brag dkar blo bzang dpal ldan

brag dkar blo bzang dpal ldan

rje 'di ni dkar mdzes 'khrigs lung ri khrod du yab bsam gtan tshe ring dang yum tshe ring ma'i sras su rab byung bcu bzhi pa me stag (1866)lo'i bla ba dang po'i tshes gcig nyin 'khrungs/dgung lo bzhi la brag dkar byang chub rgyal (428) mtshan gyi yang srid du ngos bzung mtshan blo bzang dpal ldan bstan 'dzin snyan grags zhes gsol dgung lo lnga la dge rgan rdo rje 'bum lam ye shes 'bri klog gsan dgung lo dgu nas yongs 'dzin blo ldan chos 'phel gyi drung nas dag yig dang sum rtags snyan ngag mdo sngags kyi gzhung ches skor gyi bshad khrid sogs sbyangs drung sar bla ma blo bzang dpal ldan bstan 'dzin tshul khrims las rab tu byung rgyal rong bla ma dkon mchog bzang po dang khang gsar blo bzang mthun stobs rgya mtsho gnyis las dbyangs can sgra mdo dang snying thig gi rtsa rlung 'phrul 'khor lag khrid 'jigs byed lha bcu gsum gyi dbang sogs gsan dgung lo bcu bdun thog dbus lha ldan du phebs te 'bras spungs blo gsal gling tre bo kha tshan du zhugs gzhung bka' pod lnga la gnas bsam rgya cher gnang thog rigs lam rtsod grwa'i nang du grwa skor mdzad skabs mang thos dge bshes rnams kyis bsngags brjod gnang zhing mkhas pa'i snyan grags brtas de nas mu mthun rig pa'i gnas sgo kun la sbyong ba'i thugs ban ches cher sbyin te grub dbang d+harma seng ge las gso ba rig pa dang gcod kyi dbang khrid gong sa lnga pa'i gsang ba rgya can klong chen snying thig gi dbang lung khrid gsum kun mkhyen klog chen pa'i gsung chos sogs zab chos mang du gsad te rigs kyi bdag por gyur dgung lo nyer gnyis thog mdo smad du phyir phebs nas brag dkar byang chub gling du bzhugs der yang gling yongs 'dzin mchog sprul rin po che dang seng rong 'jam dbyangs dbang phyug rab brtan nya rgyas mchog sprul sogs mkhas grub gyi yongs 'dzin ji snyed spyi bor bkur te bstan 'gyur gyi lung dang gsang bde'i dbang bde mchog gi lus dkyil dus 'khor sbyor drug sogs mdo gas kyi rig gnas 'byams klas par mang thos mkhas pa'i mnga' brnyes dgung lo nyer bdun nas bzung brag dkar ri khrod mA la nang dang chos dbyings dgon srag mgo'i dge thar lung sogs su gdan sa mdzad de gzhung byams chos sde lnga dang dbu ma rtsa ba 'jug bzhi gsum rigs tshogs bstod tshogs sogs 'chad khrid mdzad gzhan yang dkar mdzes snying thig zhi gcod sogs kyi dbang lung khrid gsum dang bka' bstan 'gyur dang rje tsong kha pa'i gsung 'bum bla ma so so'i gsung 'bum sna tshogs kyi lung gnang ba sogs 'dul bya rnams skal ldan gyi lam bkod a mdo dge bshes 'jam dpal rol pa'i blo gros dang dge thog mchog sprul blo gros 'gyur med chos kyi dbang phyug rwa sho mchog sprul 'jam dbyangs grub pa'i dbang po sogs mkhas grub gnyis ldan gyi skye chen du ma zhal slob tu gyur bka' 'gyur gser bris gnang ba dang rdo rje sems dpa' dang byams pa sogs gser zangs kyi sku mang po bzhengs snyan ngag gi dper brjod dang bstod tshogs bla ma rgyud pa'i rnam thar gsang 'dus rtsa rgyud sngags rdzogs skor gyi 'grel bshad sogs par du 'khod pa glegs bam bcu bdun tsam bzhugs mthar rab byung bcu drug pa'i sa sbrul (1929)lo'i zla brgyad pa'i tshes gsum nyin sku gshegs

{{#arraymap:brag dkar blo bzang dpal ldan

|; |@@@ | | }}