'jam dbyangs mgon po

'jam dbyangs mgon po

rje lo ras kyi slob ma 'di nyid yul myang stod bye phrag kham gong du yab khyung po bsod nams dpal dang yum 'gre mo khye 'dren dpal gyi sras su rab byung bzhi pa'i sa 'brug (1208)lor sku bltams/mtshan bsod nams mgon por btags/dgung lo bzhi lnga nas skye ba mang po dran/dgung lo drug bdun du slob dpon lce ston sangs rgyas sogs kyis chos gsungs pa gsan nas byis pa gzhan la 'chad pa'i blo gros ldan/jo gzungs kyi drung nas klog bslabs pas zla gcig tsam nang legs par mkhyen/dgung lo bcu pa la rab tu byung nas mtshan shes rab 'byung gnas su gsol/de nas 'o yug sogs su mtshams dam por bcas te sgom la bzhugs/rin po che mngar ston gyis mkhan po dang/dung lung pas slob dpon/slob dpon gcung pos gsang ston mdzad de bsnyen par rdzogs/khro bo lo tsA bas byang tham du sems nyin ngal gso dang rin chen 'bru dgu rnams zhus/stan gcig lo bcu bzhi dang/sha mi bzhes par lo bcu bdun bzhugs/de nas dbu re ba bsten nas lo brgyud bzhugs/'brug pa'i chos skor dbang bka' thams cad gsan/sa gdon gyi rtog pa chenapo byung bas 'dag 'byar byas nas 'jam dpal gyi bsnyen pa bskyal nas nad kyi rtog pa bsal/de nas lha ri mo dang myong stod dang chos lung rnams su 'dab 'byor mdzad de thugs dam la bzhugs/mkhan po ston lung pa dang/mkhan po dung lugs pa dang/slob dpon sba ba glan ston/stong nag chos kyi so ser/bla ma lha sgang pa sogs las 'dus ba dang/tshad ma/dus 'khor gyi dbang rgyud/dbu ma/sa sde/spyod phyogs/gsang 'dus 'phags skor/sgra'i bstan bcos sbyor drug sogs mang du gsan nas sku gsung thugs kyi yon tan ches cher rgyas pas/don yod rdo rje dang/'jam dbyangs mgon po sogs kyi mtshan bstod byung/stod smad kyi mtshams ku ru lung du dgon pa btab/chos kyi 'khor lo bskor te gzhan don zad mi shes pa bskyangs/rje 'dis mdzad pa'i bstan bcos kyang/sngags kyi dbang rgyud 'grel man ngag gi skor dang/mtshan nyid kyi gzhung bka' spyi bsdus mang po/mi dpyad dang rta dpyad sman dpyad la sogs pa'i 'jig rten gyi bstan bcos kyang mang po yod/'das lo ma rnyed

{{#arraymap:'jam dbyangs mgon po

|; |@@@ | | }}