bo dong paN chen phyogs las rnam rgyal

bo dong paN chen phyogs las rnam rgyal

bdag nyid chen po 'di la bo dong paN chen dang/'jigs med grags pa/chos kyi rgyal mtshan sogs mtshan gyi rnam grangs 'ga' zhig mchis/rab byung drug pa'i shing yos (1375)lor yab zha ma'i rigs las byung ba ston pa chos dbyangs rgyal mtshan dang yum byang chub sgron gnyis kyi sras su gtsang la stod lho phyogs dbyig gu zhes bya ba'i 'brog gnas su sku bltams/mtshan la gzhung drung sangs rgyas skyid ces gsol/dgung lo lnga par yi ge 'bri klog gsan sbyong mdzad pas tshegs med du mkhyen/dgung lo bdun par gyam bsam gtan gling du gang gi sku zhang paN chen grags pa rgyal mtshan gyi drung nas bar tu byung ba'i mtshan la sangs g.yas rgyal mtshan zhes gsol/de nas mkhas chen grags pa rgyal mtshan dang lhan du bo dong e'u chos sde chen por phebs nas mkhan po nyid nas tshigs snga ma dge tshul gyi sdom pa yang dag par bzhes pa'i mtshan la chos kyi rgyal mtshan zhes gsol/de nas ai chos sde'i mkhas pa'i dbang po chos kyi rdo rje'i zhabs la gtugs nas thog mar tshad ma rig pa la blo sbyangs te tshan ma rnam 'grel la gzigs nang dpang lo dang/lo chen grags pa'i TIka chen yongs rdzogs thugs su chud/dgung lo bcu drug par sa skyar rnam 'grel gyi grwa skor la phebs dus snyan dngags la ched du sbyangs pa ma gnang yang shin tu mkhas par gyur nas thub pa'i dbang por mdzad pa bcu gnyis kyi sgo nas bstod pa dang/'jam dbyangs kyi bstod pa brgya pa/gzhon nu nor bzang gi rtogs brjod la sogs bka' rtsom du ma mdzad/de'i dus phyag dpe (339) thugs 'dzin la'ang thogs pa med pa byung nas mngon pa kun btus kyi gzhung yongs su rdzogs pa lan gsum gyi bar du bklags pas thugs la zin thub pa lta bu dang dgung lo nyer gcig par e chos sde'i lcags ri'i byang shor lcog khang zhig tu sku mtshams bcad de dbyangs can ma grub pas zhal bstan pa dang chos kyi nang grangs du ma'i lung bstsal bar grags de skabs dbyangs can lha mo'i bstod pa bung ba'i glu dbyangs la sogs pa mang du mdzad de nas e chosap+sader sku mtshams dang par bcad de dbu ma rtsa ba shes rab dang dpal ldan zla ba'i rjes 'brangs dang bcas pas 'grel pa mdzad pa dbu ma thal 'gyur slob dpon legs ldan 'byed kya rjes 'brang dang bcas pa'i dbu ma rang rgyud kyi 'grel pa mtha' dag la dpyad pa zhib tu mdzad pas shing rta chen po rnams kyi bzhed pa ji lta ba bzhin thugs su chud khar tshan ma'i bstan bcos mtha' dag la yang 'dri si shang byang chub par gyur mkhan chen dpal rgya grags pas rgya gar gyi paN+Di ta dbyig gnyen dang tsan+d+ra go mi ltar thub pa'i gsung rabs mtha' dag 'dis ni slob dpon gyi kha las ma thob par rang nyid kyis zab rgyas kya bshad pa lhur len byed pa 'di 'dra ba dag ni sngon chad bod 'dir ma byung ngo zhes bsngags pa rgya cher mdzad dgung lo nyer gsum par dbus phyogs su grwa skor la phebs pa'i lam bar snyan ngag gi bstan bcos yid kyi shing rta bka' rtsom gnang de rjes stag lung du byon te chas rje bkra shis dpal brtsigs dang mjal nas ho na skor gsum gdangs pa dang stag lung lo tsA ba shAkya bzang po las rnam sras kyi rjes gnang lo gas chos skor mang du gsan pad dkar chun po ngang pa'i bu mo yid la dga' ba 'phel ba zhes bya ba'i le'u dang po stag mo lus sbyin gyi skyes rabs dang rtag ngu'i rtogs brjod don rgyan gsal ba'i me long zhes bya ba gnyis brtsams de nas gtsang du phebs te bdag nyid chen po grags pa rgyal mtshan gyis mkhan po mdzad de las slob grangs tsang gi dbus su bsnyen par rdzogs pa'i sdom pa yang dag par bzhes de nas e chos sde'i gdan sa mdzad nas mngon pa la sogs pa'i gsung rabs mtha' dag 'chad nyan gyis gtan la phab pa dang chos mngon pa kun btus dang phar phyin rnam 'grel sogs pa'i gzhung chen gyi 'grel pa dang e'i gnas bstod rgyal po shA'i dbang po la khyad par 'phags bstod la sogs pa bka' rtsom mdzad de bzhin rje grags pa rgyal mtshan sogs mkhas grub du ma las rgyud kyi smin byed dbang gi rim pa mtha' dag dang sa phur gyi dbang kyai rdor man ngag lugs Dom b+hi lugs don zhags mkha' 'gro rgya mtsho 'od zer can gzungs chen lnga gsang chen bla na med pa'i man ngag gi rim pa gsang 'dus rim lnga sogs rgyud sde rin po che 'byams klas pa gsan sbyong dpyis phyin pa mdzad dam pa 'di nyid lus kyi rtsal dang yig rigs sna tshogs 'bri lab la mkhas pas gzhon nu'i dus nas bod kyi sdeb sbyor bstan bcos dang lugs kyi bstan bcos kyang mdzad cing sgra'i gzhung lugs kun la nang byang chub pa mkhas pa'i rtse mor son nas mdo rgyud bstan bcos mang po'i 'gyur legs par 'chos shing dga' ba'i gzhan gzhi 'gyur yang mang po mdzad gzhan mkhyen la bzo rig pa'ang byang chub pa sogs rig pa'i gnas lnga lam khas pa'i yang rtser son dgung lo sum cu tsam nas rgyud sde rgya mtsho bshad pa dang sgrub pa la yang dag pa'i nges pa gzigs nas mkhas mchog rnams kyis rgyud rnams bsgyur ba'i dgos pa bsgrub phyir rdo rje theg pa la sogs pa'i gsung rab kun gyi snying po'i 'grel ba dpal (340) de kho na nyid 'dus pa lags par brtsam 'go tshugs de bzhin dpal kyai rdo rje nas gzhi bdag srung ma'i bar sku rnams dang dpal de nyid 'dus par gsungs pa'i dkyil 'khor thams cad ri mor bris pa thang sku lnga brgya tsam dang rgyud so so'i dkyil 'khor gyi blos bslangs du ma dang de dag gi nang du ji ltar 'dod pa'i sgrub mched dus spyan drangs chog pa'i de nyid 'dus pa'i dkyil 'khor gyi lha thams cad sku par du btab nas de bzhin gshegs pa'i sku 'bur du dod pa shin tu mang ba bzhengs pa sogs bo dong se'i bshad grwa las thon pa'i mkhas grub 'di nyid mdo sngags rig gnas thams cad thugs su chud pa'i grags che zhing de nyid 'dus pa sogs pod brgya dang bzhi bcu lhag gi bka' rtsom bzhugs la g.yag sde paN chen dang rong TIg pa gnyis ka rtsod pas pham pa ngam ring rig gter bkag pa mkhas grub rjes sku na phra dus rtsod pas bcom par mdzad pa skabs shig rang rkang gi grub mtha' btsugs par bzhed de dpa' lo chos ldings sogs dkon pa kha shas btab nas der 'chad nyan mdzad pas bo dong ba'i grub mtha' byung ba sogs bstan 'gro'i don kho na mdzad mthar dgung lo bdun cu don bdun pa rab byung brgyad pa'i lcags lug (1451)lora'i bod zla gsum pa'i gdan gang nyin zhi bar gshegs gang gi gsung las skyes pa'i slob ma bka' babs nyi shu rtsa gsum dang 'khor gyi gdung rgyud gsum rig sngags 'chang ba gcig nyi zla ltar grags pa'i mkhas pa gnyis 'jig rten mig gsum phyogs las rnam par rgyal ba'i mkhas pa drug shAkya shri'i gdan sa gnyis gtsug rgyan bcu drug mtshan nyid rab 'byams smra ba bzhi sngags rab 'byams pa gnyis sgrub pa'i rgya mtshan 'dzin pa bzhi sngags 'chang drag po gnyis grub chen lnga bcu sogs shin tu mang bar gsungs rtsom pa la yang de nyid bsdus pa'i rgya mtsho dang 'jug pa'i sgo bzhi le'u nyi khri chig stong man ngag bdun khri nyis stong chos kyi tshogs brgyad khri bzhi stong yod pas rgyas pa la glegs bam brgya dang bcu 'bring po la nyi shu bsdus pa glegs bam gnyis shin tu bsdus pa'i snying po la glegs bam gcig yod pa'i rtsom pa chen po mdzad de rgyal ba'i bstan pa gsal bar mdzad do/_

{{#arraymap:bo dong paN chen phyogs las rnam rgyal

|; |@@@ | | }}