gcung rin po che rdo rje grags pa

gcung rin po che rdo rje grags pa

'bri gung gdan rabs bzhi pa 'di nyid yab a nye a grags kyi sras su rab byung bzhi pa'i lcags rta (1210)lor sga yul non 'jam 'om bu lung du sku 'khrungs/dgung lo drug la yab yum dang bcas 'bri gung du phebs/rje skyob pa rin po che las rab tu byung/mtshan rdo rje grags par gsol/dgung lo bdun la rje skyob pa gzhan don du gshegs pas dbon bsod nams grags pas bdag rkyen mdzad de yi ge 'bri klog dang 'jig rten gyi gyi bstan bcos la byang bar mdzad/dbon gyi drung du snying po'i chos bum pa gang byo'i tshul du gsan/dge bshes du ma las rgyud sde dang mdo rgyud mang du gsan cing sbyangs pas mkhas pa'i mchog tu gyur/dgung lo nyer gcig par rta ra yon tan steng kha bya bar 'dag sbyar gyis lo bcu gsum par rim gnyis zab mo'i dus 'da' bar mdzad/yi dam gyi lha mang du zhal gzigs/dngos grub kyi mtshan ma brnyes/dgung lo zhe drug pa la 'bri gung pa'i che dgu thams cad kyis 'jig rten mgon po'i chos khrir mnga' gsol/gdul bya rnams la smin grol gyi zab chos rgya cher bskor/dge 'dun gyi tshogs pa khri tsho brgya brgyad tsam rtag tu 'dus/lha khang chen mo ka ba brgya dang brgyad cu pa nang gi zhal ba rnams gser gyi lde gus khyab pa dang/gser zangs las grub pa'i sku gsung thugs rten/gtsug lag khang snying du rgya phibs sogs gsar bzhengs mdzad/skabs der tsam du hor gyi rgyal po khas te kha zhes pa gdug can dmag gi mi mang po dang bcas 'dam du lhags pas rje nyid 'dam du phebs nas bod khams 'jigs pa las thal bar mdzad/slar 'bri gung du phebs nas rgyas ba'i bka' dang bstan bcos gangs ljongs su 'gyur ma'i glegs bam bsam gyis mi khyab pa bzhengs/dge 'dun 'bum phrag la pha chos lnga ldan chos drug la sogs pa zab pa dang rgya che ba'i chos kyi 'khor lo bskor/de nas gnas chen dpal gyi tsA ri tra ye shes kyi dkyil 'khor du phebs te/dpa' bo mkha' 'gro la tshogs kyi 'khor lo dang/deng gnas skye dgu rnams la chos dang zang zing gis tshim par mdzad/yul smad las tshad bco brgyad sogs dang rdor 'dzin 'gro mgon phyag chen bcas ba sko gzhag gnang/de nas dwags po'i phyogs su phebs nas chos kyi 'khor lo rgya cher bskor/brgyal sangs dgon ba/pa btab nas dge 'dun gyi tshogs mang du 'phel/de skabs sgom pa la khri dpon gyi lung las byung/byar dwags ko dag gsum phal cher la dbang bsgyur/de nas 'jam dang gu ling bya bar dben gnas rnams rim gnyis zab mo'i rnal 'byor la bzhugs te mthar dgung lo re dgu la phebs pa rab byung lnga pa'i sa stag (1275)lor sku'i dkyil 'khor chos dbyings su bsdus so/_

{{#arraymap:gcung rin po che rdo rje grags pa

|; |@@@ | | }}