gra bzhi rtsis bsher

gra bzhi rtsis bsher

bod zla 1tshes 23nyin gra bzhi rtsis bsher zer ba/de nyin snga po nas ya sor gnyis dang/'dam sog ya sor gnyis na bza' go shri'i chas gos khal kha gzugs dang/byings rgyan bzhi ser po/mgron zhabs dang chibs 'khrid bcas kyi gyon pa rgya 'dra'am tshon khra ser po yan thog de byings zhwa lham sogs sngar bzhin klu sbug sgar sgrigs kyi rta pa rnams gra bzhi thang du mi rta go mtshon bcas tshang 'grig rtsis bsher bya srol yod/de yang zhogs snga po zhol dmag spyi khang nas srung ma dmar nag gnyis kyi rten mdung gdan zhur sog po ya sor gnyis kyi gyon byed khrab rmog 'khor bcas dang/sde 'khrid ya sor byings gnyis bskyod dgos/rten mdung gdan zhur sog po ya sor gnyis kyi gyon byed khrab rmog 'khor bcas dang sne 'khrid ya sor byings gnyis spyod dgos/rten mdung gdan zhu gnyis kyis ru sne 'khrid de rta pa rnams ru gnyis gshibs kyi go rim la 'chol bar ming mtshams so sor bskyod 'jug pa sor ngo g.yog rnams phebs/gra bzhi rtsis thang gur sar g.yas bskor gcig bskyod thog /rten mdung gnyis shar ngos su btsugs gur rgyab tu ya sor ngo las dang sog po ya sor rta las bab thog rgyal tu 'u thu su zhes pa'i gri ring ling 'dogs gnang/sa yos gnyis mnyam gshibs dal por phebs te bka' lon rnams la zhwa phud gnang/ya sor gnyis bka' shag gi gral mtshams gos gdan nyis brtsegs thog 'khod/ya sor byings dang sog pa ya sor byang ngos gral rgyab mdun thog bsdad/zhol gnyer drung tshos gro phye phung gtor zhus/gsol ja bzhes 'bras ring bzhin btegs zin mtshams ya sor bgres pa bzhengs thog g.yas ru'i ru gzhung sa dbang khri pa'i gsol cog steng kha dbye 'bul 'jog mdzad/phyir bgrod zhabs gom kha shas shig bskyon nas gdan thog bzhugs/skabs der g.yas ru'i ru sne 'khrid mi dang rta pa rnams btang chog ang gsar byed dgos/de mtshams rtsis khang nas bkod sgrig rta skad rgyag mi shod drung zhabs gsar gcig dang/rtsis phrug sras rnam pa gcig /dkyus pa gsum gral 'grigs nas bzhag /rta skad rgyag mi de tshos rta pa 'khri ba'i mi tshang gi ming dang kha grangs/mi rta/go khrab sogs tshang rtsis zhib bsher ngag lam nas byed srol ltar/drung 'khod des g.yas ru dang po sde dpon dga' bzhi pa gzab 'don dang bcas lta ba nyi shu tham pa 'grigs lags zhes dang/de mjug rtsis phrug dang pos rta shed bzang/mi go thang/rta sga sga 'khor kha gsar cha tshang dang bcas 'gas lags zhes 'bod/gnyis pas sog rmog shubs ldan/'ja' la'i rtsam mdongs me long bzhi thag bcas/byang khengs dang bcas 'grigs lags/gsum pas/go cha'i a khrab/kha sha'i sha dor/dpa' dam 'u thu su sgam shubs kha gsar/rta mdung sog rnga dang bcas 'grig lags/bzhi pas/sag thag mda' gzhu rgyun sbyar me da'i cha lag cha tshang dang bcas 'grig lags zer ba sogs de ltar rta thog klog rim bzhin r+papa rnams zhib bsher snyan seng bya dgos/g.yas ru'i lta pa rnams zhib shes zin 'a phral bka' shag gi gtsos shod skor dpon rigs tshang mas gzhung phyogs nas gsol ja dang sha 'bras gtong srol yod/dgung tshigs tshar rjes ya sor gzhon pas g.yon ru'i ru gzhong bka' blon gnyis pa'i gsol lcog steng gong bzhin 'jog 'bul zhus/rta pa rnams kyang gong ltar rtsis bshes zin rjes ya sor gnyis kyi gtsos rta dmag rnams la rtsis khang las khungs nas legs dar re g.yogs pa dang de rnams yis phyag 'bul zhus/dgung tshigs bar gseng du ya sor ngo las dang sog po ya sor gnyis bcas kyis sang nyin gtor rgyag nyin jo bo dbu skra'i rdo gcal steng sku phyag phul te phyir log phebs stangs skor nang sbyongs kyi ched rtse pho brang la zhal gzigs de phyag 'tshal/rtsis bshes mdzad sgo grub 'phral ra che mdun dang/rje 'bum sgang rgyud klu sbug sgar sar phyir log /de nyin lha sa ba dang/phyogs mtha'i mi sna gzab mchor za chas khyer te ltad mor bskyod mkhan mi nyung ba zhig yod

{{#arraymap:gra bzhi rtsis bsher

|; |@@@ | | }}