dngul chu dbyangs can grub pa'i rdo rje

dngul chu dbyangs can grub pa'i rdo rje

gtsang g.yas ru'i bkra shis dge 'phel gling gi nye 'dabs sngon dus 'jad ces pa dang rjes su bzhad ces pa'i yul du yab bkra shis (d+harma b+ha dra'i gcung )dang yum tshe ring sri chod gnyis kyi sras su rab byung bcu bzhi pa'i sa sprul (1809)lor sku 'khrungs/mtshan 'jam dbyangs rdo rje zhes gsol/dgung lo lnga par khu bo d+harma b+ha dra'i drung du klog bslabs/dgung lo drug tsam la sbyor klog blo 'dzin sogs la thogs pa med par gyur/dgung lo bcu gcig par bkra shis dge 'phel dgon du phebs te dka' chen dkon mchog chos 'phel gyi mdun du dbu skra gtsug phud phul/mtshan blo bzang chos 'phel zhes gsol/dgung lo bcu gnyis par dga' chen dkon mchog chos 'phel las dge bsnyen dang dge tshul gyi sdom pa mnos/de nas bzung rje mi la'i rnam mgur sogs gzhung mang mthar phyin par sbyangs/dgung lo bcu dgu par bla ma d+harma b+ha dra'i zhabs zhu mdzad/tha snyad kyi rig gnas dang mdo gas kyi gzhung rgya chen po sbyong ba'i dbu tshugs/dgung lo so bzhi par bla ma'i mdun du snyan ngag dang sgra kA la pa'i rgyugs phul bas bla mas thugs dgyes chen pos legs so gnang ba dang kun bshad kyi ming dbyangs can grub pa'i rdo rje zhes gnang/lo de'i zla bzhi par bla ma chos bzang (d+harma b+ha dra )gi drung nas dge slong gi sdom pa mnos/de nas bzung dge slong gi bslab bya'i 'khrid sogs 'dul ba'i skor gyi zab khrid rgya mtsho lta bu gsan/bla ma'i thugs la zab chos bzhugs su cog bum pa gang byon tshul gyis zhus shing rig gnas che phrag kun lam khas pa'i yang rtser son/bla ma'i gsung rtsom 'ga' yi ge pa'ang kha kong gis mdzad/dgung lo zhe gsum par bla ma dam pa sku gshegs pas khong gis pur khang brtsigs pa dang dngul gyi gdung rten bzhengs pa sogs dgongs rdzogs kyi bya ba legs par bsgrubs/de nas bla ma'i rjes 'dzin mdzad nas gdan sa rgya bskyed dang sku gsung thugs rten gsar bzhengs gnang/bla ma'i gsung 'bum par du brkos/dgung lo re gcig pa rab byung bco lnga pa'i sa sbrul (1879)lor dbus su phebs/dgon gnas dang rten khyad 'phangs rnams la phyag mchod dang bla chen dpon chen rnams la dam pa'i chos kyi bdud rtsi phul/re gnyis par phyir gdan sar phebs/bshad sgrub gnyis kyi sgo nas dge ldan bstan pa'i rgyal mtshan srid rtser bsgrengs/gangs can mkhas pa yongs kyis gtsug tor ltar bkur/slob ma grags chen ngag dbang tshul khrims dang/sgo mang lha rams pa dge 'dun rgya mtsho/bla ma ye shes chos 'phel/smin grol no mon han/chab mdo 'phags pa lha/chu bzang hu thog thu blo bzang 'jigs med sogs bla chen mkhas pa shin tu mang/dgung lo bdun cu don dgu pa rab byung bco lnga pa'i me phag (1887)lor sku gshegs/bka' rtsom yang (gsang sngags sgrub thabs skor )dang/(legs bshad ljon dbang/) (dka' gnad gsal ba'i me long sogs thun mong gi rig gnas snyan ngag sum rtogs skor sogs po ti gsum lhag mdzad

{{#arraymap:dngul chu dbyangs can grub pa'i rdo rje

|; |@@@ | | }}