'ju mi pham 'jam dbyangs rnam rgyal rgya mtsho

'ju mi pham 'jam dbyangs rnam rgyal rgya mtsho

mkhas pa'i dbang po 'di nyid mdo khams sde dge'i nye 'dabs ya chu ding chung gi sa char yab mgon po dar rgyas dang yum sring chung gnyis kyi sras su rab byung bcu bzhi pa'i me rta (1846)lor sku bltams/dgung lo bdun brgyad tsam nas yab dang zhang po'i drung du yi ge 'bri klog slob sbyong dang gzhung tshugs blo 'dzin sogs la mkhyen rab shin tu che bas rtsom yig 'bri shes thub pa ma zad/rtsis dkar nag gi sngon 'gro la'ang sbyangs pa mdzad/dgung lo bcu gnyis la phebs pa me sbrul (1857)lor gsang sngags chos gling dkon du phebs te grwa btsun gnang/de nas lo gcig ring dbus lha ldan du gnas skor la byon/phyir log phebs rjes bla ma 'jam dbyangs mkhyen brtse dbang po dang/dbang chen dgyer rdo rje/dpal sprul 'jigs med chos dang/dge bshes ngag dbang 'byung gnas/blo gter dbang po sogs mkhas chen du ma slob dpon du bsten nas thun mong dang thun mong ma yin pa'i gtsug lag brgya phrag mang po sbyangs pa mthar phyin pa mdzad cing/rig pa'i gnas bcu la mkhas pa'i yang rtser son/dgung lo nga gcig pa rab tshes me sprel mor (rgyal po lugs kyi bstan bcos )mdzad/dgung lo re gnyis pa me lug lor )dus 'khor 'grel chen )brtsams/de'i phyi rol (snyan 'grel dbyangs can dgyes pa'i rol mtsho )mdzad/de bzhin (sman phreng brgya rtsa )dang/(phyi rgyud rtsa chu'i 'grel pa/) (lus la nyer mkho skabs brgyad pa ) sogs gso rig gi bstan bcos mang po mdzad/mdor na/mkhas dbang 'di nyid kyis sgra tshad/sman rtsis sogs thun mong rig gnas kyi skor dang/mdo rgyud kyi gzhung 'grel sogs nang rig pa las mtshan nyid theg pa'i skor/gsang sngags thun mong skor/bstod tshogs dang gtam tshogs/'don chog skor sogs par dub rkos pa phyag rtsom po ti sum cu lha bzhugs/sku tshe hril por 'chad rtsod rtsom gsum gyi bya bas bstan 'gro la phan pa'i don g+r+ya chen po sgrub par mdzad/khyad par du bzo dang/gso ba/rtsis rig bcas la phul du byung ba'i phyag rjes chen po bzhag pas ris med mkhas pa rnams kyis bstod tshig gi me tog phyogs kun tu gtor/mdo dbus khams gsum du mkhas pa'i grags pa bar med khyab/rje 'di nyid kyi gzung gi bdud rtsi las 'khrungs pa'i slob ma grags che ba rdo sprul rdo rje dang/gter ston bsod rgyal/kaHthog si tu chos kyi rgya mtsho/rdzogs sprul lnga pa/dpal spungs si tu sogs mkhas grub dam pa shin tu mang/mthar dgung lo re bdun la phebs pa rab byung bco lnga pa'i chu byi (1912)lor 'ju ri khrod du dgongs pa chos dbyings su thim

{{#arraymap:'ju mi pham 'jam dbyangs rnam rgyal rgya mtsho

|; |@@@ | | }}