khri chen smon lam dpal ba

khri chen smon lam dpal ba

(dga' ldan khri thog brgyad pa )g.yas ru byang rgyud du sngags pa zhig gi sras su rab byung bdun pa'i shing rta (1414)lor 'khrungs/rje dge 'dun grub pa'i drung du gzhung chen po lnga la sbyangs nas mkhas pa chen por gyur/rje btsun shes rab seng ge'i drung nas gsang sngags kyi chos skor mi nyung ba zhig gsan/rtsed thang chos grwar gzhung chen sum cu so drug gi grwa skor dang bshad pa mdzad/sne gdong pho brang du byams chen rab 'byams pa sangs rgyas 'phel dang rtsod gleng mdzad pas rab 'byams pa thugs dgyes pa'i rtser son/de nas gtsang gi grwa tshang chen mo/nyang stod dgon gsar/snye mo rgyal byed tshal/se ra theg chen gling/dga' ldan shar rtse bcas su 'chad nyan gyi slob dpon mdzad pas stod smad kun tu slob mas khyab pa byung/rab byung brgyad pa'i sa phag (1470)lor rje tsong kha pa sku gshegs nas lo drug re gcig pa yin stabs de'i skeg thog la shar rtse dang byang rtse'i bar rtsod gleng byung ba bar 'dums mdzad/dgung lo re bdun pa lcags byi (1480)lor dga' ldan gyi khrir phebs nas lo ngo bcu'i ring skyong zhing/de'i ring 'bras spungs kyi khri pa yang chabs cig tu mdzad/dga' ldan dang 'bras spungs su sku gsum thugs na mang du bzhengs/dgung lo don brgyad pa lcags phag (1491)lor rtse po tA lar sku gshegs/sku gdung zhugs 'bul zhus par rten ngo mtshar can byon pa rnams rnam rgyal mchod rten 'di khri chen ba so chos kyi rgyal mtshan gyi gdung rten gyi g.yas ngos su yod/gsum rtsom skor/(rnam 'grel le'u bzhi'i Tik+ka )shin tu gsal ba yongs grags su smon Tika tu grags pa bkra shis lhun po'i dpar ma shog grangs 408yod/lo rgyus skor/las chen kun dga' rgyal mtshan kyis mdzad pa'i (bka' gdams chos 'byung )dpar ma'i shog grangs 371par gsal

{{#arraymap:khri chen smon lam dpal ba

|; |@@@ | | }}