karma pa chos grags rgya mtsho

karma pa chos grags rgya mtsho

(karma pa sku phreng bdun pa )'khrungs yul bar khams rngod kyi spyi mda' zhes bya bar rab byung brgyad pa'i shing khyi (1454)lor yab sngags 'chang grags pa dpal grub dang/yum jo dar bza' lha mo skyid gnyis kyi sras su 'khrungs/byis pa gzhan dang mi 'dra pa'i sku gsung thugs kyi khyad chos ngo mtshar can mang du mnga' bar brten sku gong ma'i dngos slob snye bo dar steng dgon pa'i mkhan po chos dpal 'byor gyis karma pa mthong ba don ldan gyi sprul sku yin min brtag dpyad mang po mdzad pas sku gong ma'i nyer spyad ngos 'dzin dang/bka' lan gnang stangs bcas 'khrul med byung bas sprul sku yin par yid ches thob cing/zla ba ngo dgu bzhes pan go shri rin po che dbus nas phebs te slar yang brtag dpyad dang bcas ngos 'dzin mdzad de karma pa sku phreng drug pa'i yang srid du thag bcad nas khri la bkod/dgung lo dgu la phebs pa chu rta (1462)lor khams kyi gdan sa karmar phebs/go shri rin po che'i drung nas dge bsnyen gyi sdom pa bzhes/dgung lo bcu gnyis pa shing bya (1465)lor kun mkhyen dpal bzang pos mkhan po dang/go shri dpal 'byor don grub kyis las kyi slob dpon mdzad de dge tshul gyi sdom bzhes/chos grags rgya mtshor gsol/mkhan po'i drung nas 'dul ba'i bslab bya dang lag len rnams dang/gzhan yang mdo sngags kyi chos bka' mang du gsan/tA ming rgyal rabs kyi gong ma khreng h+pha rgyal po'i khri lo dgu pa chu sbrul (1473)lor go shri bsod nams rgya mtsho dang/nyi ma 'od zer bcas kyi gdong lung dang/'ja' sa/dbu zhwa zhwa nag /mu tig gis spras pa'i snam sbyar/gser bre chen/gos dar spug khri bcas 'bul rgyur bskur/dgung lo nyi shu rtsa gsum pa la (sangs rgyas kyi skyems rabs brgya rtsa'i don bsdus )brtsams par mdzad/dgung lo nyi shu rtsa bzhi pa me bya (1477)lor bar khams brgyud nas mtshur phu'i gdan sar phebs te lo shas bzhugs shing/slar yang khams phyogs su 'gro don bskyangs pa 'debs pa/'khrugs rtsod bar 'dum mdzad pa sogs grangs las 'das/lhag par du dbus gtsang gnyis su karma bka' brgyud dang/dge lugs pa'i bar gyi 'gal la che ba dang/bya pa ri dpon bkra shis dar rgyas dang/rin spungs don yon rdo rje gnyis kyis dge lugs ming med du gtong ba'i 'khrugs pa chen po bslang skabs grub mtha'i phyogs lhung phyogs 'gal la brten pa'i dmag 'khrugs byas na mi 'os mkhan ha cang dkon pa byung 'dug /dgung lo nga gsum lor kor por phebs bzhugs skabs su sku skye ba gang da 'byon pa'i zhal chems phyag bris gnang ste glo bur du dgongs pa mya ngan las 'das/sku gdung zhugs 'bul zhus pa'i sku'i sgal tshigs la rten ngo mtshar can yon pa kong po rtse lha sgang gi gser gdung nang gzungs su phul/gsung rtsom skor (phar phyin mngon rtogs rgyan gyi 'grel pa 'jig rten gsum gyi sgron me )dang/(tshan ma sde bdun gyi rgyas 'grel rigs gzhung rgya mtsho ) (dbu ma'i lta khrid ) (phyag chen rgya gzhung gi khrid yig chen mo ) (dbu tshan chos 'byung chen po )sogs khyon bsdoms pod chen brgyad tsam yod/de'i nang nas phar phyin dang tshad ma sde bdun gyi 'grel chen gnyis ni 'grel pa gzhan dag dang mi 'dra ba'i 'chad tshul thun mong ma yin pa'i khyad chos ldan pa zhig yin/zhib par (chos 'byung mkhas pa'i dga' ston )lcags dpar ma'i grangs 1032nas 1115bar dang (kam tshang chos 'byung )pod dang po'i shog grangs 266nas 298bar gsal zhing/nang don phan tshul kha gsab bya rgyu mang tsam 'dug pas zhib bsdur gnang dgos

{{#arraymap:karma pa chos grags rgya mtsho

|; |@@@ | | }}