chos rgyal 'khon phu ba

chos rgyal 'khon phu ba

'di nyid ma gcig zha ma'i ming po yin cing/rab byung dang po'i sa byi (1069)lor sku 'khrungs/dgung lo bdun brgyad nas yab mched las yig klog bslabs/gnyam pa'i drung du dge bsnyen gyi sdom pa dang smon 'jug gi sems bskyed mnos/spyod phyogs kyi gzhung che phra mang po gsan/dgung lo bcu bzhir phebs skabs rong zos chos bzang gi drung du byon/smra sgo sogs mkhas par bslabs/rma lo tsA bas skad rigs mang po mkhyen pas khong la yang sbyangs pa mdzad/shab tu rma'i phyag phyir byon/rma gshegs khar phyag dpe la sogs pa thams cad gnang nas/zhal chems bzhag pa bzhin thog mar bod kyi mkhas pa dge bshes zhang dang/rgyang rong gangs pa sha'u/mar pa seng rdzi la sogs pa bsten nas chos mang po gsan/dgung lo nyer drug la phebs skabs bal por byon nas ye rang ba'i spyan sngar mai tri ba'i chos rnams gsan/de bzhin pham mthing pa dang/'khon sgye chu/dam pa sangs rgyas/rwa lo sogs las gsan pa mang du mdzad/slar yang bal por byon nas rgya gar gyi bla ma mi mnyam rdo rje las lU nag dril gsum nA ro pa'i lugs dang bcas pa'i bde mchog dbang dang bcas pa gsan/de nas bod du phebs te dgung lo so gcig nas 'khod phu rdzings kyi brag dmar du sgrub pa mdzad/lo gnyis song ba dang lcam dral gnyis lam 'bras gsan du byang la byon/de rjes jo mog nyis kyang khab tu bzhes/slar 'khon phur sgrub pa mdzad nas dam bca' rdzogs par mdzad/dgung lo bzhi bcu rtsa bzhir phebs skabs 'khon phu'i gnas mi 'dra ba mang po dang/brin snye nam/pha drug /la stod lho byang gi gnas mang por bzhugs nas gdul bya mang po la grub snying la thogs pa'i khrid bskyangs nas chos kyi 'khor lo legs par bskor/sgrub pa dang bshad pa'i grwa gnyis ka stobs che bar mdzad/de'i tshe zha ma lcam sring zhes yul thams cad du snyam pas khyab/de ltar rjes 'khon phu ba zhes grags shing/mtshan dngos chos kyi rgyal po zhes zhu ba des gzhan don rgya cher mdzad nas mthar dgung lo bdun cu don grub par rab byung gnyis pa'i shing byi (1144)lor sku gshegs

{{#arraymap:chos rgyal 'khon phu ba

|; |@@@ | | }}