bai ro tsa na'i dka' ba bcu drug

bai ro tsa na'i dka' ba bcu drug

thugs rje ldan pa'i khri srong lde'u btsan gyis/_/man ngag tshal bar kun la bsgos pa'i tshe/_/btsal bas ma rnyed mtha' 'khob 'jigs pa'i sar/_/kun gyis khas len ma nus blangs te dka'/_/de nas bdag nyid lam du zhugs tsa na/_/skad rigs mi mthun gcan 'phrang 'jigs pa'i sar/_/mtshon pa'i lam mkhan med par der phyin par/_/kar la la thog kha ba byung ba'i tshe/_/gom gang 'gril na 'chi bar phyin pa la/_/do shi do chad byes te phyin par dka'/_/tsha ba rong gi gnod sbyin gtum po yis/_/mi 'dug dbang med mtshan gcig 'dug pa la/_/gnod sbyin sha rjen za las thar du dka'/_/rjes sba dka' ba'i bal yul kha ba la/_/gcan gzan tshul bzhin gzugs bzhi btsug nas su/_/nyin yib mtshan 'gros byas nas phyin te dka'/_/brag ra smug por rkang phran tshogs gnas sar/_/rkang phran tshogs kyis thams cad za ba las/_/rdzu 'phrul bstan pas ma zos thar (337) ba dka'/_/gzur sa med pa'i rgya gar 'phrang la phyin/_/khrims kyi 'phrang srung gsod par nges pa las/_/rdzu 'phrul khrims brid de thar pa dka'/_/gzur med bgegs 'phrang lam la phyin pa'i tshe/_/brda 'phrad dka' ba'i 'phrang srung mi dang 'phrad/_/'od ma'i rag gri btung ste thar ba dka'/_/chu nga shing 'phrang 'jigs skrag skyi bung sar/_/mtshal 'u bya gdong shi nas ce spyang tshogs/_/sha za'i ngar skad 'jigs las thar du dka'/_/ma ga ta'i gcan 'phrang 'jigs pa'i sar/_/brda 'phrad dkar ba'i mthar mi gser 'dod kyis/_/gser tshol nya sul bkrol las thar te dka'/_/kri ya krig sha'i yul du phyin pa las/_/mtha' yi so pa rtogs mi byung zer nas/_/'jigs pa'i sbrul dong bcug nas thar te dka'/_/pra su ta dang b+hi b+hi gling phyin nas/_/sbrul gdug dom dang rgyal po'i 'jags pa las/_/zhag drug do shi byas pa las thar du dka'/_/ma ga ta'i yul du phyin pa las/_/thar bar dka' ba'i dug gi rgya mtsho las/_/ras la gzings bcas do shi thar te dka'/_/a wa ta'i gling du phyin pa las/_/mtha' yi mon pas kho thag ma chod pas/_/dbyug pas char bzhin brdung las thar te dka'/_/Ar+ya pa lo kri na'i yul phyin te/_/bswe 'bag lcags 'bag sbrul 'bag 'jigs gzugs dang/_/gdug pa'i sbrul dug kha nas thar te dka'/_/e ba e sha'i yul du bud med tshogs/_/mang pos zas la dug rigs mang bslad nas/_/thar par dka' ba'i dug las thar te dka'o/_

{{#arraymap:bai ro tsa na'i dka' ba bcu drug

|; |@@@ | | }}