chos rje bkra shis dpal brtsegs

chos rje bkra shis dpal brtsegs

chos rje 'di nyid yab kun dga' bshes gnyen dang yum 'jam dpal skyid gnyis kyi sras su rab byung drug pa'i sa phag (1359)lor sku bltams/dgung lo drug pa la slob dpon sgom pa rin gzhon gyi drung du yi ge 'bri log la sbyang brtson mdzad/dgung lo bcu gcig bzhes pa'i tshe bka' brgyud kyi chos skor thams cad kyi bdag po slob dpon rin chen dpal ba las rgyud gsum man ngag dang/spyod 'jug dang shes rab brgya pa/khyad par du brtag gnyis sogs gsan sbyong mdzad/dgung lo bcu bdun la phebs skabs rin po che nam mkha' dpal bzang pos mkhan po dang/gnas brtan rin chen 'od kyis slob dpon mdzad de rab tu byung/mtshan bkra shis dpal brtsegs nyi ma'i dbang po bsrung ba'i go cha zhes gsol/de nas chos dbang gnyis pa sogs mkhas dbang mang po'i zhabs la gtugs nas dpal dus kya 'khor lo'i dbang yongs su rdzogs pa dang/nA ro'i chos drug /phyag rgya chen po/bka' brgyud kyi chos rin po che ma lus pa'i dbang khrid lus gsum zhus pas lam gyi drod rtags bsam gyis mi khyab pa 'khrungs shing/ting nga 'dzin gyi du ma phyes/gzhan yang sha ba ra'i sbyor drug /chos rje bsod nams rgyal mtshan pa'i sbyor drug gsang 'dus ris lnga'i khrid dang nag khrid skor dmar khrid/dbu sems kyi sems bskyed/blo sbyong don bdun ma/yab 'bras sogs ji snyed gsan/dgung lo bco brgyad la phebs pa me 'brug (1376)lor stag lung gi gdan sar phebs nas chos kyi 'khor lo rgya chen por bskor/dgung lo nyi shu par lha sar phebs/lo che na byang rtse dang mjal/de nas lo chen gyis mkhan po dang/lo tsA ba grags pa rgyal mtshan gyis slob dpon/lo tsA ba nam mkha' bzang pos gsang ste mdzad nas bsnyen par rdzogs/lo chen las chos dpag tu med pa gsan/de nas stag lung du phebs nas khrid kha grangs med pa btab/gling gseb tu sha mi 'grim pa'i khrims mdzad/dbus gtsang gi sde dgon thams cad du mang skol gyi rnam gzhag rgya chen po mdzad/stang lug thang pa'i sku 'dra bzhengs/snga phyir byang ris dang khams stod du byon nas chos kyi 'khor lo rgya cher bskor/gong nas rgyal po ya dbang gis gu shrA'i las ka /dngul gyi tham ka ka'o ming dang bcas phul/mthar dgung lo drug cu re drug pa rab byung bdun pa'i shing 'brug (1424)lor ngo mtshar gyi bltas bzang po du ma dang bcas te dgongs pa chos kyi dbyings su gshegs

{{#arraymap:chos rje bkra shis dpal brtsegs

|; |@@@ | | }}