gter ston rat+na gling pa

gter ston rat+na gling pa

gter ston 'di nyid lho brag gru shul du yab phyug po mdo sde dar dang yum sri thar sman gnyis kyi sras su rab byung bdun pa'i chu lug (1403)lor 'khrungs/mtshan rin chen dar zhes gsol/dgung lo drug pa la yab kyis yi ge 'bri klog bslabs pas tshags med du mkhyen/chos kyi gsan pa'ang rgya cher mdzad/sku gzhon nu'i dus thugs rgod cing lus stsal sogs la gzhan gyis 'gran du med par grags shing/bzo/gso ba/sgra snyan ngag sogs dang/glo gro tshun la shin tu mkhas/dgung lo nyer gnyis nas srid kyi bya ba mdzad/dgu ngalo nyer bdun la phebs skabs gu ru rin po ches gter gyi kha byang dngos su gnang/dgung lo sum cu par khyung chen brag nas dbu btsugs te 'bri thang ko ro brag dang/lho grag gnam skas/mkhar chu dpal gyi phug ring sogs nas snga rjes su gter nyi shu rtsa lnga bzhes/shing yos (1435)lor karma pa mthong ba don ldan mjal bar phebs nas bka' chos mang du gsan/dgung lo so drug par chos rje zla ba grags pa dang mjal nas rdzogs pa chen po'i chos bka' ji snyed gsan/mngon shes dang rdzu 'phrul gyi bkod pa mang po bstan/thugs sgrub/sman sgrub/skye bdun ril sgrub mdzad skabs dang/dbang khrid gdams ngag bstsal ba sogs kyi dus su 'ja' 'od me tog dang/smin yos kyi dri bzang khyab pa'i ngo mtshar brjod las 'das/sku thog sum gyi gter skal sku thog 'di rang du bzhes pas zhig po gling po/'gro 'dul gling/rat+na gling pa zhes mtshan gsum du grags/stod ngas ri ti se nas smad mdo khams rgyal mo rong yan chad 'gro ba dpag med la dam pa'i chos kyi skal ba bstsal/gsung mgur dang/rtsod zlog /chos 'byung/dbang khrid/zhal gdams sogs bstan bcos kyang mang du mdzad/brgyud 'dzin slob ma'i tshogs kyang karma pa mthong ba don ldan/sne gdong gong ma chen po/kun dga' legs pa'i 'byung ba'i gnas/'brug pa rgyal dbang chos rje smyos mthing ma ba yar lung sprul sku'i rgyud pa sman rtse pa bsam grub rgyal po/rtag mgos chos rje/za ra ba/brag sna chos rje sas mang du byung/de ltar gdung bya dang phrin las mthar phyin nas dgung lo don drug la phebs pa rab byung brgyad pa'i sa khyi (1478)lor gzugs sku'i bkod pa bsdus so/_

{{#arraymap:gter ston rat+na gling pa

|; |@@@ | | }}