gangs ti si

gangs ti si

bod rang skyong ljongs mnga' ris sa khul spu hrengs rdzong du yod pa'i gangs ri zhig gi ming ste/yongs grags su stong gangs rin po che zer zhing/mtho tshad rgya mtsho'i ngos las spyi khre drug stong bdun brgya bcu bzhi dang/gangs rir bskor ba cha tshang gcig thebs pa'i 'khor tshad spyi le lnga bcu nga gnyis/gangs ri'i bskor lam gyi gtso gdan sgrol ma la yi mtho tshad rgya mtsho'i ngos las spyi khre lnga stong bdun brgya nyi shu rtsa gsum/gangs bskor cha tshang gcig thebs par nyin kha shas 'gor gyi yod pa dang/deng sang gangs ri'i gnas bskor gyi cha rkyen 'dzoms po yod stabs mgyogs po tshos nyin gnyis dang/mgyogs dar ran pos phyin na nyi ma gsum la bskor ba gcig thebs kyi yod/gangs ri ti si 'di yongs su karma bka' brgyud dang/'bri gung bka' brgyud/'brug pa bka' brgyud/dge lugs bcas tshang mas bcom ldan 'das kyis lung bstan pa dang (mngon pa mdzod )nas bshad pa'i gangs ri ti se yin par gcig yur kyis zhal gyis bzhes pa yin kyang/sa skya paN chen gyis mdzad pa'i (sdom gsum rab dbye )rtsa ba dang/de'i rang 'grel bcas las deng sang bod du yongs su grags pa'i gangs ri ti se 'di bcom ldan 'das kyis mdo rgyun nas gsungs pa dang (mngon pa mdzod )nas bshad pa'i gangs ti se ma yin pa'i sgrub byed 'ga' zhig gsungs/de la dgag lan gyi tshul du/zhwa dmar sku phreng bzhi pa chos grags ye shes kyis mdzad pa (mkhas pa'i rna rgyan )dang/'bri gung zhabs drung chos kyi grags pas mdzad pa (rgol ngan 'joms pa'i legs bshad/) 'brug pa sangs rgyas rdo rjes mdzad pa (gnas gsum gsal byed legs bshad nor bu'i me long/) 'bri gung rdo rje 'dzin pa ngag dbang 'phrin las kyis mdzad pa (gnas chen gangs ri mtsho gsum chu bo bzhi dang bcas pa gtan la dbab pa lung don snang bar byed pa'i me long )rnams brtsams nas bod du yongs su grags pa'i gangs rin po che 'di nyid gangs ri chen po ti se dngos yin pa dang/phyogs bzhi'i kha 'bab kyi chu rnams 'bab pa'i chu 'go gang du yod pa/de dag bod kyi sa gnas gang dang gang brgyud nas 'dzam gling rgyal khab gang gi sa char 'bab pa sogs gsal bshad zhib phra mdzad yod/de sngon rgyal gar gyi mu stegs chos lugs pa'i nang gses dbang phyug pa dang gcer bu pa sogs lha dbang byug la skyabs gnas su 'dzin pa rnams kyis gangs ti se 'di bzhin lha chen dbang phyug chen po'i bzhugs gnas yin par ngos 'dzin byed kyi yod pa dang/g.yung drung bon kyi chos brgyud 'dzin pa rnams kyis ston pa gshen rabs mi bo mchog zhabs kyis bcags nas byin gyis brlabs pa'i gnas khyad par can yin par ngos 'dzin pa'i gnas bshad (ti se'i dkar chag tshangs dbyangs yid 'phrog )ces pa zhig rkyang brtsams yod pa bcas/gangs ti se 'dir rgya gar gyi mu stegs rig byed smra ba/bod kyi g.yung drung bon/nang pa sangs rgyas chos lugs bcas tshang mas rang rang so so'i sngon byung lo rgyus gzhir bzung nas phyag mchod bskor ba bya srol zhig chags yod/sangs rgyas chos lugs kyi gzhung mngon pa mdzod dang/yongs grags kyi ngag rgyun la/gangs ri chen po ti se ni gangs ri rab byung gi mchod rten dbyibs can du yod pa dang/'dzam bu gling gi chu bo chen po bzhi'i chu 'go yin pa ste/shar phyogs kyi brag rta'i kha 'dra ba nas chu bo gang+gA/lho phyogs kyi brag rma bya'i kha 'dra ba nas chu bo kak+Shu/nub phyogs kyi brag glang po che'i kha 'dra ba nas chu bo sin d+hu/byang phyogs kyi brag seng ge'i kha 'dra ba nas chu bo si tA 'bab par bshad pa ltar deng sang gi krung go'i sa bkra'i dpar ris nang du yang de dang mthun par bkod yod pa ste/chu bo rta ma chog kha 'bab ni/gangs ri ti se'i shar ngos nas 'go tshugs te skyid grong gi byang rgyud nas rim bzhin lha rtse/gzhis rtse/chu shul/de nas kong stod bar 'bab pa'i ming la yar lung gtsang po zer/kong stod nas kong smad rgya la seng gtam bar dang/de nas rgya gar a sam du slebs mtshams ming la b+ha rab pur rta zer/a sam nas kha lhor btags de ka li ka ta'i shar phyogs kyi mtsho 'gag nas hin d+hu rgya mtshor 'bab/rma bya kha 'bab ni/gangs ri te se'i lho phyogs nas shar lho'i phyogs su kha gtad de bal yul gyi nub phyogs bar dang/de nas kha lhor phyogs te rgya gar du slebs mtshan sla yang shar lho'i ngos su gtan nas ka li ka ti'i shar phyogs kyi mtsho 'gag nas hin d+hu rgya mtsho dang 'dres/glang chen kha 'bab ni/gangs ri ti sa'i nus phyogs nas kasmi ra'i yul gyi bar kha nub tu gtan nas 'bab cing/de nas ka ci si than gyi byang ngos nas lho nub phyogs su kha gtad de rgyal sa kha ra cha'i mtsho 'gag tu a ra pi rgya mtshor 'dres/seng ge kha 'bab ni/gangs ri ti se'i byang ngos nas 'go tshugs te rtsa ba rang bka' shis sgang la ma slebs par nub byang ngos su kha gtan nas 'bab cing/de nas glang chen kha 'bab kyi chu dang 'dres nas kha che'i yul bar slebs/de nas slar yang glang chen kha 'bab dang kha bral nas a h+phu han gyi byang phyogs brgyud de snga'i su'u len gyi nub phyogs su yod pa'i zhan he'i rgya mtshor 'dres pa bcas yin/gangs ti se'i gnas bshad skor 'bri gung gdan rabs so bzhi pa dkon mchog bstan 'dzin gyis mdzad pa'i (gangs ri'i gnas bshad shel dkar me long )lcags dpar ma'i shog grangs 117yod pa dang gangs ri ba chos dbyings rdo rjes (bod ljongs mnga' ris yul skor tshad pa'i phye 'brel lo tsA ba )rtsom sgrig gnang ba (gangs mtsho gnas gsum gyi lo rgyus skal ldan shing rta/) (bod ljongs nang bstan )1990lo'i dus deb dang po'i nang 'khod pa bcas la gzigs

{{#arraymap:gangs ti si

|; |@@@ | | }}