grwa pa mngon shes can

grwa pa mngon shes can

mtshan gzhan shes rab rgyal ba'am dbang phyug 'bar te/'di nyid bod chu byi (1012)lor gra nang khul la sku 'khrungs/dgung long chung ngu'i dus nas bsam yas kyi chos grwar byon/klu mes kyi mkhan bu yam shud rgyal ba'o dgal sa rab tu byung mtshan shes rab rgyal bar btags/der 'dus ba lo gcig gsan/rang gi khu bo zhang stong chos 'bar las mdo sngags kyi skor dang/gso ba rig pa/pha dam pa sangs rgyas las zhi byed skor dgu/kha che paN chen zla ba mgon po las sbyor drug gi gdams pa sogs gsan/yul gra la 'khrungs pas grwa pa dang/chos mngon pa la mkhyen rgya rgyas pas mngon shes zhes grags par gyur/khyad par du bsam yas dbu rtse'i bar khang gi ka ba bum pa can gyi 'og nas gso ba rig pa'i dpal ldan smad rgyud bzhi'i ma dpe sa pho stag lo ston zla ra ba'i tshes bco lnga'i nam phyed tsam la gter nas gdan drangs shing dpe las bshus te phyi mo rang gnas su bzhugs/dgung lo bdun cu par gra nang mdar dpal grang thang gi rmang bting dgu lo bdun cu don dgu pa rab byung gnyis pa'i lcags rta (1090)lor zhi bar gshegs pa'i tshe phal cher grub pa la/lhag par cung zad yod pa rnams dbon po 'byung shes dang 'byung tshul gnyis kyis lo gsum nang legs par bsgrubs/'di nyid kyis rgyud kyi bsdus don sogs phyag rtsom gnang zhing/slob ma yang gra ston 'bum lhas 'bar dang/gdon chung ston pa/dge bshes lhabs/b+han+d+ha byang chub sems dpa' sogs byung

{{#arraymap:grwa pa mngon shes can

|; |@@@ | | }}