bla ma rdo rje rgyal mtshan

bla ma rdo rje rgyal mtshan

rje 'di nyid rab byung lnga pa'i chu lug (1283)lor sku bltams/sku gzhon nu'i dus su 'bri glog la sbyangs pas tshegs med du mkhyen/'jam dbyangs rin rgyal dang slob dpon shes rgyal la mkhan slob zhus nas rab tu byung/dgung lo bcu drug pa la dben dmar ga gdan sa bzung/dus 'khor gyi bshad grwa bskyangs/mkhan po bka' bzhi pa dang mkhan po zhal snga ba las bsnyen par rdzogs/thar pa lo tsA ba las sgra tsan+d+ra pa dang yi ge'i rigs thams cad bslabs/mngon pa dang man ngag sgrub thabs mang po gsan/bla ma shes rab seng ge ba las dus 'khor gyis gtso byas pa'i dbang bka' thams cad gsan/de bzhin mkhan po zhal snga ma la 'dul mdzod/jo bo lhas pa sangs rgyas gsang 'dus/jo bo lugs kyi bde mchog /lam 'bras la sogs pa'i man ngag dang gzhan rgyud mang dag zhus/de nas sri'u chung ba blo ldan seng ge las gsang 'dus/yo ga /gsang ldan/gdan bzhi la sogs pa'i rgyud mang po gsan/bla ma shes rab seng ge gshegs nas sham+b+har dang gnyis ka bzung nas dus 'khor gyi bshad nyan yun ring mdzad/snyan pa'i grags pa phyogs kun tu khyab/rgyal blon rnams kyis rje nyid kyi sku yon la shin tu dad cing spyi bor bkur/slob ma bu rin po che sogs mang du byon/dgung grangs bzhi bcu zhe gsum la phebs pa rab byung lnga pa'i shing glang (1325)lor dgongs pa chos dbyings su thim

{{#arraymap:bla ma rdo rje rgyal mtshan

|; |@@@ | | }}