chos rje rgod tshang pa mgon po rdo rje

chos rje rgod tshang pa mgon po rdo rje

rje 'di nyid yab chu chal mon grags dang yum zug mo dpal rgyan gnyis kyi sras su rab byung gsum pa'i sa bya (1189)lor lho brag du lu chung gi khrir sku bltams/gcen po gnyis sngar bar grongs pa la brten sri'u gso ba'i slob dpon zug ston bya ba la gtad/mtshan mgon po dpal du gsol/sku chung dus nas mjal spro la/thugs bzang ba/bro ba'i ba shi mdzad pas ba shi don grub seng ger/de nas slob dpon wa zhwa las lam rim/slob dpon stod las dbu ma/slob dpon yu pi ba las spyod 'jug /slob dpon zhang las 'grel chung bcas gsan te phal cher tshar res mkhyen pa byung/dgung lo bcu dug pa ra la lung dgon du phebs te chos ja rgya ras pa bshes gnyen du bsnyen nas rab tu byung/mtshan mgon po rdo rjer gsol/rje bla ma las skyabs 'gro sems bskyed/sems bskyed chen mo/rnal 'byor bzhi/lhan cig skyes sbyor/thabs lam gyi khrid/ro snyoms kyi dmigs pa mang po/rabs bdun/chig chog sogs dang/rtsa ltung bcu bzhi pa la sogs dam tshig gi chos skor/sgrub thabs bcu gsum ma dang zhal gnyis ma la sogs pa thams cad kyi lung gsan/de nas 'brug dang/'bri gung/rwa sgreng bcas la byon nas chos mang du 'chad nyan mdzad de slar chos rje rgya ras pa'i drung du phyir phebs/dgung lo nyi shu rtsa gsum pa la lho brag mkhar chur byon te lo gsum bzhugs/dgung lo nyi shu rtsa lnga la gangs ti se dang/kha che'i yul/dza lan ra sogs par byon te lo bzhi bzhugs/dgung lo nyi rtsa dgu la pho ma lha khab tu byon nas spyil po zhig tu lo gsum du bla ma sgrub pa mdzad/de nas dbon ras kyi drung du byon nas bsnyen par rdzogs/dgung lo sog nyagis pa la tsa ri la byon nas lo gsum bzhugs/dgung lo so drug la khyung dkar dang yang dkar gnyis su lo gsum bzhugs pas thugs dam shin tu 'phel/dgung lo so brgyad thog rgod tshang du 'dus nas chod nyan pa mthong bas sngar gzhan don mi mdzad par snyam pa'i blo yod pa der log /de nas rgod tshang nas byon te las stod kyi ri sul rnams su phebs te gsang spyod mdzad/sku tshe'i smad du steng gro dang/bde chen stengs/spud dra/byang gling/bar 'brog /rdo rje gling sogs dgon pa mang po phyag btab/dgon pa re re nas kyang dge 'dun sgrub pa po stong tsho mang po thon pa byung/mthar dgung lo bdun cu la phebs pa rab byung bzhi pa'i sa rta (1258)lor dgongs pa mya ngan las 'das/'di nyid la slob ma mang du byung bas lus thugs kyi sras kyang yang dgon pa/grub chen u rgyan pa/byang gling pa/chos rje ni rings pa/phu ri ba/mnyam med pa ri spyil dkar ba/rje ma bdun pa/zhi byed mgon po/sangs rgyas khrom ras/dpal skyer shing ras pa/shAkya ras pa/'dar ras la sogs mang du byon no/_

{{#arraymap:chos rje rgod tshang pa mgon po rdo rje

|; |@@@ | | }}