gter ston las 'phro gling pa

gter ston las 'phro gling pa

gter ston chen po 'di nyin ku gcig la mtshan gsum yod pa ste/gter na las 'phro gling pa/rigs 'dzin 'ja' tshon snying po/sngags 'chang hUM nag me 'bar bcas so/_/rje 'di nyid kong yul wa hu gnam tshal du yab chos skyong mgon po dang yum ma sangs bu khrid gnyis kyi sras su rab byung bcu pa'i shing bya (1585)lor sku 'khrungs/sku chung ngu'i dus nas chos kyi bag chags ldan zhing/dgung lo gsum pa la phebs skabs yige 'bri klog la sbyangs pas tshegs med du mkhyen/rdo la phyag zhabs kyi rjes kyang mang du byung/gdung lo bcu gnyis nas nyi shur ma phebs par slob gnyer dang/lhag par gso rig la sbyangs pa mdzad pas mkhas par gyur/sku gzhon nu nas chos kho na la rtse gcig tu thugs 'dun gtad cing/'khor la skyo shas drug po 'khrungs ti chos rje mi pham bkra shis blo gros kyi drung du rab tu byung/mtshan ngag dbang chos rgyal dbang por gsol/gsang sngags kyi dbang khrid lugs sogs gdams pa mtha' yas pa gsan cing rtse gcig tu sgrub pa kho nas dus 'da' bar mdzad/zhabs drung nor bu rgyan pa/'brug pa thams cad mkhyen pa/mnyam med lha rtse ba sogs las mdo sngags bka' gter gser rnying mtha' yas pa gsan/khyad par lha rtse ba las bsnyen rdzogs zhus/lo ngo bcu bdun du 'dag sbyar gyis sgrub pa mdzad pa'i dus su gter gyi lung bstan mang du byung rung ji mi snyam ra bzhag kyang chos rje rin chen mi pham bkra shis blo gros kyis thugs skul mdzad 'og lcags sprel (1620)lor gter gyi thog mar mtsho rgyal gyi phyag bris ma dang gter gyi kha byang bzhes/de nas brag lung ham 'phrang lcags kyi+o mo nas yang zab dkon mchog spyi 'dus sogs gsang gter du bzhes nas gter sgrub dang gsang rgya mthar phyin pa mdzad/gzhan yang kong po bu chu dang dang/byang 'ang mdzes zhes ljon pa lung gi gnas sgo dang/snyel mo lha ri/kong 'phrang dge 'dun gnas dbu ru zhwa'i lha khang sogs nas zab gter mang po spyan drangs thog /dkon mchog spyi 'dus sogs 'ga' zhig gnang gter las pher cher khrom gter mdzad/skal ldan mang po rjes su bzung nas bka' gter gsar rnying gi chos tshul mang po'i smin grol gyi bdud rtsi bstsal/rje nyid sku btsan zhing dge slong gi dngos po las mi 'da' bar kun spang gi mdzad pa spyod bzhin du gdul bya rnams kyang tshul der bkra shis te yang dag pa'i lam la gzhol zhing bab par mdzad/bang ri 'jog pa zhes nyid kyis gnas sgo sa pa'i gnas khyad pa 'phags der sgrub sde btab/dngos brgyud rnams kyis legs par bskyangs/chos bdag gi gtso bo sgam po zhabs drung nor bu rgyan pa dang/de bzhin karma chos dbyings rdo rje/zhwa dmar ba chos kyi dbang phyug /thams cad mkhyen pa dpag bsam dang po/'bri khung rig 'dzin chos kyi grags pa sogs chos bdag chen mang zhing chos brgyud kyang phyogs thams cad du dar rgyas che/zab chos 'di nyid nyams su blas pas 'od lus grub pa'i lo rgyus mi dbang bsod nams stobs rgyas kyis dwags po'i yogs su gnyis byung bar gsungs/de ltar bstan 'gro'i don rgya cher mdzad cing/skal ldan gyi gdul bya du ma smin grol gyi lam du bkra bzhin par dgung grangs donag nyis la phebs par rab byung bcu gcig pa'i me sprel (1657)lor bang ri'i 'jog por 'das

{{#arraymap:gter ston las 'phro gling pa

|; |@@@ | | }}