khri chen yang steng pa blo bzang chos 'phel

khri chen yang steng pa blo bzang chos 'phel

(dga' ldan khri thog zhe bdun pa )rab byung bcu gnyis pa'i lo 'gor tsam du mdo khams khul gyi 'dabs yang steng dgon dang nye bar spa smad rgyal po'am dbang nges dpon tsang du grags pa'i rigs rus kyi rgyud du sku bltams/sku na chung dus 'dabs yang steng dgos kyi sgrigs su zhugs kyang thugs la dbus gtsang gi grwa sa chen por song nas mdo sngags yongs rdzogs la sbyangs pa mthar phyin pa zhig byed rgyu byung na ci ma rung dgongs nas yod mur/rkyen gzhan dag gis kyang bskul te dbus su phebs/thog mar dga' ldan gdan sa chen po'i shar rtse grwa tshang gi sgrigs su zhugs nas lo shas slob gnyer mdzad cing bzhugs mus su kha phyir bltas kyi thos bsam slob gnyer 'di 'dra dgos pa mi 'dug dgongs te grwa sa'i sgrigs nas 'then thog pha yul gyi dben gnas shig la sgrub pa nyams len zhig byed dgongs te dbus stod 'bri gung bar du phebs nas sngon chad slob gnyer byas pa la dgos pa byung e 'dug dgongs nas thugs bsam bzhes pa na/rang mnyam gzhan dag gi slob gnyer byed tshul dang mi 'dra ba'i go rtogs bzang po byung yod pa mkhyen nas slar yang slob gnyer mu mthun nas gnang 'dod kyis phebs kyang/skabs 'phral dga' ldan gyi sgrigs khongs nas 'then te nyin shas las ma song bar brten ser smad grwa tshang du zhugs te phar phyin gyi mjug nas bzung gzhung chen po lnga'i slob gnyer mthar phyin pa mdzad de dge bshes mtshan btags kyang thon/de rjes rgyud stod du mkhan chen dge 'dun grags pa dang/mkhan chen blo bzang dge legs sogs bla mar bsten nas gsang sngags kyi skor la/dbang/khrid/lag len bshad pa sogs cha tshang bar gsan cing byang chub par mdzad/zhar la bla ma bzang po'i drung nas mdo gas ka cho sa mtha' yas pa gsan/ring por ma song bar grwa dmangs kyi 'dod mos bzhin bla ma dbu mdzad kyi khrir phebs/de'i ring 'jam dpal rang bzhin ma'i dbyangs bka' rgya ma dang/mgo chos gnyis kyi dbyangs gsar pa khag bzhi gsar gtod kyi dbyangs yig kyang mdzad/rab byung bcu gnyis pa'i lcags lug (1691)lor rgyud sdod mkhan po'i khrir phebs shing mi ring bar shar pa chos rje'i khrir phebs te 'chad nyan dang gtong sgo sogs yar rgyas bzang 'gran lta bur mdzad mus su mnga' ris mtho lding dgon gyi mkhan por phebs/der lo shas bzhugs shing /las rim blo sbyong/dbang/lung/bshad/khrid sogs gang la gang 'tshams pa'i mdo sngags kyi chos mang du gsungs/gsod nges kyi mi dang dud ro mang po'i srog skyob pa dang/dbul phongs rnams la nar ma dang 'phar ma'i sbyin gtong/yi ge dang/rtsis dang/sman sogs tha snyad ri gnas kyi slob sbyong la bskul ma/sde 'bangs phan tshul mthun sgril dang phan tshun rogs rab dgos pa'i bka' p+salob sogs yang yang gnang bas/mnga' ris dang la dwags khul gyi dpon 'bangs mang pos dam pa nyid sku tshe'i ring mnga' ris khul du bzhugs 'jags yong ba'i re ba skul sa gnas srid gzhung dang rje nyid la nan tan chen pos zhus par ba rten/khri chen bsam blo ba sbyin pa rgya mtsho khri lo gsum las ma bzhugs par sku gshegs pa'i rjes su dga' ldan khri la phabs res rje 'di yin kyang khri la phebs ma thub par mnga' ris su lo bzhi bzhugs pa'i ring khri chen tshul khrims dar rgyas kyis dga' ldan khri tshab mdzad dgos byung/de nas rab byung bcu gnyis pa'i sa yos (1699)lor gzhung dga' ldan pho brang nas dga' ldan gser khrir 'phral du phebs dgos pa'i bka' byung ba bzhin dbus su phebs nas/rgyal ba tshangs dbyangs rgya mtsho dang/paN chen rin po che/sde srid sangs rgyas rgya mtsho bcas la mjal 'phrad 'bul rten gya non pa phul zhing dga' ldan gyi khrir phebs te lo gcig lhag tsam nas dgongs pa mya ngan las 'das/sku gdung zhugs 'bul zhus pa'i dngul gdung lha babs mchod rten zhig bzhengs pa yangs pa can gyi bla ma lha khang nang bzhugs yod/dam pa de'i rnam thar ser smad mkhan po grags pa mkhas grub kyis mdzad pa dpar ma la grangs bcu bzhi yod

{{#arraymap:khri chen yang steng pa blo bzang chos 'phel

|; |@@@ | | }}