bka' brgyud pa

bka' brgyud pa

bod du dar ba'i nang bstan chos lugs kyi grub mtha' chen po lnga'i nang gses shig yin cing/grub chen te lo pa nas brgyud pa'i bka' babs kyi gdams pa'i rgyud 'dzin yin pas bka' brgyud pa zhes grags pa yin/de yang grub chen te lo pa la bka' babs bzhi'i gdams pa yod pa ste/bka' babs dang po ni/rgyal ba rdo rje 'chang nas/rgyal po in+d+ra bo d+hi/klu las rgyur pa'i rnal 'byor ma/sa bdag b+hi su kap+la/grub chen sa ra ha/mgon po klu sgrub/grub chen te lo pa ste/gsang ba 'dus pa dang/rdo rje gdan bzhi/nA ro chos drug gi sgyu lus dang/'pho ba'i bka' babs yin/bka' babs gnyis pa ni/rgyal ba rdo rje 'chang/ye shes kyi mkha' 'gro ma/grub chen ku ku ri pa/grub chen tsar+ya pa/te lo pa p+sate sgyu ma chen po dang/nA ro drug gi rmi lam gyi bka' babs yin/bka' babs gsum pa ni/rgyal pa rdo rje 'chang/phyag na rdo rje/grub chen Tom b+hi he ru ka /bi na badzra/la wa pa/te lo pa ste/'khor lo bde mchog sogs ma brgyud mtha' dag dang/nA ro chos drug gi 'od gsal kyi bka' babs yin/bka' babs bzhi pa ni/rdo rje 'chang/phyag na rdo rje/slob dpon yan lag med pa'i rdo rje/zhing pa pad+ma badzra/DA ki ma skal ba bzang mo/te lo pa ste/dgyes pa rdo rje dang/nA ro chos drug gi gtum mo'i bka' babs yin/gong gsal bka' babs bzhi'i gdams pa cha tshang ba lho brag mar pa lo tsA la brgyud pa ste/mar pas paN chen nA ro pa dang/mnga' bdag me tri pa/dpal zhi ba bzang po/grub chen ye shes snying po bcas bla ma'i gtso bo bzhi dang/gzhan yang paN+Di ta dang/grub thob mkha' 'gro ma sogs bla ma brgya dang bdun cu lhag tsam bsten nas gsan/de nas bod du phebs rjes bka' babs bzhi'i gdams pa rnams 'chad spel mang du mdzad pa las/man ngag dang/bshad rgyud 'dzin pa'i slob ma ka chen bzhi ste/mi ra ras pa/mes ston tshon po/rngog chos sku rdo rje/mtshur ston dbang gi rdo rje bcas byung zhing/rje btsun mi la bka' phyag chu bo gnyis 'dres sgrub brgyud kyi bstan pa nyi ma shar ba ltar 'phel rgyas byung bar bsten/bka' brgyud che bzhi dang chung brgyad bcas rim bzhin byung ba yin

{{#arraymap:bka' brgyud pa

|; |@@@ | | }}