dbang phyug pa

dbang phyug pa

spyir dbang phyug ces pa ni/'jig rten snod bcud kyi byed por grags pa'i dbang phyug chen po'am lha chen mahA de wa zhes pa'i lha'i ming yin zhing/dbang phyug pa zhes pa ni/lha chen dbang phyug ston par 'dzin pa dang/gzhi ni snod bcud thams cad dbang phyug gis blo sngon du btang nas byas pa yin te/'jig rten gyi gnas lugs longs spyod rnams chos can/byed pa po'i blo sngon du song ste/dbyibs dang kha dog sogs kyi khyod par ldan pa'i phyir/dper na/bum pa sogs bzhin zhes sogs kyi gtan tshigs lab rten nas bsgrubs pa dang/lam ni bum pa can gyi rlung bsgrubs te bskal pa'i bar du 'chi ba med pa bsgrubs pa dang/dbang phyug gi ling+ga'i rtse nas dbang bskur ba dang/bod med dang sbyar nas khams 'dzag pa'i bde ba rnams yin zhing/'bras bu ni khams 'dzag pa'i bde ba las zung du 'jug pa'i ye shes skyes pa thar par 'dod pa'i sngar rgya gar gyi grub mtha' smra ba zhig yin/lha chen dbang phyug ni/gangs ri chen po ti se na btsun mo u ma dang sras tshogs bdag dang gdong drug sogs 'khor gyi tshogs stong gis skor zhing gnas par gsungs shing/hin rdu rig byed pa rnams kyis lha chen ti ser bzhugs pa yang sngar srid pa chags dus rgya mtsho bsrubs pa las rin po che sna tshogs dang lhan du dug bum pa zhig byung ba lha chen po rang gi mgrin par bzhag pas dug gis de'i mgrin pa sngo nag tu gyur nas mi bzod pa'i sdug bsngal byung ba ldog phyir shin tu bsil ba'i ti ser gnas bcas pa yin zer/de bzhin ras pa'i tsa rgya mtsho las byung ba'i zla tshes cod pan du bcings pa/lha tshangs pa'i steng gdong bcad pa'i sdig pa sbyang phyir slong snod du dur khrod kyi mi'i thob pa lag tu thogs pa lha chen gyis lha ma yin pas rnam par rgyal ba'i rtags su rtse gsum pa thogs te gnas pa'i sku brnyan can gyi lha zhig dang bram ze rnams kyis snod bcud kyi byed po dang yi ge'i byade po sogs byed po nyer bzhir bshad pa'i lha zhig go

{{#arraymap:dbang phyug pa

|; |@@@ | | }}