che shos blo bzang byang chub bstan pa'i sgron me

che shos blo bzang byang chub bstan pa'i sgron me

rab byung bcu bzhi pa'i lcags bya (1861)lor mdo smad khyung kyA'i sa'i char gtogs thog khang la kha zhes pa'i sde bar yab sngags 'chang dbang rgyal dang/yum ka to zhes pa gnyis kyi sras su sku 'khrungs/dgung lo gsum par p+saku gong ma ngag dbang bshad sgrub bstan pa'i nyi ma'i sku skye ru ngos 'dzin mdzad/a rig dge bshes smon lam dpal bzang rin chen gyi drung dar dge bsnyen bsgrubs shing mtshan blo bzang bstan pa'i rgyal mtshan zhes gsol/khu bo blo bzang phun tshogs dang dge bshes blo bzang chos 'byor gnyis las yi ge 'bri klog bslabs/dgung lo bdun pa rab byung bco lnga pa'i me lor che shos bla brang du gdan drangs/sku 'bum smad pa khri zur dkar chen byang chub rin chen gyis mkhan po dang/khri chen sprul sku 'jam dbyangs bstan pa'i nyi ma dang/nyA kya lha rams pa ngag dbang chos grags/sngags rams pa bstan pa dar rgyas rnams kyis las kyi kha skong mdzad nas bslab pa'i gzhi lnga 'dzin pa'i dge bsnyen dang bar ma rab byung gi tshul khrims la 'god par mdzad/mtshan byung chub bstan pa'i sgron me zhes gsol/sku gong ma'i mchod dpon sngags rabs pa bstan pa dar rgyas dge rgan du bsten nas mdo sngags kyi gzhung mang du gsan/dgung lo dgu pa sa sbrul lor yul gzhan du gnas skor mdzad/smad hor gyi yul dang/rgya nag ri bo rtse lnga/khrang an/zi khron khrin tu phU/dar rtse mdo gas brgyud nas dgung lo bcu gsum thog lha sar byon/ser smad gra tshang du chos zhugs mdzad/grub mtha' ris med kyi mkhas grub dam pa rnams la chos 'brel mjal kha rten bcas zhus/yongs 'dzin byams pa rin po che las dbang lung man ngag mang du gsan/dgung lo bcu bzhi pa shing khyi (1874)lor rang yul bsam gtan gling du phebs/bco lnga par gru kyA sman rabs pa blo bzang nyi ma yongs 'dzin du bsten nas tshad ma dang phar phyin gyi gzhung la gdan 'gag rigs pa'i 'phrul 'degs lon nges kyi slob sbyong nan tan mdzad/dgung lo nyer gcig la thar shul rdo rje 'chang gi drung du bsnyen rdzogs bsgrubs/dgung lo nyer gsum par dus 'khor dpon slob dang shing sprel lor rgyud pa mkhan po'i khrir bzhugs nas chos 'chad nyid dang sgrig lam kun spyod skor la tshags 'dzin dang do dam gang legs mdzad/nyer brgyad pa sa byi (1888)lor gdan sa'i khri chen la bzhugs nas smon lam gsung chos dang chos thog gi brtsi bzhag bka' chos gang yod rgyas shing mtha' chod pa'i bka' drin bla na mtho/dgung lo shum cu par dbus su phebs nas phur lcogs byams pa rgya mtsho'i drung du bsnyen par rdzogs/chu 'brug lor sku 'bum du byon/de bzhin lnga phyir dbus gtsang du sor gyi yul gru sogs su lan du mar chibs bskyod mdzad de/rang nyid mdo gas rig gnas kyi chos rgyun mtha' yas pas gdung bya gzhan dag smin pa dang 'grol ba byed pa'i mdzad 'phrin bsam gyis mi khyab/bka' rtsom yang (bris sku bzhengs tshul ngo mtshar mthong ba don ldan/) (dpal ldan dus grwa'i dbang po lha bcu gsum ma'i sgrub thabs mdor bsdus 'jam dpal dgyes pa'i dgongs rgyan/) (dpal ye shes kyi mgon po'i bsnyen yig don gnyis mchog sbyin/) (sgrol ma dmar mo'i cho ga cha lag tshang ba khams gsum dbang dub sdus pa'i lcags kyu/) (zab pa dang rgya che ba'i gzhung lugs rgya mtsho lta bu las rang gi bgo skal du mnos pa'i dbang khrid lung gsum gyi thob yig mdo tsam bkod pa nor bu bai DUr+ya'i phreng mdzes dpyod ldan mgrin pa'i do shal las lung gi skor )sogs pod 'bring lnga tsam bzhugs/dgung lo don lnga la phebs par rang byung bcu drug pa'i shing phag (1935)lor dgongs pa chos dbyings su thim

{{#arraymap:che shos blo bzang byang chub bstan pa'i sgron me

|; |@@@ | | }}