bden bzhi'i khyad chos mi rtag sogs bcu drug

bden bzhi'i khyad chos mi rtag sogs bcu drug

bden bzhi'i gnas lugs ji lta ba bzhin rtogs pa ni 'phags pa'i gzigs ngo las med pas na/de'i ngor phyin ci ma log pa'am yang dag pa'am bden par gnas pas na 'phags pa'i bden pa zhes bya ste/(bzhi brgya pa )las/gal te byis pa rnams kun tu/_/'khor ba'i nyes dmigs shes gyur na/_/skad cig de la sems dang ni/_/snying dang lhan cig gas par 'gyur/_/zhes gsungs so/_/de ltar 'phags pa'i bden pa de la bzhir grangs nges pa yin te/thar pa don gnyer gyi ngor 'khor la ba/rgyu kun 'byung bden pa dang 'bras bu sdug bsngal bden pa gnyis su nges la/bla byang thar pa la'ang 'khor ba las grol ba'i thabs lam gyi bden pa dang/'khor ba las grol ba'i ngo bo 'gog pa'i bden pa gnyis su grangs nges pa'i phyir/bden pa bzhi'i go rim la rgyu 'bras don gyi rim pa dang/yul can mngon par rtogs pa'i rim pa gnyis las 'dir ni phyi ma'i dbang du byas nas brjod par bya ste/(rgyud bla ma )las/nad ni shes bya nad kyi rgyu ni spang bya la/_/bden gnas thob bya sman ni bsten par bya ba ltar/_/sdug bsngal rgyu dang de 'gog pa dang de bzhin lam/_/shes bya spang bya rig par bya zhing bsten par bya/_/zhes gsungs pa ltar/'khor ba sdug bsngal gyi phong po ni nad dang 'dra bar shes par bya ba dang/de'i rgyu las dang nyon mongs pa'i kun 'byung ni nad kyi rgyu dang 'dra bar spangs bya/sdug bsngal tha dag las grol pa'i 'gog pa ni nad de pa'i dbe ba dang 'dra bar thob par bya ba/de'i thabs su lam zag med sgom pa ni smad bzang po dang 'dra ba bsten par bya ba yin/de'ang skye ba snga ma'i las nyon gyis bskyed pa'i nyer len gyi phung po'i rgyun rnams sdug bsngal bden pa'i ngo bo/mtshan gzhi na sdug bsngal gyi sdug bsngal dang/'gyur ba'i sdug bsngal dang/khyab pa 'du byed kyi sdug bsngal rnams so/_/'byung 'gyur nyer len phung po'i rgyur 'gyur ba'i las nyon rnams kun 'byung bden pa'i ngo bo/mtshan bzhi ni zag pa dang bcas pa'i las dang nyon mongs pa rnams so/_/gnyen po lam gyis spang bya kun 'byung bcos pa'i spangs pa ni 'gog bden gyi ngo bo/btsan gzhi ni sdug bsngal spangs pa'i bral ba'o/_/kun 'byung spong bar nus shing rang 'bras 'gog pa thob par byed pa'i zags pa rnams kyi ye shes ni lam bden gyi ngo bo/mtshan gzhi ni/bdag med mngon sum du gtogs pa'i shes rab lta bu'o/_/bden pa bzhi po de dag re re'ang rnam pa bzhi bzhir dbye bas khyad chos bcu drug tu 'gyur te/sdug bsngal bden pa'i rnam pa bzhi ni/mi rtag pa/sdug bsngal ba/stong pa/bdag med pa bzhi'o/_/de'ang nyer len gyi phung po chos can/mi rtag pa'i rnam pa yin te/res 'ga' skye ba'i phyi/sdug bsngal ba'i rnam pa can yin te/sdug bsngal gyis rgyun mi chad par 'tshe ba'i phyir/stong pa'i rnam pa yin te/don gzhan yi bdag gis stang pa'i phyir/ (68) bdag med pa'i rnam pa yin te rang gi ngo bor gyur pa'i bdag med pa'i phyir kun 'byung bden pa'i rnam pa bzhi ni rgyu dang kun 'byung rab skye rkyen bzhi'o/_/de'ang las dang nyon mongs pa rnams chos can kun 'byung gi rgyu'i rnam pa yin te rang 'bras sdug bsngal gyi rtsa ba yin pa'i phyir kun 'byung gi rnam pa yin te rang 'bras sdug bsngal gyi gzhir gyur pa'i phyir rab skyes rnam pa yin te rang 'bras sdug bsngal drug tu skyed pa'i phyir rkyen gyi rnam pa yin te sdug bsngal gyi pho mo skye ba'i grogs byed pa'i phyir 'gog bden gyi rnam pa bzhi ni 'gog pa zhi ba gya nom nges 'byung bzhi'o/_/de'ang gnyen po'i stobs kyis sdug bsngal spangs pa'i bral ba chos can 'gog pa'i rnam pa yin te nyon mongs pa dang sdig pa'i lam rnams spangs pa'i bral ba yin pa'i phyir zhi ba'i rnam pa yin te sdug bsngal spangs pa'i ral ba yin pa'i phyir gya nam gyi rnam pa yin te phan bde'i ngo bor gyur pa'i thar pa yin pa'i phyir nges par 'byung ba'i rnam pa yin te sngas pa slar mi ldog pa'i thar pa yin pa'i phyir lam bden gyi rnam pa bzhi ni lam rigs pa sgrub pa nges par 'byin pa bzhi'o/_/de'ang bdag med mang don sum du rtogs pa'i shes rab chos can lam gyi rnam pa yin te thar pa'i grong khyer du bgrod par byed pa'i lam yin pa'i phyir rigs pa'i rnam pa yin te mi rigs pa nyon mongs pa'i dngos gnyen yin pa'i phyir rub pa'i rnam pa yin te sems kyi gnas lugs phyin ci ma log par yang dag par sgrub pa'i phyir nges 'byin gyi rnam pa yin te/ sdug bsngal gtan zad du byed pa'i lam yin pa'i phyir zhes bden bzhi'i rnam pa bcu drug dang de dang 'brel ba'i rtags bcu drug bkod pa'o/_

{{#arraymap:bden bzhi'i khyad chos mi rtag sogs bcu drug

|; |@@@ | | }}