karma pa rol pa'i rdo rje

karma pa rol pa'i rdo rje

(karma pa sku phreng bzhi pa )'khrungs yul mdo khams lho brgyud lung chen bco brgyad kyi nang tshang rngo a la rong gi a la spang dkar zhes par yab lha ldong bsod nams don grub dang/yum mdza' bza' brtson 'grus gnyis kyi sras su rab byung drug pa'i lcags 'brug (1340)lor 'khrungs/dgung lo gsum bzhes pa na nga karma pa k+Shi yin gsung ba sogs sngon gnas rjes dran gyi gsung mang po gnang bas rje gong ma'i zhal slob rnams yid ches par mdzad/dgung lo bdun nas bzung rtogs ldan mgon po rgyal mtshan gyi drung nas nA ro chos drug dang/bde mchog /kyai rdor sogs kyi dbang dang khrid kyi rim pa mang po gsan/gzhan yang rtogs ldan ye rgyal pa/rdza gshong ba shes rab dpal bzang/slob dpon blo gros seng ge sogs kyi drung nas gsang sngags gsar rnying gi chos skor dang phar phyin sogs gsan/dgung lo bcu gsum pa chu 'brug (1352)lor ko nas dwags po brgyud lha sa dang mtshur phur phebs/tshogs dge lugs sgang pa'i chos rje don grub dpal gyis mkhan po dang/rje btsun bsod nams 'bum gyis dus go ba mdzad de dge tshul gyi sdom pa bzhes/gsang sngags snga 'gyur gyi mkhas grub chen po g.yung ston rdo rje dpal ba'i drung nas gsang sngags gsar rnying gi chos skor mang du gsan/dgu lo bcu brgyad pa mnga' bshol rtsis pa'i nyi shu bzhes pa me bya (1357)lor sngar gyi mkhan slob de rang gi drung nas bsnyen rdzogs kyi sdom pa bzhes/de nas bzung sha chang zhal du gsol ba lta zhog /sku'i nye 'khor du dri bro ba tsam mi mdzad cing/sku 'khor rnams la sha chang gi ston mo 'grims mi chog pa/zhabs 'bring pa yang dge slong khrims gtsang rkyang pas zhu ba sogs mdzad spyod 'gran zla bral ba bzhugs/lo de'i nang yon rgyal rabs kyi gong ma tho kan the'i mur gyis hor bod kyi gser yig pa mang po mngags te pe cin pho brang du gdan 'dren zhu par slebs (gong ma'i bka' yig bod skad du bsgyur ba cha tshang (kam tshang chos 'byung )pong dang po'i shog grangs 176par gsal)pa ltar sa khyi (1358)lor mtshur phur nas phebs thon gyis mdo khams lho brgyud nas phebs pa'i lam bar du sde tshan phun 'khrug pa che ba mang po bar 'dum mdzad pa kho nar yar 'gro mgron gser srang nyis stong skor dang/rta bdun brgya/ja sig chen lnga brgya tsam phangs med du gtong gnang mdzad pa sogs chos srid kyi mdzad pa rgya che bas lam bar yun ring 'gor ste mtsho sngon brgyud nas phebs/mtsho sngon du phebs 'byor skabs rje tsong kha pa chen po dgung lo gsum bzhes pa mjal nas dge bsnyen gyi sdom pa gnang ste mtshan kun dga' snying por gsol zhing/bstan pa la phan pa'i skyes bu dam pa yin par lung bstan/lcags byi (1360)lor shing kun sde chen sogs brgyud nas pe cin pho brang chen por phebs/gong ma tho kan the'i mur dang mjal/gong mar rje btsun rdo rje rnal 'byor ma'i byin rlabs dang/khrid/nA ro chos drug /phyag chen/sku gsum ngo sprod bcas gnang/gzhan yang dpon chen dang/ser skya dmangs bcas la rang rang gi 'dod mos dang mtshams pa'i mdo sngags kyi chos bka' mang du gnang ste lo ngo gsum gyi ring bzhugs/de nas gong ma rgyal blon rnams la rgyal srid dang gong ma'i tshe srog la bar chad chen po yod pas bod du phyir log phebs rgyu'i bka' gnang ste/rgyal blon tshang mas yun ring bar mchod gnas su bzhugs pa'i zhu ba nan tan yang yang zhus par ma gsan par chu stag (1362)lo'i lo 'gor pe cin nas bod phyogs su phyir phebs gnang ba'i lan kan su'u dang/mtsho sngon brgyud nas mdo khams lho brgyud/'ba' thang/kong po/tsA ri sogs gnas thams cad du phebs pas lam bar lo ngo bcu tsam thugs 'gor byung te dgung lo zhe bzhi bzhes pa rang byung drug pa'i chu phag (1383)lor kong po zho khar dgongs pa gzhan don du gshegs/sku gdung zhugs 'bul zhus pa'i gdung thal rnams mtshur phu dgon par gdan drangs te dngul bre chen brgyad cu (dngul srang nyis stong lnga brgya drug cu )las grub pa'i gdung rten bzhengs pa'i nang du bzhugs/gsung rtsom kha shas kyi mtshan byang rnam thar nang gsal yang gsung 'bum phyogs bsgrigs byas pa da phan mjal ma byung/lo rgyus zhib pa dngos slob mkhas pa'i dbang po karma dkon ma chog gzhon nus mdzad pa'i kha byang du (chos rje rol pa'i rdo rje'i rnam thar mkhas pa dga' byed )bris ma shog grangs 106yod pa zhig 'dug pa de dang/(kam tshang chos 'byung )pod dang po'i shog grangs 161nas 198bar gsal ba gnyis tshig sbyor tsam las nang don khyad par mi 'dug lags

{{#arraymap:karma pa rol pa'i rdo rje

|; |@@@ | | }}