'khon gyi brgyud

'khon gyi brgyud

sa skya bdag chen rim byon gyi gdung rgyud ni 'khon gyi rigs rgyud rim par brgyud de byung ba yin zhes gsung srol yod/de yang dpa' bo g.ya' spang skyes kyis srin po skya rengs khrag med dang 'khon te srin po bsad/de'i chung ma g.ya' grum bsil ma mtshar sdug phul du byung ba de khab tu blangs pa las sras zhig byung bar ming 'khon bar skyes ('khon gya gdung rabs dang po )su btags/yab yum sras gsum g.ya' spang (mnga' ris khul )gi nub byang shel tsha rgyal mo'i gangs su gnas bcas shing/lho phyogs su sa skya'i gdung rgyud kyi bla mtsho zhig kyang yod par grags/lha phrug 'khod bar skyes kyis mtshan bzang lcam bu sgron khab tu blangs pa las bu gzugs dang lang tsho blo gros ldan zhing/mthu dang dpal rtsal che ba zhig byung bar ming la dkon pa rje gung stag ('khon gyi gdung rabs gnyis pa )ces btags/nar son nas yul 'tshol du song ba las ston gnyan rtse thar gyi ya tshang la yul gyi dge mtshan 'dzoms par mthong nas bzhis chags/rim bzhin rgyal po khri srong lde btsan gyi nang blon gyi go gnas gnang/dpal 'byor gyi stobs shugs gong 'phel byung bas ming la 'khon dpal po che zhes snyan grags yis khyab pa byung/'dis rlangs lo tsA ba khams pa gong cha'i sring mo rlangs bza' ne chung khab tu rlabs pa las sras gnyis byung ba'i che ba 'khon lo tsA ba klu'i dbang po srung dang/de'i 'og ma rdo rje rin chen ('khon gyi gdung rabs gsum pa )yin/sras che ba 'khon klu'i dbang po srung ni mkhan chen bo d+hi sa twa las rab byung mdzad pas sras med/gcung rje rin chen gyis 'bro yul nas 'bro dgra 'dus gyi bu mo'i bro bzang g.yang lon skyid khab tu bzhes pa las sras bdun byung ba'i drug pa shes rab yon tan ('khon gyi gdung rabs lnga pa )las sras gsum byung ba'i nang nas tshul khrims rgyal pos ('khon gyi gdung rabs drug pa )grom par bzhugs nas chos dar spel mdzad/de la sras gsum byung ba'i che gtsug tor shes rab ('khon gyi gdungs rabs bdun pa )yin/de la sras bdun dang rang gi nu bo bcas 'khon tsho brgyad du gyes/sras bdun gyi lnga pa dge skyabs ('khon gyi gdung rabs brgyad pa )kyis shab tu byon/de la sras gnyis byung ba'i che ba dge mthong ('khon gyi gdung rabs dgu pa )yin/de la sras gcig byung ba 'khon ston bal po ('khon gyi gdung rabs bcu pa )yin/de la sras gcag byung ba shAkya blo gros ('khon gyi gdung rabs bcu gcig pa )yin/'dis sku tshe p+samad la yab mes kyi yul g.ya' lung mkhar stabs bzung zhing/de la sras gnyis byung ba'i che ba 'khon rog shes rab tshul khrims kyis lo ston rdo rje dbang phyug gi mkhan bu khu ston brtson 'grus kyi drung du go mi'i dge bsnyen mdzad nas tshangs spyod srung bas sras med/chung ba ni 'khon dkon mchog rgyal po ('khon gyi gdung rabs bcu gnyis pa )zhes sa skya'i chos brgyud thog mar dar spel mdzad pa po de yin/'di man gyi gdung rabs brgyud pa ni gsham gsal sa skya gdung rabs zhes pa'i tshig 'grel du gsal/skabs 'dir 'khon gyi gdung rgyud byung tshul mdor bsdus shig bkod pa yin cing/zhib par sa skya bdag chen a myes ngag dbang kun dga' bsod nams kyis mdzad pa'i (sa skya'i gdung rabs rin chen bang mdzod )lcags dpar ma'i shog grangs 6nas 34bar gsal bas der gzigs

{{#arraymap:'khon gyi brgyud

|; |@@@ | | }}