ko sa la

ko sa la

mnyan yod kyi ming ste (shrA bsti 'am yang na shab s+t+ri )go rag pur nas me 'khor nang zhugs te khe ra rda dang de nas nub phyogs su song na bal ram pur dang/de nas mal le bcu tsam song ba na mnyan yod (sha lba sta )kyi gnas shul yod cing/ring gzhan ko sa la yang zer ba dang/deng sang yongs grags su sa he Ta ma hed zer/gnas der ko sa la pu ri zer ba rgyal po gsal rgyal gyi pho brang chags shul dang/de'i g.yon ngos su ston pas mchod rten/shar ngos su khyim bdag mgon med zas sbyin gyi khang shul sogs gna' shul 'ga' zhig yod/grong khyer gyi lho ngos su rgyang grags bzhi lnga tsam gyi sar rgyal byed tshal gyi gtsug lag khang gi shul yod cing/der sangs rgyas zhal bzhugs skabs kyi bzhugs gnas khag bzhi ste/1 ra dza ku Ti/2 ko'u sham b+hi ku Ti/3 ka ke ri ku Ti/4 gan d+ha ku Ti/(dri gtsang khang )bcas bzhi ka'i yul yod/de'ang nang gser gan d+ha ku Ti ni ston pa'i bzhugs gnas gtso bo yin cing/gnas 'di dang/ri dwags 'dzin gyi ma sa gas bzhengs pa'i shar gyi kun dga' ra bar bcas la khyon bsdoms lo nyi shu rtsa gsum bzhugs pa ma zad/mchog zung gnyis dang/lnga sde bzang po/gnas brten chen po bcu drug /ston pa'i 'khor gyi gtso bo nyan thos chen po brgyad cu zhes grags pa de kun kyang gnas 'dir rgyun ring bzhugs pa'i gnas yin pa/ston pas cho 'phrul chen po bstan nas mu stegs ston pa drug btul ba'i gnas kyang 'di yin/gzhan yang (btsan po'i 'dzam gling rgyas bshad )las rgyal byed tshal gyi gtsug lag khang gi nyer 'khor ci rigs par/lhas sbyin gyis dge 'dun gyi dbyen byas skabs de'i rjes su phyogs pa 'ga' zhig dang/bcom ldan 'das la skur pa btab mkhan gyi smad tshong ma/dge slong lhas byin sogs gson por mnar med lhung ba'i gshong chen po char chu ji tsam 'bab kyang gang mi thub pa zhig dang rgyal po 'phags skyes pos shAkyar dmag drangs skabs shAkya mo rnams yan lag bcad de bsad pa'i gnas dang de'i shul du bzhengs pa'i ma chod rten dang che bar 'phags skyes po mes tshig ste gson por tsha dmyal du lhung ba'i shul sogs gna' shul mang po yod/ko sa la zhes pa bod skad du dga' byed dbang phyug ces pa'i don yin par skad gnyis shan sbyar gyi gzhung 'ga' zhig las bshad

{{#arraymap:ko sa la

|; |@@@ | | }}