karma pak+Shi

karma pak+Shi

(karma pa sku phreng gnyis pa )karma pa sku phreng dang po dus gsum mkhyen pa sku 'das nas lo bcu gsum song ba na sku phreng gnyis pa karma pak+Shi'am chos kyi bla ma/rab byung gsum pa'i shing byi (1204)lor 'khrungs yul mdo khams dam pa chos phyug gi yul du yab rgya dbang tshur tsha dang/yum seng bzang a skyid kyi sras su 'khrungs/dgung lo lnga nas bcu'i bar 'bri klog sbyangs/dgu lo bcu gcig par rab tu byung ba'i mtshan chos kyi bla mar gsol/dgung lo lon nas ka thog pa byams pa 'bum gyis mkhan po dang/rin po che spong brag pas slob dpon mdzad nas dge slong gi sdom pa bzhes/rin po che de nyid kyi drung nas mdo sngags kyi chos mang du gnas cing sku ma gshegs bar du phyag phyir 'bral med du bzhugs shing/spong brag pa sku gshegs rjes khams khul gyi gnas chen kha ba dkar po sogs dben gnang mang por p+sagom sgrub mdzad/rlung sems gnyis la rang dbang thob ste grub pa'i go 'phang mthon por phebs/de nas byang lam brgyud nas 'bri gung dang mtshur phur phebs te lo drug rim der bzhugs nas dgon pa nyams gsos mdzad/de sngon khams su bzhugs dus yon gong ma'i rgyal sras hu pe lis dmag dpon mdzad nas khams su 'byor ba dang phan tshul mjal myong ba'i stabs kyis hu pe lis zhu yig rten bcas bskur nas mchod gnas su phebs dgos pa'i gdan 'dren 'byor pa ltar rab byung bzhi pa'i shing stag (1254)lor bar khams kyi lam brgyud nas sog yul du phebs/rgyal sras hu pe li dang mjal nas chos mang du gsungs/me 'brug (1256)lor yon rgyal rabs kyi gong ma mong gol han dang mjal nas gong ma ma gshegs kyi bar du lo ngo lnga'i ring mchod gnas mdzad/lcags sprel (1260)lor gong ma mong gol han 'das rjes rgyal sras a ri bo ga dang/hu pe li gnyis gong ma'i go gnas 'phrogs pa'i 'khrugs rtsod byung mthar a ri bo ga phab nas hu pe li gong ma'i khrir 'khod/hu pe li rang nyid sngar nas mong gol han khul dbon gnyis la sems ma rangs pa yod pa'i thog /karma pak+Shi mchog thog mar sog yul du mchod gnas la gdan 'dren mkhan u pe li yin kyang der ma bzhugs par gong ma mong gol han gyi mchod gnas su bzhugs shing/rgyal sras mang po dbang gnas sbas su yang hu pe li dbang gral nas phud pa bcas gnang ba'i rkyen gyis ha cang khros te btson du bcug mtshon cha mang po btab pa dang/me la bsregs pa/chu la bskyur ba/dug ster ba sogs gnod 'tshe grangs med byas kyang rlung sems la rang dbang thob pa'i stobs kyis skyon ci yang ma byung bar brten rgya mtsho chen po'i mtha' 'gram du lo ngo gsum ring rgyang phung btang/de nas yang tshur gdan drangs te lha khang gcig gi nang du btson la bcug ste gsol zas sogs gang yang med par zhag bdun ring bzhag kyang sku lus dang sku srog la skyon gang yang med par brten rgyal po hu pe li dad pa skyes te bshags pa phul nas mu mthud mchod gnas su bzhugs par zhus yang ma gnang bar bod du phyir phebs pa'i lam bar lo brgyad tsam 'gor/mtshur phur phebs te rab byung bzhi pa'i shing byi (1264)lor mtshur phu'i lha khang chen mor gser zangs kyi lha chen 'dom bcu gsum (spyi khre 26)tsam yod pa dang/de'i mtha' bskor du byams pa dang/spyan ras gzigs/rgyal ba rigs lnga bcas kyi ldem sku/gser dngul las grub pa'i bka' 'gyur sogs rten gsum grangs las 'das pa bzhengs/dgung lo don bzhi pa rab byung lnga pa'i chu lug (1283)lor sku gshegs/sku gdung zhugs la phul ba'i gdung thal sogs gdan sa gong 'og gi gdung rten nang du bzhugs/dam pa 'di'i lo rgyus rgyas pa (mkhas pa'i dga' ston )shog grangs 880nas 913bar dang/(kam tshang chos 'byung )pod dang po'i shog grangs 38par gsal/gsung rtsom pod 16yod ces (mkhas pa'i dga' ston)shog grangs 1313la gsal/gzhan yang (chos rje karma pa chen po'i rnam thar bsam yas lha yi lnga chen )dri med dpal ye shes kyis mdzad pa bris ma shog grangs 34can zhig 'dug kyang kho bos zhib par mjal ba'i go skabs ma thob

{{#arraymap:karma pak+Shi

|; |@@@ | | }}