grA pa mngon shes can
Jump to navigation
Jump to search
- grA pa mngon shes can
- mtshan gzhan shes rab rgyal ba'am dbang phyug 'bar te/ rab byung dang po ma shar ba'i sngon gyi chu pho byi ba'i lo la g.yo ru la sku 'khrungs/ dgung lo chung ngu'i dus nas bsam yas kyi chos grAr byon/ klu mes kyi mkhan bu yam shud rgyal ba 'od las rab tu byung/ mtshan dbang phyug 'bar zhes btags/ rang gi khu bo zhang ston chos 'bar las mdo sngags kyi chos skor dang gso ba rig pa/ pha dam pa sangs rgyas las zhi byed skor/ kha che pan chen zla ba mgon po las sbyor drug gi gdams pa sogs gsan/ yul grA la 'khrungs pas grA pa dang/ chos mngon pa la mkhyen rgya rgyas pas mngon shes zhes grags par gyur/ khyad par du bsam yas dbu rtse'i bar khang gi ka ba bum pa can gyi 'og nas gso ba rig pa'i dpal ldan rgyud bzhi'i ma dpe sa pho stag lo ston zla ra ba'i tshes bco lnga'i nam phyed chu tshod gsum par gter nas gdan drangs shing dpe las bshus te phyi mo rang gnas su bzhugs/ bu dpe lo gcig gsang ste phyis su yar lung gi dge bshes khu ston dbus pa dar ma grags pa la gnang/ gra nang gi mdar dpal gra thang gi chos grA chen po phyag btab/gsung rtsom du rgyud kyi bsdus don sogs bstan bcos sna tshogs brtsams/ dgung lo bdun cu rtsa dgu'i thog dgongs pa gshegs/
{{#arraymap:grA pa mngon shes can
|; |@@@ | | }}