གནོད་ཡན་ལག་བརྒྱད་ལྡན་ཆུ། །ཞེས་གསུངས་པ་ལྟར་རོ། །ཡན་ལག་བརྒྱད་ལྡན་གྱི་ཆུ་འབུལ་བའི་ཕན་ཡོན་ནི། དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཡོད་པར་གསུངས་ཤིང་། ཁྱད་པར་དུ་ཡན་ལག་བརྒྱད་ལྡན་གྱི་ཆབ་ཕུལ་བས་ནི། ཆུ་བསིལ་བ་ཕུལ་བས་ཚུལ་ཁྲིམས་དག་པ་དང༌། ཆུ་ཞིམ་པ་ཕུལ་བས་ཟས་ཀྱི་རོ་མཆོག་རྙེད་པ་དང༌། ཆུ་ཡང་བ་ཕུལ་བས་ལུས་སེམས་ལས་སུ་རུང་བ་དང༌། ཆུ་འཇམ་པ་ཕུལ་བས་ཤེས་རྒྱུད་འཇམ་པ་དང༌། ཆུ་དྭངས་བ་ཕུལ་བས་རིག་པ་དྭང་བར་འགྱུར་བ་དང༌། ཆུ་དྲི་མི་ང་བ་ཕུལ་བས་སྒྲིབ་པ་སྦྱོང་བ་དང༌། ཆུ་ལྟོ་ལ་མི་གནོད་པ་ཕུལ་བས་ལུས་ལ་ནད་མི་འབྱུང་བ་དང༌། ཆུ་མགྲིན་པ་ལ་མི་གནོད་པ་ཕུལ་བས་ངག་སྙན་པ་བཅས་ཀྱི་ཕན་ཡོན་བརྒྱད་འབྱུང་བར་གསུངས་སོ། །གཞན་ཡང་ཆུ་ཕུལ་བས་ཕན་ཡོན་ཅི་ཐོབ་སྙམ་པ་སྲིད་ཀྱང་། དེ་ནི་དེ་ལྟར་མ་ཡིན་ཏེ། དབུལ་ཞིང་ཕོངས་པའི་བྲན་མོ་རྒན་མོ་ཞིག་གིས་འཕགས་པ་ཀཱ་ཏྱཱ་ཡ་ན་ལ་ཆུ་གཙང་མ་ལྷུང་བཟེད་གང་ཕུལ་བའི་དགེ་བའི་རྩ་བས་སུམ་ཅུ་རྩ་གསུམ་དུ་སྐྱེས་པའི་ལོ་རྒྱུས་ཡོད་དེ། མདོ་མཛངས་བླུན་༼མདོ་སྡེ་ཨ་པ༽༡༩༢བ༥ལས། བཙུན་པ་ཀཱ་ཏྱཱ་ཡ་ན་ཆེན་པོ་ཡུལ་ཨ་པ་དེ་ན་འདུག་པ་ལས། ཡུལ་དེ་ན་ཁྱིམ་བདག་ལོངས་སྤྱོད་དང་ལྡན་པ་སེར་སྣ་ཅན་སྙིང་རྗེ་མེད་པ་ཞིག་ལ་བྲན་མོ་རྒན་མོ་ཞིག་ཡོད་དེ། བྲན་མོ་དེ་ངན་ལས་ཐམས་ཅད་བྱེད་ཀྱང་གོས་ནི་ལུས་ལ་མི་གཡོགས། ཟས་ནི་ཁར་མི་མྱོང་སྟེ། རྟག་ཏུ་བརྡུང་བཙོགས་པས་རྒན་མོས་མ་བཟོད་ནས། སྲོག་འདོར་དུ་འགྲོའོ་སྙམ་ནས་བུམ་པ་ཐོགས་ཏེ་ཆུ་འཆུར་སོང་བ་དང་། ཆུ་འགྲམ་དུ་སྐད་ཆེན་པོ་ཕྱུང་སྟེ་ངུས་སོ། །ཀཱ་ཏྱཱ་ཡ་ན་དེར་འོངས་ཏེ། རྒན་མོ་ཅིའི་ཕྱིར་འདི་ལྟར་མི་དགའ་ཞེས་དྲིས་པ་དང་། འཕགས་པ་བདག་རྒས་པའི་སྟེང་དུ་ལས་ནི་ཆེ། བགོ་བ་དང་བཟའ་བ་ནི་མེད། དབུལ་ཕོངས་པས་ཅིའི་ཕྱིར་མི་འགུམ་སྙམ་བསམས་མི་དགའ་སྟེ་ངུའོ། །ཀཱ་ཏྱཱ་ཡ་ནས་སྨྲས་པ། རྒན་མོ་ཁྱོད་དབུལ་པོ་བཙོང་ན་ཅི་ཉེས། རྒན་མོས་སྨྲས་པ། དབུལ་ཇི་ལྟར་བཙོང་སུ་ཞིག་དབུལ་ཉོ་ཞེས་སྨྲས་པ་དང་། ཀཱ་ཏྱཱ་ཡ་ནས་དབུལ་བཙོང་དུ་རུང་ངོ་། །ཞེས་ལན་གསུམ་གྱི་བར་དུ་བསྒོ་བ་དང་། དབུལ་འདི་ཇི་ལྟར་བཙོང་དྲིའོ་སྙམ་ནས། དབུལ་ཇི་ལྟར་བཙོང་དུ་རུང་ཞེས་དྲིས་པ་དང་། ཀཱ་ཏྱཱ་ཡ་ནས་སྨྲས་པ། ཇི་སྟེ་དབུལ་བཙོང་བར་འདོད་ན་ངས་བསྟན་པ་བཞིན་དུ་གྱིས་ཤིག ཅེས་བསྒོ་བ་དང་། འཕགས་པ་དེ་བཞིན་དུ་བགྱིའོ་ཞེས་གསོལ་ཏོ། །ཀཱ་ཏྱཱ་ཡ་ནས་སྨྲས་པ། ཁྱོད་སྔར་ཁྲུས་གྱིས་ཤིག་བཀྲུས་པའི་འོག་ཏུ་སྦྱིན་པ་གྱིས་ཤིག རྒན་མོས་སྨྲས་པ། བདག་ལ་ལྷན་པ་ཙམ་གྱི་རྒྱུ་ཡང་མེད་ན་ཅི་ཞིག་སྦྱིན་པར་བྱ་བུམ་པ་འདི་ནི་ཇོ་མོའི་ཡིན་ཏེ། དབང་མ་མཆིས་སོ། །ཀཱ་ཏྱཱ་ཡ་ནས་སྨྲས་པ། ཁྱོད་ལྷུང་བཟེད་ཀྱི་ནང་ན་ཆུ་གཙང་མ་ཁོང་ལ་ང་ལ་ཕུལ་ཅིག ངས་སྦྱིན་པའི་ཚིགས་སུ་བཅད་པར་བྱའོ། །ཀཱ་ཏྱཱ་ཡ་ནས་ཆུ་བླངས་ཏེ་སྦྱིན་པའི་ཚིགས་བཅད་ཀྱང་བྱས་བསླབ་ཚིག་ཀྱང་བྱིན། སངས་རྒྱས་ཀྱི་མཚན་བརྗོད་དུ་བཅུག་སྟེ། ཡོན་ཏན་རྣམ་པ་སྣ་ཚོགས་བསྔགས་ནས་རྒན་མོ་ཁྱོད་ལ་འདུག་པའི་གནས་ཡོད་དམ། རྒན་མོས་སྨྲས་པ། བདག་ལ་འདུག་པའི་གནས་མ་མཆིས་ཏེ། འཐག་པ་དང་གཏུན་བརྡུངས་པ་དང་། ལས་བྱེད་པའི་གནས་ཉིད་ལ་ཉལ་ལོ། །བར་འགའ་ནི་ལུད་ཕུང་གི་སྟེང་དུ་ཡང་ཉལ་ལོ། །ཀཱ་ཏྱཱ་ཡ་ནས་སྨྲས་པ། ཁྱོད་ངན་ལས་བྱེད་པ་ལ་འགྱོད་པ་དང་། མི་དགའ་བར་མ་བྱེད་པར་བརྩོན་འགྲུས་སུ་ལས་བྱོས་ལ། ཇོ་མོ་བསྙལ་བའི་འོག་ཏུ་དལ་གྱིས་ཇོ་མོའི་སྒོ་ཕྱེ་སྟེ། སྒོ་ཕག་གམ་གྲབ་གཙང་ཞིག་ཏུ་རྩྭ་གཙང་མ་བཏིང་བ་ལ་འདུག་ནས་གཞན་མ་སེམས་པར་སངས་རྒྱས་ཡིད་ལ་བྱོས་ལ་དྲན་པར་གྱིས་ཤིག དེ་ནས་རྒན་མོས་ཀྱང་བསྟན་པ་བཞིན་དུ་བྱས་ནས་རིང་པོ་མ་ལོན་པར་མཚན་མོ་འདུག་བཞིན་དུ། ཚེ་འཕོས་ནས་སུམ་ཅུ་རྩ་གསུམ་གྱི་ལྷར་སྐྱེས་ནས། དེའི་ཇོ་མོ་ནང་པར་སྔར་ལངས་ནས། ཁྱིམ་གྱི་ནང་ན་བྲན་མོ་ཚེ་འཕོས་པ་མཐོང་ནས། ཁྲོས་ཏེ་རྒན་མོ་འདི་ཁྱིམ་གྱི་ནང་དུ་མ་བཏང་ན་ཅིའི་ཕྱིར་འདིར་ཚེ་འཕོས། ཞེས་གཤེ་ནས་རྐང་པ་ལ་རྩྭ་ཐག་གིས་བཏགས་ཏེ་བཤལ་ནས་དུར་ཁྲོད་དུ་བསྐྱལ་ལོ། །དེའི་ཚེ་ལྷའི་སྲས་པོ་ཞིག་ལ་ལྷའི་བུ་མོ་ལྔ་བརྒྱས་བསྐོར་ཏེ་རྩེ་བར་དགའ་བ་ལས་ཚེ་འདས་ནས་རྒན་མོ་དེ་ལྷའི་སྲས་མོ་དེའི་གནས་སུ་སྐྱེས་སོ། །ལྷར་སྐྱེས་པ་དག་དབང་པོ་རྣོན་པོས་ནི་བདག་ཅིའི་རྐྱེན་གྱིས་ལྷར་སྐྱེས་པ་ཤེས་སོ། །དབང་པོ་རྟུལ་པོ་དེ་དག་གིས་མི་ཤེས་ཏེ། རྒན་མོ་དེས་ཅིའི་ཕྱིར་ལྷར་སྐྱེས་པ་མི་ཤེས་ཀྱི་བདེ་བ་འབའ་ཞིག་ལ་ཆགས་སོ། །དེའི་ཚེ་ཤཱ་རིའི་བུ་སུམ་ཅུ་རྩ་གསུམ་ན་འདུག་པ་དེས་ཁྱོད་ཅིའི་རྐྱེན་གྱིས་ལྷར་སྐྱེས་པ་ཤེས་སམ་ཞེས་དྲིས་པ་དང་། བདག་གིས་མི་ཤེས་སོ་ཞེས་སྨྲས་ནས། ཤཱ་རིའི་བུས་ལྷའི་མིག་གིས་བལྟས་ཏེ། ཇི་ལྟར་ལྷར་གྱུར་པ་མཐོང་བར་བྱས་སོ། །དེ་ནས་ལྷའི་སྲས་མོ་ལྔ་བརྒྱ་ཙམ་དང་། དུར་ཁྲོད་དུ་ལྷགས་ཏེ། རུས་བུ་ལ་ལྷའི་མེ་ཏོག་གིས་གཏོར། སྤོས་ཀྱི་མཆོད་པ་བྱས་སོ། །ལྷའི་འོད་ཀྱིས་གྲོང་ཁྱེར་དེ་དག་སྣང་བ་ཆེན་པོས་སྣང་བར་གྱུར་ནས། དེའི་ཇོ་མོ་ལ་སོགས་པ་ཡ་མཚན་དུ་གྱུར་ཏེ། མི་མང་པོ་ཡང་བལྟར་དོང་བ་ལས། ལྷ་མང་པོ་རྒན་མོའི་རུས་བུ་ལ་མཆོད་པ་བྱེད་པར་མཐོང་ནས་ལྷ་རྣམས་ལ་ཁྱོད་ཅིའི་ཕྱིར་རུས་བུ་འདི་ལ་མཆོད་པ་བྱེད། འདི་ནི་གསོན་པོའི་ཚེ་ན་ཡང་བཙོག་པས་ཀུན་གྱིས་མི་འདོད་ན། ད་ཚེ་འཕོས་པའི་རུས་བུ་ལྟ་ཅི་སྨྲོས་ཞེས་སྨྲས་སོ། །དེའི་ཚེ་ན་ལྷའི་སྲས་མོ་རྣམས་ཀྱིས་ཇི་ལྟར་ལྷར་སྐྱེས་པའི་གཏམ་རྒྱས་པར་བྱས་ནས། ཀཱ་ཏྱཱ་ཡ་ན་གང་ན་བ་དེར་སོང་ངོ་། །ཀཱ་ཏྱཱ་ཡ་ནས་ལྷའི་སྲས་མོ་དེ་དག་ལ་སྦྱིན་པ་དང་། ཚུལ་ཁྲིམས་དང་། མཐོ་རིས་སུ་སྐྱེས་པ་ལ་སོགས་ཏེ། དམ་པའི་ཆོས་ཀྱི་གཏམ་རྒྱས་པར་བྱས་ནས། མི་གཙང་བའི་ཆོས་དང་འབྱུང་བའི་ཆོས་བསྟན་པས། ལྷའི་སྲས་མོ་དེ་དག་རྡུལ་དང་བྲལ། དྲི་མ་དང་བྲལ་ཏེ་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ནས་ཕྱིར་ལྷའི་གནས་སུ་དོང་ངོ་། །འཁོར་མང་པོ་རྣམས་ཀྱང་ཆོས་བསྟན་པ་ཐོས་ནས་སོ་སོ་ནས་འབྲས་བུ་དང་པོ་ནས་འབྲས་བུ་བཞི་པའི་བར་དུ་ཐོབར་གྱུར་ནས། རྗེས་སུ་ཡི་རངས་ནས་མངོན་པར་དགའོ། །བྲན་མོ་དབུལ་མོས་ཀཱ་ཏྱཱ་ཡ་ན་ལ་དབུལ་བཙོངས་པའི་ལེའུ་སྟེ་བཅུ་དགུ་པའོ། །ཞེས་གསུངས་སོ། །བརྒྱད་པ་ (ཡོན་ཆབ་ལ་བདུན་ཚར་རམ་བདུན་ཚར་རམ་བདུན་ཚན་དུ་བྱེད་པའི་རྒྱུ་མཚན) ནི། ཆུ་གཉིས་དང༌། ཉེར་སྤྱོད་ལྔ་སྟེ་བདུན་མཚོན་བྱེད་ཡིན། ཆུ་གཉིས་ནི། མཆོད་ཡོན་དང་ཞབས་བསིལ་ལོ། །ཉེར་སྤྱོད་ལྔ་ནི། མེ་ཏོག བདུག་སྤོས། མར་མེ། དྲི་ཆབ། ཞལ་ཟས་དང་ལྔའོ། །དེ་ལྟ་བུའི་མཆོད་པ་བདུན་པོ་དེ་འབུལ་བའི་དོད་དུ་ཡོན་ཆབ་ལ་བདུན་ཚར་བྱེད་པ་རེད། དེ་ཡང་། ༡ (མཆོད་ཡོན) ནི། ཞལ་ལ་འཐུང་རྒྱུའི་ཆུ། ༢ (ཞབས་བསིལ) ཞབས་འཁྲུད་བྱེད་ཀྱི་ཆུ། ༣ དབུ་ལ་འབུལ་རྒྱུའི་ (མེ་ཏོག) ༤ ཤངས་ལ་འབུལ་རྒྱུའི་ (བདུག་སྤོས) ༥ སྤྱན་ལ་འབུལ་རྒྱུའི་ (མར་མེ) ༦ ཐུགས་སམ་སྙིང་ཁར་འབུལ་རྒྱུའི་ (དྲི་ཆབ) ཞལ་ལ་འབུལ་རྒྱུའི་ (ཞལ་ཟས) སོ། །འདི་ནི་སྔར་རྒྱ་གར་འཕགས་པའི་ཡུལ་དུ་དར་བའི་གོམས་སྲོལ་ཞིག་སྟེ། ཚ་བ་ཆེ་བས་ཐོག་མར་འགྲོན་པོར་སྐོམ་པ་བསལ་བའི་ཕྱིར་ཆབ་འབུལ་བ་དང་། དེ་ནས་ (སྔོན་རྒྱ་གར་བ་མང་ཆེ་བ་ཞབས་རྗེན་མར་ཕེབས་པས) ཞབས་དཀྲུ་བ། དེ་ནས་མེ་ཏོག་འབུལ་བ། དེ་ནས་བདུག་སྤོས་ཀྱིས་བདུག་པ། མར་མེ་འབུལ་བ། (རྒྱ་གར་བ་རྣམས་སྡེར་མའི་མཆོད་རྫས་དང་མར་མེ་འགྲོན་པོ་སོགས་ཀྱི་མདུན་དུ་སྐོར་ཙམ་བྱེད་པ་དེའི་དོད་ལྟ་བུ་ཡིན་ནམ་སྙམ) དེ་ནས་ལུས་པོའི་ནང་ནས་ཚ་དྲོད་ཆེ་ཤོས་སྙིང་ཁའི་ཐད་ཡིན་པས། དེ་ལ་ཙནྡ་གྱི་ལྡེ་གུ་བསིལ་བ་སྟེར་བའི་བྱུག་པའི་རིགས་སྙིང་ཁར་བྱུག་པ། དེ་ནས་ཞལ་ཟས་སམ་གསོལ་སྟོན་འབུལ་བ་ཡིན་ནོ། །མདོར་ན་ཆུ་གཉིས་ཉེར་སྤྱོད་ཀྱི་རིམ་པ་འདི་ཡང་རྒྱ་གར་བའི་ཡུལ་སྲོལ་དང་མཐུན་པར་བྱས་སོ། །ཇོ་བོ་ཆེན་པོ་སྐུ་ན་ཤིན་ཏུ་མཐོ་བའི་སྐབས་ཀྱང་སྒྱིད་པ་འདར་ཕྲི་ལི་ལི་ཡོན་ཆབ་འབུལ་བར་མཛད་པས། གཞན་གྱིས་ཇོ་བོ་འོ་བརྒྱལ་བར་འདུག་པས་བདག་ཅག་གིས་འབུལ་ཞེས་ཞུས་པ་ན། ཇོ་བོ་ཆེན་པོས། འོ་ན་ངས་ཟས་ཟ་བའི་ཚེ་ནའང་ཇོ་བོ་འོ་བརྒྱལ་བར་འདུག་ཅེས་ངོས་ཀྱི་ཟས་སྐལ་ཁྱོད་ཚོས་ཟའམ་ཞེས་གསུངས་པའི་ལོ་རྒྱུས་ཡོད་པས་འུ་ཅག་སོ་སོའི་སྐྱེ་བོ་ཐ་མལ་པ་དག་གིས་ཅིས་ཀྱང་འབད་པར་རིགས་སོ། །དགུ་པ་ (ཡོན་ཆབ་འབུལ་བའི་རྒྱུ་མཚན) ཇ་དང་འོ་མ་སོགས་མི་འབུལ་བར་ཆུ་འབུལ་བའི་རྒྱུ་མཚན་གང་ཡིན་ནམ་སྙམ་ན། དེ་ལ་རྒྱུ་མཚན་མང་དུ་ཡོད་ཀྱང་གཙོ་བོ་ནི། ཆུ་ནི་རིན་སྤྲད་ནས་ཉོ་སྒྲུབ་བྱེད་མི་དགོས་པས་དབུལ་ཕྱུག་ཀུན་གྱིས་བསྒྲུབ་ནུས་ཤིང་། ཆུ་འབུལ་བའི་ཚེ་སེར་སྣ་དང་ང་རྒྱལ་སོགས་ཀྱི་སྐྱོན་གྱིས་གོས་པའི་ཉེས་པ་མི་འབྱུང་བས། ཀུན་སློང་གི་ཆ་ནས་མཆོད་པ་རྣམ་པར་དག་པ་ཞིག་ཏུ་འགྱུར་བས། རྒྱུ་མཚན་དེ་དག་ལ་བརྟེན་ནས་ཡོན་ཆབ་བམ་ཆུའི་མཆོད་པ་འབུལ་བ་ཡིན་ནོ། །བཅུ་པ་ (ཏིང་གི་སྒྲ་བཤད) སྒྲ་ཡི་ཁྱད་པར་གྱི་སྒོ་ནས་བཏགས་པར་སེམས་ཏེ། ལི་ཏིང་ལྟ་བུར་དབྱུག་གུས་བསྣུན་པའམ་ཕུ་བརྒྱབ་ན་ཏིང་ཞེས་པའི་སྒྲ་འབྱུང་བས་དེའི་ཆ་ནས་བཏགས་པར་སེམས་སོ། །་སྒྲ་འབྱུང་བས་དེའི་ཆ་ནས་བཏགས་པར་སེམས་སོ། །)
• Dictionaries/sgom sde tshig mdzod chenmo/4474  + (སློབ་དཔོན་དཔའ་བོའམ་ཨཱརྱ་ཤཱུ་རས་མཛད། ཤཱུ་ར་ … སློབ་དཔོན་དཔའ་བོའམ་ཨཱརྱ་ཤཱུ་རས་མཛད། ཤཱུ་ར་ཞེས་པ་ལེགས་སྦྱར་གྱི་དཔའ་བོའི་སྐད་དོད་ཡིན། བུ་སྟོན་ཆོས་འབྱུང་དུ་སློབ་དཔོན་དཔའ་བོས་མཛད་པའི་ཞེས་འབྱུང་ཡང་། སྡེ་དགེ་བསྟན་འགྱུར་དུ་ཨཱརྱ་ཤཱུ་རས་མཛད་ཅེས་འཁོད་པས་བལྟ་འཚོལ་བྱེད་དུས་ཅུང་དཀའ་ཙམ་ཡོད་དོ། །སྡེ་དགེ་བསྟན་འགྱུར་དབུ་མ་༼ ཁེ ༽༢༡༧བ༡ནས་དབུ་ཚུགས་ཤིང་མཇུག་༢༣༥ན༥ན་རྫོགས་སོ། །རྗེའི་ལམ་རིམ་ཆེན་མོའི་ནང་འདིའི་ལུང་འདྲེན་ཐེངས་ཉི་ཤུ་ཙམ་མཛད་ཡོད། སྐྱབས་སོང་བསོད་ནམས་གཟུགས་མཆིས་ནས། །སྟོང་གསུམ་འདི་ཡང་སྣོད་དུ་ཆུང༌། །རྒྱ་མཚོ་ཆེན་པོ་ཆུ་ཡི་གཏེར། །ཕུལ་གྱིས་གཞལ་བར་ག་ལ་ནུས། །ཞེས་པའི་ཚིགས་བཅད་འདི་ཡང་གཞུང་འདི་ཉིད་ཀྱི་ཚིག་ཡིན། འདི་སེ་ར་རྗེ་བཙུན་ཆོས་ཀྱི་རྒྱལ་མཚན་གྱི་སྐབས་དང་པོའི་སྤྱི་དོན་རོལ་མཚོ་སྐྱབས་གསུམ་ཐད་དྲངས་ཡོད་ཀྱང་། ཇི་སྐད་དུ་ཞེས་པ་ཙམ་ལས་གཞུང་འདི་ཡིན་གྱི་གསལ་ཁ་མཛད་མེད་དོ། །ཙམ་ལས་གཞུང་འདི་ཡིན་གྱི་གསལ་ཁ་མཛད་མེད་དོ། །)

• Dictionaries/sgom sde tshig mdzod chenmo/1016  + (5 ཡུལ། སྐྱབས་ཡུལ། སྐྱབས་གནས་ཞེས་པ་ལྟ་བུ།)

• Dictionaries/sgom sde tshig mdzod chenmo/5923  + ((གསང་སྔགས) 1 སྐྱབས་ཡུལ་སོགས་ཀྱི་ནུས་པས་རང་ … (གསང་སྔགས) 1 སྐྱབས་ཡུལ་སོགས་ཀྱི་ནུས་པས་རང་གི་ལུས་ངག་ཡིད་གསུམ་གྱི་རྣམ་པ་གཞན་དང་གཞན་དུ་སྒྱུར་བར་བྱེད་པ་ལ་ཟེར། བྱིན་རླབས་ཞེས་པའི་སྐྱབས་ཡུལ་གཅིག་པུ་ལ་གོ་རྒྱུ་མིན་པར། བདུད་ཀྱི་བྱིན་རླབས། ལས་ཀྱི་བྱིན་རླབས། ཉོན་མོངས་པའི་བྱིན་རླབས་སོགས་ཀྱང་ཡོད་པར་ཤེས་པར་བྱའོ། །མདོ་ཕལ་ཆེན་༼ ཁ་པ ༽༢༦༦མདུན་གཟིགས་ལས། ལས་ཀྱི་བྱིན་རླབས་དང་། ཉོན་མོངས་པའི་བྱིན་རླབས་དང་། ཞེས་གསུངས་པས་སོ། །2 ཡང་ན། སྐྱབས་ཡུལ་སོགས་ཀྱི་ནུས་མཐུ་ལའང་བྱིན་རླབས་ཟེར་རོ། །ངག་སྒྲོན་འགྲེལ་པ་ལས་ལྷག་གནས་སམ་ནུས་པའི་དོན་ཡིན་ནམ་སྙམ། ཞེས་གསུངས། བླ་མ་དང་བདུད་ཀྱི་བྱིན་རླབས་ཞེས་པ་ལྟ་བུ། སྒྲ་བཤད་ནི། བྱིན་པ་ཞེས་པ་གཟི་བྱིན་དང་། རླབས་ཞེས་པ་བསྒྱུར་བའི་དོན་ཡིན་པས། སྐྱབས་ཡུལ་གྱི་གཟི་བྱིན་གྱིས་གདུལ་བྱའི་ལུས་ངག་ཡིད་གསུམ་གྱི་རྣམ་པ་ལས་རུང་དུ་བྱེད་པའི་དོན་ནོ། །3 རྫས་སྔགས་ཏིང་ངེ་འཛིན་གྱིས་བསྒྱུར་བའི་རྫས་ལྟ་བུ་ལའང་བྱིན་རླབས་ཟེར།ིས་བསྒྱུར་བའི་རྫས་ལྟ་བུ་ལའང་བྱིན་རླབས་ཟེར།)
• Dictionaries/sgom sde tshig mdzod chenmo/5068  + ((གསང་སྔགས) སྔགས་ལུགས་ལ་མདོ་ཕྱོགས་ཀྱི་ཡན་ལག … (གསང་སྔགས) སྔགས་ལུགས་ལ་མདོ་ཕྱོགས་ཀྱི་ཡན་ལག་བདུན་པའི་དོད་ལྟ་བུ་ཡིན། བདུན་ནི། དང་པོ་མཆོད་པ་འབུལ་བ། གཉིས་པ་ཕྱག་འཚལ་བ། གསུམ་པ་སྡིག་པ་བཤགས་པ། བཞི་པ་རྗེས་སུ་ཡི་རང་བ། ལྔ་པ་སྐྱབས་སུ་འགྲོ་བ། དྲུག་པ་བྱང་ཆུབ་དུ་སེམས་བསྐྱེད་པ། (སྨོན་འཇུག་གི་སེམས་གཉིས་བསྐྱེད་པ) བདུན་པ་ལམ་ལ་བརྟེན་པ་དང་བདུན་ནོ། ། (ལམ་ནི་སྦྱིན་སོགས་ཕར་ཕྱིན་བཅུའོ) འདི་རྗེའི་གསང་འདུས་བསྐྱེད་རིམ་གྱི་ཟིན་བྲིས་ལས་གསུངས་པ་ལྟར་བཀོད། སྒྲ་བཤད་ནི། འཁོར་གསུམ་མི་དམིགས་པ་བདེན་པའི་སྟོང་པ་སྒྱུ་མ་ལྟ་བུར་རྟོགས་པའི་ཤེས་རབ་ཀྱིས་ཟིན་པའི་སྒོ་ནས་སྦྱོར་བ་མཆོད་པ་སོགས་བདུན་པོའི་ཚོགས་བསག་ལ་འཇུག་པར་བྱ་བ་ཡིན་པས་ན་བདུན་རྣམ་དག་ཅེས་བྱའོ། །རྗེའི་གསང་འདུས་སྨོན་ལམ་ལས། ཞིང་གི་ཕུང་བྱུང་ཐུགས་ཀྱི་དཀྱིལ་འཁོར་ལ། །བརྟེན་ནས་འཁོར་གསུམ་དག་པའི་མཆོད་སྦྱིན་སོགས། །སྦྱོར་བ་ཚོགས་བསག་ཆོ་ག་བཞིན་བྱས་པས། །རང་གི་རྒྱུད་ནི་ཡོངས་སུ་དག་པར་ཤོག །ཅེས་པའི་འཁོར་གསུམ་དག་པའི་མཆོད་སྦྱིན་སོགས་ཟེར་བ་བདུན་རྣམ་དག་ལ་གསུངས་པ་ཡིན་ཟེར་བའང་ཡོད།ར་བ་བདུན་རྣམ་དག་ལ་གསུངས་པ་ཡིན་ཟེར་བའང་ཡོད།)
• Dictionaries/sgom sde tshig mdzod chenmo/6407  + ((དགེ་ལུགས) ཟླ་བ། ཉི་མ། ས་བོན། ཕྱག་མཚན། སྐུ … (དགེ་ལུགས) ཟླ་བ། ཉི་མ། ས་བོན། ཕྱག་མཚན། སྐུ་རྫོགས་པ་ལས་བྱང་ཆུབ་པ་དང་ལྔའོ། །མངོན་བྱང་ལྔ་ལ། དེ་བཞིན་ཉིད། (འཆི་བ་ཆོས་སྐུའི་ལམ་འཁྱེར་ནི་དེ་བཞིན་ཉིད་ལས་བྱང་ཆུབ་པ) ཉི་ཟླ་གང་རུང་། ས་བོན། ཕྱག་མཚན། སྐུ་རྫོགས་པ་དང་ལྔ་ཞེས་གོང་དུ་བཤད་པ་དང་ཅུང་ཟད་མི་འདྲ་བ་གཉིས་ཡོད། མངོན་བྱང་ལྔ་བསྐྱེད་ལ་གཟིགས། (རྙིང་མ) སྐྱབས་སེམས་སྔོན་དུ་སོང་ནས་སྟོང་པའི་ངང་ལས། ཞིང་དང་གནས་ཕུན་སུམ་ཚོགས་པ་འགྲུབ་པའི་རྒྱུ་གདན་པད་ཟླ་ལས་མངོན་པར་བྱང་ཆུབ་པ་དང་། ཆོས་ཕུན་སུམ་ཚོགས་པ་འབྱུང་བའི་རྒྱུ་གསུང་ཡིག་འབྲུ་ལས་མངོན་པར་བྱང་ཆུབ་པ། དུས་ཕུན་སུམ་ཚོགས་པ་རྟག་པ་བསམ་མི་ཁྱབ་པར་གནས་པའི་རྒྱུ་ཐུགས་ཕྱག་མཚན་ལས་མངོན་པར་བྱང་ཆུབ་པ། འཁོར་དང་སྟོན་པ་ཕུན་སུམ་ཚོགས་པའི་རྒྱུ་སྐུ་ཡོངས་རྫོགས་དཀྱིལ་འཁོར་གྱི་འཁོར་ལོ་དང་བཅས་པ་ལས་མངོན་པར་བྱང་ཆུབ་པ། སྐུ་ཡི་ངོ་བོའམ་ཡེ་ཤེས་ཕུན་སུམ་ཚོགས་པའི་རྒྱུ་ལྷ་ཡེ་ཤེས་སེམས་དཔའ་ལས་མངོན་པར་བྱང་ཆུབ་པ་སྟེ་ལྔའོ། །་སེམས་དཔའ་ལས་མངོན་པར་བྱང་ཆུབ་པ་སྟེ་ལྔའོ། །)
• Dictionaries/sgom sde tshig mdzod chenmo/10305  + ((དབུ་མ) བྱང་སེམས་ཀྱི་རྩ་ལྟུང་བཅོ་བརྒྱད་ནི། … (དབུ་མ) བྱང་སེམས་ཀྱི་རྩ་ལྟུང་བཅོ་བརྒྱད་ནི། ༡ བདག་བསྟོད་གཞན་སྨོད་ཀྱི་རྩ་ལྟུང༌། ༢ ཆོས་ནོར་མི་སྟེར་བའི་རྩ་ལྟུང༌། ༣ སེམས་ཅན་ལ་འཚོག་པ་(རྡེག་པ)དང་ཤད་སྦྱང་མི་ལེན་པའི་རྩ་ལྟུང་། ༤ དམ་པའི་ཆོས་སྤོང་བ་དང་ཆོས་ལྟར་སྣང་སྟོན་པའི་རྩ་ལྟུང་། ༥ དཀོན་མཆོག་གི་དཀོར་མ་བྱིན་པར་ལེན་པའི་རྩ་ལྟུང་། ༦ དམ་ཆོས་སྤོང་བའི་རྩ་ལྟུང་། ༧ རབ་བྱུང་ལ་འཚེ་བའི་རྩ་ལྟུང་། ༨ མཚམས་མེད་བྱེད་པའི་རྩ་ལྟུང་། ༩ ལོག་ལྟ་འཛིན་པའི་རྩ་ལྟུང་། ༡༠ གནས་འཇིག་པའི་རྩ་ལྟུང་། ༡༡ སྣོད་མིན་ལ་ཟབ་མོ་བཤད་པའི་རྩ་ལྟུང་། ༡༢ ཐེག་ཆེན་ལས་བཟློག་པའི་རྩ་ལྟུང་། ༡༣ སོ་ཐར་སྤོང་བའི་རྩ་ལྟུང་། ༡༤ ཉན་ཐོས་ཀྱི་ཐེག་པ་ལ་སྐུར་བ་འདེབས་པའི་རྩ་ལྟུང་། ༡༥ (བརྫུན་གྱིས) བདག་བསྟོད་གཞན་སྨོད་ཀྱི་རྩ་ལྟུང་། ༡༦ མི་ཆོས་བླ་མ་བརྫུན་སྨྲའི་རྩ་ལྟུང་། ༡༧ དཀོན་མཆོག་གི་དཀོར་ལེན་པའི་རྩ་ལྟུང་། ༡༨ ཁྲིམས་ངན་འཆའ་བའི་རྩ་ལྟུང་དང་བཅོ་བརྒྱད་དོ། །འདི་ནི་སྡོམ་པ་ཉི་ཤུ་པ་དང་། རྗེའི་བྱང་ཆུབ་སེམས་དཔའི་ཚུལ་ཁྲིམས་ཀྱི་རྣམ་བཤད་བྱང་ཆུབ་གཞུང་ལམ་༤༧བ༦ལས་གསུངས་པ་ལྟར་བཀོད་དོ། །དོགས་གཅོད། འདིར་རྩ་ལྟུང་ཞེས་ཐ་སྙད་བྱེད་ཀྱང་རྗེའི་བྱང་ཆུབ་གཞུང་ལམ་ལས་ཕམ་པའི་ཐ་སྙད་མཛད་ཡོད་དོ། །ཅུང་ཟད་ཞིབ་ཏུ་བཤད་ན།༡ བདག་ལ་བསྟོད་པ་དང་གཞན་ལ་སྨོད་པ། རྙེད་དང་བཀུར་སྟི་ལ་ལྷག་པར་ཞེན་ཏེ་བདག་ལ་བསྟོད་པ་དང་གཞན་ལ་སྨོད་པ་བྱང་སེམས་ཀྱི་ཕམ་པ་ལྟ་བུའི་གནས་དང་པོའོ། །༢ ཆོས་མི་སྟེར་བ་དང་ནོར་མི་སྟེར་བ། ལོངས་སྤྱོད་དག་ཡོད་དེ་བདོག་བཞིན་དུ་ཆགས་པའི་རང་བཞིན་ཅན་གྱིས་སྡུག་བསྔལ་བ་དང་བཀྲེན་པ་དང་མགོན་མེད་པ་དང་། རྟེན་མེད་པའི་སློང་བ་པོ་ལེགས་པར་འོངས་པ་རྣམས་ལ་སྙིང་སྲ་བས་ཟང་ཟིང་མི་གཏོང་བ་དང་སེར་སྣ་བྱེད་པའི་ཕྱིར་དོན་དུ་གཉེར་བ་ལེགས་པར་འོངས་པ་རྣམས་ལ་ཆོས་ཀྱི་བགོ་བཤའ་མི་བྱེད་པ་བྱང་སེམས་ཀྱི་ཕམ་པའི་གནས་ལྟ་བུའི་ཆོས་གཉིས་པའོ། །༣ སེམས་ཅན་ལ་འཚོག་པ་དང་ཤད་སྦྱང་མི་ལེན་པ། གང་གིས་བྱང་ཆུབ་སེམས་དཔའི་ཚིག་རྩུབ་མོ་སྨྲས་པ་ཙམ་གྱིས་གཏོང་བར་མི་བྱེད་དེ་ཁྲོ་བའི་ཀུན་ནས་དཀྲིས་པ་དེ་ལྟ་བུ་འཕེལ་བར་བྱེད་ལ་ཁྲོ་བས་ཟིལ་གྱིས་ནོན་ནས་ལག་པའམ་བོང་བའམ་དབྱུགས་པས་སེམས་ཅན་རྣམས་ལ་རྡེག་པར་བྱེད་རྣམ་པར་འཚེ་བར་བྱེད་རྣམ་པར་མཐོ་འཚམ་པར་བྱེད་ཅིང་། ཁྲོ་བའི་བསམ་པ་བདོ་བ་ཁོན་ཞེ་ལ་བཟུང་སྟེ་གཞན་དག་གིས་ཤད་ཀྱིས་སྦྱངས་ཀྱང་མི་ཉན་ཞིང་མི་བཟོད་ལ་བསམ་པས་མི་གཏོང་བ་འདི་ཡང་བྱང་སེམས་ཀྱི་ཕམ་པའི་གནས་ལྟ་བུའི་ཆོས་གསུམ་པའོ། །༤ དམ་པའི་ཆོས་སྤོང་བ་དང་ཆོས་ལྟར་སྣང་སྟོན་པ། བྱང་སེམས་ཀྱི་སྡེ་སྣོད་ལ་སྐུར་བ་འདེབས་པ་དང་བདག་ཉིད་དམ་གཞན་དག་གི་གཡམ་ལ་དམ་པའི་ཆོས་ལྟར་བཅོས་པ་ལ་མོས་ནས་དེ་ལ་དགའ་བ་དང་སྟོན་པ་དང་འཇོག་པ་ནི་བྱང་སེམས་ཀྱི་ཕམ་པའི་གནས་ལྟ་བུའི་ཆོས་བཞི་པའོ། །སྡོམ་པ་ཉི་ཤུ་པ་ལས། ༡ རྙེད་དང་བཀུར་སྟིར་ཆགས་པ་ཡིས། །བདག་བསྟོད་གཞན་ལ་སྨོད་པ་དང་། །༢ སྡུག་བསྔལ་མགོན་མེད་འགྱུར་བ་ལ། །སེར་སྣས་ཆོས་ནོར་མི་སྟེར་དང་། །༣ གཞན་གྱིས་བཤགས་ཀྱང་མི་ཉན་པར། །ཁྲོས་ནས་གཞན་ལ་འཚོག་པ་དང་། །ཐེག་པ་ཆེན་པོ་སྤོང་བྱེད་ཅིང་། །དམ་ཆོས་འདྲར་སྣང་སྟོན་པའོ། །ཞེས་གསུངས་སོ། །སྡོམ་ནི། བདག་བསྟོད་གཞན་སྨོད་ཆོས་ནོར་མི་སྟེར་ཞིང་། །གཞན་ལ་རྡེག་ཅིང་བཤགས་ཀྱང་མི་ཉན་དང་། །ཐེག་ཆེན་སྤོང་དང་ལྟར་སྣང་ཆོས་སྟོན་པ། །བཞི་པོ་འདི་དག་ཕམ་འདྲའི་ཆོས་བཞི་ཡིན། །ཞེས་འབྱུང་བ་ལྟར་རྩ་ལྟུང་བཞི་པོ་རྣམས་སོ་སོར་ཕྲལ་ན་བདག་ལ་བསྟོད་པ་དང་གཞན་ལ་སྨོད་པ་སོགས་བརྒྱད་དུ་འགྱུར་བ་ཡིན་ནོ། །སྡོམ་པ་ཉི་ཤུ་པ་དང་རྗེའི་བྱང་ཆུབ་གཞུང་ལམ་གཉིས་ཀར་དེ་ལྟར་གསུངས་སོ། །༥ དཀོན་མཆོག་གི་དཀོར་མ་བྱིན་པར་ལེན་པའི་ཕམ་པ།(འདིའི་དཀོན་མཆོག་ནི་དཀོན་མཆོག་གསུམ་ག་དང་། དེ་ཡང་སངས་རྒྱས་ནི་སངས་རྒྱས་དངོས་སམ་སྐུ་གཟུགས་སོགས་གང་རུང་། ཆོས་ནི་ལུང་རྟོགས་གཉིས། དགེ་འདུན་ནི་ཕྱོགས་བཅུའི་དགེ་འདུན་ནོ) ༦ དམ་ཆོས་སྤོང་བའི་ཕམ་པ། (འདིའི་དམ་ཆོས་ནི། རྗེའི་བྱང་ཆུབ་གཞུང་ལམ་༥༨བ༢ལས། ཐེག་པ་གསུམ་དང་ལྡན་པའི་མདོ་སྡེ་གང་རུང་ངོ་། །ཞེས་གསུངས་པ་ལྟར་རོ། །སྤོང་ཚུལ་ནི། དེ་བཞིན་གཤེགས་པས་གསུངས་པ་མ་ཡིན་ནོ། །ཞེས་སྐུར་བ་འདེབས་པའོ) ༧ རབ་བྱུང་ལ་འཚེ་བའི་ཕམ་པ། (རྗེའི་བྱང་ཆུབ་གཞུང་ལམ་༥༩ན༥ལས། འཚེ་བའི་ཡུལ་ནི། མདོ་ལས་སངས་རྒྱས་ཀྱི་རྗེས་སུ་རབ་ཏུ་བྱུང་བ་བྱས་པ་བསླབ་པའི་གཞི་བཟུང་མ་བཟུང་དང་ཚུལ་ཁྲིམས་འཆལ་བ་དང་ཚུལ་ལྡན་གང་རུང་ལ་གསུངས་ཤིང་། ཚིགས་བཅད་དེ་ལའང་འང་གི་སྒྲ་ཡོད་པས་ཚུལ་ཁྲིམས་འཆལ་བའི་དགེ་སློང་ཞེས་པ་མཚོན་པ་ཙམ་མོ། །འཚེ་བ་ཇི་ལྟར་བྱས་པ་ལ་ཀུན་སློང་ནི། ཡུལ་དེ་ལ་གནོད་ཅིང་འཚེ་བའི་བསམ་པ་སྟེ་ཉོན་མོངས་ཅན་ནོ། །སྦྱོར་བ་ནི། གོས་ངུར་སྨྲིག་འཕྲོག་པ་དང་རབ་བྱུང་ལས་ཕབ་སྟེ་ཁྱིམ་ན་གནས་པ་བྱེད་དུ་འཇུག་པ་གང་རུང་བྱས་པའོ། །ཞེས་གསུངས་སོ) ༨ མཚམས་མེད་བྱེད་པའི་ཕམ་པ། ༩ ལོག་ལྟ་འཛིན་པའི་ཕམ་པ། ༡༠ གནས་འཇིག་པའི་ཕམ་པ། ༡༡ སྣོད་མིན་ལ་ཟབ་མོ་བཤད་པའི་ཕམ་པ། ༡༢ ཐེག་ཆེན་ལས་བཟློག་པའི་ཕམ་པ། (ཐེག་ཆེན་ལ་ཞུགས་པ་ལ་ཁྱོད་ཀྱིས་ཕྱིན་དྲུག་སྤྱད་པར་མི་ནུས་ཤིང་འཚང་རྒྱ་བར་མི་ནུས་ཀྱིས་ཉན་རང་ལ་གཞུག་པར་རིགས་སོ་ཞེས་སེམས་ཤུགས་ཉམས་སུ་བཅུག་སྟེ་ཐེག་ཆེན་ལས་བཟློག་ཏུ་འཇུག་པའོ) ༡༣ སོ་ཐར་སྤོང་བའི་ཕམ་པ། (རྗེའི་བྱང་ཆུབ་གཞུང་ལམ་༦༠བ༣ལས། འདུལ་བའི་ཚུལ་ཁྲིམས་དག་པས་ཅི་ཞིག་བྱ་རྫོགས་བྱང་དུ་སེམས་བསྐྱེད་ལ་ཐེག་ཆེན་ལྷོགས་ཤིག་དང་ཉོན་མོངས་པའི་རྐྱེན་གྱིས་བྱུང་བའི་སྒོ་གསུམ་གྱི་ཉེས་སྤྱོད་ཐམས་ཅད་དག་པར་འགྱུར་རོ་ཞེས་སེམས་བསྐྱེད་དང་ཐེག་ཆེན་བཀླགས་པ་ཙམ་གྱིས་འདག་པར་སྨྲ་བའོ། །ཞེས་གསུངས) ༡༤ ཉན་ཐོས་ཀྱི་ཐེག་པ་ལ་སྐུར་བ་འདེབས་པའི་ཕམ་པ། (རྗེའི་བྱང་ཆུབ་གཞུང་ལམ་༦༡ན༢ལས། སྐུར་བ་འདེབས་པའི་ཚུལ་ནི། ཐེག་པ་དེ་དག་ལ་ཇི་ཙམ་བསླབས་ཀྱང་ཉོན་མོངས་པ་མཐར་འབྱིན་པའམ་མ་ལུས་པར་སྤོང་མི་ནུས་སོ་ཞེས་བསམ་པ་ཐག་པ་ནས་སྐུར་བ་འདེབས་པའོ། །ཞེས་དང་། ཡང་དེ་ཉིད་ལས། ཕམ་པ་འདི་དང་ཕམ་པ་གཉིས་པའི་ཉན་རང་གི་ཆོས་སྤངས་པ་གཉིས་ནི་མི་འདྲ་སྟེ། སྔ་མ་ལུང་ཡིན་ལ་འདི་རྟོགས་པ་ཡིན་པ་དང་སྔ་མ་ནི་རྒྱལ་བས་མ་གསུངས་ཞེས་སྤོང་ལ་འདི་ནི་སྲིད་པའི་རྩ་བ་གཅོད་མི་ནུས་པས་འཁོར་བ་ལས་འབྱུང་བར་མི་ནུས་ཞེས་སྤོང་བའི་ཕྱིར་རོ། །ཞེས་གསུངས) ༡༥ (བརྫུན་གྱིས)བདག་བསྟོད་གཞན་སྨོད་ཀྱི་ཕམ་པ། (བྱང་ཆུབ་གཞུང་ལམ་༥༡བ༤ལས། རྙེད་བཀུར་དང་ཚིགས་བཅད་ཀྱི་ཆེད་དུ་ཐེག་ཆེན་འདོན་པ་དང་ཀློག་པ་དང་སྟོན་པ་སོགས་བྱེད་བཞིན་དུ་བདག་ནི་རྙེད་བཀུར་སོགས་ལ་མི་ལྟ་བའི་ཐེག་ཆེན་པ་ཡིན་གྱི་གཞན་ནི་མིན་ནོ་ཞེས་ལྕེ་གཉིས་བྱེད་པའོ། །ཞེས་གསུངས།) ༡༦ མི་ཆོས་བླ་མ་བརྫུན་སྨྲའི་ཕམ་པ།(བྱང་ཆུབ་གཞུང་ལམ་༦༢ན༦ལས། སྟོང་པ་ཉིད་ཀྱི་ཆོས་བསྟན་ནས་འདི་ནི་ཁོ་བོས་མངོན་སུམ་དུ་བྱས་ནས་ཁྱོད་ལ་སྙིང་བརྩེ་བས་བསྟན་གྱི་ཁྱོད་ཀྱིས་ཀྱང་འདི་མངོན་སུམ་དུ་འགྱུར་བ་དེ་ལྟར་སྒོམས་ཤིག་དང་ཁོ་བོ་དང་འདྲ་བར་འགྱུར་རོ། །ཞེས་སྨྲ་བའོ། །ཞེས་གསུངས་པ་ལྟར་རོ) ༡༧ དཀོན་མཆོག་གི་དཀོར་ལེན་པའི་ཕམ་པ། (རྗེའི་བྱང་ཆུབ་གཞུང་ལམ་༦༦བ༣ལས། འདི་ནི་མདུན་ན་འདོན་དང་བློན་པོ་སོགས་ཀྱིས་རྒྱལ་རིགས་རྣམས་ལ་བརྟེན་ནས་དགེ་སྦྱོང་ལ་ནོར་གྱི་ཆད་པས་གཅོད་ལ། དེ་ལྟར་བྱས་པ་ན་དེ་དག་གིས་གང་ཟག་གིའམ་དགེ་འདུན་གྱིའམ་ཕྱོགས་བཞིའི་དགེ་འདུན་གྱིའམ་མཆོད་རྟེན་གྱི་ཡོ་བྱད་དག་རྐུར་བཅུག་ནས་དེ་དག་ལ་གསུག་ཏུ་འབུལ་ལོ། །དེ་དག་གིས་ཀྱང་རྒྱལ་རིགས་ལ་འབུལ་ཏེ་རྒྱལ་པོ་དང་བློན་པོ་སོགས་ལ་རྩ་ལྟུང་ངོ་། །ཞེས་གསུངས) ༡༨ ཁྲིམས་ངན་འཆའ་བའི་ཕམ་པ། (རྗེའི་བྱང་ཆུབ་གཞུང་ལམ་༦༧ན༡ལས། ཁྲིམས་འཆའ་བའི་ཡུལ་ནི། ཆོས་སྤྱོད་པའི་དགེ་སློང་རྣམས་སོ། །ཁྲིམས་ཇི་ལྟར་བཅས་པ་ནི། དེ་དག་རྣམས་ལ་བརྩེ་བའི་བསམ་པས་(འདིའི་བརྩེ་བ་ནི་བྱམས་སྙིང་རྗེའི་བརྩེ་བ་ལ་མི་གོ་བར་མི་བཟོད་པའམ་འཚེ་བའི་བསམ་པ་ལ་གོ་དགོས)ཞི་གནས་དང་ལྷག་མཐོང་དང་མཐུན་པའི་ཡིད་བྱེད་འདོར་བ་དང་ཉོན་མོངས་པ་མང་དུ་འགྱུར་བའི་ཁྲིམས་བཅས་པའོ། །ཞེས་གསུངས) ༧སྐྱབས་རྗེ་ཕ་བོང་ཁ་རིན་པོ་ཆེའི་ཐུན་དྲུག་བླ་མའི་རྣལ་འབྱོར་ལས། བྱང་སེམས་ཀྱི་རྩ་ལྟུང་བཅོ་བརྒྱད་ལ་བསྔོ་བགྲང་བྱ་བ་ནི། བདག་བསྟོད་གཞན་སྨོད་༡ཆོས་ནོར་མི་སྟེར་༢ཞིང༌། །བཤགས་ཀྱང་མི་ཉན་༣ཐེག་ཆེན་སྤོང་བ་༤དང༌། (དོགས་གཅོད། བྱང་སེམས་ཀྱི་རྩ་ལྟུང་བཅོ་བརྒྱད་ལས་དང་པོ་བཞི་ལ་ཕྱེ་ན་བརྒྱད་དུ་འགྱུར་དགོས་པས། སྐྱབས་རྗེ་ཕ་བོང་ཁ་རིན་པོ་ཆེའི་ཐུན་དྲུག་བླ་མའི་རྣལ་འབྱོར་ལས། གཞན་ལ་འཚོག་པ་དང་། དམ་ཆོས་འདྲར་སྣང་སྟོན་པ་གཉིས་མི་འབྱུང་བས། སྡོམ་པ་ཉི་ཤུ་པ་དང་རྗེའི་བྱང་ཆུབ་གཞུང་ལམ་གཉིས་ཀ་དང་མི་མཐུན་པས་ནོར་བའི་སྐྱོན་དུ་མཐོང་ངོ་། །དེ་ཡང་སྡོམ་པ་ཉི་ཤུ་པ་ལས། གཞན་གྱིས་བཤགས་ཀྱང་མི་ཉན་པར། །ཁྲོས་ནས་གཞན་ལ་འཚོག་པ་དང་། །ཐེག་པ་ཆེན་པོ་སྤོང་བྱེད་ཅིང་། །དམ་ཆོས་འདྲར་སྣང་སྟོན་པའོ། །ཞེས་གསལ་བར་གསུངས་སོ། །དེས་ན། བདག་བསྟོད་གཞན་སྨོད་ཆོས་ནོར་མི་སྟེར་ཞིང་། །བཤགས་ཀྱང་མི་ཉན་གཞན་ལ་རྡེག་པ་དང་། །ཐེག་ཆེན་སྤོང་དང་ལྟར་སྣང་ཆོས་སྟོན་པའོ། །ཞེས་འདོན་དགོས་སོ) །དཀོན་མཆོག་དཀོར་འཕྲོག་༥ཆོས་སྤོང་༦ངུར་སྨྲིག་འཕྲོག ༧།མཚམས་མེད་ལྔ་༨་དང་ལོག་ལྟ་༩གྲོང་སོགས་འཇོམས་༡༠། །མ་སྦྱངས་སྟོང་ཉིད་་བསྟན་༡༡དང་རྫོགས་བྱང་བཟློག༡༢ །སོ་ཐར་སྤོང་༡༣དང་ཉན་སྨོད་༡༤ཟབ་བརྫུན་སྨྲ༡༥། །མཆོག་གསུམ་དཀོར་ལེན་༡༦ཁྲིམས་ངན་འཆའ་༡༧སེམས་གཏོང༌༡༨། །(གོང་དུ་བཤད་པའི་རྩ་ལྟུང་བཅོ་བརྒྱད་ལས། ལོག་ལྟ་དང་སེམས་གཏོང་བ་གཉིས་མ་གཏོགས་པ། གཞན་བཅུ་དྲུག་ལ་ཀུན་དཀྲིས་བཞི་པོ་གང་རུང་ཞིག་ཚང་དགོས་སོ) ཉེས་དམིགས་མི་བལྟ་༡སྤྱོད་འདོད་མ་ལོག་༢དང༌། །དགའ་མགུ་༣ངོ་ཚ་ཁྲེལ་མེད་༤ ཀུན་དཀྲིས་བཞི། །ཚང་དགོས་བཅུ་དྲུག་མི་དགོས་ལོག་ལྟ་དང༌། །སེམས་འདོར་གཉིས་བཅས་རྩ་ལྟུང་བཅོ་བརྒྱད་བསྲུང༌། །(རྩ་ལྟུང་བཅོ་བརྒྱད་ཀྱི་གྲངས་འདྲེན་ལ་དོགས་གཅོད) སློབ་དཔོན་ཙནྡྲ་གོ་མིའི་སྡོམ་པ་ཉི་ཤུ་པ་དང་རྗེའི་བྱང་སེམས་ཀྱི་རྩ་ལྟུང་གི་རྣམ་བཤད་ལས་རྩ་ལྟུང་བཅོ་བརྒྱད་འདྲེན་པའི་ཚེ་བྱང་སེམས་འདོར་བ་མི་འབྱུང་བར་དེའི་དོད་ལ་བདག་བསྟོད་གཞན་སྨོད་གོང་འོག་ཏུ་ལན་གཉིས་འབྱུང་ལ། འོན་ཀྱང་སྐྱབས་རྗེ་ཕ་བོང་ཁ་པའི་ཐུན་དྲུག་བླ་མའི་རྣལ་འབྱོར་དུ། བདག་བསྟོད་གཞན་སྨོད་དང་པོ་དང་བཅུ་བཞི་པ་གཉིས་ཀར་འབྱུང་བ་དེ་གཉིས་ཟློས་སྐྱོན་ལྟ་བུར་གཟིགས་ནས། དེ་གཉིས་ལས་གཅིག་དོར་ནས། བྱང་སེམས་འདོར་བ་བསྣན་ཏོ། །དེ་ཡང་ཁུངས་མེད་པ་མ་ཡིན་པར་ཐབས་ལ་མཁས་པའི་མདོ་ལས་འདི་རྩ་ལྟུང་དུ་གསུངས་པས་དེ་ལ་བསམས་ནས་བཀོད་པར་སེམས་སོ། །(ཀུན་དཀྲིས་གསུམ་གྱི་ཁྱད་པར) ཀུན་དཀྲིས་ཆེ་འབྲིང་ཆུང་གསུམ་གྱི་ཁྱད་པར་ནི། ཉེས་དམིགས་མི་བལྟ་བ། སྤྱོད་འདོད་མ་ལོག་པ། དགའ་ཞིང་མགུ་བ། ངོ་ཚ་ཁྲེལ་མེད་བཅས་བཞི་པོ་ཐམས་ཅད་ཚང་ན། ཀུན་དཀྲིས་ཆེན་པོ། ཉེས་དམིགས་སུ་མི་བལྟ་བ་འདི་ཀུན་དཀྲིས་བཞི་ལས་ཚབས་ཆེ་ཤོས་ཡིན་པས་འདི་ཡོད་ན། གཞན་གསུམ་ག་མེད་ཀྱང་། ཀུན་དཀྲིས་འབྲིང་། ཉེས་དམིགས་སུ་བལྟ་བ་མེད་ན། གཞན་གསུམ་ག་ཚང་ཡང་། ཀུན་དཀྲིས་ཆུང་ངུ་ཞེས་བྱའོ། །རྗེའི་བྱང་སེམས་ཀྱི་རྩ་ལྟུང་གི་རྣམ་བཤད་༦༥ན༣ལས། ཀུན་དཀྲིས་ཆེན་པོ་ངོས་གཟུང་བ་ནི་ཕམ་པའི་གནས་ལྟ་བུའི་ཆོས་བཞི་པོ་འདི་དག་རྒྱུན་མ་ཆད་པར་ཀུན་ཏུ་སྤྱོད་པ་དང་ངོ་ཚ་ཤེས་པ་དང་ཁྲེལ་ཡོད་པ་ཆུང་ངུ་ཙམ་ཡང་མི་སྐྱེད་པ་དང་དེས་མགུ་བར་བྱེད་ཅིང་དེ་ལ་དགའ་བ་དང་དེ་ཉིད་ལ་ཡོན་ཏན་དུ་ལྟ་བ་ཅན་དུ་གྱུར་པ་འདི་ནི་ཀུན་ནས་དཀྲིས་པ་ཆེན་པོ་ཡིན་པར་རིག་པར་བྱའོ། །ཞེས་དང་། ཡང་དེ་ཉིད་༧༢ན༡ལས། དེས་ན་ཀུན་དཀྲིས་ཆེན་པོའི་ཡན་ལག་མ་ཚང་བའི་ཉེས་དམིགས་སུ་ལྟ་བ་འདུག་ན་ལྷག་མ་ཐམས་ཅད་ཚང་ཡང་ཆུང་ངུར་ཤེས་པར་བྱ་ལ་ཉེས་དམིགས་སུ་ལྟ་བ་མི་འདུག་ན་འབྲིང་དུ་ཤེས་པར་བྱའོ། །ཞེས་གསུངས་སོ། །ག་ན་འབྲིང་དུ་ཤེས་པར་བྱའོ། །ཞེས་གསུངས་སོ། །)
• Dictionaries/sgom sde tshig mdzod chenmo/11712  + ((དབུ་མ) སེམས་བསྐྱེད་ལེན་པ་ལ་སྨོན་སེམས་དམ་བ … (དབུ་མ) སེམས་བསྐྱེད་ལེན་པ་ལ་སྨོན་སེམས་དམ་བཅའ་ཅན་གཟུང་བ་ཟེར་ཞིང་། སེམས་བསྐྱེད་ལ་མྱོང་བ་ཐན་ཐུན་སྐྱེས་པའི་མཚམས་ནས་སྨོན་སེམས་དམ་བཅའ་ཅན་གཟུང་བ་ཡིན་ནོ། །དེ་ལེན་པའི་ཆོ་ག་ཤིན་ཏུ་མདོར་བསྡུས་ནི། ཐོག་མར་སྦྱོར་བའི་ཆོ་ག་ལ། སྐྱབས་འགྲོ་ཁྱད་པར་ཅན་བྱ་བ། ཚོགས་བསག་པ། བསམ་པ་སྦྱང་བའོ། །སྐྱབས་འགྲོ་ཁྱད་པར་ཅན་བྱ་བ་ལ། གནས་བརྒྱན་ཅིང་མཆོད་རྫས་བཤམས་པ། གསོལ་བ་གདབ་ཅིང་སྐྱབས་སུ་འགྲོ་བ། སྐྱབས་འགྲོའི་བསླབ་བྱ་བརྗོད་པའོ། །གཉིས་པ་སེམས་བསྐྱེད་ཀྱི་དོན་དུ་གསོལ་བ་གདབ་པ་ནི། བླ་མ་ལ་སྟོན་པའི་འདུ་ཤེས་ཀྱིས་ཕྱག་འཚལ་ཏེ་ཡོན་དང་མཎྜལ་ཕུལ་ལ་པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་སྦྱར་ཏེ། ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་བྱང་ཆུབ་སེམས་དཔའ་ཆེན་པོ་ས་ཆེན་པོ་ལ་བཞུགས་པ་རྣམས་ཀྱིས་དང་པོར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་བཞིན་དུ། བདག་མིང་རང་གི་མིང་ནས་སྨོསའདི་ཞེས་བགྱི་བའང་སློབ་དཔོན་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དུ་གསོལ། ཞེས་ལན་གསུམ་བརྗོད། སྐྱབས་འགྲོ་ཁྱད་པར་ཅན་བྱ་བ་ནི། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །ཆོས་རྣམས་ཀྱི་མཆོག་ཞི་བ་འདོད་ཆགས་དང་བྲལ་བའི་ཆོས་རྣམས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག་འཕགས་པ་བྱང་ཆུབ་སེམས་དཔའ་ཕྱིར་མི་ལྡོག་པའི་དགེ་འདུན་རྣམས་ལ་སྐྱབས་སུ་མཆིའོ།། ཞེས་ལན་གསུམ་བརྗོད་དོ། །གཉིས་པ་སེམས་བསྐྱེད་གཟུང་བའི་ཆོ་ག་དངོས་གཞི་ནི། ཕྱོགས་བཅུ་རྣམས་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བས་སྐྱེ་བ་འདི་དང་སྐྱེ་བ་གཞན་དང་གཞན་དག་ཏུ་སྦྱིན་པའི་རང་བཞིན་དང་ཚུལ་ཁྲིམས་ཀྱི་རང་བཞིན་དང་བསྒོམས་པའི་རང་བཞིན་གྱི་དགེ་བའི་རྩ་བ་བདག་གིས་བགྱིས་པ་དང་བགྱིད་དུ་བསྩལ་བ་དང་བགྱིད་པ་ལ་རྗེས་སུ་ཡི་རང་བའི་དགེ་བའི་རྩ་བ་དེས། ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་ཆེན་པོ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཐུགས་བསྐྱེད་པར་མཛད་པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཆེན་པོ་ལ་སེམས་བསྐྱེད་པར་བགྱིའོ། །སེམས་ཅན་མ་བསྒྲལ་བ་རྣམས་བསྒྲལ་བར་བགྱིའོ། །མ་གྲོལ་བ་རྣམས་གྲོལ་བར་བགྱིའོ། །དབུགས་མ་ཕྱིན་པ་རྣམས་དབུགས་དབྱུང་བར་བགྱིའོ། །ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་འདའ་བར་བགྱིའོ། །ཞེས་ལན་གསུམ་བརྗོད་པར་བྱའོ། །སློབ་དཔོན་མེད་ཀྱང་བདག་ཉིད་བྱང་ཆུབ་ཏུ་སེམས་བསྐྱེད་པའི་ཆོ་ག་ནི། སློབ་དཔོན་དགོངས་སུ་གསོལ། ཞེས་པའི་ཚིག་སྤངས་པ་མ་གཏོགས་གཞན་རྣམས་འདྲའོ། །མཇུག་གི་ཆོ་ག་ནི། སློབ་དཔོན་གྱིས་སྨོན་སེམས་ཀྱིས་བསླབ་བྱ་རྣམས་སློབ་མ་ལ་བརྗོད་པར་བྱའོ། །སེམས་བསྐྱེད་པའི་ཆོ་ག་འདི་ནི་ཇོ་བོའི་སེམས་བསྐྱེད་པའི་ཆོ་ག་དང་། རྗེ་ཙོང་ཁ་པ་ཆེན་པོའི་བྱང་ཆུབ་ལམ་རིམ་ཆེན་མོ་ལས་གསུངས་པ་ལྟར་རོ། །བྱང་ཆུབ་ལམ་རིམ་ཆེན་མོ་ལས་གསུངས་པ་ལྟར་རོ། །)
• Dictionaries/sgom sde tshig mdzod chenmo/5848  + ((དབུ་མ)༼ བླ་མ་ཡོད་པའི་ཆོ་ག་ནི ༽སྡོམ་པ་ལེན་ … (དབུ་མ)༼ བླ་མ་ཡོད་པའི་ཆོ་ག་ནི ༽སྡོམ་པ་ལེན་པ་པོས། སྡོམ་པ་བླང་ཡུལ་བླ་མ་ལ། རྐང་པ་གཉིས་ལ་ཕྱག་བྱ་བ་དང་། མཎྜལ་ཕུལ་ཏེ། སྡོམ་པའི་ཕྱིར་གསོལ་བ་འདེབས་པ་ནི། ཙོག་ཙོག་པོར་འདུག་ཅིང་ཐལ་མོ་སྦྱར་ལ་རྐང་པ་གཡས་པའི་ལྷ་ང་ས་བཙུགས་ཏེ། བདག་རིགས་ཀྱི་བུ་ཁྱོད་ལས་བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཡང་དག་པར་བླང་བ་ནོད་པར་འཚལ་གྱི་དེ་ལ་གནོད་པ་མ་མཆིས་ན་བདག་ལ་ཐུགས་བརྩེ་བའི་སླད་དུ་ཅུང་ཟད་ཅིག་གསན་ཅིང་སྩལ་བའི་རིགས་སོ། །ཞེས་གསོལ་བ་ལན་གསུམ་གདབ། དེ་ནས་བླ་མས། རིགས་ཀྱི་བུ་ཁྱོད་ཉོན་ཅིག། ཁྱོད་འདི་ལྟར་སེམས་ཅན་མ་བརྒལ་བ་རྣམས་བསྒྲལ་བ་དང་མ་གྲོལ་བ་རྣམས་དགྲོལ་བ་དང་དབུགས་མ་ཕྱིན་པ་རྣམས་དབུགས་དབྱུང་བ་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་བཟླ་བ་དང་སངས་རྒྱས་ཀྱི་གདུང་རྒྱུན་མི་གཅད་པར་འདོད་དམ། དེ་ལ་ཁྱོད་ཀྱིས་སེམས་བསྐྱེད་པ་བརྟན་པ་དང་ཡི་དམ་བརྟན་པར་ཡང་བྱའོ། །ཁྱོད་སྡོམ་པ་ལེན་པ་འདི་གཞན་དང་འགྲན་པའི་ཕྱིར་མ་ཡིན་ནམ། (སློབ་པ་རྣམས་ཀྱིས། མ་ཡིན་ལགས་ཞེས་བརྗོད) གཞན་གྱིས་རང་དབང་མེད་པར་ལེན་དུ་བཅུག་པ་མ་ཡིན་ནམ། (མ་ཡིན་ལགས) བྱང་ཆུབ་སེམས་དཔའི་སྡེ་སྣོད་དམ་སྡེ་སྣོད་ཀྱི་མ་མོ་ཐོས་སམ། (ཅུང་ཟད་ཐོས་ལགས) ཤེས་སམ། (ཅུང་ཟད་ཤེས་ལགས) དད་དམ། (དད་ལགས) ཅུང་ཟད་སྲུང་ནུས་སམ། (ནུས་ལགས) ཞེས་ལན་གདབ་པར་བྱའོ། །སྡོམ་པ་མྱུར་དུ་བསྐུལ་བ་ནི། དེ་ནས་འདུད་པའི་ཚུལ་གྱིས་པུས་མོ་གཡས་པའི་ལྷ་ང་ས་བཙུགས་པའམ་ཙོག་ཙོག་པོར་འདུག་སྟེ། བཙུན་པས་བྱང་ཆུབ་སེམས་པའི་ཚུལ་ཁྲིམས་ཀྱི་སྡོམ་པ་ཡང་དག་པར་བླང་བ་བདག་ལ་མྱུར་དུ་སྩལ་དུ་གསོལ། ཞེས་གསོལ་བ་ལན་གསུམ་གདབ་བོ། །བར་ཆད་འདྲི་བ་ནི། རིགས་ཀྱི་བུ་ཆོས་ཀྱི་སྤུན་མིང་འདི་ཞེས་བྱ་བ་ཁྱོད་བྱང་ཆུབ་སེམས་དཔའ་ཡིན་ནམ་བྱང་ཆུབ་ཏུ་སྨོན་ལམ་བཏབ་བམ། (སློབ་མ་རྣམས་ཀྱི) ལེགས་སོ། །ཞེས་ཁས་བླང་ངོ་། །དྲི་བ་གཉིས་ཀྱི་དོན་ནི་རིགས་ཀྱི་ནུས་པ་ལེགས་པར་སད་པ་དང་སྨོན་སེམས་བརྟན་པ་ལ་བྱའོ། ། སྡོམ་པ་ལེན་པའི་ཆོ་ག་དངོས་ནི། རིགས་ཀྱི་བུ་མིང་འདི་ཞེས་བྱ་བ་ཁྱོད་འདས་པའི་བྱང་ཆུབ་སེམས་དཔའ་ཐམས་ཅད་ཀྱི་བསླབ་པའི་གཞིར་གྱུར་པ་གང་ཡིན་པ་རྣམས་དང་ཚུལ་ཁྲིམས་སུ་གྱུར་པ་གང་ཡིན་པ་དང་། མ་འོངས་པའི་བྱང་ཆུབ་སེམས་དཔའ་ཐམས་ཅད་ཀྱི་བསླབ་པའི་གཞིར་འགྱུར་བ་གང་ཡིན་པ་རྣམས་དང་ཚུལ་ཁྲིམས་སུ་འགྱུར་བ་གང་ཡིན་པ་དང་། ད་ལྟ་ན་ཕྱོགས་བཅུ་དག་ན་ད་ལྟར་བྱུང་བའི་བྱང་ཆུབ་སེམས་དཔའ་ཐམས་ཅད་ཀྱི་བསླབ་པའི་གཞི་གང་ཡིན་པ་རྣམས་དང་ཚུལ་ཁྲིམས་གང་ཡིན་པ་དང་བསླབ་པའི་གཞི་གང་དག་དང་ཚུལ་ཁྲིམས་གང་ལ་འདས་པའི་བྱང་ཆུབ་སེམས་དཔའ་ཐམས་ཅད་ཀྱིས་བསླབས་པར་གྱུར་པ་དང་། མ་འོངས་པའི་བྱང་ཆུབ་སེམས་དཔའ་ཐམས་ཅད་སློབ་པར་འགྱུར་བ་དང་། ཕྱོགས་བཅུ་དག་ན་ད་ལྟར་བྱུང་བའི་བྱང་ཆུབ་སེམས་དཔའ་ཐམས་ཅད་ད་ལྟ་ན་སློབ་པ་བྱང་ཆུབ་སེམས་དཔའི་བསླབ་པའི་གཞི་ཐམས་ཅད་དང་བྱང་ཆུབ་སེམས་དཔའི་ཚུལ་ཁྲིམས་ཐམས་ཅད་དེ་སྡོམ་པའི་ཚུལ་ཁྲིམས་དང་དགེ་བའི་ཆོས་སྡུད་པའི་ཚུལ་ཁྲིམས་དང་སེམས་ཅན་གྱི་དོན་བྱ་བའི་ཚུལ་ཁྲིམས་ང་ལས་ནོད་དམ། (སློབ་མ་རྣམས་ཀྱིས) ནོད་ལགས་སོ། །ཞེས་ལན་གསུམ་གྱི་བར་དུ་ལན་རེ་རེའི་མཐར་དྲི་ཞིང་དེས་ཀྱང་ལན་རེ་རེ་ཞིང་ནོད་ལགས་སོ་ཞེས་ལན་གསུམ་ཁས་བླང་བར་བྱའོ། །མཇུག་གི་ཆོ་ག་ལ་མཁྱེན་པར་གསོལ་བ་ནི། དེ་བཞིན་གཤེགས་པའི་སྐུ་གཟུགས་དེ་ཉིད་ཀྱི་སྤྱན་སྔར་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་བཞུགས་ཤིང་འཚོ་བ་ཐམས་ཅད་ཀྱི་ཞབས་ལ་གཏུགས་ཏེ་ཐལ་མོ་སྦྱར་ནས། བྱང་ཆུབ་སེམས་དཔའ་མིང་འདི་ཞེས་བགྱི་བ་འདིས་བདག་བྱང་ཆུབ་སེམས་དཔའ་མིང་འདི་ཞེས་བགྱི་བ་ལས། བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཡང་དག་པར་བླང་བ་ལན་གསུམ་གྱི་བར་དུ་མནོས་ལགས་ཏེ། བདག་མིང་འདི་ཞེས་བགྱི་བ་བྱང་ཆུབ་སེམས་དཔའ་མིང་འདི་ཞེས་བགྱི་བ་འདིའི་བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པ་ལ་བདག་དཔང་དུ་གྱུར་པར་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ཏུ་འཕགས་པའི་མཆོག་ལྐོག་ཏུ་གྱུར་ཀྱང་ཐམས་ཅད་དུ་སེམས་ཅན་ཐམས་ཅད་ལྐོག་ཏུ་མ་གྱུར་པའི་ཐུགས་མངའ་བ་རྣམས་ལ་མཁྱེན་པར་གསོལ་ལོ། །ཞེས་ལན་གསུམ་གྱི་བར་དུ་བརྗོད་པར་བྱའོ། །དེ་ནས་སློབ་མ་དེ་འདུག་བཞིན་དུ་ཕྱོགས་བཅུའི་ཞིང་གི་རྒྱལ་བ་སྲས་བཅས་ཀྱི་ཞབས་ལ་གཏུགས་པར་མོས་པ་བྱས་ནས་དངོས་སུ་ཕྱོགས་རེ་རེར་ཕྱག་གསུམ་གསུམ་དང་མེ་ཏོག་རེ་གཏོར་ནས་མཐར་འགྲེང་སྟེ་ཐལ་མོ་སྦྱར་ནས་ཕྱོགས་བཅུ་རྣམས་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ་ཞེས་པས་སྣ་དྲངས་ཏེ་མཁྱེན་གསོལ་མཛད་པའི་ཕྱག་ལེན་ཡོད་དོ། །སྟེང་དང་འོག་གི་ཕྱག་ནི་དེ་དག་ལ་དམིགས་ཏེ་ཤར་དང་ནུབ་ཏུ་བྱའོ། །༼ བླ་མ་མེད་པའི་ཆོ་ག་ནི༽(བླ་མ་མཚན་ལྡན་མ་རྙེད་ན་རྟེན་གྱི་དྲུང་ནས་བླང་ཚུལ་ནི) བདག་མིང་འདི་ཞེས་བགྱི་བ་ཕྱོགས་བཅུའི་དེ་བཞིན་གཤེགས་པ་དང་ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་ཐམས་ཅད་ལ་གསོལ་བ་འཚལ་ཏེ། དེ་དག་གི་སྤྱན་སྔར་བྱང་ཆུབ་སེམས་དཔའི་བསླབ་པའི་གཞི་ཐམས་ཅད་དང་བྱང་ཆུབ་སེམས་དཔའི་ཚུལ་ཁྲིམས་ཐམས་ཅད་དེ། སྡོམ་པའི་ཚུལ་ཁྲིམས་དང་། དགེ་བའི་ཆོས་སྡུད་པའི་ཚུལ་ཁྲིམས་དང་། སེམས་ཅན་གྱི་དོན་བྱ་བའི་ཚུལ་ཁྲིམས་གང་ལ་འདས་པའི་བྱང་ཆུབ་སེམས་དཔའ་ཐམས་ཅད་ཀྱིས་བསླབས་པ་དང་། མ་འོངས་པའི་བྱང་ཆུབ་སེམས་དཔའ་ཐམས་ཅད་ཀྱིས་སློབ་པར་འགྱུར་བ་དང་། ཕྱོགས་བཅུ་ན་ད་ལྟར་བྱུང་བའི་བྱང་ཆུབ་སེམས་དཔའ་ཐམས་ཅད་ད་ལྟ་སློབ་པ་རྣམས་བདག་གིས་ཡང་དག་པར་བླང་ངོ་། །ཞེས་ལན་གསུམ་བརྗོད་ནས་བླང་བར་བྱའོ། །༼ བྱང་སེམས་ལེན་པའི་ཆོ་ག་ཤིན་ཏུ་མདོར་བསྡུས་ནི ༽རྗེའི་སྔགས་རིམ་ཆེན་མོ་ལས། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱིས་གཟུང༌། །ཞེས་པ་ལན་གསུམ་བརྗོད་དུ་གཞུག་ལ་སྡོམ་པ་དཔོག་གོ། ཆོ་ག་འདི་སྒྱུ་དྲའི་གཉིས་པ་དང་གུར་གྱི་བཅུ་གཉིས་པ་ལས་གསུངས་སོ། །གོང་གི་དེ་ཚིག་ཉུང་བས་བརྡ་འཕྲོད་དཀའ་བར་གསུངས་པས་ཅུང་ཟད་རྒྱས་པ་དགོས་ན། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱིས་གཟུང༌། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །བྱང་ཆུབ་སེམས་སུ་འདི་བགྱི་སྟེ། །བདག་དང་གཞན་དོན་རབ་བསྒྲུབ་ཕྱིར། །བདག་གིས་བྱང་ཆུབ་མཆོག་སེམས་བསྐྱེད། །ཨེ་མ་ཧོ་སེམས་ཅན་ཀུན་མགྲོན་གཉེར། །བྱང་ཆུབ་སྤྱོད་མཆོག་མཛད་བཞིན་སྤྱད། །འགྲོ་ལ་ཕན་ཕྱིར་སངས་རྒྱས་ཤོག །ཅེས་ལན་གསུམ་བརྗོད་པས་བླང་ངོ་། །ཆོ་ག་མདོར་བསྡུས་འདི་གཉིས་བླ་མ་ཡོད་པའི་ཆོ་ག་ལའང་རིགས་འདྲེའོ། །རྗེའི་གསུང་ལ་གཞི་བྱས་ཏེ་བཀོད་དོ། །དྲེའོ། །རྗེའི་གསུང་ལ་གཞི་བྱས་ཏེ་བཀོད་དོ། །)
• Dictionaries/sgom sde tshig mdzod chenmo/7461  + ((ཕར་ཕྱིན) འཕགས་པ་དགོངས་པ་ཟབ་མོ་ངེས་པར་འགྲེ … (ཕར་ཕྱིན) འཕགས་པ་དགོངས་པ་ཟབ་མོ་ངེས་པར་འགྲེལ་པའི་མདོའི་རྒྱ་ཆེར་འགྲེལ་པ་རྒྱའི་སློབ་དཔོན་མཁན་པོ་ཝེན་ཚེག་གིས་མཛད་པ། ཞུ་ཆེན་གྱི་ལོ་ཙཱ་བ་འགོས་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པ། བསྟན་འགྱུར་མདོ་ཕྱོགས་༼ཏི་ཐི་དི༽གསུམ་ན་བཞུགས། བོད་རྒྱ་ཚིག་མཛོད་ཆེན་མོར། འདི་སྔར་ཐང་ཟན་བླ་མའི་སློབ་མ་ཁྲའོ་ཞན་གྱི་སློབ་དཔོན་ཡིན་ཞེས་གསལ། ཝེན་ཚེག་ནི་བོད་དུ་རྒྱའི་བཙུན་པ་ཡིན་པ་ཡོངས་སུ་གྲགས་ཀྱང་། ༸གོང་ས་༸སྐྱབས་མགོན་རྒྱལ་བའི་དབང་པོ་བསྟན་འཛིན་རྒྱ་མཚོས་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་ཕྱི་ལོ་༢༠༠༨-༨-༣ ཉིན་ཀོ་རི་ཡའི་སློབ་མ་རྣམས་ལ་བྱང་ཆུབ་ལམ་སྒྲོན་གྱི་གསུང་ཆོས་བཀའ་དྲིན་ཆེ་སྐབས། ཝེན་ཚེག་འདི་བཞིན་བོད་ལ་རྒྱའི་བཙུན་པ་ཡིན་པར་གྲགས་ཀྱང་རྗེས་སུ་བྱས་ཚེ་ཀོ་རི་ཡའི་མི་རིགས་རེད་འདུག་གསུངས། ཝེན་ཚེག་གིས་མཛད་པའི་མདོ་སྡེ་དགོངས་འགྲེལ་གྱི་འགྲེལ་པ་རྒྱ་ནག་ནས་བོད་སྐད་དུ་བསྒྱུར་བ་ཞིག་ཡོད་པ་རྗེའི་ལེགས་བཤད་སྙིང་པོ་སོགས་ལས་ཀྱང་ཤེས་ནུས་ཤིང་། ཁོང་གི་འདོད་ཚུལ་འགའ་ཞིག་རྗེའི་ལེགས་བཤད་སྙིང་པོའི་ནང་དྲངས་ཏེ་དགག་པ་ཡང་མཛད་ཡོད། འཁྲུངས་འདས་ལོ་ཚིགས་ (༦༡༣-༦༩༦)་ཡང་མཛད་ཡོད། འཁྲུངས་འདས་ལོ་ཚིགས་ (༦༡༣-༦༩༦))
• Dictionaries/sgom sde tshig mdzod chenmo/2957  + ((ཕར་ཕྱིན) སྐྱབས་འགྲོའི་ཐུན་མོང་བའི་རྒྱུ་འཁ … (ཕར་ཕྱིན) སྐྱབས་འགྲོའི་ཐུན་མོང་བའི་རྒྱུ་འཁོར་བ་སྤྱི་དང་བྱེ་བྲག་གི་སྡུག་བསྔལ་བསམས་ནས་འཇིགས་ཤིང་སྐྲག་པ་དང༌། དེ་ལས་སྐྱོབ་པའི་ནུས་པ་དཀོན་མཆོག་ལ་ཡོད་པར་ཡིད་ཆེས་པ་གཉིས་ཀྱི་སྟེང་དུ། གཞན་སྡུག་བསྔལ་གྱིས་མནར་བ་ལ་མི་བཟོད་པའི་སྙིང་བརྩེ་བས་ཟིན་པའི་སྐྱབས་འགྲོ་ལ་ཟེར། ཞིབ་ཏུ་བཤད་ན། ཐེག་ཆེན་ཐུན་མོང་མ་ཡིན་པའི་སྐྱབས་འགྲོའི་ཁྱད་པར་ལ། སྐྱབས་ཡུལ་གྱི་ཁྱད་པར། དུས་ཀྱི་ཁྱད་པར། ཆེད་དུ་བྱ་བའམ་དགོས་པའི་ཁྱད་པར། སྐྱབས་སུ་འགྲོ་ཚུལ་གྱི་ཁྱད་པར་དང་བཞིའོ། །དང་པོ་སྐྱབས་ཡུལ་གྱི་ཁྱད་པར་ནི། སངས་རྒྱས་ལ་ཁྱད་པར་མེད་ཀྱང་། ཆོས་ནི་མི་གནས་པའི་མྱང་འདས་དང་ཡེ་ཤེས་ཆོས་སྐུ་གཉིས་ཏེ། སངས་རྒྱས་ཀྱི་ཐུགས་རྒྱུད་ཀྱི་འགོག་ལམ་གཉིས་སོ། །གཉིས་པ་དུས་ཀྱི་ཁྱད་པར་ནི། ཇི་སྲིད་འཚོའི་བར་དང་འཁོར་བ་ལས་ཐར་པའི་བར་ཙམ་མིན་པར། བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ། གསུམ་པ་ཆེད་དུ་བྱ་བའམ་དགོས་པའི་ཁྱད་པར་ནི། རང་གཅིག་པུའི་ཆེད་དང་འཁོར་བ་ལས་ཐར་པ་ཙམ་གྱི་ཆེད་དུ་མིན་པར། སེམས་ཅན་ཐམས་ཅད་འཁོར་བ་ལས་བསྐྱབ་པའི་ཆེད་དུའོ། །བཞི་པ་སྐྱབས་སུ་འགྲོ་ཚུལ་ནི། སེམས་ཅན་ཐམས་ཅད་སྒྲོལ་བའི་ཕྱིར་དུ་དཀོན་མཆོག་གསུམ་ལ་སྐྱབས་སུ་འགྲོ་བ་ལས་དུས་མཉམ་དུ་ཡང་ལྡོག་པར་མི་བྱའོ་སྙམ་དུ་བསམ་པའི་སྒོ་ནས་སོ། །དེ་ཡང་རྗེའི་ལམ་རིམ་དང་ཇོ་བོའི་སེམས་བསྐྱེད་པའི་ཆོ་ག་ལས། བདག་མིང་ (རང་མིང་སྨོས) འདི་ཞེས་བགྱི་བ་དུས་འདི་ནས་བཟུང་ནས་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །བདག་མིང་ (རང་མིང་སྨོས) འདི་ཞེས་བགྱི་བ་ (དུས་ཀྱི་ཁྱད་པར་ནི) དུས་འདི་ནས་བཟུང་ནས་ ཇི་སྲིད་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་ཆོས་རྣམས་ཀྱི་མཆོག་ (སྐྱབས་ཡུལ་གྱི་ཁྱད་པར་ནི) ཞི་བ་འདོད་ཆགས་དང་བྲལ་བའི་ཆོས་རྣམས་ལ་སྐྱབས་སུ་མཆིའོ། །བདག་མིང་ (རང་མིང་སྨོས) འདི་ཞེས་བགྱི་བ་ (དུས་ཀྱི་ཁྱད་པར་ནི) དུས་འདི་ནས་བཟུང་ནས་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་ཚོགས་རྣམས་ཀྱི་མཆོག་ (སྐྱབས་ཡུལ་གྱི་ཁྱད་པར) འཕགས་པ་བྱང་ཆུབ་སེམས་དཔའ་ཕྱིར་མི་ལྡོག་པའི་དགེ་འདུན་རྣམས་ལ་སྐྱབས་སུ་མཆིའོ། །ཞེས་གསུངས་པ་ལྟར་རོ། །ཁྱད་པར་བཞི་ལས། སྐྱབས་ཡུལ་གྱི་ཁྱད་པར། དུས་ཀྱི་ཁྱད་པར་གཉིས་དངོས་སུ་བསྟན་ནས། ཆེད་དུ་བྱ་བའམ་དགོས་པའི་ཁྱད་པར་དང་། སྐྱབས་སུ་འགྲོ་ཚུལ་གྱི་ཁྱད་པར་གཉིས་སེམས་བསྐྱེད་པའི་ཆོ་ག་དང་འབྲེལ་བས་ཤུགས་ཀྱིས་བསྟན་པ་ཡིན་ནོ། །ོ་ག་དང་འབྲེལ་བས་ཤུགས་ཀྱིས་བསྟན་པ་ཡིན་ནོ། །)
• Dictionaries/sgom sde tshig mdzod chenmo/12267  + ((ཕར་ཕྱིན) མཆོག་གསུམ་ལ་སྐྱབས་སུ་སོང་ནས་བསྒྲ … (ཕར་ཕྱིན) མཆོག་གསུམ་ལ་སྐྱབས་སུ་སོང་ནས་བསྒྲུབ་དགོས་པའི་བསླབ་བྱ་གསུམ་ནི། སངས་རྒྱས་ལ་སྐྱབས་སུ་སོང་བའི་སྒྲུབ་པའི་བསླབ་བྱ་ནི། སངས་རྒྱས་ཀྱི་སྐུ་གཟུགས་རི་མོར་བྲིས་པ་ལེགས་ཉེས་ཅི་འདྲ་ཞིག་ལའང༌། དཔྱས་མི་གདགས་ཤིང་འོ་བརྒྱལ་སར་མི་བཞག་པ་དང༌། གཏའ་མར་འཇོག་པ་སོགས་ཀྱི་མི་གུས་པ་དང་། བརྙས་ཐབས་སྤངས་ནས་སྟོན་པ་ལྟར་བཀུར་བའི་ཞིང་དུ་བཟུང་བར་བྱའོ། །ཆོས་ལ་སྐྱབས་སུ་སོང་བའི་སྒྲུབ་པའི་བསླབ་བྱ་ནི། ཆོས་ཚིག་བཞི་པ་ཞིག་ཡན་ཆད་ལ་ཡང་མ་གུས་པ་སྤང་ཞིང༌། གླེགས་བམ་གཏར་འཇུག་པ་དང་ཟོང་དུ་བྱེད་པ་དང་ས་སྒྲེ་བོ་དང་འོ་བརྒྱལ་སར་འཇོག་པ་དང༌། ལྷམ་དང་སྦྲགས་ཏེ་འཁུར་བ་དང་འགོམ་ཡུག་སོགས་མ་གུས་པ་ཐམས་ཅད་སྤངས་ཏེ། ཆོས་དཀོན་མཆོག་ལྟར་གུས་པར་བྱེད་པའོ། །དགེ་འདུན་ལ་སྐྱབས་སུ་སོང་བའི་སྒྲུབ་པའི་བསླབ་བྱ་ནི། དགེ་འདུན་ནམ་རབ་ཏུ་བྱུང་བ་དགེ་སྦྱོང་གི་རྟགས་ཙམ་འཛིན་པ་དང༌། དེ་དག་གི་རྟགས་ཙམ་ལ་ཡང་མི་གཤེ་ཞིང་མི་བརྙས་པ་དང༌། ཁྱེད་དང་ངེད་ཀྱི་ཚོ་ཞེས་རིས་སུ་བཅད་ནས་དགྲར་བལྟ་བ་རྣམ་པ་ཐམས་ཅད་དུ་མི་བྱ་བར་དགེ་འདུན་དཀོན་མཆོག་ལྟར་གུས་པར་བྱེད་པའོ། །རྗེའི་ལམ་རིམ་ཆེན་མོ་ལས་བཏུས་ཏེ་བཀོད་དོ། །།རྗེའི་ལམ་རིམ་ཆེན་མོ་ལས་བཏུས་ཏེ་བཀོད་དོ། །)
• Dictionaries/sgom sde tshig mdzod chenmo/3119  + ((ཕར་ཕྱིན) ལྷ་གཞན་ལ་སྐྱབས་སུ་མི་འགྲོ་བ་དང༌། … (ཕར་ཕྱིན) ལྷ་གཞན་ལ་སྐྱབས་སུ་མི་འགྲོ་བ་དང༌། སེམས་ཅན་ལ་གནོད་འཚེ་སྤོང་བ་དང༌། མུ་སྟེགས་ཅན་དང་མི་འགྲོགས་པ་གསུམ་མོ། །དེ་ལ་དང་པོ་ནི། འཇིག་རྟེན་པའི་ལྷ་དྲག་པོ་དང་ཁྱབ་འཇུག་སོགས་ལའང་ཕུགས་ཀྱི་སྐྱབས་སུ་མི་འཛིན་ན། ཡི་དྭགས་སུ་གྱུར་པའི་གཞི་བདག་དང་ཀླུ་ལ་ལྟ་ཅི་སྨོས། དེ་ཡང་སྐྱབས་གསུམ་ལ་ཡིད་མ་ཆེས་ནས་དེ་དག་ལ་བློ་འགེལ་ན་མི་རུང་བ་ཡིན་གྱི། དེ་དག་ལ་འཕྲལ་གྱི་ཆོས་ལྡན་གྱི་བྱ་བ་འགའ་ཞིག་གི་གྲོགས་འཆོལ་བ་ཙམ་ལ་མི་རུང་བ་མེད་དེ། དཔེར་ན། སྦྱིན་བདག་ལ་འཚོ་བའི་གྲོགས་འཆོལ་བ་དང༌། སྨན་པ་ལ་ནད་གསོ་བའི་རེ་བལྟོས་འཆའ་བ་བཞིན་ནོ། །གཉིས་པ་ནི། མི་དང་དུད་འགྲོ་ལ་སོགས་པ་ལ་བརྡེག་པ་དང་འཆིང་བ་དང་གོ་རར་གཞུག་པ་དང༌། སྣ་འབུགས་པ་དང་མི་ཐེག་བཞིན་དུ་འགེལ་བ་ལ་སོགས་བསམ་པ་དང་སྦྱོར་བས་སེམས་ཅན་ལ་གནོད་པ་དང་འཚེ་བ་སྤོང་བའོ། །གསུམ་པ་ནི། དཀོན་མཆོག་གསུམ་ལ་སྐྱབས་སུ་ཡིད་མི་ཆེས་ཤིང༌། སྐུར་བར་བྱེད་པ་རྣམས་དང་མཐུན་པར་མི་བྱེད་པའོ། །མྱ་ངན་ལས་འདས་པ་ལས། གང་ཞིག་གསུམ་ལ་སྐྱབས་འགྲོ་བ། །དེ་ནི་ཡང་དག་དགེ་བསྙེན་ཏེ། །ནམ་དུའང་ལྷ་ནི་གཞན་དག་ལ། །སྐྱབས་སུ་སོང་བ་མ་ཡིན་ནོ། །དམ་པའི་ཆོས་ལ་སྐྱབས་འགྲོ་བ། །འཚེ་ཞིང་གསོད་པའི་སེམས་དང་བྲལ། །དགེ་འདུན་ལ་ཡང་སྐྱབས་འགྲོ་བ། །མུ་སྟེགས་ཅན་དང་འགྲོགས་པ་མིན། །ཞེས་གསུངས་སོ། །རྗེའི་ལམ་རིམ་ལྟར་བཀོད་དོ། །ཞེས་གསུངས་སོ། །རྗེའི་ལམ་རིམ་ལྟར་བཀོད་དོ། །)
• Dictionaries/sgom sde tshig mdzod chenmo/2030  + ((བརྡ་སྤྲོད) སྡུད་པ་དང་སྦྲེལ་བ་དང་མཚམས་སྦྱོ … (བརྡ་སྤྲོད) སྡུད་པ་དང་སྦྲེལ་བ་དང་མཚམས་སྦྱོར་བ་དང་ལྷག་བཅས་ཀྱི་དོན་བཅས་ལ་འཇུག་པའི་ཕྲད་གཞན་དབང་ཅན་ཞིག སྨྲ་སྒོ་ལས། ཀྱང་ཡང་སོགས་དང་འཇུག་པ་མཐུན་པའི་བསྡུ་བའི་དོན་ལ་འཇུག་པར་བཤད་དེ། དེ་ཉིད་ལས། ཅིང་ལ་སོགས་པ་བསྡུ་བ་དང་། །མཚམས་སྦྱོར་དག་ཏུ་འདོད་པ་ཡིན། །ཞེས་གསུངས་སོ། །༡ གཞི་མཐུན་པའི་མཚམས་སྦྱོར་ལ་འཇུག་པ། དཔེར་ན་འདོད་ཅིང་ཆགས་ཞེས་པ་ལྟ་བུ། ༢ དུས་ཅིག་ཅར་གྱི་མཚམས་སྦྱོར་ལ་འཇུག་པ། དཔེར་ན་དུད་ཅིང་འགྲོ་ཞེས་པ་ལྟ་བུ། ༣ གཞན་འདྲེན་ཙམ་གྱི་མཚམས་སྦྱོར་ལ་འཇུག་པ། དཔེར་ན་རྗེའི་སྔགས་རིམ་ཆེན་མོ་ལས། རྒྱུན་མི་ཆད་དུ་ལྷག་པའི་ལྷར་བསྟེན་ “ཅིང་” ། །ད་དུང་ཁྱོད་ཀྱི་ཞབས་པད་སྤངས་ནས་ནི། །ནམ་ཡང་སྐྱབས་གཞན་མེད་དོ་མཁྱེན་པའི་གཏེར། །བདག་གི་རེ་བ་འབྲས་བུ་མཆིས་པར་མཛོད། །ཅེས་པ་ལྟ་བུ། ཏེ་དེ་སྟེ་གསུམ་དང་འཇུག་པ་མཚུངས་སོ། །ྟ་བུ། ཏེ་དེ་སྟེ་གསུམ་དང་འཇུག་པ་མཚུངས་སོ། །)
• Dictionaries/sgom sde tshig mdzod chenmo/11520  + ((བུདྡྷ) 1 མ་རིག་པའི་མུན་པ་སངས་ཤིང་ཤེས་བྱ་མ … (བུདྡྷ) 1 མ་རིག་པའི་མུན་པ་སངས་ཤིང་ཤེས་བྱ་མཐའ་དག་ལ་བློ་གྲོས་རྒྱས་པའི་གང་ཟག ཡང་ན་མ་རིག་པའི་གཉིད་རྒྱུན་ཆད་པས་སངས་པ་སྟེ་གཉིད་སད་པ་བཞིན། ཡང་དག་པའི་ཡེ་ཤེས་ཀྱིས་མི་ཤེས་པའི་ཟུམ་པ་བཅོམ་ཞིང་ཤེས་བྱ་ལ་བློ་རྒྱས་པས་པད་འདབ་རྒྱས་པ་བཞིན་ཏེ། དེ་འདྲའི་སངས་རྒྱས་དང༌། ཞེས་དང༌། སྐྱབས་འགྲོ་བདུན་ཅུ་པ་ལས་ཀྱང༌། ཤེས་བྱ་ལ་ནི་བློ་རྣམས་རྒྱས། །རྨོངས་པའི་ཟུམ་པ་བཅོམ་པས་ན། །སངས་རྒྱས་པད་མ་ལྟར་རྣམ་རྒྱས། །ཞེས་དང༌། དེས་ན་བུདྡྷའི་སྒྲ་གཉིད་སད་པ་དང་པད་འདབ་རྒྱས་པ་གཉིས་ཀ་ལ་འཇུག་པ་སྒྲ་སྦྱོར་བམ་གཉིས་སུ་བཤད་པ་ལྟར། སངས་རྒྱས་ལ་དེ་གཉིས་ཀའི་སྒྲ་དོན་བཤད་རྒྱུ་ཡོད་པ་རྒྱུ་མཚན་དུ་བྱས་ནས་སངས་རྒྱས་ཞེས་བསྡོམས་ནས་བསྒྱུར་རོ། །ཞེས་རྗེའི་ལེགས་བཤད་གསེར་གྱི་ཕྲེང་བ་ལས་གསུངས། དཔའ་བོ་གཙུག་ལག་ཕྲེང་བའི་སྤྱོད་འཇུག་འགྲེལ་པ་ལས་ཀྱང༌། སྤངས་པ་ཕུན་ཚོགས་ཀྱི་ཕྱིར་སངས་པ་དང་རྟོགས་པ་ཕུན་ཚོགས་ཀྱི་ཕྱིར་རྒྱས་པ་ཡིན་ལ། བུདྡྷའི་སྒྲ་ཡང་ན་སངས་པ་དང་ཡང་ན་རྒྱས་པ་ལ་འཇུག་ཀྱང༌། བོད་དུ་ཐོག་མའི་ལོ་པཎ་རྣམས་ཀྱིས་མུན་པ་སངས་པའམ་པདྨ་ཁ་རྒྱས་པ་ལྟ་བུ་ལ་བུདྡྷའི་སྒྲ་བྱུང་ཚེ་སྐབས་ཐོབ་དེ་ཉིད་དུ་སངས་པའམ་རྒྱས་པ་ཞེས་སོ་སོར་བསྒྱུར་ལ་སངས་རྒྱས་ལ་སྒྲ་འདི་བྱུང་ཚེ་དེ་རྣམས་སུ་མི་འཁྲུལ་བའི་ཕྱིར་གཉི་གར་དུ་ཅིག་ཅར་བསྒྱུར་ནས་སངས་རྒྱས་ཞེས་བརྗོད་དགོས་པར་བརྡ་སྦྱོར་བམ་གཉིས་མ་སོགས་ལས་བཤད་པ་སྟེ་འདི་ལྟ་བུའི་དོན་ཅན་ཆེས་མང་ངོ༌། །ཞེས་གསུངས་སོ། །2 རྟོགས་པའམ་ཁོང་དུ་ཆུད་པ། དཔེར་ན་རང་རྒྱལ་ལ་དེ་ཁོ་ན་ཉིད་རྟོགས་པ་འབྲིང་པོའམ། སངས་རྒྱས་འབྲིང་པོ་ཞེས་བརྗོད་པ་བཞིན་ནོ། །། སངས་རྒྱས་འབྲིང་པོ་ཞེས་བརྗོད་པ་བཞིན་ནོ། །)
• Dictionaries/sgom sde tshig mdzod chenmo/3975  + ((བློ་སྦྱོང) 1 ཡག་པོའི་དོན། དཔེ་ཆོས་རིན་ཆེན … (བློ་སྦྱོང) 1 ཡག་པོའི་དོན། དཔེ་ཆོས་རིན་ཆེན་སྤུངས་པ་ལས། རྒྱལ་རིགས་ལ་སོགས་པའི་མི་དྲ་མ་དེ་མི་དམན་པ་རྣམས་ཀྱི་སྐྱབས་དང་མགོན་བྱེད་པས། ཞེས་གསུངས་པ་ལྟ་བུའོ། །2 ཁ་སྟབས་ཁ་ཐབས་དང་འདྲཅན་ནམ་དང་ཁ་བསོད་ཅན། བརྡ་བཀྲོལ་ཡིད་དགའ་ལས་གསུངས། 3 མཁས་པ་དང་ཡ་རབས། བོད་རྒྱ་ཚིག་མཛོད་ཆེན་མོར་གསལ། 4 ཁང་པའི་སྐར་ཁུང་གི་སྒོ་དྲ་མིག་ཅན་གྱི་མིང༌། དག་ཡིག་གསར་བསྒྲིགས་ན་གསལ།མིག་ཅན་གྱི་མིང༌། དག་ཡིག་གསར་བསྒྲིགས་ན་གསལ།)
• Dictionaries/sgom sde tshig mdzod chenmo/7334  + ((ཚིག་རྐང་ནི) ཚིགས་བཅད་དམ་ཤོ་ལོ་ཀ་གཅིག་ལ། ཚ … (ཚིག་རྐང་ནི) ཚིགས་བཅད་དམ་ཤོ་ལོ་ཀ་གཅིག་ལ། ཚིག་རྐང་བཞི་རེ་ཡོད་ཅིང༌། དེའི་རྐང་པ་རེ་རེ་ལ་ཚིག་རྐང་རེ་ཟེར། དཔེར་ན། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །ཞེས་པ་ལྟ་བུའོ། ། (ཚིག་འབྲུ་ནི) སངས་རྒྱས། ཆོས། ཚོགས། བྱང་ཆུབ། བདག སྐྱབས། ལྟ་བུའོ། ། (ཡིག་འབྲུ་ནི) ཡི་གེ་སོ་སོ་བའམ་རེ་རེ་བ་སྟེ། དཔེར་ན། སེམས། ཞེས་པའི་ཚིག་འབྲུ་དེ་ལ་ཡིག་འབྲུ་གསུམ་ཡོད་པ་ལྟ་བུ། ཚིག་རྐང་སོགས་གསུམ་ནི་ཆེ་ཆུང་གི་སྒོ་ནས་ཡིན་ཏེ། གོང་དུ་འགྲེལ་བཤད་བྱས་པ་ལྟར། ཡིག་འབྲུ་ནི་ཆུང་ཤོས། ཚིག་འབྲུ་འབྲིང༌། ཚིག་རྐང་ནི་ཆེ་ཤོས་ཡིན་ནོ། །ཤོ་ལོ་ཀ་དང་ཚིགས་བཅད་གཉིས་དོན་གཅིགཡིན་ནོ། །ཤོ་ལོ་ཀ་དང་ཚིགས་བཅད་གཉིས་དོན་གཅིག)
• Dictionaries/sgom sde tshig mdzod chenmo/8426  + ((འདུལ་བ) གནོད་སྦྱིན་མ་འཕྲོག་མ་འདིས་རྒྱལ་པོ … (འདུལ་བ) གནོད་སྦྱིན་མ་འཕྲོག་མ་འདིས་རྒྱལ་པོའི་ཁབ་ན་ཕྲུག་གུ་སྐྱེས་སོ་ཅོག་ཕྲོགས་ཤིང་ཕྲོགས་ནས་ཟ་བར་བྱེད་པས་ན་འཕྲོག་མ་ཞེས་མིང་ཐོགས་ཤིང་། འདིའི་ཐོག་མའི་མིང་ལ་དགའ་བྱེད་མ་ཟེར། བཅོམ་ལྡན་འདས་ཀྱིས་གནོད་སྦྱིན་མ་འཕྲོག་མ་ཐབས་མཁས་ཀྱིས་བཏུལ་ནས་གཞན་ལ་འཚེ་བ་སྤོང་དུ་བཅུག་སྟེ་སྐྱབས་འགྲོ་ལ་བཀོད། བཅོམ་ལྡན་འདས་ཀྱིས་འཕྲོག་མ་ལ། གལ་ཏེ་ཁྱོད་ཀྱིས་སེམས་ཅན་ལ་འཚེ་བ་སྤངས་ན་ང་དང་ངའི་རྗེས་འཇུག་རྣམས་ཀྱིས་དུས་ནམ་ཡང་ཁྱོད་དང་ཁྱོད་ཀྱི་བུ་ཕྲུག་རྣམས་ལ་གཏོར་མ་ཆག་མེད་དུ་སྦྱིན་པར་ཁོ་བོས་ཁས་བླང་ངོ་ཞེས་ཐུགས་དམ་བཅས་པར་མཛད་ཅེས་བཤད་སྒྲོས་ལ་ཡོད་དོ། །འཕྲོག་མ་དང་དེའི་བུ་རྣམས་ལ་གཏོར་མའམ་ཆང་བུ་སྦྱིན་པའི་སྲོལ་འདི་དེ་དུས་དར་བར་སྙམ། འུ་ཅག་བཅོམ་ལྡན་འདས་ཀྱི་རྗེས་འཇུག་ཡིན་པའི་ཆ་ནས་གང་གིས་དམ་བཅའ་མཛད་པ་མི་ཉམས་པར་བྱ་རྒྱུ་ཤིན་ཏུ་གལ་ཆེ་བས། ཟས་མཆོད་ཀྱི་སྐབས་འཕྲོག་མ་དེའི་བུ་ལ་ཆང་བུ་གཉིས་འབུལ་རྒྱུ་མ་བརྗེད་པ་གནང་གལ་ཤིན་ཏུ་ཆེའོ། །ཉིན་དགུང་གསོལ་ཚིགས་ཀྱི་ཚེ་དཀོན་མཆོག་རྗེས་དྲན་གྱི་མདོ་འདོན་ཞིང་ཟས་མཆོད་འབུལ་སྐབས། མཆིལ་ལྷམ་ཕུད་ནས་ཚུལ་མཐུན་གྱིས་སྔ་ཆབ་བླངས་ལ། གཙང་སྦྲ་ཆེན་པོས་ཕུད་ཀྱི་ཞལ་ཟས་སྐེད་པར་མཐེབ་སྐྱུ་བཞི་ཡོད་པའམ། ཟས་སྐམ་པས་མི་འབྱར་བ་བྱུང་ན་ཞལ་ཟས་ཀྱི་འོག་གི་ཕྱོགས་བཞིར་འཇོག་གནང་མཛད་པ་གང་བདེ་དང་། མཐའ་སྐོར་དུ་མཛུབ་མོ་ལྔའི་རྗེས་དོད་པའི་ཆང་བུ་གསུམ་བཅས་ལེགས་པར་བཤགས་པའི་ཕྱག་སྲོལ་ཡོད་ཅིང་། ཆང་བུ་གསུམ་ལས་ཕུད་ལ་དབང་བའི་འབྱུང་པོ་ལ་གཅིག་དང་། འཕྲོག་མ་ལ་གཅིག འཕྲོག་མའི་བུ་ལྔ་བརྒྱ་ལ་ཆང་བུ་གཅིག་སྟེ་གསུམ་ཡིན་ནོ། །འདུལ་བ་ལུང་ཕྲན་ཚེགས་༼ ད ༽༡༤༥ན ༤ན་ལས། སངས་རྒྱས་བཅོམ་ལྡན་འདས་རྒྱལ་ པོའི་ཁབ་ཀྱི་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །དེའི་ཚེ་ན་རྒྱལ་པོའི་ཁབ་ཀྱི་ གྲོང་ཁྱེར་ན་ས་ཏ་ཞེས་བྱ་བའི་གནོད་སྦྱིན་ཞིག་གནས་ཏེ། དེས་ཡུལ་མཉམ་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ་བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེའི་མཐུས་ཡུལ་མཉམ་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ་བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་ལོངས་སྤྱོད་འཕེལ་བར་གྱུར་ཅིང་། དེ་དག་ལ་རྟག་ཏུ་ཤིང་གི་མེ་ཏོག་དང་འབྲས་བུར་ལྡན། ཆར་པ་ནི་དུས་དུས་སུ་འབབ། ས་ནི་འབྲུ་དང་ལྡན་པར་གྱུར་ཏེ། ཟས་བསླང་བ་རྣམས་ནི་མོད་པས་གྲོང་དང་། གྲོང་ཁྱེར་དང་། ཡུལ་དང་། ཕོ་བྲང་འཁོར་དེ་དང་དེ་དག་གི་དང་། ཡུལ་སོ་སོ་ན་གནས་པའི་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་ཐམས་ཅད་ཡུལ་མཉམ་དགར་ལྷགས་ཏེ་དེ་དག་ལ་ཡང་གནོད་སྦྱིན་ས་ཏས་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེས་རིགས་མཉམ་པ་ལས་ཆུང་མ་བླངས་ཏེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །ཡུལ་གན་དྷ་ར་ན་ཡང་པཉྩ་ལ་ཞེས་བྱ་བའི་གནོད་སྦྱིན་ཞིག་གནས་ཏེ། དེས་ཀྱང་ཡུལ་གན་དྷ་རའི་རྒྱལ་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེའི་མཐུས་ཡུལ་གན་དྷ་རའི་རྒྱལ་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་ལོངས་སྤྱོད་འཕེལ་བར་གྱུར་ཅིང་། དེ་དག་ལ་རྟག་ཏུ་ཤིང་གི་མེ་ཏོག་དང་འབྲས་བུར་ལྡན། ཆར་པ་ནི་དུས་དུས་སུ་འབབ། ས་ནི་འབྲུ་དང་ལྡན་པར་གྱུར་ཏེ། ཟས་བསླང་བ་རྣམས་ནི་མོད་པས་ན་དེར་ཡང་གྲོང་དང་། གྲོང་ཁྱེར་དང་། ཡུལ་དང་། ཕོ་བྲང་འཁོར་དེ་དང་དེ་དག་གི་དང་། ཡུལ་སོ་སོ་ན་གནས་པའི་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་ཐམས་ཅད་ཡུལ་གན་དྷ་རར་ལྷགས་ཏེ། དེ་དག་ལ་ཡང་གནོད་སྦྱིན་པཉྩ་ལས་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེས་ཀྱང་རིགས་མཉམ་པ་ལས་ཆུང་མ་ཞིག་བླངས་ཏེ། དེ་ཡང་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་ནས་དུས་ཕྱི་ཞིག་ན་གནོད་སྦྱིན་ས་ཏ་དང་། གནོད་སྦྱིན་པཉྩ་ལ་གཉིས་གནོད་སྦྱིན་རྣམས་ཀྱི་གནོད་སྦྱིན་འདུས་པར་དོང་ནས། དེར་དེ་གཉིས་ ཕན་ཚུན་མཛའ་བོར་གྱུར་ཏེ། གནོད་སྦྱིན་ས་ཏས་དེ་ལ་དུས་དུས་སུ་ཡུལ་མཉམ་དགའི་མེ་ཏོག་དང་འབྲས་བུ་ལ་སོགས་པ་སྐྱེས་སུ་བསྐུར་རོ། །གནོད་སྦྱིན་པཉྩ་ལས་ཀྱང་གནོད་སྦྱིན་ས་ཏ་ལ་ཡུལ་གན་དྷ་རའི་མེ་ཏོག་དང་འབྲས་བུ་སྐྱེས་སུ་བསྐུར་རོ། །དེ་གཉིས་འདི་བཞིན་ཕན་ཚུན་དུ་རབ་ཏུ་མཛའ་བར་གྱུར་ནས། དེ་གཉིས་ཕྱིར་གནོད་སྦྱིན་འདུས་པར་དོང་སྟེ། གནོད་སྦྱིན་ས་ཏས་གྲོགས་པོ་ཡུ་བུ་གཉིས་དུས་ལས་འདས་ཀྱང་བུ་དང་། ཚ་བོ་དང་། ཡང་ཚ་དང་། སུམ་ཚ་རྣམས་མཛའ་བ་རྒྱུན་མི་ཆད་པར་བྱ་བའི་ཐབས་ཅི་ཡོད་ཅེས་སྨྲས་པ་དང་། གནོད་སྦྱིན་པཉྩ་ལས་སྨྲས་པ། གྲོགས་པོ་ལེགས་སོ། །བདག་ཀྱང་འདི་སྙམ་སེམས་ཏེ། དེ་ལྟ་བས་ན་མ་སྐྱེས་པ་ལས་གཉེན་དུ་བྱས་ཏེ། དེ་སྟེ་བདག་ལ་བུ་ཕོ་ཞིག་བཙས་ལ་ཁྱོད་ལ་བུ་མོ་ཞིག་ཡོད་པ་དང་། ཁྱོད་ཀྱིས་བདག་གི་བུ་ལ་བྱིན་ཅིག ། འོན་ཏེ་ཁྱོད་ལ་བུ་ཕོ་ཞིག་སྟེ་བདག་ལ་བུ་མོ་ཞིག་ན་བདག་གིས་ཁྱོད་ཀྱི་བུ་ལ་སྦྱིན་ནོ།། དེས་སྨྲས་པ། གྲོགས་པོ་ལེགས་ཀྱིས་དེ་བཞིན་བྱའོ། །དེ་གཉིས་ཕན་ཚུན་དུ་མ་བཙས་པར་གཉེན་བྱས་ཏེ་དོང་ངོ་། །དེ་ནས་དུས་ཕྱི་ཞིག་ན་གནོད་སྦྱིན་ས་ཏའི་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་དགུ་འདས་པ་དང་བུ་མོ་ཞིག་བཙས་ཏེ། དབྱིབས་ལེགས་ཤིང་བལྟ་ན་སྡུག་པ་བཟང་མོ་ཞིག་སྟེ། དེ་བཙས་པ་དང་གནོད་སྦྱིན་གྱི་རིགས་ཐམས་ཅད་དགའ་བར་གྱུར་ཏོ། །དེ་བདག་གི་རིགས་དང་འདྲ་བ་དང་རྒྱུད་གཅིག་པ་རྣམས་ཀྱིས་བཙས་པའི་བཙས་སྟོན་ཆེན་པོ་བྱས་ཏེ་མིང་འདོགས་པ་ལ་ཞུགས་སོ། །བུ་མོ་འདི་མིང་ཅིར་གདགས་ཞེས་གྲོས་བྱས་ན་གཉེན་བཤེས་དག་གིས་འདི་བཙས་པའི་ཚེ་གནོད་སྦྱིན་གྱི་རིགས་ཐམས་ཅད་དགའ་བར་གྱུར་གྱིས་དེ་བས་ན་བུ་མོ་འདི་མིང་དགའ་བྱེད་མར་གདགས་སོ་ཞེས་སྨྲས་ཏེ། དེའི་མིང་དགའ་བྱེད་མར་བཏགས་སོ། །ཡུལ་གན་དྷ་རའི་གནོད་སྦྱིན་པཉྩ་ལས་འདི་ལྟར་རྒྱལ་པོའི་ཁབ་ཏུ་གནོད་སྦྱིན་ས་ཏ་ལས་བུ་མོ་ཞིག་བཙས་སོ་ཞེས་ཐོས་ནས་དེས་བསམས་པ། བདག་གི་གྲོགས་པོ་ལ་བུ་མོ་ཞིག་བཙས་ཏེ་བུ་མོ་དེ་བདག་གི་མནའ་མར་འགྱུར་ཡང་བདག་གིས་རྒྱན་རྣམས་བསྐུར་བའི་རིགས་སོ་སྙམ་ནས། དེས་གནོད་སྦྱིན་ས་ཏ་ལ་གྲོགས་པོ་མཛའ་བོ་བདག་གིས་ཁྱོད་ཀྱི་བུ་མོ་བཙས་པར་ཐོས་ནས་ཤིན་ཏུ་དགའ་སྟེ། བདག་གིས་གྲོགས་པོའི་བུ་མོ་ལ་གོས་དང་རྒྱན་རྣམས་བསྐུར་བ་འདི་བླང་བའི་རིགས་སོ་ཞེས་ཡི་གེ་སྤྲིང་ངོ་། །དེས་ཡི་གེ་བཀླགས་ཏེ་སླར་ཡང་གྲོགས་པོ་བདག་ཅག་ནི་གཉེན་ཡིན་གྱིས་དེ་སྟེ་ཁྱོད་ལ་བུ་ཕོ་ཞིག་བཙས་ན་འདི་ནི་དེ་ཉིད་ཀྱི་ཡིན་ནོ་ཞེས་སྤྲིང་ངོ་། །གནོད་སྦྱིན་པཉྩ་ལས་དེ་བཀླགས་ནས་བུ་ནམ་རྙེད་ཅེས་རྟག་ཏུ་སེམས་ཤིང་ཆུང་མ་དང་ལྷན་ཅིག་ཏུ་རྩེ་དགའ་སྟེ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས་བུ་ཕོ་ཞིག་བཙས་ཏེ། དེ་ཡང་བདག་གི་རིགས་དང་མཐུན་པ་རྒྱུད་གཅིག་པ་དག་གིས་བཙས་པའི་བཙས་སྟོན་ཆེར་བྱས་ཏེ། མིང་འདོགས་པ་ལ་ཞུགས་སོ། །ཁྱེའུ་འདི་མིང་ཅིར་གདགས་ཞེས་བགྲོས་པ་ལས་གཉེན་བཤེས་དག་གིས་ཁྱེའུ་འདི་གནོད་སྦྱིན་པཉྩ་ལའི་བུ་སྟེ། དེ་བས་ན་ཁྱེའུ་འདིའི་མིང་པཱཉྩི་ཀར་གདགས་སོ་ཞེས་སྨྲས་ནས་དེའི་མིང་པཱཉྩི་ཀར་བཏགས་སོ། །རྒྱལ་པོའི་ཁབ་ཀྱི་གནོད་སྦྱིན་ས་ཏས་འདི་ལྟར་ཡུལ་གན་དྷ་རའི་གནོད་སྦྱིན་པཉྩ་ལའི་བུ་ཕོ་ཞིག་བཙས་པར་ཐོས་ཏེ། དེས་བདག་གི་གྲོགས་པོ་ལས་བུ་ཕོ་གཅིག་བཙས་ཏེ་གདོན་མི་ཟ་བར་བདག་གི་མག་པར་འགྱུར་རོ་སྙམ་བསམས་ནས། དེས་དེ་ལ་གོས་དང་རྒྱན་རྣམས་བསྐུར་ཏེ། གྲོགས་པོ་བདག་གིས་ཁྱོད་ཀྱི་བུ་ཞིག་བཙས་སོ་ཞེས་ཐོས་ནས་ཤིན་ཏུ་དགའ་སྟེ། བདག་གི་གྲོགས་པོའི་བུ་ལ་གོས་དང་རྒྱན་ཞིག་བསྐུར་གྱིས་དེ་བླང་བའི་རིགས་སོ་ཞེས་ཡི་གེ་སྤྲིང་ངོ་། །དེས་ཡི་གེ་བཀླགས་ཏེ་སླར་གྱི་ལན་བག་མ་བླང་བའི་སྟོན་མོའི་སྟ་གོན་གྱིས་ཤིག་ཅེས་སྤྲིང་བ་དང་། གནོད་སྦྱིན་ས་ཏས་ཡི་གེ་བཀླགས་ཏེ་ལེགས་ཀྱིས་བུ་མོ་དགའ་བྱེད་མ་ནི་བདག་གིས་སྔར་བྱིན་ནོ་སྙམ་བསམས་ནས། དེས་དེ་སྐྱེད་ཅིང་ཆུང་མ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས་ཆུང་མ་སེམས་ཅན་དང་ལྡན་པར་གྱུར་ཏེ། གང་གི་ཚེ་སེམས་ཅན་དང་ལྡན་པར་གྱུར་པ་དེའི་ཉིན་མོ་ཉིད་དུ་རི་ལ་ཁྲུང་ཁྲུང་གིས་སྐད་ཕྱུང་ངོ་། །དེ་ཟླ་བ་དགུ་འདས་པ་དང་བུ་ཁྱེའུ་ཞིག་བཙས་ཏེ་གཟུགས་ལེགས་ཤིང་བལྟ་ན་སྡུག་པ་བཟང་བ་ཞིག་སྟེ་བཙས་མ་ཐག་ཏུ་ཡང་རི་ལས་ཁྲུང་ཁྲུང་གིས་སྐད་ཕྱུང་ངོ་། །དེ་བདག་གི་རིགས་དང་མཐུན་པ་རྒྱུད་གཅིག་པ་བཙས་པའི་བཙས་སྟོན་ཆེར་བྱས་ཏེ་མིང་འདོགས་པ་ལ་ཞུགས་སོ། །ཁྱེའུ་འདི་མིང་ཅིར་གདགས་ཞེས་བགྲོས་ན་གཉེན་བཤེས་དག་གིས་འདི་མངལ་དུ་ཞུགས་པ་ན་ཡང་རི་ལས་ཁྲུང་ཁྲུང་གི་སྐད་ཕྱུང་། བཙས་པ་ན་ཡང་ཁྲུང་ཁྲུང་གི་སྐད་ཕྱུང་ལ་ཕ་ཡང་ས་ཏ་ཞེས་བྱ་སྟེ། དེ་བས་ན་ཁྱེའུ་འདི་མིང་ཡང་ས་ཏ་གི་རིར་གདགས་སོ་ཞེས་སྨྲས་ནས། དེའི་མིང་ས་ཏ་གི་རིར་བཏགས་སོ། །ཁྱེའུ་ས་ཏ་གི་རི་དེ་གསོས་སྐྱེད་དེ་ཆེར་གྱུར་པ་དང་ཇི་ཙམ་དུས་ཕྱི་ཞིག་ན་གནོད་སྦྱིན་ས་ཏ་ཆུང་མ་དང་བཅས་པར་དུས་ལས་འདས་ནས་ས་ཏ་གི་རི་ཁྱིམ་གྱི་བདག་པོར་གྱུར་པ་དང་། གནོད་སྦྱིན་གྱི་བུ་མོ་དགའ་བྱེད་མས་ས་ཏ་གི་རི་ལ་མིང་པོ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ནས་བཟའ་བར་འདོད་དོ་ཞེས་སྨྲས་པ་དང་། དེས་སྨྲས་པ། སྲིང་མོ་ཡུ་བུ་ཅག་གི་ཕས་ཡུལ་མཉམ་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། གྲོང་དང་། གྲོང་ཁྱེར་དང་། ཡུལ་གྱི་མི་རྣམས་ལ་རྟག་ཏུ་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ་ཞེས་ཐོས་ནས་ཡུ་བུ་ཅག་གིས་རབ་ཏུ་བསྲུང་བར་བྱ་བའི་རིགས་ཏེ། འདི་ནི་ཡུ་བུ་ཅག་གི་སྤྱོད་ཡུལ་ཡིན་གྱིས་འདི་ལ་གཞན་དག་ཅིག་ཀྱལ་ཀ་བྱེད་ན་ཡང་དེ་ལ་ཡུ་བུ་ཅག་གིས་ དགག་པའི་རིགས་ན་ཅིའི་ཕྱིར་ཁྱོད་ཀྱིས་དེ་བཞིན་བྱ་མི་རིགས་པར་ཁྱོད་ཀྱིས་སེམས་བསྐྱེད་པ་དེ་སླར་ཟློག་ཅེས་བསྒོའོ། །དེ་ལོག་པའི་སྨོན་ལམ་གྱི་བག་ཆགས་ཀྱིས་བགོས་པས་གཅུགས་སུ་མ་བཏུབ་སྟེ། ཡང་ས་ཏ་གི་རི་ལ་མིང་པོ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ནས་བཟའ་བར་འཚལ་ལོ་ཞེས་སྨྲས་པ་དང་། ས་ཏ་གི་རིས་དེའི་དུས་ཀྱིས་རྟེན་པ་ལས་ན་གཅུགས་སུ་མི་བཏུབ་པར་ཤེས་ཏེ། འདི་ཕྱི་ཕྱིར་རྟག་ཏུ་དགག་མི་ནུས་ཀྱི་འདི་ཕས་ཀྱང་སྔར་བྱིན་ཏེ་བག་མར་གཏང་ངོ་སྙམ་བསམས་ནས་དེས་གནོད་སྦྱིན་པཉྩ་ལ་ལ་བུ་མོ་དགའ་བྱེད་མ་ནི་ན་ཆུང་དུ་གྱུར་གྱིས་ཚུར་ཤེག་ལ་བག་མ་ལོང་ཤིག་ཅེས་ཡི་གེ་སྤྲིང་བ་དང་། གནོད་སྦྱིན་པཉྩ་ལ་དེས་གནོད་སྦྱིན་གཞོན་ནུ་པཱཉྩི་ཀ་ལ་དཔལ་ཆེན་པོ་དང་སྦྱར་ཏེ་བག་མ་བླངས་ནས་ཡུལ་གན་དྷ་རར་ཁྲིད་དོ། །གནོད་སྦྱིན་གཞོན་ནུ་པཱཉྩི་ཀ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །མོ་ནམ་མཛའ་ཞིང་སྤོབས་པ་དང་དགའ་ཞིང་ཡིད་བདེ་བ་མང་པོར་གྱུར་པ་དེའི་ཚེ་མོས་ཇོ་བོ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་འཕྲོག་ཅིང་ཕྲོགས་ཏེ་བཟའ་བར་འཚལ་ལོ་ཞེས་སྨྲས་པ་དང་། དེས་སྨྲས་པ། བཟང་མོ་དེ་ནི་ཁྱོད་ཀྱི་གཉེན་གྱི་གནས་ཡིན་ཏེ། དེར་གཞན་དག་ཅིག་ཀྱལ་ཀ་བྱེད་ན་ཡང་དེ་བདག་ཅག་གིས་དགག་པའི་རིགས་ན་ཁྱོད་ཀྱིས་ཅིའི་ཕྱིར་དེ་ལྟར་བྱ། ཁྱོད་ཀྱིས་མི་རིགས་པ་སེམས་བསྐྱེད་པ་དེ་སླར་ཟློག་ཤིག་ཅེས་བསྒོ་ན་དེ་སྔོན་གྱི་ལོག་པའི་སྨོན་ལམ་གྱིས་བག་ཆགས་བསྒོས་པས་སྡོད་ཅིག་ཅེས་སྨྲས་ཏེ་ཅང་མི་ཟེར་བར་འདུག་གོ །དེ་གནོད་སྦྱིན་གཞོན་ནུ་པཱཉྩི་ཀ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱད་པས་བུ་ཕོ་ཞིག་བཙས་ཏེ་དེའི་བཙས་སྟོན་ཆེན་པོ་རྒྱ་ཆེར་བྱས་ཏེ་རིགས་དང་མཐུན་པའི་མིང་བཏགས་སོ། །དེ་བཞིན་ལན་གཉིས་ལན་གསུམ་ནས་བུ་ལྔ་ བརྒྱའི་བར་དུ་བཙས་ཏེ་དེ་དག་ཐམས་ཅད་ཀྱི་ཐ་ཆུངས་ནི་མིང་དགའ་བྱེད་དུ་བཏགས་སོ། །དེ་ནས་བུ་ལས་མཐུ་རྙེད་པར་གྱུར་པ་དེ་ན་པཱཉྩི་ཀས་བཟློག་ཀྱང་མ་ཟློགས་ནས་དེ་མི་དགའ་བར་གྱུར་ཏེ་མི་སྨྲ་བར་འདུག་གོ །དེ་ནས་གནོད་སྦྱིན་མོ་དགའ་བྱེད་མ་གར་དགའ་བར་རང་ཉམ་དུ་འགྲོ་ཞིང་རྒྱུ་བ་དང་གནས་པར་གྱུར་ཏོ། །དེས་རྒྱལ་པོའི་ཁབ་ན་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ནས་བཟའ་བར་བརྩམས་པ་དང་། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་རྒྱལ་པོ་གཟུགས་ཅན་སྙིང་པོ་ལ་ལྷ་བདག་ཅག་གི་བུ་བཙས་ཤིང་བཙས་པ་དག་ཅིག་གིས་ཕྲོགས་ན་སུ་ཞིག་བདག་ཅག་ལ་གནོད་པར་བགྱིད་པ་རྨ་བའི་རིགས་སོ་ཞེས་གསོལ་བ་དང་། རྒྱལ་པོས་གནས་ཐམས་ཅད་དབང་བ་རྣམས་ལ་ཀྱེ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་སུས་ཕྲོགས་པ་རྨོས་ཤིག་ཅེས་བསྒོ་ནས། དེ་དག་གིས་ནན་ཏན་དུ་བག་ཡོད་པར་རྨེད་པ་ལ་ཞུགས་པ་དང་། ཇི་ཙམ་ན་དེ་དག་གིས་ཡང་ཕྲོགས་པར་གྱུར་ནས་གནོད་པ་ཆེར་གྱུར་ནས་གནོད་པ་ཆེར་གྱུར་ཏེ་སུ་གང་གི་བུད་མེད་སེམས་ཅན་དང་ལྡན་པར་གྱུར་པ་དེས་ཡུལ་གཞན་དུ་ཕྱུང་སྟེ་བཞག་པ་དང་། བློན་པོ་དག་གིས་རྒྱལ་པོ་གཟུགས་ཅན་སྙིང་པོ་ལ་ལྷ་གནོད་པ་ཆེར་གྱུར་ཏེ་སུ་གང་གི་བུད་མེད་དག་སེམས་ཅན་དང་ལྡན་པར་གྱུར་ན་དེས་ཡུལ་གཞན་དུ་ཕྱུང་སྟེ་བཞག་གོ་ཞེས་གསོལ་པ་དང་། རྒྱལ་པོས་ལྟས་པ་བཀུག་སྟེ་སྨྲས་ན། དེ་དག་གིས་ལྷ་གནོད་སྦྱིན་ཁྲོས་ཀྱིས་གནོད་སྦྱིན་གྱི་གནས་སུ་གཏོར་མ་སྩལ་ལ་མཆོད་པ་དང་བཀུར་སྟི་མཛོད་ཅིག་ཅེས་གསོལ་ཏོ། །རྒྱལ་པོས་བློན་པོ་རྣམས་ལ་ཀྱེ་སོང་ལ་རྒྱལ་པོའི་ཁབ་ཀྱི་གྲོང་ཁྱེར་དུ་དྲིལ་བསྒྲགས་པ་བྱོས་ཤིག །རྒྱལ་པོའི་ཁབ་ན་སྐྱེ་བོ་མང་པོ་ཐམས་ཅད་དང་། ཡུལ་སོ་སོ་ནས་ལྷགས་པ་ཐམས་ཅད་ཀྱིས་གནོད་སྦྱིན་གྱི་གནས་སུ་གཏོར་མ་བྱིན་ལ་མཆོད་པ་དང་བཀུར་སྟི་བྱོས་ཤིག་ཅེས་བསྒོ་བ་དང་། དེ་དག་གིས་ཀྱང་དེ་བཞིན་དྲིལ་བསྒྲགས་ཏེ། ཀྱེ་རྒྱལ་པོའི་ཁབ་དང་། གྲོང་ཁྱེར་དང་། ཡུལ་སོ་སོ་ནས་ལྷགས་པའི་སྐྱེ་བོ་དག་ཉོན་ཅིག ། ལྷས་འདི་སྐད་བཀའ་སྩལ་ཏོ། །བདག་གི་ཡུལ་ན་གྲོང་ཁྱེར་དང་། ཡུལ་སོ་སོ་ནས་ལྷགས་པའི་སྐྱེ་བོ་མང་པོ་གནས་པ་ཐམས་ཅད་ཀྱིས་གནོད་སྦྱིན་གྱི་གནས་ཐམས་ཅད་དུ་གཏོར་མ་བྱིན་ལ་མཆོད་པ་དང་བཀུར་སྟི་བྱོས་ཤིག་ཅེས་བསྒོ་བ་དང་། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་གྲོང་ཁྱེར་དེ་དག་རྡོ་བ་དང་། གྱོ་མོ་དང་། ས་རྡོ་དག་ཕྱགས་ཏེ་ཙན་དན་གྱི་ཆུས་ཆག་ཆག་བཏབ་ནས་དྲི་ཞིམ་པོའི་པོག་ཕོར་དག་སོ་སོར་དཔྱངས། རྒྱལ་མཚན་དང་། ལྷའི་འཕན་སྒྲེང་། དར་གྱི་ལྡ་ལྡི་མང་པོ་ནི་དཔྱངས་ཏེ་མེ་ཏོག་སྣ་ཚོགས་ཀྱིས་གཏོར་ནས་ལྷ་རྣམས་ཀྱི་སྐྱེད་མོས་ཚལ་དགའ་ལྡན་བཞིན་དུ་མཛེས་པར་བྱས་སོ། །དེ་ནས་གནོད་སྦྱིན་གྱི་གནས་ཐམས་ཅད་གཏོར་མ་བྱིན་ཞིང་མཆོད་པ་དང་བཀུར་སྟི་བྱས་ཏེ་འོན་ཀྱང་དགའ་བྱེད་མ་ཞི་བར་མ་གྱུར་ཏོ། །དེ་ནས་རྒྱལ་པོའི་ཁབ་ན་གནས་པའི་ལྷ་དག་གིས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་ཀྱེ་ཁྱེད་ལ་གནོད་སྦྱིན་མོ་དགའ་བྱེད་མས་ཁྱོད་ཀྱི་བུ་རྣམས་ཕྲོགས་ཀྱིས་ཁྱེད་ཐམས་ཅད་བཅོམ་ལྡན་འདས་ཀྱི་དྲུང་དུ་དོང་བ་དང་། བཅོམ་ལྡན་འདས་ཀྱིས་དེ་གདུལ་བར་མཛད་དོ་ཞེས་བསྟན་ ཏོ། །དེ་དག་གིས་ཀྱེ་དེ་ནི་དགའ་བྱེད་མ་མ་ཡིན་གྱི་དེ་ནི་འཕྲོག་མ་སྟེ། དེས་བདག་ཅག་གི་བུ་བཙས་ཤིང་བཙས་པ་རྣམས་ཕྲོགས་ཞེས་སྨྲས་པ་དང་། དེའི་མིང་དགའ་བྱེད་མ་ཞེས་བྱ་བ་ལྡོག་སྟེ་གནོད་སྦྱིན་མ་འཕྲོག་མར་མིང་དུ་གྱུར་ཏོ། །དེ་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་གནོད་སྦྱིན་མོ་འཕྲོག་མ་འདི་རྒྱལ་པོའི་ཁབ་ན་སྐྱེ་བོ་མང་པོ་ལ་ཡུན་རིང་པོ་ནས་མ་འཁོན་པ་དང་ནི་འཁོན། དགྲར་མ་གྱུར་པ་དང་ནི་དགྲར་གྱུར། སྙིང་མ་རིངས་པ་ལ་ནི་སྙིང་རིང་བར་གྱུར། དེས་བུ་བཙས་ཤིང་བཙས་པའི་རྣམས་ཕྲོགས་ན། བཅོམ་ལྡན་འདས་ཐུགས་རྗེ་ཅན་ཐུགས་བརྩེ་བའི་ཕྱིར་གནོད་སྦྱིན་མ་འཕྲོག་མ་གདུལ་བར་ཅི་གནང་ཞེས་གསོལ་པ་དང་། བཅོམ་ལྡན་འདས་ཀྱིས་ཅང་མི་གསུང་བ་བཞིན་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་ལ་གནང་ངོ་། །དེ་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་བཅོམ་ལྡན་འདས་ཅང་མི་གསུང་བ་བཞིན་གནང་བར་ཤེས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་དྲུང་ནས་སོང་ངོ་། །དེ་ནས་སྔ་དྲོ་བཅོམ་ལྡན་འདས་ཀྱིས་ཤམ་ཐབས་དང་ཆོས་གོས་མནབས། ལྷུང་བཟེད་བསྣམས་ནས་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་གཤེགས་ཏེ་རྒྱལ་པོའི་ཁབ་ནས་བསོད་སྙོམས་ལས་སླར་བསྐོར་ནས་ཟས་ཀྱི་བྱ་བ་བྱས་ཏེ། བསོད་སྙོམས་ཕྱིས་ལེན་པ་སྤངས་ཏེ་གཤེགས་ནས་གནོད་སྦྱིན་མོ་འཕྲོག་མའི་གནས་གང་ན་བ་དེར་གཤེགས་ཏེ། དེའི་ཚེ་ན་གནོད་སྦྱིན་མོ་འཕྲོག་མས་བུ་དགའ་བྱེད་ཁྱིམ་དུ་བཞག་སྟེ་སྤྱོད་ཡུལ་དུ་སོང་བ་དང་། བཅོམ་ལྡན་ འདས་ཀྱིས་དེ་ལྷུང་བཟེད་ཀྱིས་བཀབ་སྟེ་བཞག་ནས། ཇི་ལྟར་བུ་ཕོ་དག་གིས་ནི་དེ་མི་མཐོང་གིས། དེས་དེ་དག་ཐམས་ཅད་མཐོང་བར་འགྱུར་བ་དེ་ལྟར་བྱིན་གྱིས་བརླབས་སོ། །དེ་མ་ཐག་ཏུ་གནོད་སྦྱིན་མོ་འཕྲོག་མ་སྤྱོད་ཡུལ་ནས་འོངས་པ་དང་བུ་དགའ་བྱེད་མི་སྣང་ནས་དེ་སྤངས་ཏེ་དེ་ཕན་ ཚུན་ཁྱིམ་ཁོ་ར་ཁོར་ཡུག་ཏུ་བལྟས་ན་འོན་ཀྱང་མི་སྣང་ནས་བུ་དག་དགའ་བྱེད་མི་སྣང་ན་ག་རེ། དེ་དག་གིས་ཀྱང་མ་མཐོང་། བདག་ཅག་གིས་ཀྱང་མ་མཐོང་ངོ་ཞེས་སྨྲས་པ་དང་། དེས་བྲང་བརྡུངས་ནས་མདོག་ཉམས་ཤིང་མི་དགའ་སྟེ་མིག་མཆི་མས་གང་ནས་འགྲོས་མྱུར་བར་བརྒྱུགས་ཏེ་རྒྱལ་པོའི་ཁབ་ཀྱི་གྲོང་དང་། ཚོང་དུས་དང་། སྲང་དང་། ལམ་གྱི་བཞི་མདོ་དང་། ལམ་གྱི་སུམ་མདོ་དང་། ཀུན་དགའ་ར་བ་དང་། སྐྱེད་མོས་ཚལ་དང་། མཚོ་དང་། ལྟེང་ཀ་དང་། རྫིང་དང་། ལྷ་ཁང་དང་། འདུན་ཁང་དང་། གཞན་ཡང་ཁྱིམ་དོག་པའི་གནས་དག་ཏུ་བཙལ་ན་འོན་ཀྱང་མ་རྙེད་དོ། །དེ་ནས་བླ་གོས་མེད་པར་སྨྱོས་ནས་ངུ་ཞིང་སྨྲེ་བ་ཀྱི་ཧུད་བུ། ཀྱི་ཧུད་ཕ། ཀྱི་ཧུད་དགའ་བྱེད་ཅེས་ཡང་དང་ཡང་སྒྲ་འབྱིན་ཅིང་གྲོང་དང་། གྲོང་ཁྱེར་དང་། གྲོང་འདབ་དང་། ཕོ་བྲང་དང་། ཕོ་བྲང་འཁོར་རྣམས་སུ་བལྟས་ཏེ་འོན་ཀྱང་མ་རྙེད་དོ། །དེ་ནས་ཤར་ཕྱོགས་ཀྱི་རྒྱ་མཚོ་ཆེན་པོར་སོང་ངོ་། །ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ཀྱི་རྒྱ་མཚོར་སོང་ངོ་། །ཤར་ཕྱོགས་དང་། ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དེ་དག་ན་ཡང་མི་སྣང་ངོ་། །དེ་ནས་སྐྲ་ཞིག་ཅིང་སྒྲེན་མོར་གྱུར། འགྲོས་ཀྱང་འཁྱམ། ཡར་མཆོང་མར་ལྷུང་ས་ལ་འགྲེའོ། །པུས་མོས་འགྲོ་ཙོག་པུར་འདུག་པ་དེ་ལྟ་བུའི་ཐབས་ཀྱིས་འཛམ་བུའི་གླིང་གི་རི་ནག་པོ་བདུན་རྒལ་ནས་གསེར་ལྟ་བུའི་རི་བདུན་དང་། གངས་ཀྱི་རི་དང་། མ་དྲོས་པའི་མཚོ་ཆེན་དང་། རི་དྲི་རྒྱས་དག་ཏུ་ཡང་བཙལ་ཏེ་དེ་ནས་སྐད་ཆེར་ངུ་ཞིང་ཤར་གྱི་ལུས་འཕགས་གླིང་དང་། ནུབ་ཀྱི་བ་ལང་སྤྱོད་དང་། བྱང་གི་སྒྲ་མི་སྙན་རྣམས་ཀུན་ཏུ་བཙལ་ན་ཡང་མ་རྙེད་དེ། དེ་ནས་ཡང་སོས་དང་། ཐིག་ནག་པོ་དང་། འདུས་གཏུབ་དང་། འོ་དོད་འབོད་པ་དང་། འོ་དོད་ཆེར་འབོད་པ་དང་། སྲེག་པ་དང་། རབ་ཏུ་སྲེག་པ་དང་། མནར་མེད་པ་དང་། ཆུ་བུར་དང་། ཤིན་ཏུ་ཆུ་བུར་དང་། ཨ་ཧ་ཧ་ཞེས་ཟེར་བ་དང་། ཧ་ཧ་པ་དང་། ཧུ་ཧུ་པ་དང་། ཨུཏྤལ་ལྟ་བུ་དང་། པད་མ་ཆེན་པོ་ལྟ་བུ་ལ་སོགས་པ་དང་སེམས་ཅན་དམྱལ་བ་དག་ཏུ་ཡང་བཙལ་ན་མ་རྙེད་དོ། །དེ་ནས་རི་རབ་ཀྱི་བང་རིམ་དང་པོར་འཛེགས། དེས་གཉིས་པ་དང་། གསུམ་པར་འཛེགས། དེ་ནས་གནོད་སྦྱིན་གྱི་བདག་པོ་ངལ་བསོ་པོ་ལ་མ་དྲིས་པར་སུམ་བཅུ་རྩ་གསུམ་ལྷའི་གནས་སུ་བཙལ་ཏེ་སྐྱེད་མོས་ཚལ་ཤིང་རྟ་སྣ་ཚོགས་ཞེས་བྱ་བ་དང་། རྩུབ་པོར་འགྱུར་བ་དང་། འདྲེས་པ་དང་། དགའ་བ་ཞེས་བྱ་བའི་ སྐྱེད་མོས་ཚལ་དུ་ཡང་བཙལ། པ་རི་ཡ་ཏྲ་ཀོ་བི་དཱ་རའི་དྲུང་དུ་ཡང་སོང་ངོ་། །དེ་ནས་ལྷའི་འདུ་བ་ཆོས་བཟངས་ཞེས་བྱ་བ་གྲོང་ཁྱེར་བཟང་པོར་སྣང་དུ་ཞུགས་ཏེ། དེ་ནས་བརྒྱ་བྱིན་ལྷའི་དབང་པོའི་ཁང་པ་རྣམ་པར་རྒྱལ་དུ་འགྲོ་བར་བརྩམས་པ་དང་། དེར་གནོད་སྦྱིན་ལག་ན་རྡོ་རྗེ་ལ་སོགས་པ་གནོད་སྦྱིན་དུ་མ་དང་། ལྷ་སྟོང་གིས་བཟུང་བ་དང་། དེ་མྱུར་དུ་མགྱོགས་པར་གྲོང་ཁྱེར་བཟང་པོར་སྣང་ནས་བྱུང་སྟེ། ཕྱོགས་གཞན་ཞིག་ཏུ་རིང་ཞིག་ངུས་ནས་མདོར་ན་ཡི་ཆད་པར་གྱུར་ཏེ་གནོད་སྦྱིན་རྣམས་ཀྱི་བདག་པོ་ངལ་བསོ་པོའི་དྲུང་དུ་སོང་ནས་རྡོ་ལེབ་ལ་བདག་གི་ལུས་བརྡབས་ནས་ཀྱི་ཧུད་བུ། ཀྱི་ཧུད་ཕ། ཀྱི་ཧུད་དགའ་བྱེད་ཅེས་སྨྲེ་ཞིང་སྨྲ་བ་སྟེ། སྡེ་དཔོན་ཆེན་པོ་སུས་ཕྲོགས་མི་དགའ་ན་བུ་སློང་ན་སྩལ་དུ་གསོལ་ཞེས་སྨྲས་པ་དང་། གནོད་སྦྱིན་གྱི་རྒྱལ་པོ་ཆེན་པོ་ངལ་བསོ་པོས་སྨྲས་པ། ཆེ་ཞེ་མྱ་ངན་ཐོང་ལ་མཆི་མ་ཕྱིས་ཤིག ། ཁྱོད་ཀྱི་གནས་སུ་ཉིན་པར་གནས་ཤིང་སུ་འོངས་པ་སོམས་ཤིག་ཅེས་སྨྲས་པ་དང་། དེས་སྨྲས་པ། སྡེ་དཔོན་དགེ་སྦྱོང་གཽ་ཏ་མ་ལགས་སོ། །དེས་དེ་སོང་ལ་བཅོམ་ལྡན་འདས་ལ་སྐྱབས་སུ་སོང་ཤིག་དང་ཁྱོད་ལ་བུ་དགའ་བྱེད་དེ་བཅོམ་ལྡན་འདས་ཀྱིས་སྟོན་ཏོ་ཞེས་སྨྲས་པ་དང་། དེ་སྲོག་སྟོར་བ་ལས་སླར་རྙེད་པ་བཞིན་དུ་རིངས་ཤིང་མྱུར་དུ་རང་གི་གནས་སུ་སོང་བ་དང་། གནོད་སྦྱིན་མ་འཕྲོག་མས་སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་བཅུ་རྩ་ གཉིས་ཀྱིས་བརྒྱན། དཔེ་བྱད་བཟང་པོས་སྐུ་སྤྲས། ཉི་ཟེར་སྟོང་ལས་འདས་པའི་འོད་འདོམ་གང་གིས་བརྒྱན་པ། རིན་པོ་ཆེའི་རི་འགྲོ་བ་བཞིན་ཁོ་ར་ཁོར་ཡུག་ནས་བཟང་བ་མཐོང་མ་ཐག་ཏུ་དགའ་བ་སྐྱེས་ཏེ་བུ་དགའ་བྱེད་རྙེད་དོ་སྙམ་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ །ཕྱོགས་གཅིག་ཏུ་འདུག་ནས་གནོད་སྦྱིན་མོ་འཕྲོག་མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་ཁྱོད་ཀྱིས་བདག་གི་བུ་དགའ་བྱེད་བསྟན་དུ་གསོལ། བདག་གི་བུ་དགའ་བྱེད་མ་མཐོང་ནས་རིང་ཞིག་ལོན་ནོ་ཞེས་སྨྲས་པ་དང་། བཅོམ་ལྡན་འདས་ཀྱིས་གནོད་སྦྱིན་མོ་འཕྲོག་མ་ལ་འཕྲོག་མ་ཁྱོད་ལ་བུ་མང་ཞེ་ན་ཇི་སྙེད་ཡོད་ཅེས་སྨྲས་པ་དང་། དེས་སྨྲས་པ། བཅོམ་ལྡན་འདས་བུ་ལྔ་བརྒྱ་མཆིས་སོ། །བཅོམ་ལྡན་འདས་ཀྱིས་འཕྲོག་མ་དེ་སྟེ་ཁྱོད་ཀྱི་བུ་ལྔ་བརྒྱ་ལས་གཅིག་ཅིག་མེད་པ་ལྟ་ཅི་ཉེས། ཞེས་གསུངས་པ་དང་། བཅོམ་ལྡན་འདས་བདག་ གི་དགའ་བྱེད་མ་མཐོང་ན་ཁྲག་དྲོན་པོར་སྐྱུགས་ཏེ་གདོན་མི་ཟ་བར་དུས་བགྱིད་དོ་ཞེས་གསོལ་པ་དང་། འཕྲོག་མ་ཁྱོད་ཀྱི་བུ་ལྔ་བརྒྱ་ལས་གཅིག་མ་མཐོང་ན་ཡང་འདི་འདྲ་བར་སྡུག་བསྔལ་ན་གང་ལ་བུ་གཅིག་པུ་ཡོད་པ་ཡང་ཁྱོད་ཀྱིས་བསད་དེ་ཟོས་ན་དེའི་སྡུག་བསྔལ་ཇི་འདྲ་བར་འགྱུར། དེས་བཅོམ་ལྡན་འདས་དེ་བས་སྡུག་བསྔལ་བ་རབ་ཏུ་ཆེའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འཕྲོག་མ་ཁྱོད་བུ་དང་བྲལ་བའི་སྡུག་བསྔལ་འདི་འདྲ་བ་ཤེས་བཞིན་དུ་གཞན་གྱི་བུ་ཅི་ཕྱིར་བཟའ། དེས་བཅོམ་ལྡན་འདས་བདག་གིས་ཇི་ལྟར་བགྱི་བ་བཀའ་སྩོལ་ཅིག་ཅེས་གསོལ་པ་དང་། བཅོམ་ལྡན་འདས་ཀྱིས་ཚུར་ཤོག་ང་ལ་སྐྱབས་སུ་སོང་སྟེ་བསླབ་པའི་གཞི་ཟུང་ལ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་མི་འཇིགས་པ་བྱིན་ཅིག་དང་། གལ་ཏེ་འདི་ཉིད་ན་འདུག་བཞིན་དུ་བུ་དགའ་བྱེད་མཐོང་བར་གདོན་མི་ཟའོ་ཞེས་བཀའ་སྩལ་པ་དང་། དེས་བཙུན་པ་འདི་ལྟར་དེང་ཕན་ཆད་བཅོམ་ལྡན་འདས་ལ་སྐྱབས་སུ་མཆི་བ་དང་བསླབ་པའི་གཞི་བཟུང་སྟེ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་ཡང་མི་འཇིགས་པ་སྩལ་ཏོ། །དེ་ནས་བཅོམ་ལྡན་འདས་ཀྱིས་དེའི་བུ་དགའ་བྱེད་བསྟན་ནས་དེས་ཀྱང་བཅོམ་ལྡན་འདས་ལ་སྐྱབས་སུ་སོང་ནས་བསླབ་པའི་གཞི་བཟུང་སྟེ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་མི་འཇིགས་པ་བྱིན་ནོ། །ནམ་གྱི་ཚེ་འཕྲོག་མ་བཅོམ་ལྡན་འདས་ལ་སྐྱབས་སུ་སོང་སྟེ་བསླབ་པའི་གཞི་བཟུང་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་ལ་མི་འཇིགས་པ་བྱིན་པ་དེའི་ཚེ་དགེ་སློང་དག་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གནོད་སྦྱིན་མོ་འཕྲོག་མས་ལས་ཅི་བགྱིས། ལས་གང་གི་རྣམ་པར་སྨིན་པས་ན་མདངས་འཕྲོག་མའི་གནོད་སྦྱིན་མོར་སྐྱེས་ལ་འདི་ལས་བུ་ལྔ་བརྒྱ་བཙས་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གནོད་སྦྱིན་མོ་འཕྲོག་མས་ལས་བྱས་ཤིང་བསགས་པས་ཚོགས་རྙེད་པ་དང་། རྐྱེན་སྨིན་པ་ནི་ཆུ་བོ་བཞིན་ཉེ་བར་གནས་ཏེ་གདོན་མི་ཟ་བར་འགྱུར་རོ། །འཕྲོག་མས་ལས་བྱས་ཤིང་བསགས་པ་ནི་གཞན་གྱིས་མྱོང་བར་མི་འགྱུར་རོ། །དགེ་སློང་རྣམས་ལས་བྱས་ཤིང་བསགས་པ་ནི་ཕྱི་རོལ་གྱི་སའི་ཁམས་ལ་རྣམ་པར་མི་སྨིན། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། ཟིན་པའི་ཕུང་པོ་དང་། ཁམས་དང་། སྐྱེ་མཆེད་འདི་ཉིད་ལ་དགེ་བ་དང་མི་དགེ་བའི་ལས་བྱས་པ་ནི་རྣམ་པར་སྨིན་ཏོ། །ལས་རྣམས་སྟོར་བར་མི་འགྱུར་བ། །བསྐལ་པ་དག་ནི་བརྒྱ་ལོན་ཀྱང་། །དུས་དང་འཕྲོད་ནས་ཐོབ་པ་ནི། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་སྔོན་འདས་པའི་དུས་ན་བྱུང་བ་ནི་རྒྱལ་པོའི་ཁབ་འདི་ཉིད་ན་གྲོང་ཁྱེར་གཞན་ཞིག་ཏུ་བ་ལང་རྫི་ཞིག་གནས་པ་དེས་རིགས་མཉམ་པ་ལས་ཆུང་མ་ཞིག་བླངས་ཏེ། དེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས་དུས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །སངས་རྒྱས་མི་འབྱུང་བ་ན་རང་སངས་རྒྱས་འཇིག་རྟེན་དུ་འབྱུང་སྟེ། ཉམས་ཤིང་དམན་པ་ལ་ཐུགས་བརྩེ་བ་གནས་པས་མཐར་ཚ་བ་འཇིག་རྟེན་པའི་ཡོན་གནས་གཅིག་པའོ། །ཇི་ཙམ་ན་རང་སངས་རྒྱས་གཞན་ཞིག་ཡུལ་རྒྱུ་ཞིང་རྒྱལ་པོའི་ཁབ་ཏུ་གཤེགས་ཏེ་དེའི་ཚེ་ན་རྒྱལ་པོའི་ཁབ་ཀྱི་གྲོང་དུ་དུས་སྟོན་ཉེ་བར་གྱུར་ཏོ། །དེར་སྔོན་ཟན་པ་ལྔ་བརྒྱ་ཙམ་ཞིག་གཙང་ཞིང་བསོད་པའི་བཟའ་བ་དང་བཅའ་བ་ཁྱེར་ཏེ་གོས་སྣ་ཚོགས་ཀྱིས་ནི་བཀླུབས། མེ་ཏོག་ཀུ་སུ་མ་དྲི་ཞིམ་པོས་བརྒྱན་ཏེ་གར་བྱེད་གླུ་ལེན་རྔ་རྡུང་ཞིང་སྐྱེད་མོས་ཚལ་གྱི་སར་དོང་བའི་བར་དུ་བ་ལང་རྫི་མོ་ཞིག་དར་བ་བུམ་པ་གང་ཐོགས་ཏེ་ལམ་དེ་ནས་མར་སོང་བ་དང་། སྔོན་ཟན་པ་དེ་དག་གིས་དེ་མཐོང་ནས་གྲོགས་མོ་ཚུར་ཤོག ། གླུ་བླང་ངོ་ཞེས་སྨྲས་པ་དང་། དེས་ཀྱང་དེ་དག་གར་ཇི་ལྟ་ཇི་ལྟར་བྱེད་པ་དེ་ལྟ་དེ་ལྟར་བྱས་པས་དེའི་མངལ་ཞིག་པར་གྱུར་ཏོ། །དེ་ཁྲོས་ནས་རང་སངས་རྒྱས་ལ་ཨ་མྲའི་འབྲས་བུ་སྨིན་པ་ལྔ་བརྒྱ་ཕུལ་ནས་སྨོན་ལམ་བཏབ་པ། དགེ་བའི་རྩ་བ་ འདིས་བདག་གང་དང་གང་དུ་སྐྱེས་པ་དེ་དང་དེར་མདངས་འཕྲོག་མའི་གནོད་སྦྱིན་མོ་ཞིག་ཏུ་སྐྱེས་ལ་རྒྱལ་པོའི་ཁབ་ཀྱི་མི་རྣམས་ཀྱི་བུ་དང་བུ་མོ་བདག་གིས་ཕྲོགས་ཏེ་ཟ་བར་གྱུར་ཅིག །བདག་ལ་བུ་ཡང་ལྔ་བརྒྱ་བཙའ་བར་གྱུར་ཅིག་ཅེས་སྨྲས་སོ། །དགེ་སློང་དག་དེའི་ཚེ་བ་ལང་རྫིའི་ཆུང་མར་གྱུར་པ་ནི་ད་ལྟར་གྱི་འཕྲོག་མ་ཡིན་ཏེ་སྨོན་ལམ་བཏབ་པའི་དབང་གིས་འདི་ལྟ་བུར་སྐྱེས་པ་ཡིན་ནོ།། །།པའི་དབང་གིས་འདི་ལྟ་བུར་སྐྱེས་པ་ཡིན་ནོ།། །།)
• Dictionaries/sgom sde tshig mdzod chenmo/10725  + ((འདུལ་བ) བདག་ཅག་གི་སྟོན་པ་ལ་ལོག་ལྟ་ཁོ་ན་བྱ … (འདུལ་བ) བདག་ཅག་གི་སྟོན་པ་ལ་ལོག་ལྟ་ཁོ་ན་བྱེད་མཁན་གྱི་དགེ་སློང་ཞིག དགེ་སློང་ལེགས་པའི་སྐར་མ་དང་དོན་གཅིག དེ་ཡང་སྔོན་དགེ་སློང་ལེགས་པའི་སྐར་མ་ཞེས་བྱ་བ། མདོ་སྡེ་བཅུ་གཉིས་བློ་ལ་ཡོད་པ། བསམ་གཏན་དང་པོའི་ཏིང་ངེ་འཛིན་ཐོབ་པ། བཅོམ་ལྡན་འདས་ཀྱི་ཉེ་གནས་ལོ་བཅུ་གཉིས་བྱས་ཀྱང་། བཅོམ་ལྡན་འདས་སེམས་ཅན་འདུལ་བའི་ཐབས་དང་སྤྱོད་པ་ཅི་མཛད་ཐམས་ཅད། གཡོ་དང་སྒྱུ་རུ་མཐོང་བས་ཉེས་དམིགས་ཀྱིས། དངོས་སུ་སའི་མཐོངས་བྱེ་ནས་སེམས་ཅན་དམྱལ་བར་སོང་བའི་ལོ་རྒྱུས། དཔེ་ཆོས་རིན་ཆེན་སྤུངས་པའི་འབུམ་འགྲེལ་༡༩༤ན་གསལ་ལོ། །འོ་ན་ལེགས་སྐར་འདི་སུ་ཞིག་ཡིན་ནམ་ཞེ་ན། སྡེ་སྲིད་སངས་རྒྱས་རྒྱ་མཚོས། འདི་ཡབ་ཟས་གཙང་ལ་གཅུང་པོ་གསུམ་ཡོད་པའི་རྒན་ཤོས་ཟས་དཀར་གྱི་སྲས་རྒྱལ་ཞེས་བྱ་བ་དེ་ཡིན་ཟེར། སྐར་མ་རྒྱལ་ལ་སྐྱེས་པས་རྒྱལ་ཞེས་བཏགས་པར་བཤད་ཅིང་། དེ་ལ་འགྱུར་མི་འདྲ་བའི་དབང་གིས། སྐར་བཟང་དང་། རྒྱུ་སྐར་བཟང་པོ། སྐར་ལེགས། ལེགས་སྐར། སྐར་བཟང་སོགས་སྣ་ཚོགས་ཤིག་འབྱུང་བར་བཤད་དེ། སྡེ་སྲིད་སངས་རྒྱས་རྒྱ་མཚོའི་གཡའ་སེལ་༣༣༢བ༤ལས། སྟོན་པ་དང་དུས་མཉམ་དུ་ཤཱཀྱ་ཟས་དཀར་གྱིས་སྲས་སུ་སྐར་མ་རྒྱལ་ལ་སྐྱེས་པར་བརྟེན་རྒྱལ་ལམ་སྐར་བཟང་རྒྱུ་སྐར་བཟང་པོ་ཞེས་སམ་སྐར་ལེགས་དང་ལེགས་སྐར་དུ་ཉེར་བསྒྱུར་སུ་ལེགས་པ་དང་བཟང་པོར་བསྒྱུར་བའི་དབང་གིས་སྣ་ཚོགས་དང་། གཞན་ཡང་ཀླུ་སྐྱོང་དུའང་བརྗོད་པ། དཔེར་ན། དཀོན་ཅོག་བརྩེགས་པའི་ལེའུ་དང་པོ་སྡོམ་པ་གསུམ་བསྟན་ (ལུང་འདི་དཀོན་བརྩེགས་༼ ཀ ༽༢༦ན༣ན་གསལ) པར། འོད་སྲུངས། དགེ་སློང་ཀོ་ཀ་ལིཀ་དང་། དགེ་སློང་ལྷས་བྱིན་དང་། དགེ་སློང་ཁཎྜ་དྲ་བྱ་དང་། དགེ་སློང་ཀརྟ་ཏི་ཤྱ་དང་། དགེ་སློང་རྒྱ་མཚོ་བྱིན་ལ་ལྟོས། འོད་སྲུངས། རྟ་ཐུལ་དང་། ནབས་སོ་ལ་ལྟོས། འོད་སྲུངས། དགེ་སློང་སྐར་བཟངས་ངའི་གཡོག་བྱེད། ངའི་མདུན་ན་སྨྲ་ཞིང་འཆག་པ་དང་འདུག་པ་ལ་ཡང་བལྟ། རྫུ་འཕྲུལ་གྱི་སྟོབས་ཀྱིས་སྟེང་གི་བར་སྣང་ལ་འཆག་པ་ཡང་བལྟ། ཆོས་དང་མཐུན་པས་མུ་སྟེགས་ཅན་སྟོང་ཚར་བཅད་པ་ལའང་བལྟ། དེ་ང་ལ་དད་པར་མི་བྱེད་ཅིང་། ཚིག་རེ་རེ་ལ་ཡང་མཐུན་པར་མི་བྱེད་པ་ལ་ལྟོས། གང་ཚིག་རེ་རེ་ལ་ཡང་མཐུན་པར་མི་བྱེད་པ་དེ་ནི། ངན་པར་འགྲོ་བར་འགྱུར་རོ། །ཞེས་དང་། མྱ་འདས་ལེའུ་བཅུ་གཉིས་འོད་སྲུངས་ཀྱིས་ཞུས་པའི་ལེའུར། དགེ་སློང་ལེགས་པའི་སྐར་མ་ཞེས་བགྱི་བ་བཅོམ་ལྡན་འདས་བྱང་ཆུབ་སེམས་དཔའ་མཛད་དུས་སྲས་ལགས་ཏེ་རབ་ཏུ་བྱུང་ནས་མདོ་སྡེ་བཅུ་གཉིས་འཆང་བ་དང་། འཛིན་པ་དང་། ཀློག་པ་དང་། འདོན་པ་དང་། རྣམ་པར་ཕྱེ་སྟེ་གྲོལ་ཞིང་བཤད་པ་ཡང་བགྱིད། འདོད་པའི་ཁམས་ཀྱི་ཀུན་ནས་ཉོན་མོངས་པ་ཡང་བཅོམ། བསམ་གཏན་བཞི་ཡང་ཐོབ་ནས། ཅིའི་སླད་དུ་དེ་བཞིན་གཤེགས་པས་ལོག་སྲེད་ཅན་ཡིན་ཏེ་ཀུན་གྱི་མཐར་གྱུར་པ་འདི་བསྐལ་པའི་བར་དུ་སེམས་ཅན་དམྱལ་བར་གནས་ཀྱང་སོར་མི་རུང་ངོ་ཞེས་ལུང་བསྟན་པ་ཅིའི་སླད་དུ་སྔར་དམ་པའི་ཆོས་བསྟན་ཀྱང་ཕྱིས་མགོན་དང་སྐྱབས་མཛད་པར་མི་འགྱུར་ན་ཐུགས་རྗེ་ཆེན་པོ་དང་ལྡན་ཞིང་ཐབས་མཁས་པ་ཅི་ཞིག་ལགས། ཞེས་སོགས་གསོལ་བས། དེ་ལན་དུ། ཞེས་སོགས་གསུངས་སོ། །འདི་ལ་རྗེའི་རྣམ་ཐར་ཆེན་མོ་སོགས་སུ་ལེགས་ཀར་བྲིས་པ་ཡི་གེ་མ་དག་པ་ཡིན། གཟའ་སྐར་གྱི་སྐར་མ་ཡིན་པ་གོང་དུ་བཤད་པ་ལྟར་སྐར་མ་རྒྱལ་གྱི་དུས་སུ་སྐྱེས་པས་མིང་རྒྱལ་ཞེས་བཏགས་པ་དེས་ཤེས་ནུས་སོ། །འདི་སྐོར་ཞིབ་པར་གཟིགས་འདོད་ན། མདོ་དཀོན་བརྩེགས་༼ ཀ ༽༢༦ན༣དང་། མདོ་མྱང་འདས་༼ ཏ ༽༡༨༦བ༦དང་། གཡའ་སེལ། རྗེའི་རྣམ་ཐར་ཆེན་མོ། ཚེ་ཏན་ཞབས་དྲུང་གི་དྲིས་ལན་༢༦བ༥སོགས་སུ་སྣང་ངོ་། །ཞབས་དྲུང་གི་དྲིས་ལན་༢༦བ༥སོགས་སུ་སྣང་ངོ་། །)
• Dictionaries/sgom sde tshig mdzod chenmo/11150  + ((འདུལ་བ) བདག་ཅག་གི་སྟོན་པའི་ཡབ་ཟས་གཙང་ལ་སྐ … (འདུལ་བ) བདག་ཅག་གི་སྟོན་པའི་ཡབ་ཟས་གཙང་ལ་སྐུ་མཆེད་བུ་གསུམ་དང་བུ་མོ་བཞི་ལས། བུ་ཐ་མ་ཚད་མེད་ཟས་ལ་བུ་གཉིས་ཏེ། ལྷས་བྱིན་དང་། ཚེ་དང་ལྡན་པ་ཀུན་དགའ་བོ་གཉིས་སོ། །དྲིན་ལན་བསབ་པའི་མདོ་༼ ཨཿ ༽༡༤༥བ༦ལས་ལྷས་བྱིན་གྱི་སྐོར་འདི་ལྟར་གསུངས་ཏེ། ལྷས་བྱིན་ནི་སངས་རྒྱས་ཀྱི་བསྟན་པའི་རྗེས་སུ་རབ་ཏུ་བྱུང་མོད་ཀྱི། ཁེ་བཀུར་དང་རྙེད་པའི་ཕྱིར་རྒྱུན་དུ་ཕྲག་དོག་བྱེད་དེ། ལྷས་བྱིན་མདོ་སྡེ་སྤོས་ཀྱི་གླང་པོ་ཆེའི་ཁལ་དྲུག་ཁྲི་སྙེད་ཁ་དོན་དུ་འདོན་ཤེས་ཀྱང་མཚམས་མེད་པའི་སེམས་ཅན་དམྱལ་བ་ལས་མ་ཐར་རོ། །དེའི་ཚེ་ན་ལྷས་བྱིན་རྒྱལ་པོ་མ་སྐྱེས་དང་རབ་ཏུ་མཛའ་ནས་གཅིག་ལ་གཅིག་དགའ་ཞིང་ཉེ་བར་སེམས་ཏེ། གཅིག་གི་ཚིག་ལ་གཅིག་ཡིད་ཆེས་སོ། །དེ་ནས་ལྷས་བྱིན་གྱིས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ཁྱོད་ནི་རྒྱལ་པོ་སར་པ་བྱོས་ཤིག བདག་གི་སངས་རྒྱས་སར་པ་བགྱིའོ། །རྒྱལ་པོ་མ་སྐྱེས་དགྲས་སྨྲས་པ། ད་ལྟར་ཡབ་རྒྱལ་པོ་བཞུགས་པས་དེ་ལྟར་མི་རུང་ངོ་། །ལྷས་བྱིན་གྱིས་སྨྲས་པ། དེ་མེད་པར་བྱར་རུང་ངོ་། །བདག་ཀྱང་སངས་རྒྱས་མེད་པར་བྱས་ལ། དེའི་འོག་ཏུ་རྒྱལ་པོ་སར་པ་དང་། སངས་རྒྱས་སར་པས་སེམས་ཅན་གྱི་དོན་བྱས་པ་མི་སྐྱིད་དམ། དེ་ནས་རྒྱལ་པོ་མ་སྐྱེས་དགྲས་ལྷས་བྱིན་གྱིས་སྨྲས་པ་བཞིན་ཡབ་རྒྱལ་པོའི་ཁབ་ཡུལ་ཝཱ་རཱ་ཎ་སཱི་བཟུང་ངོ་། །ལྷས་བྱིན་གྱིས་རྒྱལ་པོ་མ་སྐྱེས་དགྲ་ལ་སྨྲས་པ། བདག་ཀྱང་དེ་བཞིན་གཤེགས་པ་མེད་པར་བྱའོ། །མ་སྐྱེས་དགྲས་སྨྲས་པ། དེ་བཞིན་གཤེགས་པ་ནི་རྫུ་འཕྲུལ་ཆེན་པོའི་མཐུ་མངའ་བས་གཞན་གྱིས་བསམ་པའི་སེམས་ཤེས་ན་ཁྱོད་ཀྱིས་ཇི་ལྟར་མེད་པར་བྱ་བར་ནུས། དེ་བཞིན་གཤེགས་པ་ལ་གཞན་ཡང་ཉེ་གནས་ཆེན་པོ་ཤཱ་རིའི་བུ་དང་། མཽཽད་གལ་གྱི་བུ་ཆེན་པོ་དང་། ན་བུན་དང་། མ་འགགས་པ་ལ་སོགས་པ་ཡོད་པས་མི་ནུས་སོ། །ལྷས་བྱིན་གྱིས་རྒྱལ་པོ་མ་སྐྱེས་དགྲ་ལ་སྨྲས་པ། རྒྱལ་པོ་ཁྱོད་ཀྱིས་བདག་གི་གྲོགས་གྱིས་ཤིག རྒྱལ་པོས་སྨྲས་པ། ཁྱོད་ལས་ཅི་ཞིག་བྱེད་པར་སེམས། ལྷས་བྱིན་གྱིས་སྨྲས་པ། རྒྱལ་པོ་ཆེན་པོས་ཡུལ་ཕྱོགས་སུ་བཀར་བཏགས་ཏེ། སུ་ཡང་དགེ་སློང་རྣམས་ལ་གོས་དང་། བཟའ་བ་དང་། བཏུང་བ་དང་། བསོད་སྙོམས་བྱིན་དུ་མ་སྩལ་ཅིག དེ་ནས་རྒྱལ་པོ་མ་སྐྱེས་དགྲས་ཀྱང་བཀར་བཏགས་ཏེ། དགེ་སློང་རྣམས་ལ་སུ་ཡང་གོས་དང་། ཟས་དང་། བསོད་སྙོམས་སྦྱིན་པར་གྱུར་ན་རྐང་ལག་གཅད་དོ་ཞེས་བཀར་བཏགས་སོ། །དེའི་ཚེ་བཅོམ་ལྡན་འདས་དགེ་སློང་གི་དགེ་འདུན་ཆེན་པོའི་འཁོར་དང་བཅས་ཏེ། བྱ་རྒོད་སྤུངས་པའི་རི་ནས་བསོད་སྙོམས་སློང་དུ་སོང་བ་ལས་ཅི་ཡང་མ་རྙེད་དོ། །དེ་བཞིན་ཞག་གཅིག་ནས་ཞག་བདུན་གྱི་བར་དུ་ཅི་ཡང་མ་རྙེད་པས་ཤཱ་རིའི་བུ་ལ་སོགས་པ་སློབ་མ་ཆེན་པོ་རྣམས་ནི་རྫུ་འཕྲུལ་གྱི་མཐུས་ཡུལ་ཁམས་གཞན་དུ་གོས་དང་། ཟས་དང་། བསོད་སྙོམས་སློང་དུ་སོང་ངོ་། །དེའི་ཚེ་ལྷས་བྱིན་གྱིས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ད་ལྟར་སངས་རྒྱས་ཀྱི་སློབ་མ་ཆེན་པོ་གཅིག་ཀྱང་མེད་དེ། དེ་བཞིན་གཤེགས་པ་གཅིག་པུ་བཞུགས་ཀྱི་རྒྱལ་པོས་དེ་བཞིན་གཤེགས་པ་སྤྱན་འདྲེན་དུ་ཐོང་ཤིག ཕོ་བྲང་གི་ནང་དུ་འོངས་ནས་བདག་ཅག་གིས་བལ་གྱི་གླང་པོ་ཆེན་པོ་ནག་པོ་མ་རུངས་པ་ལྔ་བརྒྱ་ལ་ཆང་བླུད་དེ་རབ་ཏུ་མྱོས་པར་བྱས་ལ་སངས་རྒྱས་སྤྱན་དྲངས་ཏེ། ཕོ་བྲང་གི་ནང་དུ་འོངས་ནས་བལ་གླང་རྨིས་ཤིང་མྱོས་པ་དེ་དག་གིས་བརྫིས་ཏེ་གསད་པར་བྱའོ། །དེ་ནས་རྒྱལ་པོ་མ་སྐྱེས་དགྲས་དེ་བཞིན་གཤེགས་པ་ལ་སྤྱན་འདྲེན་དུ་བཏང་ནས། སངས་རྒྱས་དང་། དགྲ་བཅོམ་པ་ལྔ་བརྒྱ་རྒྱལ་པོས་སྤྱན་དྲངས་པར་གཤེགས་པར་གནང་སྟེ་རྒྱལ་པོའི་ཁབ་ཏུ་གཤེགས་སོ། །དེ་ནས་རྒྱལ་པོ་མ་སྐྱེས་དགྲས་བལ་གླང་རྨིས་ཤིང་མྱོས་པ་ལྔ་བརྒྱ་བཀྱེ་ནས་བལ་གླང་རྨིས་པས་ཤིང་བཅག་ར་བ་ཡང་དྲལ། རྩིག་པ་ཡང་བསྒྱེལ་ཏེ་ར་བའི་སྒྲ་ཆེན་པོ་ཕྱུང་སྟེ། དེ་བཞིན་གཤེགས་པ་དང་དགྲ་བཅོམ་པ་ལྔ་བརྒྱའི་ལོགས་སུ་མཆོངས་ཏེ་སོང་ངོ་། །དེ་ནས་དགྲ་བཅོམ་པ་ལྔ་བརྒྱ་རབ་ཏུ་སྐྲག་ནས་སྟེང་གི་ནམ་མཁའ་ལ་འཕགས་ཏེ་སངས་རྒྱས་ཀྱི་སྟེང་གི་ནམ་མཁའ་ལ་འཁོད་དོ། །དེའི་ཚེ་ཀུན་དགའ་བོ་འབའ་ཞིག་དེ་བཞིན་གཤེགས་པ་དང་མ་བྲལ་ཏེ་འདུག་གོ། དེའི་ཚེ་དེ་བཞིན་གཤེགས་པས་བྱམས་པ་དང་སྙིང་རྗེའི་ཤུགས་ཀྱིས་ཕྱག་གཡས་པ་བཏེགས་ནས་ཕྱག་སོར་ལྔ་ལས་སེང་གེ་ཁ་གདངས་ཤིང་སྒྲ་ཆེན་པོ་སྒྲོགས་པར་སྤྲུལ་ནས་བལ་གླང་རྨིས་པ་ལྔ་བརྒྱ་འཇིགས་ཤིང་སྐྲག་ནས་ས་ལ་འགྱེལ་ཏོ། །དེ་ནས་དེ་བཞིན་གཤེགས་པ་འཁོར་མང་པོས་བསྐོར་ཏེ་རྒྱལ་པོའི་ཕོ་བྲང་དུ་གཤེགས་ནས་རྒྱལ་པོ་མ་སྐྱེས་དགྲ་ཕྱི་རོལ་ཏུ་བྱུང་སྟེ། དེ་བཞིན་གཤེགས་པ་བསུ་ནས་གདན་ལ་བཞུགས་སུ་གསོལ་ལོ། །ཞེས་སོགས་གསུངས་སོ། །ལྷས་བྱིན་གྱིས་སྒྱོགས་རྡོ་འཕངས་ཏེ་བཅོམ་ལྡན་འདས་ཀྱི་ཞབས་ལ་རྨ་བྱུང་ཚུལ་གསུངས་ཏེ། འདུལ་བ་ལུང་གཞི་༼ ང་པ ༽༢༢༡ན༢ལས། ལྷ་སྦྱིན་གྱིས་མ་སྐྱེས་དགྲ་ལ་སྨྲས་པ། ཁོ་བོས་ཁྱོད་རྒྱལ་སྲིད་ལ་བཞག་པ་ཡིན་གྱིས་ཁྱོད་ཀྱིས་ཀྱང་ཁོ་བོ་སངས་རྒྱས་ཉིད་དུ་སྐོས་ཤིག །དེས་སྨྲས་པ། བཅོམ་ལྡན་འདས་ནི་སྐུ་གསེར་གྱི་ཁ་དོག་ཏུ་འདུག་ལ་རེ་ཞིག་དང་པོར་གསེར་གྱི་ཁ་དོག་ཉིད་མེད་དོ། །དེས་སྨྲས་པ། ཁོ་བོས་ཀྱང་གསེར་གྱི་ཁ་དོག་ཏུ་སྣང་བར་བསྒྱུར་རོ། །ཞེས་དེས་གསེར་མགར་བཀུག་ནས་སྨྲས་པ། ཁོ་བོའི་ལུས་གསེར་གྱིས་གཡོགས་ཤིག །དེས་སྨྲས་པ། འཕགས་པ་གལ་ཏེ་ཚོར་བ་མནགས་ཕོད་ནའོ། །དེས་སྨྲས་པ། ཁྱོད་ཀྱིས་གཡོགས་ཤིག་དང་ཕོད་པར་བྱའོ། །དེས་ཙན་ཅུ་ཞེས་བྱ་བའི་འབྲུ་མར་གྱིས་ལུས་བྱུགས་ནས་གསེར་གྱི་གྱིམ་ཕག་གིས་ལུས་གཡོགས་པ་དང་དེ་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་ངོ་། །དགེ་སློང་རྣམས་ཀྱིས་ཀོ་ཀ་ལི་ཀ་ལ་དྲིས་པ། ལྷ་སྦྱིན་གང་ན། དེས་སྨྲས་པ། ཕྱོགས་ཆེ་གེ་མོ་ཞིག་ན་གསེར་གྱི་ཁ་དོག་ཏུ་སྣང་བར་སྒྱུར་རོ། །དགེ་སློང་རྣམས་ཕྱོགས་དེར་སོང་བ་དང༌། དེ་རྣམས་ཀྱིས་དེ་སྡུག་བསྔལ་གྱི་ཚོར་བས་ཉེན་ཏེ། ཀུ་ཅོ་འདོན་པ་ཐོས་ནས་དེ་རྣམས་བཅོམ་ལྡན་འདས་ཀྱི་སྤྱན་སྔར་དོང་ངོ་། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་གསེར་གྱི་ཁ་དོག་དོན་དུ་གཉེར་བས་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་མཆི་བའི་ཚོར་བ་ཉམས་སུ་མྱོང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདི་འདས་པའི་དུས་ན་ཡང་གསེར་གྱི་ཞྭ་དོན་དུ་གཉེར་བའི་ཕྱིར་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་ཁྱོ་ལམ་རིང་པོར་སོང་བའི་བུད་མེད་ཅིག་ཡོད་པ་དེའི་མདུན་དུ་བྱ་རོག་ཅིག་སྐད་སྙན་པ་སྙན་པར་འབྱིན་ནས་དེས་སྨྲས་པ། བྱ་རོག་སོང་ཤིག་བྱ་རོག་སོང་ཤིག་གལ་ཏེ་བདག་གི་ཁྱིམ་ཐབ་བདེ་བར་འཁོར་ན་ཁྱོད་ལ་གསེར་གྱི་ཞྭ་ཞིག་སྦྱིན་ནོ། །ཅི་ཙམ་ན་དེའི་ཁྱིམ་ཐབ་དེ་ཡང་བདེ་བར་སླར་འོངས་སོ། །བྱ་རོག་དེ་གསེར་གྱི་ཞྭའི་ཆེད་དུ་དེའི་མདུན་དུ་འདུག་ནས་སྐད་སྙན་པ་སྙན་པར་ཕྱུང་བ་དང་དེ་ནས་དེས་དེ་ལ་གསེར་གྱི་ཞྭ་ཞིག་བྱིན་ནོ། །དེས་དེ་གྱོན་ནས་ཕན་ཚུན་དུ་ལྡིང་བ་དང༑ དེ་གསེར་གྱི་ཞྭའི་ཕྱིར་བྱ་ཁྲས་མགོ་བཅད་དོ། །ལྷས་ཚིགས་སུ་བཅད་དེ་སྨྲས་པ། དོན་མེད་གཞི་དང་ལྡན་པ་ཡི། །ནོར་ནི་ཕུང་བར་འགྱུར་བ་སྟེ། །གང་གི་མགོ་ལ་གསེར་ཡོད་པའི། །བྱ་རོག་གིས་ནི་ཕུང་བྱེད་བཙལ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་བྱ་རོག་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདི་གསེར་གྱི་རྒྱུས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་འདི་གསེར་གྱི་ཁ་དོག་དོན་དུ་གཉེར་བའི་ཕྱིར་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་བར་གྱུར་ཏོ། །ཡང་ལྷ་སྦྱིན་གྱིས་མ་སྐྱེས་དགྲ་ལ་སྨྲས་པ། ཁོ་བོས་ནི་ཁྱོད་རྒྱལ་སྲིད་ལ་བཞག་གིས་ཁྱོད་ཀྱིས་ཀྱང་ཁོ་བོ་སངས་རྒྱས་ཉིད་དུ་ཆུག་ཤིག །དེས་སྨྲས་པ། བཅོམ་ལྡན་འདས་ཀྱི་ཞབས་ཀྱི་མཐིལ་ལ་ནི་འཁོར་ལོའི་མཚན་གྱིས་མཚན་པའི་རྟགས་ཡོད་ན། ཁྱོད་ཀྱི་རྐང་པའི་མཐིལ་ལ་ནི་འཁོར་ལོའི་མཚན་གྱིས་མཚན་པའི་རྟགས་མེད་དོ། །དེས་སྨྲས་པ། ཁོ་བོས་ཀྱང་རྐང་པའི་མཐིལ་ལ་ནི་འཁོར་ལོའི་རྟགས་བསྒྲུབ་པར་བྱའོ་ཞེས་དེས་ལྕགས་མགར་རྣམས་བཀུག་ནས་སྨྲས་པ། ཁོ་བོའི་རྐང་མཐིལ་ལ་འཁོར་ལོ་འདྲི་ནུས་སམ། དེ་རྣམས་ཀྱིས་སྨྲས་པ། འཕགས་པ་གལ་ཏེ་ཚོར་བ་མནགས་ཕོད་ནའོ། །དེས་སྨྲས་པ། ཕོད་ཀྱིས་གྱིས་ཤིག །དེ་རྣམས་ཀྱིས་བསམས་པ། འདི་མཐུ་དང་ལྡན་པ་ཡིན་པས་གལ་ཏེ་འདི་བཞིན་དུ་བྲིས་ན་རྡོག་པས་བདག་ཅག་སྲོག་དང་ཕྲལ་བར་འགྱུར་བའི་ག་ནས་གང་ཡིན་པ་འདི་ཡོད་དོ་སྙམ་ནས། དེ་རྣམས་ཀྱིས་རྩིག་པ་འབིགས་སུ་བཅུག་ནས་སྨྲས་པ། འཕགས་པ་རྩིག་པའི་བུ་ག་འདིར་རྐང་པ་གཉིས་ཆུག་ཤིག །དེས་རྩིག་པའི་བུ་གར་རྐང་པ་གཉིས་བཅུག་པ་དང་ལྕགས་མགར་རྣམས་ཀྱིས་འཁོར་ལོ་མེའི་ཁ་དོག་ཏུ་འདུག་པར་བྱས་ནས་རྐང་པ་བསྲེགས་པ་དང༌། དེ་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་བར་གྱུར་ཏོ། །དགེ་སློང་རྣམས་ཀྱིས་ཀོ་ཀ་ལི་ཀ་ལ་དྲིས་པ། ལྷ་སྦྱིན་གང་ན། ཕྱོགས་ག་གེ་མོ་ཞིག་ན་རྐང་པའི་མཐིལ་ལ་འཁོར་ལོའི་རྟགས་སྒྲུབ་བོ། །དགེ་སློང་རྣམས་ཕྱོགས་དེར་སོང་བ་དང་དེ་རྣམས་ཀྱིས་དེ་སྡུག་བསྔལ་གྱི་ཚོར་བས་ཉེན་ཅིང་ཀུ་ཅོ་འདོན་པ་ཡང་ཐོས་ནས་དེ་རྣམས་བཅོམ་ལྡན་འདས་ཀྱི་སྤྱན་སྔར་དོང་ངོ་། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་རྐང་པའི་མཐིལ་ལ་འཁོར་ལོའི་རྟགས་དོན་དུ་གཉེར་བས་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་མཆི་བའི་ཚོར་བ་ཉམས་སུ་མྱོང་བར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདི་རྐང་རྗེས་ཀྱི་ཕྱིར་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག །དགེ་སློང་དག་སྔོན་བྱུང་བ་གངས་ཅན་ལ་གླང་པོ་ཆེ་ཞིག་ཡོད་པ་ཆུ་འཐུང་དུ་འབབས་པས་དེའི་ཕྱི་བཞིན་ཝ་ཞིག་ཀྱང་བབས་པ་དང༌། དེས་གླང་པོ་ཆེའི་རྗེས་མཐོང་ནས་བདག་ཉིད་ཀྱི་གོམ་པས་གཞལ་བར་བརྩམས་ཏེ་དེས་བསམས་པ། རྗེས་འདི་ནི་བདག་གི་ཡིན་ནོ་ཞེས་དེ་མཆོང་ཞིང་རྗེས་ཀྱི་སྟེང་དུ་རྐང་པ་འཇོག་པ་ན་སྡོམ་དུམ་ཁྱེའུ་ག་ཞིག་གི་སྟེང་དུ་རྡེག་འཆོས་བར་གྱུར་ཏོ། །ལྷས་ཚིགས་སུ་བཅད་དེ་སྨྲས་པ། མདོར་ན་གླང་ཆེན་རྐང་རྗེས་དང༌། །བླུན་པོ་ཁྱོད་རྗེས་མི་འདྲ་ཡི། །དོན་མེད་བློ་འདི་སློངས་བྱོས་ཤིག །ངལ་བ་ཐོབ་པར་གྱུར་ཏ་རེ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཝ་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདི་རྐང་རྗེས་ཀྱི་ཕྱིར་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་འདི་རྐང་པའི་མཐིལ་ལ་འཁོར་ལོའི་རྟགས་དོན་དུ་གཉེར་བའི་ཕྱིར་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་བར་གྱུར་ཏོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་གནོད་སྦྱིན་ཀུམ་བི་རའི་གནས་ན་བཞུགས་སོ། །ལྷ་སྦྱིན་གྱིས་ཡང་མ་སྐྱེས་དགྲ་ལ་སྨྲས་པ། ཁོ་བོས་ཁྱོད་ནི་རྒྱལ་སྲིད་ལ་བཞག་ན་ཁྱོད་ཀྱིས་ཁོ་བོ་སངས་རྒྱས་སུ་གཞུག་མ་ནུས་ཀྱིས། ད་ནི་ཁོ་བོས་དགེ་སྦྱོང་གཽ་ཏ་མ་སྲོག་དང་དབྲལ་གྱིས་ཁྱོད་ཀྱིས་སུས་བསད་དམ། གང་དུ་བསད་པ་མ་སྨྲ་ཤིག། དེས་སྨྲས་པ། དེ་བཞིན་དུ་གྱིས་ཤིག །ཇི་ཙམ་ན་ལྷོ་ཕྱོགས་ནས་འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་ཞིག་འོངས་ནས་ལྷ་སྦྱིན་གྱིས་དེ་བཀུག་ནས་སྨྲས་པ། ཀྱེ་སློབ་དཔོན་ཁྱོད་ཀྱིས་མི་ལྔ་བརྒྱས་འཕེན་པ་དེ་ལྟ་བུའི་སྒྱོགས་ནུས་སམ། དེས་སྨྲས་པ། འཕགས་པ་ནུས་སོ། །དེས་དེ་ལ་མུ་ཏིག་གི་དོ་ཤལ་བརྒྱ་སྟོང་རི་བ་བྱིན་ཞིང་མི་སྟོང་གི་གླ་ཡང་བྱིན་ནས་སྨྲས་པ། གནས་གང་ན་བཅོམ་ལྡན་འདས་བཞུགས་པ་དེའི་དྲང་ཐད་ཀྱི་བྱ་རྒོད་ཀྱི་ཕུང་པོའི་རིའི་སྟེང་དེར་སྒྱོགས་ཆོས་ཤིག །སྒྱོགས་འཕེན་པའི་མི་ལྔ་བརྒྱ་པོ་དེ་དག་ཀྱང་འཁོད་དུ་བཅུག་གོ། གནས་གཞན་ཞིག་ཏུ་ཉིས་བརྒྱ་ལྔ་བཅུ་འཁོད་དུ་བཅུག་ནས་བསྒོ་བ། ཁྱེད་ཅག་གལ་ཏེ་དགེ་སྦྱོང་གཽ་ཏ་མ་སྒྱོགས་ཀྱིས་མ་སོད་ན་ཁྱེད་ཀྱིས་སོད་ཅིག་དེའི་དོན་དུ་གནས་གཞན་དང་གཞན་དུ་ཡང་མི་རྣམས་འཁོད་དུ་བཅུག་ནས་ཐམས་ཅད་ལ་བསྒོ་བ། ཁྱེད་ཅག་གང་གི་གོར་དགེ་སྦྱོང་གཽ་ཏ་མ་འོངས་དང་དེ་དག་གིས་སོད་ཅིག །བདག་ཉིད་ཀྱང་ཕྱོགས་གཞན་ཞིག་ཏུ་འདུག་ནས་འདི་རྣམས་ཀྱིས་ཤོར་དང་བདག་གིས་བསད་དོ་སྙམ་མོ། །ཇི་ཙམ་ན་མི་ལྔ་བརྒྱས་སྒྱོགས་འཕང་བར་བརྩམས་ཏེ་སྨྲས་པ། སུའི་ཕྱིར་སྒྱོགས་འཕང༌། ཇི་ཙམ་ན་སངས་རྒྱས་བཅོམ་ལྡན་འདས་ཤོད་ན་བཞུགས་པ་མཐོང་ནས་དེ་རྣམས་ཀྱིས་སྨྲས་པ། ཤེས་ལྡན་དག་བདག་ཅག་རང་གི་སྲོག་བཏང་བ་ནི་བླའི་ལྷ་དང་མིས་མཆོད་པའི་སངས་རྒྱས་བཅོམ་ལྡན་འདས་བགྲོངས་པ་ནི་དེ་ལྟ་མ་ཡིན་གྱིས་སྒྱོགས་བོར་རོ་ཞེས་དེ་རྣམས་ཀྱིས་སྒྱོགས་བོར་ནས་བྱ་རྒོད་ཀྱི་ཕུང་པོའི་རི་ལ་ཕན་ཚུན་དུ་རྒྱུ་ཞིང་གནས་གང་ཞིག་ནས་བབས་ན་ལྷ་སྦྱིན་གྱིས་མི་མཐོང་བར་འགྱུར་སྙམ་མོ། །དེ་རྣམས་ཀྱིས་བསམ་པ། བཅོམ་ལྡན་འདས་ཀྱིས་ཐུགས་སུ་ཆུད་ནས་ཐེམ་སྐས་ཤིག་སྤྲུལ་པ་དང༌། དེ་རྣམས་ཀྱིས་ཐེམ་སྐས་མཐོང་ནས་འདི་སྙམ་དུ་སེམས་ཏེ། ཤེས་ལྡན་དག་ཐེམ་སྐས་འདི་སུས་བཙུགས་སྙམ་ན་དེ་ནི་བཅོམ་ལྡན་འདས་ཀྱི་མཐུས་ཡིན་ནོ་སྙམ་ནས། དེ་རྣམས་ཀྱི་ལྷག་པར་ཡང་བཅོམ་ལྡན་འདས་ལ་སེམས་མངོན་པར་དད་པར་གྱུར་ཏེ་ཐེམ་སྐས་དེ་ལས་བབས་ནས་བཅོམ་ལྡན་འདས་གང་ན་བ་དེར་དོང་ངོ་། །བཅོམ་ལྡན་འདས་ཀྱང་དེ་དག་འདུལ་བ་ཁོ་ན་ལ་ལྟོས་ནས་བྱ་རྒོད་ཕུང་པོའི་རི་ལ་འཆག་ཅིང་བཞུགས་སོ། །དེ་ནས་དེ་རྣམས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཆོས་མཉན་པའི་ཕྱིར་སྤྱན་སྔ་ན་འདུག་གོ། །བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང༌། བག་ལ་ཉལ་དང༑ ཁམས་དང༌། རང་བཞིན་མཁྱེན་ནས་གང་ཐོས་པས་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་པས། དེ་རྣམས་ཀྱིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ་བདེན་པ་མཐོང་བ་དང་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ་བདག་ཅག་ལ་ཕས་མ་བགྱིས། མས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། སྡུག་པས་མ་ལགས། རང་གི་སྐྱེ་བོ་དང་གཉེན་གྱི་ཚོགས་ཀྱིས་མ་ལགས། སྔོན་གྱི་འདས་པ་རྣམས་ཀྱིས་མ་ལགས། དགེ་སྦྱོང་དང་བྲམ་ཟེ་རྣམས་ཀྱིས་མ་ལགས་པ་གང་ལགས་པ་དེ་བཅོམ་ལྡན་འདས་ཀྱིས་བདག་ཅག་ལ་མཛད་དེ། དམྱལ་བ་དང༌། དུད་འགྲོ་དང༌། ཡི་དྭགས་རྣམས་ནས་ནི་རྐང་པ་དྲངས། ལྷ་དང་མི་རྣམས་སུ་ནི་རབ་ཏུ་བཞག །འཁོར་བའི་ནི་མཐར་བགྱིས། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་ལས་ནི་བསྒྲལ། ངན་སོང་གི་སྒོ་རྣམས་ནི་བསྐུམ། མཐོ་རིས་དང་ཐར་པའི་སྒོ་རྣམས་ནི་ཕྱེ། ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ་བདག་ཅག་ནི་འཕགས་སོ། །མངོན་པར་འཕགས་སོ། །བདག་ཅག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བཅོམ་ལྡན་འདས་ཀྱིས་བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་དུ་ཇི་སྲིད་འཚོའི་བར་དུ་སྲོག་དང་ཡང་བསྔོས་ཏེ་སྐྱབས་སུ་མཆི་བར་མངོན་པར་དད་ལགས་སོ་ཞེས་གསོལ་ནས། བཅོམ་ལྡན་འདས་ཀྱི་སྤྱན་སྔ་ནས་བསླབ་པའི་གཞི་ལྔ་རྣམས་བླང་བར་བརྩམས་སོ། །འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་ཡང་འདི་ནི་སངས་རྒྱས་བཅོམ་ལྡན་འདས་བགྲོངས་པར་བྱེད་པ་ཡིན་ནོ་སྙམ་དུ་བསམས་ནས། དེ་རྣམས་ཀྱི་ཕྱི་བཞིན་ཐེམ་སྐས་ལ་བབས་ནས་མུ་ཏིག་གི་དོ་ཤལ་བརྒྱ་སྟོང་རི་བ་ཁྱེར་ཏེ་བྲོས་སོ། །ལྷ་སྦྱིན་ནི་རྡོ་བ་འཕེན་པར་དགའ་བས་ཡང་དང་ཡང་དུ་ལྟ་བ་ན་མ་འཕངས་སོ་སྙམ་སྟེ། རང་ཉིད་ཀྱིས་མི་ལྔ་བརྒྱ་པོ་གཞན་ཁྲིད་དེ་བྱ་རྒོད་ཀྱི་ཕུང་པོའི་རི་ལ་འཛེག་པར་བརྩམས་པ་ན། མི་ལྔ་བརྒྱ་པོ་དེ་དག་བཅོམ་ལྡན་འདས་ཀྱི་སྤྱན་སྔ་ན་ཆོས་ཉན་པ་མཐོང་ངོ་། །མཐོང་ནས་ཀྱང་ལྷག་པར་ཡང་མི་བཟོད་པ་སྐྱེས་ཏེ་ཕྱོགས་གཞན་ཞིག་ནས་བྱ་རྒོད་ཀྱི་ཕུང་པོའི་རི་ལ་འཛེགས་པ་དང༌། ཇི་ཙམ་ན་འཁྲུལ་འཁོར་གྱི་སློབ་དཔོན་ཡང་བྲོས་པར་མཐོང་ནས། དེ་རང་ཉིད་ཀྱིས་འཁོར་ལྔ་བརྒྱ་དང་སྒྱོགས་འཕང་བར་བརྩམས་སོ། །བཅོམ་ལྡན་འདས་ཀྱིས་དགོངས་པ། ང་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། ང་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར་སྙམ་དུ་དགོངས་ནས་མི་ལྔ་བརྒྱ་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །ཤེས་ལྡན་དག ལྷ་སྦྱིན་ཀུན་ནས་དཀྲིས་པ་དྲག་པོ་ལ་གནས་ནས་བྱ་རྒོད་ཀྱི་ཕུང་པོའི་རི་ལ་འཛེག་གིས་དེང་ཤིག །འདི་དག་ནི་ངའི་ལས་ཡིན་ནོ། །དེ་ནས་མི་ལྔ་བརྒྱ་པོ་དེ་དག་བྲོས་སོ། །ལྷ་རྣམས་ཀྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས་དེ་ནས་གནོད་སྦྱིན་ལག་ན་རྡོ་རྗེས་འདི་སྙམ་དུ་སེམས་ཏེ། ལྷ་སྦྱིན་ནི་བཅོམ་ལྡན་འདས་བགྲོངས་པའི་ཕྱིར་ཕ་རོལ་གནོན་པ་བྱེད་དོ་སྙམ་དུ་བསམས་ནས། གནོད་སྦྱིན་ཀུམ་བི་ར་གང་ན་བ་དེར་སོང་སྟེ་ཕྱིན་པ་དང༌། གནོད་སྦྱིན་ཀུམ་བི་ར་ལ་འདི་སྐད་ཅེས་སྨྲས་སོ། །ལྷ་སྦྱིན་ནི་བྱ་རྒོད་ཀྱི་ཕུང་པོའི་རི་ལ་སྒྱོགས་ཀྱིས་བཅོམ་ལྡན་འདས་ལ་རྡོ་བ་འཕེན་པར་རྩོམ་ལ། བཅོམ་ལྡན་འདས་ནི་ཁྱོད་ཀྱི་གནས་ན་བཞུགས་ན། དེ་ལ་ཁོ་བོས་འབད་དེ་རྡོ་བ་བར་སྣང་ལ་རྡོ་རྗེས་ཕྱེ་མར་བརླག་ན་གལ་ཏེ་ཕྱེ་མར་བརླགས་པའི་དུམ་བུས་བཅོམ་ལྡན་འདས་ཀྱི་སྟེང་དུ་འབབ་པར་འགྱུར་གྱིས། ཁྱོད་ཀྱིས་གྲོགས་གྱིས་ཤིག །དེས་སྨྲས་པ། བདག་བཀའ་བཞིན་འཚལ་བཅོམ་ལྡན་འདས་ཀྱིས་ནི་བླ་གབ་མེད་པ་ན་བཞུགས་བཞུགས་ནས་རིའི་ཕུག་ཏུ་གཤེགས་སོ། །ལྷ་སྦྱིན་འཁོར་ལྔ་བརྒྱ་པོས་སྒྱོགས་དྲངས་ཏེ་བཅོམ་ལྡན་འདས་ལ་རྡོ་བ་འཕངས་སོ། །གནོད་སྦྱིན་ལག་ན་རྡོ་རྗེའི་རྡོ་རྗེས་ཕྱེ་མར་བྱས་པ་ལས་དེའི་ཕྱེད་བཅོམ་ལྡན་འདས་ཀྱི་གནས་སུ་ལྷུང་དུ་ཆབ་གནོད་སྦྱིན་ཀུམ་བི་རས་ལེགས་པར་མ་ཟིན་པ་དེས་བསད་ནས་རྡོ་བའི་དུམ་བུ་ཡར་བ་ཞིག་གིས་བཅོམ་ལྡན་འདས་ཀྱི་ཞབས་ལ་རྨ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། གང་དུ་གནས་ན་ལས་ཀྱིས་མི་རྫི་བའི། །ས་ཕྱོགས་དེ་ནི་ཡོད་པ་མ་ཡིན་ཏེ། །བར་སྣང་ཉིད་མིན་རྒྱ་མཚོའི་ནང་མིན་ཞིང༌། །རི་བོའི་ཕུག་ཏུ་ཞུགས་པའང་མ་ཡིན་ནོ། །གནོད་སྦྱིན་ཀུམ་བི་ར་ཡང་དགེ་བའི་སེམས་ཀྱིས་ཤི་སྟེ་ཤི་ནས་སུམ་བཅུ་རྩ་གསུམ་པའི་ལྷ་གྱ་ནོམ་པ་རྣམས་ཀྱི་ནང་དུ་སྐྱེས་སོ། །སྒྲ་བཤད་ནི། དྲིན་ལན་བསབ་པའི་མདོ་༡༦༧བ༤ལས། ལྷ་སྦྱིན་ཞེས་བྱ་བ་ཡང་དེའི་ཕ་མས་ལྷ་ལ་གསོལ་བ་བཏབ་པས་བུ་རྙེད་པས་ན་ལྷ་སྦྱིན་ཞེས་མིང་དུ་བཏགས་སོ། །ཞེས་གསུངས་པ་ལྟར་རོ། །འདི་དང་འབྲེལ་བའི་སྐོར་རྒྱལ་པོ་ཟས་གཙང་མའི་རྒྱལ་རྒྱུད་ཀྱི་སྐོར་ཞེས་པའི་ཐད་དུ་གཟིགས།ི་རྒྱལ་རྒྱུད་ཀྱི་སྐོར་ཞེས་པའི་ཐད་དུ་གཟིགས།)
• Dictionaries/sgom sde tshig mdzod chenmo/5538  + ((འདུལ་བ) བསྙེན་པར་རྫོགས་ཚུལ་བཅུ་ནི། ༡ རང་བ … (འདུལ་བ) བསྙེན་པར་རྫོགས་ཚུལ་བཅུ་ནི། ༡ རང་བྱུང་གིས་བསྙེན་པར་རྫོགས་པ། ༢ ཡེ་ཤེས་ཁོང་ཆུད་ཀྱིས་བསྙེན་པར་རྫོགས་པ། ༣ ཚུར་ཤོག་གིས་བསྙེན་པར་རྫོགས་པ། ༤ སྐྱབས་འགྲོ་ལན་གསུམ་བཟླས་པས་བསྙེན་པར་རྫོགས་པ། ༥ སྟོན་པར་ཁས་བླངས་པའི་བསྙེན་པར་རྫོགས་པ། ༧ དྲི་བས་མཉེས་པས་བསྙེན་པར་རྫོགས་པ། ལྕི་ཆོས་བརྒྱད་སྤོང་བས་བསྙེན་པར་རྫོགས་པ། ༨ འཕྲིན་གྱིས་བསྙེན་པར་རྫོགས་པ། ༩ བཅུ་ཚོགས་གིས་བསྙེན་པར་རྫོགས་པ། ༡༠ ལྔ་ཚོགས་ཀྱིས་བསྙེན་པར་རྫོགས་པ་དང་བཅུའོ། །དེ་ཡང་མཛོད་འགྲེལ་ལས། སངས་རྒྱས་དང་རང་སངས་རྒྱས་རང་བྱུང་གིས་བསྙེན་པར་རྫོགས་པ་དང་། ལྔ་སྡེ་བཟང་པོ་ཡེ་ཤེས་ཁོང་དུ་ཆུད་པས་དང་། གྲགས་པའམ་མཆོག་ཟུང་གཅིག་ལྟ་བུ་ཚུར་ཤོག་གིས་དང་། སྡེ་བཟང་དྲུག་ཅུའི་ཚོགས་སྐྱབས་འགྲོ་ལན་གསུམ་བཟླས་པས་དང་། འོད་སྲུངས་ཆེན་པོ་སྟོན་པར་ཁས་བླངས་པས་དང་། བྲམ་ཟེ་སོང་ཡ་ལེགས་སྦྱིན་དྲི་བས་མཉེས་པས་དང་། སྐྱེ་དགུའི་བདག་མོ་ཆེན་མོ་ལ་སོགས་པ་ཤྭཀྱའི་བུད་མེད་ལྔ་བརྒྱ་ལྕི་བའི་ཆོས་བརྒྱད་སྤོང་བར་ཁས་བླངས་པས་དང་། བུ་མོ་ཆོས་སྦྱིན་མ་འཕྲིན་གྱིས་དང་། ཡུལ་དབུས་ཀྱི་མི་རྣམས་བཅུའི་ཚོགས་ཀྱིས་དང་། མཐའ་འཁོབ་ཀྱི་མི་རྣམས་ལྔའི་ཚོགས་ཀྱིས་བསྙེན་པར་རྫོགས་པ་དང་བཅུའོ། །ཞེས་གསུངས་པ་ལྟར་རོ། །ར་རྫོགས་པ་དང་བཅུའོ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/5230  + ((འདུལ་བ) མཁན་པོར་གསོལ་བ་བཏབ་པ། ཁྱིམ་པའི་རྟ … (འདུལ་བ) མཁན་པོར་གསོལ་བ་བཏབ་པ། ཁྱིམ་པའི་རྟགས་སྤངས་པ། རབ་བྱུང་གི་རྟགས་བླངས་པ་ཙམ་ལས་ཐོབ་པའི་རབ་བྱུང་གི་སྡོམ་པ་བཏགས་པ་བ་ཞིག འདི་ལ་ཉམས་པ་རྣམ་གསུམ་སྤངས་པའི་བར་མའི་ཚུལ་ཁྲིམས་ཞེས་ཀྱང་བྱའོ། །ཉམས་པ་རྣམ་པ་གསུམ་ནི། ཁྱིམ་པའི་རྟགས་སྤངས་པ་ལས་ཉམས་པ། རབ་བྱུང་གི་རྟགས་བླངས་པ་ལས་ཉམས་པ། བླ་མར་གསོལ་བ་བཏབ་པ་ལས་ཉམས་པ་སྟེ་གསུམ་མོ། །མཚོ་ཊཱིཀ་ལས་ནི། མཁན་པོར་གསོལ་བ་བཏབ་པ་ནི། སྔར་བཙུན་པ་བདག་གི་མཁན་པོ་མཛད་དུ་གསོལ་ཞེས་པའི་སྐབས་སུ་སོང་ཟིན་པས། སླར་ཡང་བགྲངས་ན་ཟློས་སྐྱོན་དུ་འགྱུར་བས། ཤཱཀྱའི་རྒྱལ་པོའི་རྗེས་སུ་འབྱུང་བར་ཁས་ལེན་པ། ཁྱིམ་པའི་རྟགས་སྤོང་བ། རབ་ཏུ་བྱུང་བའི་རྟགས་ལེན་པ་དང་གསུམ་ལས་ཐོབ་པར་གསུངས་སོ། །སྒྲ་བཤད་ནི། སྡོམ་པ་དང་སྡོམ་མིན་གང་ཡང་མིན་པས་བར་མ་དང༌། རབ་ཏུ་བྱུང་བ་དང་ཆ་ལུགས་ཙམ་འདྲ་བའི་ཕྱིར་རབ་བྱུང་ཞེས་བཏགས་སོ། །བར་མ་རབ་བྱུང་གི་ཚུལ་ཁྲིམས་ཀྱི་དགོས་པ་ནི། དགེ་ཚུལ་གྱི་སྡོམ་པ་ལེན་པའི་སྣོད་རུང་དུ་བྱ་བའི་ཆེད་དུ་དང༌། དེ་ལེན་པའི་དུས་ནི། དང་པོ་དགེ་བསྙེན། དེ་ནས་བར་མ་རབ་བྱུང༌། དགེ་ཚུལ། དགེ་སློང་ངོ༌། །སེ་ར་རྗེ་བཙུན་པའི་འདུལ་བ་ལས། རབ་བྱུང་གི་ཚུལ་ཁྲིམས་གང་ཞིག དགེ་ཚུལ་གྱི་སྡོམ་པའི་སྔ་རོལ་ཏུ་སྦྱིན་པར་བྱ་བའི་རིགས་སུ་གནས་པ་དེ། བར་མ་རབ་བྱུང་གི་ཚུལ་ཁྲིམས་ཀྱི་མཚན་ཉིད། ངག་དོན་ནི། བར་མ་རབ་བྱུང་དུ་སྒྲུབ་པའི་ཚུལ་གཞག་དུ་ཡོད་དེ། སྐྱབས་འགྲོ་རྩོམ་བྱེད་དུ་བྱས་ཏེ་སྒྲུབ་པར་བྱ་བ་ཡིན་པའི་ཕྱིར། ཞེས་གསུངས།་ཏེ་སྒྲུབ་པར་བྱ་བ་ཡིན་པའི་ཕྱིར། ཞེས་གསུངས།)
• Dictionaries/sgom sde tshig mdzod chenmo/3603  + ((འདུལ་བ) མི་མེད་ཐང་སྟོང་ངམ། དགོན་པ་ལས་ཀྱང་ … (འདུལ་བ) མི་མེད་ཐང་སྟོང་ངམ། དགོན་པ་ལས་ཀྱང་ཐག་རིང་བའི་འབྲོག་དགོན་ལ་ཟེར། མཚོ་ཊཱིཀ་ལས། འོན་ཀྱང་དབྱེ་ཐང་ཀ་ལ་གནས་ལ་བློ་མཐུན་མི་བྱ་སྟེ། སྐྱབས་ཀྱི་ཞེན་པ་འབྱུང་རུང་མེད་པའི་ཕྱིར་རོ། །ཞེས་གསུངས། གཡེ་ཐང་ཀ་དང་དོན་གཅིག གཡེ་ནི་དགོན་པ་ལས་ཀྱང་ཐག་རིང་བའི་འབྲོག་དགོན་ཏེ། སྒོ་མཐའ་ཡས་པའི་གཟུངས་ཀྱི་འགྲེལ་པ་ལས། དགོན་པ་ནི་གྲོང་ལས་འདོམ་ལྔ་བརྒྱ་ཕན་ཆད་དོ། །གཡེ་ནི་དེ་བས་ཀྱང་རིང་བའོ་ཞེས་གསུངས་པ་ལྟར་རོ། །ནི་དེ་བས་ཀྱང་རིང་བའོ་ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/10656  + ((འདུལ་བ) འདུལ་བ་ལུང་སྡེ་བཞིའི་ཡ་གྱལ་ཏེ། འད … (འདུལ་བ) འདུལ་བ་ལུང་སྡེ་བཞིའི་ཡ་གྱལ་ཏེ། འདི་ནི་ལུང་གཞི་དང་ལུང་རྣམ་འབྱེད་དང་གཞུང་བླ་མ་བཅས་ཀྱི་མ་ཚང་བ་ཁ་སྐོང་ལྟ་བུ་ཡིན་པར། བུ་སྟོན་རིན་པོ་ཆེ་གསུང་ངོ༌། །འདི་ལ་གླེགས་གཉིས་ཡོད་ཅིང་། བཀའ་འགྱུར་འདུལ་བ་༼ ཐ་པ ༽དང་། ༼ ད་པ ༽གཉིས་ན་བཞུགས་སོ། ། (འདིའི་མིང་བྱང་ལ་འདུལ་བ་ཕྲན་ཚེགས་ཀྱི་གཞི་ཞེས་འཁོད་ཡོད་ཅིང་། རྒྱ་གར་སྐད་དུ། བིན་ཡ་ཀྵུ་དྲ་ཀ་བསྟུ་ཟེར) ཡང་བསླབ་བྱ་ཕྲ་མོ་ཐམས་ཅད་རྒྱས་པར་སྟོན་པའི་སྒོ་ནས་སོ་ཐར་གྱི་མདོའི་སྤྱི་དོན་ལྟ་བུ་ཡིན་ཀྱང་ཟེར། སྒྲ་བཤད་ནི། བསླབ་པའི་གཞི་དང་ཁ་ན་མ་ཐོ་བ་ཕྲ་ཞིང་ཕྲ་བ་རྣམས་སྟོན་པར་བྱེད་པའི་ལུང་ངམ་སངས་རྒྱས་ཀྱི་བཀའ་ཡིན་པས་དེ་སྐད་ཅེས་བྱའོ། །སྤྱིར་བཏང་ཕྲན་ཚེགས་ནི། ཕྲ་བ། ཆུང་བ། ཉུང་ངུ་བཅས་ཀྱི་དོན་ནོ། །ཕྲན་ཚེགས་ཞེས་པའི་དོན་འདུལ་བ་ལུང་ཕྲན་ཚེགས་གླེགས་བམ་གཉིས་པ་༣༠༨ན་ཡང་གསལ་བས་དེར་གཟིགས། ཕྲན་ཚེགས་འདི་སྐབས་སྔོན་གྱི་དཀར་ཆག་རྣམས་སུ་བམ་ཚད་སོགས་སྣ་ཚོགས་བྱུང་བ་ནི་ལོ་ཙཱ་བ་མང་པོས་དུམ་བུར་བསྒྱུར་བས་ཕྱོགས་གཅིག་ཏུ་བསྡོམས་པའི་ཚེ་ཚང་མ་ཚང་ཅི་རིགས་བྱུང་བའི་རྐྱེན་གྱིས་ཡིན་ལ་སྒོ་བརྒྱད་ཀ་ཡོངས་སུ་རྫོགས་པ་འདི་ནི་ལ་སྟོད་འོལ་རྒོད་ཀྱི་གཙུག་ལག་ཁང་དུ་གནས་བརྟན་དར་མ་སེང་གེས་ལུང་སྡེ་བཞི་བཞེངས་པའི་ཚེ་དགེ་བའི་བཤེས་གཉེན་འདུལ་བ་འཛིན་པ་ཞིང་མོ་ཆེ་བ་བྱང་ཆུབ་སེང་གེས་ཕྱག་ལེན་མཛད་ནས་སྤྱིར་དབུས་གཙང་གི་གཙུག་ལག་ཁང་རྣམས་ན་བཞུགས་པ་དང༌། ཁྱད་པར་དུ་བསམ་ཡས་མཆིམས་ཕུ་ནས་དག་ཆུང་པ་དང༌། དགེ་སློང་ཚུལ་ཁྲིམས་ཡོན་ཏན་གྱིས་རྙེད་པའི་ལུང་རྣམས་དཔེ་ཡོན་དང་འབད་རྩོལ་ཆེན་པོས་བཙལ་ཏེ། དེ་དག་ལ་གཏུགས་པས་ལུང་ཕྲན་ཚེགས་ཁ་ཅིག་ལ་མི་བཞུགས་པ། ཁ་ཅིག་ལ་བཞུགས་པ་རྣམས་ཀྱིས་བསྐངས་ནས་བསབས་པ་ནི་བམ་པོ་སུམ་ཅུ་རྩ་གསུམ་སྨན་ཆེན་པོའི་གཏམ་རྒྱུད་ཀྱི་སྐབས་ནས། སྨན་ཆེན་པོས་སྨྲས་པ། གལ་ཏེ་དེ་ལྟ་ན་སྐྱུགས་ཤིག་དང་བདེན་ནམ་རྫུན་བལྟའོ་ཞེས་སྨྲས་པ་དང་ཞེས་བྱ་བ་ནས་བམ་པོ་སུམ་ཅུ་རྩ་བཞི་པའི་དབུ། ཇི་ཙམ་ན་དེ་གྲོང་ཁྱེར་ནས་བྱུང་བ་དང༌། བྲམ་ཟེ་མོང་བརྟུལ་ཞེས་བྱ་བས་གོས་ཀྱི་མཐའ་མ་ནས་འཇུས་ནས་ཞེས་བྱ་བའི་བར་དུ་བམ་པོ་གཅིག་ཆད་པ་བསྐངས། སྡོམ་ནི་ང་ཡང་སྨན་གྱིས་དེ་བཞིན་ནོ་ཞེས་བྱ་བའི་འོག་ཏུ་ཡིག་ཚར་གཅིག་ཆད་པ་བསྐངས། དེ་ནས་བམ་པོ་སུམ་ཅུ་རྩ་བཞི་པའི་སྨད་ནེ་ཙོ་སྤྱོད་གསལ་གྱི་སྐབས་རྫོགས་པའི། ཨེ་མའོ་འདི་ལྟར་ཁྱོད་མཁས་པ་ཤ་སྟག་དང་ཕྲད་པ་ནི་བསོད་ནམས་དང་ལྡན་ནོ་ཞེས་སྨྲས་སོ། །ཞེས་བྱ་བ་ནས་བམ་པོ་བཞི་བཅུ་རྩ་གསུམ་པའི་སྟོད། སྤྱིའི་སྡོམ་ནི། དགེ་སློང་མའི་བཀུར་སྟི་བྲི་ཞེས་བྱ་བའི་བར་དུ་བམ་པོ་སུམ་ཅུ་རྩ་བཞི་པའི་སྨད་ནས་བཞི་བཅུ་རྩ་གསུམ་པའི་སྟོད་ཀྱི་བར་བམ་པོ་དགུ་ཆད་པ་བསྐངས། སྡོམ་ཚིག་དེའི་འོག་ཏུ་སྡོམ་ཚིག་ཡིག་ཚར་གཅིག་ཆད་པ་བསྐངས། དེ་ནས་བམ་པོ་བཞི་བཅུ་རྩ་དྲུག་པའི་མཇུག་བྲམ་ཟེའི་ཁྱེའུ་མ་སྡུག་གི་གླེང་གཞིའི་སྐབས་ཀྱི། དགེ་སྦྱོང་རྣམས་ཀྱི་ཡོན་པོའི་སྤྱད་ཀྱིས་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ་ཞེས་བྱ་བ་ནས། བམ་པོ་བཞི་བཅུ་རྩ་བརྒྱད་པའི་དབུ། དེ་ནས་དེའི་ཚེ་བྲམ་ཟེ་པདྨའི་སྙིང་པོ་ཁྱིམ་མཆོག་གི་ས་མཐོན་པོ་ཞིག་ན་ཤས་ཆེ་བའི་བྲམ་ཟེ་རྒན་རབས་རྣམས་དང་ལྷན་ཅིག་ཏུ་འདུས་ཤིང་འཁོད་པར་གྱུར་ཏོ། །ཞེས་བྱ་བའི་བར་དུ་བམ་པོ་བཞི་བཅུ་རྩ་བདུན་པ་ཆད་པ་བསྐངས་སོ། །དེ་ནས་བམ་པོ་ལྔ་བཅུ་པའི་མཇུག་ཀུན་དགའ་བོ་ལ་གདམས་པའི་སྐབས་ཀྱི། ཀུན་དགའ་བོ་དགེ་སློང་འདི་ལྟ་བུ་ནི་བདག་ཉིད་གླིང་དང་བདག་ཉིད་སྐྱབས་དང༌། ཆོས་ཀྱི་གླིང་དང༌། ཆོས་ཀྱི་སྐྱབས་གནས་པར་བྱའི། གླིང་གཞན་དང་སྐྱབས་གཞན་གྱིས་མ་ཡིན་ནོ་ཞེས་བྱ་བ་ནས་བམ་པོ་ལྔ་བཅུ་གཉིས་པའི་སྟོད། བར་སྡོམ་ནི། ཙ་པ་ལ་དང་ཚེའི་འདུ་བྱེད་མཛད། ཅེས་བྱ་བའི་བར་དུ་བམ་པོ་གཅིག་ཆད་པ་བསྐངས་ཏེ། སྤྱིར་བསྡོམས་ན་བམ་པོ་བཅུ་གཉིས་དང༌། སྡོམ་ཚིག་ཡིག་ཚར་གཉིས་ཆད་པ་བསྐངས་པར་བཤད་ཅིང༌། ཕྱིས་བུ་སྟོན་ཐམས་ཅད་མཁྱེན་པས་ཀྱང་སློབ་དཔོན་ཚུལ་ཁྲིམས་བསྐྱངས་ཀྱི་འགྲེལ་པ་ལ་གཏུགས་ཏེ་ཞུས་དག་མཛད་པར་གྲགས་པ་ལྟར་ཁོ་བོས་ཐེམ་སྤངས་མའི་དཔེ་རྒྱུན་དང་འགྲེལ་པ་གཉི་ག་སྒོ་བསྟུན་ནས་ཆད་པ་རྣམས་བསབས་པ་ཡིན་ནོ། །ཞེས་བཀའ་འགྱུར་དཀར་ཆག་ཏུ་འབྱུང་བ་ལྟར་རོ། །།ཞེས་བཀའ་འགྱུར་དཀར་ཆག་ཏུ་འབྱུང་བ་ལྟར་རོ། །)
• Dictionaries/sgom sde tshig mdzod chenmo/3556  + ((འདུལ་བ) འདུལ་བའི་སྐབས་སུ་དབེན་པ་སྐྱབས་ཡོད … (འདུལ་བ) འདུལ་བའི་སྐབས་སུ་དབེན་པ་སྐྱབས་ཡོད་པ་ན་ཞེས་མང་དུ་འབྱུང་བའི་སྐྱབས་དེ་ཅི་འདྲ་ཞིག་ལ་ཟེར་བ་ཡིན་ཞེ་ན། དེ་ནི་རྩིག་པའི་སྐྱབས། རིབ་མའི་སྐྱབས། ཡོལ་བའི་སྐྱབས། ཐིབས་པོའི་སྐྱབས། མཚན་མོའི་སྐྱབས་བཅས་ལ་ཟེར། སྐྱབས་ལྔ་པོ་གང་རུང་དང་ལྡན་ན་སྐྱབས་ཡོད་པར་བརྩི་དགོས། དཔེར་ན་དེ་ལྟ་བུའི་སྐྱབས་ལྔ་པོ་གང་རུང་དང་ལྡན་པའི་གནས་སུ་བཅས་ལྡན་དགེ་སློང་གིས་བུད་མེད་དང་ལྷན་ཅིག་འདུག་འགྲེང་བྱེད་པའམ་ཆོས་སྟོན་ན་ལྟུང་བྱེད་དུ་འགྱུར་བ་ཡིན་ནོ། །དེ་ཡང་འདུལ་བ་ལུང་རྣམ་འབྱེད་༼ ཆ་པ ༽༣༥ བ༡ལས། སྐྱབས་ཡོད་པ་ན་ཞེས་བྱ་བ་ནི་ལྔས་བསྐྱབས་པ་སྟེ། རྩིག་པས་བསྐྱབས་པ་དང་། རིབ་མས་བསྐྱབས་པ་དང་། ཡོལ་བས་བསྐྱབས་པ་དང་། ཐིབས་པོས་བསྐྱབས་པ་དང་། མཚན་མོས་བསྐྱབས་པ་ནའོ། །ཞེས་གསུངས་སོ། །ང་། མཚན་མོས་བསྐྱབས་པ་ནའོ། །ཞེས་གསུངས་སོ། །)
• Dictionaries/sgom sde tshig mdzod chenmo/3557  + ((འདུལ་བ) འབའ་ཞིག་པ་དགུ་བཅུའི་ཉེར་དགུ་པ། དབ … (འདུལ་བ) འབའ་ཞིག་པ་དགུ་བཅུའི་ཉེར་དགུ་པ། དབེན་པར་འགྲེང་བའི་ལྟུང་བྱེད་ཀྱི་ངོ་ཏི་ནི། བཅས་ལྡན་དགེ་སློང་གིས་ཁྲིམས་གྲོགས་མེད་པར་དགེ་སློང་མ་དང་ལྷན་ཅིག་དབེན་པ་སྐྱབས་ཡོད་པ་ན་གཉིས་ཀ་འགྲེང་བ་ལས་གྱུར་པའི་ལྟུང་བ་དངོས་གཞིའོ། །གླེང་གཞི་ནི། མཉན་ཡོད་དུ་འཆར་ཀས་དགེ་སློང་མ་དང་ལྷན་ཅིག་དབེན་པ་སྐྱབས་ཡོད་པ་ན་འགྲེང་པ་ལས་ལྟུང་བྱེད་དུ་བཅས་སོ། །དགག་བྱ་ནི་ཆགས་པའི་རྐྱེན་བྱས་ཏེ་རང་རིགས་ཀྱི་བསླབ་པ་ལ་གནོད་པའོ། །ེན་བྱས་ཏེ་རང་རིགས་ཀྱི་བསླབ་པ་ལ་གནོད་པའོ། །)
• Dictionaries/sgom sde tshig mdzod chenmo/3558  + ((འདུལ་བ) འབའ་ཞིག་པ་དགུ་བཅུའི་ཉེར་བརྒྱད་པ། … (འདུལ་བ) འབའ་ཞིག་པ་དགུ་བཅུའི་ཉེར་བརྒྱད་པ། དབེན་པར་འདུག་པའི་ལྟུང་བྱེད་ཀྱི་ངོ་ཏི་ནི། བཅས་ལྡན་དགེ་སློང་གིས་ཁྲིམས་གྲོགས་མེད་པར་བུད་མེད་དང་ལྷན་ཅིག་དབེན་པ་སྐྱབས་ཡོད་པ་ན་གཉིས་ཀ་འདུག་པ་ལས་གྱུར་བའི་ལྟུང་བ་དངོས་གཞིའོ། །གླེང་གཞི་ནི། མཉན་ཡོད་དུ་འཆར་ཀས་བུད་མེད་དང་ལྷན་ཅིག་དབེན་པ་སྐྱབས་ཡོད་པ་ན་འདུག་པ་ལས་ལྟུང་བྱེད་དུ་བཅས་སོ། །དགག་བྱ་ནི་ཆགས་པའི་རྐྱེན་བྱས་ཏེ་རང་གི་བསླབ་པ་ལ་གནོད་པའོ། །འི་རྐྱེན་བྱས་ཏེ་རང་གི་བསླབ་པ་ལ་གནོད་པའོ། །)
• Dictionaries/sgom sde tshig mdzod chenmo/2537  + ((འདུལ་བ) འབའ་ཞིག་པ་དགུ་བཅུའི་ཞེ་གསུམ་པ། ཉལ … (འདུལ་བ) འབའ་ཞིག་པ་དགུ་བཅུའི་ཞེ་གསུམ་པ། ཉལ་པོ་བྱེད་པར་ཤོམ་པའི་ཁྱིམ་ན་འགྲེང་བའི་ལྟུང་བྱེད་ཀྱི་ངོ་ཏི་ནི། བཅས་ལྡན་དགེ་སློང་གིས་ཁྱིམ་པ་ཕོ་མོ་ཉལ་པོ་བྱེད་པ་ལ་ཞུགས་པའམ་དེའི་སྟ་གོན་དུ་གནས་པ་ལ་དེ་དང་སྐྱབས་མེད་པར་མངོན་སུམ་དུ་འདོམ་གང་གི་ནང་དུ་འགྲེང་བ་རྫོགས་པའམ་ཚོར་བྱ་ཚོར་བྱེད་ཀྱིས་ཚོར་པ་ལས་གྱུར་པའི་ལྟུང་བ་དངོས་གཞིའོ། །གླེང་གཞི་ནི་མཉན་ཡོད་དུ་འཆར་ཀས་བདག་སོང་ལ་བལྟའོ་སྙམ་ནས་ཉལ་པོ་བྱེད་པའི་ཁྱིམ་དུ་འགྲེང་བ་ལས་ལྟུང་བྱེད་དུ་བཅས་སོ། །དགག་བྱ་ནི་གཞན་གྱི་འཁྲིག་པའི་ལོངས་སྤྱོད་ལ་གནོད་པ་དང་རང་ཆགས་པའི་རྒྱུར་གྱུར་པའོ། །ད་ལ་གནོད་པ་དང་རང་ཆགས་པའི་རྒྱུར་གྱུར་པའོ། །)