karma pa dus gsum mkhyen pa

karma pa dus gsum mkhyen pa

(karma pa sku phreng dang po )'khrungs yul mdo khams kre shod du yab sgom pa rdo rje mgon dang yum lha thog bza' sgam lcam ming 'dren pa'i sras su rab byung gnyis pa'i lcags stag (1110)lor sku 'khrungs/chung dus kyi mtshan la dge 'phel zhu/dgung lo bcu drug pa shing sbrul (1125)lor chos 'khor ka rag tu rngog lo tsA ba'i slob ma mchog gi bla mas mkhan po dang/chag seng ge grags kyis slob dpon mdzad de rab byung bzhes pa'i mtshan la chos kyi grags pa zhes gsol/khong gnyis kyi drung nas 'dul ba dang bka' gdams kyi chos skor 'ga' zhig gsan/dgung lo dgu pa sa sprel (1128)lor khams nas dbus su byon/de'i phyi lo stod lung du phebs nas rgya dmar ba dang/phya pa chos kyi seng ge /pa tshab lo tsA ba nyi ma grags pa bcas kyi drug nas phar phyin dang/dbu ma/tshad ma bcas gsan/mal 'dul ba 'dzin pas mkhan po dang/gzhal yang dge bshes sha ra ba dang/rnal 'byor pa shes rab rdo rje/rga lo tsA ba/khams pa a seng/yol chos dbang rol pa mgar dge sogs bla ma mang du bsten te bka' gdams kyi gzhung dang/man ngag /dus 'khor mgon po bya rog ma/phag mo/kyai rdor/sa skya ba'i lam 'bras/zhi byed sogs skabs der bod du yongs su grags pa'i chos bka' thams cad gsan/dgung lo sum cu pa sa lug (1139)lor rje sgam po pa khu dbon gnyis dang mjal/gsang sngags thabs lam gyi skor gsan nas lo gsum gyi bar sgom sgrub la 'bad brtson gnang bas na bza' ras kyang thub pa byung/rje sgam po bas lung bstan pa ltar zangs ri dang/phag mo gru/'ol kha/mon pa gro stag tshang sogs gnas mang por phebs te sgom sgrub kho na mdzad/mon gyi rgyal po ga thung gis sbyin bdag zhus nas lo gcig ring ri khrod du bzhugs/rje btsun ras nga pa bsten nas rje mi la ras pa'i zhal gdams cha tshang ba gsan/rje sgam po pa sku mya ngan las 'das khar lung bstan pa ltar gnas nges med du mdzad pa'i ngang nas rlung la rang dbang thob pa'i rtags gsal po byung/dgung lo lnga bcu pa sa yos (1159)lor mtshur phu'i brag rtsar zhag 'ga' shas bzhugs te dgon pa dang gtsug lag khang chags pa'i rten 'a brel dang thugs smon mdzad/de nas khams su byon nas dben gnas mang por sgrub pa mdzad/dgung lo lnga bcur nga lnga pa shing sprel (1164)lor kam po gnas nang du phebs te gnas gzhi bzung bar mdzad/dgung lo bdun cu don bdun pa shing sbrul la karma pa'i dgos pa phyag btab/de'i phyi lo khams nas dbus su phebs/'bri gung skyob pa rin po che dwags lha sgam por bzhugs pa dang mjal nas chos gsan res mdzad/dgung lo brgyad cu rtsa bzhir phebs pa chu glang (1189)lor stod lung du mtshur phu'i dgon pa dngos su phyag btab/dgung lo brgyad cu rtsa bzhir phebs pa chu glang (1193)lor mtshur phu'i gdan sa rang du sku gshegs/sku gdung zhugs 'bul zhugs pa'i gdung la ring bsrel sogs byon pa rnams gdung rten gser gdung 'bras spungs mchod rten gyi dbyibs 'dra ba zhig bzhengs pa mtshur phu'i dgon pa rang du bzhugs/lo rgyus zhib pa (lho rong chos 'byung )bris ma'i shog grangs 177nas 182bar dang/(mkhas pa'i dga' ston )shog grangs 859nas 870bar/(kam tshang chos 'byung )pod dang po'i shog grangs 2nas 23bar gsal/gzhan yang (karma pa dus gsum mkhyen pa'i rnam thar dgos 'dod kun 'byung )dri med dpal ye shes kyis mdzad pa bris ma shog grangs 28yod pa zhig 'dug yang zhib cha lta ba'i go skabs ma rnyed lags

{{#arraymap:karma pa dus gsum mkhyen pa

|; |@@@ | | }}