khya dge blo gros rgya mtsho

khya dge blo gros rgya mtsho

mdo smad co ne'i khul du yab klu 'bum yag dang yum lha mo mtsho gnyis kyi sras su rab byung bcu gcig pa'i shing 'brug (1664)lor 'khrungs/dgung lo bdun pa yi ge 'bri klog sbyangs brtson mdzad/lo lnga'i ring phyugs 'tsho ba'i zhor la yig rtsa chod nges kyi slob sbyong gnang/dgung lo bcu gcig la dbon gong ma lung rigs rgya mtsho'i drung nas rab byung bsgrubs te mtshan la blo gros rgya mtshor gsol/co ne chos ja dang mnyam du dbus su phebs nas 'bras spungs sgo mang grwa tshang du zhugs/khri chen dge 'dun phun tshogs (dga' ldan khri thog lnga bcu pa )de dus grwa rkyang slob gnyer gnang skabs dang khel bas khong gnyis 'dzin grwa gcig yin pa dang/slob gnyer yar rgyal yong chen 'dzin grwa gsham du babs nas phar phyin skabs dang po gnyis bskyar du slob sbyong gnang/paN chen bsod grags kyi 'dul ba thugs 'dzin gnang nas rwa stod grwa tshang du phebs te 'dul ba dang rnam 'grel sbyangs/gsang phu dbyar chos la grwa skor mdzad/pha bong kha pa ngag dbang bstan 'dzin gyi drung nas bsnyen rdzogs zhus/'jam dbyangs bzhad pa ngag dbang brtson 'grub dang/khri chen rgya nag pa blo gros rgya mtsho/bka' 'gyur ba sbyin pa rgya mtsho sogs bla ma dge bshes bcu lhag tsam bsten nas mdo sngags kyi chos rgya cher gsan/dbus kyi slob gnyer grub nas rang yul du phebs te dgos pa'i 'du kha dang rten gsum mang po gsar bzhengs gnang/dgung lo zhe gnyis pa phebs pa nas sku 'bum dang dgon lung sogs gnang dang dgon sde mang por mjal skor du phebs pa dang chabs cig dad ldan slob ma mang por 'dod mos dang 'tshams pa'i chos bka' yid tshim nges gnang/dgung lo mthon por phebs nas ri khrod du 'tsho ba ngan ngos tsam la brten nas sgom sgrub gtso bor mdzad de/dgung lo don bdun pa rab byung bcu gnyis pa'i lcags sprel (1740)lor sku gshegs/gsung rtsom gras 'jam dbyangs bzhad pa'i gsung rgyun zin bris su mdzad pa'i ('jigs byed dang bde mchog gi bskyed rim )dang/(rang nyid kyi rnam thar skal ldan re skong/) (ltung bshags kyi 'grel pa/) (lam rim la sbyar ba'i snyan ngag )sogs pod gcig tsam yod/(gsang ba'i rnam thar )khag gnyis ba ma rnam gnyis kyis mdzad pa yod kyang 'dir ma bris

{{#arraymap:khya dge blo gros rgya mtsho

|; |@@@ | | }}