dngul chu d+harma b+ha dra

dngul chu d+harma b+ha dra

dngul chu d+harma b+ha dra'am bla ma chos bzang mchog ni gtsang g.yas ru'i cha rong stod phyug mo'i yul du yab bkra shis dpal 'byor dang yum mkha' 'gro dpal skyid gnyis kyi sras su rab byung bcu gsum pa'i chu 'brug (1772)lor sku 'khrungs/dgung lo bcu gcig par sku zhang rgan po lha bu zhes pa las ye shes 'bri klog sbyong ba'i dbu brtsams/khyim tshang shin tu dbul po yin pas ra lug 'tsho rdzi'i zhor rdo leb ngos 'jam dang sa gzhi ngos snyoms sogs la yi ge 'bri sbyong gis mdzub rtse thengs mang brdol kyang ji mi snyan par rgyun 'khyongs mdzad de yun mi ring bar dbu chen chung 'bri klog la thogs pa med par gyur/dgung lo bcu bzhi pa rang byung bcu gsum pa'i shing sbrul (1785)lor bkra shis dge 'phel gling du phebs nas slob dpon blo bzang rgyal mtshan gyi sku drung du dbu skra'i gtsug phung 'bul bzhes kyis grwa btsan mdzad/mtshan blo bzang tshe ring zhes gsol/lo der mkhas chen ngag dbang rdo rje'i drung du dge bsnyen dang dge tshul gyis sdom pa rim bzhin bzhes/skabs der sku chas shin tu zhan mod tshogs pa nas 'gyed chung re rnyed na'ang dpe cha blo ba sogs mdzad nang rang gi 'tsho ba ngan ngon kho nar bsten/dgung lo bco brgyad thog gcen po rta mgrin dbang rgyal dus las 'das pa dang/bcu dgu pa'i thog ma yum dang sru mo gnyis kyang snga rting du 'das pas thugs skyo tshad med 'khrungs te dben gnas dngul chu ri khrod du phebs nas sgrub pa nyams len mdzad/lo der slob dpon ye shes dpal grub kyi drung nas dge slong gi sdom pa mnos/dgung lo nyer gcig par blo bzang skal bzang chos rgyal slob dpon du bsten nas bka' chos mang du gsan/dgung lo nyer gnyis nas so gnyis bar lo ngo bcu'i ring bkras lhun dgon du thengs mang po phebs te 'brong tsa blo bzang tshul khrims/gu ge yongs 'dzin blo bzang bap+satan 'dzin/grub dbang skal bzang chos rgyal sogs slob dpon mkhas chen po mang las zab chos du ma gsan/khyad par du rje drung blo bzang dge 'dun gyi sku drung du sgra dang/snyan ngag /sum rtags/mngon brjod/sdeb sbyor bcas legs par gsan sbyong mdzad/mkhas grub kyi grags pa kun tu khyab par gyur/dung lo so lnga nas sgrub pa nyams len gtso bor mdzad/de nas bzung dgung lo brgyad cu'i bar grub 'dzin du 'chad nyan mdzad par thengs 'ga' phebs pa ma gtogs dus phal che bar dngul chu'i ri khrod du sgrub pa kho nas dus 'da' bar mdzad/sku tshe hril po bstan 'gro'i don 'ba' zhig la gzhol nas/slob ma mkhan chen ngag dbang snyan grags dang/mi sbug sprul sku blo gsal bstan skyong/bde chen sprul sku blo bzang tshul khrims sogs skyes chen dam pa mang du byung/bka' chos kyang mang dag mdzad pa ste/('jigs byed bcu gsum ma'i bsnyen yig mkhas grub dgongs 'dus) (grub rgyal lugs kyi tshe dmag med lha gcig 'bum gcig gi dbang bskur tshul/) (smyung gnas kyi cho ga bsdus pa'i khrid yig grub brnyes dpal mo'i dgongs rgyan/) (dpal rdo rje sems dpa'i sgom bzlas dag byed bdud rtsi'i bum bzang/) (rten 'brel bstod pa'i tshig don nyung ngur bkrol ba zab pa phyogs gcig tu bsgrigs pa/) (mngon brjod kyi bstan bcos rgya mtsho'i chu thigs/) (grangs kyi mngon brjod kyi rnam bshad/) (snyan ngag me long gi nang nas gab tshig gi snyan ngag sogs su bkol te bshad pa/) (yig bskur rnam gzhag mdor bsdus/) (blo sbyong don bdun ma'i zin bris rgyal sras snying nor )sogs po ti bcu tsam bzhugs/dgung grangs brgyad cu la phebs pa rab byung bcu bzhi pa'i lcags phag (1851)lor dngul chu ri khrod du dgongs pa chos dbyings su thim

{{#arraymap:dngul chu d+harma b+ha dra

|; |@@@ | | }}