a khu shes rab rgya mtsho

a khu shes rab rgya mtsho

mdo smad rtse gzhung brag dmar mdo zhes pa'i yul du yab no kho dang yum tsin thar zhes pa gnyis kyi sras su rab byung bcu gsum pa'i chu phag (1803)lor sku 'khrungs/chung dus khu bo rje sang bla ma las phral klog dang sbyor klog thugs su chud/dgung lo bcu drug par dben gnas yid dga' chos 'dzin bsam gtan 'phel rgyal gling du 'phags pa gnas brtan chen po dkon mchog dge 'dun las tshangs spyod dge bsnyen gyi sdom pa dang rab byung gi tshul khrims mnos te rgyal ba'i bstan pa rin po che'i sgor zhugs/de nas dge ba'i bshes gnyen chen po dkon mchog don yod dang mkhyen gter ngag dbang bkra shes las bsdus grwa dang tshad ma/gung thang bstan pa'i sgron me la byang chub bde lam dang/'jam dpal zhal lung gi khrid sogs chos bka' bsam gyis mi khyab pa gsan/dgung lo bcu bdun pa la sa yos (1819)lor dge tshul gyi sdom pa mnos/dgung lo nyi shu chu rta (1822)lo nas phar phyin dang dbu ma nyer drug pa/sa byi (1828)lo nas mdzod la sogs pa gzhung pod lnga la mthar phyin par sbyangs/gzhan yang gtor bzo/bca' gshoms/phyag bris sogs phul byung du gyur/bla ma'i bka' bzhin drung yig gi las 'gan bsnams/mkhas pa'i mtshan snyan thob/dgung lo nyer brgyad pa lcags stag (1830)lor skyabs mgon thams cad mkhyen pa rje btsun blo bzang thub bstan 'jigs med rgya mtshos mkhan slob sbrags ma dang/sgo me lha rams pa blo bzang chos 'dzin gyis gsang ston mdzad de rab byung dge tshul bskyar sgrub dang dge slong gi sdom pa mnos/mtshan shes rab rgya mtsho zhes gsol/spyir rje 'dis mkhas grub dam pa mang po'i zhabs la gtugs te mdo sngags kyi gzhung dang dbang khrid man ngag mtha' yas pa gsan/gsan yig las/skyabs mgon thams cad mkhyen cing gzags pa chen po rje btsun blo bzang thub bstan 'jigs med rgya mtsho dang/'jam dpal dbyangs dngos dgon mchog bstan pa'i sgron me/spyan ras gzigs dbang mkhan chen grags pa rgyal mtshan/gsang bdag grub pa'i dbang phyug na khri rin po che 'jam dbyangs thub bstan nyi ma la sogs pa'i dge ba'i bshes gnyen bcu phrag gsum du nye ba'i zhabs la gtugs te yang dag par rdzogs pa'i sangs rgyas nasab zung dam pa bar ma chad pa las brgyad pa'i dbang rjes gnang khrid man ngag mi nyung ba tsam 'bad pas mnos/bka' rtsom la mtshon na/(rje tsong kha pa chen po'i bstod pa rtsa 'grel gyi bshad tshul gyi brjes byang thor bu nor bu'i phra tshom/) (dpal gsang dbang 'dus pa 'phags lugs lha so gnyis pa'i rim pa dang po'i khrid dmigs brjed (1111) byang mi bskyod mgon po'i zhal lung/) ('jam dpal dus dgra'i dbang po ma he'i gdong can lha bcu gsum ba'i ring pa dang po'i zab khrid zin bris 'jigs mdzad rdo rje'i zhal lung/) (bstan pa'i gdan kun rdzogs pa'i gdams pa byang chub bde lam gyi zhal shes bdud rtsi'i dbyings kyi sgo 'byed/) sgra'i dka' gdan las brtsams pa'i brjed byang dbyangs can rol mtsho )sogs pod nyi shu tsam mdzad phyis su brag ri dgon dang smra lung bkra shis chos 'phel gling brag dkar byang chub gling sogs dgon sde ma por phebs te dbang lung man ngag gi bdud rtsi'i gru char tshad med phar te bstan 'gro sman pa'i bya ba rgya chen po mdzad dgung lo don gsum la phebs pa rab byung bco lnga pa'i shing phag (1875)lor dgongs pa chos dbyings su thim

{{#arraymap:a khu shes rab rgya mtsho

|; |@@@ | | }}