'jigs med dam chos rgya mtsho

'jigs med dam chos rgya mtsho

'khrungs yul mdo smad reb gong gser mo ljongs kyi char gtogs a bir du grags pa'i 'brog sde khams mdangs zhes bya bar yab dge 'dun bsod nams dang yum sgrol ma skyid gnyis kyi sras su rab byung bco lnga pa'i sa khyi (1898)lor sku 'khrungs/skyabs mgon shar thams cad mkhyen pa blo bzang skal ldan bstan pa'i rgyal mtshan dang dmar paN+Di te rnam gnyis kyis rje 'jigs med bsam gtan gyi sprul skur ngos 'dzin mdzad/dgung lo bdun par rje zhwa dmar paN+Di ta dge 'dun bstan 'dzin rgya mtsho las dge bsnyen dang bar ma rab byung gi tshul khrims yan dag par bzhes/mtshan 'jigs med dam chos rgya mtsho zhes gsol/skyabs rje dam pa de las gsung gi bdud rtsi tshim par myangs pas rtsa ba'i bla ma skyabs gnas nyag cig tu mdzad/de nas ma 'gyangs par rje gong ma'i gdan sa ka ring bkra shis chos gling du phebs/shing sbrul lo gcan tsha'i brag lung dgon du phebs te rje zhwa dmar rin po che las mnyam med ri bo dge ldan pa'i zab chos dang khyad par rdo rje 'jigs byed lha bcu gsum pa'i dbang zhus/gsang mtshan rin chen rdo rje zhes gsol/dgung lo bcu pa me lug lor sku 'bum du phebs te phyag na pad+mo rgyal dbang sku phreng bcu gsum par phyag dbang gi phyin rlabs zhus ba dgu par reb gong stod kyi sbas yul dkar po gshong du phebs te rje lcang lung khri rgan 'jam dbyangs thub bstan rgya mtsho las gsung chos kyi rim pa rgya cher gsan/de nas bzung smin byed kyi dbang dang rjes gnang/'grol byed kyi khrid dang bshad lung/rgyab rten lung gi tshogs gzhi che ba ci rigs dang/zhal shes snyan brgyud man ngag gi rim pa ji snyed gsan/byams chos dang bka' pod lngas mtshon pa'i gzhung lugs rab 'byams la gsan pas phu thag chod pa mdzad/dgung lo bcu dgu par rje btsan 'jam dbyangs thub bstan rgya mtsho las dge tshul gyi bslab bzhes sngon du btang ste bsnyen rdzogs kyi sdom pa yang dag par bzhes/me sbrul lor yongs 'dzin blo bzang dpal ldan las snyan ngag legs par sbyangs/sa rta la sgra'i byings kyi dbur slebs mtshams su dbyangs can dgyes pa'i rdo rje zhes bya ba'i kun bshad kyi mtshan rtags bzhes/chu phag lor (bden pa bzhi las brtsams pa'i rtsod yig 'jigs med rigs pa'i gad rgyangs )zhes pa mdzad/rab byung bcu drug pa'i me yos (1927)lor ngor po bde chen chos 'khor gling gi khrir bzhugs te zab rgyas chos kyi 'khor lo rgya cher bskor/skyabs mgon thams cad mkhyen pas rigs kyi cod pan du bkur cing 'phrin las kyi sgo 'phar yangs por grol/(gsung rab dri ma med pa'i gdongs don gsal bar mdzad pa'i bstan bcos rtog bdun 'grel chen )dang (rim lnga gsal sgron gyi dka' 'grel bsdus don )(drung nges brjed byang chen mo )sogs dang/(snyan ngag gi lam nas drangs pa'i rtogs brjod/) (rnam thar bslab mgur ) (chab shog )sogs khyod gsum 'bum pod nyi shur nye ba mdzad/dgung lo zhe dgu pa rab byung bcu drug pa'i me khyi (1946)lor gsang chen chos kyi 'byung gnas gdan sa'i mthil ai waM dga' tshal du sku tshe'i tha mar bshad sgrub zung 'brel gyis bstan pa'i dar chen nam mkha' ji srid ba g.yo med du bsgrengs/lo der sku zhi ba'i dbyings su gzhol

{{#arraymap:'jigs med dam chos rgya mtsho

|; |@@@ | | }}