khri chen ngag dbang mchog ldan

khri chen ngag dbang mchog ldan

(dga' ldan khri thog nga bzhi pa )rwa sgreng mchog sprul rin po che'i sku phreng dang po yin/mdo smad gcan tsha yul gyi le lag dkar mo phug tu yan nang so phyag rdor bkra shes dang yum sbo chog gnyis kyi sras su rab byung bcu gcig pa'i me sbrul (1677)lor sku 'khrungs/byis pa'i dus nas nam mnyam gzhan dang mi ra ba kun spyod bzang zhing mkhyen rab kyi rtsal zla med pa zhig ste/yam yum gnyis la rab byung gnang rgyu'i thugs bzhed yod tshul gsungs pa bzhin bya khyung dgon par mkhan po ngag dbang tshul khris kyi drung du gtsug phug phul nas rab byung mdzad par mdzad la ngag dbang mchog ldan zhes gsol zhing/dge tshul gyi sdom pa yang mkhan po de nyid kyi drung nas bzhes/dgung lo bco lnga pa rab byung bcu gnyis pa'i lcags lug (1691)lor dbus su phebs nas ser byes grwa tshang bsam blo khang tshan du chos zhugs mdzad /bsdus grwa nas mdzod kyi bar gzhung chen po lngar sbyangs pa mthar phyin pa mdzad/dgung lo nye shu pa me byi (1696)lor gsang phur phar phyin gyi grwa skor mdzad/dgung lo nyer lnga pa lcags sprul (1701)lor dge bshes lha rams pa'i grwa skor dam bca' mdzad/de nas khres po bsnams te bkra shis lhun por paN chen rin po che blo bzang ye shes mjal bar phebs nas bsnyen rdzogs kyi sdom pa bzhes/de nas rgyud smad grwa tshang du chos zhugs mdzad de mkhan chen dge 'dun phun tshogs kyi drung nas gsang sngags kyi chos skor mang po gsan zhing/sngags rabs pa'i dam bca'i grwa skor yang gnang/dgung lo nyer dgu pa shing bya (1705)lor rgyud pa'i dge bskos kyi khur bzhes/de nas yab yum gnyis nas nan gyis bskul ba bzhin rang yul du phebs nas lo ngo bzhi tsam bzhugs dgos byung/dgung lo so gsum pa sa glang (1709)lor slar yang dbus su phebs nas rgyud grwar mu mthud nas chos sgrigs gnang/dgung lo so bzhi pa lcags stag (1710)lor sa gnas srid gzhung gis mnga' ris mtho lding dgon pa'i mkhan po bskos pa bzhin phebs nas lo bdud gyi ring chos srid gnyis 'i thog nas 'dzin skyong legs par gnang/snga rjes su paN chen rin po che dang/rgyud smad mkhan chen dge 'dun phun tshogs/sgrub khang dge legs rgya mtsho/'jam dbyangs bde ba'i rdo rje sogs bla ma mang po'i drung nas mdo sngags kyi chos rgyun rgya cher gsan/dgung lo zhe gsum pa sa phag (1719)lor rgyud smad grwa tshang gi mkhan po'i khrir phebs/mkhan po lo bcu mdzad ring chos 'chad nyan kyi mdzad sgo gong 'phel thog /de sngon rgyud smad du gsang 'dus dang 'jigs byed gnyid kyi sgrub mchod ma gtogs bde mchog gi sgrub mchod mdzad srol med par brten rje 'dis gsar 'dzugs thog /de'i mthun rkyen chos gzhis sa gnas srid gzhung la zhu gnas mdzad pa bzhin glang ra'i gzhis ka phul/dgung lo nga gnyis pa sa sprel (1728)lor tA la'i bla ma rin po che sku phreng bdun pa bskal bzang rgya mtsho'i yongs 'dzin du gdan drangs pa ltar phebs te/gsang sngags kyi dbang khrid/lung/man ngag thams cad cha tshang bar 'bul gnang gis lo ngo nyi shu rtsa bzhi'i ring yongs 'dzin gyi khur bzhes/dgung lo re gsum pa rab byung bcu gnyis pa'i sa lug (1739)lor dga' ldan gyi khrir phebs/dga' ldan khri pa'i mdzad sgo gal che'i rigs sngar rgyud thog dbus gtsang khams gsum sog yul bcad nas dad 'dus kyi slob ma rnams la rang rang gi re 'dod dang 'tshams pa'i mdo gas kyi chos rgyun chad med par gnang bas zhal slob ni grangs las 'das/khri lo bdud gtsang nas lo shas ring po tA lar rgyun bzhugs mdzad mur/rgyal dbang mchog la rwa sgreng dgon pa rgyun bzhugs gnang yul du gsol stsol yong ba'i re 'dun zhu gnang ltar phul/de nas bzung sku phreng rim byon la rwa sgreng chen po chen zhes mtshan 'bod zhu gsol byung/dgung lo don lnga pa rab byung bcu gsum pa'i lcags lug (1751)lor rwa reng dgos par phebs te sku gshegs/rnam thar skor/lcang skya rin po che rol pa'i rdo rjes mdzad pa kha byung du (dga' ldan khri rin po che nor min han gyi rnam thar mkha' spyod grub pa'i gtam snyan lha'i rnga bo che )shog grangs go gnyis yod pa dam pa de'i gsung 'bum du bzhugs shing/de las bsdus pa/ser smad mkhan po grags pa mkhas grub kyis mdzad pa'i )dga' ldan khri chen rim byon gyi rnam thar )phyogs bsgrigs tshe lan (nya)par shog grangs bcu gnyis yod/sku phreng gnyis pa khri chen bstan pa rab rgyas/li thang du rab byung bcu gsum pa'i sa yos (1759)lor sku 'khrungs te dgung lo nga bdun pa rab byung bcu bzhi pa'i shing phag (1815)lor sku gshegs/sku phreng gsum pa ngag dbang ye shes tshul khrims rgyal mtshan rab byung bcu bzhi pa'i me glang (1817)lor 'khrungs te rab byung bcu bzhi pa'i chu phag (1863)lor sku gshegs/sku phreng lnga pa thub bstan 'jam dpal ye shes bstan pa'i rgyal mtshan rab byung bco lnga pa'i chu byi (1912)lor sku 'khrungs/dgung lo so drug pa rab byung bcu drug pa'i me phag (1947)lor srid skyong stag brag rin po che dang 'gal zlar gyur pa'i nang dbyin jir dga' mkhan phyogs khag gis sku bkrongs zer/sku phreng ga pa da lta'i mchog sprul rin po che bstan 'dzin 'jigs med mthu stobs dbang phyug rab byung bcu drug pa'i sa byi (1948)lor sku 'khrungs te rab byung bcu bdun pa me glang (1997)lor sku gshegs

{{#arraymap:khri chen ngag dbang mchog ldan

|; |@@@ | | }}