'phags pa lha 'jigs med bstan pa'i mgon po

'phags pa lha 'jigs med bstan pa'i mgon po

(sku phreng bdun pa )mdo smad sbo 'bor sgang li thang thub chen byams pa gling gi zhol du yab a brtan mgon po dang yum rgyal mchog bskal bzang rgya mtsho'i yum gyi sku mched sde pa a 'bum gyi sras mo sgrol ma 'phel gnyis kyi sras su rab byung bcu gsum pa'i shing phag (1755)lor sku bltams/dgung grangs bdun du bzhes pa lcags sbrul (1761)lor dbus su chibs sgyur bskyangs te paN chen dpal ldan ye shes kyi drung du dbu'i gtsug phud phul nas mtshan ye shes 'jig med dpal ldan bstan pa'i mgon po zhes gsol/slar chab mdor phyir phebs kyis chos skyong dang yig klog sogs gsan sbyong gnang/dgung grangs bcu bdun bzhes pa lcags yos (1771)lor dbus su byon te ser byes grwa tshang du chos zhugs mdzad nas lo lnga'i ring dbu tshar sogs mtshan nyid gsan sbyong gnang/paN chen rin po che'i drung nas bsnyen rdzogs bzhes/dgung grangs nyer gcig bzhes pa'i shing lug (1775)lor chab mdo dgon du phyir phebs mdzad khar rgyal dbang sku phreng brgyad pa 'jam dpal rgya mtsho mchog dang de mo mchod yon nas gzengs bstod rgya cher mdzad/me sprel (1776)lor bla brang gi pho brang rnying pa bshigs nas gsar skrun gyi dbu 'dzugs bskyangs te sa phag (1779)lo rten dang brten pa'i tshon rtsi ldebs ris dang bcas legs grub byung/rgya dpon krung thang bal bod 'khrug rtsod skor gyi don gcod du yong nas pe cing du phyir logs skabs chab mdor 'byor bas 'phags pa lha sku 'khor nas sne len phebs rdzong gzab rgyas gnang/dgung grangs bzhi bcur bzhes pa rab byung bcu gsum pa'i shing stag (1794)lo'i hor zla drug pa'i tshes bcu nyid gyi phyi'i dro sku rlung 'phar ldang che ba'i tshul bzhes kyis gzugs sku chos dbyings su thim tshul bstan pa'o/_

{{#arraymap:'phags pa lha 'jigs med bstan pa'i mgon po

|; |@@@ | | }}