dkyil 'khor blos bslang

dkyil 'khor blos bslang

bsgom bya'i gzhal yas dang tshogs kyi dkyil 'khor 'bul thon langs gzungs su bzhengs pa ste deng skabs 'dzugs skrun bye bkod pas ra langs gzugs can dang mtshungs pa yin/de sngon bod du gdan sa chen po bzhi dang/lha sa gtsug lag khang/sku 'bum/bkra shis 'khyil/sa skyi/ngam ring sogs dgon sde che ba phal che ba'i nang dkyil 'khor blos bslang che chung sna tshogs 'jim pa dang shing tsan dan/gser dngul sogs las bzhengs pa mang po yod cing/deng sang mthong rgyu yod pa ni/tA la'i bla ma sku phreng lnga pa rin po che dgongs pa mya ngan las 'das rjes sde srid sangs rgyas rgya mtshos dgongs rdzogs su bzhengs pa'i dus 'khor blos bslang deng sang po tA la pho brang dmar po'i dus 'khor lha khang du yod pa de dang/tA la'i bla ma rin po che sku phreng bdun pa bskal bzang rgya mtshos dgu lo zhe gnyis su phebs pa rang byung bcu gsum pa'i sa sbrul (1749)sor dben sa snyan rgyud dang/smad rgyud/srad rgyud pa rnams kyi blos bslang phyag srol rnams gung bsgrigs thog dga' ldan du rje tsong kha pa chen pos gsar bzhengs gnang ba'i gsang ba 'dus pa dang/bde mchog /rdor dbyings bcas kyi blos bslang/'bras spungs sngags khang gi blos bzang bcas la zhib gzigs mdzad de rgyu gser zangs la rin po che p+s+n+ya tshogs kyis khra btab pa'i bde mchog dang/gsang ba 'dus pa/'jigs byed bcas kyi blos bslang bzo bkod 'gran zla bral ba rim bzhin bzhengs gnang mdzad cing/de'i gnas tshul skor gang ma chen lung gis mkhyen rjes chu sprel (1752)lor dkyil 'khor gsum so so'i cha tshad dang mthun pa'i rta babs spus legs ngo grangs bcu gnyis la gong ma chen lung rang nyid kyi mtshan byang 'khod pa phyag rtags su 'bul gnang mdzad pa de bzhin deng sang po tA la pho brang dmar po'i blos bslang ni pho lha ba bsod nams stobs rgyas kyis rgyu sbyor sbyin bdag byas te rab byung bcu gnyis pa'i chu byi (1732)lor rgyu cha rnams tsan dan dkar po dang/drwa ba dra phyed rnams mu tig las bzos pa zhig gsar bzhengs byas/de'i thig tshad dang bzo bkod rnams zhogs don yod mkhas grub kyi slob ma dwags po dge bshes blo bzang sbyin pas mtshan pa zhig de sngon lha sa gtsug lag khang gi dbu rtse'i blos bslang khang du bzhugs yod pa der zer/de'i dkar chag ni/dwags po dge bshes sku ngo mas mdzad pa (gsang bde 'jigs gsum gyi blo bslang dkar chag legs bshad nor bu'i do shal )zhol dpar khang shar gyi dpar ma la shog grangs 66yod/dkyil 'khor blos bslang bzhengs stabs skor rong tha lo bzang dam chos rgya mtshos mdzad pa'i (thig gi lag len du ma gsal bar bshad pa bzo rig mdzes pa'i kha rgyan )lha sa dmar ma'i shog grangs 31nas 53b.radang/de'i dogs gcod skor bkra shis 'khyil rje shes rab rgya mtsho'i gsung 'bul lha sa zhol dmar ma'i pod (nga)pa'i nang (dkyil 'khor so so'i blos bslang gi phyag khrid gsan pa'i zin bris )shog grangs 8de'i gsung 'bum pod (kha)pa'i nang yod pa bcas phan tshun go bsdur gyi thog nas slob dpon mkhas pa'i mthong ba brgyud pa'i phyag len lag khrid dang dngos sbyong zur 'brel byas te slob dgos pa yin lags

{{#arraymap:dkyil 'khor blos bslang

|; |@@@ | | }}