chos rje nam mkha' dpal bzang po

chos rje nam mkha' dpal bzang po

stag lung chos rje nam mkha' dpal bzang po mchog ni yab yon bdag ye shes rin chen dang yum phyug mo dpal le'i sras su rab byung drug pa'i chu bya (1333)lor phan po dar yul du sku 'khrungs/dgung lo lnga tsam la phebs skabs gzhan sdug bsngal ba gzigs tshe snying rje chen po 'khrungs nas spyan chab byung ba'i bag chags bzang po rang bzhin du gsal/dgung lo bdun la phebs skabs mkhan po bla ma nam legs pa dang/slob dpon don yod pa las rab tu byung/mtshan nam mkhar rgyal mtshan dpal bzang po zhes gsol/dgung lo brgyad pa la mngon shes 'khrungs/dgung lo bcu pa la (rtags kyi TIk+ka )mtshan la sogs pa gsan pas sbyor drug las byung ba'i rtags rnams ma bsgoms pa mngon du gyur/dgung lo bcu gcig pa la sku skye snga ma gang du 'khrugs pa lhang lhang dran snang bskyed/dus phyis ting nge 'dzin la bzhugs pa na 'das ma 'ongs rnams kyang mkhyen/dgung lo bco brgyad la chos rje bla ma dang/lo chen byang rtse las dus 'khor/spyod 'jug thub pa'i dgongs rgyan sogs gsan pas tshar re la thugs su chud/dgung lo nyi shu rtsa bdun la lha sar phebs nas to stan mkhan chen bkras tshul ba/las slob tshul bla ma/slob dpon ston rgyal rnams las bsnyen par rdzogs/dgung lo nyi shu rtsa dgu'i bar du dbyar chos dgun chos ma chag par dus 'khor/brtag gnyis spyod 'jug /thub pa'i dgongs rgyan/skyes rabs lam 'bras gsungs/dgung lo nyi shu rtsa dgu pa lcags glang (1361)lor stag lung gi gdan sar phebs nas lo bcu'i ring tshogs pa bskyangs/sbyor drug gi khrid yig ngo sprod/rtsis yig la sogs pa'i bstan bcos mang po mdzad/zab mo'i gdams pas kyang gdul bya rnams legs par bskyangs/gtso bo sku mtshams kho na la bzhugs/gdung lo bzhi bcu zhe gsum bar gdan sar bzhugs ring dge 'dun gyi sde 'phel zhing dar rgyas chen po byung/de nas rin po che bkra shis dpal brtsegs pa gdan sar bzhugs su gsol nas se gler lo bzhi bzhugs/bskyed pa'i rim pa bde mchog dang gshed dmar la mdzad/rdzogs rim sbyor ba yan lag drug pa la mdzad/rje 'di nyid sgra tshad dus 'khor rnams la mkhas shing/dus 'khor/ka tsan/snyan ngag /sde sbyor sogs la bshad pa mang du mdzad/de'i bshad rgyun dbus su ches cher dar/lo chen byang chub rtse mo'i phyag phyir mdzad nas ka lA pa'i 'grel pa slob phan yongs su rdzogs par 'gyur ba la sogs pa'i phyag rjes kyang shin tu che/rje nyid dgung lo so dgu bzhes skabs gsungs pa ji bzhin dgung lo zhe bdun bzhes pa rab byung drug pa'i sa lug (1379)lor dgongs pa chos dbyings su thim

{{#arraymap:chos rje nam mkha' dpal bzang po

|; |@@@ | | }}