grub dbang dkon mchog 'phrin las dpal bzang po

grub dbang dkon mchog 'phrin las dpal bzang po

mtshan gzhan dge slong dpa' chung zhu/rje btsun 'di nyid 'bri gung sbra ga zhes pa'i 'brog sder yab bco lnga dang yum sgrol ma lha gnyis kyi rigs kyi myur gur rab byung bco lnga pa'i lcags byi (1900)lor sku bltams/dgung lo drug la be gung lug rtogs rgya mtshos dbu skra gtsug phud bzhes/dgung lo drug bdun nas bcu bdun bar rang khyim du phyugs rdzi mdzad de bzhugs skabs zha dang zhor la yig drug dang sgrol ma 'bum ther gsungs pa ma zan/rdo rje gcod pa chag med dang brgyad stong pa brgya tshar gsungs/byis pa'i dus nas khyim nas khyim mer par rab tu byung ba'i spyod par thugs shin tu mos par mdzad/dgung lo bcu bdun par 'bri gung rin chen dpal gyi gdan sar phebs te dbu skra breg /sgrub grwa'i khri dpon grub dbang tshe brtan rin po che'i drung nas sgrub brgyad lam gyi yang snying phyag rgya chen po lnga ldan gyi gdams pa gsan te nyams len la 'bad/dgung lo nyer dgu par bsnyen par rdzogs te mtshan dkon mchog 'phrin las su gsol/de nas zho smad dben pa'i ri'i bshad grwar phebs te 'tsho ba ngan ngon tsam la ban nas nyin mtshan bstud de dka' spyad snying rus chen pos thos bsam mdzad pas gzhung chen po'i dgongs pa'i gdan tshang ma thugs su chud pas bshad sgru'i mkhan po'i 'os su phebs/dgung lo so bzhi par gzhung chen bcu gsum cha lag dang bcas pa dang/theg chen bsten snying dang/dam chos dgongs pa gcig pa/rdzogs chen snying thig gi dbang dang khrid cha tshang bar gsan bsam mthar phyin mdzad/skyabs rje zhi ba'i blo grongs dang chos kyi 'byung gnas drung nas bka' brgyud gong ma'i gdams zab bum pa gang 'jo'i tshul du gsan pa sogs gdams pa'i mdzod kyis phyug pa'i mkhas btsun gyi phul du byung/bdag nyid chen po 'di nyid thos bsam gyi bya ba mjug bsgril rjes sgrub par gzhol ched 'bri gung gdan sa mthil du phebs nas mtshams grwa'i sgrigs su zhugs/grub dbang tshe brtan chen po che'i drung nas lnga ldan chos drug gi gdams pa mthar phyin zhus/mtshams khang gog hrug du nyin re phyur rtsam sbar phyed tsam la brten nas lo drug smra bcad 'dag sbyar gyis sgrub pa lhur bzhes mdzad pas nyams rtogs kyi yon tan khyad par can 'khrungs/de rjes slar lo gsum sku mtshams mdzad par bde drod kyi lang tsho rgyas te ras rkyang kho na gsol nas bzhugs thub pa sogs pa'i nyams rtogs bsam gyis mi khyab pa thugs la 'khrungs/de nas 'bri gung pa chen po'i gdan sa 'og min byang chub gling gi sgrub grwa'i chos 'chad sems khrid kyi slob dpon gyi khri la phebs te sgrub pa'i gtsug rgyan chen por gyur /dgung lo drug cu re gcig pa rab byung bcu drug pa lcags byi (1960)lo yas mas su dus kyi 'pho 'gyur gyis rkyen pas se ra theg chen gling du phebs te gsang gcod 'don pa sogs kyi ngal las snang tshogs mdzad dgos byung/dgung lo re gsum par 'bri gung du phebs rjes ri khrod 'grims nas sgrub pa nyams len kho nar bzhugs skabs yul lung gi 'go pa sogs kyi 'dri rtsad dang bkag nyar /phyugs rdzir skul 'debs/'bu nag gsod par 'bod bskong zhus pa dang/skye bo la las skyes bu dam pa 'di nyid la brnyas bcos dang/ngan smras/mthong chung ji 'dra byas kyang dge sbyong gi chos bzhir gnas nas gnod byed rnams la byams dang brtse bas rjes su 'dzin/dge slong rin po che chu chen por mi byin par skam sa'i thog byon pa ltar phar tshur phebs skyod dang/bzhugs gnas kyi spyil bur 'ja' 'od kyi gur khang phibs pa sogs yul de'i 'brog sde'i 'gro khrid nor dar bu dang 'bri gung skyabs mgon dkon mchog bstan 'dzin kun bzang 'phrin las lhun grub kyi gzim 'gag ye shes bstan 'dzin kyis dngos su mjal/dgung lo gya gnyis pa lcags bya lor 'bri gung mthil du phebs nas 'bru gung gling rin chen nyams gso dang/rba byung bcu drug pa'i shang glang lor gser khang gtsug lag khang du rje nyid nas mkhan po dang/grub dbang bstan 'dzin nyi mas slob dpon mdzad de kha skong grangs tshang gis dge 'dun lnga brgya tsam bsnyen par rdzogs/de nas bzung lo ltar bsnyen rdzogs kyi sdom pa gnang ba'i srol btsugs te rgyal ba'i bstan pa la phyag rjes rmad du byung ba 'jog par mdzad/'tsho ba'i thad sku tshe hril por 'dod chung chog shes kyi mdzad pa kho na bskyangs/de bzhin gdan sa rin po cher lo ltar rgyal lugs thugs rje chen po ma Ni'i 'bum sgrub dang/dbang bskur gyi srol slar gso/sgrub brgyud rin po che'i phyag bzhes ltar mtshams grwa gtan 'phel gyi sgrub grwa 'dzugs gnyer bya rgyu la sogs pa'i bsam gyis mi khyab pa'i mdzad pa bskyangs zin nas re zhig dgongs pa gzhan don du gshegs rgyu'i dgongs pa gtan par skyabs rje chos kyi snang ba sogs kyis gsol ba rtse gcig tu btab pas mthar lo gsum bzhugs rgyu'i zhal bzhes te 'bri mthil gsang sngags gsar ma'i gar 'cham gyi srol nyams gso dang/chos rje skyong pa rin po che'i dar sku dang/bstan snying dgongs gcig gi gsungs par brko rgyu/rten 'dzam gling rgyan dang/'du khang nyams gso bya dgos pa'i bka' slob mdzad de sngar lo gsum zhal bzhugs kyi dus tshod rdzogs mtshams bod rab byung bcu bdun pa'i sa 'brug (1988)lor bod zla 8pa'i tshes 27 nyin ngo mtshar ba'i ltas dang bcas re zhig gzugs sku chos dbyings su thim

{{#arraymap:grub dbang dkon mchog 'phrin las dpal bzang po

|; |@@@ | | }}